Bhagavata Purana — Skandha 3 — Chapter 21
SB 3 21.1
विदुर उवाच स्वायम्भुवस्य च मनोर् अंशः परम-सम्मतः कथ्यतां भगवन् यत्र मैथुनेनैधिरे प्रजाः
vidura uvāca svāyambhuvasya ca manor aṃśaḥ parama-sammataḥ kathyatāṃ bhagavan yatra maithunenaidhire prajāḥ
Vidura said: And let the highly esteemed line of Svāyambhuva Manu be told, O lord, in which the offspring increased by sexual union.
AI translation rendered from the Sanskrit, not a published edition — the model flagged this verse as uncertain
SB 3 21.2
प्रियव्रतोत्तानपादौ सुतौ स्वायम्भुवस्य वै यथा-धर्मं जुगुपतुः सप्त-द्वीपवतीं महीम्
priyavratottānapādau sutau svāyambhuvasya vai yathā-dharmaṃ jugupatuḥ sapta-dvīpavatīṃ mahīm
Priyavrata and Uttānapāda, the two sons of Svāyambhuva, guarded according to dharma the earth with its seven continents.
AI translation rendered from the Sanskrit, not a published edition
SB 3 21.3
तस्य वै दुहिता ब्रह्मन् देवहूतीति विश्रुता पत्नी प्रजापतेर् उक्ता कर्दमस्य त्वयानघ
tasya vai duhitā brahman devahūtīti viśrutā patnī prajāpater uktā kardamasya tvayānagha
His daughter, O brāhmaṇa, well known as Devahūti, was spoken of by you, O sinless one, as the wife of the Prajāpati Kardama.
AI translation rendered from the Sanskrit, not a published edition
SB 3 21.4
तस्यां स वै महा-योगी युक्तायां योग-लक्षणैः ससर्ज कतिधा वीर्यं तन् मे शुश्रूषवे वद
tasyāṃ sa vai mahā-yogī yuktāyāṃ yoga-lakṣaṇaiḥ sasarja katidhā vīryaṃ tan me śuśrūṣave vada
In her, when she was joined (to him) by the marks of yoga, how many times did that great yogī emit his seed? Tell that to me, who wish to hear it.
AI translation rendered from the Sanskrit, not a published edition
SB 3 21.5
रुचिर् यो भगवान् ब्रह्मन् दक्षो वा ब्रह्मणः सुतः यथा ससर्ज भूतानि लब्ध्वा भार्यां च मानवीम्
rucir yo bhagavān brahman dakṣo vā brahmaṇaḥ sutaḥ yathā sasarja bhūtāni labdhvā bhāryāṃ ca mānavīm
Who was the blessed Ruci, O brāhmaṇa, and Dakṣa the son of Brahmā, and how did they beget beings after obtaining a daughter of Manu as wife?
AI translation rendered from the Sanskrit, not a published edition
SB 3 21.6
मैत्रेय उवाच प्रजाः सृजेति भगवान् कर्दमो ब्रह्मणोदितः सरस्वत्यां तपस् तेपे सहस्राणां समा दश
maitreya uvāca prajāḥ sṛjeti bhagavān kardamo brahmaṇoditaḥ sarasvatyāṃ tapas tepe sahasrāṇāṃ samā daśa
Maitreya said: Instructed by Brahmā, "Beget offspring," the blessed Kardama practised austerity on the Sarasvatī for ten thousand years.
AI translation rendered from the Sanskrit, not a published edition
SB 3 21.7
ततः समाधि-युक्तेन क्रिया-योगेन कर्दमः सम्प्रपेदे हरिं भक्त्या प्रपन्न-वरदाशुषम्
tataḥ samādhi-yuktena kriyā-yogena kardamaḥ samprapede hariṃ bhaktyā prapanna-varadāśuṣam
Then, by the practice of ritual yoga joined with absorption, Kardama with devotion approached Hari, who grants boons to those who take refuge in him.
AI translation rendered from the Sanskrit, not a published edition
SB 3 21.8
तावत् प्रसन्नो भगवान् पुष्कराक्षः कृते युगे दर्शयाम् आस तं क्षत्तः शाब्दं ब्रह्म दधद् वपुः
tāvat prasanno bhagavān puṣkarākṣaḥ kṛte yuge darśayām āsa taṃ kṣattaḥ śābdaṃ brahma dadhad vapuḥ
Thereupon, in the Kṛta age, the lotus-eyed Lord, being pleased, showed himself to him, O Kṣattā, bearing a body that is the Veda in sound.
AI translation rendered from the Sanskrit, not a published edition
SB 3 21.9
स तं विरजम् अर्काभं सित-पद्मोत्पल-स्रजम् स्निग्ध-नीलालक-व्रात- वक्त्राब्जं विरजो ऽम्बरम्
sa taṃ virajam arkābhaṃ sita-padmotpala-srajam snigdha-nīlālaka-vrāta- vaktrābjaṃ virajo 'mbaram
He (beheld) him, stainless, with the radiance of the sun, wearing a garland of white lotuses and water lilies, his lotus face (framed) by a mass of glossy dark curls, clothed in spotless garments,
AI translation rendered from the Sanskrit, not a published edition
SB 3 21.10
किरीटिनं कुण्डलिनं शङ्ख-चक्र-गदा-धरम् श्वेतोत्पल-क्रीडनकं मनः-स्पर्श-स्मितेक्षणम्
kirīṭinaṃ kuṇḍalinaṃ śaṅkha-cakra-gadā-dharam śvetotpala-krīḍanakaṃ manaḥ-sparśa-smitekṣaṇam
wearing a crown and earrings, holding conch, discus and mace, with a white lotus for his plaything, his smile and glance touching the heart,
AI translation rendered from the Sanskrit, not a published edition
SB 3 21.11
विन्यस्त-चरणाम्भोजम् अंस-देशे गरुत्मतः दृष्ट्वा खे ऽवस्थितं वक्षः- श्रियं कौस्तुभ-कन्धरम्
vinyasta-caraṇāmbhojam aṃsa-deśe garutmataḥ dṛṣṭvā khe 'vasthitaṃ vakṣaḥ- śriyaṃ kaustubha-kandharam
with his lotus feet set upon the shoulders of Garuḍa — seeing him stationed in the sky, with Śrī on his breast and the Kaustubha gem at his neck,
AI translation rendered from the Sanskrit, not a published edition
SB 3 21.12
जात-हर्षो ऽपतन् मूर्ध्ना क्षितौ लब्ध-मनोरथः गीर्भिस् त्व् अभ्यगृणात् प्रीति- स्वभावात्मा कृताञ्जलिः
jāta-harṣo 'patan mūrdhnā kṣitau labdha-manorathaḥ gīrbhis tv abhyagṛṇāt prīti- svabhāvātmā kṛtāñjaliḥ
joy arose in him, and, his heart's wish attained, he fell head down to the ground; and with hands joined, his very being turned to love, he praised him with words.
AI translation rendered from the Sanskrit, not a published edition
SB 3 21.13
ऋषिर् उवाच जुष्टं बताद्याखिल-सत्त्व-राशेः सांसिद्ध्यम् अक्ष्णोस् तव दर्शनान् नः यद्-दर्शनं जन्मभिर् ईड्य सद्भिर् आशासते योगिनो रूढ-योगाः
ṛṣir uvāca juṣṭaṃ batādyākhila-sattva-rāśeḥ sāṃsiddhyam akṣṇos tava darśanān naḥ yad-darśanaṃ janmabhir īḍya sadbhir āśāsate yogino rūḍha-yogāḥ
The sage said: Ah, today the full perfection of my eyes has been attained by seeing you, the sum of all being — you whose sight, O adorable one, the yogīs who are advanced in yoga hope for through many births, together with the good.
AI translation rendered from the Sanskrit, not a published edition
SB 3 21.14
ये मायया ते हत-मेधसस् त्वत्- पादारविन्दं भव-सिन्धु-पोतम् उपासते काम-लवाय तेषां रासीश कामान् निरये ऽपि ये स्युः
ye māyayā te hata-medhasas tvat- pādāravindaṃ bhava-sindhu-potam upāsate kāma-lavāya teṣāṃ rāsīśa kāmān niraye 'pi ye syuḥ
Those whose intelligence is destroyed by your māyā worship your lotus feet, which are the boat across the ocean of existence, for the sake of a mere scrap of sense enjoyment; yet, O Lord, you grant them even those desires which could be had in hell.
AI translation rendered from the Sanskrit, not a published edition
SB 3 21.15
तथा स चाहं परिवोढु-कामः समान-शीलां गृहमेध-धेनुम् उपेयिवान् मूलम् अशेष-मूलं दुराशयः काम-दुघाङ्घ्रिपस्य
tathā sa cāhaṃ parivoḍhu-kāmaḥ samāna-śīlāṃ gṛhamedha-dhenum upeyivān mūlam aśeṣa-mūlaṃ durāśayaḥ kāma-dughāṅghripasya
So too I, wishing to marry a wife of like character — the milk-cow of household sacrifice — have approached, with my base desire, the root that is the root of everything, (you,) the tree that yields all desires.
AI translation rendered from the Sanskrit, not a published edition
SB 3 21.16
प्रजापतेस् ते वचसाधीश तन्त्या लोकः किलायं काम-हतो ऽनुबद्धः अहं च लोकानुगतो वहामि बलिं च शुक्लानिमिषाय तुभ्यम्
prajāpates te vacasādhīśa tantyā lokaḥ kilāyaṃ kāma-hato 'nubaddhaḥ ahaṃ ca lokānugato vahāmi baliṃ ca śuklānimiṣāya tubhyam
O supreme ruler, by your word as Prajāpati this world, struck by desire, is indeed bound as by a rope; and I too, following the world, bring tribute to you, the pure one who never closes his eyes.
AI translation rendered from the Sanskrit, not a published edition — the model flagged this verse as uncertain
SB 3 21.17
लोकांश् च लोकानुगतान् पशूंश् च हित्वा श्रितास् ते चरणातपत्रम् परस्परं त्वद्-गुण-वाद-सीधु- पीयूष-निर्यापित-देह-धर्माः
lokāṃś ca lokānugatān paśūṃś ca hitvā śritās te caraṇātapatram parasparaṃ tvad-guṇa-vāda-sīdhu- pīyūṣa-niryāpita-deha-dharmāḥ
But others, abandoning the worlds and the beasts that follow the worlds, have taken shelter of the umbrella of your feet, the functions of their bodies extinguished by the nectar-liquor of the recitation of your qualities among one another.
AI translation rendered from the Sanskrit, not a published edition
SB 3 21.18
न ते ऽजराक्ष-भ्रमिर् आयुर् एषां त्रयोदशारं त्रि-शतं षष्टि-पर्व षण्-नेम्य् अनन्त-च्छदि यत् त्रि-णाभि कराल-स्रोतो जगद् आच्छिद्य धावत्
na te 'jarākṣa-bhramir āyur eṣāṃ trayodaśāraṃ tri-śataṃ ṣaṣṭi-parva ṣaṇ-nemy ananta-cchadi yat tri-ṇābhi karāla-sroto jagad ācchidya dhāvat
For them there is no whirling of the unaging axle (of time); their lifespan is not (consumed by it) — that (wheel) which has thirteen spokes, three hundred and sixty joints, six rims and endless leaves, three hubs, and which runs on with a terrible current, cutting the world to pieces.
AI translation rendered from the Sanskrit, not a published edition — the model flagged this verse as uncertain
SB 3 21.19
एकः स्वयं सन् जगतः सिसृक्षया- द्वितीययात्मन्न् अधि-योगमायया सृजस्य् अदः पासि पुनर् ग्रसिष्यसे यथोर्ण-नाभिर् भगवन् स्व-शक्तिभिः
ekaḥ svayaṃ san jagataḥ sisṛkṣayā- dvitīyayātmann adhi-yogamāyayā sṛjasy adaḥ pāsi punar grasiṣyase yathorṇa-nābhir bhagavan sva-śaktibhiḥ
Being one, alone, by your desire to create the world, O Self, through Yogamāyā which is not a second (thing), you create this (universe), maintain it, and will again swallow it, as a spider does, O Lord, by your own powers.
AI translation rendered from the Sanskrit, not a published edition
SB 3 21.20
नैतद् बताधीश पदं तवेप्सितं यन् मायया नस् तनुषे भूत-सूक्ष्मम् अनुग्रहायास्त्व् अपि यर्हि मायया लसत्-तुलस्या भगवान् विलक्षितः
naitad batādhīśa padaṃ tavepsitaṃ yan māyayā nas tanuṣe bhūta-sūkṣmam anugrahāyāstv api yarhi māyayā lasat-tulasyā bhagavān vilakṣitaḥ
Ah, O supreme ruler, this form is not the one you (yourself) desire, which you spread out for us by māyā out of the subtle elements; still, let it be for (our) favour — since it is by māyā that the Lord is recognized, with the shining tulasī.
AI translation rendered from the Sanskrit, not a published edition — the model flagged this verse as uncertain
SB 3 21.21
तं त्वानुभूत्योपरत-क्रियार्थं स्व-मायया वर्तित-लोक-तन्त्रम् नमाम्य् अभीक्ष्णं नमनीय-पाद- सरोजम् अल्पीयसि काम-वर्षम्
taṃ tvānubhūtyoparata-kriyārthaṃ sva-māyayā vartita-loka-tantram namāmy abhīkṣṇaṃ namanīya-pāda- sarojam alpīyasi kāma-varṣam
You, whose object of action ceases upon (direct) realization, who have set the order of the worlds in motion by your own māyā — you I bow to again and again, whose lotus feet are worthy of obeisance, who rain down desires upon this insignificant one.
AI translation rendered from the Sanskrit, not a published edition — the model flagged this verse as uncertain
SB 3 21.22
ऋषिर् उवाच इत्य् अव्यलीकं प्रणुतो ऽब्ज-नाभस् तम् आबभाषे वचसामृतेन सुपर्ण-पक्षोपरि रोचमानः प्रेम-स्मितोद्वीक्षण-विभ्रमद्-भ्रूः
ṛṣir uvāca ity avyalīkaṃ praṇuto 'bja-nābhas tam ābabhāṣe vacasāmṛtena suparṇa-pakṣopari rocamānaḥ prema-smitodvīkṣaṇa-vibhramad-bhrūḥ
The sage said: Thus sincerely praised, the lotus-naveled one, shining above the wings of Garuḍa, spoke to him with nectar-like words, his brows moving with a loving, smiling glance.
AI translation rendered from the Sanskrit, not a published edition
SB 3 21.23
श्री-भगवान् उवाच विदित्वा तव चैत्यं मे पुरैव समयोजि तत् यद्-अर्थम् आत्म-नियमैस् त्वयैवाहं समर्चितः
śrī-bhagavān uvāca viditvā tava caityaṃ me puraiva samayoji tat yad-artham ātma-niyamais tvayaivāhaṃ samarcitaḥ
The Lord said: Knowing your intention, I had already arranged that for which you worshipped me with self-restraints.
AI translation rendered from the Sanskrit, not a published edition
SB 3 21.24
न वै जातु मृषैव स्यात् प्रजाध्यक्ष मद्-अर्हणम् भवद्-विधेष्व् अतितरां मयि सङ्गृभितात्मनाम्
na vai jātu mṛṣaiva syāt prajādhyakṣa mad-arhaṇam bhavad-vidheṣv atitarāṃ mayi saṅgṛbhitātmanām
Never indeed, O overseer of creatures, can worship of me be in vain, all the more for those like you who have fixed their minds wholly on me.
AI translation rendered from the Sanskrit, not a published edition
SB 3 21.25
प्रजापति-सुतः सम्राण् मनुर् विख्यात-मङ्गलः ब्रह्मावर्तं यो ऽधिवसन् शास्ति सप्तार्णवां महीम्
prajāpati-sutaḥ samrāṇ manur vikhyāta-maṅgalaḥ brahmāvartaṃ yo 'dhivasan śāsti saptārṇavāṃ mahīm
The son of a Prajāpati, the emperor Manu of renowned auspiciousness, who dwells in Brahmāvarta, rules the earth with its seven oceans.
AI translation rendered from the Sanskrit, not a published edition
SB 3 21.26
स चेह विप्र राजर्षिर् महिष्या शतरूपया आयास्यति दिदृक्षुस् त्वां परश्वो धर्म-कोविदः
sa ceha vipra rājarṣir mahiṣyā śatarūpayā āyāsyati didṛkṣus tvāṃ paraśvo dharma-kovidaḥ
And that royal sage, O brāhmaṇa, well versed in dharma, will come here the day after tomorrow with his queen Śatarūpā, wishing to see you.
AI translation rendered from the Sanskrit, not a published edition
SB 3 21.27
आत्मजाम् असितापाङ्गीं वयः-शील-गुणान्विताम् मृगयन्तीं पतिं दास्यत्य् अनुरूपाय ते प्रभो
ātmajām asitāpāṅgīṃ vayaḥ-śīla-guṇānvitām mṛgayantīṃ patiṃ dāsyaty anurūpāya te prabho
He will give his daughter, dark-cornered of eye, endowed with youth, character and good qualities, who is seeking a husband, to you as her suitable match, O master.
AI translation rendered from the Sanskrit, not a published edition
SB 3 21.28
समाहितं ते हृदयं यत्रेमान् परिवत्सरान् सा त्वां ब्रह्मन् नृप-वधूः कामम् आशु भजिष्यति
samāhitaṃ te hṛdayaṃ yatremān parivatsarān sā tvāṃ brahman nṛpa-vadhūḥ kāmam āśu bhajiṣyati
That royal maiden, O brāhmaṇa, will readily serve you as you desire, upon whom your heart has been fixed all these years.
AI translation rendered from the Sanskrit, not a published edition
SB 3 21.29
या त आत्म-भृतं वीर्यं नवधा प्रसविष्यति वीर्ये त्वदीये ऋषय आधास्यन्त्य् अञ्जसात्मनः
yā ta ātma-bhṛtaṃ vīryaṃ navadhā prasaviṣyati vīrye tvadīye ṛṣaya ādhāsyanty añjasātmanaḥ
She will bring forth in nine parts the seed borne in you; and in your seed the sages will directly deposit (offspring) of themselves.
AI translation rendered from the Sanskrit, not a published edition — the model flagged this verse as uncertain
SB 3 21.30
त्वं च सम्यग् अनुष्ठाय निदेशं म उशत्तमः मयि तीर्थी-कृताशेष- क्रियार्थो मां प्रपत्स्यसे
tvaṃ ca samyag anuṣṭhāya nideśaṃ ma uśattamaḥ mayi tīrthī-kṛtāśeṣa- kriyārtho māṃ prapatsyase
And you, having fully carried out my instruction, most pure, and having consecrated all your activities and their aims in me, will attain me.
AI translation rendered from the Sanskrit, not a published edition
SB 3 21.31
कृत्वा दयां च जीवेषु दत्त्वा चाभयम् आत्मवान् मय्य् आत्मानं सह जगद् द्रक्ष्यस्य् आत्मनि चापि माम्
kṛtvā dayāṃ ca jīveṣu dattvā cābhayam ātmavān mayy ātmānaṃ saha jagad drakṣyasy ātmani cāpi mām
Having shown compassion to living beings and given them freedom from fear, self-possessed, you will see the world together with yourself in me, and me too in yourself.
AI translation rendered from the Sanskrit, not a published edition
SB 3 21.32
सहाहं स्वांश-कलया त्वद्-वीर्येण महा-मुने तव क्षेत्रे देवहूत्यां प्रणेष्ये तत्त्व-संहिताम्
sahāhaṃ svāṃśa-kalayā tvad-vīryeṇa mahā-mune tava kṣetre devahūtyāṃ praṇeṣye tattva-saṃhitām
O great sage, I myself, along with a portion of my own part, through your seed, in your wife Devahūti, shall set forth the compendium of truth.
AI translation rendered from the Sanskrit, not a published edition
SB 3 21.33
मैत्रेय उवाच एवं तम् अनुभाष्याथ भगवान् प्रत्यग्-अक्षजः जगाम बिन्दुसरसः सरस्वत्या परिश्रितात्
maitreya uvāca evaṃ tam anubhāṣyātha bhagavān pratyag-akṣajaḥ jagāma bindusarasaḥ sarasvatyā pariśritāt
Maitreya said: Having thus spoken to him, the Lord, who is known through the inward-turned eye, departed from Bindusaras, which was encircled by the Sarasvatī.
AI translation rendered from the Sanskrit, not a published edition
SB 3 21.34
निरीक्षतस् तस्य ययाव् अशेष- सिद्धेश्वराभिष्टुत-सिद्ध-मार्गः आकर्णयन् पत्र-रथेन्द्र-पक्षैर् उच्चारितं स्तोमम् उदीर्ण-साम
nirīkṣatas tasya yayāv aśeṣa- siddheśvarābhiṣṭuta-siddha-mārgaḥ ākarṇayan patra-rathendra-pakṣair uccāritaṃ stomam udīrṇa-sāma
While he (Kardama) looked on, (the Lord) went along the path of the perfected ones, which is extolled by all the lords of the siddhas, listening to the hymn with its swelling Sāma chant sounded by the wings of the lord of the feather-borne birds.
AI translation rendered from the Sanskrit, not a published edition
SB 3 21.35
अथ सम्प्रस्थिते शुक्ले कर्दमो भगवान् ऋषिः आस्ते स्म बिन्दुसरसि तं कालं प्रतिपालयन्
atha samprasthite śukle kardamo bhagavān ṛṣiḥ āste sma bindusarasi taṃ kālaṃ pratipālayan
Then, when the White One had set out, Kardama, the venerable sage, remained at Bindusaras, awaiting that appointed time.
AI translation rendered from the Sanskrit, not a published edition
SB 3 21.36
मनुः स्यन्दनम् आस्थाय शातकौम्भ-परिच्छदम् आरोप्य स्वां दुहितरं स-भार्यः पर्यटन् महीम्
manuḥ syandanam āsthāya śātakaumbha-paricchadam āropya svāṃ duhitaraṃ sa-bhāryaḥ paryaṭan mahīm
Manu, having mounted his chariot with its gold-wrought fittings, having set his own daughter upon it, together with his wife, was travelling about the earth,
AI translation rendered from the Sanskrit, not a published edition
SB 3 21.37
तस्मिन् सुधन्वन्न् अहनि भगवान् यत् समादिशत् उपायाद् आश्रम-पदं मुनेः शान्त-व्रतस्य तत्
tasmin sudhanvann ahani bhagavān yat samādiśat upāyād āśrama-padaṃ muneḥ śānta-vratasya tat
and on that day, O Sudhanvan, which the Lord had appointed, he reached that hermitage-ground of the sage of peaceful vows,
AI translation rendered from the Sanskrit, not a published edition
SB 3 21.38
यस्मिन् भगवतो नेत्रान् न्यपतन्न् अश्रु-बिन्दवः कृपया सम्परीतस्य प्रपन्ने ऽर्पितया भृशम्
yasmin bhagavato netrān nyapatann aśru-bindavaḥ kṛpayā samparītasya prapanne 'rpitayā bhṛśam
(the place) in which drops of tears had fallen from the eye of the Lord, who was filled with compassion, abundantly bestowed upon the one who had taken refuge.
AI translation rendered from the Sanskrit, not a published edition
SB 3 21.39
तद् वै बिन्दुसरो नाम सरस्वत्या परिप्लुतम् पुण्यं शिवामृत-जलं महर्षि-गण-सेवितम्
tad vai bindusaro nāma sarasvatyā pariplutam puṇyaṃ śivāmṛta-jalaṃ maharṣi-gaṇa-sevitam
That indeed is named Bindusaras, flooded by the Sarasvatī: holy, its water auspicious and nectar-like, frequented by the hosts of great sages;
AI translation rendered from the Sanskrit, not a published edition
SB 3 21.40
पुण्य-द्रुम-लता-जालैः कूजत्-पुण्य-मृग-द्विजैः सर्वर्तु-फल-पुष्पाढ्यं वन-राजि-श्रियान्वितम्
puṇya-druma-latā-jālaiḥ kūjat-puṇya-mṛga-dvijaiḥ sarvartu-phala-puṣpāḍhyaṃ vana-rāji-śriyānvitam
(adorned) with thickets of holy trees and creepers, with holy beasts and birds calling, rich in fruits and flowers of every season, endowed with the beauty of rows of woodland;
AI translation rendered from the Sanskrit, not a published edition
SB 3 21.41
मत्त-द्विज-गणैर् घुष्टं मत्त-भ्रमर-विभ्रमम् मत्त-बर्हि-नटाटोपम् आह्वयन्-मत्त-कोकिलम्
matta-dvija-gaṇair ghuṣṭaṃ matta-bhramara-vibhramam matta-barhi-naṭāṭopam āhvayan-matta-kokilam
resounding with flocks of excited birds, astir with intoxicated bees, (loud) with the swaggering dance of maddened peacocks, with intoxicated cuckoos calling to one another;
AI translation rendered from the Sanskrit, not a published edition
SB 3 21.42
कदम्ब-चम्पकाशोक- करञ्ज-बकुलासनैः कुन्द-मन्दार-कुटजैश् चूत-पोतैर् अलङ्कृतम्
kadamba-campakāśoka- karañja-bakulāsanaiḥ kunda-mandāra-kuṭajaiś cūta-potair alaṅkṛtam
adorned with kadamba, campaka, aśoka, karañja, bakula and asana trees, with kunda, mandāra and kuṭaja, and with young mango trees;
AI translation rendered from the Sanskrit, not a published edition
SB 3 21.43
कारण्डवैः प्लवैर् हंसैः कुररैर् जल-कुक्कुटैः सारसैश् चक्रवाकैश् च चकोरैर् वल्गु कूजितम्
kāraṇḍavaiḥ plavair haṃsaiḥ kurarair jala-kukkuṭaiḥ sārasaiś cakravākaiś ca cakorair valgu kūjitam
sweetly resonant with the calls of kāraṇḍava and plava ducks, swans, ospreys, water-fowl, sārasa cranes, cakravākas and cakora birds;
AI translation rendered from the Sanskrit, not a published edition
SB 3 21.44
तथैव हरिणैः क्रोडैः श्वाविद्-गवय-कुञ्जरैः गोपुच्छैर् हरिभिर् मर्कैर् नकुलैर् नाभिभिर् वृतम्
tathaiva hariṇaiḥ kroḍaiḥ śvāvid-gavaya-kuñjaraiḥ gopucchair haribhir markair nakulair nābhibhir vṛtam
and likewise surrounded by deer, boars, porcupines, gavayas and elephants, by langurs, lions, monkeys, mongooses and musk-deer.
AI translation rendered from the Sanskrit, not a published edition
SB 3 21.45
प्रविश्य तत् तीर्थ-वरम् आदि-राजः सहात्मजः ददर्श मुनिम् आसीनं तस्मिन् हुत-हुताशनम्
praviśya tat tīrtha-varam ādi-rājaḥ sahātmajaḥ dadarśa munim āsīnaṃ tasmin huta-hutāśanam
Entering that best of holy places, the first king, together with his daughter, saw the sage seated there, having just offered oblation into the fire,
AI translation rendered from the Sanskrit, not a published edition
SB 3 21.46
विद्योतमानं वपुषा तपस्य् उग्र-युजा चिरम् नातिक्षामं भगवतः स्निग्धापाङ्गावलोकनात् तद्-व्याहृतामृत-कला- पीयूष-श्रवणेन च
vidyotamānaṃ vapuṣā tapasy ugra-yujā ciram nātikṣāmaṃ bhagavataḥ snigdhāpāṅgāvalokanāt tad-vyāhṛtāmṛta-kalā- pīyūṣa-śravaṇena ca
shining in body, and, though long engaged in severe austerity, not greatly emaciated—because of the Lord's tender sidelong glance and because of hearing the nectar-drops of his uttered words;
AI translation rendered from the Sanskrit, not a published edition
SB 3 21.47
प्रांशुं पद्म-पलाशाक्षं जटिलं चीर-वाससम् उपसंश्रित्य मलिनं यथार्हणम् असंस्कृतम्
prāṃśuṃ padma-palāśākṣaṃ jaṭilaṃ cīra-vāsasam upasaṃśritya malinaṃ yathārhaṇam asaṃskṛtam
(the sage) tall, with eyes like lotus petals, with matted locks, wearing bark garments—and he approached him, unwashed as he was, like an uncut gem.
AI translation rendered from the Sanskrit, not a published edition — the model flagged this verse as uncertain
SB 3 21.48
अथोटजम् उपायातं नृदेवं प्रणतं पुरः सपर्यया पर्यगृह्णात् प्रतिनन्द्यानुरूपया
athoṭajam upāyātaṃ nṛdevaṃ praṇataṃ puraḥ saparyayā paryagṛhṇāt pratinandyānurūpayā
Then, greeting the king-god who had come to his hut and bowed before him, he received him with fitting worship.
AI translation rendered from the Sanskrit, not a published edition
SB 3 21.49
गृहीतार्हणम् आसीनं संयतं प्रीणयन् मुनिः स्मरन् भगवद्-आदेशम् इत्य् आह श्लक्ष्णया गिरा
gṛhītārhaṇam āsīnaṃ saṃyataṃ prīṇayan muniḥ smaran bhagavad-ādeśam ity āha ślakṣṇayā girā
Gratifying (his guest), who had accepted the honours offered and sat down composed, the sage, recalling the Lord's instruction, spoke thus in gentle words:
AI translation rendered from the Sanskrit, not a published edition
SB 3 21.50
नूनं चङ्क्रमणं देव सतां संरक्षणाय ते वधाय चासतां यस् त्वं हरेः शक्तिर् हि पालिनी
nūnaṃ caṅkramaṇaṃ deva satāṃ saṃrakṣaṇāya te vadhāya cāsatāṃ yas tvaṃ hareḥ śaktir hi pālinī
Surely, O god, your journeying is for the protection of the good and for the slaying of the wicked, since you are Hari's power that preserves.
AI translation rendered from the Sanskrit, not a published edition
SB 3 21.51
यो ऽर्केन्द्व्-अग्नीन्द्र-वायूनां यम-धर्म-प्रचेतसाम् रूपाणि स्थान आधत्से तस्मै शुक्लाय ते नमः
yo 'rkendv-agnīndra-vāyūnāṃ yama-dharma-pracetasām rūpāṇi sthāna ādhatse tasmai śuklāya te namaḥ
You who, in their (proper) station, assume the forms of the sun, the moon, fire, Indra, the wind, Yama, Dharma and Varuṇa—homage to you, the pure one.
AI translation rendered from the Sanskrit, not a published edition
SB 3 21.52
न यदा रथम् आस्थाय जैत्रं मणि-गणार्पितम् विस्फूर्जच्-चण्ड-कोदण्डो रथेन त्रासयन्न् अघान्
na yadā ratham āsthāya jaitraṃ maṇi-gaṇārpitam visphūrjac-caṇḍa-kodaṇḍo rathena trāsayann aghān
When you did not, mounting your victorious chariot inlaid with clusters of gems, your fierce bow twanging, terrifying the wicked with that chariot,
AI translation rendered from the Sanskrit, not a published edition
SB 3 21.53
स्व-सैन्य-चरण-क्षुण्णं वेपयन् मण्डलं भुवः विकर्षन् बृहतीं सेनां पर्यटस्य् अंशुमान् इव
sva-sainya-caraṇa-kṣuṇṇaṃ vepayan maṇḍalaṃ bhuvaḥ vikarṣan bṛhatīṃ senāṃ paryaṭasy aṃśumān iva
Making the orb of the earth tremble, trampled by the feet of your own troops, dragging along your huge army, you range about like the radiant sun.
AI translation rendered from the Sanskrit, not a published edition
SB 3 21.54
तदैव सेतवः सर्वे वर्णाश्रम-निबन्धनाः भगवद्-रचिता राजन् भिद्येरन् बत दस्युभिः
tadaiva setavaḥ sarve varṇāśrama-nibandhanāḥ bhagavad-racitā rājan bhidyeran bata dasyubhiḥ
At that very moment, O king, all the boundaries that hold the classes and orders of life in place, fashioned by the Lord, would alas be broken through by robbers.
AI translation rendered from the Sanskrit, not a published edition
SB 3 21.55
अधर्मश् च समेधेत लोलुपैर् व्यङ्कुशैर् नृभिः शयाने त्वयि लोको ऽयं दस्यु-ग्रस्तो विनङ्क्ष्यति
adharmaś ca samedheta lolupair vyaṅkuśair nṛbhiḥ śayāne tvayi loko 'yaṃ dasyu-grasto vinaṅkṣyati
And unrighteousness would flourish through greedy men who have no goad to restrain them; while you lie sleeping, this world, seized by robbers, will perish.
AI translation rendered from the Sanskrit, not a published edition
SB 3 21.56
अथापि पृच्छे त्वां वीर यद्-अर्थं त्वम् इहागतः तद् वयं निर्व्यलीकेन प्रतिपद्यामहे हृदा
athāpi pṛcche tvāṃ vīra yad-arthaṃ tvam ihāgataḥ tad vayaṃ nirvyalīkena pratipadyāmahe hṛdā
Even so, I ask you, hero: for what purpose have you come here? That we shall take up with a sincere heart.
AI translation rendered from the Sanskrit, not a published edition