Bhagavata Purana — Skandha 3 — Chapter 30
SB 3 30.1
कपिल उवाच तस्यैतस्य जनो नूनं नायं वेदोरु-विक्रमम् काल्यमानो ऽपि बलिनो वायोर् इव घनावलिः
kapila uvāca tasyaitasya jano nūnaṃ nāyaṃ vedoru-vikramam kālyamāno 'pi balino vāyor iva ghanāvaliḥ
Kapila said: Surely this person does not know the vast might of that very (Time), though he is driven along by it, as a bank of clouds is by a powerful wind.
AI translation rendered from the Sanskrit, not a published edition
SB 3 30.2
यं यम् अर्थम् उपादत्ते दुःखेन सुख-हेतवे तं तं धुनोति भगवान् पुमान् छोचति यत्-कृते
yaṃ yam artham upādatte duḥkhena sukha-hetave taṃ taṃ dhunoti bhagavān pumān chocati yat-kṛte
Whatever object he acquires with toil for the sake of happiness, that very thing the Lord shakes away, and over it the man grieves.
AI translation rendered from the Sanskrit, not a published edition
SB 3 30.3
यद् अध्रुवस्य देहस्य सानुबन्धस्य दुर्मतिः ध्रुवाणि मन्यते मोहाद् गृह-क्षेत्र-वसूनि च
yad adhruvasya dehasya sānubandhasya durmatiḥ dhruvāṇi manyate mohād gṛha-kṣetra-vasūni ca
(This happens) because the ill-minded man, out of delusion, thinks the impermanent body together with what belongs to it, and house, land and wealth, to be permanent.
AI translation rendered from the Sanskrit, not a published edition
SB 3 30.4
जन्तुर् वै भव एतस्मिन् यां यां योनिम् अनुव्रजेत् तस्यां तस्यां स लभते निर्वृतिं न विरज्यते
jantur vai bhava etasmin yāṃ yāṃ yonim anuvrajet tasyāṃ tasyāṃ sa labhate nirvṛtiṃ na virajyate
Indeed, in this worldly existence, whatever womb the creature enters, in that very one he finds contentment and does not become averse to it.
AI translation rendered from the Sanskrit, not a published edition
SB 3 30.5
नरक-स्थो ऽपि देहं वै न पुमांस् त्यक्तुम् इच्छति नारक्यां निर्वृतौ सत्यां देव-माया-विमोहितः
naraka-stho 'pi dehaṃ vai na pumāṃs tyaktum icchati nārakyāṃ nirvṛtau satyāṃ deva-māyā-vimohitaḥ
Even a man placed in hell does not wish to give up his body, since there is contentment even in the hellish state — so bewildered is he by the god's māyā.
AI translation rendered from the Sanskrit, not a published edition
SB 3 30.6
आत्म-जाया-सुतागार- पशु-द्रविण-बन्धुषु निरूढ-मूल-हृदय आत्मानं बहु मन्यते
ātma-jāyā-sutāgāra- paśu-draviṇa-bandhuṣu nirūḍha-mūla-hṛdaya ātmānaṃ bahu manyate
With his heart rooted deep in body, wife, sons, home, cattle, wealth and kinsmen, he thinks highly of himself.
AI translation rendered from the Sanskrit, not a published edition
SB 3 30.7
सन्दह्यमान-सर्वाङ्ग एषाम् उद्वहनाधिना करोत्य् अविरतं मूढो दुरितानि दुराशयः
sandahyamāna-sarvāṅga eṣām udvahanādhinā karoty avirataṃ mūḍho duritāni durāśayaḥ
All his limbs burning with the anxiety of supporting these, the fool of evil mind ceaselessly commits sinful deeds.
AI translation rendered from the Sanskrit, not a published edition
SB 3 30.8
आक्षिप्तात्मेन्द्रियः स्त्रीणाम् असतीनां च मायया रहो रचितयालापैः शिशूनां कल-भाषिणाम्
ākṣiptātmendriyaḥ strīṇām asatīnāṃ ca māyayā raho racitayālāpaiḥ śiśūnāṃ kala-bhāṣiṇām
His mind and senses are carried off by the māyā of unchaste women, by their talk contrived in private, and by the prattle of sweetly babbling children.
AI translation rendered from the Sanskrit, not a published edition
SB 3 30.9
गृहेषु कूट-धर्मेषु दुःख-तन्त्रेष्व् अतन्द्रितः कुर्वन् दुःख-प्रतीकारं सुखवन् मन्यते गृही
gṛheṣu kūṭa-dharmeṣu duḥkha-tantreṣv atandritaḥ kurvan duḥkha-pratīkāraṃ sukhavan manyate gṛhī
Unwearied in household affairs, whose duties are deceptive and whose fabric is misery, the householder, while merely counteracting misery, considers it to be happiness.
AI translation rendered from the Sanskrit, not a published edition
SB 3 30.10
अर्थैर् आपादितैर् गुर्व्या हिंसयेतस्-ततश् च तान् पुष्णाति येषां पोषेण शेष-भुग् यात्य् अधः स्वयम्
arthair āpāditair gurvyā hiṃsayetas-tataś ca tān puṣṇāti yeṣāṃ poṣeṇa śeṣa-bhug yāty adhaḥ svayam
With wealth procured here and there by heavy violence he nourishes them; and eating what is left over, he himself goes downward.
AI translation rendered from the Sanskrit, not a published edition
SB 3 30.11
वार्तायां लुप्यमानायाम् आरब्धायां पुनः पुनः लोभाभिभूतो निःसत्त्वः परार्थे कुरुते स्पृहाम्
vārtāyāṃ lupyamānāyām ārabdhāyāṃ punaḥ punaḥ lobhābhibhūto niḥsattvaḥ parārthe kurute spṛhām
When his livelihood is ruined and taken up again and again, overcome by greed and devoid of strength, he develops a craving for another's property.
AI translation rendered from the Sanskrit, not a published edition
SB 3 30.12
कुटुम्ब-भरणाकल्पो मन्द-भाग्यो वृथोद्यमः श्रिया विहीनः कृपणो ध्यायन् छ्वसिति मूढ-धीः
kuṭumba-bharaṇākalpo manda-bhāgyo vṛthodyamaḥ śriyā vihīnaḥ kṛpaṇo dhyāyan chvasiti mūḍha-dhīḥ
Incapable of maintaining his family, ill-fated, his efforts futile, bereft of fortune, wretched, dull-witted, he broods and sighs.
AI translation rendered from the Sanskrit, not a published edition
SB 3 30.13
एवं स्व-भरणाकल्पं तत्-कलत्रादयस् तथा नाद्रियन्ते यथा पूर्वं कीनाशा इव गो-जरम्
evaṃ sva-bharaṇākalpaṃ tat-kalatrādayas tathā nādriyante yathā pūrvaṃ kīnāśā iva go-jaram
Thus his wife and the rest no longer respect him, unable as he is to maintain them, as they did before — like farmers an aged ox.
AI translation rendered from the Sanskrit, not a published edition
SB 3 30.14
तत्राप्य् अजात-निर्वेदो भ्रियमाणः स्वयम् भृतैः जरयोपात्त-वैरूप्यो मरणाभिमुखो गृहे
tatrāpy ajāta-nirvedo bhriyamāṇaḥ svayam bhṛtaiḥ jarayopātta-vairūpyo maraṇābhimukho gṛhe
Even then no disgust arises in him; maintained by those he once maintained, made deformed by old age, facing death, in the house
AI translation rendered from the Sanskrit, not a published edition
SB 3 30.15
आस्ते ऽवमत्योपन्यस्तं गृह-पाल इवाहरन् आमयाव्य् अप्रदीप्ताग्निर् अल्पाहारो ऽल्प-चेष्टितः
āste 'vamatyopanyastaṃ gṛha-pāla ivāharan āmayāvy apradīptāgnir alpāhāro 'lpa-ceṣṭitaḥ
he sits, consuming what is set before him with contempt, like a house dog — diseased, his digestive fire unkindled, eating little, doing little.
AI translation rendered from the Sanskrit, not a published edition
SB 3 30.16
वायुनोत्क्रमतोत्तारः कफ-संरुद्ध-नाडिकः कास-श्वास-कृतायासः कण्ठे घुर-घुरायते
vāyunotkramatottāraḥ kapha-saṃruddha-nāḍikaḥ kāsa-śvāsa-kṛtāyāsaḥ kaṇṭhe ghura-ghurāyate
With his eyes bulging from the up-moving breath, his channels choked with phlegm, exhausted by coughing and gasping, he rattles in the throat.
AI translation rendered from the Sanskrit, not a published edition
SB 3 30.17
शयानः परिशोचद्भिः परिवीतः स्व-बन्धुभिः वाच्यमानो ऽपि न ब्रूते काल-पाश-वशं गतः
śayānaḥ pariśocadbhiḥ parivītaḥ sva-bandhubhiḥ vācyamāno 'pi na brūte kāla-pāśa-vaśaṃ gataḥ
Lying there, encircled by his lamenting kinsmen, though spoken to he does not speak, having come under the noose of Time.
AI translation rendered from the Sanskrit, not a published edition
SB 3 30.18
एवं कुटुम्ब-भरणे व्यापृतात्माजितेन्द्रियः म्रियते रुदतां स्वानाम् उरु-वेदनयास्त-धीः
evaṃ kuṭumba-bharaṇe vyāpṛtātmājitendriyaḥ mriyate rudatāṃ svānām uru-vedanayāsta-dhīḥ
Thus, with his mind wholly occupied in supporting his family and his senses unsubdued, he dies amid his weeping relatives, his awareness extinguished by intense pain.
AI translation rendered from the Sanskrit, not a published edition
SB 3 30.19
यम-दूतौ तदा प्राप्तौ भीमौ सरभसेक्षणौ स दृष्ट्वा त्रस्त-हृदयः शकृन्-मूत्रं विमुञ्चति
yama-dūtau tadā prāptau bhīmau sarabhasekṣaṇau sa dṛṣṭvā trasta-hṛdayaḥ śakṛn-mūtraṃ vimuñcati
Then the two messengers of Yama arrive, terrifying, with furious eyes; and seeing them, his heart stricken with terror, he releases his excrement and urine.
AI translation rendered from the Sanskrit, not a published edition
SB 3 30.20
यातना-देह आवृत्य पाशैर् बद्ध्वा गले बलात् नयतो दीर्घम् अध्वानं दण्ड्यं राज-भटा यथा
yātanā-deha āvṛtya pāśair baddhvā gale balāt nayato dīrgham adhvānaṃ daṇḍyaṃ rāja-bhaṭā yathā
Having enveloped (him) in a body (fit) for torment, having bound him forcibly at the neck with ropes, the two lead (him) along a long road, as the king's soldiers (lead) a man condemned to punishment.
AI translation rendered from the Sanskrit, not a published edition
SB 3 30.21
तयोर् निर्भिन्न-हृदयस् तर्जनैर् जात-वेपथुः पथि श्वभिर् भक्ष्यमाण आर्तो ऽघं स्वम् अनुस्मरन्
tayor nirbhinna-hṛdayas tarjanair jāta-vepathuḥ pathi śvabhir bhakṣyamāṇa ārto 'ghaṃ svam anusmaran
His heart broken open by the threats of those two, seized with trembling, being devoured on the way by dogs, he suffers, recalling his own sin.
AI translation rendered from the Sanskrit, not a published edition
SB 3 30.22
क्षुत्-तृट्-परीतो ऽर्क-दवानलानिलैः सन्तप्यमानः पथि तप्त-वालुके कृच्छ्रेण पृष्ठे कशया च ताडितश् चलत्य् अशक्तो ऽपि निराश्रमोदके
kṣut-tṛṭ-parīto 'rka-davānalānilaiḥ santapyamānaḥ pathi tapta-vāluke kṛcchreṇa pṛṣṭhe kaśayā ca tāḍitaś calaty aśakto 'pi nirāśramodake
Beset by hunger and thirst, scorched by the sun, by forest fires and by (hot) winds, on the path of burning sand, and struck on the back with a whip, he moves on with difficulty, though unable, where there is no shelter and no water.
AI translation rendered from the Sanskrit, not a published edition
SB 3 30.23
तत्र तत्र पतन् छ्रान्तो मूर्च्छितः पुनर् उत्थितः पथा पापीयसा नीतस् तरसा यम-सादनम्
tatra tatra patan chrānto mūrcchitaḥ punar utthitaḥ pathā pāpīyasā nītas tarasā yama-sādanam
Falling here and there, exhausted, fainting and rising again, he is quickly led by that most wretched road to the abode of Yama.
AI translation rendered from the Sanskrit, not a published edition
SB 3 30.24
योजनानां सहस्राणि नवतिं नव चाध्वनः त्रिभिर् मुहूर्तैर् द्वाभ्यां वा नीतः प्राप्नोति यातनाः
yojanānāṃ sahasrāṇi navatiṃ nava cādhvanaḥ tribhir muhūrtair dvābhyāṃ vā nītaḥ prāpnoti yātanāḥ
Ninety-nine thousand yojanas of road (he traverses); led (there) in three muhūrtas, or in two, he undergoes the torments.
AI translation rendered from the Sanskrit, not a published edition
SB 3 30.25
आदीपनं स्व-गात्राणां वेष्टयित्वोल्मुकादिभिः आत्म-मांसादनं क्वापि स्व-कृत्तं परतो ऽपि वा
ādīpanaṃ sva-gātrāṇāṃ veṣṭayitvolmukādibhiḥ ātma-māṃsādanaṃ kvāpi sva-kṛttaṃ parato 'pi vā
The setting on fire of his own limbs after wrapping (them) with firebrands and the like; and somewhere the eating of his own flesh, cut by himself or else by others.
AI translation rendered from the Sanskrit, not a published edition
SB 3 30.26
जीवतश् चान्त्राभ्युद्धारः श्व-गृध्रैर् यम-सादने सर्प-वृश्चिक-दंशाद्यैर् दशद्भिश् चात्म-वैशसम्
jīvataś cāntrābhyuddhāraḥ śva-gṛdhrair yama-sādane sarpa-vṛścika-daṃśādyair daśadbhiś cātma-vaiśasam
And, while he yet lives, the tearing out of his entrails by dogs and vultures in Yama's abode; and his mangling by biting snakes, scorpions, gadflies and the like.
AI translation rendered from the Sanskrit, not a published edition
SB 3 30.27
कृन्तनं चावयवशो गजादिभ्यो भिदापनम् पातनं गिरि-शृङ्गेभ्यो रोधनं चाम्बु-गर्तयोः
kṛntanaṃ cāvayavaśo gajādibhyo bhidāpanam pātanaṃ giri-śṛṅgebhyo rodhanaṃ cāmbu-gartayoḥ
And the cutting (of him) limb by limb, the tearing apart by elephants and other (beasts), the hurling down from mountain peaks, and confinement in water or in a pit.
AI translation rendered from the Sanskrit, not a published edition
SB 3 30.28
यास् तामिस्रान्ध-तामिस्रा रौरवाद्याश् च यातनाः भुङ्क्ते नरो वा नारी वा मिथः सङ्गेन निर्मिताः
yās tāmisrāndha-tāmisrā rauravādyāś ca yātanāḥ bhuṅkte naro vā nārī vā mithaḥ saṅgena nirmitāḥ
The torments which are Tāmisra, Andha-tāmisra, Raurava and the rest — a man or a woman undergoes them, (torments) produced by their mutual union.
AI translation rendered from the Sanskrit, not a published edition
SB 3 30.29
अत्रैव नरकः स्वर्ग इति मातः प्रचक्षते या यातना वै नारक्यस् ता इहाप्य् उपलक्षिताः
atraiva narakaḥ svarga iti mātaḥ pracakṣate yā yātanā vai nārakyas tā ihāpy upalakṣitāḥ
They declare, O mother, that hell and heaven are in this very (world); for those torments which belong to hell are observed here too.
AI translation rendered from the Sanskrit, not a published edition
SB 3 30.30
एवं कुटुम्बं बिभ्राण उदरम् भर एव वा विसृज्येहोभयं प्रेत्य भुङ्क्ते तत्-फलम् ईदृशम्
evaṃ kuṭumbaṃ bibhrāṇa udaram bhara eva vā visṛjyehobhayaṃ pretya bhuṅkte tat-phalam īdṛśam
Thus one who maintains a family, or merely fills his own belly, having given up both here, undergoes after death that fruit (of his deeds), such as this.
AI translation rendered from the Sanskrit, not a published edition
SB 3 30.31
एकः प्रपद्यते ध्वान्तं हित्वेदं स्व-कलेवरम् कुशलेतर-पाथेयो भूत-द्रोहेण यद् भृतम्
ekaḥ prapadyate dhvāntaṃ hitvedaṃ sva-kalevaram kuśaletara-pātheyo bhūta-droheṇa yad bhṛtam
Alone he goes forth into darkness, abandoning this body of his, with provisions for the road that are other than auspicious — (provisions) which were amassed by injury to living beings.
AI translation rendered from the Sanskrit, not a published edition
SB 3 30.32
दैवेनासादितं तस्य शमलं निरये पुमान् भुङ्क्ते कुटुम्ब-पोषस्य हृत-वित्त इवातुरः
daivenāsāditaṃ tasya śamalaṃ niraye pumān bhuṅkte kuṭumba-poṣasya hṛta-vitta ivāturaḥ
By fate the man is brought in hell to the sinful consequence of his maintaining a family, and he suffers it, wretched like one whose wealth has been taken away.
AI translation rendered from the Sanskrit, not a published edition
SB 3 30.33
केवलेन ह्य् अधर्मेण कुटुम्ब-भरणोत्सुकः याति जीवो ऽन्ध-तामिस्रं चरमं तमसः पदम्
kevalena hy adharmeṇa kuṭumba-bharaṇotsukaḥ yāti jīvo 'ndha-tāmisraṃ caramaṃ tamasaḥ padam
For one who is eager to maintain a family by unrighteousness alone — that living being goes to Andha-tāmisra, the last station of darkness.
AI translation rendered from the Sanskrit, not a published edition
SB 3 30.34
अधस्तान् नर-लोकस्य यावतीर् यातनादयः क्रमशः समनुक्रम्य पुनर् अत्राव्रजेच् छुचिः
adhastān nara-lokasya yāvatīr yātanādayaḥ kramaśaḥ samanukramya punar atrāvrajec chuciḥ
Having passed through in order, below the world of men, as many torments and the rest as there are, he may come back here again, purified.
AI translation rendered from the Sanskrit, not a published edition