Bhagavata Purana — Skandha 5 — Chapter 24
SB 5 24.1
श्री-शुक उवाच अधस्तात् सवितुर् योजनायुते स्वर्भानुर् नक्षत्रवच् चरतीत्य् एके यो ऽसाव् अमरत्वं ग्रहत्वं चालभत भगवद्-अनुकम्पया स्वयम् असुरापसदः सैंहिकेयो ह्य् अतद्-अर्हस् तस्य तात जन्म कर्माणि चोपरिष्टाद् वक्ष्यामः
śrī-śuka uvāca adhastāt savitur yojanāyute svarbhānur nakṣatravac caratīty eke yo 'sāv amaratvaṃ grahatvaṃ cālabhata bhagavad-anukampayā svayam asurāpasadaḥ saiṃhikeyo hy atad-arhas tasya tāta janma karmāṇi copariṣṭād vakṣyāmaḥ
Śrī Śuka said: Some say that ten thousand yojanas below the sun, Svarbhānu moves like a star (planet). He, though himself the lowest of the asuras, the son of Siṃhikā, obtained immortality and the status of a planet by the Lord's mercy, though not deserving of it. His birth and deeds, dear one, we shall relate later.
AI translation rendered from the Sanskrit, not a published edition
SB 5 24.2
_* यद् अदस् तरणेर् मण्डलं प्रतपतस् तद् विस्तरतो योजनायुतम् आचक्षते द्वादश-सहस्रं सोमस्य त्रयोदश-सहस्रं राहोर् यः पर्वणि तद्-व्यवधान-कृद् वैरानुबन्धः सूर्या-चन्द्रमसाव् अभिधावति
_* yad adas taraṇer maṇḍalaṃ pratapatas tad vistarato yojanāyutam ācakṣate dvādaśa-sahasraṃ somasya trayodaśa-sahasraṃ rāhor yaḥ parvaṇi tad-vyavadhāna-kṛd vairānubandhaḥ sūryā-candramasāv abhidhāvati
That disc of the burning sun—they say it is ten thousand yojanas in extent; the moon's, twelve thousand; Rāhu's, thirteen thousand. He, out of persisting enmity, being the one who causes their eclipsing, rushes at the sun and moon at the (full and new) moon junctures.
AI translation rendered from the Sanskrit, not a published edition
SB 5 24.3
_* तन् निशम्योभयत्रापि भगवता रक्षणाय प्रयुक्तं सुदर्शनं नाम भागवतं दयितम् अस्त्रं तत् तेजसा दुर्विषहं मुहुः परिवर्तमानम् अभ्यवस्थितो मुहूर्तम् उद्विजमानश् चकित-हृदय आराद् एव निवर्तते तद् उपरागम् इति वदन्ति लोकाः
_* tan niśamyobhayatrāpi bhagavatā rakṣaṇāya prayuktaṃ sudarśanaṃ nāma bhāgavataṃ dayitam astraṃ tat tejasā durviṣahaṃ muhuḥ parivartamānam abhyavasthito muhūrtam udvijamānaś cakita-hṛdaya ārād eva nivartate tad uparāgam iti vadanti lokāḥ
Having noticed that, the Lord's beloved weapon named Sudarśana, employed by the Lord for the protection of both, unbearable by reason of its heat, continually revolving—(Rāhu), having faced it, stands only for a moment, and being agitated, with trembling heart, turns back from a distance. People call this the eclipse.
AI translation rendered from the Sanskrit, not a published edition
SB 5 24.4
_* ततो ऽधस्तात् सिद्ध-चारण-विद्याधराणां सदनानि तावन् मात्र एव
_* tato 'dhastāt siddha-cāraṇa-vidyādharāṇāṃ sadanāni tāvan mātra eva
Below that, at just that same distance, are the dwellings of the Siddhas, Cāraṇas and Vidyādharas.
AI translation rendered from the Sanskrit, not a published edition
SB 5 24.5
_* ततो ऽधस्ताद् यक्ष-रक्षः-पिशाच-प्रेत-भूत-गणानां विहाराजिरम् अन्तरिक्षं यावद् वायुः प्रवाति यावन् मेघा उपलभ्यन्ते
_* tato 'dhastād yakṣa-rakṣaḥ-piśāca-preta-bhūta-gaṇānāṃ vihārājiram antarikṣaṃ yāvad vāyuḥ pravāti yāvan meghā upalabhyante
Below that is the sky, the playground of the hosts of Yakṣas, Rākṣasas, Piśācas, Pretas and Bhūtas—as far as the wind blows and as far as clouds are seen.
AI translation rendered from the Sanskrit, not a published edition
SB 5 24.6
_* ततो ऽधस्ताच् छत-योजनान्तर इयं पृथिवी यावद् धंस-भास-श्येन-सुपर्णादयः पतत्त्रि-प्रवरा उत्पतन्तीति
_* tato 'dhastāc chata-yojanāntara iyaṃ pṛthivī yāvad dhaṃsa-bhāsa-śyena-suparṇādayaḥ patattri-pravarā utpatantīti
Below that, at an interval of a hundred yojanas, is this earth—as high as swans, vultures, hawks, eagles and other foremost of birds fly up.
AI translation rendered from the Sanskrit, not a published edition
SB 5 24.7
_* उपवर्णितं भूमेर् यथा-सन्निवेशावस्थानम् अवनेर् अप्य् अधस्तात् सप्त भू-विवरा एकैकशो योजनायुतान्तरेणायाम-विस्तारेणोपकॢप्ता अतलं वितलं सुतलं तलातलं महातलं रसातलं पातालम् इति
_* upavarṇitaṃ bhūmer yathā-sanniveśāvasthānam avaner apy adhastāt sapta bhū-vivarā ekaikaśo yojanāyutāntareṇāyāma-vistāreṇopakḷptā atalaṃ vitalaṃ sutalaṃ talātalaṃ mahātalaṃ rasātalaṃ pātālam iti
The arrangement and situation of the earth has been described. Below the earth too are seven cavities of the earth, each one laid out with an interval of ten thousand yojanas, and (each) of that length and breadth: Atala, Vitala, Sutala, Talātala, Mahātala, Rasātala and Pātāla.
AI translation rendered from the Sanskrit, not a published edition
SB 5 24.8
_* एतेषु हि बिल-स्वर्गेषु स्वर्गाद् अप्य् अधिक-काम-भोगैश्वर्यानन्द-भूति-विभूतिभिः सुसमृद्ध-भवनोद्यानाक्रीड-विहारेषु दैत्य-दानव-काद्रवेया नित्य-प्रमुदितानुरक्त-कलत्रापत्य-बन्धु-सुहृद्-अनुचरा गृह-पतय ईश्वराद् अप्य् अप्रतिहत-कामा माया-विनोदा निवसन्ति
_* eteṣu hi bila-svargeṣu svargād apy adhika-kāma-bhogaiśvaryānanda-bhūti-vibhūtibhiḥ susamṛddha-bhavanodyānākrīḍa-vihāreṣu daitya-dānava-kādraveyā nitya-pramuditānurakta-kalatrāpatya-bandhu-suhṛd-anucarā gṛha-pataya īśvarād apy apratihata-kāmā māyā-vinodā nivasanti
In these subterranean heavens, which surpass heaven itself in pleasures, enjoyments, power, bliss, prosperity and opulence, with their richly abundant mansions, gardens, pleasure-grounds and resorts, dwell the Daityas, Dānavas and the sons of Kadru—householders always joyful, with devoted wives, children, kinsmen, friends and attendants, their desires unobstructed even by the Lord, delighting in magic.
AI translation rendered from the Sanskrit, not a published edition
SB 5 24.9
_* येषु महाराज मयेन मायाविना विनिर्मिताः पुरो नाना-मणि-प्रवर-प्रवेक-विरचित-विचित्र-भवन-प्राकार-गोपुर-सभा-चैत्य-चत्वरायतनादिभिर् नागासुर-मिथुन-पारावत-शुक-सारिकाकीर्ण-कृत्रिम-भूमिभिर् विवरेश्वर-गृहोत्तमैः समलङ्कृताश् चकासति
_* yeṣu mahārāja mayena māyāvinā vinirmitāḥ puro nānā-maṇi-pravara-praveka-viracita-vicitra-bhavana-prākāra-gopura-sabhā-caitya-catvarāyatanādibhir nāgāsura-mithuna-pārāvata-śuka-sārikākīrṇa-kṛtrima-bhūmibhir vivareśvara-gṛhottamaiḥ samalaṅkṛtāś cakāsati
In these, O great king, shine cities built by Maya the magician, adorned with excellent dwellings of the lords of the caverns—with wondrous palaces, ramparts, gateways, assembly halls, temples, courtyards, shrines and the like fashioned from the choicest select gems, and with artificial grounds thronged with pairs of Nāgas and Asuras, and with pigeons, parrots and mynas.
AI translation rendered from the Sanskrit, not a published edition
SB 5 24.10
_* उद्यानानि चातितरां मन-इन्द्रियानन्दिभिः कुसुम-फल-स्तबक-सुभग-किसलयावनत-रुचिर-विटप-विटपिनां लताङ्गालिङ्गितानां श्रीभिः समिथुन-विविध-विहङ्गम-जलाशयानाम् अमल-जल-पूर्णानां झषकुलोल्लङ्घन-क्षुभित-नीर-नीरज-कुमुद-कुव-लय-कह्लार-नीलोत्पल-लोहित-शतपत्रादि-वनेषु कृत-निकेतनानाम् एक-विहाराकुल-मधुर-विविध-स्वनादिभिर् इन्द्रियोत्सवैर् अमर-लोक-श्रियम् अतिशयितानि
_* udyānāni cātitarāṃ mana-indriyānandibhiḥ kusuma-phala-stabaka-subhaga-kisalayāvanata-rucira-viṭapa-viṭapināṃ latāṅgāliṅgitānāṃ śrībhiḥ samithuna-vividha-vihaṅgama-jalāśayānām amala-jala-pūrṇānāṃ jhaṣakulollaṅghana-kṣubhita-nīra-nīraja-kumuda-kuva-laya-kahlāra-nīlotpala-lohita-śatapatrādi-vaneṣu kṛta-niketanānām eka-vihārākula-madhura-vividha-svanādibhir indriyotsavair amara-loka-śriyam atiśayitāni
And the gardens exceedingly surpass the splendour of the world of the immortals, with (features) that delight the mind and senses: with the beauties of trees whose lovely boughs bend down under clusters of flowers and fruits and charming young shoots, embraced by the limbs of creepers; and with pools filled with clear water, frequented by various water-birds in pairs, birds that have made their homes in the thickets of lotuses, white lilies, kuvalayas, kahlāras, blue lotuses, red lotuses of a hundred petals and the like, in water stirred by leaping shoals of fish—(pools filled) with festivals for the senses such as the sweet and various sounds of (birds) absorbed in play together.
AI translation rendered from the Sanskrit, not a published edition — the model flagged this verse as uncertain
SB 5 24.11
_* यत्र ह वाव न भयम् अहो-रात्रादिभिः काल-विभागैर् उपलक्ष्यते
_* yatra ha vāva na bhayam aho-rātrādibhiḥ kāla-vibhāgair upalakṣyate
There indeed no fear is perceived from the divisions of time such as day and night.
AI translation rendered from the Sanskrit, not a published edition
SB 5 24.12
_* यत्र हि महाहि-प्रवर-शिरो-मणयः सर्वं तमः प्रबाधन्ते
_* yatra hi mahāhi-pravara-śiro-maṇayaḥ sarvaṃ tamaḥ prabādhante
There the crest-jewels of the great foremost serpents drive away all darkness.
AI translation rendered from the Sanskrit, not a published edition
SB 5 24.13
_* न वा एतेषु वसतां दिव्यौषधि-रस-रसायनान्न-पान-स्नानादिभिर् आधयो व्याधयो वली-पलित-जरादयश् च देह-वैवर्ण्य-दौर्गन्ध्य-स्वेद-क्लम-ग्लानिर् इति वयो ऽवस्थाश् च भवन्ति
_* na vā eteṣu vasatāṃ divyauṣadhi-rasa-rasāyanānna-pāna-snānādibhir ādhayo vyādhayo valī-palita-jarādayaś ca deha-vaivarṇya-daurgandhya-sveda-klama-glānir iti vayo 'vasthāś ca bhavanti
Nor do those who dwell there, because of divine herbs, juices, elixirs, food, drink, baths and so forth, have mental afflictions or bodily diseases; nor wrinkles, grey hair, old age and the like; nor pallor of the body, bad odour, sweat, fatigue and weariness; nor the (declining) stages of age.
AI translation rendered from the Sanskrit, not a published edition
SB 5 24.14
_* न हि तेषां कल्याणानां प्रभवति कुतश्चन मृत्युर् विना भगवत्-तेजसश् चक्रापदेशात्
_* na hi teṣāṃ kalyāṇānāṃ prabhavati kutaścana mṛtyur vinā bhagavat-tejasaś cakrāpadeśāt
Indeed, for those fortunate ones death does not prevail from any source, except from the Lord's splendour in the guise of the disc (Sudarśana).
AI translation rendered from the Sanskrit, not a published edition
SB 5 24.15
_* यस्मिन् प्रविष्टे ऽसुर-वधूनां प्रायः पुंसवनानि भयाद् एव स्रवन्ति पतन्ति च
_* yasmin praviṣṭe 'sura-vadhūnāṃ prāyaḥ puṃsavanāni bhayād eva sravanti patanti ca
When it enters (there), the embryos of the Asuras' wives generally miscarry and fall out of sheer fear.
AI translation rendered from the Sanskrit, not a published edition
SB 5 24.16
_* अथातले मय-पुत्रो ऽसुरो बलो निवसति येन ह वा इह सृष्टाः षण्-णवतिर् मायाः काश्चनाद्यापि मायाविनो धारयन्ति यस्य च जृम्भमाणस्य मुखतस् त्रयः स्त्री-गणा उदपद्यन्त स्वैरिण्यः कामिन्यः पुंश्चल्य इति या वै बिलायनं प्रविष्टं पुरुषं रसेन हाटकाख्येन साधयित्वा स्व-विलासावलोकनानुराग-स्मित-संलापोपगूहनादिभिः स्वैरं किल रमयन्ति यस्मिन्न् उपयुक्ते पुरुष ईश्वरो ऽहं सिद्धो ऽहम् इत्य् अयुत-महा-गज-बलम् आत्मानम् अभिमन्यमानः कत्थते मदान्ध इव
_* athātale maya-putro 'suro balo nivasati yena ha vā iha sṛṣṭāḥ ṣaṇ-ṇavatir māyāḥ kāścanādyāpi māyāvino dhārayanti yasya ca jṛmbhamāṇasya mukhatas trayaḥ strī-gaṇā udapadyanta svairiṇyaḥ kāminyaḥ puṃścalya iti yā vai bilāyanaṃ praviṣṭaṃ puruṣaṃ rasena hāṭakākhyena sādhayitvā sva-vilāsāvalokanānurāga-smita-saṃlāpopagūhanādibhiḥ svairaṃ kila ramayanti yasminn upayukte puruṣa īśvaro 'haṃ siddho 'ham ity ayuta-mahā-gaja-balam ātmānam abhimanyamānaḥ katthate madāndha iva
Now in Atala dwells the Asura Bala, son of Maya, by whom were produced here ninety-six magic arts, some of which magicians even now employ. And from his mouth, as he yawned, there arose three classes of women: svairiṇīs, kāminīs and puṃścalīs. These, indeed, having fortified a man who has entered the cavern-dwelling with a fluid called hāṭaka, sport with him at will by their coquettish glances, loving smiles, conversation, embraces and the like; and when it has been consumed, a man, fancying himself to have the strength of ten thousand great elephants, boasts, "I am the lord, I am perfected," like one blinded by intoxication.
AI translation rendered from the Sanskrit, not a published edition
SB 5 24.17
_* ततो ऽधस्ताद् वितले हरो भगवान् हाटकेश्वरः स्व-पार्षद-भूत-गणावृतः प्रजापति-सर्गोपबृंहणाय भवो भवान्या सह मिथुनी-भूत आस्ते यतः प्रवृत्ता सरित्-प्रवरा हाटकी नाम भवयोर् वीर्येण यत्र चित्रभानुर् मातरिश्वना समिध्यमान ओजसा पिबति तन् निष्ठ्यूतं हाटकाख्यं सुवर्णं भूषणेनासुरेन्द्रावरोधेषु पुरुषाः सह पुरुषीभिर् धारयन्ति
_* tato 'dhastād vitale haro bhagavān hāṭakeśvaraḥ sva-pārṣada-bhūta-gaṇāvṛtaḥ prajāpati-sargopabṛṃhaṇāya bhavo bhavānyā saha mithunī-bhūta āste yataḥ pravṛttā sarit-pravarā hāṭakī nāma bhavayor vīryeṇa yatra citrabhānur mātariśvanā samidhyamāna ojasā pibati tan niṣṭhyūtaṃ hāṭakākhyaṃ suvarṇaṃ bhūṣaṇenāsurendrāvarodheṣu puruṣāḥ saha puruṣībhir dhārayanti
Below that, in Vitala, the divine Hara, lord of Hāṭaka, surrounded by his own attendants and hosts of bhūtas—Bhava—remains united with Bhavānī for the furthering of Prajāpati's creation. From there flows the foremost of rivers named Hāṭakī, (arisen) from the virility of the two, Bhava and Bhavānī. There Fire, fanned by the wind, blazing, drinks it with force, and the gold called hāṭaka which he spits out—that the men, together with the women, wear as ornament in the harems of the Asura lords.
AI translation rendered from the Sanskrit, not a published edition
SB 5 24.18
_* ततो ऽधस्तात् सुतले उदार-श्रवाः पुण्य-श्लोको विरोचनात्मजो बलिर् भगवता महेन्द्रस्य प्रियं चिकीर्षमाणेनादितेर् लब्ध-कायो भूत्वा वटु-वामन-रूपेण पराक्षिप्त-लोक-त्रयो भगवद्-अनुकम्पयैव पुनः प्रवेशित इन्द्रादिष्व् अविद्यमानया सुसमृद्धया श्रियाभिजुष्टः स्व-धर्मेणाराधयंस् तम् एव भगवन्तम् आराधनीयम् अपगत-साध्वस आस्ते ऽधुनापि
_* tato 'dhastāt sutale udāra-śravāḥ puṇya-śloko virocanātmajo balir bhagavatā mahendrasya priyaṃ cikīrṣamāṇenāditer labdha-kāyo bhūtvā vaṭu-vāmana-rūpeṇa parākṣipta-loka-trayo bhagavad-anukampayaiva punaḥ praveśita indrādiṣv avidyamānayā susamṛddhayā śriyābhijuṣṭaḥ sva-dharmeṇārādhayaṃs tam eva bhagavantam ārādhanīyam apagata-sādhvasa āste 'dhunāpi
Below that, in Sutala, is the widely renowned, saintly Bali, son of Virocana, whom the Lord—having become embodied from Aditi, wishing to do a kindness to great Indra—dispossessed of the three worlds in the form of a dwarf brahmacārin, and whom by the Lord's very compassion he installed again (in Sutala). Endowed with a prosperity so abundant as does not exist even among Indra and the others, worshipping by his own duty that very Lord who is worthy of worship, he dwells there even now, free from fear.
AI translation rendered from the Sanskrit, not a published edition
SB 5 24.19
_* नो एवैतत् साक्षात्कारो भूमि-दानस्य यत् तद् भगवत्य् अशेष-जीव-निकायानां जीव-भूतात्म-भूते परमात्मनि वासुदेवे तीर्थतमे पात्र उपपन्ने परया श्रद्धया परमादर-समाहित-मनसा सम्प्रतिपादितस्य साक्षाद् अपवर्ग-द्वारस्य यद् बिल-निलयैश्वर्यम्
_* no evaitat sākṣātkāro bhūmi-dānasya yat tad bhagavaty aśeṣa-jīva-nikāyānāṃ jīva-bhūtātma-bhūte paramātmani vāsudeve tīrthatame pātra upapanne parayā śraddhayā paramādara-samāhita-manasā sampratipāditasya sākṣād apavarga-dvārasya yad bila-nilayaiśvaryam
This (lordship) is certainly not the direct fruit of (his) gift of land — that lordship over a dwelling in the caverns — a gift bestowed with supreme faith, with a mind concentrated in highest reverence, upon the Lord Vāsudeva, who is the Supreme Self, the very self-being of all the hosts of living creatures, the most purifying of holy places, a worthy recipient come (before him) — a gift which is itself directly the door to liberation.
AI translation rendered from the Sanskrit, not a published edition — the model flagged this verse as uncertain
SB 5 24.20
_* यस्य ह वाव क्षुत-पतन-प्रस्खलनादिषु विवशः सकृन् नामाभिगृणन् पुरुषः कर्म-बन्धनम् अञ्जसा विधुनोति यस्य हैव प्रतिबाधनं मुमुक्षवो ऽन्यथैवोपलभन्ते
_* yasya ha vāva kṣuta-patana-praskhalanādiṣu vivaśaḥ sakṛn nāmābhigṛṇan puruṣaḥ karma-bandhanam añjasā vidhunoti yasya haiva pratibādhanaṃ mumukṣavo 'nyathaivopalabhante
When a man, even helplessly, in sneezing, falling, stumbling and the like, utters His name but once, he at once shakes off the bondage of (his) works — while the very warding off of that (bondage) is something those who seek liberation obtain quite otherwise (i.e. with great difficulty).
AI translation rendered from the Sanskrit, not a published edition
SB 5 24.21
_* तद् भक्तानाम् आत्मवतां सर्वेषाम् आत्मन्य् आत्मद आत्मतयैव
_* tad bhaktānām ātmavatāṃ sarveṣām ātmany ātmada ātmatayaiva
Therefore, to His devotees who are self-possessed, He who is the Self in all and the giver of Himself (gives) by way of Himself alone.
AI translation rendered from the Sanskrit, not a published edition — the model flagged this verse as uncertain
SB 5 24.22
_* न वै भगवान् नूनम् अमुष्यानुजग्राह यद् उत पुनर् आत्मानुस्मृति-मोषणं मायामय-भोगैश्वर्यम् एवातनुतेति
_* na vai bhagavān nūnam amuṣyānujagrāha yad uta punar ātmānusmṛti-moṣaṇaṃ māyāmaya-bhogaiśvaryam evātanuteti
Surely the Lord did not truly show him favour, in that He once again extended to him only enjoyment and lordship made of māyā, which robs one of the remembrance of the Self.
AI translation rendered from the Sanskrit, not a published edition
SB 5 24.23
_* यत् तद् भगवतानधिगतान्योपायेन याच्ञा-च्छलेनापहृत-स्व-शरीरावशेषित-लोक-त्रयो वरुण-पाशैश् च सम्प्रतिमुक्तो गिरि-दर्यां चापविद्ध इति होवाच
_* yat tad bhagavatānadhigatānyopāyena yācñā-cchalenāpahṛta-sva-śarīrāvaśeṣita-loka-trayo varuṇa-pāśaiś ca sampratimukto giri-daryāṃ cāpaviddha iti hovāca
For that reason (Bali), whose three worlds had been carried off by the Lord — who could not be countered by any other means — under the pretext of a request, leaving him only his own body, and who was bound fast with Varuṇa's nooses and cast into a mountain cave, spoke thus:
AI translation rendered from the Sanskrit, not a published edition — the model flagged this verse as uncertain
SB 5 24.24
_* नूनं बतायं भगवान् अर्थेषु न निष्णातो यो ऽसाव् इन्द्रो यस्य सचिवो मन्त्राय वृत एकान्ततो बृहस्पतिस् तम् अतिहाय स्वयम् उपेन्द्रेणात्मानम् अयाचतात्मनश् चाशिषो नो एव तद्-दास्यम् अति-गम्भीर-वयसः कालस्य मन्वन्तर-परिवृत्तं कियल् लोक-त्रयम् इदम्
_* nūnaṃ batāyaṃ bhagavān artheṣu na niṣṇāto yo 'sāv indro yasya sacivo mantrāya vṛta ekāntato bṛhaspatis tam atihāya svayam upendreṇātmānam ayācatātmanaś cāśiṣo no eva tad-dāsyam ati-gambhīra-vayasaḥ kālasya manvantara-parivṛttaṃ kiyal loka-trayam idam
Surely, alas, this lord — that Indra — is not versed in what is truly of value: he who has Bṛhaspati chosen as his exclusive counsellor for advice, passing him over, himself begged Upendra for himself and for blessings for himself, and not at all for service to Him. What are these three worlds, revolved by a manvantara of Time whose span is exceedingly deep?
AI translation rendered from the Sanskrit, not a published edition — the model flagged this verse as uncertain
SB 5 24.25
_* यस्यानुदास्यम् एवास्मत्-पितामहः किल वव्रे न तु स्व-पित्र्यं यद् उताकुतोभयं पदं दीयमानं भगवतः परम् इति भगवतोपरते खलु स्व-पितरि
_* yasyānudāsyam evāsmat-pitāmahaḥ kila vavre na tu sva-pitryaṃ yad utākutobhayaṃ padaṃ dīyamānaṃ bhagavataḥ param iti bhagavatoparate khalu sva-pitari
Our grandfather (Prahlāda) chose only servitude to Him and not his own father's inheritance — indeed, when his own father had been slain by the Lord, (he did not choose) the position free of fear from any quarter that was being offered, saying that nothing was higher than the Lord.
AI translation rendered from the Sanskrit, not a published edition — the model flagged this verse as uncertain
SB 5 24.26
_* तस्य महानुभावस्यानुपथम् अमृजित-कषायः को वास्मद्-विधः परिहीण-भगवद्-अनुग्रह उपजिगमिषतीति
_* tasya mahānubhāvasyānupatham amṛjita-kaṣāyaḥ ko vāsmad-vidhaḥ parihīṇa-bhagavad-anugraha upajigamiṣatīti
Who indeed, such as we, whose taints are unpurged and who is deprived of the Lord's grace, could wish to set out upon the path of that greatly exalted one?
AI translation rendered from the Sanskrit, not a published edition
SB 5 24.27
_* तस्यानुचरितम् उपरिष्टाद् विस्तरिष्यते यस्य भगवान् स्वयम् अखिल-जगद्-गुरुर् नारायणो द्वारि गदा-पाणिर् अवतिष्ठते निज-जनानुकम्पित-हृदयो येनाङ्गुष्ठेन पदा दश-कन्धरो योजनायुतायुतं दिग्-विजय उच्चाटितः
_* tasyānucaritam upariṣṭād vistariṣyate yasya bhagavān svayam akhila-jagad-gurur nārāyaṇo dvāri gadā-pāṇir avatiṣṭhate nija-janānukampita-hṛdayo yenāṅguṣṭhena padā daśa-kandharo yojanāyutāyutaṃ dig-vijaya uccāṭitaḥ
His deeds will be told at length further on — he at whose door the Lord Nārāyaṇa himself, the teacher of the entire world, stands mace in hand, his heart full of compassion for his own people; by whom, with the big toe of his foot, the ten-necked one (Rāvaṇa), out upon his conquest of the quarters, was driven off ten thousand times ten thousand yojanas.
AI translation rendered from the Sanskrit, not a published edition
SB 5 24.28
_* ततो ऽधस्तात् तलातले मयो नाम दानवेन्द्रस् त्रि-पुराधिपतिर् भगवता पुरारिणा त्रि-लोकी-शं चिकीर्षुणा निर्दग्ध-स्व-पुर-त्रयस् तत्-प्रसादाल् लब्ध-पदो मायाविनाम् आचार्यो महादेवेन परिरक्षितो विगत-सुदर्शन-भयो महीयते
_* tato 'dhastāt talātale mayo nāma dānavendras tri-purādhipatir bhagavatā purāriṇā tri-lokī-śaṃ cikīrṣuṇā nirdagdha-sva-pura-trayas tat-prasādāl labdha-pado māyāvinām ācāryo mahādevena parirakṣito vigata-sudarśana-bhayo mahīyate
Below that, in Talātala, the lord of the Dānavas named Maya, master of the three cities, whose three cities were burnt down by the Lord, the foe of the cities (Śiva), who wished to bring welfare to the three worlds — having obtained a place by that (Śiva's) favour, being the teacher of the wielders of magic, protected by Mahādeva and free of fear of the Sudarśana disc — is held in honour.
AI translation rendered from the Sanskrit, not a published edition
SB 5 24.29
_* ततो ऽधस्तान् महातले काद्रवेयाणां सर्पाणां नैक-शिरसां क्रोधवशो नाम गणः कुहक-तक्षक-कालिय-सुषेणादि-प्रधाना महा-भोगवन्तः पतत्त्रि-राजाधिपतेः पुरुष-वाहाद् अनवरतम् उद्विजमानाः स्व-कलत्रापत्य-सुहृत्-कुटुम्ब-सङ्गेन क्वचित् प्रमत्ता विहरन्ति
_* tato 'dhastān mahātale kādraveyāṇāṃ sarpāṇāṃ naika-śirasāṃ krodhavaśo nāma gaṇaḥ kuhaka-takṣaka-kāliya-suṣeṇādi-pradhānā mahā-bhogavantaḥ patattri-rājādhipateḥ puruṣa-vāhād anavaratam udvijamānāḥ sva-kalatrāpatya-suhṛt-kuṭumba-saṅgena kvacit pramattā viharanti
Below that, in Mahātala, is the group called Krodhavaśa, of the many-headed serpents descended from Kadru, chief among them Kuhaka, Takṣaka, Kāliya, Suṣeṇa and others, possessing great coils; constantly trembling before Garuḍa, the sovereign of the king of birds, who bears the Person, they nevertheless sport, at times heedless through attachment to their own wives, children, friends and families.
AI translation rendered from the Sanskrit, not a published edition
SB 5 24.30
_* ततो ऽधस्ताद् रसातले दैतेया दानवाः पणयो नाम निवात-कवचाः कालेया हिरण्य-पुरवासिन इति विबुध-प्रत्यनीका उत्पत्त्या महौजसो महा-साहसिनो भगवतः सकल-लोकानुभावस्य हरेर् एव तेजसा प्रतिहत-बलावलेपा बिलेशया इव वसन्ति ये वै सरमयेन्द्र-दूत्या वाग्भिर् मन्त्र-वर्णाभिर् इन्द्राद् बिभ्यति
_* tato 'dhastād rasātale daiteyā dānavāḥ paṇayo nāma nivāta-kavacāḥ kāleyā hiraṇya-puravāsina iti vibudha-pratyanīkā utpattyā mahaujaso mahā-sāhasino bhagavataḥ sakala-lokānubhāvasya harer eva tejasā pratihata-balāvalepā bileśayā iva vasanti ye vai saramayendra-dūtyā vāgbhir mantra-varṇābhir indrād bibhyati
Below that, in Rasātala, dwell the Daiteyas and Dānavas called Paṇis — the Nivātakavacas, the Kāleyas, and the dwellers in Hiraṇyapura — foes of the gods, mighty in power by birth and greatly daring; but the arrogance of their strength was struck down by the splendour of Hari alone, the Lord who is the power behind all the worlds, and so they live like snakes lodged in holes. Indeed they are afraid of Indra because of the words, in the form of mantra-syllables, of Saramā acting as Indra's messenger.
AI translation rendered from the Sanskrit, not a published edition
SB 5 24.31
_* ततो ऽधस्तात् पाताले नाग-लोक-पतयो वासुकि-प्रमुखाः शङ्ख-कुलिक-महाशङ्ख-श्वेत-धनञ्जय-धृतराष्ट्र-शङ्खचूड-कम्बलाश्वतर-देवदत्तादयो महा-भोगिनो महामर्षा निवसन्ति येषाम् उ ह वै पञ्च-सप्त-दश-शत-सहस्र-शीर्षाणां फणासु विरचिता महा-मणयो रोचिष्णवः पाताल-विवर-तिमिर-निकरं स्व-रोचिषा विधमन्ति
_* tato 'dhastāt pātāle nāga-loka-patayo vāsuki-pramukhāḥ śaṅkha-kulika-mahāśaṅkha-śveta-dhanañjaya-dhṛtarāṣṭra-śaṅkhacūḍa-kambalāśvatara-devadattādayo mahā-bhogino mahāmarṣā nivasanti yeṣām u ha vai pañca-sapta-daśa-śata-sahasra-śīrṣāṇāṃ phaṇāsu viracitā mahā-maṇayo rociṣṇavaḥ pātāla-vivara-timira-nikaraṃ sva-rociṣā vidhamanti
Below that, in Pātāla, dwell the lords of the world of the nāgas, headed by Vāsuki — Śaṅkha, Kulika, Mahāśaṅkha, Śveta, Dhanañjaya, Dhṛtarāṣṭra, Śaṅkhacūḍa, Kambala, Aśvatara, Devadatta and the rest — possessing great coils and great wrath; and on the hoods of those who have five, seven, ten, a hundred and a thousand heads there are set great shining gems, which by their own radiance dispel the mass of darkness in the caverns of Pātāla.
AI translation rendered from the Sanskrit, not a published edition