Bhagavata Purana — Skandha 5 — Chapter 20

SB 5 20.1

_* श्री-शुक उवाच अतः परं प्लक्षादीनां प्रमाण-लक्षण-संस्थानतो वर्ष-विभाग उपवर्ण्यते

_* śrī-śuka uvāca ataḥ paraṃ plakṣādīnāṃ pramāṇa-lakṣaṇa-saṃsthānato varṣa-vibhāga upavarṇyate

Śrī Śuka said: After this, the division of the regions of Plakṣa and the rest is described in terms of their measure, characteristics and configuration.

AI translation rendered from the Sanskrit, not a published edition

SB 5 20.2

_* जम्बूद्वीपो ऽयं यावत्-प्रमाण-विस्तारस् तावता क्षारोदधिना परिवेष्टितो यथा मेरुर् जम्ब्व्-आख्येन लवणोदधिर् अपि ततो द्वि-गुण-विशालेन प्लक्षाख्येन परिक्षिप्तो यथा परिखा बाह्योपवनेन प्लक्षो जम्बू-प्रमाणो द्वीपाख्याकरो हिरण्मय उत्थितो यत्राग्निर् उपास्ते सप्त-जिह्वस् तस्याधिपतिः प्रियव्रतात्मज इध्मजिह्वः स्वं द्वीपं सप्त-वर्षाणि विभज्य सप्त-वर्ष-नामभ्य आत्मजेभ्य आकलय्य स्वयम् आत्म-योगेनोपरराम

_* jambūdvīpo 'yaṃ yāvat-pramāṇa-vistāras tāvatā kṣārodadhinā pariveṣṭito yathā merur jambv-ākhyena lavaṇodadhir api tato dvi-guṇa-viśālena plakṣākhyena parikṣipto yathā parikhā bāhyopavanena plakṣo jambū-pramāṇo dvīpākhyākaro hiraṇmaya utthito yatrāgnir upāste sapta-jihvas tasyādhipatiḥ priyavratātmaja idhmajihvaḥ svaṃ dvīpaṃ sapta-varṣāṇi vibhajya sapta-varṣa-nāmabhya ātmajebhya ākalayya svayam ātma-yogenopararāma

This Jambūdvīpa, whatever its measure in extent, is surrounded by the salt ocean of just that (breadth), as Meru is by the island named after the jambū tree; and the salt ocean too is encircled, like a moat by an outer garden, by (the island) named Plakṣa, twice as broad as that. There has risen up a plakṣa tree of the same size as the jambū tree, golden, giving its name to the island, where dwells the seven-tongued Fire. The ruler of that (island), Idhmajihva, a son of Priyavrata, divided his island into seven regions, assigned them to his sons after whom the seven regions are named, and himself withdrew (from rule) through the yoga of the self.

AI translation rendered from the Sanskrit, not a published edition

SB 5 20.3

_* शिवं यवसं सुभद्रं शान्तं क्षेमम् अमृतम् अभयम् इति वर्षाणि तेषु गिरयो नद्यश् च सप्तैवाभिज्ञाताः

_* śivaṃ yavasaṃ subhadraṃ śāntaṃ kṣemam amṛtam abhayam iti varṣāṇi teṣu girayo nadyaś ca saptaivābhijñātāḥ

The regions are Śiva, Yavasa, Subhadra, Śānta, Kṣema, Amṛta and Abhaya; and in them seven mountains and seven rivers are known.

AI translation rendered from the Sanskrit, not a published edition

SB 5 20.4

_* मणिकूटो वज्रकूट इन्द्रसेनो ज्योतिष्मान् सुपर्णो हिरण्यष्ठीवो मेघमाल इति सेतु-शैलाः अरुणा नृम्णाङ्गिरसी सावित्री सुप्तभाता ऋतम्भरा सत्यम्भरा इति महा-नद्यः यासां जलोपस्पर्शन-विधूत-रजस्-तमसो हंस-पतङ्गोर्ध्वायन-सत्याङ्ग-संज्ञाश् चत्वारो वर्णाः सहस्रायुषो विबुधोपम-सन्दर्शन-प्रजननाः स्वर्ग-द्वारं त्रय्या विद्यया भगवन्तं त्रयीमयं सूर्यम् आत्मानं यजन्ते

_* maṇikūṭo vajrakūṭa indraseno jyotiṣmān suparṇo hiraṇyaṣṭhīvo meghamāla iti setu-śailāḥ aruṇā nṛmṇāṅgirasī sāvitrī suptabhātā ṛtambharā satyambharā iti mahā-nadyaḥ yāsāṃ jalopasparśana-vidhūta-rajas-tamaso haṃsa-pataṅgordhvāyana-satyāṅga-saṃjñāś catvāro varṇāḥ sahasrāyuṣo vibudhopama-sandarśana-prajananāḥ svarga-dvāraṃ trayyā vidyayā bhagavantaṃ trayīmayaṃ sūryam ātmānaṃ yajante

Maṇikūṭa, Vajrakūṭa, Indrasena, Jyotiṣmān, Suparṇa, Hiraṇyaṣṭhīva and Meghamāla are the boundary mountains; Aruṇā, Nṛmṇā, Āṅgirasī, Sāvitrī, Suptabhātā, Ṛtambharā and Satyambharā are the great rivers. The four classes of people there — called Haṃsa, Pataṅga, Ūrdhvāyana and Satyāṅga — their passion and darkness shaken off by contact with the water of those (rivers), live a thousand years, and in appearance and in begetting offspring are like the gods; with the threefold Veda they worship the Lord, the gateway to heaven, the Self, the Sun who consists of the three Vedas.

AI translation rendered from the Sanskrit, not a published edition

SB 5 20.5

_* प्रत्नस्य विष्णो रूपं यत् सत्यस्यर्तस्य ब्रह्मणः अमृतस्य च मृत्योश् च सूर्यम् आत्मानम् ईमहीति

_* pratnasya viṣṇo rūpaṃ yat satyasyartasya brahmaṇaḥ amṛtasya ca mṛtyoś ca sūryam ātmānam īmahīti

"We approach the Sun, the Self, who is the form of the ancient Viṣṇu, of truth, of ṛta, of Brahman, of immortality and of death."

AI translation rendered from the Sanskrit, not a published edition

SB 5 20.6

प्लक्षादिषु पञ्चसु पुरुषाणाम् आयुर् इन्द्रियम् ओजः सहो बलं बुद्धिर् विक्रम इति च सर्वेषाम् औत्पत्तिकी सिद्धिर् अविशेषेण वर्तते

plakṣādiṣu pañcasu puruṣāṇām āyur indriyam ojaḥ saho balaṃ buddhir vikrama iti ca sarveṣām autpattikī siddhir aviśeṣeṇa vartate

In the five (islands) beginning with Plakṣa, lifespan, sensory power, vigour, endurance, strength, intelligence and prowess belong to all men as an inborn perfection, without distinction.

AI translation rendered from the Sanskrit, not a published edition

SB 5 20.7

_* प्लक्षः स्व-समानेनेक्षु-रसोदेनावृतो यथा तथा द्वीपो ऽपि शाल्मलो द्वि-गुण-विशालः समानेन सुरोदेनावृतः परिवृङ्क्ते

_* plakṣaḥ sva-samānenekṣu-rasodenāvṛto yathā tathā dvīpo 'pi śālmalo dvi-guṇa-viśālaḥ samānena surodenāvṛtaḥ parivṛṅkte

As Plakṣa is surrounded by an ocean of sugarcane juice equal to itself, so also the island Śālmala, twice as broad, is enclosed and encompassed by an ocean of liquor equal to it.

AI translation rendered from the Sanskrit, not a published edition

SB 5 20.8

_* यत्र ह वै शाल्मली प्लक्षायामा यस्यां वाव किल निलयम् आहुर् भगवतश् छन्दः-स्तुतः पतत्त्रि-राजस्य सा द्वीप-हूतये उपलक्ष्यते

_* yatra ha vai śālmalī plakṣāyāmā yasyāṃ vāva kila nilayam āhur bhagavataś chandaḥ-stutaḥ patattri-rājasya sā dvīpa-hūtaye upalakṣyate

There indeed is a śālmalī tree as large as the plakṣa, in which, they say, is the dwelling of the king of birds, (the carrier) of the Lord, who is praised in the Vedic meters; that (tree) is regarded as the source of the island's name.

AI translation rendered from the Sanskrit, not a published edition

SB 5 20.9

_* तद्-द्वीपाधिपतिः प्रियव्रतात्मजो यज्ञबाहुः स्व-सुतेभ्यः सप्तभ्यस् तन्-नामानि सप्त-वर्षाणि व्यभजत् सुरोचनं सौमनस्यं रमणकं देव-वर्षं पारिभद्रम् आप्यायनम् अविज्ञातम् इति

_* tad-dvīpādhipatiḥ priyavratātmajo yajñabāhuḥ sva-sutebhyaḥ saptabhyas tan-nāmāni sapta-varṣāṇi vyabhajat surocanaṃ saumanasyaṃ ramaṇakaṃ deva-varṣaṃ pāribhadram āpyāyanam avijñātam iti

The lord of that island, Yajñabāhu, son of Priyavrata, divided (it) among his seven sons into seven regions named after them: Surocana, Saumanasya, Ramaṇaka, Devavarṣa, Pāribhadra, Āpyāyana, and Avijñāta.

AI translation rendered from the Sanskrit, not a published edition

SB 5 20.10

_* तेषु वर्षाद्रयो नद्यश् च सप्तैवाभिज्ञाताः स्वरसः शतशृङ्गो वामदेवः कुन्दो मुकुन्दः पुष्प-वर्षः सहस्र-श्रुतिर् इति अनुमतिः सिनीवाली सरस्वती कुहू रजनी नन्दा राकेति

_* teṣu varṣādrayo nadyaś ca saptaivābhijñātāḥ svarasaḥ śataśṛṅgo vāmadevaḥ kundo mukundaḥ puṣpa-varṣaḥ sahasra-śrutir iti anumatiḥ sinīvālī sarasvatī kuhū rajanī nandā rāketi

In those regions seven boundary mountains and seven rivers are known: Svarasa, Śataśṛṅga, Vāmadeva, Kunda, Mukunda, Puṣpa-varṣa, and Sahasra-śruti; and Anumati, Sinīvālī, Sarasvatī, Kuhū, Rajanī, Nandā, and Rākā.

AI translation rendered from the Sanskrit, not a published edition

SB 5 20.11

_* तद्-वर्ष-पुरुषाः श्रुतधर-वीर्यधर-वसुन्धरेषन्धर-संज्ञा भगवन्तं वेदमयं सोमम् आत्मानं वेदेन यजन्ते

_* tad-varṣa-puruṣāḥ śrutadhara-vīryadhara-vasundhareṣandhara-saṃjñā bhagavantaṃ vedamayaṃ somam ātmānaṃ vedena yajante

The people of those regions, called Śrutadharas, Vīryadharas, Vasundharas, and Iṣandharas, worship with the Veda the Lord as Soma, made of the Veda, the Self.

AI translation rendered from the Sanskrit, not a published edition

SB 5 20.12

_* स्व-गोभिः पितृ-देवेभ्यो विभजन् कृष्ण-शुक्लयोः प्रजानां सर्वासां राजा- न्धः सोमो न आस्त्व् इति

_* sva-gobhiḥ pitṛ-devebhyo vibhajan kṛṣṇa-śuklayoḥ prajānāṃ sarvāsāṃ rājā- ndhaḥ somo na āstv iti

"May Soma, the king, apportioning with his own rays the food to the forefathers and the gods in the dark and bright fortnights, be (food) for us, for all creatures" — so (they pray).

AI translation rendered from the Sanskrit, not a published edition — the model flagged this verse as uncertain

SB 5 20.13

एवं सुरोदाद् बहिस् तद्-द्वि-गुणः समानेनावृतो घृतोदेन यथा-पूर्वः कुश-द्वीपो यस्मिन् कुश-स्तम्बो देव-कृतस् तद्-द्वीपाख्याकरो ज्वलन इवापरः स्व-शष्प-रोचिषा दिशो विराजयति

evaṃ surodād bahis tad-dvi-guṇaḥ samānenāvṛto ghṛtodena yathā-pūrvaḥ kuśa-dvīpo yasmin kuśa-stambo deva-kṛtas tad-dvīpākhyākaro jvalana ivāparaḥ sva-śaṣpa-rociṣā diśo virājayati

Likewise, outside the ocean of liquor, twice its size and surrounded by an ocean of clarified butter of equal measure, is Kuśa-dvīpa, as before, on which stands a clump of kuśa grass created by the gods, giving that island its name; like a second fire, it lights up the directions with the radiance of its young shoots.

AI translation rendered from the Sanskrit, not a published edition

SB 5 20.14

_* तद्-द्वीप-पतिः प्रैयव्रतो राजन् हिरण्यरेता नाम स्वं द्वीपं सप्तभ्यः स्व-पुत्रेभ्यो यथा-भागं विभज्य स्वयं तप आतिष्ठत वसु-वसुदान-दृढरुचि-नाभिगुप्त-स्तुत्यव्रत-विविक्त-वामदेव-नामभ्यः

_* tad-dvīpa-patiḥ praiyavrato rājan hiraṇyaretā nāma svaṃ dvīpaṃ saptabhyaḥ sva-putrebhyo yathā-bhāgaṃ vibhajya svayaṃ tapa ātiṣṭhata vasu-vasudāna-dṛḍharuci-nābhigupta-stutyavrata-vivikta-vāmadeva-nāmabhyaḥ

The lord of that island, O King, a son of Priyavrata named Hiraṇyaretā, having divided his own island into due shares for his seven sons — named Vasu, Vasudāna, Dṛḍharuci, Nābhigupta, Stutyavrata, Vivikta, and Vāmadeva — himself took to austerity.

AI translation rendered from the Sanskrit, not a published edition

SB 5 20.15

_* तेषां वर्षेषु सीमा-गिरयो नद्यश् चाभिज्ञाताः सप्त सप्तैव चक्रश् चतुःशृङ्गः कपिलश् चित्रकूटो देवानीक ऊर्ध्वरोमा द्रविण इति रसकुल्या मधुकुल्या मित्रविन्दा श्रुतविन्दा देवगर्भा घृतच्युता मन्त्रमालेति

_* teṣāṃ varṣeṣu sīmā-girayo nadyaś cābhijñātāḥ sapta saptaiva cakraś catuḥśṛṅgaḥ kapilaś citrakūṭo devānīka ūrdhvaromā draviṇa iti rasakulyā madhukulyā mitravindā śrutavindā devagarbhā ghṛtacyutā mantramāleti

In their regions the boundary mountains and the rivers are known as seven and seven each: Cakra, Catuḥśṛṅga, Kapila, Citrakūṭa, Devānīka, Ūrdhvaromā, and Draviṇa; and Rasakulyā, Madhukulyā, Mitravindā, Śrutavindā, Devagarbhā, Ghṛtacyutā, and Mantramālā.

AI translation rendered from the Sanskrit, not a published edition

SB 5 20.16

_* यासां पयोभिः कुशद्वीपौकसः कुशल-कोविदाभियुक्त-कुलक-संज्ञा भगवन्तं जातवेद-सरूपिणं कर्म-कौशलेन यजन्ते

_* yāsāṃ payobhiḥ kuśadvīpaukasaḥ kuśala-kovidābhiyukta-kulaka-saṃjñā bhagavantaṃ jātaveda-sarūpiṇaṃ karma-kauśalena yajante

By whose waters the inhabitants of Kuśa-dvīpa, called Kuśalas, Kovidas, Abhiyuktas, and Kulakas, worship with skill in ritual action the Lord in the form of Jātavedas (fire).

AI translation rendered from the Sanskrit, not a published edition

SB 5 20.17

_* परस्य ब्रह्मणः साक्षाज् जात-वेदो ऽसि हव्यवाट् देवानां पुरुषाङ्गानां यज्ञेन पुरुषं यजेति

_* parasya brahmaṇaḥ sākṣāj jāta-vedo 'si havyavāṭ devānāṃ puruṣāṅgānāṃ yajñena puruṣaṃ yajeti

"You are directly the mouth that carries the oblations of the supreme Brahman, O Jātavedas; by sacrifice to the gods, who are the limbs of the Person, worship the Person" — so (they pray).

AI translation rendered from the Sanskrit, not a published edition — the model flagged this verse as uncertain

SB 5 20.18

तथा घृतोदाद् बहिः क्रौञ्चद्वीपो द्वि-गुणः स्व-मानेन क्षीरोदेन परित उपकॢप्तो वृतो यथा कुशद्वीपो घृतोदेन यस्मिन् क्रौञ्चो नाम पर्वत-राजो द्वीप-नाम-निर्वर्तक आस्ते

tathā ghṛtodād bahiḥ krauñcadvīpo dvi-guṇaḥ sva-mānena kṣīrodena parita upakḷpto vṛto yathā kuśadvīpo ghṛtodena yasmin krauñco nāma parvata-rājo dvīpa-nāma-nirvartaka āste

Likewise, outside the ocean of ghee lies Krauñca-dvīpa, twice as large, encircled all around by an ocean of milk equal to its own measure, as Kuśa-dvīpa was surrounded by the ocean of ghee; on it stands the king of mountains named Krauñca, which gives the island its name.

AI translation rendered from the Sanskrit, not a published edition

SB 5 20.19

_* यो ऽसौ गुह-प्रहरणोन्मथित-नितम्ब-कुञ्जो ऽपि क्षीरोदेना-सिच्यमानो भगवता वरुणेनाभिगुप्तो विभयो बभूव

_* yo 'sau guha-praharaṇonmathita-nitamba-kuñjo 'pi kṣīrodenā-sicyamāno bhagavatā varuṇenābhigupto vibhayo babhūva

Although its slopes and thickets were churned up by the weapon of Guha (Kārttikeya), it became free of fear, being bathed by the ocean of milk and protected by the lord Varuṇa.

AI translation rendered from the Sanskrit, not a published edition

SB 5 20.20

_* तस्मिन्न् अपि प्रैयव्रतो घृतपृष्ठो नामाधिपतिः स्वे द्वीपे वर्षाणि सप्त विभज्य तेषु पुत्र-नामसु सप्त रिक्थादान् वर्षपान् निवेश्य स्वयं भगवान् भगवतः परम-कल्याण-यशस आत्म-भूतस्य हरेश् चरणारविन्दम् उपजगाम

_* tasminn api praiyavrato ghṛtapṛṣṭho nāmādhipatiḥ sve dvīpe varṣāṇi sapta vibhajya teṣu putra-nāmasu sapta rikthādān varṣapān niveśya svayaṃ bhagavān bhagavataḥ parama-kalyāṇa-yaśasa ātma-bhūtasya hareś caraṇāravindam upajagāma

There too the lord was a son of Priyavrata named Ghṛtapṛṣṭha; having divided his own island into seven regions and installed in them, as their protectors, his seven sons the heirs, named after those (regions), he himself, a lord, went to the lotus feet of Hari, of supremely auspicious fame, who is his own very self.

AI translation rendered from the Sanskrit, not a published edition

SB 5 20.21

_* आमो मधुरुहो मेघपृष्ठः सुधामा भ्राजिष्ठो लोहितार्णो वनस्पतिर् इति घृतपृष्ठ-सुतास् तेषां वर्ष-गिरयः सप्त सप्तैव नद्यश् चाभिख्याताः शुक्लो वर्धमानो भोजन उपबर्हिणो नन्दो नन्दनः सर्वतोभद्र इति अभया अमृतौघा आर्यका तीर्थवती रूपवती पवित्रवती शुक्लेति

_* āmo madhuruho meghapṛṣṭhaḥ sudhāmā bhrājiṣṭho lohitārṇo vanaspatir iti ghṛtapṛṣṭha-sutās teṣāṃ varṣa-girayaḥ sapta saptaiva nadyaś cābhikhyātāḥ śuklo vardhamāno bhojana upabarhiṇo nando nandanaḥ sarvatobhadra iti abhayā amṛtaughā āryakā tīrthavatī rūpavatī pavitravatī śukleti

Āma, Madhuruha, Meghapṛṣṭha, Sudhāmā, Bhrājiṣṭha, Lohitārṇa, and Vanaspati — these are Ghṛtapṛṣṭha's sons; the mountains of their regions are declared to be seven, and the rivers seven as well: Śukla, Vardhamāna, Bhojana, Upabarhiṇa, Nanda, Nandana, and Sarvatobhadra; and Abhayā, Amṛtaughā, Āryakā, Tīrthavatī, Rūpavatī, Pavitravatī, and Śuklā.

AI translation rendered from the Sanskrit, not a published edition

SB 5 20.22

_* यासाम् अम्भः पवित्रम् अमलम् उपयुञ्जानाः पुरुष-ऋषभ-द्रविण-देवक-संज्ञा वर्ष-पुरुषा आपोमयं देवम् अपां पूर्णेनाञ्जलिना यजन्ते

_* yāsām ambhaḥ pavitram amalam upayuñjānāḥ puruṣa-ṛṣabha-draviṇa-devaka-saṃjñā varṣa-puruṣā āpomayaṃ devam apāṃ pūrṇenāñjalinā yajante

Making use of their pure, spotless water, the people of those regions, called Puruṣas, Ṛṣabhas, Draviṇas, and Devakas, worship the deity consisting of water with a palmful of water.

AI translation rendered from the Sanskrit, not a published edition

SB 5 20.23

_* आपः पुरुष-वीर्याः स्थ पुनन्तीर् भूर्-भुवः-सुवः ता नः पुनीतामीव-घ्नीः स्पृशताम् आत्मना भुव इति

_* āpaḥ puruṣa-vīryāḥ stha punantīr bhūr-bhuvaḥ-suvaḥ tā naḥ punītāmīva-ghnīḥ spṛśatām ātmanā bhuva iti

"O waters, you have the potency of the Person, purifying the earth, the mid-region, and heaven; may you, destroyers of ill, purify us who touch you with our very being (or: touch our bodies with your essence)" — so (they pray).

AI translation rendered from the Sanskrit, not a published edition — the model flagged this verse as uncertain

SB 5 20.24

एवं पुरस्तात् क्षीरोदात् परित उपवेशितः शाकद्वीपो द्वात्रिंशल्-लक्ष-योजनायामः समानेन च दधि-मण्डोदेन परीतो यस्मिन् शाको नाम महीरुहः स्व-क्षेत्र-व्यपदेशको यस्य ह महा-सुरभि-गन्धस् तं द्वीपम् अनुवासयति

evaṃ purastāt kṣīrodāt parita upaveśitaḥ śākadvīpo dvātriṃśal-lakṣa-yojanāyāmaḥ samānena ca dadhi-maṇḍodena parīto yasmin śāko nāma mahīruhaḥ sva-kṣetra-vyapadeśako yasya ha mahā-surabhi-gandhas taṃ dvīpam anuvāsayati

Thus, beyond the ocean of milk, set all around, is Śāka-dvīpa, thirty-two lakh yojanas in extent, encircled by an ocean of buttermilk of equal measure; on it stands a tree named Śāka, which gives the region its name, and whose greatly fragrant scent perfumes that whole island.

AI translation rendered from the Sanskrit, not a published edition

SB 5 20.25

_* तस्यापि प्रैयव्रत एवाधिपतिर् नाम्ना मेधातिथिः सो ऽपि विभज्य सप्त वर्षाणि पुत्र-नामानि तेषु स्वात्मजान् पुरोजव-मनोजव-पवमान-धूम्रानीक-चित्ररेफ-बहुरूप-विश्वधार-संज्ञान् निधाप्याधिपतीन् स्वयं भगवत्य् अनन्त आ-वेशित-मतिस् तपोवनं प्रविवेश

_* tasyāpi praiyavrata evādhipatir nāmnā medhātithiḥ so 'pi vibhajya sapta varṣāṇi putra-nāmāni teṣu svātmajān purojava-manojava-pavamāna-dhūmrānīka-citrarepha-bahurūpa-viśvadhāra-saṃjñān nidhāpyādhipatīn svayaṃ bhagavaty ananta ā-veśita-matis tapovanaṃ praviveśa

Its ruler too was a son of Priyavrata, Medhātithi by name; he also divided it into seven regions named after his sons, and having installed there as rulers his own sons, called Purojava, Manojava, Pavamāna, Dhūmrānīka, Citrarepha, Bahurūpa, and Viśvadhāra, he himself, his mind absorbed in the infinite Lord, entered a forest of austerity.

AI translation rendered from the Sanskrit, not a published edition

SB 5 20.26

_* एतेषां वर्ष-मर्यादा-गिरयो नद्यश् च सप्त सप्तैव ईशान उरुशृङ्गो बलभद्रः शतकेसरः सहस्रस्रोतो देवपालो महानस इति अनघायुर्दा उभयस्पृष्टिर् अपराजिता पञ्चपदी सहस्रस्रुतिर् निजधृतिर् इति

_* eteṣāṃ varṣa-maryādā-girayo nadyaś ca sapta saptaiva īśāna uruśṛṅgo balabhadraḥ śatakesaraḥ sahasrasroto devapālo mahānasa iti anaghāyurdā ubhayaspṛṣṭir aparājitā pañcapadī sahasrasrutir nijadhṛtir iti

The mountains bounding their regions and the rivers are seven and seven: Īśāna, Uruśṛṅga, Balabhadra, Śatakesara, Sahasrasrota, Devapāla, and Mahānasa; and Anaghā, Āyurdā, Ubhayaspṛṣṭi, Aparājitā, Pañcapadī, Sahasrasruti, and Nijadhṛti.

AI translation rendered from the Sanskrit, not a published edition

SB 5 20.27

_* तद्-वर्ष-पुरुषा ऋतव्रत-सत्यव्रत-दानव्रतानुव्रत-नामानो भगवन्तं वाय्व्-आत्मकं प्राणायाम-विधूत-रजस्-तमसः परम-समाधिना यजन्ते

_* tad-varṣa-puruṣā ṛtavrata-satyavrata-dānavratānuvrata-nāmāno bhagavantaṃ vāyv-ātmakaṃ prāṇāyāma-vidhūta-rajas-tamasaḥ parama-samādhinā yajante

The people of those regions, named Ṛtavratas, Satyavratas, Dānavratas, and Anuvratas, having shaken off passion and darkness by breath control, worship in the highest absorption the Lord whose nature is air.

AI translation rendered from the Sanskrit, not a published edition

SB 5 20.28

_* अन्तः-प्रविश्य भूतानि यो बिभर्त्य् आत्म-केतुभिः अन्तर्यामीश्वरः साक्षात् पातु नो यद्-वशे स्फुटम्

_* antaḥ-praviśya bhūtāni yo bibharty ātma-ketubhiḥ antaryāmīśvaraḥ sākṣāt pātu no yad-vaśe sphuṭam

"May the Lord who, having entered within, sustains beings by his own manifestations, the inner controller himself, protect us — he under whose control (all) is made manifest."

AI translation rendered from the Sanskrit, not a published edition — the model flagged this verse as uncertain

SB 5 20.29

एवम् एव दधि-मण्डोदात् परतः पुष्करद्वीपस् ततो द्वि-गुणायामः समन्तत उपकल्पितः समानेन स्वादूदकेन समुद्रेण बहिर् आवृतो यस्मिन् बृहत्-पुष्करं ज्वलन-शिखामल-कनक-पत्रायुतायुतं भगवतः कमलासनस्याध्यासनं परिकल्पितम्

evam eva dadhi-maṇḍodāt parataḥ puṣkaradvīpas tato dvi-guṇāyāmaḥ samantata upakalpitaḥ samānena svādūdakena samudreṇa bahir āvṛto yasmin bṛhat-puṣkaraṃ jvalana-śikhāmala-kanaka-patrāyutāyutaṃ bhagavataḥ kamalāsanasyādhyāsanaṃ parikalpitam

Just so, beyond the ocean of yogurt lies Puṣkaradvīpa, twice as broad as that (island), arranged all around, and encircled outside by an ocean of sweet water equal (to it in extent). In it there is a great lotus with a hundred million (lit. ten thousand times ten thousand) petals of gold pure as the flame of fire, fashioned as the seat of the Lord whose seat is the lotus (Brahmā).

AI translation rendered from the Sanskrit, not a published edition

SB 5 20.30

_* तद्-द्वीप-मध्ये मानसोत्तर-नामैक एवार्वाचीन-पराचीन-वर्षयोर् मर्यादाचलो ऽयुत-योजनोच्छ्रायायामो यत्र तु चतसृषु दिक्षु चत्वारि पुराणि लोक-पालानाम् इन्द्रादीनां यद्-उपरिष्टात् सूर्य-रथस्य मेरुं परिभ्रमतः संवत्सरात्मकं चक्रं देवानाम् अहो-रात्राभ्यां परिभ्रमति

_* tad-dvīpa-madhye mānasottara-nāmaika evārvācīna-parācīna-varṣayor maryādācalo 'yuta-yojanocchrāyāyāmo yatra tu catasṛṣu dikṣu catvāri purāṇi loka-pālānām indrādīnāṃ yad-upariṣṭāt sūrya-rathasya meruṃ paribhramataḥ saṃvatsarātmakaṃ cakraṃ devānām aho-rātrābhyāṃ paribhramati

In the middle of that island there is a single boundary mountain named Mānasottara, (dividing) the nearer and the farther varṣa; it is ten thousand yojanas in height and in breadth. There, in the four directions, are four cities of the guardians of the worlds, Indra and the rest. Above it the wheel of the sun's chariot, which circles Meru and consists of a year, revolves with the day and night of the gods.

AI translation rendered from the Sanskrit, not a published edition

SB 5 20.31

_* तद्-द्वीपस्याप्य् अधिपतिः प्रैयव्रतो वीतिहोत्रो नामैतस्यात्मजौ रमणक-धातकि-नामानौ वर्ष-पती नियुज्य स स्वयं पूर्वजवद्-भगवत्-कर्म-शील एवास्ते

_* tad-dvīpasyāpy adhipatiḥ praiyavrato vītihotro nāmaitasyātmajau ramaṇaka-dhātaki-nāmānau varṣa-patī niyujya sa svayaṃ pūrvajavad-bhagavat-karma-śīla evāste

The ruler of that island too was a son of Priyavrata, named Vītihotra. Having appointed his two sons, named Ramaṇaka and Dhātaki, as lords of the two varṣas, he himself, like his elder brother, remained devoted solely to acts (of worship) of the Lord.

AI translation rendered from the Sanskrit, not a published edition

SB 5 20.32

_* तद्-वर्ष-पुरुषा भगवन्तं ब्रह्म-रूपिणं सकर्मकेण कर्मणाराधयन्तीदं चोदाहरन्ति

_* tad-varṣa-puruṣā bhagavantaṃ brahma-rūpiṇaṃ sakarmakeṇa karmaṇārādhayantīdaṃ codāharanti

The people of that varṣa worship the Lord in the form of Brahmā by ritual action accompanied by (prescribed) rites, and they recite this:

AI translation rendered from the Sanskrit, not a published edition

SB 5 20.33

_* यत् तत् कर्ममयं लिङ्गं ब्रह्म-लिङ्गं जनो ऽर्चयेत् एकान्तम् अद्वयं शान्तं तस्मै भगवते नम इति

_* yat tat karmamayaṃ liṅgaṃ brahma-liṅgaṃ jano 'rcayet ekāntam advayaṃ śāntaṃ tasmai bhagavate nama iti

"That which is the mark consisting of ritual action, the mark of Brahman, which a person should worship — to that Lord, single-natured, without a second, at peace, homage."

AI translation rendered from the Sanskrit, not a published edition — the model flagged this verse as uncertain

SB 5 20.34

ततः परस्ताल् लोकालोक-नामाचलो लोकालोकयोर् अन्तराले परित उपक्षिप्तः

tataḥ parastāl lokāloka-nāmācalo lokālokayor antarāle parita upakṣiptaḥ

Beyond that (island) there is a mountain named Lokāloka, set all around in the space between the region of light and the region without light.

AI translation rendered from the Sanskrit, not a published edition

SB 5 20.35

_* यावन् मानसोत्तर-मेर्वोर् अन्तरं तावती भूमिः काञ्चन्य् अन्यादर्श-तलोपमा यस्यां प्रहितः पदार्थो न कथञ्चित् पुनः प्रत्युपलभ्यते तस्मात् सर्व-सत्त्व-परिहृतासीत्

_* yāvan mānasottara-mervor antaraṃ tāvatī bhūmiḥ kāñcany anyādarśa-talopamā yasyāṃ prahitaḥ padārtho na kathañcit punaḥ pratyupalabhyate tasmāt sarva-sattva-parihṛtāsīt

As great as is the distance between Mānasottara and Meru, so great is the land, golden and like the surface of a mirror; an object thrown onto it can in no way be recovered again, and therefore it has been abandoned by all living beings.

AI translation rendered from the Sanskrit, not a published edition

SB 5 20.36

_* लोकालोक इति समाख्या यद् अनेनाचलेन लोकालोकस्यान्तर्वर्-तिनावस्थाप्यते

_* lokāloka iti samākhyā yad anenācalena lokālokasyāntarvar-tināvasthāpyate

The name is "Lokāloka" because by this mountain the (region) of light and the (region) of no light is fixed as lying within (and without).

AI translation rendered from the Sanskrit, not a published edition — the model flagged this verse as uncertain

SB 5 20.37

_* स लोक-त्रयान्ते परित ईश्वरेण विहितो यस्मात् सूर्यादीनां ध्रुवापवर्गाणां ज्योतिर्-गणानां गभस्तयो ऽर्वाचीनांस् त्रीन् लोकान् आवितन्वाना न कदाचित् पराचीना भवितुम् उत्सहन्ते तावद् उन्-नहनायामः

_* sa loka-trayānte parita īśvareṇa vihito yasmāt sūryādīnāṃ dhruvāpavargāṇāṃ jyotir-gaṇānāṃ gabhastayo 'rvācīnāṃs trīn lokān āvitanvānā na kadācit parācīnā bhavitum utsahante tāvad un-nahanāyāmaḥ

It has been set by the Lord all around at the boundary of the three worlds; therefore the rays of the host of luminaries, the sun and the rest, ending with Dhruva, spreading over the three worlds on this side, are never able to pass beyond — that is the extent of its upward height.

AI translation rendered from the Sanskrit, not a published edition

SB 5 20.38

_* एतावान् लोक-विन्यासो मान-लक्षण-संस्थाभिर् विचिन्तितः कविभिः स तु पञ्चाशत्-कोटि-गणितस्य भू-गोलस्य तुरीय-भागो ऽयं लोकालोकाचलः

_* etāvān loka-vinyāso māna-lakṣaṇa-saṃsthābhir vicintitaḥ kavibhiḥ sa tu pañcāśat-koṭi-gaṇitasya bhū-golasya turīya-bhāgo 'yaṃ lokālokācalaḥ

So great is the arrangement of the worlds, as reckoned by the seers according to measure, characteristics and structure. And this Lokāloka mountain is the fourth part of the earth-sphere, which is counted as five hundred million (yojanas).

AI translation rendered from the Sanskrit, not a published edition

SB 5 20.39

_* तद्-उपरिष्टाच् चतसृष्व् आशास्वात्म-योनिनाखिल-जगद्-गुरुणाधिनिवेशिता ये द्विरद-पतय ऋषभः पुष्करचूडो वामनो ऽपराजित इति सकल-लोक-स्थिति-हेतवः

_* tad-upariṣṭāc catasṛṣv āśāsvātma-yoninākhila-jagad-guruṇādhiniveśitā ye dvirada-pataya ṛṣabhaḥ puṣkaracūḍo vāmano 'parājita iti sakala-loka-sthiti-hetavaḥ

Above it, in the four quarters, are stationed by the self-born one, the teacher of the whole universe, those lords of elephants — Ṛṣabha, Puṣkaracūḍa, Vāmana and Aparājita — who are the causes of the stability of all the worlds.

AI translation rendered from the Sanskrit, not a published edition

SB 5 20.40

_* तेषां स्व-विभूतीनां लोक-पालानां च विविध-वीर्योपबृंहणाय भगवान् परम-महा-पुरुषो महा-विभूति-पतिर् अन्तर्याम्य् आत्मनो विशुद्ध-सत्त्वं धर्म-ज्ञान-वैराग्यैश्वर्याद्य्-अष्ट-महा-सिद्ध्य्-उपलक्षणं विष्वक्सेनादिभिः स्व-पार्षद-प्रवरैः परिवारितो निज-वरायुधोपशोभितैर् निज-भुज-दण्डैः सन्धारयमाणस् तस्मिन् गिरि-वरे समन्तात् सकल-लोक-स्वस्तय आस्ते

_* teṣāṃ sva-vibhūtīnāṃ loka-pālānāṃ ca vividha-vīryopabṛṃhaṇāya bhagavān parama-mahā-puruṣo mahā-vibhūti-patir antaryāmy ātmano viśuddha-sattvaṃ dharma-jñāna-vairāgyaiśvaryādy-aṣṭa-mahā-siddhy-upalakṣaṇaṃ viṣvaksenādibhiḥ sva-pārṣada-pravaraiḥ parivārito nija-varāyudhopaśobhitair nija-bhuja-daṇḍaiḥ sandhārayamāṇas tasmin giri-vare samantāt sakala-loka-svastaya āste

For the increase of the various powers of those (elephants), his own manifestations, and of the guardians of the worlds, the Lord, the supreme great Person, master of great majesty, the inner controller, upholding with his own club-like arms, adorned with his own excellent weapons, his (form of) pure goodness, marked by dharma, knowledge, detachment, lordship and the other eight great perfections, surrounded by Viṣvaksena and his other chief attendants, dwells on all sides of that best of mountains for the welfare of all the worlds.

AI translation rendered from the Sanskrit, not a published edition — the model flagged this verse as uncertain

SB 5 20.41

_* आकल्पम् एवं वेषं गत एष भगवान् आत्म-योगमायया विरचित-विविध-लोक-यात्रा-गोपीयायेत्य् अर्थः

_* ākalpam evaṃ veṣaṃ gata eṣa bhagavān ātma-yogamāyayā viracita-vividha-loka-yātrā-gopīyāyety arthaḥ

The meaning is that this Lord has assumed such a form until the end of the kalpa in order to protect the manifold courses of the worlds, which have been fashioned by his own yogamāyā.

AI translation rendered from the Sanskrit, not a published edition

SB 5 20.42

_* यो ऽन्तर्-विस्तार एतेन ह्य् अलोक-परिमाणं च व्याख्यातं यद् बहिर् लोकालोकाचलात् ततः परस्ताद् योगेश्वर-गतिं विशुद्धाम् उदाहरन्ति

_* yo 'ntar-vistāra etena hy aloka-parimāṇaṃ ca vyākhyātaṃ yad bahir lokālokācalāt tataḥ parastād yogeśvara-gatiṃ viśuddhām udāharanti

That which is the inner extent — by this the measure of the aloka region too has been explained, namely that which is outside the Lokāloka mountain; beyond that they declare (lies) the pure path of the lords of yoga.

AI translation rendered from the Sanskrit, not a published edition — the model flagged this verse as uncertain

SB 5 20.43

_* अण्ड-मध्य-गतः सूर्यो द्याव्-आभूम्योर् यद् अन्तरम् सूर्याण्ड-गोलयोर् मध्ये कोट्यः स्युः पञ्च-विंशतिः

_* aṇḍa-madhya-gataḥ sūryo dyāv-ābhūmyor yad antaram sūryāṇḍa-golayor madhye koṭyaḥ syuḥ pañca-viṃśatiḥ

The sun stands at the middle of the (cosmic) egg; whatever is the space between heaven and earth, in the middle between the sun and the shell of the egg there would be twenty-five crores (of yojanas).

AI translation rendered from the Sanskrit, not a published edition

SB 5 20.44

मृते ऽण्ड एष एतस्मिन् यद् अभूत् ततो मार्तण्ड इति व्यपदेशः हिरण्यगर्भ इति यद् धिरण्याण्ड-समुद्भवः

mṛte 'ṇḍa eṣa etasmin yad abhūt tato mārtaṇḍa iti vyapadeśaḥ hiraṇyagarbha iti yad dhiraṇyāṇḍa-samudbhavaḥ

Since this one came to be in this egg when it was dead, hence the designation "Mārtaṇḍa"; and "Hiraṇyagarbha" because he arose from the golden egg.

AI translation rendered from the Sanskrit, not a published edition

SB 5 20.45

_* सूर्येण हि विभज्यन्ते दिशः खं द्यौर् मही भिदा स्वर्गापवर्गौ नरका रसौकांसि च सर्वशः

_* sūryeṇa hi vibhajyante diśaḥ khaṃ dyaur mahī bhidā svargāpavargau narakā rasaukāṃsi ca sarvaśaḥ

For by the sun are distinguished the directions, the sky, heaven, the earth, division (of regions), heaven and liberation, the hells, and the subterranean abodes, in every way.

AI translation rendered from the Sanskrit, not a published edition — the model flagged this verse as uncertain

SB 5 20.46

देव-तिर्यङ्-मनुष्याणां सरीसृप-सवीरुधाम् सर्व-जीव-निकायानां सूर्य आत्मा दृग्-ईश्वरः

deva-tiryaṅ-manuṣyāṇāṃ sarīsṛpa-savīrudhām sarva-jīva-nikāyānāṃ sūrya ātmā dṛg-īśvaraḥ

Of gods, animals and men, of creeping things and plants, of all assemblages of living beings, the sun is the self and the lord of sight.

AI translation rendered from the Sanskrit, not a published edition