Bhagavata Purana — Skandha 3 — Chapter 29
SB 3 29.1
देवहूतिर् उवाच लक्षणं महद्-आदीनां प्रकृतेः पुरुषस्य च स्वरूपं लक्ष्यते ऽमीषां येन तत्-पारमार्थिकम्
devahūtir uvāca lakṣaṇaṃ mahad-ādīnāṃ prakṛteḥ puruṣasya ca svarūpaṃ lakṣyate 'mīṣāṃ yena tat-pāramārthikam
Devahūti said: The characteristics of the mahat and the rest, of prakṛti and of the puruṣa — that by which their essential nature, as it truly is, is recognized;
AI translation rendered from the Sanskrit, not a published edition
SB 3 29.2
यथा साङ्ख्येषु कथितं यन्-मूलं तत् प्रचक्षते भक्ति-योगस्य मे मार्गं ब्रूहि विस्तरशः प्रभो
yathā sāṅkhyeṣu kathitaṃ yan-mūlaṃ tat pracakṣate bhakti-yogasya me mārgaṃ brūhi vistaraśaḥ prabho
as it has been told in the Sāṅkhya teachings — and that which they declare to be its root — (and) the path of bhakti-yoga: tell me of it at length, O lord.
AI translation rendered from the Sanskrit, not a published edition — the model flagged this verse as uncertain
SB 3 29.3
विरागो येन पुरुषो भगवन् सर्वतो भवेत् आचक्ष्व जीव-लोकस्य विविधा मम संसृतीः
virāgo yena puruṣo bhagavan sarvato bhavet ācakṣva jīva-lokasya vividhā mama saṃsṛtīḥ
(Tell me that) by which a man, O Lord, would become detached from everything; and describe to me the manifold transmigrations of the world of living beings.
AI translation rendered from the Sanskrit, not a published edition
SB 3 29.4
कालस्येश्वर-रूपस्य परेषां च परस्य ते स्वरूपं बत कुर्वन्ति यद्-धेतोः कुशलं जनाः
kālasyeśvara-rūpasya pareṣāṃ ca parasya te svarūpaṃ bata kurvanti yad-dhetoḥ kuśalaṃ janāḥ
(Tell me also) of Time, whose form is that of the Lord, and of you, who are beyond even the highest — (tell me) your own nature, for the sake of which people perform pious acts.
AI translation rendered from the Sanskrit, not a published edition — the model flagged this verse as uncertain
SB 3 29.5
लोकस्य मिथ्याभिमतेर् अचक्षुषश् चिरं प्रसुप्तस्य तमस्य् अनाश्रये श्रान्तस्य कर्मस्व् अनुविद्धया धिया त्वम् आविरासीः किल योग-भास्करः
lokasya mithyābhimater acakṣuṣaś ciraṃ prasuptasya tamasy anāśraye śrāntasya karmasv anuviddhayā dhiyā tvam āvirāsīḥ kila yoga-bhāskaraḥ
To the world, which has a false sense of 'I', which is without eyes, long asleep in darkness that offers no refuge, exhausted by works with an understanding entangled (in them) — to it you have appeared, indeed, as the sun of yoga.
AI translation rendered from the Sanskrit, not a published edition
SB 3 29.6
मैत्रेय उवाच इति मातुर् वचः श्लक्ष्णं प्रतिनन्द्य महा-मुनिः आबभाषे कुरु-श्रेष्ठ प्रीतस् तां करुणार्दितः
maitreya uvāca iti mātur vacaḥ ślakṣṇaṃ pratinandya mahā-muniḥ ābabhāṣe kuru-śreṣṭha prītas tāṃ karuṇārditaḥ
Maitreya said: Having welcomed his mother's gentle words in this way, the great sage, pleased and moved by compassion, spoke to her, O best of the Kurus.
AI translation rendered from the Sanskrit, not a published edition
SB 3 29.7
श्री-भगवान् उवाच भक्ति-योगो बहु-विधो मार्गैर् भामिनि भाव्यते स्वभाव-गुण-मार्गेण पुंसां भावो विभिद्यते
śrī-bhagavān uvāca bhakti-yogo bahu-vidho mārgair bhāmini bhāvyate svabhāva-guṇa-mārgeṇa puṃsāṃ bhāvo vibhidyate
The Blessed Lord said: Devotional yoga is of many kinds, O lady; it is practiced along (various) paths. According to the path of one's innate qualities, the disposition of persons differs.
AI translation rendered from the Sanskrit, not a published edition
SB 3 29.8
अभिसन्धाय यो हिंसां दम्भं मात्सर्यम् एव वा संरम्भी भिन्न-दृग् भावं मयि कुर्यात् स तामसः
abhisandhāya yo hiṃsāṃ dambhaṃ mātsaryam eva vā saṃrambhī bhinna-dṛg bhāvaṃ mayi kuryāt sa tāmasaḥ
He who, with violence, hypocrisy, or envy in view, being wrathful and of divided vision, directs his devotion toward me — he is of the mode of darkness.
AI translation rendered from the Sanskrit, not a published edition
SB 3 29.9
विषयान् अभिसन्धाय यश ऐश्वर्यम् एव वा अर्चादाव् अर्चयेद् यो मां पृथग्-भावः स राजसः
viṣayān abhisandhāya yaśa aiśvaryam eva vā arcādāv arcayed yo māṃ pṛthag-bhāvaḥ sa rājasaḥ
He who, with sense objects, fame, or lordship in view, worships me in an image and the like, holding (me) as separate — he is of the mode of passion.
AI translation rendered from the Sanskrit, not a published edition
SB 3 29.10
कर्म-निर्हारम् उद्दिश्य परस्मिन् वा तद्-अर्पणम् यजेद् यष्टव्यम् इति वा पृथग्-भावः स सात्त्विकः
karma-nirhāram uddiśya parasmin vā tad-arpaṇam yajed yaṣṭavyam iti vā pṛthag-bhāvaḥ sa sāttvikaḥ
He who worships with a view to the removal of his karma, or offering it up to the Supreme, or (thinking) 'this ought to be sacrificed' — he, holding (me) as separate, is of the mode of goodness.
AI translation rendered from the Sanskrit, not a published edition
SB 3 29.11
मद्-गुण-श्रुति-मात्रेण मयि सर्व-गुहाशये मनो-गतिर् अविच्छिन्ना यथा गङ्गाम्भसो ऽम्बुधौ
mad-guṇa-śruti-mātreṇa mayi sarva-guhāśaye mano-gatir avicchinnā yathā gaṅgāmbhaso 'mbudhau
When, merely from hearing of my qualities, the mind's movement toward me, who dwell in the hearts of all, is unbroken, as (the flow) of the Ganges' water into the ocean —
AI translation rendered from the Sanskrit, not a published edition
SB 3 29.12
लक्षणं भक्ति-योगस्य निर्गुणस्य ह्य् उदाहृतम् अहैतुक्य् अव्यवहिता या भक्तिः पुरुषोत्तमे
lakṣaṇaṃ bhakti-yogasya nirguṇasya hy udāhṛtam ahaituky avyavahitā yā bhaktiḥ puruṣottame
— that is declared the mark of devotional yoga free of the modes: devotion to the Supreme Person that is without motive and without interval.
AI translation rendered from the Sanskrit, not a published edition
SB 3 29.13
सालोक्य-सार्ष्टि-सामीप्य- सारूप्यैकत्वम् अप्य् उत दीयमानं न गृह्णन्ति विना मत्-सेवनं जनाः
sālokya-sārṣṭi-sāmīpya- sārūpyaikatvam apy uta dīyamānaṃ na gṛhṇanti vinā mat-sevanaṃ janāḥ
Even when offered residence in my world, equal opulence, nearness, the same form, or oneness (with me), such people do not accept it, apart from service to me.
AI translation rendered from the Sanskrit, not a published edition
SB 3 29.14
स एव भक्ति-योगाख्य आत्यन्तिक उदाहृतः येनातिव्रज्य त्रि-गुणं मद्-भावायोपपद्यते
sa eva bhakti-yogākhya ātyantika udāhṛtaḥ yenātivrajya tri-guṇaṃ mad-bhāvāyopapadyate
That very (devotion), called bhakti-yoga, is declared the ultimate, by which, having passed wholly beyond the three modes, one attains to my state of being.
AI translation rendered from the Sanskrit, not a published edition
SB 3 29.15
निषेवितेनानिमित्तेन स्व-धर्मेण महीयसा क्रिया-योगेन शस्तेन नातिहिंस्रेण नित्यशः
niṣevitenānimittena sva-dharmeṇa mahīyasā kriyā-yogena śastena nātihiṃsreṇa nityaśaḥ
By one's own duty, practiced without ulterior motive, exalted, and by the recommended discipline of ritual action, not overly violent, done regularly;
AI translation rendered from the Sanskrit, not a published edition
SB 3 29.16
मद्-धिष्ण्य-दर्शन-स्पर्श- पूजा-स्तुत्य्-अभिवन्दनैः भूतेषु मद्-भावनया सत्त्वेनासङ्गमेन च
mad-dhiṣṇya-darśana-sparśa- pūjā-stuty-abhivandanaiḥ bhūteṣu mad-bhāvanayā sattvenāsaṅgamena ca
by seeing, touching, worshiping, praising and saluting my dwelling-places (temple images), by regarding me in (all) beings, by purity and by non-attachment;
AI translation rendered from the Sanskrit, not a published edition
SB 3 29.17
महतां बहु-मानेन दीनानाम् अनुकम्पया मैत्र्या चैवात्म-तुल्येषु यमेन नियमेन च
mahatāṃ bahu-mānena dīnānām anukampayā maitryā caivātma-tulyeṣu yamena niyamena ca
by high regard for the great, by compassion for the wretched, by friendship toward equals, and by restraints and observances;
AI translation rendered from the Sanskrit, not a published edition
SB 3 29.18
आध्यात्मिकानुश्रवणान् नाम-सङ्कीर्तनाच् च मे आर्जवेनार्य-सङ्गेन निरहङ्क्रियया तथा
ādhyātmikānuśravaṇān nāma-saṅkīrtanāc ca me ārjavenārya-saṅgena nirahaṅkriyayā tathā
by hearing of spiritual matters and by chanting my names, by straightforwardness, by the company of the noble, and by freedom from egoism —
AI translation rendered from the Sanskrit, not a published edition
SB 3 29.19
मद्-धर्मणो गुणैर् एतैः परिसंशुद्ध आशयः पुरुषस्याञ्जसाभ्येति श्रुत-मात्र-गुणं हि माम्
mad-dharmaṇo guṇair etaiḥ parisaṃśuddha āśayaḥ puruṣasyāñjasābhyeti śruta-mātra-guṇaṃ hi mām
by these qualities of one whose religion is (devotion to) me, the disposition of a person, thoroughly purified, readily comes to me, whose qualities (are grasped) merely by hearing.
AI translation rendered from the Sanskrit, not a published edition
SB 3 29.20
यथा वात-रथो घ्राणम् आवृङ्क्ते गन्ध आशयात् एवं योग-रतं चेत आत्मानम् अविकारि यत्
yathā vāta-ratho ghrāṇam āvṛṅkte gandha āśayāt evaṃ yoga-rataṃ ceta ātmānam avikāri yat
As a scent, having a chariot of wind, seizes the sense of smell from its source, so the mind absorbed in yoga (attains) the Self, which is free of change.
AI translation rendered from the Sanskrit, not a published edition — the model flagged this verse as uncertain
SB 3 29.21
अहं सर्वेषु भूतेषु भूतात्मावस्थितः सदा तम् अवज्ञाय मां मर्त्यः कुरुते ऽर्चा-विडम्बनम्
ahaṃ sarveṣu bhūteṣu bhūtātmāvasthitaḥ sadā tam avajñāya māṃ martyaḥ kurute 'rcā-viḍambanam
I am always present in all beings as their inner self; disregarding that (presence), a mortal makes a mockery of image-worship of me.
AI translation rendered from the Sanskrit, not a published edition
SB 3 29.22
यो मां सर्वेषु भूतेषु सन्तम् आत्मानम् ईश्वरम् हित्वार्चां भजते मौढ्याद् भस्मन्य् एव जुहोति सः
yo māṃ sarveṣu bhūteṣu santam ātmānam īśvaram hitvārcāṃ bhajate mauḍhyād bhasmany eva juhoti saḥ
He who, passing over me — the Self, the Lord, present in all beings — worships an image out of folly, he merely offers oblations into ashes.
AI translation rendered from the Sanskrit, not a published edition
SB 3 29.23
द्विषतः पर-काये मां मानिनो भिन्न-दर्शिनः भूतेषु बद्ध-वैरस्य न मनः शान्तिम् ऋच्छति
dviṣataḥ para-kāye māṃ mānino bhinna-darśinaḥ bhūteṣu baddha-vairasya na manaḥ śāntim ṛcchati
For one who hates me in another's body, who is conceited, who sees difference, who holds enmity toward living beings, the mind does not attain peace.
AI translation rendered from the Sanskrit, not a published edition
SB 3 29.24
अहम् उच्चावचैर् द्रव्यैः क्रिययोत्पन्नयानघे नैव तुष्ये ऽर्चितो ऽर्चायां भूत-ग्रामावमानिनः
aham uccāvacair dravyaiḥ kriyayotpannayānaghe naiva tuṣye 'rcito 'rcāyāṃ bhūta-grāmāvamāninaḥ
O sinless one, when I am worshiped in an image with offerings high and low by one who despises the community of living beings, I take no pleasure at all in the rite so performed.
AI translation rendered from the Sanskrit, not a published edition
SB 3 29.25
अर्चादाव् अर्चयेत् तावद् ईश्वरं मां स्व-कर्म-कृत् यावन् न वेद स्व-हृदि सर्व-भूतेष्व् अवस्थितम्
arcādāv arcayet tāvad īśvaraṃ māṃ sva-karma-kṛt yāvan na veda sva-hṛdi sarva-bhūteṣv avasthitam
Doing his own duty, let one worship me, the Lord, in the image and the like only so long as he does not know (me) established in his own heart and in all beings.
AI translation rendered from the Sanskrit, not a published edition
SB 3 29.26
आत्मनश् च परस्यापि यः करोत्य् अन्तरोदरम् तस्य भिन्न-दृशो मृत्युर् विदधे भयम् उल्बणम्
ātmanaś ca parasyāpi yaḥ karoty antarodaram tasya bhinna-dṛśo mṛtyur vidadhe bhayam ulbaṇam
For the one of divided vision who makes a difference of belly between himself and another, death produces terrible fear.
AI translation rendered from the Sanskrit, not a published edition
SB 3 29.27
अथ मां सर्व-भूतेषु भूतात्मानं कृतालयम् अर्हयेद् दान-मानाभ्यां मैत्र्याभिन्नेन चक्षुषा
atha māṃ sarva-bhūteṣu bhūtātmānaṃ kṛtālayam arhayed dāna-mānābhyāṃ maitryābhinnena cakṣuṣā
Therefore let him honor me, the Self of beings, who have made my abode in all beings, with gifts and respect, with friendliness and an undivided eye.
AI translation rendered from the Sanskrit, not a published edition
SB 3 29.28
जीवाः श्रेष्ठा ह्य् अजीवानां ततः प्राण-भृतः शुभे ततः स-चित्ताः प्रवरास् ततश् चेन्द्रिय-वृत्तयः
jīvāḥ śreṣṭhā hy ajīvānāṃ tataḥ prāṇa-bhṛtaḥ śubhe tataḥ sa-cittāḥ pravarās tataś cendriya-vṛttayaḥ
Living things are indeed superior to the lifeless, O gentle one, and above them are those that possess breath; higher than these are those with mind, and higher still those in whom the senses function.
AI translation rendered from the Sanskrit, not a published edition
SB 3 29.29
तत्रापि स्पर्श-वेदिभ्यः प्रवरा रस-वेदिनः तेभ्यो गन्ध-विदः श्रेष्ठास् ततः शब्द-विदो वराः
tatrāpi sparśa-vedibhyaḥ pravarā rasa-vedinaḥ tebhyo gandha-vidaḥ śreṣṭhās tataḥ śabda-vido varāḥ
Among these too, tasters are higher than those who feel touch; higher than them are those who know smell; and higher than these are those who perceive sound.
AI translation rendered from the Sanskrit, not a published edition
SB 3 29.30
रूप-भेद-विदस् तत्र ततश् चोभयतो-दतः तेषां बहु-पदाः श्रेष्ठाश् चतुष्-पादस् ततो द्वि-पात्
rūpa-bheda-vidas tatra tataś cobhayato-dataḥ teṣāṃ bahu-padāḥ śreṣṭhāś catuṣ-pādas tato dvi-pāt
Higher there are those who distinguish forms, and above them those with teeth in both jaws; among these the many-footed are superior, and higher than them the four-footed, and then the two-footed.
AI translation rendered from the Sanskrit, not a published edition
SB 3 29.31
ततो वर्णाश् च चत्वारस् तेषां ब्राह्मण उत्तमः ब्राह्मणेष्व् अपि वेद-ज्ञो ह्य् अर्थ-ज्ञो ऽभ्यधिकस् ततः
tato varṇāś ca catvāras teṣāṃ brāhmaṇa uttamaḥ brāhmaṇeṣv api veda-jño hy artha-jño 'bhyadhikas tataḥ
Then come the four classes, and among them the brāhmaṇa is the best; and among brāhmaṇas the knower of the Veda, and higher than him the one who knows its meaning.
AI translation rendered from the Sanskrit, not a published edition
SB 3 29.32
अर्थ-ज्ञात् संशय-च्छेत्ता ततः श्रेयान् स्व-कर्म-कृत् मुक्त-सङ्गस् ततो भूयान् अदोग्धा धर्मम् आत्मनः
artha-jñāt saṃśaya-cchettā tataḥ śreyān sva-karma-kṛt mukta-saṅgas tato bhūyān adogdhā dharmam ātmanaḥ
Better than the knower of the meaning is he who cuts away doubt; higher than him is he who does his own duty; higher than him is he who is free of attachment; and greater still is he who does not milk his religious action for himself.
AI translation rendered from the Sanskrit, not a published edition
SB 3 29.33
तस्मान् मय्य् अर्पिताशेष- क्रियार्थात्मा निरन्तरः मय्य् अर्पितात्मनः पुंसो मयि सन्न्यस्त-कर्मणः न पश्यामि परं भूतम् अकर्तुः सम-दर्शनात्
tasmān mayy arpitāśeṣa- kriyārthātmā nirantaraḥ mayy arpitātmanaḥ puṃso mayi sannyasta-karmaṇaḥ na paśyāmi paraṃ bhūtam akartuḥ sama-darśanāt
Therefore I see no being higher than the man who without interruption has surrendered to me all his acts, aims and self, who has offered his self to me and renounced his works in me — one who is not an agent, because of his equal vision.
AI translation rendered from the Sanskrit, not a published edition
SB 3 29.34
मनसैतानि भूतानि प्रणमेद् बहु-मानयन् ईश्वरो जीव-कलया प्रविष्टो भगवान् इति
manasaitāni bhūtāni praṇamed bahu-mānayan īśvaro jīva-kalayā praviṣṭo bhagavān iti
With his mind he should bow to these beings, holding them in high regard, (thinking) 'the Lord, the Blessed One, has entered in as a portion, the living being.'
AI translation rendered from the Sanskrit, not a published edition
SB 3 29.35
भक्ति-योगश् च योगश् च मया मानव्य् उदीरितः ययोर् एकतरेणैव पुरुषः पुरुषं व्रजेत्
bhakti-yogaś ca yogaś ca mayā mānavy udīritaḥ yayor ekatareṇaiva puruṣaḥ puruṣaṃ vrajet
Both the yoga of devotion and (the eightfold) yoga have been declared by me, O daughter of Manu; by either one of the two a person may reach the Person.
AI translation rendered from the Sanskrit, not a published edition
SB 3 29.36
एतद् भगवतो रूपं ब्रह्मणः परमात्मनः परं प्रधानं पुरुषं दैवं कर्म-विचेष्टितम्
etad bhagavato rūpaṃ brahmaṇaḥ paramātmanaḥ paraṃ pradhānaṃ puruṣaṃ daivaṃ karma-viceṣṭitam
This is the form of the Blessed One, of Brahman, of the Supreme Self: the highest, the unmanifest matter, the Person, the divine, and the working out of action.
AI translation rendered from the Sanskrit, not a published edition — the model flagged this verse as uncertain
SB 3 29.37
रूप-भेदास्पदं दिव्यं काल इत्य् अभिधीयते भूतानां महद्-आदीनां यतो भिन्न-दृशां भयम्
rūpa-bhedāspadaṃ divyaṃ kāla ity abhidhīyate bhūtānāṃ mahad-ādīnāṃ yato bhinna-dṛśāṃ bhayam
It is the divine seat of the differences of forms, and is called Time, from which comes fear to beings, beginning with the mahat, who see with divided vision.
AI translation rendered from the Sanskrit, not a published edition
SB 3 29.38
यो ऽन्तः प्रविश्य भूतानि भूतैर् अत्त्य् अखिलाश्रयः स विष्ण्व्-आख्यो ऽधियज्ञो ऽसौ कालः कलयतां प्रभुः
yo 'ntaḥ praviśya bhūtāni bhūtair atty akhilāśrayaḥ sa viṣṇv-ākhyo 'dhiyajño 'sau kālaḥ kalayatāṃ prabhuḥ
He who, having entered within beings, devours beings by means of beings, who is the support of all — he is called Viṣṇu, the Lord of sacrifice, that Time, the master of those who reckon (or: who destroy).
AI translation rendered from the Sanskrit, not a published edition
SB 3 29.39
न चास्य कश्चिद् दयितो न द्वेष्यो न च बान्धवः आविशत्य् अप्रमत्तो ऽसौ प्रमत्तं जनम् अन्त-कृत्
na cāsya kaścid dayito na dveṣyo na ca bāndhavaḥ āviśaty apramatto 'sau pramattaṃ janam anta-kṛt
He has no one dear to him, none hated, and no kinsman; ever vigilant, as the maker of the end he enters the heedless man.
AI translation rendered from the Sanskrit, not a published edition
SB 3 29.40
यद्-भयाद् वाति वातो ऽयं सूर्यस् तपति यद्-भयात् यद्-भयाद् वर्षते देवो भ-गणो भाति यद्-भयात्
yad-bhayād vāti vāto 'yaṃ sūryas tapati yad-bhayāt yad-bhayād varṣate devo bha-gaṇo bhāti yad-bhayāt
Out of fear of whom this wind blows, out of fear of whom the sun burns, out of fear of whom the rain-god pours, out of fear of whom the host of stars shines;
AI translation rendered from the Sanskrit, not a published edition
SB 3 29.41
यद् वनस्पतयो भीता लताश् चौषधिभिः सह स्वे स्वे काले ऽभिगृह्णन्ति पुष्पाणि च फलानि च
yad vanaspatayo bhītā latāś cauṣadhibhiḥ saha sve sve kāle 'bhigṛhṇanti puṣpāṇi ca phalāni ca
(fear) through which the forest trees, and the creepers along with the herbs, each in its own season put forth their flowers and fruits;
AI translation rendered from the Sanskrit, not a published edition
SB 3 29.42
स्रवन्ति सरितो भीता नोत्सर्पत्य् उदधिर् यतः अग्निर् इन्धे स-गिरिभिर् भूर् न मज्जति यद्-भयात्
sravanti sarito bhītā notsarpaty udadhir yataḥ agnir indhe sa-giribhir bhūr na majjati yad-bhayāt
through fear of whom the rivers flow and the ocean does not overflow, fire burns, and the earth with its mountains does not sink;
AI translation rendered from the Sanskrit, not a published edition
SB 3 29.43
नभो ददाति श्वसतां पदं यन्-नियमाद् अदः लोकं स्व-देहं तनुते महान् सप्तभिर् आवृतम्
nabho dadāti śvasatāṃ padaṃ yan-niyamād adaḥ lokaṃ sva-dehaṃ tanute mahān saptabhir āvṛtam
by whose restraint the sky gives room to breathing creatures below, and the mahat extends its own body as the world, enveloped by seven (sheaths);
AI translation rendered from the Sanskrit, not a published edition — the model flagged this verse as uncertain
SB 3 29.44
गुणाभिमानिनो देवाः सर्गादिष्व् अस्य यद्-भयात् वर्तन्ते ऽनुयुगं येषां वश एतच् चराचरम्
guṇābhimānino devāḥ sargādiṣv asya yad-bhayāt vartante 'nuyugaṃ yeṣāṃ vaśa etac carācaram
The gods who preside over the qualities, out of fear of whom they carry on the creation and the rest of this (universe) age after age, and under whose control is this world of moving and unmoving beings —
AI translation rendered from the Sanskrit, not a published edition
SB 3 29.45
सो ऽनन्तो ऽन्त-करः कालो ऽनादिर् आदि-कृद् अव्ययः जनं जनेन जनयन् मारयन् मृत्युनान्तकम्
so 'nanto 'nta-karaḥ kālo 'nādir ādi-kṛd avyayaḥ janaṃ janena janayan mārayan mṛtyunāntakam
— that is Time: endless yet the maker of endings, beginningless yet the maker of beginnings, imperishable, generating living beings through living beings and killing the killer through death.
AI translation rendered from the Sanskrit, not a published edition