Bhagavata Purana — Skandha 5 — Chapter 8

SB 5 8.1

श्री-शुक उवाच एकदा तु महा-नद्यां कृताभिषेक-नैयमिकावश्यको ब्रह्माक्षरम् अभिगृणानो मुहूर्त-त्रयम् उदकान्त उपविवेश

śrī-śuka uvāca ekadā tu mahā-nadyāṃ kṛtābhiṣeka-naiyamikāvaśyako brahmākṣaram abhigṛṇāno muhūrta-trayam udakānta upaviveśa

Śrī Śuka said: But one day, having performed his bath and his obligatory daily duties in the great river, reciting the syllable of Brahman, he sat at the water's edge for three muhūrtas.

AI translation rendered from the Sanskrit, not a published edition

SB 5 8.2

_* तत्र तदा राजन् हरिणी पिपासया जलाशयाभ्याशम् एकैवोपजगाम

_* tatra tadā rājan hariṇī pipāsayā jalāśayābhyāśam ekaivopajagāma

Then, O King, a doe, alone, came there near the pool out of thirst.

AI translation rendered from the Sanskrit, not a published edition

SB 5 8.3

_* तया पेपीयमान उदके तावद् एवाविदूरेण नदतो मृग-पतेर् उन्नादो लोक-भयङ्कर उदपतत्

_* tayā pepīyamāna udake tāvad evāvidūreṇa nadato mṛga-pater unnādo loka-bhayaṅkara udapatat

While she was drinking the water deeply, just then, not far off, there arose the roar of a roaring lion, terrifying to the world.

AI translation rendered from the Sanskrit, not a published edition

SB 5 8.4

_* तम् उपश्रुत्य सा मृग-वधूः प्रकृति-विक्लवा चकित-निरीक्षणा सुतराम् अपि हरि-भयाभिनिवेश-व्यग्र-हृदया पारिप्लव-दृष्टिर् अगत-तृषा भयात् सहसैवोच्चक्राम

_* tam upaśrutya sā mṛga-vadhūḥ prakṛti-viklavā cakita-nirīkṣaṇā sutarām api hari-bhayābhiniveśa-vyagra-hṛdayā pāriplava-dṛṣṭir agata-tṛṣā bhayāt sahasaivoccakrāma

Hearing it, that doe, by nature timorous, with startled glances, her heart all the more agitated by the entry of fear of the lion, her gaze unsteady, her thirst unsatisfied, suddenly leapt up out of fear.

AI translation rendered from the Sanskrit, not a published edition

SB 5 8.5

_* तस्या उत्पतन्त्या अन्तर्वत्न्या उरु-भयावगलितो योनि-निर्गतो गर्भः स्रोतसि निपपात

_* tasyā utpatantyā antarvatnyā uru-bhayāvagalito yoni-nirgato garbhaḥ srotasi nipapāta

As she, being pregnant, leapt up, the fetus, slipping down from great fear, came out of the womb and fell into the current.

AI translation rendered from the Sanskrit, not a published edition

SB 5 8.6

_* तत्-प्रसवोत्सर्पण-भय-खेदातुरा स्व-गणेन वियुज्यमाना कस्याञ्चिद् दर्यां कृष्ण-सारसती निपपाताथ च ममार

_* tat-prasavotsarpaṇa-bhaya-khedāturā sva-gaṇena viyujyamānā kasyāñcid daryāṃ kṛṣṇa-sārasatī nipapātātha ca mamāra

Afflicted with the pain and fear of that delivery and of the leaping, and separated from her own herd, the black-antelope doe fell into some cave, and there she died.

AI translation rendered from the Sanskrit, not a published edition

SB 5 8.7

_* तं त्व् एण-कुणकं कृपणं स्रोतसानूह्यमानम् अभिवीक्ष्यापविद्धं बन्धुर् इवानुकम्पया राजर्षिर् भरत आदाय मृत-मातरम् इत्य् आश्रम-पदम् अनयत्

_* taṃ tv eṇa-kuṇakaṃ kṛpaṇaṃ srotasānūhyamānam abhivīkṣyāpaviddhaṃ bandhur ivānukampayā rājarṣir bharata ādāya mṛta-mātaram ity āśrama-padam anayat

But seeing that fawn, helpless, being borne along by the current, cast away, the royal sage Bharata, out of compassion, like a kinsman, took it up and, (thinking) "its mother is dead," brought it to his hermitage.

AI translation rendered from the Sanskrit, not a published edition

SB 5 8.8

_* तस्य ह वा एण-कुणक उच्चैर् एतस्मिन् कृत-निजाभिमानस्याहर्-अहस् तत्-पोषण-पालन-लालन-प्रीणनानुध्यानेनात्म-नियमाः सह-यमाः पुरुष-परिचर्यादय एकैकशः कतिपयेनाहर्-गणेन वियुज्यमानाः किल सर्व एवोदवसन्

_* tasya ha vā eṇa-kuṇaka uccair etasmin kṛta-nijābhimānasyāhar-ahas tat-poṣaṇa-pālana-lālana-prīṇanānudhyānenātma-niyamāḥ saha-yamāḥ puruṣa-paricaryādaya ekaikaśaḥ katipayenāhar-gaṇena viyujyamānāḥ kila sarva evodavasan

Now for him, who had formed a strong sense of "mine" upon this fawn, day after day, through his constant preoccupation with nourishing, guarding, fondling and pleasing it, his personal observances (niyamas) together with his restraints (yamas), and his service of the Supreme Person and the rest, being severed one by one within the course of a few days, all indeed came to an end.

AI translation rendered from the Sanskrit, not a published edition

SB 5 8.9

_* अहो बतायं हरिण-कुणकः कृपण ईश्वर-रथ-चरण-परिभ्रमण-रयेण स्व-गण-सुहृद्-बन्धुभ्यः परिवर्जितः शरणं च मोपसादितो माम् एव माता-पितरौ भ्रातृ-ज्ञातीन् यौथिकांश् चैवोपेयाय नान्यं कञ्चन वेद मय्य् अति-विस्रब्धश् चात एव मया मत्-परायणस्य पोषण-पालन-प्रीणन-लालनम् अनसूयुनानुष्ठेयं शरण्योपेक्षा-दोष-विदुषा

_* aho batāyaṃ hariṇa-kuṇakaḥ kṛpaṇa īśvara-ratha-caraṇa-paribhramaṇa-rayeṇa sva-gaṇa-suhṛd-bandhubhyaḥ parivarjitaḥ śaraṇaṃ ca mopasādito mām eva mātā-pitarau bhrātṛ-jñātīn yauthikāṃś caivopeyāya nānyaṃ kañcana veda mayy ati-visrabdhaś cāta eva mayā mat-parāyaṇasya poṣaṇa-pālana-prīṇana-lālanam anasūyunānuṣṭheyaṃ śaraṇyopekṣā-doṣa-viduṣā

"Alas! This poor fawn, by the force of the revolving of the wheel of the Lord's chariot, has been separated from its own herd, friends and kin, and has come to me for shelter. It looks to me alone as mother and father, brothers and kinsmen and herd-mates, and knows no one else, and is utterly trusting in me. For that very reason, by me, who know the fault of a refuge-giver's neglect, the nourishing, guarding, pleasing and fondling of this one that has made me its resort must be carried out without resentment."

AI translation rendered from the Sanskrit, not a published edition

SB 5 8.10

_* नूनं ह्य् आर्याः साधव उपशम-शीलाः कृपण-सुहृद एवं-विधार्थे स्वार्थान् अपि गुरुतरान् उपेक्षन्ते

_* nūnaṃ hy āryāḥ sādhava upaśama-śīlāḥ kṛpaṇa-suhṛda evaṃ-vidhārthe svārthān api gurutarān upekṣante

"Surely the noble, the good, those of peaceful disposition, the friends of the helpless, in a matter of this kind disregard even their own interests, however weighty."

AI translation rendered from the Sanskrit, not a published edition

SB 5 8.11

_* इति कृतानुषङ्ग आसन-शयनाटन-स्नानाशनादिषु सह मृग-जहुना स्नेहानुबद्ध-हृदय आसीत्

_* iti kṛtānuṣaṅga āsana-śayanāṭana-snānāśanādiṣu saha mṛga-jahunā snehānubaddha-hṛdaya āsīt

Having thus formed an attachment, he remained with the young deer in sitting, lying down, walking about, bathing, eating and the rest, his heart bound fast by affection.

AI translation rendered from the Sanskrit, not a published edition

SB 5 8.12

_* कुश-कुसुम-समित्-पलाश-फल-मूलोदकान्य् आहरिष्यमाणो वृकसाला-वृकादिभ्यो भयम् आशंसमानो यदा सह हरिण-कुणकेन वनं समाविशति

_* kuśa-kusuma-samit-palāśa-phala-mūlodakāny āhariṣyamāṇo vṛkasālā-vṛkādibhyo bhayam āśaṃsamāno yadā saha hariṇa-kuṇakena vanaṃ samāviśati

When, intending to gather kuśa grass, flowers, firewood, leaves, fruits, roots and water, he would enter the forest together with the fawn, apprehending danger from wolves, wild dogs and the like —

AI translation rendered from the Sanskrit, not a published edition

SB 5 8.13

_* पथिषु च मुग्ध-भावेन तत्र तत्र विषक्त-मति-प्रणय-भर-हृदयः कार्पण्यात् स्कन्धेनोद्वहति एवम् उत्सङ्ग उरसि चाधायोपलालयन् मुदं परमाम् अवाप

_* pathiṣu ca mugdha-bhāvena tatra tatra viṣakta-mati-praṇaya-bhara-hṛdayaḥ kārpaṇyāt skandhenodvahati evam utsaṅga urasi cādhāyopalālayan mudaṃ paramām avāpa

— and on the paths, when out of its innocence its mind got caught here and there, he, his heart laden with a burden of affection, out of pity would carry it on his shoulder; and so, setting it in his lap and on his breast and fondling it, he obtained the highest delight.

AI translation rendered from the Sanskrit, not a published edition

SB 5 8.14

_* क्रियायां निर्वर्त्यमानायाम् अन्तराले ऽप्य् उत्थायोत्थाय यदैनम् अभिचक्षीत तर्हि वाव स वर्ष-पतिः प्रकृति-स्थेन मनसा तस्मा आशिष आशास्ते स्वस्ति स्ताद् वत्स ते सर्वत इति

_* kriyāyāṃ nirvartyamānāyām antarāle 'py utthāyotthāya yadainam abhicakṣīta tarhi vāva sa varṣa-patiḥ prakṛti-sthena manasā tasmā āśiṣa āśāste svasti stād vatsa te sarvata iti

Even while a rite was being performed, rising up again and again in the intervals, whenever he would look at it, then indeed that lord of the region, with his mind set at ease, would pronounce blessings upon it: "May all be well with you, child, on every side."

AI translation rendered from the Sanskrit, not a published edition

SB 5 8.15

_* अन्यदा भृशम् उद्विग्न-मना नष्ट-द्रविण इव कृपणः सकरुणम् अति-तर्षेण हरिण-कुणक-विरह-विह्वल-हृदय-सन्तापस् तम् एवानुशोचन् किल कश्मलं महद् अभिरम्भित इति होवाच

_* anyadā bhṛśam udvigna-manā naṣṭa-draviṇa iva kṛpaṇaḥ sakaruṇam ati-tarṣeṇa hariṇa-kuṇaka-viraha-vihvala-hṛdaya-santāpas tam evānuśocan kila kaśmalaṃ mahad abhirambhita iti hovāca

On another occasion, his mind sorely agitated, wretched like one who has lost his wealth, piteously, out of excessive longing, his heart's torment overwhelmed by separation from the fawn, grieving for it alone, seized, it is said, by great dejection, he spoke thus:

AI translation rendered from the Sanskrit, not a published edition

SB 5 8.16

_* अपि बत स वै कृपण एण-बालको मृत-हरिणी-सुतो ऽहो ममानार्यस्य शठ-किरात-मतेर् अकृत-सुकृतस्य कृत-विस्रम्भ आत्म-प्रत्ययेन तद् अविगणयन् सुजन इवागमिष्यति

_* api bata sa vai kṛpaṇa eṇa-bālako mṛta-hariṇī-suto 'ho mamānāryasya śaṭha-kirāta-mater akṛta-sukṛtasya kṛta-visrambha ātma-pratyayena tad avigaṇayan sujana ivāgamiṣyati

"Ah, will that poor young deer, son of the dead doe, who placed his trust — through confidence in me — in me, ignoble as I am, with the mind of a crafty hunter, having done no good deed, will he, disregarding that, come back as if to a good man?"

AI translation rendered from the Sanskrit, not a published edition

SB 5 8.17

_* अपि क्षेमेणास्मिन्न् आश्रमोपवने शष्पाणि चरन्तं देव-गुप्तं द्रक्ष्यामि

_* api kṣemeṇāsminn āśramopavane śaṣpāṇi carantaṃ deva-guptaṃ drakṣyāmi

"Shall I see him safely grazing the tender grass in this hermitage grove, guarded by the gods?"

AI translation rendered from the Sanskrit, not a published edition

SB 5 8.18

_* अपि च न वृकः साला-वृको ऽन्यतमो वा नैक-चर एक-चरो वा भक्षयति

_* api ca na vṛkaḥ sālā-vṛko 'nyatamo vā naika-cara eka-caro vā bhakṣayati

"And is no wolf, or wild dog, or some other creature, whether hunting in packs or hunting alone, devouring him?"

AI translation rendered from the Sanskrit, not a published edition

SB 5 8.19

_* निम्लोचति ह भगवान् सकल-जगत्-क्षेमोदयस् त्रय्य्-आत्माद्यापि मम न मृग-वधू-न्यास आगच्छति

_* nimlocati ha bhagavān sakala-jagat-kṣemodayas trayy-ātmādyāpi mama na mṛga-vadhū-nyāsa āgacchati

"The lord (the sun), whose rising is the welfare of the whole world, whose very self is the threefold Veda, is now setting, and even now that trust deposited with me by the doe does not come back."

AI translation rendered from the Sanskrit, not a published edition

SB 5 8.20

_* अपि स्विद् अकृत-सुकृतम् आगत्य मां सुखयिष्यति हरिण-राज-कुमारो विविध-रुचिर-दर्शनीय-निज-मृग-दारक-विनोदैर् असन्तोषं स्वानाम् अपनुदन्

_* api svid akṛta-sukṛtam āgatya māṃ sukhayiṣyati hariṇa-rāja-kumāro vividha-rucira-darśanīya-nija-mṛga-dāraka-vinodair asantoṣaṃ svānām apanudan

"Will that prince among deer perhaps come and make me happy, who have done no meritorious deed, dispelling the discontent of his own people with the many charming, delightful sports of a young deer?"

AI translation rendered from the Sanskrit, not a published edition

SB 5 8.21

_* क्ष्वेलिकायां मां मृषा-समाधिनामीलित-दृशं प्रेम-संरम्भेण चकित-चकित आगत्य पृषद्-अपरुष-विषाणाग्रेण लुठति

_* kṣvelikāyāṃ māṃ mṛṣā-samādhināmīlita-dṛśaṃ prema-saṃrambheṇa cakita-cakita āgatya pṛṣad-aparuṣa-viṣāṇāgreṇa luṭhati

"In play, when my eyes are closed in a feigned trance, he comes with a rush of love, all a-tremble, and nudges me with the tip of his soft, dappled horn."

AI translation rendered from the Sanskrit, not a published edition

SB 5 8.22

_* आसादित-हविषि बर्हिषि दूषिते मयोपालब्धो भीत-भीतः सपद्य् उपरत-रास ऋषि-कुमारवद् अवहित-करण-कलाप आस्ते

_* āsādita-haviṣi barhiṣi dūṣite mayopālabdho bhīta-bhītaḥ sapady uparata-rāsa ṛṣi-kumāravad avahita-karaṇa-kalāpa āste

"When the sacred grass had been defiled after the oblation was set out, and he was rebuked by me, then, in great fear, at once ceasing his frolic, he would sit like a sage's son with the whole set of his senses controlled."

AI translation rendered from the Sanskrit, not a published edition

SB 5 8.23

_* किं वा अरे आचरितं तपस् तपस्विन्यानया यद् इयम् अवनिः सविनय-कृष्ण-सार-तनय-तनुतर-सुभग-शिवतमाखर-खुर-पद-पङ्क्तिभिर् द्रविण-विधुरातुरस्य कृपणस्य मम द्रविण-पदवीं सूचयन्त्य् आत्मानं च सर्वतः कृत-कौतुकं द्विजानां स्वर्गापवर्ग-कामानां देव-यजनं करोति

_* kiṃ vā are ācaritaṃ tapas tapasvinyānayā yad iyam avaniḥ savinaya-kṛṣṇa-sāra-tanaya-tanutara-subhaga-śivatamākhara-khura-pada-paṅktibhir draviṇa-vidhurāturasya kṛpaṇasya mama draviṇa-padavīṃ sūcayanty ātmānaṃ ca sarvataḥ kṛta-kautukaṃ dvijānāṃ svargāpavarga-kāmānāṃ deva-yajanaṃ karoti

"Or what austerity, my friend, has this austere earth performed, that she points out to me — wretched, distressed and afflicted at the loss of my treasure — the track of my treasure by the rows of hoof-prints of the well-behaved black antelope's child, prints most slender, lovely, most auspicious and not harsh; and makes herself, become an object of wonder on all sides, a place of sacrifice to the gods for the twice-born who desire heaven and liberation."

AI translation rendered from the Sanskrit, not a published edition — the model flagged this verse as uncertain

SB 5 8.24

_* अपि स्विद् असौ भगवान् उडु-पतिर् एनं मृग-पति-भयान् मृत-मातरं मृग-बालकं स्वाश्रम-परिभ्रष्टम् अनुकम्पया कृपण-जन-वत्सलः परिपाति

_* api svid asau bhagavān uḍu-patir enaṃ mṛga-pati-bhayān mṛta-mātaraṃ mṛga-bālakaṃ svāśrama-paribhraṣṭam anukampayā kṛpaṇa-jana-vatsalaḥ paripāti

"Or perhaps that lord the moon, who is tender toward the helpless, out of compassion is protecting this young deer, whose mother is dead and who has strayed from his own hermitage, from fear of the lion?"

AI translation rendered from the Sanskrit, not a published edition

SB 5 8.25

_* किं वात्मज-विश्लेष-ज्वर-दव-दहन-शिखाभिर् उपतप्यमान-हृदय-स्थल-नलिनीकं माम् उपसृत-मृगी-तनयं शिशिर-शान्तानुराग-गुणित-निज-वदन-सलिलामृतमय-गभस्तिभिः स्वधयतीति च

_* kiṃ vātmaja-viśleṣa-jvara-dava-dahana-śikhābhir upatapyamāna-hṛdaya-sthala-nalinīkaṃ mām upasṛta-mṛgī-tanayaṃ śiśira-śāntānurāga-guṇita-nija-vadana-salilāmṛtamaya-gabhastibhiḥ svadhayatīti ca

"Or is he cheering me — whose heart's pond-lotus is scorched by the flames of the forest fire of the fever of separation from my child, me to whom the doe's son had come — with his rays made of the nectar-water of his own face, cool, soothing, and multiplied by love?"

AI translation rendered from the Sanskrit, not a published edition — the model flagged this verse as uncertain

SB 5 8.26

_* एवम् अघटमान-मनोरथाकुल-हृदयो मृग-दारकाभासेन स्वारब्ध-कर्मणा योगारम्भणतो विभ्रंशितः स योग-तापसो भगवद्-आराधन-लक्षणाच् च कथम् इतरथा जात्य्-अन्तर एण-कुणक आसङ्गः साक्षान् निःश्रेयस-प्रतिपक्षतया प्राक्-परित्यक्त-दुस्त्यज-हृदयाभिजातस्य तस्यैवम् अन्तराय-विहत-योगारम्भणस्य राजर्षेर् भरतस्य तावन् मृगार्भक-पोषण-पालन-प्रीणन-लालनानुषङ्गेणाविगणयत आत्मानम् अहिर् इवाखु-बिलं दुरतिक्रमः कालः कराल-रभस आपद्यत

_* evam aghaṭamāna-manorathākula-hṛdayo mṛga-dārakābhāsena svārabdha-karmaṇā yogārambhaṇato vibhraṃśitaḥ sa yoga-tāpaso bhagavad-ārādhana-lakṣaṇāc ca katham itarathā jāty-antara eṇa-kuṇaka āsaṅgaḥ sākṣān niḥśreyasa-pratipakṣatayā prāk-parityakta-dustyaja-hṛdayābhijātasya tasyaivam antarāya-vihata-yogārambhaṇasya rājarṣer bharatasya tāvan mṛgārbhaka-poṣaṇa-pālana-prīṇana-lālanānuṣaṅgeṇāvigaṇayata ātmānam ahir ivākhu-bilaṃ duratikramaḥ kālaḥ karāla-rabhasa āpadyata

Thus, with his heart agitated by longings that could not be fulfilled, that ascetic of yoga was made to fall away from his undertaking of yoga — and from the practice characterized by worship of the Lord — by his own begun karma appearing in the form of a deer's fawn. For how else could there be such attachment to a fawn of another species, in one who had earlier abandoned his own hard-to-abandon offspring born of his heart, since (such attachment) is directly opposed to the highest good? While this royal sage Bharata, whose undertaking of yoga had thus been struck down by an obstacle, took no account of himself because of his engrossment in the feeding, guarding, gratifying and fondling of the deer's young one, time — hard to escape, of dreadful swiftness — came upon (him) like a snake upon a mouse's hole.

AI translation rendered from the Sanskrit, not a published edition

SB 5 8.27

_* तदानीम् अपि पार्श्व-वर्तिनम् आत्मजम् इवानुशोचन्तम् अभिवीक्षमाणो मृग एवाभिनिवेशित-मना विसृज्य लोकम् इमं सह मृगेण कलेवरं मृतम् अनु न मृत-जन्मानुस्मृतिर् इतरवन् मृग-शरीरम् अवाप

_* tadānīm api pārśva-vartinam ātmajam ivānuśocantam abhivīkṣamāṇo mṛga evābhiniveśita-manā visṛjya lokam imaṃ saha mṛgeṇa kalevaraṃ mṛtam anu na mṛta-janmānusmṛtir itaravan mṛga-śarīram avāpa

Even at that moment, gazing at the deer standing at his side, grieving like his own son, his mind fixed on the deer alone, he left this world; and having died together with the deer, he obtained a deer's body — but not without the memory of his previous birth, as is the case with others.

AI translation rendered from the Sanskrit, not a published edition

SB 5 8.28

_* तत्रापि ह वा आत्मनो मृगत्व-कारणं भगवद्-आराधन-समीहानुभावेनानुस्मृत्य भृशम् अनुतप्यमान आह

_* tatrāpi ha vā ātmano mṛgatva-kāraṇaṃ bhagavad-ārādhana-samīhānubhāvenānusmṛtya bhṛśam anutapyamāna āha

There too, recollecting by the power of his effort in worshipping the Lord the cause of his own deer-state, and grieving intensely, he said:

AI translation rendered from the Sanskrit, not a published edition

SB 5 8.29

_* अहो कष्टं भ्रष्टो ऽहम् आत्मवताम् अनुपथाद् यद्-विमुक्त-समस्त-सङ्गस्य विविक्त-पुण्यारण्य-शरणस्यात्मवत आत्मनि सर्वेषाम् आत्मनां भगवति वासुदेवे तद्-अनुश्रवण-मनन-सङ्कीर्तनाराधनानुस्मरणाभियोगेनाशून्य-सकल-यामेन कालेन समावेशितं समाहितं कार्त्स्न्येन मनस् तत् तु पुनर् ममाबुधस्यारान् मृग-सुतम् अनु परिसुस्राव

_* aho kaṣṭaṃ bhraṣṭo 'ham ātmavatām anupathād yad-vimukta-samasta-saṅgasya vivikta-puṇyāraṇya-śaraṇasyātmavata ātmani sarveṣām ātmanāṃ bhagavati vāsudeve tad-anuśravaṇa-manana-saṅkīrtanārādhanānusmaraṇābhiyogenāśūnya-sakala-yāmena kālena samāveśitaṃ samāhitaṃ kārtsnyena manas tat tu punar mamābudhasyārān mṛga-sutam anu parisusrāva

"Alas, what a calamity! I have fallen from the path of the self-controlled — for I had given up all attachment, taken refuge in a solitary holy forest, and was self-controlled; and my mind had been wholly entered into and concentrated upon the Self of all selves, the Lord Vāsudeva, by the practice of hearing about Him, reflecting, chanting, worshipping and remembering, with all the watches of my time left unempty; yet that mind of mine, fool that I am, again trickled away far off, after a deer's young one."

AI translation rendered from the Sanskrit, not a published edition

SB 5 8.30

_* इत्य् एवं निगूढ-निर्वेदो विसृज्य मृगीं मातरं पुनर् भगवत्-क्षेत्रम् उपशम-शील-मुनि-गण-दयितं शालग्रामं पुलस्त्य-पुलहाश्रमं कालञ्जरात् प्रत्याजगाम

_* ity evaṃ nigūḍha-nirvedo visṛjya mṛgīṃ mātaraṃ punar bhagavat-kṣetram upaśama-śīla-muni-gaṇa-dayitaṃ śālagrāmaṃ pulastya-pulahāśramaṃ kālañjarāt pratyājagāma

Thus, with his renunciation kept hidden, he abandoned his mother the doe and came back from Kālañjara to the Lord's holy place, Śālagrāma, the hermitage of Pulastya and Pulaha, dear to the hosts of sages of peaceful disposition.

AI translation rendered from the Sanskrit, not a published edition

SB 5 8.31

_* तस्मिन्न् अपि कालं प्रतीक्षमाणः सङ्गाच् च भृशम् उद्विग्न आत्म-सहचरः शुष्क-पर्ण-तृण-वीरुधा वर्तमानो मृगत्व-निमित्तावसानम् एव गणयन् मृग-शरीरं तीर्थोदक-क्लिन्नम् उत्-ससर्ज

_* tasminn api kālaṃ pratīkṣamāṇaḥ saṅgāc ca bhṛśam udvigna ātma-sahacaraḥ śuṣka-parṇa-tṛṇa-vīrudhā vartamāno mṛgatva-nimittāvasānam eva gaṇayan mṛga-śarīraṃ tīrthodaka-klinnam ut-sasarja

There too, awaiting (his) time, and greatly alarmed at association, keeping himself as his own only companion, living on dry leaves, grass and creepers, counting on nothing but the ending of the cause of his deer-state, he gave up the deer body, wet with the water of the holy place.

AI translation rendered from the Sanskrit, not a published edition