Bhagavata Purana — Skandha 3 — Chapter 20
SB 3 20.1
शौनक उवाच महीं प्रतिष्ठाम् अध्यस्य सौते स्वायम्भुवो मनुः कान्य् अन्वतिष्ठद् द्वाराणि मार्गायावर-जन्मनाम्
śaunaka uvāca mahīṃ pratiṣṭhām adhyasya saute svāyambhuvo manuḥ kāny anvatiṣṭhad dvārāṇi mārgāyāvara-janmanām
Śaunaka said: O son of Sūta, after Svāyambhuva Manu had taken possession of the earth as his seat, what paths did he establish as a way for those born later?
AI translation rendered from the Sanskrit, not a published edition
SB 3 20.2
क्षत्ता महा-भागवतः कृष्णस्यैकान्तिकः सुहृत् यस् तत्याजाग्रजं कृष्णे सापत्यम् अघवान् इति
kṣattā mahā-bhāgavataḥ kṛṣṇasyaikāntikaḥ suhṛt yas tatyājāgrajaṃ kṛṣṇe sāpatyam aghavān iti
Kṣattā (Vidura) was a great devotee, an exclusive friend of Kṛṣṇa, who abandoned his elder brother together with his sons, saying that he was a sinner against Kṛṣṇa.
AI translation rendered from the Sanskrit, not a published edition
SB 3 20.3
द्वैपायनाद् अनवरो महित्वे तस्य देहजः सर्वात्मना श्रितः कृष्णं तत्-परांश् चाप्य् अनुव्रतः
dvaipāyanād anavaro mahitve tasya dehajaḥ sarvātmanā śritaḥ kṛṣṇaṃ tat-parāṃś cāpy anuvrataḥ
Born of his (Vyāsa's) body, not inferior in greatness to Dvaipāyana, he took refuge in Kṛṣṇa with his whole being and was also devoted to those devoted to him.
AI translation rendered from the Sanskrit, not a published edition
SB 3 20.4
किम् अन्वपृच्छन् मैत्रेयं विरजास् तीर्थ-सेवया उपगम्य कुशावर्त आसीनं तत्त्व-वित्तमम्
kim anvapṛcchan maitreyaṃ virajās tīrtha-sevayā upagamya kuśāvarta āsīnaṃ tattva-vittamam
What did he, made stainless by frequenting holy places, ask Maitreya, having approached him at Kuśāvarta as he sat there, the best of the knowers of truth?
AI translation rendered from the Sanskrit, not a published edition
SB 3 20.5
तयोः संवदतोः सूत प्रवृत्ता ह्य् अमलाः कथाः आपो गाङ्गा इवाघ-घ्नीर् हरेः पादाम्बुजाश्रयाः
tayoḥ saṃvadatoḥ sūta pravṛttā hy amalāḥ kathāḥ āpo gāṅgā ivāgha-ghnīr hareḥ pādāmbujāśrayāḥ
O Sūta, as the two of them conversed, spotless narratives came forth, sin-destroying like the waters of the Ganges, which rest on the lotus feet of Hari.
AI translation rendered from the Sanskrit, not a published edition
SB 3 20.6
ता नः कीर्तय भद्रं ते कीर्तन्योदार-कर्मणः रसज्ञः को नु तृप्येत हरि-लीलामृतं पिबन्
tā naḥ kīrtaya bhadraṃ te kīrtanyodāra-karmaṇaḥ rasajñaḥ ko nu tṛpyeta hari-līlāmṛtaṃ piban
Recount those (narrations) to us — blessings on you — of him whose generous deeds are worth recounting. What connoisseur of flavor could ever be satisfied while drinking the nectar of Hari's play?
AI translation rendered from the Sanskrit, not a published edition
SB 3 20.7
एवम् उग्रश्रवाः पृष्ट ऋषिभिर् नैमिषायनैः भगवत्य् अर्पिताध्यात्मस् तान् आह श्रूयताम् इति
evam ugraśravāḥ pṛṣṭa ṛṣibhir naimiṣāyanaiḥ bhagavaty arpitādhyātmas tān āha śrūyatām iti
Thus questioned by the sages who dwelt in Naimiṣa, Ugraśravas (Sūta), whose inner self was offered up to the Lord, said to them, "Let it be heard."
AI translation rendered from the Sanskrit, not a published edition
SB 3 20.8
सूत उवाच हरेर् धृत-क्रोड-तनोः स्व-मायया निशम्य गोर् उद्धरणं रसातलात् लीलां हिरण्याक्षम् अवज्ञया हतं सञ्जात-हर्षो मुनिम् आह भारतः
sūta uvāca harer dhṛta-kroḍa-tanoḥ sva-māyayā niśamya gor uddharaṇaṃ rasātalāt līlāṃ hiraṇyākṣam avajñayā hataṃ sañjāta-harṣo munim āha bhārataḥ
Sūta said: Having heard of the play of Hari, who by his own power had assumed the body of a boar — the lifting up of the earth from the nether region, and the slaying of Hiraṇyākṣa (Hiraṇyākṣa) with contempt — the descendant of Bharata (Vidura), joy having arisen in him, said to the sage:
AI translation rendered from the Sanskrit, not a published edition
SB 3 20.9
विदुर उवाच प्रजापति-पतिः सृष्ट्वा प्रजा-सर्गे प्रजापतीन् किम् आरभत मे ब्रह्मन् प्रब्रूह्य् अव्यक्त-मार्ग-वित्
vidura uvāca prajāpati-patiḥ sṛṣṭvā prajā-sarge prajāpatīn kim ārabhata me brahman prabrūhy avyakta-mārga-vit
Vidura said: What did the lord of the Prajāpatis (Brahmā) undertake after he had created the Prajāpatis in the course of generating creatures? Tell me, O brāhmaṇa, for you know the unmanifest path.
AI translation rendered from the Sanskrit, not a published edition
SB 3 20.10
ये मरीच्य्-आदयो विप्रा यस् तु स्वायम्भुवो मनुः ते वै ब्रह्मण आदेशात् कथम् एतद् अभावयन्
ye marīcy-ādayo viprā yas tu svāyambhuvo manuḥ te vai brahmaṇa ādeśāt katham etad abhāvayan
Those sages, Marīci and the rest, and Manu the son of Svāyambhuva — how did they bring this (creation) into being, on Brahmā's instruction?
AI translation rendered from the Sanskrit, not a published edition
SB 3 20.11
स-द्वितीयाः किम् असृजन् स्वतन्त्रा उत कर्मसु आहो स्वित् संहताः सर्व इदं स्म समकल्पयन्
sa-dvitīyāḥ kim asṛjan svatantrā uta karmasu āho svit saṃhatāḥ sarva idaṃ sma samakalpayan
Did they create together with wives, or were they independent in their acts? Or did they all, joined together, produce this (world)?
AI translation rendered from the Sanskrit, not a published edition
SB 3 20.12
मैत्रेय उवाच दैवेन दुर्वितर्क्येण परेणानिमिषेण च जात-क्षोभाद् भगवतो महान् आसीद् गुण-त्रयात्
maitreya uvāca daivena durvitarkyeṇa pareṇānimiṣeṇa ca jāta-kṣobhād bhagavato mahān āsīd guṇa-trayāt
Maitreya said: From the agitation that arose out of the three modes, by the will of fate that is hard to fathom, and by the supreme, unblinking one, the mahat (the great principle) came into being from the Lord.
AI translation rendered from the Sanskrit, not a published edition — the model flagged this verse as uncertain
SB 3 20.13
रजः-प्रधानान् महतस् त्रि-लिङ्गो दैव-चोदितात् जातः ससर्ज भूतादिर् वियद्-आदीनि पञ्चशः
rajaḥ-pradhānān mahatas tri-liṅgo daiva-coditāt jātaḥ sasarja bhūtādir viyad-ādīni pañcaśaḥ
From the mahat, in which rajas predominates, impelled by fate, there arose the threefold-marked origin of the elements (ego), which created the (five gross elements) beginning with space, in fivefold order.
AI translation rendered from the Sanskrit, not a published edition — the model flagged this verse as uncertain
SB 3 20.14
तानि चैकैकशः स्रष्टुम् असमर्थानि भौतिकम् संहत्य दैव-योगेन हैमम् अण्डम् अवासृजन्
tāni caikaikaśaḥ sraṣṭum asamarthāni bhautikam saṃhatya daiva-yogena haimam aṇḍam avāsṛjan
And these, being unable each singly to create the material (world), joined together by the linking of fate and produced a golden egg.
AI translation rendered from the Sanskrit, not a published edition
SB 3 20.15
सो ऽशयिष्टाब्धि-सलिले आण्डकोशो निरात्मकः साग्रं वै वर्ष-साहस्रम् अन्ववात्सीत् तम् ईश्वरः
so 'śayiṣṭābdhi-salile āṇḍakośo nirātmakaḥ sāgraṃ vai varṣa-sāhasram anvavātsīt tam īśvaraḥ
That egg-shell, being without a soul, lay in the waters of the ocean; for a full thousand years and more the Lord dwelt within it.
AI translation rendered from the Sanskrit, not a published edition
SB 3 20.16
तस्य नाभेर् अभूत् पद्मं सहस्रार्कोरु-दीधिति सर्व-जीवनिकायौको यत्र स्वयम् अभूत् स्वराट्
tasya nābher abhūt padmaṃ sahasrārkoru-dīdhiti sarva-jīvanikāyauko yatra svayam abhūt svarāṭ
From his navel there arose a lotus with the vast radiance of a thousand suns, the abode of the whole collection of living beings, in which the self-ruling one (Brahmā) came into being of himself.
AI translation rendered from the Sanskrit, not a published edition
SB 3 20.17
सो ऽनुविष्टो भगवता यः शेते सलिलाशये लोक-संस्थां यथा पूर्वं निर्ममे संस्थया स्वया
so 'nuviṣṭo bhagavatā yaḥ śete salilāśaye loka-saṃsthāṃ yathā pūrvaṃ nirmame saṃsthayā svayā
He, entered into by the Lord who lies in the reservoir of water, fashioned the arrangement of the worlds as before, by his own ordering.
AI translation rendered from the Sanskrit, not a published edition
SB 3 20.18
ससर्ज च्छाययाविद्यां पञ्च-पर्वाणम् अग्रतः तामिस्रम् अन्ध-तामिस्रं तमो मोहो महा-तमः
sasarja cchāyayāvidyāṃ pañca-parvāṇam agrataḥ tāmisram andha-tāmisraṃ tamo moho mahā-tamaḥ
First, out of his shadow, he created ignorance with its five parts: tāmisra, andha-tāmisra, tamas, moha, and mahā-tamas.
AI translation rendered from the Sanskrit, not a published edition
SB 3 20.19
विससर्जात्मनः कायं नाभिनन्दंस् तमोमयम् जगृहुर् यक्ष-रक्षांसि रात्रिं क्षुत्-तृट्-समुद्भवाम्
visasarjātmanaḥ kāyaṃ nābhinandaṃs tamomayam jagṛhur yakṣa-rakṣāṃsi rātriṃ kṣut-tṛṭ-samudbhavām
Not taking pleasure in it, he cast off that body of his made of darkness; the Yakṣas and Rākṣasas seized upon it — the night, the source of hunger and thirst.
AI translation rendered from the Sanskrit, not a published edition
SB 3 20.20
क्षुत्-तृड्भ्याम् उपसृष्टास् ते तं जग्धुम् अभिदुद्रुवुः मा रक्षतैनं जक्षध्वम् इत्य् ऊचुः क्षुत्-तृड्-अर्दिताः
kṣut-tṛḍbhyām upasṛṣṭās te taṃ jagdhum abhidudruvuḥ mā rakṣatainaṃ jakṣadhvam ity ūcuḥ kṣut-tṛḍ-arditāḥ
Afflicted by hunger and thirst, they ran at him to devour him, saying, "Do not spare him — eat him!" — tormented as they were by hunger and thirst.
AI translation rendered from the Sanskrit, not a published edition
SB 3 20.21
देवस् तान् आह संविग्नो मा मां जक्षत रक्षत अहो मे यक्ष-रक्षांसि प्रजा यूयं बभूविथ
devas tān āha saṃvigno mā māṃ jakṣata rakṣata aho me yakṣa-rakṣāṃsi prajā yūyaṃ babhūvitha
Alarmed, the god said to them: "Do not eat me — protect me! Alas, you Yakṣas and Rākṣasas have become my children."
AI translation rendered from the Sanskrit, not a published edition
SB 3 20.22
देवताः प्रभया या या दीव्यन् प्रमुखतो ऽसृजत् ते अहार्षुर् देवयन्तो विसृष्टां तां प्रभाम् अहः
devatāḥ prabhayā yā yā dīvyan pramukhato 'sṛjat te ahārṣur devayanto visṛṣṭāṃ tāṃ prabhām ahaḥ
Shining (with radiance), he created from his front the gods, each with its own splendor; and they, playing the gods, took possession of that emitted splendor, the day.
AI translation rendered from the Sanskrit, not a published edition — the model flagged this verse as uncertain
SB 3 20.23
देवो ऽदेवाञ् जघनतः सृजति स्मातिलोलुपान् त एनं लोलुपतया मैथुनायाभिपेदिरे
devo 'devāñ jaghanataḥ sṛjati smātilolupān ta enaṃ lolupatayā maithunāyābhipedire
From his hindquarters the god created the non-gods (demons), exceedingly lustful; and they, out of lustfulness, came upon him for copulation.
AI translation rendered from the Sanskrit, not a published edition
SB 3 20.24
ततो हसन् स भगवान् असुरैर् निरपत्रपैः अन्वीयमानस् तरसा क्रुद्धो भीतः परापतत्
tato hasan sa bhagavān asurair nirapatrapaiḥ anvīyamānas tarasā kruddho bhītaḥ parāpatat
Then the Lord (Brahmā), laughing at first, being swiftly pursued by the shameless demons, grew angry, and afraid, and fled away.
AI translation rendered from the Sanskrit, not a published edition
SB 3 20.25
स उपव्रज्य वरदं प्रपन्नार्ति-हरं हरिम् अनुग्रहाय भक्तानाम् अनुरूपात्म-दर्शनम्
sa upavrajya varadaṃ prapannārti-haraṃ harim anugrahāya bhaktānām anurūpātma-darśanam
He, approaching Hari, the giver of boons, the remover of the distress of those who take refuge, who shows himself in a form suited (to the devotee) for the sake of favoring his devotees, (said):
AI translation rendered from the Sanskrit, not a published edition
SB 3 20.26
पाहि मां परमात्मंस् ते प्रेषणेनासृजं प्रजाः ता इमा यभितुं पापा उपाक्रामन्ति मां प्रभो
pāhi māṃ paramātmaṃs te preṣaṇenāsṛjaṃ prajāḥ tā imā yabhituṃ pāpā upākrāmanti māṃ prabho
"Protect me, Supreme Self! At your command I generated offspring. But these wicked ones are coming at me to copulate with me, O Lord."
AI translation rendered from the Sanskrit, not a published edition
SB 3 20.27
त्वम् एकः किल लोकानां क्लिष्टानां क्लेश-नाशनः त्वम् एकः क्लेशदस् तेषाम् अनासन्न-पदां तव
tvam ekaḥ kila lokānāṃ kliṣṭānāṃ kleśa-nāśanaḥ tvam ekaḥ kleśadas teṣām anāsanna-padāṃ tava
"You alone, surely, are the remover of the affliction of the afflicted worlds; you alone are the giver of affliction to those who have not come near your station."
AI translation rendered from the Sanskrit, not a published edition
SB 3 20.28
सो ऽवधार्यास्य कार्पण्यं विविक्ताध्यात्म-दर्शनः विमुञ्चात्म-तनुं घोराम् इत्य् उक्तो विमुमोच ह
so 'vadhāryāsya kārpaṇyaṃ viviktādhyātma-darśanaḥ vimuñcātma-tanuṃ ghorām ity ukto vimumoca ha
He, whose vision of the inner self is unclouded, having noted his (Brahmā's) wretched plight, said, "Cast off this dreadful body of yours"; and being so told, he did cast it off.
AI translation rendered from the Sanskrit, not a published edition
SB 3 20.29
तां क्वणच्-चरणाम्भोजां मद-विह्वल-लोचनाम् काञ्ची-कलाप-विलसद्- दुकूल-च्छन्न-रोधसम्
tāṃ kvaṇac-caraṇāmbhojāṃ mada-vihvala-locanām kāñcī-kalāpa-vilasad- dukūla-cchanna-rodhasam
Her—with tinkling lotus feet, with eyes swimming as if with intoxication, her hips covered by a fine garment upon which a girdle of strings gleamed—
AI translation rendered from the Sanskrit, not a published edition
SB 3 20.30
अन्योन्य-श्लेषयोत्तुङ्ग- निरन्तर-पयोधराम् सुनासां सुद्विजां स्निग्ध- हास-लीलावलोकनाम्
anyonya-śleṣayottuṅga- nirantara-payodharām sunāsāṃ sudvijāṃ snigdha- hāsa-līlāvalokanām
—with high breasts left no space between them by their pressing against each other, with a handsome nose and handsome teeth, with playful glances and a tender smile,
AI translation rendered from the Sanskrit, not a published edition
SB 3 20.31
गूहन्तीं व्रीडयात्मानं नीलालक-वरूथिनीम् उपलभ्यासुरा धर्म सर्वे सम्मुमुहुः स्त्रियम्
gūhantīṃ vrīḍayātmānaṃ nīlālaka-varūthinīm upalabhyāsurā dharma sarve sammumuhuḥ striyam
—hiding herself out of modesty, with a thick mass of dark locks: on catching sight of that woman, O Dharma (Vidura), all the demons were utterly bewildered.
AI translation rendered from the Sanskrit, not a published edition
SB 3 20.32
अहो रूपम् अहो धैर्यम् अहो अस्या नवं वयः मध्ये कामयमानानाम् अकामेव विसर्पति
aho rūpam aho dhairyam aho asyā navaṃ vayaḥ madhye kāmayamānānām akāmeva visarpati
"Ah, the beauty! Ah, the composure! Ah, her youth, so fresh! In the midst of us who desire her, she moves about as though free of desire."
AI translation rendered from the Sanskrit, not a published edition
SB 3 20.33
वितर्कयन्तो बहुधा तां सन्ध्यां प्रमदाकृतिम् अभिसम्भाव्य विश्रम्भात् पर्यपृच्छन् कुमेधसः
vitarkayanto bahudhā tāṃ sandhyāṃ pramadākṛtim abhisambhāvya viśrambhāt paryapṛcchan kumedhasaḥ
Conjecturing in many ways about that twilight in the shape of a lovely young woman, the dull-witted ones addressed her and, presuming intimacy, questioned her.
AI translation rendered from the Sanskrit, not a published edition
SB 3 20.34
कासि कस्यासि रम्भोरु को वार्थस् ते ऽत्र भामिनि रूप-द्रविण-पण्येन दुर्भगान् नो विबाधसे
kāsi kasyāsi rambhoru ko vārthas te 'tra bhāmini rūpa-draviṇa-paṇyena durbhagān no vibādhase
"Who are you? Whose are you, O you with thighs like plantain stems? And what is your business here, O spirited lady? With the wares of your beauty you torment us who are luckless."
AI translation rendered from the Sanskrit, not a published edition
SB 3 20.35
या वा काचित् त्वम् अबले दिष्ट्या सन्दर्शनं तव उत्सुनोषीक्षमाणानां कन्दुक-क्रीडया मनः
yā vā kācit tvam abale diṣṭyā sandarśanaṃ tava utsunoṣīkṣamāṇānāṃ kanduka-krīḍayā manaḥ
"Whoever you may be, O delicate one, it is by good fortune that we see you. With your play at ball you toss up the minds of us who watch."
AI translation rendered from the Sanskrit, not a published edition
SB 3 20.36
नैकत्र ते जयति शालिनि पाद-पद्मं घ्नन्त्या मुहुः कर-तलेन पतत्-पतङ्गम् अम्प्;मध्यं विषीदति बृहत्-स्तन-भार-भीतं शान्तेव दृष्टिर् अमला सुशिखा-समूहः
naikatra te jayati śālini pāda-padmaṃ ghnantyā muhuḥ kara-talena patat-pataṅgam madhyaṃ viṣīdati bṛhat-stana-bhāra-bhītaṃ śānteva dṛṣṭir amalā suśikhā-samūhaḥ
"Your lotus foot does not stay in one place, O graceful one, as with your palm you strike again and again the ball that keeps falling; your waist grows weary, frightened by the weight of your heavy breasts; your spotless gaze seems tired, and your fine braid of hair (comes loose)."
AI translation rendered from the Sanskrit, not a published edition — the model flagged this verse as uncertain
SB 3 20.37
इति सायन्तनीं सन्ध्याम् असुराः प्रमदायतीम् प्रलोभयन्तीं जगृहुर् मत्वा मूढ-धियः स्त्रियम्
iti sāyantanīṃ sandhyām asurāḥ pramadāyatīm pralobhayantīṃ jagṛhur matvā mūḍha-dhiyaḥ striyam
Speaking thus, the demons, their minds deluded, seized the evening twilight, which was behaving like a wanton woman and enticing them—taking her to be a woman.
AI translation rendered from the Sanskrit, not a published edition
SB 3 20.38
प्रहस्य भाव-गम्भीरं जिघ्रन्त्यात्मानम् आत्मना कान्त्या ससर्ज भगवान् गन्धर्वाप्सरसां गणान्
prahasya bhāva-gambhīraṃ jighrantyātmānam ātmanā kāntyā sasarja bhagavān gandharvāpsarasāṃ gaṇān
Laughing, with a laugh deep with feeling, while she was breathing in her own self by herself, the Lord created out of his loveliness the hosts of Gandharvas and Apsarases.
AI translation rendered from the Sanskrit, not a published edition — the model flagged this verse as uncertain
SB 3 20.39
विससर्ज तनुं तां वै ज्योत्स्नां कान्तिमतीं प्रियाम् त एव चाददुः प्रीत्या विश्वावसु-पुरोगमाः
visasarja tanuṃ tāṃ vai jyotsnāṃ kāntimatīṃ priyām ta eva cādaduḥ prītyā viśvāvasu-purogamāḥ
He then let go of that body, the moonlight, radiant and dear (to him); and those very ones, led by Viśvāvasu, took it up with delight.
AI translation rendered from the Sanskrit, not a published edition
SB 3 20.40
सृष्ट्वा भूत-पिशाचांश् च भगवान् आत्म-तन्द्रिणा दिग्-वाससो मुक्त-केशान् वीक्ष्य चामीलयद् दृशौ
sṛṣṭvā bhūta-piśācāṃś ca bhagavān ātma-tandriṇā dig-vāsaso mukta-keśān vīkṣya cāmīlayad dṛśau
And having created the Bhūtas and Piśācas out of his own languor, the Lord, seeing them naked and with hair unbound, closed his eyes.
AI translation rendered from the Sanskrit, not a published edition
SB 3 20.41
जगृहुस् तद्-विसृष्टां तां जृम्भणाख्यां तनुं प्रभोः निद्राम् इन्द्रिय-विक्लेदो यया भूतेषु दृश्यते येनोच्छिष्टान् धर्षयन्ति तम् उन्मादं प्रचक्षते
jagṛhus tad-visṛṣṭāṃ tāṃ jṛmbhaṇākhyāṃ tanuṃ prabhoḥ nidrām indriya-vikledo yayā bhūteṣu dṛśyate yenocchiṣṭān dharṣayanti tam unmādaṃ pracakṣate
They took up that body of the Lord which he had cast off, the one called Yawning—that is, sleep, by which the slackening of the senses is seen in living beings, and by which they assail those who are unclean from leftover food; that (state) they call madness.
AI translation rendered from the Sanskrit, not a published edition — the model flagged this verse as uncertain
SB 3 20.42
ऊर्जस्वन्तं मन्यमान आत्मानं भगवान् अजः साध्यान् गणान् पितृ-गणान् परोक्षेणासृजत् प्रभुः
ūrjasvantaṃ manyamāna ātmānaṃ bhagavān ajaḥ sādhyān gaṇān pitṛ-gaṇān parokṣeṇāsṛjat prabhuḥ
Considering himself full of vigour, the unborn Lord, the master, created by invisibility the hosts of Sādhyas and the hosts of Pitṛs.
AI translation rendered from the Sanskrit, not a published edition
SB 3 20.43
त आत्म-सर्गं तं कायं पितरः प्रतिपेदिरे साध्येभ्यश् च पितृभ्यश् च कवयो यद् वितन्वते
ta ātma-sargaṃ taṃ kāyaṃ pitaraḥ pratipedire sādhyebhyaś ca pitṛbhyaś ca kavayo yad vitanvate
Those Pitṛs received that body, which was the very source of their own creation; it is by means of that (form) that the learned perform the offerings to the Sādhyas and to the Pitṛs.
AI translation rendered from the Sanskrit, not a published edition
SB 3 20.44
सिद्धान् विद्याधरांश् चैव तिरोधानेन सो ऽसृजत् तेभ्यो ऽददात् तम् आत्मानम् अन्तर्धानाख्यम् अद्भुतम्
siddhān vidyādharāṃś caiva tirodhānena so 'sṛjat tebhyo 'dadāt tam ātmānam antardhānākhyam adbhutam
He created the Siddhas and the Vidyādharas by (his power of) vanishing, and to them he gave that wonderful form of his called Disappearance.
AI translation rendered from the Sanskrit, not a published edition
SB 3 20.45
स किन्नरान् किम्पुरुषान् प्रत्यात्म्येनासृजत् प्रभुः मानयन्न् आत्मनात्मानम् आत्माभासं विलोकयन्
sa kinnarān kimpuruṣān pratyātmyenāsṛjat prabhuḥ mānayann ātmanātmānam ātmābhāsaṃ vilokayan
That Lord created the Kinnaras and Kimpuruṣas by (his) reflection, honouring himself by himself as he gazed upon his own image.
AI translation rendered from the Sanskrit, not a published edition
SB 3 20.46
ते तु तज् जगृहू रूपं त्यक्तं यत् परमेष्ठिना मिथुनी-भूय गायन्तस् तम् एवोषसि कर्मभिः
te tu taj jagṛhū rūpaṃ tyaktaṃ yat parameṣṭhinā mithunī-bhūya gāyantas tam evoṣasi karmabhiḥ
But they took up that form which had been cast off by the highest one (Brahmā); becoming couples, they sing of him at dawn with their acts (of praise).
AI translation rendered from the Sanskrit, not a published edition
SB 3 20.47
देहेन वै भोगवता शयानो बहु-चिन्तया सर्गे ऽनुपचिते क्रोधाद् उत्ससर्ज ह तद् वपुः
dehena vai bhogavatā śayāno bahu-cintayā sarge 'nupacite krodhād utsasarja ha tad vapuḥ
Lying down with that body, which was possessed of coils, and thinking much, since the creation was not increased, in anger he cast off that body.
AI translation rendered from the Sanskrit, not a published edition
SB 3 20.48
ये ऽहीयन्तामुतः केशा अहयस् ते ऽङ्ग जज्ञिरे सर्पाः प्रसर्पतः क्रूरा नागा भोगोरु-कन्धराः
ye 'hīyantāmutaḥ keśā ahayas te 'ṅga jajñire sarpāḥ prasarpataḥ krūrā nāgā bhogoru-kandharāḥ
The hairs that fell away from that (body), O dear one, were born as snakes; and from him as he crawled were born serpents, cruel nāgas with hoods and thick necks.
AI translation rendered from the Sanskrit, not a published edition — the model flagged this verse as uncertain
SB 3 20.49
स आत्मानं मन्यमानः कृत-कृत्यम् इवात्मभूः तदा मनून् ससर्जान्ते मनसा लोक-भावनान्
sa ātmānaṃ manyamānaḥ kṛta-kṛtyam ivātmabhūḥ tadā manūn sasarjānte manasā loka-bhāvanān
He, the self-born, thinking himself as though his task were accomplished, then at the end created from his mind the Manus, the sustainers of the worlds.
AI translation rendered from the Sanskrit, not a published edition
SB 3 20.50
तेभ्यः सो ऽसृजत् स्वीयं पुरं पुरुषम् आत्मवान् तान् दृष्ट्वा ये पुरा सृष्टाः प्रशशंसुः प्रजापतिम्
tebhyaḥ so 'sṛjat svīyaṃ puraṃ puruṣam ātmavān tān dṛṣṭvā ye purā sṛṣṭāḥ praśaśaṃsuḥ prajāpatim
To them the self-possessed one gave his own body, the human form; and those who had been created earlier, seeing them, praised Prajāpati.
AI translation rendered from the Sanskrit, not a published edition — the model flagged this verse as uncertain
SB 3 20.51
अहो एतज् जगत्-स्रष्टः सुकृतं बत ते कृतम् प्रतिष्ठिताः क्रिया यस्मिन् साकम् अन्नम् अदाम हे
aho etaj jagat-sraṣṭaḥ sukṛtaṃ bata te kṛtam pratiṣṭhitāḥ kriyā yasmin sākam annam adāma he
"Ah, this has been well done by you indeed, O creator of the world, in which the rites are established; together we shall now eat food."
AI translation rendered from the Sanskrit, not a published edition
SB 3 20.52
तपसा विद्यया युक्तो योगेन सुसमाधिना ऋषीन् ऋषिर् हृषीकेशः ससर्जाभिमताः प्रजाः
tapasā vidyayā yukto yogena susamādhinā ṛṣīn ṛṣir hṛṣīkeśaḥ sasarjābhimatāḥ prajāḥ
Endowed with austerity, with knowledge, with yoga and with deep absorption, the seer Hṛṣīkeśa created the seers, the offspring he desired.
AI translation rendered from the Sanskrit, not a published edition
SB 3 20.53
तेभ्यश् चैकैकशः स्वस्य देहस्यांशम् अदाद् अजः यत् तत् समाधि-योगर्द्धि- तपो-विद्या-विरक्तिमत्
tebhyaś caikaikaśaḥ svasya dehasyāṃśam adād ajaḥ yat tat samādhi-yogarddhi- tapo-vidyā-viraktimat
And to them, one by one, the unborn one gave a portion of his own body, that (portion) which was possessed of absorption, yogic power, austerity, knowledge and detachment.
AI translation rendered from the Sanskrit, not a published edition