Bhagavata Purana — Skandha 12 — Chapter 3
SB 12 3.1
श्री-शुक उवाच दृष्ट्वात्मनि जये व्यग्रान् नृपान् हसति भूर् इयम् अहो मा विजिगीषन्ति मृत्योः क्रीडनका नृपाः
śrī-śuka uvāca dṛṣṭvātmani jaye vyagrān nṛpān hasati bhūr iyam aho mā vijigīṣanti mṛtyoḥ krīḍanakā nṛpāḥ
Śrī Śuka said: Seeing kings intent on conquest, this earth laughs: "Ah, these kings, playthings of death, wish to conquer me!"
AI translation rendered from the Sanskrit, not a published edition
SB 12 3.2
काम एष नरेन्द्राणां मोघः स्याद् विदुषाम् अपि येन फेनोपमे पिण्डे ये ऽति-विश्रम्भिता नृपाः
kāma eṣa narendrāṇāṃ moghaḥ syād viduṣām api yena phenopame piṇḍe ye 'ti-viśrambhitā nṛpāḥ
This desire of rulers of men is futile, even for the learned, since by it kings become excessively trusting in a body that is like foam.
AI translation rendered from the Sanskrit, not a published edition
SB 12 3.3
पूर्वं निर्जित्य षड्-वर्गं जेष्यामो राज-मन्त्रिणः ततः सचिव-पौराप्त- करीन्द्रान् अस्य कण्टकान्
pūrvaṃ nirjitya ṣaḍ-vargaṃ jeṣyāmo rāja-mantriṇaḥ tataḥ saciva-paurāpta- karīndrān asya kaṇṭakān
"First having conquered the group of six (enemies), we shall conquer the king's ministers; then his counsellors, citizens, allies and chief elephants, who are his thorns."
AI translation rendered from the Sanskrit, not a published edition
SB 12 3.4
एवं क्रमेण जेष्यामः पृथ्वीं सागर-मेखलाम् इत्य् आशा-बद्ध-हृदया न पश्यन्त्य् अन्तिके ऽन्तकम्
evaṃ krameṇa jeṣyāmaḥ pṛthvīṃ sāgara-mekhalām ity āśā-baddha-hṛdayā na paśyanty antike 'ntakam
"Thus, step by step, we shall conquer the earth girdled by the ocean" — with hearts bound by such hope, they do not see the ender (death) close at hand.
AI translation rendered from the Sanskrit, not a published edition
SB 12 3.5
समुद्रावरणां जित्वा मां विशन्त्य् अब्धिम् ओजसा कियद् आत्म-जयस्यैतन् मुक्तिर् आत्म-जये फलम्
samudrāvaraṇāṃ jitvā māṃ viśanty abdhim ojasā kiyad ātma-jayasyaitan muktir ātma-jaye phalam
Having conquered me who am bounded by the sea, they enter the ocean by their might. How much is this, compared with conquest of the self? Liberation is the fruit of conquering the self.
AI translation rendered from the Sanskrit, not a published edition
SB 12 3.6
यां विसृज्यैव मनवस् तत्-सुताश् च कुरूद्वह गता यथागतं युद्धे तां मां जेष्यन्त्य् अबुद्धयः
yāṃ visṛjyaiva manavas tat-sutāś ca kurūdvaha gatā yathāgataṃ yuddhe tāṃ māṃ jeṣyanty abuddhayaḥ
O best of the Kurus, that very me which the Manus and their sons abandoned, going as they had come — the unintelligent seek to conquer me in battle.
AI translation rendered from the Sanskrit, not a published edition
SB 12 3.7
मत्-कृते पितृ-पुत्राणां भ्रातृणां चापि विग्रहः जायते ह्य् असतां राज्ये ममता-बद्ध-चेतसाम्
mat-kṛte pitṛ-putrāṇāṃ bhrātṛṇāṃ cāpi vigrahaḥ jāyate hy asatāṃ rājye mamatā-baddha-cetasām
On my account there arises strife between fathers and sons, and between brothers too, among the wicked whose minds are bound by possessiveness toward a kingdom.
AI translation rendered from the Sanskrit, not a published edition
SB 12 3.8
ममैवेयं मही कृत्स्ना न ते मूढेति वादिनः स्पर्धमाना मिथो घ्नन्ति म्रियन्ते मत्-कृते नृपाः
mamaiveyaṃ mahī kṛtsnā na te mūḍheti vādinaḥ spardhamānā mitho ghnanti mriyante mat-kṛte nṛpāḥ
"This whole earth is mine alone, not yours, fool!" — so saying, contending with one another, kings kill and die for my sake.
AI translation rendered from the Sanskrit, not a published edition
SB 12 3.9
पृथुः पुरूरवा गाधिर् नहुषो भरतो ऽर्जुनः मान्धाता सगरो रामः खट्वाङ्गो धुन्धुहा रघुः
pṛthuḥ purūravā gādhir nahuṣo bharato 'rjunaḥ māndhātā sagaro rāmaḥ khaṭvāṅgo dhundhuhā raghuḥ
Pṛthu, Purūravā, Gādhi, Nahuṣa, Bharata, Arjuna (Kārtavīrya), Māndhātā, Sagara, Rāma, Khaṭvāṅga, the slayer of Dhundhu, Raghu,
AI translation rendered from the Sanskrit, not a published edition
SB 12 3.10
तृणबिन्दुर् ययातिश् च शर्यातिः शन्तनुर् गयः भगीरथः कुवलयाश्वः ककुत्स्थो नैषधो नृगः
tṛṇabindur yayātiś ca śaryātiḥ śantanur gayaḥ bhagīrathaḥ kuvalayāśvaḥ kakutstho naiṣadho nṛgaḥ
Tṛṇabindu, Yayāti, Śaryāti, Śantanu, Gaya, Bhagīratha, Kuvalayāśva, Kakutstha, Naiṣadha (Nala), Nṛga,
AI translation rendered from the Sanskrit, not a published edition
SB 12 3.11
हिरण्यकशिपुर् वृत्रो रावणो लोक-रावणः नमुचिः शम्बरो भौमो हिरण्याक्षो ऽथ तारकः
hiraṇyakaśipur vṛtro rāvaṇo loka-rāvaṇaḥ namuciḥ śambaro bhaumo hiraṇyākṣo 'tha tārakaḥ
Hiraṇyakaśipu, Vṛtra, Rāvaṇa the tormentor of the worlds, Namuci, Śambara, Bhauma (Naraka), Hiraṇyākṣa, and Tāraka,
AI translation rendered from the Sanskrit, not a published edition
SB 12 3.12
अन्ये च बहवो दैत्या राजानो ये महेश्वराः सर्वे सर्व-विदः शूराः सर्वे सर्व-जितो ऽजिताः
anye ca bahavo daityā rājāno ye maheśvarāḥ sarve sarva-vidaḥ śūrāḥ sarve sarva-jito 'jitāḥ
and many other Daityas and kings who were great lords — all of them all-knowing, all heroes, all all-conquering and unconquered.
AI translation rendered from the Sanskrit, not a published edition
SB 12 3.13
ममतां मय्य् अवर्तन्त कृत्वोच्चैर् मर्त्य-धर्मिणः कथावशेषाः कालेन ह्य् अकृतार्थाः कृता विभो
mamatāṃ mayy avartanta kṛtvoccair martya-dharmiṇaḥ kathāvaśeṣāḥ kālena hy akṛtārthāḥ kṛtā vibho
Though subject to mortality, they exercised intense possessiveness toward me; but by Time they were made mere remnants of story, their aims unaccomplished, O mighty one.
AI translation rendered from the Sanskrit, not a published edition
SB 12 3.14
कथा इमास् ते कथिता महीयसां विताय लोकेषु यशः परेयुषाम् विज्ञान-वैराग्य-विवक्षया विभो वचो-विभूतीर् न तु पारमार्थ्यम्
kathā imās te kathitā mahīyasāṃ vitāya lokeṣu yaśaḥ pareyuṣām vijñāna-vairāgya-vivakṣayā vibho vaco-vibhūtīr na tu pāramārthyam
These accounts of the great ones who have passed away have been told to you, spreading their fame in the worlds, with the intent of teaching discernment and detachment, O mighty one — they are displays of speech, not the ultimate truth.
AI translation rendered from the Sanskrit, not a published edition
SB 12 3.15
यस् तूत्तमः-श्लोक-गुणानुवादः सङ्गीयते ऽभीक्ष्णम् अमङ्गल-घ्नः तम् एव नित्यं शृणुयाद् अभीक्ष्णं कृष्णे ऽमलां भक्तिम् अभीप्समानः
yas tūttamaḥ-śloka-guṇānuvādaḥ saṅgīyate 'bhīkṣṇam amaṅgala-ghnaḥ tam eva nityaṃ śṛṇuyād abhīkṣṇaṃ kṛṣṇe 'malāṃ bhaktim abhīpsamānaḥ
But that recounting of the qualities of him of excellent renown, which is constantly sung and destroys the inauspicious — that alone one should hear always, again and again, if one desires spotless devotion to Kṛṣṇa.
AI translation rendered from the Sanskrit, not a published edition
SB 12 3.16
श्री-राजोवाच केनोपायेन भगवन् कलेर् दोषान् कलौ जनाः विधमिष्यन्त्य् उपचितांस् तन् मे ब्रूहि यथा मुने
śrī-rājovāca kenopāyena bhagavan kaler doṣān kalau janāḥ vidhamiṣyanty upacitāṃs tan me brūhi yathā mune
The king said: By what means, O lord, will people in the Kali age dispel the accumulated faults of Kali? Tell me that, O sage, how (it is done).
AI translation rendered from the Sanskrit, not a published edition
SB 12 3.17
युगानि युग-धर्मांश् च मानं प्रलय-कल्पयोः कालस्येश्वर-रूपस्य गतिं विष्णोर् महात्मनः
yugāni yuga-dharmāṃś ca mānaṃ pralaya-kalpayoḥ kālasyeśvara-rūpasya gatiṃ viṣṇor mahātmanaḥ
(Tell me also of) the yugas and the duties of the yugas, the measure of the dissolution and the kalpa, and the course of Time, which is the form of the Lord, of the great soul Viṣṇu.
AI translation rendered from the Sanskrit, not a published edition
SB 12 3.18
श्री-शुक उवाच कृते प्रवर्तते धर्मश् चतुष्-पात् तज्-जनैर् धृतः सत्यं दया तपो दानम् इति पादा विभोर् नृप
śrī-śuka uvāca kṛte pravartate dharmaś catuṣ-pāt taj-janair dhṛtaḥ satyaṃ dayā tapo dānam iti pādā vibhor nṛpa
Śrī Śuka said: In the Kṛta age dharma proceeds on four feet, upheld by the people of that age; truth, compassion, austerity and charity — these, O king, are the feet of the mighty (dharma).
AI translation rendered from the Sanskrit, not a published edition
SB 12 3.19
सन्तुष्टाः करुणा मैत्राः शान्ता दान्तास् तितिक्षवः आत्मारामाः सम-दृशः प्रायशः श्रमणा जनाः
santuṣṭāḥ karuṇā maitrāḥ śāntā dāntās titikṣavaḥ ātmārāmāḥ sama-dṛśaḥ prāyaśaḥ śramaṇā janāḥ
Content, compassionate, friendly, peaceful, self-controlled, forbearing, delighting in the self, seeing all alike — such for the most part are the people who strive (in that age).
AI translation rendered from the Sanskrit, not a published edition
SB 12 3.20
त्रेतायां धर्म-पादानां तुर्यांशो हीयते शनैः अधर्म-पादैर् अनृत- हिंषासन्तोष-विग्रहैः
tretāyāṃ dharma-pādānāṃ turyāṃśo hīyate śanaiḥ adharma-pādair anṛta- hiṃṣāsantoṣa-vigrahaiḥ
In the Tretā age a quarter of dharma's feet is gradually lost through the feet of adharma — falsehood, violence, discontent and quarrel.
AI translation rendered from the Sanskrit, not a published edition
SB 12 3.21
तदा क्रिया-तपो-निष्ठा नाति-हिंस्रा न लम्पटाः त्रै-वर्गिकास् त्रयी-वृद्धा वर्णा ब्रह्मोत्तरा नृप
tadā kriyā-tapo-niṣṭhā nāti-hiṃsrā na lampaṭāḥ trai-vargikās trayī-vṛddhā varṇā brahmottarā nṛpa
Then (people) are fixed on ritual and austerity, not overly violent, not debauched, pursuing the three aims (of life) and grown great in the three Vedas; the classes (are then) predominantly brahminical, O king.
AI translation rendered from the Sanskrit, not a published edition
SB 12 3.22
तपः-सत्य-दया-दानेष्व् अर्धं ह्रस्वति द्वापरे हिंसातुष्ट्य्-अनृत-द्वेषैर् धर्मस्याधर्म-लक्षणैः
tapaḥ-satya-dayā-dāneṣv ardhaṃ hrasvati dvāpare hiṃsātuṣṭy-anṛta-dveṣair dharmasyādharma-lakṣaṇaiḥ
In Dvāpara half is lost in austerity, truthfulness, mercy and charity, through violence, discontent, untruth and enmity, which are the marks of irreligion in dharma.
AI translation rendered from the Sanskrit, not a published edition
SB 12 3.23
यशस्विनो महा-शीलाः स्वाध्यायाध्ययने रताः आध्याः कुटुम्बिनो हृष्टा वर्णाः क्षत्र-द्विजोत्तराः
yaśasvino mahā-śīlāḥ svādhyāyādhyayane ratāḥ ādhyāḥ kuṭumbino hṛṣṭā varṇāḥ kṣatra-dvijottarāḥ
Renowned, of great character, delighting in the recitation of their own (branch of) Veda, prosperous, householders and cheerful — the classes (are then) predominantly kṣatriya and brahminical.
AI translation rendered from the Sanskrit, not a published edition
SB 12 3.24
कलौ तु धर्म-पादानां तुर्यांशो ऽधर्म-हेतुभिः एधमानैः क्षीयमाणो ह्य् अन्ते सो ऽपि विनङ्क्ष्यति
kalau tu dharma-pādānāṃ turyāṃśo 'dharma-hetubhiḥ edhamānaiḥ kṣīyamāṇo hy ante so 'pi vinaṅkṣyati
But in Kali only a quarter of the legs of dharma (remains), and being worn away by the swelling causes of irreligion, in the end even that will perish.
AI translation rendered from the Sanskrit, not a published edition
SB 12 3.25
तस्मिन् लुब्धा दुराचारा निर्दयाः शुष्क-वैरिणः दुर्भगा भूरि-तर्षाश् च शूद्र-दासोत्तराः प्रजाः
tasmin lubdhā durācārā nirdayāḥ śuṣka-vairiṇaḥ durbhagā bhūri-tarṣāś ca śūdra-dāsottarāḥ prajāḥ
In it (the people are) greedy, of bad conduct, pitiless, hostile without cause, unfortunate and full of great craving; the populace is predominantly śūdras and slaves.
AI translation rendered from the Sanskrit, not a published edition
SB 12 3.26
सत्त्वं रजस् तम इति दृश्यन्ते पुरुषे गुणाः काल-सञ्चोदितास् ते वै परिवर्तन्त आत्मनि
sattvaṃ rajas tama iti dṛśyante puruṣe guṇāḥ kāla-sañcoditās te vai parivartanta ātmani
Goodness, passion and darkness — these qualities are seen in a person; impelled by time, they indeed revolve within the self.
AI translation rendered from the Sanskrit, not a published edition
SB 12 3.27
प्रभवन्ति यदा सत्त्वे मनो-बुद्धीन्द्रियाणि च तदा कृत-युगं विद्याज् ज्ञाने तपसि यद् रुचिः
prabhavanti yadā sattve mano-buddhīndriyāṇi ca tadā kṛta-yugaṃ vidyāj jñāne tapasi yad ruciḥ
When mind, intelligence and the senses are strong in goodness, then one should know it to be the Kṛta age, since (then) delight is in knowledge and austerity.
AI translation rendered from the Sanskrit, not a published edition
SB 12 3.28
यदा कर्मसु काम्येषु भक्तिर् यशसि देहिनाम् तदा त्रेता रजो-वृत्तिर् इति जानीहि बुद्धिमन्
yadā karmasu kāmyeṣu bhaktir yaśasi dehinām tadā tretā rajo-vṛttir iti jānīhi buddhiman
When the devotion of embodied beings is to actions done for desire and to fame, then know it to be Tretā, whose activity is passion, O wise one.
AI translation rendered from the Sanskrit, not a published edition
SB 12 3.29
यदा लोभस् त्व् असन्तोषो मानो दम्भो ऽथ मत्सरः कर्मणां चापि काम्यानां द्वापरं तद् रजस्-तमः
yadā lobhas tv asantoṣo māno dambho 'tha matsaraḥ karmaṇāṃ cāpi kāmyānāṃ dvāparaṃ tad rajas-tamaḥ
But when there is greed, discontent, arrogance, hypocrisy and then envy, and also (attachment) to actions done for desire — that is Dvāpara, (a mixture of) passion and darkness.
AI translation rendered from the Sanskrit, not a published edition
SB 12 3.30
यदा मायानृतं तन्द्रा निद्रा हिंसा विषादनम् शोक-मोहौ भयं दैन्यं स कलिस् तामसः स्मृतः
yadā māyānṛtaṃ tandrā nidrā hiṃsā viṣādanam śoka-mohau bhayaṃ dainyaṃ sa kalis tāmasaḥ smṛtaḥ
When there is deceit, untruth, lethargy, sleep, violence, depression, grief and delusion, fear and wretchedness — that is known as Kali, made of darkness.
AI translation rendered from the Sanskrit, not a published edition
SB 12 3.31
तस्मात् क्षुद्र-दृशो मर्त्याः क्षुद्र-भाग्या महाशनाः कामिनो वित्त-हीनाश् च स्वैरिण्यश् च स्त्रियो ऽसतीः
tasmāt kṣudra-dṛśo martyāḥ kṣudra-bhāgyā mahāśanāḥ kāmino vitta-hīnāś ca svairiṇyaś ca striyo 'satīḥ
Therefore mortals are of petty vision, of petty fortune, big eaters, lustful and destitute of wealth; and the women are wanton and unchaste.
AI translation rendered from the Sanskrit, not a published edition
SB 12 3.32
दस्यूत्कृष्टा जनपदा वेदाः पाषण्ड-दूषिताः राजानश् च प्रजा-भक्षाः शिश्नोदर-परा द्विजाः
dasyūtkṛṣṭā janapadā vedāḥ pāṣaṇḍa-dūṣitāḥ rājānaś ca prajā-bhakṣāḥ śiśnodara-parā dvijāḥ
The settled lands are dominated by robbers, the Vedas are defiled by heretics, the kings devour their subjects, and the twice-born are given over to their genitals and bellies.
AI translation rendered from the Sanskrit, not a published edition
SB 12 3.33
अव्रता बटवो ऽशौचा भिक्षवश् च कुटुम्बिनः तपस्विनो ग्राम-वासा न्यासिनो ऽत्यर्थ-लोलुपाः
avratā baṭavo 'śaucā bhikṣavaś ca kuṭumbinaḥ tapasvino grāma-vāsā nyāsino 'tyartha-lolupāḥ
The students are without vows and unclean, the mendicants are family men, the ascetics dwell in villages, and the renunciants are exceedingly greedy for wealth.
AI translation rendered from the Sanskrit, not a published edition
SB 12 3.34
ह्रस्व-काया महाहारा भूर्य्-अपत्या गत-ह्रियः शश्वत् कटुक-भाषिण्यश् चौर्य-मायोरु-साहसाः
hrasva-kāyā mahāhārā bhūry-apatyā gata-hriyaḥ śaśvat kaṭuka-bhāṣiṇyaś caurya-māyoru-sāhasāḥ
(The women are) short of body, big eaters, having many children, devoid of shame, constantly speaking harshly, and full of thieving, deceit and great recklessness.
AI translation rendered from the Sanskrit, not a published edition
SB 12 3.35
पणयिष्यन्ति वै क्षुद्राः किराटाः कूट-कारिणः अनापद्य् अपि मंस्यन्ते वार्तां साधु जुगुप्सिताम्
paṇayiṣyanti vai kṣudrāḥ kirāṭāḥ kūṭa-kāriṇaḥ anāpady api maṃsyante vārtāṃ sādhu jugupsitām
Petty, cheating traders will do business with fraud; even when not in distress they will think a despicable trade to be good.
AI translation rendered from the Sanskrit, not a published edition — the model flagged this verse as uncertain
SB 12 3.36
पतिं त्यक्ष्यन्ति निर्द्रव्यं भृत्या अप्य् अखिलोत्तमम् भृत्यं विपन्नं पतयः कौलं गाश् चापयस्विनीः
patiṃ tyakṣyanti nirdravyaṃ bhṛtyā apy akhilottamam bhṛtyaṃ vipannaṃ patayaḥ kaulaṃ gāś cāpayasvinīḥ
Servants will abandon a master who has lost his property, even though he be the best of all, and masters (will abandon) a servant fallen into misfortune, even a hereditary one, and cows that give no milk.
AI translation rendered from the Sanskrit, not a published edition
SB 12 3.37
पितृ-भ्रातृ-सुहृज्-ज्ञातीन् हित्वा सौरत-सौहृदाः ननान्दृ-श्याल-संवादा दीनाः स्त्रैणाः कलौ नराः
pitṛ-bhrātṛ-suhṛj-jñātīn hitvā saurata-sauhṛdāḥ nanāndṛ-śyāla-saṃvādā dīnāḥ straiṇāḥ kalau narāḥ
Abandoning fathers, brothers, friends and kinsmen, having affection based on sex, holding conversations with sisters-in-law and brothers-in-law, the men in Kali are wretched and dominated by women.
AI translation rendered from the Sanskrit, not a published edition
SB 12 3.38
शूद्राः प्रतिग्रहीष्यन्ति तपो-वेषोपजीविनः धर्मं वक्ष्यन्त्य् अधर्म-ज्ञा अधिरुह्योत्तमासनम्
śūdrāḥ pratigrahīṣyanti tapo-veṣopajīvinaḥ dharmaṃ vakṣyanty adharma-jñā adhiruhyottamāsanam
Śūdras will accept charity, living by the garb of austerity, and those who do not know dharma will speak about dharma, having mounted a high seat.
AI translation rendered from the Sanskrit, not a published edition
SB 12 3.39
नित्यं उद्विग्न-मनसो दुर्भिक्ष-कर-कर्शिताः निरन्ने भू-तले राजन् अनावृष्टि-भयातुराः
nityaṃ udvigna-manaso durbhikṣa-kara-karśitāḥ niranne bhū-tale rājan anāvṛṣṭi-bhayāturāḥ
Their minds always agitated, emaciated by famine and taxation, on an earth without food, O king, (they are) afflicted by the fear of drought.
AI translation rendered from the Sanskrit, not a published edition
SB 12 3.40
वासो-ऽन्न-पान-शयन- व्यवाय-स्नान-भूषणैः हीनाः पिशाच-सन्दर्शा भविष्यन्ति कलौ प्रजाः
vāso-'nna-pāna-śayana- vyavāya-snāna-bhūṣaṇaiḥ hīnāḥ piśāca-sandarśā bhaviṣyanti kalau prajāḥ
Deprived of clothing, food, drink, rest, sexual intercourse, bathing and ornaments, the people in Kali will look like ghouls.
AI translation rendered from the Sanskrit, not a published edition
SB 12 3.41
कलौ काकिणिके ऽप्य् अर्थे विगृह्य त्यक्त-सौहृदाः त्यक्ष्यन्ति च प्रियान् प्राणान् हनिष्यन्ति स्वकान् अपि
kalau kākiṇike 'py arthe vigṛhya tyakta-sauhṛdāḥ tyakṣyanti ca priyān prāṇān haniṣyanti svakān api
In the Kali age, quarreling even over a single kākiṇī coin, (people) will abandon friendship; they will give up even their own dear lives and will kill their own kin.
AI translation rendered from the Sanskrit, not a published edition
SB 12 3.42
न रक्षिष्यन्ति मनुजाः स्थविरौ पितराव् अपि पुत्रान् भार्यां च कुल-जां क्षुद्राः शिश्नोदरं-भराः
na rakṣiṣyanti manujāḥ sthavirau pitarāv api putrān bhāryāṃ ca kula-jāṃ kṣudrāḥ śiśnodaraṃ-bharāḥ
Men will not maintain even their aged parents, nor their sons, nor a wife of good family—petty (creatures), filling (only) their genitals and bellies.
AI translation rendered from the Sanskrit, not a published edition
SB 12 3.43
कलौ न राजन् जगतां परं गुरुं त्रि-लोक-नाथानत-पाद-पङ्कजम् प्रायेण मर्त्या भगवन्तम् अच्युतं यक्ष्यन्ति पाषण्ड-विभिन्न-चेतसः
kalau na rājan jagatāṃ paraṃ guruṃ tri-loka-nāthānata-pāda-paṅkajam prāyeṇa martyā bhagavantam acyutaṃ yakṣyanti pāṣaṇḍa-vibhinna-cetasaḥ
In the Kali age, O king, mortals, their minds split apart by heresies, will for the most part not worship the Lord, the imperishable one, the supreme teacher of the worlds, at whose lotus feet the rulers of the three worlds bow.
AI translation rendered from the Sanskrit, not a published edition
SB 12 3.44
यन्-नामधेयं म्रियमाण आतुरः पतन् स्खलन् वा विवशो गृणन् पुमान् विमुक्त-कर्मार्गल उत्तमां गतिं प्राप्नोति यक्ष्यन्ति न तं कलौ जनाः
yan-nāmadheyaṃ mriyamāṇa āturaḥ patan skhalan vā vivaśo gṛṇan pumān vimukta-karmārgala uttamāṃ gatiṃ prāpnoti yakṣyanti na taṃ kalau janāḥ
He whose name, when a man utters it while dying, or in sickness, falling, or stumbling, even helplessly, (frees him so that) with the bolt of (his) karma removed he attains the highest destination—him people will not worship in the Kali age.
AI translation rendered from the Sanskrit, not a published edition
SB 12 3.45
पुंसां कलि-कृतान् दोषान् द्रव्य-देशात्म-सम्भवान् सर्वान् हरति चित्त-स्थो भगवान् पुरुषोत्तमः
puṃsāṃ kali-kṛtān doṣān dravya-deśātma-sambhavān sarvān harati citta-stho bhagavān puruṣottamaḥ
The Lord, the Supreme Person, seated in the mind, takes away all the faults of men produced by Kali, arising from things, from places, and from oneself.
AI translation rendered from the Sanskrit, not a published edition
SB 12 3.46
श्रुतः सङ्कीर्तितो ध्यातः पूजितश् चादृतो ऽपि वा नृणां धुनोति भगवान् हृत्-स्थो जन्मायुताशुभम्
śrutaḥ saṅkīrtito dhyātaḥ pūjitaś cādṛto 'pi vā nṛṇāṃ dhunoti bhagavān hṛt-stho janmāyutāśubham
Heard, glorified, meditated upon, worshipped, or even merely honoured, the Lord dwelling in the heart shakes off men's evil accumulated over ten thousand births.
AI translation rendered from the Sanskrit, not a published edition
SB 12 3.47
यथा हेम्नि स्थितो वह्निर् दुर्वर्णं हन्ति धातु-जम् एवम् आत्म-गतो विष्णुर् योगिनाम् अशुभाशयम्
yathā hemni sthito vahnir durvarṇaṃ hanti dhātu-jam evam ātma-gato viṣṇur yoginām aśubhāśayam
As fire placed in gold destroys the discoloration born of the (base) metals, so Viṣṇu, entered into the self, (destroys) the inauspicious disposition of yogis.
AI translation rendered from the Sanskrit, not a published edition
SB 12 3.48
विद्या-तपः-प्राण-निरोध-मैत्री- तीर्थाभिषेक-व्रत-दान-जप्यैः नात्यन्त-शुद्धिं लभते ऽन्तरात्मा यथा हृदि-स्थे भगवत्य् अनन्ते
vidyā-tapaḥ-prāṇa-nirodha-maitrī- tīrthābhiṣeka-vrata-dāna-japyaiḥ nātyanta-śuddhiṃ labhate 'ntarātmā yathā hṛdi-sthe bhagavaty anante
By learning, austerity, breath-control, friendliness, bathing at holy places, vows, gifts, and recitations, the inner self does not attain such utter purity as (it does) when the infinite Lord is present in the heart.
AI translation rendered from the Sanskrit, not a published edition
SB 12 3.49
तस्मात् सर्वात्मना राजन् हृदि-स्थं कुरु केशवम् म्रियमाणो ह्य् अवहितस् ततो यासि परां गतिम्
tasmāt sarvātmanā rājan hṛdi-sthaṃ kuru keśavam mriyamāṇo hy avahitas tato yāsi parāṃ gatim
Therefore, O king, with your whole being make Keśava present in your heart; for if, while dying, you are attentive (to him), you will thereby go to the supreme destination.
AI translation rendered from the Sanskrit, not a published edition
SB 12 3.50
म्रियमाणैर् अभिध्येयो भगवान् परमेश्वरः आत्म-भावं नयत्य् अङ्ग सर्वात्मा सर्व-संश्रयः
mriyamāṇair abhidhyeyo bhagavān parameśvaraḥ ātma-bhāvaṃ nayaty aṅga sarvātmā sarva-saṃśrayaḥ
The Lord, the supreme controller, when meditated upon by those who are dying, leads (them), dear one, to (his) own state—he who is the Self of all and the refuge of all.
AI translation rendered from the Sanskrit, not a published edition
SB 12 3.51
कलेर् दोष-निधे राजन्न् अस्ति ह्य् एको महान् गुणः कीर्तनाद् एव कृष्णस्य मुक्त-सङ्गः परं व्रजेत्
kaler doṣa-nidhe rājann asti hy eko mahān guṇaḥ kīrtanād eva kṛṣṇasya mukta-saṅgaḥ paraṃ vrajet
O king, in Kali, that ocean of faults, there is indeed one great virtue: merely by the chanting of Kṛṣṇa, one becomes freed from attachment and can go to the Supreme.
AI translation rendered from the Sanskrit, not a published edition
SB 12 3.52
कृते यद् ध्यायतो विष्णुं त्रेतायां यजतो मखैः द्वापरे परिचर्यायां कलौ तद् धरि-कीर्तनात्
kṛte yad dhyāyato viṣṇuṃ tretāyāṃ yajato makhaiḥ dvāpare paricaryāyāṃ kalau tad dhari-kīrtanāt
What (is gained) in Kṛta by meditating on Viṣṇu, in Tretā by sacrificing with rites, in Dvāpara by ritual service—that (is gained) in Kali by the chanting of Hari.
AI translation rendered from the Sanskrit, not a published edition