Bhagavata Purana — Skandha 3 — Chapter 25
SB 3 25.1
शौनक उवाच कपिलस् तत्त्व-सङ्ख्याता भगवान् आत्म-मायया जातः स्वयम् अजः साक्षाद् आत्म-प्रज्ञप्तये नृणाम्
śaunaka uvāca kapilas tattva-saṅkhyātā bhagavān ātma-māyayā jātaḥ svayam ajaḥ sākṣād ātma-prajñaptaye nṛṇām
Śaunaka said: Kapila, the enumerator of the categories of reality, the Lord, though himself unborn, was born by his own māyā, directly for the instruction of men in the knowledge of the Self.
AI translation rendered from the Sanskrit, not a published edition
SB 3 25.2
न ह्य् अस्य वर्ष्मणः पुंसां वरिम्णः सर्व-योगिनाम् विश्रुतौ श्रुत-देवस्य भूरि तृप्यन्ति मे ऽसवः
na hy asya varṣmaṇaḥ puṃsāṃ varimṇaḥ sarva-yoginām viśrutau śruta-devasya bhūri tṛpyanti me 'savaḥ
Indeed my vital energies are not much satisfied in hearing of him, the greatest of persons, the best of all yogīs, whose fame is (heard as) the very deity of what is heard.
AI translation rendered from the Sanskrit, not a published edition — the model flagged this verse as uncertain
SB 3 25.3
यद् यद् विधत्ते भगवान् स्वच्छन्दात्मात्म-मायया तानि मे श्रद्दधानस्य कीर्तन्यान्य् अनुकीर्तय
yad yad vidhatte bhagavān svacchandātmātma-māyayā tāni me śraddadhānasya kīrtanyāny anukīrtaya
Whatever the Lord, who is self-willed, brings about by his own māyā — recount to me, who am full of faith, those deeds of his that are worth celebrating.
AI translation rendered from the Sanskrit, not a published edition
SB 3 25.4
सूत उवाच द्वैपायन-सखस् त्व् एवं मैत्रेयो भगवांस् तथा प्राहेदं विदुरं प्रीत आन्वीक्षिक्यां प्रचोदितः
sūta uvāca dvaipāyana-sakhas tv evaṃ maitreyo bhagavāṃs tathā prāhedaṃ viduraṃ prīta ānvīkṣikyāṃ pracoditaḥ
Sūta said: Then the venerable Maitreya, the friend of Dvaipāyana, thus pleased and prompted to (speak of) the philosophy of inquiry, said this to Vidura.
AI translation rendered from the Sanskrit, not a published edition
SB 3 25.5
मैत्रेय उवाच पितरि प्रस्थिते ऽरण्यं मातुः प्रिय-चिकीर्षया तस्मिन् बिन्दुसरे ऽवात्सीद् भगवान् कपिलः किल
maitreya uvāca pitari prasthite 'raṇyaṃ mātuḥ priya-cikīrṣayā tasmin bindusare 'vātsīd bhagavān kapilaḥ kila
Maitreya said: When the father had set out for the forest, the Lord Kapila, wishing to do what was dear to his mother, remained there at Bindusaras, so it is said.
AI translation rendered from the Sanskrit, not a published edition
SB 3 25.6
तम् आसीनम् अकर्माणं तत्त्व-मार्गाग्र-दर्शनम् स्व-सुतं देवहूत्य् आह धातुः संस्मरती वचः
tam āsīnam akarmāṇaṃ tattva-mārgāgra-darśanam sva-sutaṃ devahūty āha dhātuḥ saṃsmaratī vacaḥ
To him, her own son, seated, inactive, the revealer of the highest point of the path of truth, Devahūti spoke, recalling the words of the Creator (Brahmā).
AI translation rendered from the Sanskrit, not a published edition
SB 3 25.7
देवहूतिर् उवाच निर्विण्णा नितरां भूमन्न् असद्-इन्द्रिय-तर्षणात् येन सम्भाव्यमानेन प्रपन्नान्धं तमः प्रभो
devahūtir uvāca nirviṇṇā nitarāṃ bhūmann asad-indriya-tarṣaṇāt yena sambhāvyamānena prapannāndhaṃ tamaḥ prabho
Devahūti said: O mighty one, I am utterly weary from the craving of the unreal senses, by the nurturing of which one has fallen into blind darkness, O Lord.
AI translation rendered from the Sanskrit, not a published edition
SB 3 25.8
तस्य त्वं तमसो ऽन्धस्य दुष्पारस्याद्य पारगम् सच्-चक्षुर् जन्मनाम् अन्ते लब्धं मे त्वद्-अनुग्रहात्
tasya tvaṃ tamaso 'ndhasya duṣpārasyādya pāragam sac-cakṣur janmanām ante labdhaṃ me tvad-anugrahāt
You, who carry (one) across that blind darkness hard to cross, the eye of truth, have today been obtained by me at the end of (many) births, by your grace.
AI translation rendered from the Sanskrit, not a published edition
SB 3 25.9
य आद्यो भगवान् पुंसाम् ईश्वरो वै भवान् किल लोकस्य तमसान्धस्य चक्षुः सूर्य इवोदितः
ya ādyo bhagavān puṃsām īśvaro vai bhavān kila lokasya tamasāndhasya cakṣuḥ sūrya ivoditaḥ
You indeed are he, the primal Lord, the controller of beings, risen like the sun as the eye for the world blinded by darkness.
AI translation rendered from the Sanskrit, not a published edition
SB 3 25.10
अथ मे देव सम्मोहम् अपाक्रष्टुं त्वम् अर्हसि यो ऽवग्रहो ऽहं ममेतीत्य् एतस्मिन् योजितस् त्वया
atha me deva sammoham apākraṣṭuṃ tvam arhasi yo 'vagraho 'haṃ mametīty etasmin yojitas tvayā
Now, O God, you ought to remove my utter delusion — that obstruction of 'I' and 'mine', in which I have been fixed by you.
AI translation rendered from the Sanskrit, not a published edition
SB 3 25.11
तं त्वा गताहं शरणं शरण्यं स्व-भृत्य-संसार-तरोः कुठारम् जिज्ञासयाहं प्रकृतेः पूरुषस्य नमामि सद्-धर्म-विदां वरिष्ठम्
taṃ tvā gatāhaṃ śaraṇaṃ śaraṇyaṃ sva-bhṛtya-saṃsāra-taroḥ kuṭhāram jijñāsayāhaṃ prakṛteḥ pūruṣasya namāmi sad-dharma-vidāṃ variṣṭham
I have come for refuge to you, the giver of refuge, the axe (that fells) the tree of saṃsāra for your own servants; wishing to know about prakṛti and puruṣa, I bow to you, the foremost among knowers of the true dharma.
AI translation rendered from the Sanskrit, not a published edition
SB 3 25.12
मैत्रेय उवाच इति स्व-मातुर् निरवद्यम् ईप्सितं निशम्य पुंसाम् अपवर्ग-वर्धनम् धियाभिनन्द्यात्मवतां सतां गतिर् बभाष ईषत्-स्मित-शोभिताननः
maitreya uvāca iti sva-mātur niravadyam īpsitaṃ niśamya puṃsām apavarga-vardhanam dhiyābhinandyātmavatāṃ satāṃ gatir babhāṣa īṣat-smita-śobhitānanaḥ
Maitreya said: Having heard his own mother's blameless wish, which increases men's liberation, and having welcomed it in his mind, he — the goal of the self-possessed and the good — spoke, his face beautified by a slight smile.
AI translation rendered from the Sanskrit, not a published edition
SB 3 25.13
श्री-भगवान् उवाच योग आध्यात्मिकः पुंसां मतो निःश्रेयसाय मे अत्यन्तोपरतिर् यत्र दुःखस्य च सुखस्य च
śrī-bhagavān uvāca yoga ādhyātmikaḥ puṃsāṃ mato niḥśreyasāya me atyantoparatir yatra duḥkhasya ca sukhasya ca
The Lord said: The yoga concerning the Self is, in my view, for the highest good of men; in it there is the complete cessation of both pain and pleasure.
AI translation rendered from the Sanskrit, not a published edition
SB 3 25.14
तम् इमं ते प्रवक्ष्यामि यम् अवोचं पुरानघे ऋषीणां श्रोतु-कामानां योगं सर्वाङ्ग-नैपुणम्
tam imaṃ te pravakṣyāmi yam avocaṃ purānaghe ṛṣīṇāṃ śrotu-kāmānāṃ yogaṃ sarvāṅga-naipuṇam
This very (yoga) I shall declare to you, sinless one — the one I spoke of long ago to the sages who wished to hear it — a yoga complete in all its parts.
AI translation rendered from the Sanskrit, not a published edition
SB 3 25.15
चेतः खल्व् अस्य बन्धाय मुक्तये चात्मनो मतम् गुणेषु सक्तं बन्धाय रतं वा पुंसि मुक्तये
cetaḥ khalv asya bandhāya muktaye cātmano matam guṇeṣu saktaṃ bandhāya rataṃ vā puṃsi muktaye
It is indeed the mind that is held to be the cause of the self's bondage and of its liberation: attached to the modes (of nature), it makes for bondage; delighting in the Person, for liberation.
AI translation rendered from the Sanskrit, not a published edition
SB 3 25.16
अहं ममाभिमानोत्थैः काम-लोभादिभिर् मलैः वीतं यदा मनः शुद्धम् अदुःखम् असुखं समम्
ahaṃ mamābhimānotthaiḥ kāma-lobhādibhir malaiḥ vītaṃ yadā manaḥ śuddham aduḥkham asukhaṃ samam
When the mind is freed of the impurities—lust, greed and the rest—that arise from the conceit of "I" and "mine," and is pure, without pain, without pleasure, and even,
AI translation rendered from the Sanskrit, not a published edition
SB 3 25.17
तदा पुरुष आत्मानं केवलं प्रकृतेः परम् निरन्तरं स्वयं-ज्योतिर् अणिमानम् अखण्डितम्
tadā puruṣa ātmānaṃ kevalaṃ prakṛteḥ param nirantaraṃ svayaṃ-jyotir aṇimānam akhaṇḍitam
then the person sees the self as alone, beyond material nature, undivided, self-luminous, subtle, unbroken,
AI translation rendered from the Sanskrit, not a published edition
SB 3 25.18
ज्ञान-वैराग्य-युक्तेन भक्ति-युक्तेन चात्मना परिपश्यत्य् उदासीनं प्रकृतिं च हतौजसम्
jñāna-vairāgya-yuktena bhakti-yuktena cātmanā paripaśyaty udāsīnaṃ prakṛtiṃ ca hataujasam
— with a mind endowed with knowledge and detachment and endowed with devotion he sees (himself as) indifferent, and material nature as stripped of its power.
AI translation rendered from the Sanskrit, not a published edition
SB 3 25.19
न युज्यमानया भक्त्या भगवत्य् अखिलात्मनि सदृशो ऽस्ति शिवः पन्था योगिनां ब्रह्म-सिद्धये
na yujyamānayā bhaktyā bhagavaty akhilātmani sadṛśo 'sti śivaḥ panthā yogināṃ brahma-siddhaye
There is no auspicious path for yogis, equal (to it), for the attainment of Brahman, as devotion being practiced toward the Lord, the Self of all.
AI translation rendered from the Sanskrit, not a published edition
SB 3 25.20
प्रसङ्गम् अजरं पाशम् आत्मनः कवयो विदुः स एव साधुषु कृतो मोक्ष-द्वारम् अपावृतम्
prasaṅgam ajaraṃ pāśam ātmanaḥ kavayo viduḥ sa eva sādhuṣu kṛto mokṣa-dvāram apāvṛtam
The wise know attachment to be the self's unaging noose; but that same (attachment), made toward the good, is the opened door of liberation.
AI translation rendered from the Sanskrit, not a published edition
SB 3 25.21
तितिक्षवः कारुणिकाः सुहृदः सर्व-देहिनाम् अजात-शत्रवः शान्ताः साधवः साधु-भूषणाः
titikṣavaḥ kāruṇikāḥ suhṛdaḥ sarva-dehinām ajāta-śatravaḥ śāntāḥ sādhavaḥ sādhu-bhūṣaṇāḥ
The good are forbearing, compassionate, friends of all embodied beings, without enemies, peaceful; they are adorned by goodness (and are the ornaments of the good).
AI translation rendered from the Sanskrit, not a published edition
SB 3 25.22
मय्य् अनन्येन भावेन भक्तिं कुर्वन्ति ये दृढाम् मत्-कृते त्यक्त-कर्माणस् त्यक्त-स्वजन-बान्धवाः
mayy ananyena bhāvena bhaktiṃ kurvanti ye dṛḍhām mat-kṛte tyakta-karmāṇas tyakta-svajana-bāndhavāḥ
(They are those) who render firm devotion to me with undivided feeling, who have given up their works for my sake, given up their kinsmen and relatives,
AI translation rendered from the Sanskrit, not a published edition
SB 3 25.23
मद्-आश्रयाः कथा मृष्टाः शृण्वन्ति कथयन्ति च तपन्ति विविधास् तापा नैतान् मद्-गत-चेतसः
mad-āśrayāḥ kathā mṛṣṭāḥ śṛṇvanti kathayanti ca tapanti vividhās tāpā naitān mad-gata-cetasaḥ
who hear and recount the sweet stories that have me as their refuge; the manifold torments do not torment these whose minds have gone to me.
AI translation rendered from the Sanskrit, not a published edition
SB 3 25.24
त एते साधवः साध्वि सर्व-सङ्ग-विवर्जिताः सङ्गस् तेष्व् अथ ते प्रार्थ्यः सङ्ग-दोष-हरा हि ते
ta ete sādhavaḥ sādhvi sarva-saṅga-vivarjitāḥ saṅgas teṣv atha te prārthyaḥ saṅga-doṣa-harā hi te
These, O virtuous lady, are the good, free from every attachment; therefore attachment to them is to be sought by you, for they remove the fault of attachment.
AI translation rendered from the Sanskrit, not a published edition
SB 3 25.25
सतां प्रसङ्गान् मम वीर्य-संविदो भवन्ति हृत्-कर्ण-रसायनाः कथाः तज्-जोषणाद् आश्व् अपवर्ग-वर्त्मनि श्रद्धा रतिर् भक्तिर् अनुक्रमिष्यति
satāṃ prasaṅgān mama vīrya-saṃvido bhavanti hṛt-karṇa-rasāyanāḥ kathāḥ taj-joṣaṇād āśv apavarga-vartmani śraddhā ratir bhaktir anukramiṣyati
From association with the good arise talks that convey (knowledge of) my power, an elixir for the heart and the ears; from relishing them there will follow in sequence faith, delight, and devotion on the path of release.
AI translation rendered from the Sanskrit, not a published edition
SB 3 25.26
भक्त्या पुमान् जात-विराग ऐन्द्रियाद् दृष्ट-श्रुतान् मद्-रचनानुचिन्तया चित्तस्य यत्तो ग्रहणे योग-युक्तो यतिष्यते ऋजुभिर् योग-मार्गैः
bhaktyā pumān jāta-virāga aindriyād dṛṣṭa-śrutān mad-racanānucintayā cittasya yatto grahaṇe yoga-yukto yatiṣyate ṛjubhir yoga-mārgaiḥ
By devotion a man, having become detached from what belongs to the senses, seen and heard of, through continual reflection upon my works, and being intent upon the restraint of his mind, joined to yoga, will strive by the straight paths of yoga.
AI translation rendered from the Sanskrit, not a published edition
SB 3 25.27
असेवयायं प्रकृतेर् गुणानां ज्ञानेन वैराग्य-विजृम्भितेन योगेन मय्य् अर्पितया च भक्त्या मां प्रत्यग्-आत्मानम् इहावरुन्धे
asevayāyaṃ prakṛter guṇānāṃ jñānena vairāgya-vijṛmbhitena yogena mayy arpitayā ca bhaktyā māṃ pratyag-ātmānam ihāvarundhe
By not serving the modes of nature, by knowledge grown expansive with detachment, by yoga, and by devotion offered to me, he here obtains me, the inner Self.
AI translation rendered from the Sanskrit, not a published edition
SB 3 25.28
देवहूतिर् उवाच काचित् त्वय्य् उचिता भक्तिः कीदृशी मम गोचरा यया पदं ते निर्वाणम् अञ्जसान्वाश्नवा अहम्
devahūtir uvāca kācit tvayy ucitā bhaktiḥ kīdṛśī mama gocarā yayā padaṃ te nirvāṇam añjasānvāśnavā aham
Devahūti said: What devotion to you is fitting (for me), of what kind, that is within my reach, by which I may straightway attain your abode of extinction?
AI translation rendered from the Sanskrit, not a published edition
SB 3 25.29
यो योगो भगवद्-बाणो निर्वाणात्मंस् त्वयोदितः कीदृशः कति चाङ्गानि यतस् तत्त्वावबोधनम्
yo yogo bhagavad-bāṇo nirvāṇātmaṃs tvayoditaḥ kīdṛśaḥ kati cāṅgāni yatas tattvāvabodhanam
And that yoga which is aimed at the Lord, O you whose nature is nirvāṇa, which has been spoken of by you — of what kind is it, and how many are its limbs, whereby comes the awakening to the truth?
AI translation rendered from the Sanskrit, not a published edition — the model flagged this verse as uncertain
SB 3 25.30
तद् एतन् मे विजानीहि यथाहं मन्द-धीर् हरे सुखं बुद्ध्येय दुर्बोधं योषा भवद्-अनुग्रहात्
tad etan me vijānīhi yathāhaṃ manda-dhīr hare sukhaṃ buddhyeya durbodhaṃ yoṣā bhavad-anugrahāt
Explain this to me, O Hari, in such a way that I, a woman of dull understanding, may easily understand what is hard to understand, by your grace.
AI translation rendered from the Sanskrit, not a published edition
SB 3 25.31
मैत्रेय उवाच विदित्वार्थं कपिलो मातुर् इत्थं जात-स्नेहो यत्र तन्वाभिजातः तत्त्वाम्नायं यत् प्रवदन्ति साङ्ख्यं प्रोवाच वै भक्ति-वितान-योगम्
maitreya uvāca viditvārthaṃ kapilo mātur itthaṃ jāta-sneho yatra tanvābhijātaḥ tattvāmnāyaṃ yat pravadanti sāṅkhyaṃ provāca vai bhakti-vitāna-yogam
Maitreya said: Knowing thus his mother's intent, Kapila, in whom affection arose (for her), since he had been born from her body, spoke indeed of the yoga that expands devotion — the tradition of truth which they call Sāṅkhya.
AI translation rendered from the Sanskrit, not a published edition
SB 3 25.32
श्री-भगवान् उवाच देवानां गुण-लिङ्गानाम् आनुश्रविक-कर्मणाम् सत्त्व एवैक-मनसो वृत्तिः स्वाभाविकी तु या
śrī-bhagavān uvāca devānāṃ guṇa-liṅgānām ānuśravika-karmaṇām sattva evaika-manaso vṛttiḥ svābhāvikī tu yā
The Blessed Lord said: That functioning which is natural and spontaneous, of the senses whose marks are the modes and whose activities follow what is heard (in scripture), when the mind is fixed on the (Supreme) Being alone —
AI translation rendered from the Sanskrit, not a published edition — the model flagged this verse as uncertain
SB 3 25.34
अनिमित्ता भागवती भक्तिः सिद्धेर् गरीयसी जरयत्य् आशु या कोशं निगीर्णम् अनलो यथा
animittā bhāgavatī bhaktiḥ siddher garīyasī jarayaty āśu yā kośaṃ nigīrṇam analo yathā
— that motiveless devotion to the Lord is weightier than (any) attainment; it swiftly digests the sheath (of the subtle body), as fire digests what is swallowed.
AI translation rendered from the Sanskrit, not a published edition
SB 3 25.35
नैकात्मतां मे स्पृहयन्ति केचिन् मत्-पाद-सेवाभिरता मद्-ईहाः ये ऽन्योन्यतो भागवताः प्रसज्य सभाजयन्ते मम पौरुषाणि
naikātmatāṃ me spṛhayanti kecin mat-pāda-sevābhiratā mad-īhāḥ ye 'nyonyato bhāgavatāḥ prasajya sabhājayante mama pauruṣāṇi
Some do not desire oneness with me — those devotees of the Lord who delight in serving my feet and whose efforts are for my sake, who, associating with one another, celebrate together my heroic deeds.
AI translation rendered from the Sanskrit, not a published edition
SB 3 25.36
पश्यन्ति ते मे रुचिराण्य् अम्ब सन्तः प्रसन्न-वक्त्रारुण-लोचनानि रूपाणि दिव्यानि वर-प्रदानि साकं वाचं स्पृहणीयां वदन्ति
paśyanti te me rucirāṇy amba santaḥ prasanna-vaktrāruṇa-locanāni rūpāṇi divyāni vara-pradāni sākaṃ vācaṃ spṛhaṇīyāṃ vadanti
Mother, those holy ones behold my lovely, divine, boon-bestowing forms, with serene faces and reddish eyes, and they speak with (them) delightful words.
AI translation rendered from the Sanskrit, not a published edition
SB 3 25.37
तैर् दर्शनीयावयवैर् उदार- विलास-हासेक्षित-वाम-सूक्तैः हृतात्मनो हृत-प्राणांश् च भक्तिर् अनिच्छतो मे गतिम् अण्वीं प्रयुङ्क्ते
tair darśanīyāvayavair udāra- vilāsa-hāsekṣita-vāma-sūktaiḥ hṛtātmano hṛta-prāṇāṃś ca bhaktir anicchato me gatim aṇvīṃ prayuṅkte
Their hearts stolen, their very life-breath stolen by those (forms) with their beautiful limbs, their generous play, laughter, glances and charming speech, devotion carries them, even unwilling, to my subtle state.
AI translation rendered from the Sanskrit, not a published edition
SB 3 25.38
अथो विभूतिं मम मायाविनस् ताम् ऐश्वर्यम् अष्टाङ्गम् अनुप्रवृत्तम् श्रियं भागवतीं वास्पृहयन्ति भद्रां परस्य मे ते ऽश्नुवते तु लोके
atho vibhūtiṃ mama māyāvinas tām aiśvaryam aṣṭāṅgam anupravṛttam śriyaṃ bhāgavatīṃ vāspṛhayanti bhadrāṃ parasya me te 'śnuvate tu loke
Nor do they desire that opulence of mine, the wielder of māyā, nor the eightfold mastery that follows upon it, nor the divine and auspicious splendour; yet they enjoy (all that) in the realm of me, the Supreme.
AI translation rendered from the Sanskrit, not a published edition
SB 3 25.39
न कर्हिचिन् मत्-पराः शान्त-रूपे नङ्क्ष्यन्ति नो मे ऽनिमिषो लेढि हेतिः येषाम् अहं प्रिय आत्मा सुतश् च सखा गुरुः सुहृदो दैवम् इष्टम्
na karhicin mat-parāḥ śānta-rūpe naṅkṣyanti no me 'nimiṣo leḍhi hetiḥ yeṣām ahaṃ priya ātmā sutaś ca sakhā guruḥ suhṛdo daivam iṣṭam
Never, O you of peaceful nature, do those devoted to me perish, nor does my weapon, the unblinking (discus of time), devour them — those for whom I am the beloved, the self, the son, the friend, the teacher, the well-wisher, the chosen deity.
AI translation rendered from the Sanskrit, not a published edition
SB 3 25.40
इमं लोकं तथैवामुम् आत्मानम् उभयायिनम् आत्मानम् अनु ये चेह ये रायः पशवो गृहाः
imaṃ lokaṃ tathaivāmum ātmānam ubhayāyinam ātmānam anu ye ceha ye rāyaḥ paśavo gṛhāḥ
This world and likewise that other one, and the body that travels to both, and whatever follows upon the body here — riches, cattle, houses —
AI translation rendered from the Sanskrit, not a published edition — the model flagged this verse as uncertain
SB 3 25.41
विसृज्य सर्वान् अन्यांश् च माम् एवं विश्वतो-मुखम् भजन्त्य् अनन्यया भक्त्या तान् मृत्योर् अतिपारये
visṛjya sarvān anyāṃś ca mām evaṃ viśvato-mukham bhajanty ananyayā bhaktyā tān mṛtyor atipāraye
Having given up all these and others too, those who worship me, thus all-facing, with undivided devotion — them I carry across beyond death.
AI translation rendered from the Sanskrit, not a published edition
SB 3 25.42
नान्यत्र मद् भगवतः प्रधान-पुरुषेश्वरात् आत्मनः सर्व-भूतानां भयं तीव्रं निवर्तते
nānyatra mad bhagavataḥ pradhāna-puruṣeśvarāt ātmanaḥ sarva-bhūtānāṃ bhayaṃ tīvraṃ nivartate
Nowhere else than in me, the Lord, the master of pradhāna and puruṣa, the self of all beings, does fierce fear cease.
AI translation rendered from the Sanskrit, not a published edition
SB 3 25.43
मद्-भयाद् वाति वातो ऽयं सूर्यस् तपति मद्-भयात् वर्षतीन्द्रो दहत्य् अग्निर् मृत्युश् चरति मद्-भयात्
mad-bhayād vāti vāto 'yaṃ sūryas tapati mad-bhayāt varṣatīndro dahaty agnir mṛtyuś carati mad-bhayāt
Out of fear of me this wind blows, out of fear of me the sun gives heat; Indra rains, fire burns, and death moves about out of fear of me.
AI translation rendered from the Sanskrit, not a published edition
SB 3 25.44
ज्ञान-वैराग्य-युक्तेन भक्ति-योगेन योगिनः क्षेमाय पाद-मूलं मे प्रविशन्त्य् अकुतो-भयम्
jñāna-vairāgya-yuktena bhakti-yogena yoginaḥ kṣemāya pāda-mūlaṃ me praviśanty akuto-bhayam
By the yoga of devotion joined with knowledge and dispassion, yogins, for their welfare, enter the soles of my feet, where there is no fear from any quarter.
AI translation rendered from the Sanskrit, not a published edition
SB 3 25.45
एतावान् एव लोके ऽस्मिन् पुंसां निःश्रेयसोदयः तीव्रेण भक्ति-योगेन मनो मय्य् अर्पितं स्थिरम्
etāvān eva loke 'smin puṃsāṃ niḥśreyasodayaḥ tīvreṇa bhakti-yogena mano mayy arpitaṃ sthiram
Just this much is the arising of the highest good for people in this world: the mind fixed firmly on me by intense devotional yoga.
AI translation rendered from the Sanskrit, not a published edition