Bhagavata Purana — Skandha 3 — Chapter 22
SB 3 22.1
मैत्रेय उवाच एवम् आविष्कृताशेष- गुण-कर्मोदयो मुनिम् सव्रीड इव तं सम्राड् उपारतम् उवाच ह
maitreya uvāca evam āviṣkṛtāśeṣa- guṇa-karmodayo munim savrīḍa iva taṃ samrāḍ upāratam uvāca ha
Maitreya said: The emperor, having thus had the whole rise of his qualities and deeds disclosed, spoke as if abashed to the sage, who had ceased speaking.
AI translation rendered from the Sanskrit, not a published edition
SB 3 22.2
मनुर् उवाच ब्रह्मासृजत् स्व-मुखतो युष्मान् आत्म-परीप्सया छन्दोमयस् तपो-विद्या- योग-युक्तान् अलम्पटान्
manur uvāca brahmāsṛjat sva-mukhato yuṣmān ātma-parīpsayā chandomayas tapo-vidyā- yoga-yuktān alampaṭān
Manu said: Brahmā, who is made of the Vedic metres, created you from his mouth, wishing to protect himself, endowed with austerity, learning and yoga, and free from craving.
AI translation rendered from the Sanskrit, not a published edition
SB 3 22.3
तत्-त्राणायासृजच् चास्मान् दोः-सहस्रात् सहस्र-पात् हृदयं तस्य हि ब्रह्म क्षत्रम् अङ्गं प्रचक्षते
tat-trāṇāyāsṛjac cāsmān doḥ-sahasrāt sahasra-pāt hṛdayaṃ tasya hi brahma kṣatram aṅgaṃ pracakṣate
And for the protection of those (brāhmaṇas) the thousand-footed one created us from his thousand arms; for they call brahmā his heart and the kṣatra his body.
AI translation rendered from the Sanskrit, not a published edition
SB 3 22.4
अतो ह्य् अन्योन्यम् आत्मानं ब्रह्म क्षत्रं च रक्षतः रक्षति स्माव्ययो देवः स यः सद्-असद्-आत्मकः
ato hy anyonyam ātmānaṃ brahma kṣatraṃ ca rakṣataḥ rakṣati smāvyayo devaḥ sa yaḥ sad-asad-ātmakaḥ
Therefore the brāhmaṇa and the kṣatriya, protecting each other, protect their own self; and the imperishable God, who is (both) the real and the unreal, protects them.
AI translation rendered from the Sanskrit, not a published edition
SB 3 22.5
तव सन्दर्शनाद् एव च्छिन्ना मे सर्व-संशयाः यत् स्वयं भगवान् प्रीत्या धर्मम् आह रिरक्षिषोः
tava sandarśanād eva cchinnā me sarva-saṃśayāḥ yat svayaṃ bhagavān prītyā dharmam āha rirakṣiṣoḥ
By the very sight of you all my doubts have been cut away, since the lord himself, out of affection, has spoken of the duty of one who wishes to protect (his subjects).
AI translation rendered from the Sanskrit, not a published edition
SB 3 22.6
दिष्ट्या मे भगवान् दृष्टो दुर्दर्शो यो ऽकृतात्मनाम् दिष्ट्या पाद-रजः स्पृष्टं शीर्ष्णा मे भवतः शिवम्
diṣṭyā me bhagavān dṛṣṭo durdarśo yo 'kṛtātmanām diṣṭyā pāda-rajaḥ spṛṣṭaṃ śīrṣṇā me bhavataḥ śivam
By good fortune the lord has been seen by me—he who is hard to see for those whose selves are unperfected; by good fortune your auspicious foot-dust has been touched by my head.
AI translation rendered from the Sanskrit, not a published edition
SB 3 22.7
दिष्ट्या त्वयानुशिष्टो ऽहं कृतश् चानुग्रहो महान् अपावृतैः कर्ण-रन्ध्रैर् जुष्टा दिष्ट्योशतीर् गिरः
diṣṭyā tvayānuśiṣṭo 'haṃ kṛtaś cānugraho mahān apāvṛtaiḥ karṇa-randhrair juṣṭā diṣṭyośatīr giraḥ
By good fortune I have been instructed by you, and a great favour has been done me; by good fortune your lovely words have been enjoyed with unobstructed ear-openings.
AI translation rendered from the Sanskrit, not a published edition
SB 3 22.8
स भवान् दुहितृ-स्नेह- परिक्लिष्टात्मनो मम श्रोतुम् अर्हसि दीनस्य श्रावितं कृपया मुने
sa bhavān duhitṛ-sneha- parikliṣṭātmano mama śrotum arhasi dīnasya śrāvitaṃ kṛpayā mune
That being so, sir, you ought to hear, out of compassion, O sage, what is told by me, a wretched man whose mind is sorely afflicted by affection for his daughter.
AI translation rendered from the Sanskrit, not a published edition
SB 3 22.9
प्रियव्रतोत्तानपदोः स्वसेयं दुहिता मम अन्विच्छति पतिं युक्तं वयः-शील-गुणादिभिः
priyavratottānapadoḥ svaseyaṃ duhitā mama anvicchati patiṃ yuktaṃ vayaḥ-śīla-guṇādibhiḥ
This girl, my daughter, sister of Priyavrata and Uttānapāda, seeks a husband suited (to her) in age, character, qualities and the rest.
AI translation rendered from the Sanskrit, not a published edition
SB 3 22.10
यदा तु भवतः शील- श्रुत-रूप-वयो-गुणान् अशृणोन् नारदाद् एषा त्वय्य् आसीत् कृत-निश्चया
yadā tu bhavataḥ śīla- śruta-rūpa-vayo-guṇān aśṛṇon nāradād eṣā tvayy āsīt kṛta-niścayā
But when she heard from Nārada of your character, learning, form, youth and qualities, she made up her mind upon you.
AI translation rendered from the Sanskrit, not a published edition
SB 3 22.11
तत् प्रतीच्छ द्विजाग्र्येमां श्रद्धयोपहृतां मया सर्वात्मनानुरूपां ते गृहमेधिषु कर्मसु
tat pratīccha dvijāgryemāṃ śraddhayopahṛtāṃ mayā sarvātmanānurūpāṃ te gṛhamedhiṣu karmasu
Therefore, best of the twice-born, accept her, offered by me with faith, in every way fitting for you in the rites of household life.
AI translation rendered from the Sanskrit, not a published edition
SB 3 22.12
उद्यतस्य हि कामस्य प्रतिवादो न शस्यते अपि निर्मुक्त-सङ्गस्य काम-रक्तस्य किं पुनः
udyatasya hi kāmasya prativādo na śasyate api nirmukta-saṅgasya kāma-raktasya kiṃ punaḥ
For refusal of a desired object that is offered is not commended—not even for one wholly freed from attachment, how much less for one who is attached to desire.
AI translation rendered from the Sanskrit, not a published edition
SB 3 22.13
य उद्यतम् अनादृत्य कीनाशम् अभियाचते क्षीयते तद्-यशः स्फीतं मानश् चावज्ञया हतः
ya udyatam anādṛtya kīnāśam abhiyācate kṣīyate tad-yaśaḥ sphītaṃ mānaś cāvajñayā hataḥ
He who, disregarding what is offered, then begs from a miser—his ample fame dwindles, and his pride is destroyed by the (other's) contempt.
AI translation rendered from the Sanskrit, not a published edition
SB 3 22.14
अहं त्वाशृणवं विद्वन् विवाहार्थं समुद्यतम् अतस् त्वम् उपकुर्वाणः प्रत्तां प्रतिगृहाण मे
ahaṃ tvāśṛṇavaṃ vidvan vivāhārthaṃ samudyatam atas tvam upakurvāṇaḥ prattāṃ pratigṛhāṇa me
Learned one, I have heard that you are prepared for the purpose of marriage; therefore, since you are not (yet) under the vow (of celibacy), accept her whom I give.
AI translation rendered from the Sanskrit, not a published edition — the model flagged this verse as uncertain
SB 3 22.15
ऋषिर् उवाच बाढम् उद्वोढु-कामो ऽहम् अप्रत्ता च तवात्मजा आवयोर् अनुरूपो ऽसाव् आद्यो वैवाहिको विधिः
ṛṣir uvāca bāḍham udvoḍhu-kāmo 'ham aprattā ca tavātmajā āvayor anurūpo 'sāv ādyo vaivāhiko vidhiḥ
The sage said: Certainly I wish to marry, and your daughter has not been given away; this is the primary marriage rite, suitable for us both.
AI translation rendered from the Sanskrit, not a published edition
SB 3 22.16
कामः स भूयान् नरदेव ते ऽस्याः पुत्र्याः समाम्नाय-विधौ प्रतीतः क एव ते तनयां नाद्रियेत स्वयैव कान्त्या क्षिपतीम् इव श्रियम्
kāmaḥ sa bhūyān naradeva te 'syāḥ putryāḥ samāmnāya-vidhau pratītaḥ ka eva te tanayāṃ nādriyeta svayaiva kāntyā kṣipatīm iva śriyam
May that desire of yours concerning this daughter be fulfilled, O lord of men—(a desire) sanctioned in the rule of the tradition. Who indeed would not honour your daughter, who by her own loveliness seems to outshine Śrī herself?
AI translation rendered from the Sanskrit, not a published edition
SB 3 22.17
यां हर्म्य-पृष्ठे क्वणद्-अङ्घ्रि-शोभां विक्रीडतीं कन्दुक-विह्वलाक्षीम् विश्वावसुर् न्यपतत् स्वाद् विमानाद् विलोक्य सम्मोह-विमूढ-चेताः
yāṃ harmya-pṛṣṭhe kvaṇad-aṅghri-śobhāṃ vikrīḍatīṃ kanduka-vihvalākṣīm viśvāvasur nyapatat svād vimānād vilokya sammoha-vimūḍha-cetāḥ
Seeing her on the palace roof, playing, the beauty of her feet tinkling, her eyes darting after the ball, Viśvāvasu fell from his own aerial car, his mind stupefied with infatuation.
AI translation rendered from the Sanskrit, not a published edition
SB 3 22.18
तां प्रार्थयन्तीं ललना-ललामम् असेवित-श्री-चरणैर् अदृष्टाम् वत्सां मनोर् उच्चपदः स्वसारं को नानुमन्येत बुधो ऽभियाताम्
tāṃ prārthayantīṃ lalanā-lalāmam asevita-śrī-caraṇair adṛṣṭām vatsāṃ manor uccapadaḥ svasāraṃ ko nānumanyeta budho 'bhiyātām
What wise man would not welcome her when she comes of her own accord — that crest-jewel of women who asks (for you), unseen by those who have not served Śrī's feet, the darling child of Manu and the sister of Uttānapāda?
AI translation rendered from the Sanskrit, not a published edition
SB 3 22.19
अतो भजिष्ये समयेन साध्वीं यावत् तेजो बिभृयाद् आत्मनो मे अतो धर्मान् पारमहंस्य-मुख्यान् शुक्ल-प्रोक्तान् बहु मन्ये ऽविहिंस्रान्
ato bhajiṣye samayena sādhvīṃ yāvat tejo bibhṛyād ātmano me ato dharmān pāramahaṃsya-mukhyān śukla-proktān bahu manye 'vihiṃsrān
Therefore I shall accept the virtuous girl on the agreed condition, (only) so long as she may bear the seed of my body; after that I esteem highly the duties chief among those of the paramahaṃsas, taught by Śukla (the Lord) and free from injury.
AI translation rendered from the Sanskrit, not a published edition — the model flagged this verse as uncertain
SB 3 22.20
यतो ऽभवद् विश्वम् इदं विचित्रं संस्थास्यते यत्र च वावतिष्ठते प्रजापतीनां पतिर् एष मह्यं परं प्रमाणं भगवान् अनन्तः
yato 'bhavad viśvam idaṃ vicitraṃ saṃsthāsyate yatra ca vāvatiṣṭhate prajāpatīnāṃ patir eṣa mahyaṃ paraṃ pramāṇaṃ bhagavān anantaḥ
He from whom this variegated universe arose, in whom it will dissolve, and in whom it indeed abides — that lord of the Prajāpatis, the endless Lord, is the highest authority for me.
AI translation rendered from the Sanskrit, not a published edition
SB 3 22.21
मैत्रेय उवाच स उग्र-धन्वन्न् इयद् एवाबभाषे आसीच् च तूष्णीम् अरविन्द-नाभम् धियोपगृह्णन् स्मित-शोभितेन मुखेन चेतो लुलुभे देवहूत्याः
maitreya uvāca sa ugra-dhanvann iyad evābabhāṣe āsīc ca tūṣṇīm aravinda-nābham dhiyopagṛhṇan smita-śobhitena mukhena ceto lulubhe devahūtyāḥ
Maitreya said: O you of the mighty bow, he said only this much and fell silent, grasping in his mind the lotus-navelled Lord; and by his face, radiant with a smile, Devahūti's heart was captivated.
AI translation rendered from the Sanskrit, not a published edition
SB 3 22.22
सो ऽनु ज्ञात्वा व्यवसितं महिष्या दुहितुः स्फुटम् तस्मै गुण-गणाढ्याय ददौ तुल्यां प्रहर्षितः
so 'nu jñātvā vyavasitaṃ mahiṣyā duhituḥ sphuṭam tasmai guṇa-gaṇāḍhyāya dadau tulyāṃ praharṣitaḥ
He, having then clearly learned the resolve of his queen and of his daughter, greatly delighted, gave her — who was his match — to him, rich in a host of virtues.
AI translation rendered from the Sanskrit, not a published edition
SB 3 22.23
शतरूपा महा-राज्ञी पारिबर्हान् महा-धनान् दम्पत्योः पर्यदात् प्रीत्या भूषा-वासः परिच्छदान्
śatarūpā mahā-rājñī pāribarhān mahā-dhanān dampatyoḥ paryadāt prītyā bhūṣā-vāsaḥ paricchadān
Śatarūpā, the great queen, out of affection presented to the couple wedding gifts of great value: ornaments, garments and household furnishings.
AI translation rendered from the Sanskrit, not a published edition
SB 3 22.24
प्रत्तां दुहितरं सम्राट् सदृक्षाय गत-व्यथः उपगुह्य च बाहुभ्याम् औत्कण्ठ्योन्मथिताशयः
prattāṃ duhitaraṃ samrāṭ sadṛkṣāya gata-vyathaḥ upaguhya ca bāhubhyām autkaṇṭhyonmathitāśayaḥ
The emperor, relieved of his anxiety at having given his daughter to one worthy of her, embraced her with both arms, his heart churned by longing.
AI translation rendered from the Sanskrit, not a published edition
SB 3 22.25
अशक्नुवंस् तद्-विरहं मुञ्चन् बाष्प-कलां मुहुः आसिञ्चद् अम्ब वत्सेति नेत्रोदैर् दुहितुः शिखाः
aśaknuvaṃs tad-virahaṃ muñcan bāṣpa-kalāṃ muhuḥ āsiñcad amba vatseti netrodair duhituḥ śikhāḥ
Unable to bear separation from her, again and again shedding a stream of tears, he wetted his daughter's locks with the water of his eyes, (saying) "Mother! Dear child!"
AI translation rendered from the Sanskrit, not a published edition
SB 3 22.26
आमन्त्र्य तं मुनि-वरम् अनुज्ञातः सहानुगः प्रतस्थे रथम् आरुह्य सभार्यः स्व-पुरं नृपः
āmantrya taṃ muni-varam anujñātaḥ sahānugaḥ pratasthe ratham āruhya sabhāryaḥ sva-puraṃ nṛpaḥ
Having taken leave of that best of sages and been given permission (to depart), the king mounted his chariot and set out for his own city, together with his wife and his retinue.
AI translation rendered from the Sanskrit, not a published edition
SB 3 22.27
उभयोर् ऋषि-कुल्यायाः सरस्वत्याः सुरोधसोः ऋषीणाम् उपशान्तानां पश्यन्न् आश्रम-सम्पदः
ubhayor ṛṣi-kulyāyāḥ sarasvatyāḥ surodhasoḥ ṛṣīṇām upaśāntānāṃ paśyann āśrama-sampadaḥ
(He went) viewing the riches of the hermitages of the tranquil sages on both the lovely banks of the Sarasvatī, the river of the sages' line.
AI translation rendered from the Sanskrit, not a published edition
SB 3 22.28
तम् आयान्तम् अभिप्रेत्य ब्रह्मावर्तात् प्रजाः पतिम् गीत-संस्तुति-वादित्रैः प्रत्युदीयुः प्रहर्षिताः
tam āyāntam abhipretya brahmāvartāt prajāḥ patim gīta-saṃstuti-vāditraiḥ pratyudīyuḥ praharṣitāḥ
Learning that he, their lord, was coming, the people came out from Brahmāvarta to meet him, greatly delighted, with songs, praises and instrumental music.
AI translation rendered from the Sanskrit, not a published edition
SB 3 22.29
बर्हिष्मती नाम पुरी सर्व-सम्पत्-समन्विता न्यपतन् यत्र रोमाणि यज्ञस्याङ्गं विधुन्वतः
barhiṣmatī nāma purī sarva-sampat-samanvitā nyapatan yatra romāṇi yajñasyāṅgaṃ vidhunvataḥ
There was a city named Barhiṣmatī, endowed with every kind of wealth, where the hairs of the sacrificial Boar had fallen as he shook his body.
AI translation rendered from the Sanskrit, not a published edition
SB 3 22.30
कुशाः काशास् त एवासन् शश्वद्-धरित-वर्चसः ऋषयो यैः पराभाव्य यज्ञ-घ्नान् यज्ञम् ईजिरे
kuśāḥ kāśās ta evāsan śaśvad-dharita-varcasaḥ ṛṣayo yaiḥ parābhāvya yajña-ghnān yajñam ījire
Those very (hairs) became kuśa and kāśa grasses, of perpetually green hue, by which the sages, having defeated the destroyers of sacrifice, performed the sacrifice.
AI translation rendered from the Sanskrit, not a published edition
SB 3 22.31
कुश-काशमयं बर्हिर् आस्तीर्य भगवान् मनुः अयजद् यज्ञ-पुरुषं लब्धा स्थानं यतो भुवम्
kuśa-kāśamayaṃ barhir āstīrya bhagavān manuḥ ayajad yajña-puruṣaṃ labdhā sthānaṃ yato bhuvam
Spreading a seat of kuśa and kāśa grass, the venerable Manu worshipped the Person of sacrifice, from whom he had obtained his station, the earth.
AI translation rendered from the Sanskrit, not a published edition
SB 3 22.32
बर्हिष्मतीं नाम विभुर् यां निर्विश्य समावसत् तस्यां प्रविष्टो भवनं ताप-त्रय-विनाशनम्
barhiṣmatīṃ nāma vibhur yāṃ nirviśya samāvasat tasyāṃ praviṣṭo bhavanaṃ tāpa-traya-vināśanam
That (city) named Barhiṣmatī the mighty one entered and settled in; there he entered a dwelling that dispelled the three afflictions.
AI translation rendered from the Sanskrit, not a published edition
SB 3 22.33
सभार्यः सप्रजः कामान् बुभुजे ऽन्याविरोधतः सङ्गीयमान-सत्-कीर्तिः सस्त्रीभिः सुर-गायकैः प्रत्य्-ऊषेष्व् अनुबद्धेन हृदा शृण्वन् हरेः कथाः
sabhāryaḥ saprajaḥ kāmān bubhuje 'nyāvirodhataḥ saṅgīyamāna-sat-kīrtiḥ sastrībhiḥ sura-gāyakaiḥ praty-ūṣeṣv anubaddhena hṛdā śṛṇvan hareḥ kathāḥ
With his wife and children he enjoyed pleasures without conflicting with (his duties or) others, his good fame being sung by celestial singers with their wives, while at each dawn, with a heart bound (to the Lord), he listened to the stories of Hari.
AI translation rendered from the Sanskrit, not a published edition
SB 3 22.34
निष्णातं योगमायासु मुनिं स्वायम्भुवं मनुम् यद् आभ्रंशयितुं भोगा न शेकुर् भगवत्-परम्
niṣṇātaṃ yogamāyāsu muniṃ svāyambhuvaṃ manum yad ābhraṃśayituṃ bhogā na śekur bhagavat-param
(He was) the sage Svāyambhuva Manu, well versed in the workings of yogamāyā, whom enjoyments could not make fall, since he was devoted to the Lord.
AI translation rendered from the Sanskrit, not a published edition
SB 3 22.35
अयात-यामास् तस्यासन् यामाः स्वान्तर-यापनाः शृण्वतो ध्यायतो विष्णोः कुर्वतो ब्रुवतः कथाः
ayāta-yāmās tasyāsan yāmāḥ svāntara-yāpanāḥ śṛṇvato dhyāyato viṣṇoḥ kurvato bruvataḥ kathāḥ
His hours, which he passed within his own manvantara, were not spent in vain, as he listened to, meditated on, composed and spoke the stories of Viṣṇu.
AI translation rendered from the Sanskrit, not a published edition
SB 3 22.36
स एवं स्वान्तरं निन्ये युगानाम् एक-सप्ततिम् वासुदेव-प्रसङ्गेन परिभूत-गति-त्रयः
sa evaṃ svāntaraṃ ninye yugānām eka-saptatim vāsudeva-prasaṅgena paribhūta-gati-trayaḥ
Thus he passed his own manvantara of seventy-one yugas, having overcome the three states (of existence) through his attachment to Vāsudeva.
AI translation rendered from the Sanskrit, not a published edition
SB 3 22.37
शारीरा मानसा दिव्या वैयासे ये च मानुषाः भौतिकाश् च कथं क्लेशा बाधन्ते हरि-संश्रयम्
śārīrā mānasā divyā vaiyāse ye ca mānuṣāḥ bhautikāś ca kathaṃ kleśā bādhante hari-saṃśrayam
O son of Vyāsa, how can the sufferings — bodily, mental, divine, human, and those caused by other creatures — afflict one who has taken shelter of Hari?
AI translation rendered from the Sanskrit, not a published edition
SB 3 22.38
यः पृष्टो मुनिभिः प्राह धर्मान् नाना-विधान् छुभान् नृणां वर्णाश्रमाणां च सर्व-भूत-हितः सदा
yaḥ pṛṣṭo munibhiḥ prāha dharmān nānā-vidhān chubhān nṛṇāṃ varṇāśramāṇāṃ ca sarva-bhūta-hitaḥ sadā
(He is the one) who, when questioned by the sages, declared the manifold auspicious duties of men and of the varṇas and āśramas, being ever devoted to the welfare of all beings.
AI translation rendered from the Sanskrit, not a published edition
SB 3 22.39
एतत् त आदि-राजस्य मनोश् चरितम् अद्भुतम् वर्णितं वर्णनीयस्य तद्-अपत्योदयं शृणु
etat ta ādi-rājasya manoś caritam adbhutam varṇitaṃ varṇanīyasya tad-apatyodayaṃ śṛṇu
This wonderful career of Manu, the first king, who is worthy to be described, has been narrated to you; now hear of the rise of his offspring.
AI translation rendered from the Sanskrit, not a published edition