Bhagavata Purana — Skandha 2 — Chapter 9
SB 2 9.1
श्रीशुक उवाच आत्ममायाम् ऋते राजन् परस्यानुभवात्मनः न घटेतार्थसम्बन्धः स्वप्नद्रष्टुरिवाञ्जसा
śrīśuka uvāca ātmamāyām ṛte rājan parasyānubhavātmanaḥ na ghaṭetārthasambandhaḥ svapnadraṣṭurivāñjasā
Śrī Śuka said: Apart from his own māyā, O king, there could be no real connection with objects for the Supreme, whose nature is (pure) awareness — just as (there is none) truly for one who sees a dream.
AI translation rendered from the Sanskrit, not a published edition
SB 2 9.2
बहुरूप इवाभाति मायया बहुरूपया रममाणो गुणेष्वस्या ममाहम् इति मन्यते
bahurūpa ivābhāti māyayā bahurūpayā ramamāṇo guṇeṣvasyā mamāham iti manyate
He appears as though of many forms through māyā, which is of many forms; delighting in her qualities, he thinks 'I' and 'mine'.
AI translation rendered from the Sanskrit, not a published edition
SB 2 9.3
यर्हि वाव महिम्नि स्वे परस्मिन् कालमाययोः रमेत गतसम्मोहस्त्यक्त्वोदास्ते तदोभयम्
yarhi vāva mahimni sve parasmin kālamāyayoḥ rameta gatasammohastyaktvodāste tadobhayam
But when, his delusion gone, he delights in his own greatness, which is beyond time and māyā, then he abandons both of these and stands apart.
AI translation rendered from the Sanskrit, not a published edition
SB 2 9.4
आत्मतत्त्वविशुद्ध्यर्थं यदाह भगवान् ऋतम् ब्रह्मणे दर्शयन् रूपम् अव्यलीकव्रतादृतः
ātmatattvaviśuddhyarthaṃ yadāha bhagavān ṛtam brahmaṇe darśayan rūpam avyalīkavratādṛtaḥ
For the sake of the purification of the truth of the self, (consider) the truth which the Lord spoke to Brahmā, showing him his form, being pleased with (Brahmā's) sincere austerity.
AI translation rendered from the Sanskrit, not a published edition — the model flagged this verse as uncertain
SB 2 9.5
स आदिदेवो जगतां परो गुरुः स्वधिष्ण्यम् आस्थाय सिसृक्षयैक्षत तां नाध्यगच्छद्दृशम् अत्र सम्मतां प्रपञ्चनिर्माणविधिर्यया भवेत्
sa ādidevo jagatāṃ paro guruḥ svadhiṣṇyam āsthāya sisṛkṣayaikṣata tāṃ nādhyagacchaddṛśam atra sammatāṃ prapañcanirmāṇavidhiryayā bhavet
That first of gods, the supreme teacher of the worlds, seated in his own place, looked forth with the desire to create; he did not find here any approved vision by which the procedure for fashioning the manifold creation might come about.
AI translation rendered from the Sanskrit, not a published edition
SB 2 9.6
स चिन्तयन् द्व्यक्षरम् एकदाम्भस्य् उपाशृणोद्द्विर्गदितं वचो विभुः स्पर्शेषु यत् षोडशम् एकविंशं निष्किञ्चनानां नृप यद्धनं विदुः
sa cintayan dvyakṣaram ekadāmbhasy upāśṛṇoddvirgaditaṃ vaco vibhuḥ sparśeṣu yat ṣoḍaśam ekaviṃśaṃ niṣkiñcanānāṃ nṛpa yaddhanaṃ viduḥ
As he was pondering, the mighty one once heard in the water a word of two syllables, spoken twice — (the letter) which among the contact-consonants is the sixteenth and (the letter which is) the twenty-first, which, O king, (the wise) know to be the wealth of those who own nothing.
AI translation rendered from the Sanskrit, not a published edition
SB 2 9.7
निशम्य तद्वक्तृदिदृक्षया दिशो विलोक्य तत्रान्यदपश्यमानः स्वधिष्ण्यम् आस्थाय विमृश्य तद्धितं तपस्युपादिष्ट इवादधे मनः
niśamya tadvaktṛdidṛkṣayā diśo vilokya tatrānyadapaśyamānaḥ svadhiṣṇyam āsthāya vimṛśya taddhitaṃ tapasyupādiṣṭa ivādadhe manaḥ
Having heard it, he looked about the directions, wishing to see the speaker of that; and seeing no other there, he took his seat again, reflected on what was beneficial in it, and, as though instructed, fixed his mind on austerity.
AI translation rendered from the Sanskrit, not a published edition
SB 2 9.8
दिव्यं सहस्राब्दम् अमोघदर्शनो जितानिलात्मा विजितोभयेन्द्रियः अतप्यत स्माखिललोकतापनं तपस्तपीयांस्तपतां समाहितः
divyaṃ sahasrābdam amoghadarśano jitānilātmā vijitobhayendriyaḥ atapyata smākhilalokatāpanaṃ tapastapīyāṃstapatāṃ samāhitaḥ
For a thousand divine years he of unerring vision, who had mastered the breath and the mind and conquered both (sets of) senses, practised, with concentrated mind, that austerity which scorches all the worlds — he the most austere among the practisers of austerity.
AI translation rendered from the Sanskrit, not a published edition
SB 2 9.9
तस्मै स्वलोकं भगवान् सभाजितः सन्दर्शयाम् आस परं न यत्परम् व्यपेतसङ्क्लेशविमोहसाध्वसं स्वदृष्टवद्भिर्पुरुषैरभिष्टुतम्
tasmai svalokaṃ bhagavān sabhājitaḥ sandarśayām āsa paraṃ na yatparam vyapetasaṅkleśavimohasādhvasaṃ svadṛṣṭavadbhirpuruṣairabhiṣṭutam
To him the Lord, being (thus) honoured, showed his own realm, the supreme, beyond which there is nothing higher, in which distress, delusion and fear are absent, and which is praised by persons who have seen the self.
AI translation rendered from the Sanskrit, not a published edition
SB 2 9.10
प्रवर्तते यत्र रजस्तमस्तयोः सत्त्वं च मिश्रं न च कालविक्रमः न यत्र माया किम् उतापरे हरेर् अनुव्रता यत्र सुरासुरार्चिताः
pravartate yatra rajastamastayoḥ sattvaṃ ca miśraṃ na ca kālavikramaḥ na yatra māyā kim utāpare harer anuvratā yatra surāsurārcitāḥ
Where neither passion nor darkness of the two, nor goodness mixed (with them), prevails, nor the power of time; where there is no māyā, much less the other (things); where the followers of Hari, worshipped by gods and demons (alike), dwell.
AI translation rendered from the Sanskrit, not a published edition
SB 2 9.11
श्यामावदाताः शतपत्रलोचनाः पिशङ्गवस्त्राः सुरुचः सुपेशसः सर्वे चतुर्बाहव उन्मिषन्मणि प्रवेकनिष्काभरणाः सुवर्चसः प्रवालवैदूर्यमृणालवर्चसः परिस्फुरत्कुण्डलमौलिमालिनः
śyāmāvadātāḥ śatapatralocanāḥ piśaṅgavastrāḥ surucaḥ supeśasaḥ sarve caturbāhava unmiṣanmaṇi pravekaniṣkābharaṇāḥ suvarcasaḥ pravālavaidūryamṛṇālavarcasaḥ parisphuratkuṇḍalamaulimālinaḥ
(There dwell those who are) dark yet radiant, with eyes like hundred-petalled lotuses, wearing yellow garments, lovely and finely formed, all four-armed, adorned with glittering, choicest jewels and medallions, of great lustre, glowing like coral, cat's-eye gem and lotus-fibre, wearing flashing earrings, crowns and garlands.
AI translation rendered from the Sanskrit, not a published edition
SB 2 9.12
भ्राजिष्णुभिर्यः परितो विराजते लसद्विमानावलिभिर्महात्मनाम् विद्योतमानः प्रमदोत्तमाद्युभिः सविद्युदभ्रावलिभिर्यथा नभः
bhrājiṣṇubhiryaḥ parito virājate lasadvimānāvalibhirmahātmanām vidyotamānaḥ pramadottamādyubhiḥ savidyudabhrāvalibhiryathā nabhaḥ
(That realm) shines all around with the gleaming rows of aerial cars of those great souls, and glitters with the splendour of their excellent women — like the sky with rows of clouds bearing lightning.
AI translation rendered from the Sanskrit, not a published edition
SB 2 9.13
श्रीर्यत्र रूपिण्युरुगायपादयोः करोति मानं बहुधा विभूतिभिः प्रेङ्खं श्रिता या कुसुमाकरानुगैर् विगीयमाना प्रियकर्म गायती
śrīryatra rūpiṇyurugāyapādayoḥ karoti mānaṃ bahudhā vibhūtibhiḥ preṅkhaṃ śritā yā kusumākarānugair vigīyamānā priyakarma gāyatī
Where Śrī in embodied form does honour in many ways, with her powers, to the feet of him of wide renown — she who, resting on a swing, is sung about by the attendants of spring while she sings of the deeds of her beloved.
AI translation rendered from the Sanskrit, not a published edition
SB 2 9.14
ददर्श तत्राखिलसात्वतां पतिं श्रियः पतिं यज्ञपतिं जगत्पतिम् सुनन्दनन्दप्रबलार्हणादिभिः स्वपार्षदाग्रैः परिसेवितं विभुम्
dadarśa tatrākhilasātvatāṃ patiṃ śriyaḥ patiṃ yajñapatiṃ jagatpatim sunandanandaprabalārhaṇādibhiḥ svapārṣadāgraiḥ parisevitaṃ vibhum
There he saw the Lord of all the Sātvatas, the husband of Śrī, the lord of sacrifice, the lord of the world, the all-pervading one, attended on all sides by his foremost companions, Sunanda, Nanda, Prabala, Arhaṇa and the rest.
AI translation rendered from the Sanskrit, not a published edition
SB 2 9.15
भृत्यप्रसादाभिमुखं दृगासवं प्रसन्नहासारुणलोचनाननम् किरीटिनं कुण्डलिनं चतुर्भुजं पीतांशुकं वक्षसि लक्षितं श्रिया
bhṛtyaprasādābhimukhaṃ dṛgāsavaṃ prasannahāsāruṇalocanānanam kirīṭinaṃ kuṇḍalinaṃ caturbhujaṃ pītāṃśukaṃ vakṣasi lakṣitaṃ śriyā
(He saw him) inclined to favour his servants, the nectar of the eyes, his face with reddish eyes and a gracious smile, crowned, wearing earrings, four-armed, clad in yellow silk, marked on the chest by Śrī.
AI translation rendered from the Sanskrit, not a published edition
SB 2 9.16
अध्यर्हणीयासनम् आस्थितं परं वृतं चतुःषोडशपञ्चशक्तिभिः युक्तं भगैः स्वैरितरत्र चाध्रुवैः स्व एव धामन् रममाणम् ईश्वरम्
adhyarhaṇīyāsanam āsthitaṃ paraṃ vṛtaṃ catuḥṣoḍaśapañcaśaktibhiḥ yuktaṃ bhagaiḥ svairitaratra cādhruvaiḥ sva eva dhāman ramamāṇam īśvaram
(He saw) the Supreme Lord seated on a most worshipful throne, surrounded by his four, sixteen and five powers, endowed with his own excellences and with the others too that are impermanent, delighting in his own abode.
AI translation rendered from the Sanskrit, not a published edition
SB 2 9.17
तद्दर्शनाह्लादपरिप्लुतान्तरो हृष्यत्तनुः प्रेमभराश्रुलोचनः ननाम पादाम्बुजम् अस्य विश्वसृग् यत् पारमहंस्येन पथाधिगम्यते
taddarśanāhlādapariplutāntaro hṛṣyattanuḥ premabharāśrulocanaḥ nanāma pādāmbujam asya viśvasṛg yat pāramahaṃsyena pathādhigamyate
His inner being flooded with the joy of that sight, his body thrilling, his eyes full of tears from the weight of love, the creator of the universe bowed to his lotus foot, which is reached by the path of the supreme swans (paramahaṃsas).
AI translation rendered from the Sanskrit, not a published edition
SB 2 9.18
तं प्रीयमाणं समुपस्थितं कविं प्रजाविसर्गे निजशासनार्हणम् बभाष ईषत्स्मितशोचिषा गिरा प्रियः प्रियं प्रीतमनाः करे स्पृशन्
taṃ prīyamāṇaṃ samupasthitaṃ kaviṃ prajāvisarge nijaśāsanārhaṇam babhāṣa īṣatsmitaśociṣā girā priyaḥ priyaṃ prītamanāḥ kare spṛśan
To him — the sage who had come near, delighted, and was fit to receive his command concerning the emission of creatures — the beloved one, pleased at heart, spoke with words shining with a slight smile, touching the dear one on the hand.
AI translation rendered from the Sanskrit, not a published edition
SB 2 9.19
श्रीभगवान् उवाच त्वयाहं तोषितः सम्यग् वेदगर्भ सिसृक्षया चिरं भृतेन तपसा दुस्तोषः कूटयोगिनाम्
śrībhagavān uvāca tvayāhaṃ toṣitaḥ samyag vedagarbha sisṛkṣayā ciraṃ bhṛtena tapasā dustoṣaḥ kūṭayoginām
The Blessed Lord said: I am fully pleased with you, O you in whom the Vedas are contained, by the austerity long borne with the desire to create — I who am hard to please for false yogis.
AI translation rendered from the Sanskrit, not a published edition
SB 2 9.20
वरं वरय भद्रं ते वरेशं माभिवाञ्छितम् ब्रह्मञ् छ्रेयःपरिश्रामः पुंसां मद्दर्शनावधिः
varaṃ varaya bhadraṃ te vareśaṃ mābhivāñchitam brahmañ chreyaḥpariśrāmaḥ puṃsāṃ maddarśanāvadhiḥ
Choose a boon, blessings on you; I am the giver of boons and the one desired (by all). O brahman, the toil of men after the highest good has its limit in the sight of me.
AI translation rendered from the Sanskrit, not a published edition
SB 2 9.21
मनीषितानुभावो ऽयं मम लोकावलोकनम् यदुपश्रुत्य रहसि चकर्थ परमं तपः
manīṣitānubhāvo 'yaṃ mama lokāvalokanam yadupaśrutya rahasi cakartha paramaṃ tapaḥ
This — the seeing of my realm — is the fruit of your resolve; it is because you heard (that word) in secret that you performed the supreme austerity.
AI translation rendered from the Sanskrit, not a published edition
SB 2 9.22
प्रत्यादिष्टं मया तत्र त्वयि कर्मविमोहिते तपो मे हृदयं साक्षादात्माहं तपसो ऽनघ
pratyādiṣṭaṃ mayā tatra tvayi karmavimohite tapo me hṛdayaṃ sākṣādātmāhaṃ tapaso 'nagha
It was I who then instructed you when you were bewildered about your task. Austerity is my very heart, and I am the self of austerity, O sinless one.
AI translation rendered from the Sanskrit, not a published edition
SB 2 9.23
सृजामि तपसैवेदं ग्रसामि तपसा पुनः बिभर्मि तपसा विश्वं वीर्यं मे दुश्चरं तपः
sṛjāmi tapasaivedaṃ grasāmi tapasā punaḥ bibharmi tapasā viśvaṃ vīryaṃ me duścaraṃ tapaḥ
By austerity alone I create this (world), by austerity I again devour it, and by austerity I sustain the universe; my power is austerity, hard to practise.
AI translation rendered from the Sanskrit, not a published edition
SB 2 9.24
ब्रह्मोवाच भगवन् सर्वभूतानाम् अध्यक्षो ऽवस्थितो गुहाम् वेद ह्यप्रतिरुद्धेन प्रज्ञानेन चिकीर्षितम्
brahmovāca bhagavan sarvabhūtānām adhyakṣo 'vasthito guhām veda hyapratiruddhena prajñānena cikīrṣitam
Brahmā said: O Lord, you are the overseer of all beings, seated in the cave (of the heart); by your unobstructed knowledge you surely know what I wish to do.
AI translation rendered from the Sanskrit, not a published edition
SB 2 9.25
तथापि नाथमानस्य नाथ नाथय नाथितम् परावरे यथा रूपेजानीयां ते त्वरूपिणः
tathāpi nāthamānasya nātha nāthaya nāthitam parāvare yathā rūpejānīyāṃ te tvarūpiṇaḥ
Even so, O Lord, grant to me who beg it the thing begged for: (tell me) how I may know your form, in its higher and lower (aspects), though you are formless.
AI translation rendered from the Sanskrit, not a published edition
SB 2 9.26
यथात्ममायायोगेन नानाशक्त्युपबृंहितम् विलुम्पन् विसृजन् गृह्णन् बिभ्रदात्मानम् आत्मना
yathātmamāyāyogena nānāśaktyupabṛṃhitam vilumpan visṛjan gṛhṇan bibhradātmānam ātmanā
How, by the joining of your own māyā, augmented by manifold powers, you destroy, emit and withdraw (the world), bearing yourself by yourself—
AI translation rendered from the Sanskrit, not a published edition
SB 2 9.27
क्रीडस्यमोघसङ्कल्प ऊर्णनाभिर्यथोर्णुते तथा तद्विषयां धेहि मनीषां मयि माधव
krīḍasyamoghasaṅkalpa ūrṇanābhiryathorṇute tathā tadviṣayāṃ dhehi manīṣāṃ mayi mādhava
—you play, O you whose will is never frustrated, as a spider spins out its web; so grant me insight into that matter, O Mādhava.
AI translation rendered from the Sanskrit, not a published edition
SB 2 9.28
भगवच्छिक्षितम् अहं करवाणि ह्यतन्द्रितः नेहमानः प्रजासर्गं बध्येयं यदनुग्रहात्
bhagavacchikṣitam ahaṃ karavāṇi hyatandritaḥ nehamānaḥ prajāsargaṃ badhyeyaṃ yadanugrahāt
Let me, untiring, do what the Lord has taught, so that by his grace I may not be bound while undertaking the emission of creatures.
AI translation rendered from the Sanskrit, not a published edition
SB 2 9.29
यावत् सखा सख्युरिवेश ते कृतः प्रजाविसर्गे विभजामि भो जनम् अविक्लवस्ते परिकर्मणि स्थितो मा मे समुन्नद्धमदो ञ्ज मानिनः
yāvat sakhā sakhyuriveśa te kṛtaḥ prajāvisarge vibhajāmi bho janam aviklavaste parikarmaṇi sthito mā me samunnaddhamado ñja māninaḥ
O Lord, insofar as you have made (me) as a friend to a friend, I shall apportion the people in the sending forth of creatures, sir, undismayed, standing in your service—let no pride swell up in me who takes myself for the doer.
AI translation rendered from the Sanskrit, not a published edition — the model flagged this verse as uncertain
SB 2 9.30
श्रीभगवान् उवाच ज्ञानं परमगुह्यं मे यद्विज्ञानसमन्वितम् सरहस्यं तदङ्गं च गृहाण गदितं मया
śrībhagavān uvāca jñānaṃ paramaguhyaṃ me yadvijñānasamanvitam sarahasyaṃ tadaṅgaṃ ca gṛhāṇa gaditaṃ mayā
The Blessed Lord said: Receive that knowledge of mine which is supremely secret, joined with realization, together with its mystery and its parts, as declared by me.
AI translation rendered from the Sanskrit, not a published edition
SB 2 9.31
यावान् अहं यथाभावो यद्रूपगुणकर्मकः तथैव तत्त्वविज्ञानम् अस्तु ते मदनुग्रहात्
yāvān ahaṃ yathābhāvo yadrūpaguṇakarmakaḥ tathaiva tattvavijñānam astu te madanugrahāt
As great as I am, of whatever nature, of whatever form, qualities and actions—let the true realization of that be yours by my grace.
AI translation rendered from the Sanskrit, not a published edition
SB 2 9.32
अहम् एवासम् एवाग्रे नान्यद्यत् सदसत् परम् पश्चादहं यदेतच् च यो ऽवशिष्येत सो ऽस्म्यहम्
aham evāsam evāgre nānyadyat sadasat param paścādahaṃ yadetac ca yo 'vaśiṣyeta so 'smyaham
I alone existed in the beginning; there was nothing else, neither the manifest nor the unmanifest nor what is beyond. And afterwards I am, and this that is; and what would remain over, that too am I.
AI translation rendered from the Sanskrit, not a published edition
SB 2 9.33
ऋते ऽर्थं यत् प्रतीयेत न प्रतीयेत चात्मनि तद्विद्यादात्मनो मायां यथाभासो यथा तमः
ṛte 'rthaṃ yat pratīyeta na pratīyeta cātmani tadvidyādātmano māyāṃ yathābhāso yathā tamaḥ
What appears apart from the real, and does not appear in the Self—that one should know as the Self's māyā, like a reflection, like darkness.
AI translation rendered from the Sanskrit, not a published edition — the model flagged this verse as uncertain
SB 2 9.34
यथा महान्ति भूतानि भूतेषूच्चावचेष्वनु प्रविष्टान्यप्रविष्टानि तथा तेषु न तेष्वहम्
yathā mahānti bhūtāni bhūteṣūccāvaceṣvanu praviṣṭānyapraviṣṭāni tathā teṣu na teṣvaham
As the great elements have entered into beings, high and low, and yet have not entered them, so am I in them and not in them.
AI translation rendered from the Sanskrit, not a published edition
SB 2 9.35
एतावदेव जिज्ञास्यं तत्त्वजिज्ञासुनात्मनः अन्वयव्यतिरेकाभ्यां यत् स्यात् सर्वत्र सर्वदा
etāvadeva jijñāsyaṃ tattvajijñāsunātmanaḥ anvayavyatirekābhyāṃ yat syāt sarvatra sarvadā
Just this much is to be inquired into by one who seeks the truth of the Self: that which would exist everywhere and always, (known) by positive and negative concomitance.
AI translation rendered from the Sanskrit, not a published edition
SB 2 9.36
एतन् मतं समातिष्ठ परमेण समाधिना भवान् कल्पविकल्पेषु न विमुह्यति कर्हिचित्
etan mataṃ samātiṣṭha parameṇa samādhinā bhavān kalpavikalpeṣu na vimuhyati karhicit
Abide firmly by this conclusion with supreme concentration; then you will never be deluded amid the aeons and their variations.
AI translation rendered from the Sanskrit, not a published edition
SB 2 9.37
श्रीशुक उवाच सम्प्रदिश्यैवम् अजनो जनानां परमेष्ठिनम् पश्यतस्तस्य तद्रूपम् आत्मनो न्यरुणद्धरिः
śrīśuka uvāca sampradiśyaivam ajano janānāṃ parameṣṭhinam paśyatastasya tadrūpam ātmano nyaruṇaddhariḥ
Śrī Śuka said: Having thus instructed the highest of beings, Brahmā, the unborn Hari withheld that form of his from him as he looked on.
AI translation rendered from the Sanskrit, not a published edition
SB 2 9.38
अन्तर्हितेन्द्रियार्थाय हरये विहिताञ्जलिः सर्वभूतमयो विश्वं ससर्जेदं स पूर्ववत्
antarhitendriyārthāya haraye vihitāñjaliḥ sarvabhūtamayo viśvaṃ sasarjedaṃ sa pūrvavat
With folded hands to Hari, who had withdrawn (himself as) the object of the senses, he, made of all beings, emitted this universe as before.
AI translation rendered from the Sanskrit, not a published edition
SB 2 9.39
प्रजापतिर्धर्मपतिरेकदा नियमान् यमान् भद्रं प्रजानाम् अन्विच्छन्न् आतिष्ठत् स्वार्थकाम्यया
prajāpatirdharmapatirekadā niyamān yamān bhadraṃ prajānām anvicchann ātiṣṭhat svārthakāmyayā
Once the lord of creatures, the master of dharma, seeking the welfare of his progeny and desiring his own good, undertook the restraints and observances.
AI translation rendered from the Sanskrit, not a published edition
SB 2 9.40
तं नारदः प्रियतमो रिक्थादानाम् अनुव्रतः शुश्रूषमाणः शीलेन प्रश्रयेण दमेन च
taṃ nāradaḥ priyatamo rikthādānām anuvrataḥ śuśrūṣamāṇaḥ śīlena praśrayeṇa damena ca
Nārada, the dearest of the heirs, devoted to him, serving him with good conduct, humility and self-control,
AI translation rendered from the Sanskrit, not a published edition
SB 2 9.41
मायां विविदिषन् विष्णोर्मायेशस्य महामुनिः महाभागवतो राजन् पितरं पर्यतोषयत्
māyāṃ vividiṣan viṣṇormāyeśasya mahāmuniḥ mahābhāgavato rājan pitaraṃ paryatoṣayat
—the great sage, the great devotee, wishing to know the māyā of Viṣṇu, the lord of māyā—fully satisfied his father, O king.
AI translation rendered from the Sanskrit, not a published edition
SB 2 9.42
तुष्टं निशाम्य पितरं लोकानां प्रपितामहम् देवर्षिः परिपप्रच्छ भवान् यन् मानुपृच्छति
tuṣṭaṃ niśāmya pitaraṃ lokānāṃ prapitāmaham devarṣiḥ paripapraccha bhavān yan mānupṛcchati
Seeing his father, the great-grandfather of the worlds, pleased, the divine sage questioned him about that which you are asking me.
AI translation rendered from the Sanskrit, not a published edition
SB 2 9.43
तस्मा इदं भागवतं पुराणं दशलक्षणम् प्रोक्तं भगवता प्राह प्रीतः पुत्राय भूतकृत्
tasmā idaṃ bhāgavataṃ purāṇaṃ daśalakṣaṇam proktaṃ bhagavatā prāha prītaḥ putrāya bhūtakṛt
To him the maker of beings, pleased, spoke this Bhāgavata Purāṇa of ten characteristics, which had been declared to him by the Lord, to his son.
AI translation rendered from the Sanskrit, not a published edition
SB 2 9.44
नारदः प्राह मुनये सरस्वत्यास्तटे नृप ध्यायते ब्रह्म परमं व्यासायामिततेजसे
nāradaḥ prāha munaye sarasvatyāstaṭe nṛpa dhyāyate brahma paramaṃ vyāsāyāmitatejase
Nārada spoke it, O king, to the sage Vyāsa of immeasurable brilliance, on the bank of the Sarasvatī, as he meditated on the supreme Brahman.
AI translation rendered from the Sanskrit, not a published edition
SB 2 9.45
यदुताहं त्वया पृष्टो वैराजात् पुरुषादिदम् यथासीत् तदुपाख्यास्ते प्रश्नान् अन्यांश्च कृत्स्नशः
yadutāhaṃ tvayā pṛṣṭo vairājāt puruṣādidam yathāsīt tadupākhyāste praśnān anyāṃśca kṛtsnaśaḥ
As for what you asked me—how this (universe) came to be from the cosmic Person—that will be recounted to you, and the other questions too, in full.
AI translation rendered from the Sanskrit, not a published edition