Bhagavata Purana — Skandha 3 — Chapter 12
SB 3 12.1
मैत्रेय उवाच इति ते वर्णितः क्षत्तः कालाख्यः परमात्मनः महिमा वेद-गर्भो ऽथ यथास्राक्षीन् निबोध मे
maitreya uvāca iti te varṇitaḥ kṣattaḥ kālākhyaḥ paramātmanaḥ mahimā veda-garbho 'tha yathāsrākṣīn nibodha me
Maitreya said: Thus, O Kṣattā, the glory of the Supreme Self called time has been described to you; now learn from me how the Veda-bearing one (Brahmā) carried out the creation.
AI translation rendered from the Sanskrit, not a published edition
SB 3 12.2
ससर्जाग्रे ऽन्ध-तामिस्रम् अथ तामिस्रम् आदि-कृत् महामोहं च मोहं च तमश् चाज्ञान-वृत्तयः
sasarjāgre 'ndha-tāmisram atha tāmisram ādi-kṛt mahāmohaṃ ca mohaṃ ca tamaś cājñāna-vṛttayaḥ
First the original maker created blind darkness, then darkness, and great delusion, and delusion, and gloom — the functions of ignorance.
AI translation rendered from the Sanskrit, not a published edition
SB 3 12.3
दृष्ट्वा पापीयसीं सृष्टिं नात्मानं बह्व् अमन्यत भगवद्-ध्यान-पूतेन मनसान्यां ततो ऽसृजत्
dṛṣṭvā pāpīyasīṃ sṛṣṭiṃ nātmānaṃ bahv amanyata bhagavad-dhyāna-pūtena manasānyāṃ tato 'sṛjat
Seeing that creation to be quite evil, he did not think much of himself; then, with a mind purified by meditation on the Lord, he created another.
AI translation rendered from the Sanskrit, not a published edition
SB 3 12.4
सनकं च सनन्दं च सनातनम् अथात्मभूः सनत्-कुमारं च मुनीन् निष्क्रियान् ऊर्ध्व-रेतसः
sanakaṃ ca sanandaṃ ca sanātanam athātmabhūḥ sanat-kumāraṃ ca munīn niṣkriyān ūrdhva-retasaḥ
The self-born one (created) Sanaka, Sananda, Sanātana, and Sanatkumāra — sages, free of activity, with their seed drawn upward.
AI translation rendered from the Sanskrit, not a published edition
SB 3 12.5
तान् बभाषे स्वभूः पुत्रान् प्रजाः सृजत पुत्रकाः तन् नैच्छन् मोक्ष-धर्माणो वासुदेव-परायणाः
tān babhāṣe svabhūḥ putrān prajāḥ sṛjata putrakāḥ tan naicchan mokṣa-dharmāṇo vāsudeva-parāyaṇāḥ
The self-born one said to those sons: "My little sons, beget offspring." But they, whose dharma was liberation and who were devoted to Vāsudeva, did not wish it.
AI translation rendered from the Sanskrit, not a published edition
SB 3 12.6
सो ऽवध्यातः सुतैर् एवं प्रत्याख्यातानुशासनैः क्रोधं दुर्विषहं जातं नियन्तुम् उपचक्रमे
so 'vadhyātaḥ sutair evaṃ pratyākhyātānuśāsanaiḥ krodhaṃ durviṣahaṃ jātaṃ niyantum upacakrame
Thus disregarded by his sons, who had refused his instruction, he set about restraining the hard-to-bear anger that had arisen.
AI translation rendered from the Sanskrit, not a published edition
SB 3 12.7
धिया निगृह्यमाणो ऽपि भ्रुवोर् मध्यात् प्रजापतेः सद्यो ऽजायत तन्-मन्युः कुमारो नील-लोहितः
dhiyā nigṛhyamāṇo 'pi bhruvor madhyāt prajāpateḥ sadyo 'jāyata tan-manyuḥ kumāro nīla-lohitaḥ
Though it was being held back by his intellect, that wrath of the Prajāpati was at once born from between his brows as a boy, blue-and-red.
AI translation rendered from the Sanskrit, not a published edition
SB 3 12.8
स वै रुरोद देवानां पूर्वजो भगवान् भवः नामानि कुरु मे धातः स्थानानि च जगद्-गुरो
sa vai ruroda devānāṃ pūrvajo bhagavān bhavaḥ nāmāni kuru me dhātaḥ sthānāni ca jagad-guro
He indeed wept, the firstborn of the gods, the lord Bhava: "Assign me names, O ordainer, and stations too, O teacher of the world."
AI translation rendered from the Sanskrit, not a published edition
SB 3 12.9
इति तस्य वचः पाद्मो भगवान् परिपालयन् अभ्यधाद् भद्रया वाचा मा रोदीस् तत् करोमि ते
iti tasya vacaḥ pādmo bhagavān paripālayan abhyadhād bhadrayā vācā mā rodīs tat karomi te
Thus protecting his words, the lord (born) of the lotus replied with kindly speech: "Do not weep; I shall do that for you."
AI translation rendered from the Sanskrit, not a published edition
SB 3 12.10
यद् अरोदीः सुर-श्रेष्ठ सोद्वेग इव बालकः ततस् त्वाम् अभिधास्यन्ति नाम्ना रुद्र इति प्रजाः
yad arodīḥ sura-śreṣṭha sodvega iva bālakaḥ tatas tvām abhidhāsyanti nāmnā rudra iti prajāḥ
Since you wept, O best of the gods, like a distressed child, therefore creatures will call you by the name "Rudra."
AI translation rendered from the Sanskrit, not a published edition
SB 3 12.11
हृद् इन्द्रियाण्य् असुर् व्योम वायुर् अग्निर् जलं मही सूर्यश् चन्द्रस् तपश् चैव स्थानान्य् अग्रे कृतानि ते
hṛd indriyāṇy asur vyoma vāyur agnir jalaṃ mahī sūryaś candras tapaś caiva sthānāny agre kṛtāni te
The heart, the senses, the life-breath, the sky, the wind, fire, water, earth, the sun, the moon, and austerity—these stations have already been made for you.
AI translation rendered from the Sanskrit, not a published edition
SB 3 12.12
मन्युर् मनुर् महिनसो महाञ् छिव ऋतध्वजः उग्ररेता भवः कालो वामदेवो धृतव्रतः
manyur manur mahinaso mahāñ chiva ṛtadhvajaḥ ugraretā bhavaḥ kālo vāmadevo dhṛtavrataḥ
Manyu, Manu, Mahinasa, Mahān, Śiva, Ṛtadhvaja, Ugraretas, Bhava, Kāla, Vāmadeva, Dhṛtavrata (are your names).
AI translation rendered from the Sanskrit, not a published edition
SB 3 12.13
धीर् धृति-रसलोमा च नियुत् सर्पिर् इलाम्बिका इरावती स्वधा दीक्षा रुद्राण्यो रुद्र ते स्त्रियः
dhīr dhṛti-rasalomā ca niyut sarpir ilāmbikā irāvatī svadhā dīkṣā rudrāṇyo rudra te striyaḥ
Dhī, Dhṛti, Rasalomā, Niyut, Sarpi, Ilā, Ambikā, Irāvatī, Svadhā, Dīkṣā—these Rudrāṇīs, O Rudra, are your wives.
AI translation rendered from the Sanskrit, not a published edition
SB 3 12.14
गृहाणैतानि नामानि स्थानानि च स-योषणः एभिः सृज प्रजा बह्वीः प्रजानाम् असि यत् पतिः
gṛhāṇaitāni nāmāni sthānāni ca sa-yoṣaṇaḥ ebhiḥ sṛja prajā bahvīḥ prajānām asi yat patiḥ
Take these names and stations, together with the wives; by these beget many offspring, since you are the lord of creatures.
AI translation rendered from the Sanskrit, not a published edition
SB 3 12.15
इत्य् आदिष्टः स्व-गुरुणा भगवान् नील-लोहितः सत्त्वाकृति-स्वभावेन ससर्जात्म-समाः प्रजाः
ity ādiṣṭaḥ sva-guruṇā bhagavān nīla-lohitaḥ sattvākṛti-svabhāvena sasarjātma-samāḥ prajāḥ
Thus instructed by his own preceptor, the lord Nīla-lohita generated offspring like himself in form, nature, and disposition.
AI translation rendered from the Sanskrit, not a published edition
SB 3 12.16
रुद्राणां रुद्र-सृष्टानां समन्ताद् ग्रसतां जगत् निशाम्यासङ्ख्यशो यूथान् प्रजापतिर् अशङ्कत
rudrāṇāṃ rudra-sṛṣṭānāṃ samantād grasatāṃ jagat niśāmyāsaṅkhyaśo yūthān prajāpatir aśaṅkata
Seeing the countless hosts of Rudras, created by Rudra, devouring the world on every side, Prajāpati became afraid.
AI translation rendered from the Sanskrit, not a published edition
SB 3 12.17
अलं प्रजाभिः सृष्टाभिर् ईदृशीभिः सुरोत्तम मया सह दहन्तीभिर् दिशश् चक्षुर्भिर् उल्बणैः
alaṃ prajābhiḥ sṛṣṭābhir īdṛśībhiḥ surottama mayā saha dahantībhir diśaś cakṣurbhir ulbaṇaiḥ
"Enough of such offspring as you have created, O best of the gods—they burn up the directions, along with me, with their fierce eyes.
AI translation rendered from the Sanskrit, not a published edition
SB 3 12.18
तप आतिष्ठ भद्रं ते सर्व-भूत-सुखावहम् तपसैव यथा पूर्वं स्रष्टा विश्वम् इदं भवान्
tapa ātiṣṭha bhadraṃ te sarva-bhūta-sukhāvaham tapasaiva yathā pūrvaṃ sraṣṭā viśvam idaṃ bhavān
Undertake austerity—may it go well with you—which brings happiness to all beings; by austerity alone will you create this universe as before.
AI translation rendered from the Sanskrit, not a published edition
SB 3 12.19
तपसैव परं ज्योतिर् भगवन्तम् अधोक्षजम् सर्व-भूत-गुहावासम् अञ्जसा विन्दते पुमान्
tapasaiva paraṃ jyotir bhagavantam adhokṣajam sarva-bhūta-guhāvāsam añjasā vindate pumān
By austerity alone does a man readily find the supreme light, the Lord beyond the senses, who dwells in the cave (of the heart) of all beings.
AI translation rendered from the Sanskrit, not a published edition
SB 3 12.20
मैत्रेय उवाच एवम् आत्मभुवादिष्टः परिक्रम्य गिरां पतिम् बाढम् इत्य् अमुम् आमन्त्र्य विवेश तपसे वनम्
maitreya uvāca evam ātmabhuvādiṣṭaḥ parikramya girāṃ patim bāḍham ity amum āmantrya viveśa tapase vanam
Maitreya said: Thus instructed by the self-born one, he circumambulated the lord of speech, said "Very well," took leave of him, and entered the forest for austerity.
AI translation rendered from the Sanskrit, not a published edition
SB 3 12.21
अथाभिध्यायतः सर्गं दश पुत्राः प्रजज्ञिरे भगवच्-छक्ति-युक्तस्य लोक-सन्तान-हेतवः
athābhidhyāyataḥ sargaṃ daśa putrāḥ prajajñire bhagavac-chakti-yuktasya loka-santāna-hetavaḥ
Then, as he was meditating on creation, ten sons were born to him—he being endowed with the Lord's potency—who became the causes of the world's continuance.
AI translation rendered from the Sanskrit, not a published edition
SB 3 12.22
मरीचिर् अत्र्य्-अङ्गिरसौ पुलस्त्यः पुलहः क्रतुः भृगुर् वसिष्ठो दक्षश् च दशमस् तत्र नारदः
marīcir atry-aṅgirasau pulastyaḥ pulahaḥ kratuḥ bhṛgur vasiṣṭho dakṣaś ca daśamas tatra nāradaḥ
Marīci, Atri and Aṅgiras, Pulastya, Pulaha, Kratu, Bhṛgu, Vasiṣṭha, and Dakṣa; the tenth among them was Nārada.
AI translation rendered from the Sanskrit, not a published edition
SB 3 12.23
उत्सङ्गान् नारदो जज्ञे दक्षो ऽङ्गुष्ठात् स्वयम्भुवः प्राणाद् वसिष्ठः सञ्जातो भृगुस् त्वचि करात् क्रतुः
utsaṅgān nārado jajñe dakṣo 'ṅguṣṭhāt svayambhuvaḥ prāṇād vasiṣṭhaḥ sañjāto bhṛgus tvaci karāt kratuḥ
Nārada was born from the lap of the self-born one, Dakṣa from his thumb, Vasiṣṭha came forth from his life-breath, Bhṛgu from his skin, Kratu from his hand.
AI translation rendered from the Sanskrit, not a published edition
SB 3 12.24
पुलहो नाभितो जज्ञे पुलस्त्यः कर्णयोर् ऋषिः अङ्गिरा मुखतो ऽक्ष्णो ऽत्रिर् मरीचिर् मनसो ऽभवत्
pulaho nābhito jajñe pulastyaḥ karṇayor ṛṣiḥ aṅgirā mukhato 'kṣṇo 'trir marīcir manaso 'bhavat
Pulaha was born from his navel, the sage Pulastya from his ears, Aṅgiras from his mouth, Atri from his eye, and Marīci arose from his mind.
AI translation rendered from the Sanskrit, not a published edition
SB 3 12.25
धर्मः स्तनाद् दक्षिणतो यत्र नारायणः स्वयम् अधर्मः पृष्ठतो यस्मान् मृत्युर् लोक-भयङ्करः
dharmaḥ stanād dakṣiṇato yatra nārāyaṇaḥ svayam adharmaḥ pṛṣṭhato yasmān mṛtyur loka-bhayaṅkaraḥ
Dharma (was born) from his right breast, where Nārāyaṇa himself (dwells); Adharma from his back, from which comes death, the terror of the world.
AI translation rendered from the Sanskrit, not a published edition
SB 3 12.26
हृदि कामो भ्रुवः क्रोधो लोभश् चाधर-दच्छदात् आस्याद् वाक् सिन्धवो मेढ्रान् निरृतिः पायोर् अघाश्रयः
hṛdi kāmo bhruvaḥ krodho lobhaś cādhara-dacchadāt āsyād vāk sindhavo meḍhrān nirṛtiḥ pāyor aghāśrayaḥ
Lust (arose) in his heart, anger from his brows, greed from his lower lip, speech from his mouth, the oceans from his penis, and Nirṛti, the abode of sin, from his anus.
AI translation rendered from the Sanskrit, not a published edition
SB 3 12.27
छायायाः कर्दमो जज्ञे देवहूत्याः पतिः प्रभुः मनसो देहतश् चेदं जज्ञे विश्व-कृतो जगत्
chāyāyāḥ kardamo jajñe devahūtyāḥ patiḥ prabhuḥ manaso dehataś cedaṃ jajñe viśva-kṛto jagat
From his shadow was born Kardama, the mighty husband of Devahūti. Thus this world came forth from the mind and the body of the maker of the universe.
AI translation rendered from the Sanskrit, not a published edition
SB 3 12.28
वाचं दुहितरं तन्वीं स्वयम्भूर् हरतीं मनः अकामां चकमे क्षत्तः स-काम इति नः श्रुतम्
vācaṃ duhitaraṃ tanvīṃ svayambhūr haratīṃ manaḥ akāmāṃ cakame kṣattaḥ sa-kāma iti naḥ śrutam
O Kṣattā (Vidura), the self-born one desired his own slender daughter Vāc, who was ravishing his mind — she without desire, he with desire: so we have heard.
AI translation rendered from the Sanskrit, not a published edition
SB 3 12.29
तम् अधर्मे कृत-मतिं विलोक्य पितरं सुताः मरीचि-मुख्या मुनयो विश्रम्भात् प्रत्यबोधयन्
tam adharme kṛta-matiṃ vilokya pitaraṃ sutāḥ marīci-mukhyā munayo viśrambhāt pratyabodhayan
Seeing their father with his mind set on unrighteousness, his sons, the sages headed by Marīci, out of trust admonished him.
AI translation rendered from the Sanskrit, not a published edition
SB 3 12.30
नैतत् पूर्वैः कृतं त्वद् ये न करिष्यन्ति चापरे यस् त्वं दुहितरं गच्छेर् अनिगृह्याङ्गजं प्रभुः
naitat pūrvaiḥ kṛtaṃ tvad ye na kariṣyanti cāpare yas tvaṃ duhitaraṃ gaccher anigṛhyāṅgajaṃ prabhuḥ
This has not been done by those before you, nor will others do it — that you, a lord, should approach your daughter without restraining the desire born (in you).
AI translation rendered from the Sanskrit, not a published edition
SB 3 12.31
तेजीयसाम् अपि ह्य् एतन् न सुश्लोक्यं जगद्-गुरो यद्-वृत्तम् अनुतिष्ठन् वै लोकः क्षेमाय कल्पते
tejīyasām api hy etan na suślokyaṃ jagad-guro yad-vṛttam anutiṣṭhan vai lokaḥ kṣemāya kalpate
O guru of the world, even for the most powerful this is not praiseworthy, since it is by following the conduct (of such as you) that the world becomes fit for its own welfare.
AI translation rendered from the Sanskrit, not a published edition
SB 3 12.32
तस्मै नमो भगवते य इदं स्वेन रोचिषा आत्म-स्थं व्यञ्जयाम् आस स धर्मं पातुम् अर्हति
tasmai namo bhagavate ya idaṃ svena rociṣā ātma-sthaṃ vyañjayām āsa sa dharmaṃ pātum arhati
Homage to that Lord who by his own radiance made manifest this (universe) that abides in himself; he is able to protect dharma.
AI translation rendered from the Sanskrit, not a published edition
SB 3 12.33
स इत्थं गृणतः पुत्रान् पुरो दृष्ट्वा प्रजापतीन् प्रजापति-पतिस् तन्वं तत्याज व्रीडितस् तदा तां दिशो जगृहुर् घोरां नीहारं यद् विदुस् तमः
sa itthaṃ gṛṇataḥ putrān puro dṛṣṭvā prajāpatīn prajāpati-patis tanvaṃ tatyāja vrīḍitas tadā tāṃ diśo jagṛhur ghorāṃ nīhāraṃ yad vidus tamaḥ
Seeing his sons, the Prajāpatis, speaking thus before him, the lord of the Prajāpatis, ashamed, then abandoned that body; the directions took it up — a dreadful fog which (people) know as darkness.
AI translation rendered from the Sanskrit, not a published edition
SB 3 12.34
कदाचिद् ध्यायतः स्रष्टुर् वेदा आसंश् चतुर्-मुखात् कथं स्रक्ष्याम्य् अहं लोकान् समवेतान् यथा पुरा
kadācid dhyāyataḥ sraṣṭur vedā āsaṃś catur-mukhāt kathaṃ srakṣyāmy ahaṃ lokān samavetān yathā purā
Once, as the creator was pondering, "How shall I create the worlds, assembled as they were before?", the Vedas came forth from his four mouths.
AI translation rendered from the Sanskrit, not a published edition
SB 3 12.35
चातुर्-होत्रं कर्म-तन्त्रम् उपवेद-नयैः सह धर्मस्य पादाश् चत्वारस् तथैवाश्रम-वृत्तयः
cātur-hotraṃ karma-tantram upaveda-nayaiḥ saha dharmasya pādāś catvāras tathaivāśrama-vṛttayaḥ
(There came forth) the fourfold priestly office, the system of ritual acts together with the doctrines of the Upavedas, the four feet of dharma, and likewise the practices of the āśramas.
AI translation rendered from the Sanskrit, not a published edition
SB 3 12.36
विदुर उवाच स वै विश्व-सृजाम् ईशो वेदादीन् मुखतो ऽसृजत् यद् यद् येनासृजद् देवस् तन् मे ब्रूहि तपो-धन
vidura uvāca sa vai viśva-sṛjām īśo vedādīn mukhato 'sṛjat yad yad yenāsṛjad devas tan me brūhi tapo-dhana
Vidura said: That lord of the creators of the universe indeed emitted the Vedas and the rest from his mouth. Tell me, O you whose wealth is austerity, what the god created and by what means.
AI translation rendered from the Sanskrit, not a published edition
SB 3 12.37
मैत्रेय उवाच ऋग्-यजुः-सामाथर्वाख्यान् वेदान् पूर्वादिभिर् मुखैः शास्त्रम् इज्यां स्तुति-स्तोमं प्रायश्चित्तं व्यधात् क्रमात्
maitreya uvāca ṛg-yajuḥ-sāmātharvākhyān vedān pūrvādibhir mukhaiḥ śāstram ijyāṃ stuti-stomaṃ prāyaścittaṃ vyadhāt kramāt
Maitreya said: With his mouths, beginning with the eastern one, he fashioned in order the Vedas named Ṛg, Yajus, Sāma and Atharva, and (likewise) śāstra, sacrifice, the hymn of praise, and expiation.
AI translation rendered from the Sanskrit, not a published edition
SB 3 12.38
आयुर्-वेदं धनुर्-वेदं गान्धर्वं वेदम् आत्मनः स्थापत्यं चासृजद् वेदं क्रमात् पूर्वादिभिर् मुखैः
āyur-vedaṃ dhanur-vedaṃ gāndharvaṃ vedam ātmanaḥ sthāpatyaṃ cāsṛjad vedaṃ kramāt pūrvādibhir mukhaiḥ
He also created, in order with his mouths beginning with the eastern, his own Āyur-veda, Dhanur-veda, Gāndharva-veda and the Sthāpatya-veda.
AI translation rendered from the Sanskrit, not a published edition
SB 3 12.39
इतिहास-पुराणानि पञ्चमं वेदम् ईश्वरः सर्वेभ्य एव वक्त्रेभ्यः ससृजे सर्व-दर्शनः
itihāsa-purāṇāni pañcamaṃ vedam īśvaraḥ sarvebhya eva vaktrebhyaḥ sasṛje sarva-darśanaḥ
The lord, who sees all, created the histories and Purāṇas, the fifth Veda, from all his mouths together.
AI translation rendered from the Sanskrit, not a published edition
SB 3 12.40
षोडश्य्-उक्थौ पूर्व-वक्त्रात् पुरीष्य्-अग्निष्टुताव् अथ आप्तोर्यामातिरात्रौ च वाजपेयं सगोसवम्
ṣoḍaśy-ukthau pūrva-vaktrāt purīṣy-agniṣṭutāv atha āptoryāmātirātrau ca vājapeyaṃ sagosavam
From the eastern mouth (came) the Ṣoḍaśin and Uktha, then the Purīṣya and Agniṣṭut, and the Āptoryāma and Atirātra, and the Vājapeya with the Gosava.
AI translation rendered from the Sanskrit, not a published edition
SB 3 12.41
विद्या दानं तपः सत्यं धर्मस्येति पदानि च आश्रमांश् च यथा-सङ्ख्यम् असृजत् सह वृत्तिभिः
vidyā dānaṃ tapaḥ satyaṃ dharmasyeti padāni ca āśramāṃś ca yathā-saṅkhyam asṛjat saha vṛttibhiḥ
And (he created) knowledge, giving, austerity and truth as the feet of dharma, and the āśramas in corresponding number together with their modes of livelihood.
AI translation rendered from the Sanskrit, not a published edition
SB 3 12.42
सावित्रं प्राजापत्यं च ब्राह्मं चाथ बृहत् तथा वार्ता सञ्चय-शालीन- शिलोञ्छ इति वै गृहे
sāvitraṃ prājāpatyaṃ ca brāhmaṃ cātha bṛhat tathā vārtā sañcaya-śālīna- śiloñcha iti vai gṛhe
(For the student:) the Sāvitra, Prājāpatya, Brāhma and the Bṛhat; and in the household stage: trade, gathering, śālīna, and gleaning of grain.
AI translation rendered from the Sanskrit, not a published edition — the model flagged this verse as uncertain
SB 3 12.43
वैखानसा वालखिल्यौ- दुम्बराः फेनपा वने न्यासे कुटीचकः पूर्वं बह्वोदो हंस-निष्क्रियौ
vaikhānasā vālakhilyau- dumbarāḥ phenapā vane nyāse kuṭīcakaḥ pūrvaṃ bahvodo haṃsa-niṣkriyau
In the forest (stage): the Vaikhānasas, Vālakhilyas, Audumbaras and Phenapas; in renunciation: the Kuṭīcaka first, then the Bahvoda, the Haṃsa and the Niṣkriya.
AI translation rendered from the Sanskrit, not a published edition
SB 3 12.44
आन्वीक्षिकी त्रयी वार्ता दण्ड-नीतिस् तथैव च एवं व्याहृतयश् चासन् प्रणवो ह्य् अस्य दह्रतः
ānvīkṣikī trayī vārtā daṇḍa-nītis tathaiva ca evaṃ vyāhṛtayaś cāsan praṇavo hy asya dahrataḥ
Logic, the triple Veda, economics, and likewise the science of governance; thus also the vyāhṛtis came to be, and the praṇava from his heart.
AI translation rendered from the Sanskrit, not a published edition
SB 3 12.45
तस्योष्णिग् आसील् लोमभ्यो गायत्री च त्वचो विभोः त्रिष्टुम् मांसात् स्नुतो ऽनुष्टुब् जगत्य् अस्थ्नः प्रजापतेः
tasyoṣṇig āsīl lomabhyo gāyatrī ca tvaco vibhoḥ triṣṭum māṃsāt snuto 'nuṣṭub jagaty asthnaḥ prajāpateḥ
From the body-hairs of that mighty Prajāpati arose the Uṣṇih metre, from the skin the Gāyatrī, from the flesh the Triṣṭubh, from the sinews the Anuṣṭubh, from the bone the Jagatī.
AI translation rendered from the Sanskrit, not a published edition
SB 3 12.46
मज्जायाः पङ्क्तिर् उत्पन्ना बृहती प्राणतो ऽभवत् स्पर्शस् तस्याभवज् जीवः स्वरो देह उदाहृत
majjāyāḥ paṅktir utpannā bṛhatī prāṇato 'bhavat sparśas tasyābhavaj jīvaḥ svaro deha udāhṛta
From the marrow the Paṅkti was produced, and from the breath came the Bṛhatī; the consonants (sparśa) became his life-principle, the vowels are declared to be his body.
AI translation rendered from the Sanskrit, not a published edition
SB 3 12.47
ऊष्माणम् इन्द्रियाण्य् आहुर् अन्तः-स्था बलम् आत्मनः स्वराः सप्त विहारेण भवन्ति स्म प्रजापतेः
ūṣmāṇam indriyāṇy āhur antaḥ-sthā balam ātmanaḥ svarāḥ sapta vihāreṇa bhavanti sma prajāpateḥ
They say the sibilants are his senses and the semivowels the strength of his self; the seven musical notes came into being from the Prajāpati's play.
AI translation rendered from the Sanskrit, not a published edition
SB 3 12.48
शब्द-ब्रह्मात्मनस् तस्य व्यक्ताव्यक्तात्मनः परः ब्रह्मावभाति विततो नाना-शक्त्य्-उपबृंहितः
śabda-brahmātmanas tasya vyaktāvyaktātmanaḥ paraḥ brahmāvabhāti vitato nānā-śakty-upabṛṃhitaḥ
Beyond him, whose self is the Brahman-of-sound and whose nature is both manifest and unmanifest, shines the supreme Brahman, all-pervading, augmented by manifold potencies.
AI translation rendered from the Sanskrit, not a published edition
SB 3 12.49
ततो ऽपराम् उपादाय स सर्गाय मनो दधे ऋषीणां भूरि-वीर्याणाम् अपि सर्गम् अविस्तृतम्
tato 'parām upādāya sa sargāya mano dadhe ṛṣīṇāṃ bhūri-vīryāṇām api sargam avistṛtam
Then, taking up another (form), he set his mind to creation, since the creation of the sages, though of abundant potency, had not spread wide.
AI translation rendered from the Sanskrit, not a published edition
SB 3 12.50
ज्ञात्वा तद् धृदये भूयश् चिन्तयाम् आस कौरव अहो अद्भुतम् एतन् मे व्यापृतस्यापि नित्यदा
jñātvā tad dhṛdaye bhūyaś cintayām āsa kaurava aho adbhutam etan me vyāpṛtasyāpi nityadā
Having realized that in his heart, O Kaurava, he thought further: "Ah, this is a marvel to me, though I am constantly engaged (in the work)."
AI translation rendered from the Sanskrit, not a published edition
SB 3 12.51
न ह्य् एधन्ते प्रजा नूनं दैवम् अत्र विघातकम् एवं युक्त-कृतस् तस्य दैवं चावेक्षतस् तदा
na hy edhante prajā nūnaṃ daivam atra vighātakam evaṃ yukta-kṛtas tasya daivaṃ cāvekṣatas tadā
"Surely the creatures do not increase; there must be some divine hindrance here." While he was thus intent on his task and watching for a sign of fate, at that time—
AI translation rendered from the Sanskrit, not a published edition
SB 3 12.52
कस्य रूपम् अभूद् द्वेधा यत् कायम् अभिचक्षते ताभ्यां रूप-विभागाभ्यां मिथुनं समपद्यत
kasya rūpam abhūd dvedhā yat kāyam abhicakṣate tābhyāṃ rūpa-vibhāgābhyāṃ mithunaṃ samapadyata
the form of Ka (Brahmā), which (people) call his body, became twofold; from those two divisions of the form a couple came into being.
AI translation rendered from the Sanskrit, not a published edition — the model flagged this verse as uncertain
SB 3 12.53
यस् तु तत्र पुमान् सो ऽभून् मनुः स्वायम्भुवः स्वराट् स्त्री यासीच् छतरूपाख्या महिष्य् अस्य महात्मनः
yas tu tatra pumān so 'bhūn manuḥ svāyambhuvaḥ svarāṭ strī yāsīc chatarūpākhyā mahiṣy asya mahātmanaḥ
The one of them who was male became Manu Svāyambhuva, self-ruling; the one who was female, named Śatarūpā, (became) the queen of that great soul.
AI translation rendered from the Sanskrit, not a published edition
SB 3 12.54
तदा मिथुन-धर्मेण प्रजा ह्य् एधाम् बभूविरे स चापि शतरूपायां पञ्चापत्यान्य् अजीजनत्
tadā mithuna-dharmeṇa prajā hy edhām babhūvire sa cāpi śatarūpāyāṃ pañcāpatyāny ajījanat
Then, by the practice of coupling, the creatures indeed came to increase; and he too begot five children in Śatarūpā.
AI translation rendered from the Sanskrit, not a published edition
SB 3 12.55
प्रियव्रतोत्तानपादौ तिस्रः कन्याश् च भारत आकूतिर् देवहूतिश् च प्रसूतिर् इति सत्तम
priyavratottānapādau tisraḥ kanyāś ca bhārata ākūtir devahūtiś ca prasūtir iti sattama
Priyavrata and Uttānapāda, and three daughters, O Bhārata—Ākūti, Devahūti, and Prasūti, O best of the good.
AI translation rendered from the Sanskrit, not a published edition
SB 3 12.56
आकूतिं रुचये प्रादात् कर्दमाय तु मध्यमाम् दक्षायादात् प्रसूतिं च यत आपूरितं जगत्
ākūtiṃ rucaye prādāt kardamāya tu madhyamām dakṣāyādāt prasūtiṃ ca yata āpūritaṃ jagat
He gave Ākūti to Ruci, the middle one to Kardama, and Prasūti to Dakṣa; from them the world was filled.
AI translation rendered from the Sanskrit, not a published edition