Bhagavata Purana — Skandha 4 — Chapter 31
SB 4 31.1
मैत्रेय उवाच तत उत्पन्न-विज्ञाना आश्व् अधोक्षज-भाषितम् स्मरन्त आत्मजे भार्यां विसृज्य प्राव्रजन् गृहात्
maitreya uvāca tata utpanna-vijñānā āśv adhokṣaja-bhāṣitam smaranta ātmaje bhāryāṃ visṛjya prāvrajan gṛhāt
Maitreya said: Then, knowledge having arisen in them, quickly remembering what Adhokṣaja had said, they entrusted their wife to their son and went forth from home.
AI translation rendered from the Sanskrit, not a published edition
SB 4 31.2
दीक्षिता ब्रह्म-सत्रेण सर्व-भूतात्म-मेधसा प्रतीच्यां दिशि वेलायां सिद्धो ऽभूद् यत्र जाजलिः
dīkṣitā brahma-satreṇa sarva-bhūtātma-medhasā pratīcyāṃ diśi velāyāṃ siddho 'bhūd yatra jājaliḥ
Consecrated for the brahma-sattra, with the understanding of (seeing) the self in all beings, on the shore in the western quarter, where Jājali had attained perfection.
AI translation rendered from the Sanskrit, not a published edition — the model flagged this verse as uncertain
SB 4 31.3
तान् निर्जित-प्राण-मनो-वचो-दृशो जितासनान् शान्त-समान-विग्रहान् परे ऽमले ब्रह्मणि योजितात्मनः सुरासुरेड्यो ददृशे स्म नारदः
tān nirjita-prāṇa-mano-vaco-dṛśo jitāsanān śānta-samāna-vigrahān pare 'male brahmaṇi yojitātmanaḥ surāsureḍyo dadṛśe sma nāradaḥ
Nārada, honoured by gods and demons, saw them: their breath, mind, speech and sight fully conquered, their posture mastered, their bodies still and steady, their selves joined to the supreme, spotless Brahman.
AI translation rendered from the Sanskrit, not a published edition
SB 4 31.4
तम् आगतं त उत्थाय प्रणिपत्याभिनन्द्य च पूजयित्वा यथादेशं सुखासीनम् अथाब्रुवन्
tam āgataṃ ta utthāya praṇipatyābhinandya ca pūjayitvā yathādeśaṃ sukhāsīnam athābruvan
When he had come, they rose, bowed down, greeted him and worshipped him as prescribed; then, when he was comfortably seated, they spoke.
AI translation rendered from the Sanskrit, not a published edition
SB 4 31.5
प्रचेतस ऊचुः स्वागतं ते सुरर्षे ऽद्य दिष्ट्या नो दर्शनं गतः तव चङ्क्रमणं ब्रह्मन्न् अभयाय यथा रवेः
pracetasa ūcuḥ svāgataṃ te surarṣe 'dya diṣṭyā no darśanaṃ gataḥ tava caṅkramaṇaṃ brahmann abhayāya yathā raveḥ
The Pracetases said: Welcome to you, O sage among the gods! By good fortune you have today come into our sight. Your roaming about, O brāhmaṇa, is for (our) freedom from fear, like that of the sun.
AI translation rendered from the Sanskrit, not a published edition
SB 4 31.6
यद् आदिष्टं भगवता शिवेनाधोक्षजेन च तद् गृहेषु प्रसक्तानां प्रायशः क्षपितं प्रभो
yad ādiṣṭaṃ bhagavatā śivenādhokṣajena ca tad gṛheṣu prasaktānāṃ prāyaśaḥ kṣapitaṃ prabho
What was enjoined (upon us) by the lord Śiva and by Adhokṣaja — that, O master, has for the most part been squandered by us who were attached to household affairs.
AI translation rendered from the Sanskrit, not a published edition
SB 4 31.7
तन् नः प्रद्योतयाध्यात्म- ज्ञानं तत्त्वार्थ-दर्शनम् येनाञ्जसा तरिष्यामो दुस्तरं भव-सागरम्
tan naḥ pradyotayādhyātma- jñānaṃ tattvārtha-darśanam yenāñjasā tariṣyāmo dustaraṃ bhava-sāgaram
Therefore illuminate for us that knowledge of the self which shows the true meaning of things, by which we may easily cross the ocean of existence, hard to cross.
AI translation rendered from the Sanskrit, not a published edition
SB 4 31.8
मैत्रेय उवाच इति प्रचेतसां पृष्टो भगवान् नारदो मुनिः भगवत्य् उत्तम-श्लोक आविष्टात्माब्रवीन् नृपान्
maitreya uvāca iti pracetasāṃ pṛṣṭo bhagavān nārado muniḥ bhagavaty uttama-śloka āviṣṭātmābravīn nṛpān
Maitreya said: Thus questioned by the Pracetases, the venerable sage Nārada, his mind absorbed in the Lord who is praised by the finest hymns, spoke to the kings.
AI translation rendered from the Sanskrit, not a published edition
SB 4 31.9
नारद उवाच तज् जन्म तानि कर्माणि तद् आयुस् तन् मनो वचः नृणां येन हि विश्वात्मा सेव्यते हरिर् ईश्वरः
nārada uvāca taj janma tāni karmāṇi tad āyus tan mano vacaḥ nṛṇāṃ yena hi viśvātmā sevyate harir īśvaraḥ
Nārada said: That indeed is (a true) birth, those (true) deeds, that (true) lifespan, that (true) mind and speech of men, by which Hari, the Lord, the Self of all, is served.
AI translation rendered from the Sanskrit, not a published edition
SB 4 31.10
किं जन्मभिस् त्रिभिर् वेह शौक्र-सावित्र-याज्ञिकैः कर्मभिर् वा त्रयी-प्रोक्तैः पुंसो ऽपि विबुधायुषा
kiṃ janmabhis tribhir veha śaukra-sāvitra-yājñikaiḥ karmabhir vā trayī-proktaiḥ puṃso 'pi vibudhāyuṣā
What is the use of a man's three births here — from the seed, from the Sāvitrī (initiation), and from sacrifice — or of the acts prescribed in the three Vedas, or even of a lifespan like the gods'?
AI translation rendered from the Sanskrit, not a published edition
SB 4 31.11
श्रुतेन तपसा वा किं वचोभिश् चित्त-वृत्तिभिः बुद्ध्या वा किं निपुणया बलेनेन्द्रिय-राधसा
śrutena tapasā vā kiṃ vacobhiś citta-vṛttibhiḥ buddhyā vā kiṃ nipuṇayā balenendriya-rādhasā
What is the use of learning, or of austerity, of words, of the mind's activities, or of a sharp intellect, or of strength and the wealth of the senses?
AI translation rendered from the Sanskrit, not a published edition
SB 4 31.12
किं वा योगेन साङ्ख्येन न्यास-स्वाध्याययोर् अपि किं वा श्रेयोभिर् अन्यैश् च न यत्रात्म-प्रदो हरिः
kiṃ vā yogena sāṅkhyena nyāsa-svādhyāyayor api kiṃ vā śreyobhir anyaiś ca na yatrātma-prado hariḥ
Or what is the use of yoga, of Sāṅkhya, of renunciation or private recitation, or of other goods, where Hari, the giver of the Self, is not (attained)?
AI translation rendered from the Sanskrit, not a published edition
SB 4 31.13
श्रेयसाम् अपि सर्वेषाम् आत्मा ह्य् अवधिर् अर्थतः सर्वेषाम् अपि भूतानां हरिर् आत्मात्मदः प्रियः
śreyasām api sarveṣām ātmā hy avadhir arthataḥ sarveṣām api bhūtānāṃ harir ātmātmadaḥ priyaḥ
Of all goods too, the Self is in truth the limit (the ultimate aim); and Hari is the Self of all beings, the giver of the Self, the dear one.
AI translation rendered from the Sanskrit, not a published edition
SB 4 31.14
यथा तरोर् मूल-निषेचनेन तृप्यन्ति तत्-स्कन्ध-भुजोपशाखाः प्राणोपहाराच् च यथेन्द्रियाणां तथैव सर्वार्हणम् अच्युतेज्या
yathā taror mūla-niṣecanena tṛpyanti tat-skandha-bhujopaśākhāḥ prāṇopahārāc ca yathendriyāṇāṃ tathaiva sarvārhaṇam acyutejyā
Just as, by watering the root of a tree, its trunk, boughs and branchlets are satisfied, and just as by offering (food to) the life-breath the senses (are satisfied), so worship of Acyuta is the honouring of all.
AI translation rendered from the Sanskrit, not a published edition
SB 4 31.15
यथैव सूर्यात् प्रभवन्ति वारः पुनश् च तस्मिन् प्रविशन्ति काले भूतानि भूमौ स्थिर-जङ्गमानि तथा हराव् एव गुण-प्रवाहः
yathaiva sūryāt prabhavanti vāraḥ punaś ca tasmin praviśanti kāle bhūtāni bhūmau sthira-jaṅgamāni tathā harāv eva guṇa-pravāhaḥ
Just as waters arise from the sun and again in time enter into it, and (as) beings, moving and unmoving, (arise) on the earth (and return to it), so the flow of the qualities (exists) in Hari alone.
AI translation rendered from the Sanskrit, not a published edition
SB 4 31.16
एतत् पदं तज् जगद्-आत्मनः परं सकृद् विभातं सवितुर् यथा प्रभा यथासवो जाग्रति सुप्त-शक्तयो द्रव्य-क्रिया-ज्ञान-भिदा-भ्रमात्ययः
etat padaṃ taj jagad-ātmanaḥ paraṃ sakṛd vibhātaṃ savitur yathā prabhā yathāsavo jāgrati supta-śaktayo dravya-kriyā-jñāna-bhidā-bhramātyayaḥ
This is that state, higher than the Self of the world, shining forth all at once like the radiance of the sun; as when the life-breaths awake, their powers having been asleep — (it is) the ceasing of the delusion of distinctions of substance, action and knowledge.
AI translation rendered from the Sanskrit, not a published edition — the model flagged this verse as uncertain
SB 4 31.17
यथा नभस्य् अभ्र-तमः-प्रकाशा भवन्ति भूपा न भवन्त्य् अनुक्रमात् एवं परे ब्रह्मणि शक्तयस् त्व् अमू रजस् तमः सत्त्वम् इति प्रवाहः
yathā nabhasy abhra-tamaḥ-prakāśā bhavanti bhūpā na bhavanty anukramāt evaṃ pare brahmaṇi śaktayas tv amū rajas tamaḥ sattvam iti pravāhaḥ
Just as in the sky the appearances of cloud and darkness come to be and, in succession, cease to be, so in the supreme Brahman these powers — rajas, tamas, sattva — are a flow.
AI translation rendered from the Sanskrit, not a published edition
SB 4 31.18
तेनैकम् आत्मानम् अशेष-देहिनां कालं प्रधानं पुरुषं परेशम् स्व-तेजसा ध्वस्त-गुण-प्रवाहम् आत्मैक-भावेन भजध्वम् अद्धा
tenaikam ātmānam aśeṣa-dehināṃ kālaṃ pradhānaṃ puruṣaṃ pareśam sva-tejasā dhvasta-guṇa-pravāham ātmaika-bhāvena bhajadhvam addhā
Therefore worship directly, with the sense of oneness with the Self, that one Self of all embodied beings, Time, the primal nature, the Person, the supreme Lord, in whom the flow of the qualities is destroyed by his own splendour.
AI translation rendered from the Sanskrit, not a published edition
SB 4 31.19
दयया सर्व-भूतेषु सन्तुष्ट्या येन केन वा सर्वेन्द्रियोपशान्त्या च तुष्यत्य् आशु जनार्दनः
dayayā sarva-bhūteṣu santuṣṭyā yena kena vā sarvendriyopaśāntyā ca tuṣyaty āśu janārdanaḥ
By compassion toward all beings, by contentment with whatever comes, and by the quieting of all the senses, Janārdana is quickly pleased.
AI translation rendered from the Sanskrit, not a published edition
SB 4 31.20
अपहत-सकलैषणामलात्मन्य् अविरतम् एधित-भावनोपहूतः निज-जन-वश-गत्वम् आत्मनो ऽयन् न सरति छिद्रवद् अक्षरः सतां हि
apahata-sakalaiṣaṇāmalātmany aviratam edhita-bhāvanopahūtaḥ nija-jana-vaśa-gatvam ātmano 'yan na sarati chidravad akṣaraḥ satāṃ hi
Called by ever-increasing meditation in one whose self is pure, all desires having been driven off, the Imperishable, coming into subjection to his own people, does not depart from the good, as (air does not) from an opening.
AI translation rendered from the Sanskrit, not a published edition — the model flagged this verse as uncertain
SB 4 31.21
न भजति कुमनीषिणां स इज्यां हरिर् अधनात्म-धन-प्रियो रस-ज्ञः श्रुत-धन-कुल-कर्मणां मदैर् ये विदधति पापम् अकिञ्चनेषु सत्सु
na bhajati kumanīṣiṇāṃ sa ijyāṃ harir adhanātma-dhana-priyo rasa-jñaḥ śruta-dhana-kula-karmaṇāṃ madair ye vidadhati pāpam akiñcaneṣu satsu
Hari does not accept the sacrifice of the ill-minded — he who loves the poor whose only wealth is the Self, he who knows the taste (of devotion) — those who, through the intoxications of learning, wealth, family and works, do harm to the good who possess nothing.
AI translation rendered from the Sanskrit, not a published edition
SB 4 31.22
श्रियम् अनुचरतीं तद्-अर्थिनश् च द्विपद-पतीन् विबुधांश् च यत् स्व-पूर्णः न भजति निज-भृत्य-वर्ग-तन्त्रः कथम् अमुम् उद्विसृजेत् पुमान् कृत-ज्ञः
śriyam anucaratīṃ tad-arthinaś ca dvipada-patīn vibudhāṃś ca yat sva-pūrṇaḥ na bhajati nija-bhṛtya-varga-tantraḥ katham amum udvisṛjet pumān kṛta-jñaḥ
Since, being full in himself, he does not court Fortune who follows after him, nor those who seek her, nor the lords of men, nor the gods, but is dependent on his own group of servants — how could a grateful man abandon him?
AI translation rendered from the Sanskrit, not a published edition
SB 4 31.23
मैत्रेय उवाच इति प्रचेतसो राजन्न् अन्याश् च भगवत्-कथाः श्रावयित्वा ब्रह्म-लोकं ययौ स्वायम्भुवो मुनिः
maitreya uvāca iti pracetaso rājann anyāś ca bhagavat-kathāḥ śrāvayitvā brahma-lokaṃ yayau svāyambhuvo muniḥ
Maitreya said: Thus, O king, having made the Pracetases hear these and other accounts of the Lord, the sage, son of the Self-born, went to Brahmaloka.
AI translation rendered from the Sanskrit, not a published edition
SB 4 31.24
ते ऽपि तन्-मुख-निर्यातं यशो लोक-मलापहम् हरेर् निशम्य तत्-पादं ध्यायन्तस् तद्-गतिं ययुः
te 'pi tan-mukha-niryātaṃ yaśo loka-malāpaham harer niśamya tat-pādaṃ dhyāyantas tad-gatiṃ yayuḥ
And they too, having heard the glory of Hari that issued from his mouth, which removes the world's impurity, meditating on his feet, went to his abode.
AI translation rendered from the Sanskrit, not a published edition
SB 4 31.25
एतत् ते ऽभिहितं क्षत्तर् यन् मां त्वं परिपृष्टवान् प्रचेतसां नारदस्य संवादं हरि-कीर्तनम्
etat te 'bhihitaṃ kṣattar yan māṃ tvaṃ paripṛṣṭavān pracetasāṃ nāradasya saṃvādaṃ hari-kīrtanam
This, O Kṣattā (Vidura), which you asked me about, has been told to you: the conversation of Nārada with the Pracetases, which is a glorification of Hari.
AI translation rendered from the Sanskrit, not a published edition
SB 4 31.26
श्री-शुक उवाच य एष उत्तानपदो मानवस्यानुवर्णितः वंशः प्रियव्रतस्यापि निबोध नृप-सत्तम
śrī-śuka uvāca ya eṣa uttānapado mānavasyānuvarṇitaḥ vaṃśaḥ priyavratasyāpi nibodha nṛpa-sattama
Śrī Śuka said: This lineage of Uttānapāda, son of Manu, has been described (to you); now learn also of that of Priyavrata, O best of kings.
AI translation rendered from the Sanskrit, not a published edition
SB 4 31.27
यो नारदाद् आत्म-विद्याम् अधिगम्य पुनर् महीम् भुक्त्वा विभज्य पुत्रेभ्य ऐश्वरं समगात् पदम्
yo nāradād ātma-vidyām adhigamya punar mahīm bhuktvā vibhajya putrebhya aiśvaraṃ samagāt padam
He (Priyavrata), having obtained the knowledge of the self from Nārada, and having again enjoyed the earth and divided it among his sons, attained the sovereign station.
AI translation rendered from the Sanskrit, not a published edition
SB 4 31.28
इमां तु कौषारविणोपवर्णितां क्षत्ता निशम्याजित-वाद-सत्-कथाम् प्रवृद्ध-भावो ऽश्रु-कलाकुलो मुनेर् दधार मूर्ध्ना चरणं हृदा हरेः
imāṃ tu kauṣāraviṇopavarṇitāṃ kṣattā niśamyājita-vāda-sat-kathām pravṛddha-bhāvo 'śru-kalākulo muner dadhāra mūrdhnā caraṇaṃ hṛdā hareḥ
But Kṣattā (Vidura), hearing this good narrative, the discourse on the unconquered (Lord), recounted by the son of Kauṣāravi (Maitreya), his feeling swelling and overcome by tears, held the sage's foot on his head and Hari in his heart.
AI translation rendered from the Sanskrit, not a published edition
SB 4 31.29
विदुर उवाच सो ऽयम् अद्य महा-योगिन् भवता करुणात्मना दर्शितस् तमसः पारो यत्राकिञ्चन-गो हरिः
vidura uvāca so 'yam adya mahā-yogin bhavatā karuṇātmanā darśitas tamasaḥ pāro yatrākiñcana-go hariḥ
Vidura said: Today, O great yogin, this far shore of darkness has been shown by you, whose nature is compassion — where Hari is, who is reached by one who possesses nothing.
AI translation rendered from the Sanskrit, not a published edition
SB 4 31.30
श्री-शुक उवाच इत्य् आनम्य तम् आमन्त्र्य विदुरो गजसाह्वयम् स्वानां दिदृक्षुः प्रययौ ज्ञातीनां निर्वृताशयः
śrī-śuka uvāca ity ānamya tam āmantrya viduro gajasāhvayam svānāṃ didṛkṣuḥ prayayau jñātīnāṃ nirvṛtāśayaḥ
Śrī Śuka said: Having thus bowed to him and taken leave of him, Vidura, his mind at peace, set out for the city named after the elephant (Hastināpura), wishing to see his own kinsmen.
AI translation rendered from the Sanskrit, not a published edition
SB 4 31.31
एतद् यः शृणुयाद् राजन् राज्ञां हर्य्-अर्पितात्मनाम् आयुर् धनं यशः स्वस्ति गतिम् ऐश्वर्यम् आप्नुयात्
etad yaḥ śṛṇuyād rājan rājñāṃ hary-arpitātmanām āyur dhanaṃ yaśaḥ svasti gatim aiśvaryam āpnuyāt
Whoever, O King, should hear this (account) of the kings who had offered up their selves to Hari, would obtain long life, wealth, fame, well-being, a (good) destination, and sovereignty.
AI translation rendered from the Sanskrit, not a published edition