Bhagavata Purana — Skandha 4 — Chapter 28
SB 4 28.1
नारद उवाच सैनिका भय-नाम्नो ये बर्हिष्मन् दिष्ट-कारिणः प्रज्वार-काल-कन्याभ्यां विचेरुर् अवनीम् इमाम्
nārada uvāca sainikā bhaya-nāmno ye barhiṣman diṣṭa-kāriṇaḥ prajvāra-kāla-kanyābhyāṃ vicerur avanīm imām
Nārada said: Those soldiers of him named Fear, O Barhiṣmān, doing what was fated, roamed this earth along with Prajvāra and the daughter of Time.
AI translation rendered from the Sanskrit, not a published edition
SB 4 28.2
त एकदा तु रभसा पुरञ्जन-पुरीं नृप रुरुधुर् भौम-भोगाढ्यां जरत्-पन्नग-पालिताम्
ta ekadā tu rabhasā purañjana-purīṃ nṛpa rurudhur bhauma-bhogāḍhyāṃ jarat-pannaga-pālitām
Once, O king, they violently besieged Purañjana's city, rich in earthly enjoyments and guarded by the old serpent.
AI translation rendered from the Sanskrit, not a published edition
SB 4 28.3
काल-कन्यापि बुभुजे पुरञ्जन-पुरं बलात् ययाभिभूतः पुरुषः सद्यो निःसारताम् इयात्
kāla-kanyāpi bubhuje purañjana-puraṃ balāt yayābhibhūtaḥ puruṣaḥ sadyo niḥsāratām iyāt
And the daughter of Time forcibly enjoyed Purañjana's city — a man overpowered by her at once becomes devoid of vigour.
AI translation rendered from the Sanskrit, not a published edition
SB 4 28.4
तयोपभुज्यमानां वै यवनाः सर्वतो-दिशम् द्वार्भिः प्रविश्य सुभृशं प्रार्दयन् सकलां पुरीम्
tayopabhujyamānāṃ vai yavanāḥ sarvato-diśam dvārbhiḥ praviśya subhṛśaṃ prārdayan sakalāṃ purīm
While she was enjoying it, the Yavanas, entering by the gates from every direction, sorely afflicted the whole city.
AI translation rendered from the Sanskrit, not a published edition
SB 4 28.5
तस्यां प्रपीड्यमानायाम् अभिमानी पुरञ्जनः अवापोरु-विधांस् तापान् कुटुम्बी ममताकुलः
tasyāṃ prapīḍyamānāyām abhimānī purañjanaḥ avāporu-vidhāṃs tāpān kuṭumbī mamatākulaḥ
As it was being crushed, Purañjana, full of self-conceit, a family man distracted by the sense of "mine," suffered manifold torments.
AI translation rendered from the Sanskrit, not a published edition
SB 4 28.6
कन्योपगूढो नष्ट-श्रीः कृपणो विषयात्मकः नष्ट-प्रज्ञो हृतैश्वर्यो गन्धर्व-यवनैर् बलात्
kanyopagūḍho naṣṭa-śrīḥ kṛpaṇo viṣayātmakaḥ naṣṭa-prajño hṛtaiśvaryo gandharva-yavanair balāt
Embraced by the maiden, his splendor gone, wretched, given over to sense objects, his intelligence destroyed, his dominion carried off by force by the Gandharvas and the Yavanas—
AI translation rendered from the Sanskrit, not a published edition
SB 4 28.7
विशीर्णां स्व-पुरीं वीक्ष्य प्रतिकूलान् अनादृतान् पुत्रान् पौत्रानुगामात्यान् जायां च गत-सौहृदाम्
viśīrṇāṃ sva-purīṃ vīkṣya pratikūlān anādṛtān putrān pautrānugāmātyān jāyāṃ ca gata-sauhṛdām
seeing his own city broken to pieces, and his sons, grandsons, followers and ministers turned hostile and disrespectful, and his wife her affection gone—
AI translation rendered from the Sanskrit, not a published edition
SB 4 28.8
आत्मानं कन्यया ग्रस्तं पञ्चालान् अरि-दूषितान् दुरन्त-चिन्ताम् आपन्नो न लेभे तत्-प्रतिक्रियाम्
ātmānaṃ kanyayā grastaṃ pañcālān ari-dūṣitān duranta-cintām āpanno na lebhe tat-pratikriyām
(seeing) himself devoured by the maiden and the Pañcālas spoiled by the enemy, he fell into endless anxiety and could find no remedy for it.
AI translation rendered from the Sanskrit, not a published edition
SB 4 28.9
कामान् अभिलषन् दीनो यात-यामांश् च कन्यया विगतात्म-गति-स्नेहः पुत्र-दारांश् च लालयन्
kāmān abhilaṣan dīno yāta-yāmāṃś ca kanyayā vigatātma-gati-snehaḥ putra-dārāṃś ca lālayan
Wretched, still hankering after pleasures—though they had gone stale through the maiden—having lost affection for the goal of the self, and still fondling his sons and wife,
AI translation rendered from the Sanskrit, not a published edition
SB 4 28.10
गन्धर्व-यवनाक्रान्तां काल-कन्योपमर्दिताम् हातुं प्रचक्रमे राजा तां पुरीम् अनिकामतः
gandharva-yavanākrāntāṃ kāla-kanyopamarditām hātuṃ pracakrame rājā tāṃ purīm anikāmataḥ
the king set about abandoning that city, overrun by the Gandharvas and the Yavanas and crushed by the maiden Kālakanyā, though not of his own wish.
AI translation rendered from the Sanskrit, not a published edition
SB 4 28.11
भय-नाम्नो ऽग्रजो भ्राता प्रज्वारः प्रत्युपस्थितः ददाह तां पुरीं कृत्स्नां भ्रातुः प्रिय-चिकीर्षया
bhaya-nāmno 'grajo bhrātā prajvāraḥ pratyupasthitaḥ dadāha tāṃ purīṃ kṛtsnāṃ bhrātuḥ priya-cikīrṣayā
Prajvāra, the elder brother of the one named Bhaya, appeared and burned that whole city down, wishing to do his brother a kindness.
AI translation rendered from the Sanskrit, not a published edition
SB 4 28.12
तस्यां सन्दह्यमानायां सपौरः सपरिच्छदः कौटुम्बिकः कुटुम्बिन्या उपातप्यत सान्वयः
tasyāṃ sandahyamānāyāṃ sapauraḥ saparicchadaḥ kauṭumbikaḥ kuṭumbinyā upātapyata sānvayaḥ
As it was burning up, the family man, together with his citizens and his belongings, together with his wife and his offspring, was scorched with pain.
AI translation rendered from the Sanskrit, not a published edition
SB 4 28.13
यवनोपरुद्धायतनो ग्रस्तायां काल-कन्यया पुर्यां प्रज्वार-संसृष्टः पुर-पालो ऽन्वतप्यत
yavanoparuddhāyatano grastāyāṃ kāla-kanyayā puryāṃ prajvāra-saṃsṛṣṭaḥ pura-pālo 'nvatapyata
With his dwelling blockaded by the Yavanas, and the city seized by the maiden Kālakanyā, the city's guardian, joined with Prajvāra, suffered along (with them).
AI translation rendered from the Sanskrit, not a published edition
SB 4 28.14
न शेके सो ऽवितुं तत्र पुरु-कृच्छ्रोरु-वेपथुः गन्तुम् ऐच्छत् ततो वृक्ष- कोटराद् इव सानलात्
na śeke so 'vituṃ tatra puru-kṛcchroru-vepathuḥ gantum aicchat tato vṛkṣa- koṭarād iva sānalāt
He could not protect it there, in much distress and trembling greatly; he wished to depart from it, as from the hollow of a tree that is on fire.
AI translation rendered from the Sanskrit, not a published edition
SB 4 28.15
शिथिलावयवो यर्हि गन्धर्वैर् हृत-पौरुषः यवनैर् अरिभी राजन्न् उपरुद्धो रुरोद ह
śithilāvayavo yarhi gandharvair hṛta-pauruṣaḥ yavanair aribhī rājann uparuddho ruroda ha
When his limbs had grown slack, his manly power carried off by the Gandharvas, and he was besieged by the Yavanas, the enemies—then, O King, he wept.
AI translation rendered from the Sanskrit, not a published edition
SB 4 28.16
दुहितॄः पुत्र-पौत्रांश् च जामि-जामातृ-पार्षदान् स्वत्वावशिष्टं यत् किञ्चिद् गृह-कोश-परिच्छदम्
duhitṝḥ putra-pautrāṃś ca jāmi-jāmātṛ-pārṣadān svatvāvaśiṣṭaṃ yat kiñcid gṛha-kośa-paricchadam
His daughters, sons and grandsons, his kinswomen, sons-in-law and attendants, and whatever little was left of his own—house, treasury, belongings—
AI translation rendered from the Sanskrit, not a published edition
SB 4 28.17
अहं ममेति स्वीकृत्य गृहेषु कुमतिर् गृही दध्यौ प्रमदया दीनो विप्रयोग उपस्थिते
ahaṃ mameti svīkṛtya gṛheṣu kumatir gṛhī dadhyau pramadayā dīno viprayoga upasthite
claiming (all this) as "I" and "mine," the householder of poor understanding, miserable, brooded over his woman, when the separation had come upon (him).
AI translation rendered from the Sanskrit, not a published edition
SB 4 28.18
लोकान्तरं गतवति मय्य् अनाथा कुटुम्बिनी वर्तिष्यते कथं त्व् एषा बालकान् अनुशोचती
lokāntaraṃ gatavati mayy anāthā kuṭumbinī vartiṣyate kathaṃ tv eṣā bālakān anuśocatī
"When I have gone to another world, how will she, my wife, live on without a protector, grieving for the little children?
AI translation rendered from the Sanskrit, not a published edition
SB 4 28.19
न मय्य् अनाशिते भुङ्क्ते नास्नाते स्नाति मत्-परा मयि रुष्टे सुसन्त्रस्ता भर्त्सिते यत-वाग् भयात्
na mayy anāśite bhuṅkte nāsnāte snāti mat-parā mayi ruṣṭe susantrastā bhartsite yata-vāg bhayāt
"She does not eat while I have not eaten, does not bathe while I have not bathed; devoted to me, when I am angry she is much frightened, and when scolded she holds her tongue out of fear.
AI translation rendered from the Sanskrit, not a published edition
SB 4 28.20
प्रबोधयति माविज्ञं व्युषिते शोक-कर्शिता वर्त्मैतद् गृह-मेधीयं वीर-सूर् अपि नेष्यति
prabodhayati māvijñaṃ vyuṣite śoka-karśitā vartmaitad gṛha-medhīyaṃ vīra-sūr api neṣyati
"She awakens me when I am unaware; when I am away she is wasted by grief. Will she, though the mother of heroes, carry on this householder's course?"
AI translation rendered from the Sanskrit, not a published edition — the model flagged this verse as uncertain
SB 4 28.21
कथं नु दारका दीना दारकीर् वापरायणाः वर्तिष्यन्ते मयि गते भिन्न-नाव इवोदधौ
kathaṃ nu dārakā dīnā dārakīr vāparāyaṇāḥ vartiṣyante mayi gate bhinna-nāva ivodadhau
"And how will the poor boys and girls, with no other refuge, live on when I am gone, like men on a broken boat in the ocean?"
AI translation rendered from the Sanskrit, not a published edition
SB 4 28.22
एवं कृपणया बुद्ध्या शोचन्तम् अतद्-अर्हणम् ग्रहीतुं कृत-धीर् एनं भय-नामाभ्यपद्यत
evaṃ kṛpaṇayā buddhyā śocantam atad-arhaṇam grahītuṃ kṛta-dhīr enaṃ bhaya-nāmābhyapadyata
As he thus grieved with a wretched understanding—he who did not deserve that—the one named Bhaya, resolved to seize him, came upon him.
AI translation rendered from the Sanskrit, not a published edition
SB 4 28.23
पशुवद् यवनैर् एष नीयमानः स्वकं क्षयम् अन्वद्रवन्न् अनुपथाः शोचन्तो भृशम् आतुराः
paśuvad yavanair eṣa nīyamānaḥ svakaṃ kṣayam anvadravann anupathāḥ śocanto bhṛśam āturāḥ
As he was being led by the Yavanas like a beast to his own destruction, his followers ran after him along the road, grieving, greatly distressed.
AI translation rendered from the Sanskrit, not a published edition
SB 4 28.24
पुरीं विहायोपगत उपरुद्धो भुजङ्गमः यदा तम् एवानु पुरी विशीर्णा प्रकृतिं गता
purīṃ vihāyopagata uparuddho bhujaṅgamaḥ yadā tam evānu purī viśīrṇā prakṛtiṃ gatā
The serpent, who had left the city and come out (with him), was also seized; and then, following after him alone, the city, broken to pieces, went back to its elements.
AI translation rendered from the Sanskrit, not a published edition
SB 4 28.25
विकृष्यमाणः प्रसभं यवनेन बलीयसा नाविन्दत् तमसाविष्टः सखायं सुहृदं पुरः
vikṛṣyamāṇaḥ prasabhaṃ yavanena balīyasā nāvindat tamasāviṣṭaḥ sakhāyaṃ suhṛdaṃ puraḥ
Being dragged away by force by the mightier Yavana, overcome by darkness, he did not recognize his companion, the friend (who stood) before him.
AI translation rendered from the Sanskrit, not a published edition
SB 4 28.26
तं यज्ञ-पशवो ऽनेन संज्ञप्ता ये ऽदयालुना कुठारैश् चिच्छिदुः क्रुद्धाः स्मरन्तो ऽमीवम् अस्य तत्
taṃ yajña-paśavo 'nena saṃjñaptā ye 'dayālunā kuṭhāraiś cicchiduḥ kruddhāḥ smaranto 'mīvam asya tat
Those sacrificial animals that had been slaughtered by him, the pitiless one, remembering that wrong of his, angrily hacked at him with axes.
AI translation rendered from the Sanskrit, not a published edition
SB 4 28.27
अनन्त-पारे तमसि मग्नो नष्ट-स्मृतिः समाः शाश्वतीर् अनुभूयार्तिं प्रमदा-सङ्ग-दूषितः
ananta-pāre tamasi magno naṣṭa-smṛtiḥ samāḥ śāśvatīr anubhūyārtiṃ pramadā-saṅga-dūṣitaḥ
Sunk in darkness whose far shore is endless, his memory lost, having undergone pain for everlasting years, he was defiled by his association with the woman.
AI translation rendered from the Sanskrit, not a published edition
SB 4 28.28
ताम् एव मनसा गृह्णन् बभूव प्रमदोत्तमा अनन्तरं विदर्भस्य राज-सिंहस्य वेश्मनि
tām eva manasā gṛhṇan babhūva pramadottamā anantaraṃ vidarbhasya rāja-siṃhasya veśmani
Grasping her alone with his mind, he became a woman of the highest sort, next in the house of Vidarbha, that lion among kings.
AI translation rendered from the Sanskrit, not a published edition
SB 4 28.29
उपयेमे वीर्य-पणां वैदर्भीं मलयध्वजः युधि निर्जित्य राजन्यान् पाण्ड्यः पर-पुरञ्जयः
upayeme vīrya-paṇāṃ vaidarbhīṃ malayadhvajaḥ yudhi nirjitya rājanyān pāṇḍyaḥ para-purañjayaḥ
Malayadhvaja the Pāṇḍya, conqueror of the cities of his foes, having defeated the princes in battle, married the Vaidarbhī princess whose bride-price was valour.
AI translation rendered from the Sanskrit, not a published edition
SB 4 28.30
तस्यां स जनयां चक्र आत्मजाम् असितेक्षणाम् यवीयसः सप्त सुतान् सप्त द्रविड-भूभृतः
tasyāṃ sa janayāṃ cakra ātmajām asitekṣaṇām yavīyasaḥ sapta sutān sapta draviḍa-bhūbhṛtaḥ
In her he begot a daughter with dark eyes, and seven younger sons, the seven rulers of the Draviḍa land.
AI translation rendered from the Sanskrit, not a published edition
SB 4 28.31
एकैकस्याभवत् तेषां राजन्न् अर्बुदम् अर्बुदम् भोक्ष्यते यद्-वंश-धरैर् मही मन्वन्तरं परम्
ekaikasyābhavat teṣāṃ rājann arbudam arbudam bhokṣyate yad-vaṃśa-dharair mahī manvantaraṃ param
Of each single one of them, O king, there came to be an arbuda upon arbuda (of descendants), by whose lineage-bearers the earth will be enjoyed for a further manvantara.
AI translation rendered from the Sanskrit, not a published edition
SB 4 28.32
अगस्त्यः प्राग् दुहितरम् उपयेमे धृत-व्रताम् यस्यां दृढच्युतो जात इध्मवाहात्मजो मुनिः
agastyaḥ prāg duhitaram upayeme dhṛta-vratām yasyāṃ dṛḍhacyuto jāta idhmavāhātmajo muniḥ
Formerly Agastya married the daughter, who was firm in her vows; in her was born Dṛḍhacyuta, whose son was the sage Idhmavāha.
AI translation rendered from the Sanskrit, not a published edition
SB 4 28.33
विभज्य तनयेभ्यः क्ष्मां राजर्षिर् मलयध्वजः आरिराधयिषुः कृष्णं स जगाम कुलाचलम्
vibhajya tanayebhyaḥ kṣmāṃ rājarṣir malayadhvajaḥ ārirādhayiṣuḥ kṛṣṇaṃ sa jagāma kulācalam
Having divided the earth among his sons, the royal sage Malayadhvaja, wishing to worship Kṛṣṇa, went to the Kulācala mountain.
AI translation rendered from the Sanskrit, not a published edition
SB 4 28.34
हित्वा गृहान् सुतान् भोगान् वैदर्भी मदिरेक्षणा अन्वधावत पाण्ड्येशं ज्योत्स्नेव रजनी-करम्
hitvā gṛhān sutān bhogān vaidarbhī madirekṣaṇā anvadhāvata pāṇḍyeśaṃ jyotsneva rajanī-karam
Abandoning home, sons, and enjoyments, the Vaidarbhī with her intoxicating eyes ran after the lord of the Pāṇḍyas, as moonlight follows the maker of night.
AI translation rendered from the Sanskrit, not a published edition
SB 4 28.35
तत्र चन्द्रवसा नाम ताम्रपर्णी वटोदका तत्-पुण्य-सलिलैर् नित्यम् उभयत्रात्मनो मृजन्
tatra candravasā nāma tāmraparṇī vaṭodakā tat-puṇya-salilair nityam ubhayatrātmano mṛjan
There (are the rivers) named Candravasā, Tāmraparṇī and Vaṭodakā; with their holy waters he daily cleansed himself in both respects.
AI translation rendered from the Sanskrit, not a published edition — the model flagged this verse as uncertain
SB 4 28.36
कन्दाष्टिभिर् मूल-फलैः पुष्प-पर्णैस् तृणोदकैः वर्तमानः शनैर् गात्र- कर्शनं तप आस्थितः
kandāṣṭibhir mūla-phalaiḥ puṣpa-parṇais tṛṇodakaiḥ vartamānaḥ śanair gātra- karśanaṃ tapa āsthitaḥ
Subsisting on bulbs, seeds, roots and fruits, flowers, leaves, grass and water, he gradually took up an austerity that emaciated his body.
AI translation rendered from the Sanskrit, not a published edition
SB 4 28.37
शीतोष्ण-वात-वर्षाणि क्षुत्-पिपासे प्रियाप्रिये सुख-दुःखे इति द्वन्द्वान्य् अजयत् सम-दर्शनः
śītoṣṇa-vāta-varṣāṇi kṣut-pipāse priyāpriye sukha-duḥkhe iti dvandvāny ajayat sama-darśanaḥ
Cold, heat, wind and rain, hunger and thirst, the pleasant and the unpleasant, pleasure and pain — such pairs he conquered, being equal in his vision.
AI translation rendered from the Sanskrit, not a published edition
SB 4 28.38
तपसा विद्यया पक्व- कषायो नियमैर् यमैः युयुजे ब्रह्मण्य् आत्मानं विजिताक्षानिलाशयः
tapasā vidyayā pakva- kaṣāyo niyamair yamaiḥ yuyuje brahmaṇy ātmānaṃ vijitākṣānilāśayaḥ
His impurities burnt away by austerity, by knowledge, by observances and restraints, having conquered the senses, the vital air and the mind, he joined his self to Brahman.
AI translation rendered from the Sanskrit, not a published edition
SB 4 28.39
आस्ते स्थाणुर् इवैकत्र दिव्यं वर्ष-शतं स्थिरः वासुदेवे भगवति नान्यद् वेदोद्वहन् रतिम्
āste sthāṇur ivaikatra divyaṃ varṣa-śataṃ sthiraḥ vāsudeve bhagavati nānyad vedodvahan ratim
He remained in one place, motionless as a post, steady for a hundred celestial years, sustaining love for the Lord Vāsudeva and knowing nothing else.
AI translation rendered from the Sanskrit, not a published edition
SB 4 28.40
स व्यापकतयात्मानं व्यतिरिक्ततयात्मनि विद्वान् स्वप्न इवामर्श- साक्षिणं विरराम ह
sa vyāpakatayātmānaṃ vyatiriktatayātmani vidvān svapna ivāmarśa- sākṣiṇaṃ virarāma ha
Knowing the Self as all-pervading and as distinct (from the body), and within himself the witness of (all) apprehension as though of a dream, he came to rest.
AI translation rendered from the Sanskrit, not a published edition — the model flagged this verse as uncertain
SB 4 28.41
साक्षाद् भगवतोक्तेन गुरुणा हरिणा नृप विशुद्ध-ज्ञान-दीपेन स्फुरता विश्वतो-मुखम्
sākṣād bhagavatoktena guruṇā hariṇā nṛpa viśuddha-jñāna-dīpena sphuratā viśvato-mukham
By the guru Hari, the Lord himself, who had spoken directly, O king, by the blazing lamp of utterly pure knowledge, which faces in all directions —
AI translation rendered from the Sanskrit, not a published edition — the model flagged this verse as uncertain
SB 4 28.42
परे ब्रह्मणि चात्मानं परं ब्रह्म तथात्मनि वीक्षमाणो विहायेक्षाम् अस्माद् उपरराम ह
pare brahmaṇi cātmānaṃ paraṃ brahma tathātmani vīkṣamāṇo vihāyekṣām asmād upararāma ha
Seeing himself in the supreme Brahman and the supreme Brahman likewise in himself, he gave up (all further) looking and ceased from this (activity).
AI translation rendered from the Sanskrit, not a published edition
SB 4 28.43
पतिं परम-धर्म-ज्ञं वैदर्भी मलयध्वजम् प्रेम्णा पर्यचरद् धित्वा भोगान् सा पति-देवता
patiṃ parama-dharma-jñaṃ vaidarbhī malayadhvajam premṇā paryacarad dhitvā bhogān sā pati-devatā
The Vaidarbhī, for whom her husband was her god, gave up enjoyments and served with love her husband Malayadhvaja, the knower of the highest dharma.
AI translation rendered from the Sanskrit, not a published edition
SB 4 28.44
चीर-वासा व्रत-क्षामा वेणी-भूत-शिरोरुहा बभाव् उप पतिं शान्ता शिखा शान्तम् इवानलम्
cīra-vāsā vrata-kṣāmā veṇī-bhūta-śiroruhā babhāv upa patiṃ śāntā śikhā śāntam ivānalam
Clad in bark-cloth, wasted by her vows, the hair of her head become a single braid, she appeared at her husband's side, at peace, like a flame beside a fire grown quiet.
AI translation rendered from the Sanskrit, not a published edition
SB 4 28.45
अजानती प्रियतमं यदोपरतम् अङ्गना सुस्थिरासनम् आसाद्य यथा-पूर्वम् उपाचरत्
ajānatī priyatamaṃ yadoparatam aṅganā susthirāsanam āsādya yathā-pūrvam upācarat
Not knowing that her dearest had ceased (to live), the woman approached him as he sat quite motionless and attended upon him as before.
AI translation rendered from the Sanskrit, not a published edition
SB 4 28.46
यदा नोपलभेताङ्घ्राव् ऊष्माणं पत्युर् अर्चती आसीत् संविग्न-हृदया यूथ-भ्रष्टा मृगी यथा
yadā nopalabhetāṅghrāv ūṣmāṇaṃ patyur arcatī āsīt saṃvigna-hṛdayā yūtha-bhraṣṭā mṛgī yathā
When, while attending upon (him), she felt no warmth in her husband's feet, she became agitated at heart, like a doe separated from the herd.
AI translation rendered from the Sanskrit, not a published edition
SB 4 28.47
आत्मानं शोचती दीनम् अबन्धुं विक्लवाश्रुभिः स्तनाव् आसिच्य विपिने सुस्वरं प्ररुरोद सा
ātmānaṃ śocatī dīnam abandhuṃ viklavāśrubhiḥ stanāv āsicya vipine susvaraṃ praruroda sā
Grieving for herself, wretched and without a protector, she drenched her breasts with tears of distress and wept aloud in the forest.
AI translation rendered from the Sanskrit, not a published edition
SB 4 28.48
उत्तिष्ठोत्तिष्ठ राजर्षे इमाम् उदधि-मेखलाम् दस्युभ्यः क्षत्र-बन्धुभ्यो बिभ्यतीं पातुम् अर्हसि
uttiṣṭhottiṣṭha rājarṣe imām udadhi-mekhalām dasyubhyaḥ kṣatra-bandhubhyo bibhyatīṃ pātum arhasi
"Rise, rise, O royal sage! You ought to protect this (earth) girdled by the ocean, which is in fear of robbers and of unworthy kṣatriyas."
AI translation rendered from the Sanskrit, not a published edition
SB 4 28.49
एवं विलपन्ती बाला विपिने ऽनुगता पतिम् पतिता पादयोर् भर्तू रुदत्य् अश्रूण्य् अवर्तयत्
evaṃ vilapantī bālā vipine 'nugatā patim patitā pādayor bhartū rudaty aśrūṇy avartayat
Lamenting thus, the young woman, who had followed her husband into the forest, fell at her lord's feet and, weeping, shed tears.
AI translation rendered from the Sanskrit, not a published edition
SB 4 28.50
चितिं दारुमयीं चित्वा तस्यां पत्युः कलेवरम् आदीप्य चानुमरणे विलपन्ती मनो दधे
citiṃ dārumayīṃ citvā tasyāṃ patyuḥ kalevaram ādīpya cānumaraṇe vilapantī mano dadhe
Having piled up a pyre of wood, and having set her husband's body alight upon it, she lamented and set her mind on dying after him.
AI translation rendered from the Sanskrit, not a published edition
SB 4 28.51
तत्र पूर्वतरः कश्चित् सखा ब्राह्मण आत्मवान् सान्त्वयन् वल्गुना साम्ना ताम् आह रुदतीं प्रभो
tatra pūrvataraḥ kaścit sakhā brāhmaṇa ātmavān sāntvayan valgunā sāmnā tām āha rudatīṃ prabho
There a certain brāhmaṇa, a friend from earlier times, self-possessed, consoling her with sweet, gentle words, spoke to her as she wept, O lord.
AI translation rendered from the Sanskrit, not a published edition
SB 4 28.52
ब्राह्मण उवाच का त्वं कस्यासि को वायं शयानो यस्य शोचसि जानासि किं सखायं मां येनाग्रे विचचर्थ ह
brāhmaṇa uvāca kā tvaṃ kasyāsi ko vāyaṃ śayāno yasya śocasi jānāsi kiṃ sakhāyaṃ māṃ yenāgre vicacartha ha
The brāhmaṇa said: Who are you? Whose are you? And who is this man lying here, for whom you grieve? Do you know me, your friend, with whom you once roamed about?
AI translation rendered from the Sanskrit, not a published edition
SB 4 28.53
अपि स्मरसि चात्मानम् अविज्ञात-सखं सखे हित्वा मां पदम् अन्विच्छन् भौम-भोग-रतो गतः
api smarasi cātmānam avijñāta-sakhaṃ sakhe hitvā māṃ padam anvicchan bhauma-bhoga-rato gataḥ
Do you at all remember yourself, my friend, whose companion (I was, though) unrecognized — how, abandoning me, seeking a place (of your own), you went off attached to earthly enjoyments?
AI translation rendered from the Sanskrit, not a published edition
SB 4 28.54
हंसाव् अहं च त्वं चार्य सखायौ मानसायनौ अभूताम् अन्तरा वौकः सहस्र-परिवत्सरान्
haṃsāv ahaṃ ca tvaṃ cārya sakhāyau mānasāyanau abhūtām antarā vaukaḥ sahasra-parivatsarān
O noble one, you and I were two swans, friends dwelling in the (lake) Mānasa; for a thousand years we were without a dwelling in between.
AI translation rendered from the Sanskrit, not a published edition — the model flagged this verse as uncertain
SB 4 28.55
स त्वं विहाय मां बन्धो गतो ग्राम्य-मतिर् महीम् विचरन् पदम् अद्राक्षीः कयाचिन् निर्मितं स्त्रिया
sa tvaṃ vihāya māṃ bandho gato grāmya-matir mahīm vicaran padam adrākṣīḥ kayācin nirmitaṃ striyā
That same you, O friend, abandoning me and becoming village-minded, went to the earth, and wandering about you saw a dwelling built by some woman.
AI translation rendered from the Sanskrit, not a published edition
SB 4 28.56
पञ्चारामं नव-द्वारम् एक-पालं त्रि-कोष्ठकम् षट्-कुलं पञ्च-विपणं पञ्च-प्रकृति स्त्री-धवम्
pañcārāmaṃ nava-dvāram eka-pālaṃ tri-koṣṭhakam ṣaṭ-kulaṃ pañca-vipaṇaṃ pañca-prakṛti strī-dhavam
(a dwelling) with five gardens, nine gates, one guardian, three apartments, six households, five markets, five elements, and a woman for its master.
AI translation rendered from the Sanskrit, not a published edition
SB 4 28.57
पञ्चेन्द्रियार्था आरामा द्वारः प्राणा नव प्रभो तेजो-ऽब्-अन्नानि कोष्ठानि कुलम् इन्द्रिय-सङ्ग्रहः
pañcendriyārthā ārāmā dvāraḥ prāṇā nava prabho tejo-'b-annāni koṣṭhāni kulam indriya-saṅgrahaḥ
The gardens are the objects of the five senses; the nine gates are the openings of the vital airs, O lord; the chambers are fire, water and food; the household is the aggregate of the senses.
AI translation rendered from the Sanskrit, not a published edition
SB 4 28.58
विपणस् तु क्रिया-शक्तिर् भूत-प्रकृतिर् अव्यया शक्त्य्-अधीशः पुमांस् त्व् अत्र प्रविष्टो नावबुध्यते
vipaṇas tu kriyā-śaktir bhūta-prakṛtir avyayā śakty-adhīśaḥ pumāṃs tv atra praviṣṭo nāvabudhyate
The market is the power of action, the imperishable nature of the elements; but the person who is master of that power, having entered here, does not understand (his own nature).
AI translation rendered from the Sanskrit, not a published edition
SB 4 28.59
तस्मिंस् त्वं रामया स्पृष्टो रममाणो ऽश्रुत-स्मृतिः तत्-सङ्गाद् ईदृशीं प्राप्तो दशां पापीयसीं प्रभो
tasmiṃs tvaṃ rāmayā spṛṣṭo ramamāṇo 'śruta-smṛtiḥ tat-saṅgād īdṛśīṃ prāpto daśāṃ pāpīyasīṃ prabho
In that (city) you, touched by the woman and taking pleasure (in her), lost your memory of what you had heard; and by association with her you have come to such a wretched condition, O lord.
AI translation rendered from the Sanskrit, not a published edition
SB 4 28.60
न त्वं विदर्भ-दुहिता नायं वीरः सुहृत् तव न पतिस् त्वं पुरञ्जन्या रुद्धो नव-मुखे यया
na tvaṃ vidarbha-duhitā nāyaṃ vīraḥ suhṛt tava na patis tvaṃ purañjanyā ruddho nava-mukhe yayā
You are not the daughter of Vidarbha, nor is this hero your well-wisher; nor are you the husband of Purañjanī, by whom you were confined in the nine-gated (city).
AI translation rendered from the Sanskrit, not a published edition
SB 4 28.61
माया ह्य् एषा मया सृष्टा यत् पुमांसं स्त्रियं सतीम् मन्यसे नोभयं यद् वै हंसौ पश्यावयोर् गतिम्
māyā hy eṣā mayā sṛṣṭā yat pumāṃsaṃ striyaṃ satīm manyase nobhayaṃ yad vai haṃsau paśyāvayor gatim
For this is illusion, created by me, in that you consider (yourself) a man, or a chaste woman, or neither of the two — whereas we are indeed the two swans: behold our (true) state.
AI translation rendered from the Sanskrit, not a published edition
SB 4 28.62
अहं भवान् न चान्यस् त्वं त्वम् एवाहं विचक्ष्व भोः न नौ पश्यन्ति कवयश् छिद्रं जातु मनाग् अपि
ahaṃ bhavān na cānyas tvaṃ tvam evāhaṃ vicakṣva bhoḥ na nau paśyanti kavayaś chidraṃ jātu manāg api
I am you, and you are no other; you yourself are I — consider this, sir. The wise never see between us the least division, even slightly.
AI translation rendered from the Sanskrit, not a published edition
SB 4 28.63
यथा पुरुष आत्मानम् एकम् आदर्श-चक्षुषोः द्विधाभूतम् अवेक्षेत तथैवान्तरम् आवयोः
yathā puruṣa ātmānam ekam ādarśa-cakṣuṣoḥ dvidhābhūtam avekṣeta tathaivāntaram āvayoḥ
Just as a man would see his single self as become twofold in a mirror and in an eye, so exactly is the difference between us two.
AI translation rendered from the Sanskrit, not a published edition
SB 4 28.64
एवं स मानसो हंसो हंसेन प्रतिबोधितः स्व-स्थस् तद्-व्यभिचारेण नष्टाम् आप पुनः स्मृतिम्
evaṃ sa mānaso haṃso haṃsena pratibodhitaḥ sva-sthas tad-vyabhicāreṇa naṣṭām āpa punaḥ smṛtim
Thus that swan of the Mānasa lake, awakened by the (other) swan, was restored to himself and regained the memory that had been lost through his straying from that (friend).
AI translation rendered from the Sanskrit, not a published edition
SB 4 28.65
बर्हिष्मन्न् एतद् अध्यात्मं पारोक्ष्येण प्रदर्शितम् यत् परोक्ष-प्रियो देवो भगवान् विश्व-भावनः
barhiṣmann etad adhyātmaṃ pārokṣyeṇa pradarśitam yat parokṣa-priyo devo bhagavān viśva-bhāvanaḥ
O Barhiṣmān, this concerning the self has been shown (to you) indirectly, since the Lord, the god who brings the universe into being, is fond of indirectness.
AI translation rendered from the Sanskrit, not a published edition