Bhagavata Purana — Skandha 12 — Chapter 2
SB 12 2.1
श्री-शुक उवाच ततश् चानु-दिनं धर्मः सत्यं शौचं क्षमा दया कालेन बलिना राजन् नङ्क्ष्यत्य् आयुर् बलं स्मृतिः
śrī-śuka uvāca tataś cānu-dinaṃ dharmaḥ satyaṃ śaucaṃ kṣamā dayā kālena balinā rājan naṅkṣyaty āyur balaṃ smṛtiḥ
Śrī Śuka said: And thereafter, O king, day by day, through mighty time, religion, truth, purity, patience, mercy, lifespan, strength and memory will perish.
AI translation rendered from the Sanskrit, not a published edition
SB 12 2.2
वित्तम् एव कलौ नॄणां जन्माचार-गुणोदयः धर्म-न्याय-व्यवस्थायां कारणं बलम् एव हि
vittam eva kalau nṝṇāṃ janmācāra-guṇodayaḥ dharma-nyāya-vyavasthāyāṃ kāraṇaṃ balam eva hi
In the Kali age wealth alone (will be the mark) of men's high birth, conduct and qualities; and in settling law and justice, power alone will be the deciding factor.
AI translation rendered from the Sanskrit, not a published edition
SB 12 2.3
दाम्पत्ये ऽभिरुचिर् हेतुर् मायैव व्यावहारिके स्त्रीत्वे पुंस्त्वे च हि रतिर् विप्रत्वे सूत्रम् एव हि
dāmpatye 'bhirucir hetur māyaiva vyāvahārike strītve puṃstve ca hi ratir vipratve sūtram eva hi
In marriage mere liking will be the ground; in dealings, deceit alone; in womanhood and manhood, sexual pleasure alone; in being a brahmin, only the (sacred) thread.
AI translation rendered from the Sanskrit, not a published edition
SB 12 2.4
लिङ्गं एवाश्रम-ख्याताव् अन्योन्यापत्ति-कारणम् अवृत्त्या न्याय-दौर्बल्यं पाण्डित्ये चापलं वचः
liṅgaṃ evāśrama-khyātāv anyonyāpatti-kāraṇam avṛttyā nyāya-daurbalyaṃ pāṇḍitye cāpalaṃ vacaḥ
External marks alone (will suffice) for repute in an āśrama, and (will be) the cause of mutual imposture; poverty (will be taken as) weakness of one's case, and glib speech as learning.
AI translation rendered from the Sanskrit, not a published edition — the model flagged this verse as uncertain
SB 12 2.5
अनाढ्यतैवासाधुत्वे साधुत्वे दम्भ एव तु स्वीकार एव चोद्वाहे स्नानम् एव प्रसाधनम्
anāḍhyataivāsādhutve sādhutve dambha eva tu svīkāra eva codvāhe snānam eva prasādhanam
Poverty alone will be (taken as) wickedness, and hypocrisy alone as saintliness; mere mutual consent will be marriage, and bathing alone will be one's adornment.
AI translation rendered from the Sanskrit, not a published edition
SB 12 2.6
दूरे वार्य्-अयनं तीर्थं लावण्यं केश-धारणम् उदरं-भरता स्वार्थः सत्यत्वे धार्ष्ट्यम् एव हि
dūre vāry-ayanaṃ tīrthaṃ lāvaṇyaṃ keśa-dhāraṇam udaraṃ-bharatā svārthaḥ satyatve dhārṣṭyam eva hi
A distant body of water will be (called) a holy place; keeping (long) hair will be beauty; filling one's belly will be the aim of life; and sheer impudence will pass for truthfulness.
AI translation rendered from the Sanskrit, not a published edition
SB 12 2.7
दाक्ष्यं कुटुम्ब-भरणं यशो ऽर्थे धर्म-सेवनम् एवं प्रजाभिर् दुष्टाभिर् आकीर्णे क्षिति-मण्डले
dākṣyaṃ kuṭumba-bharaṇaṃ yaśo 'rthe dharma-sevanam evaṃ prajābhir duṣṭābhir ākīrṇe kṣiti-maṇḍale
Ability will mean supporting one's family; religious practice will be performed for the sake of fame. Thus, with the circle of the earth crowded with corrupt people,
AI translation rendered from the Sanskrit, not a published edition
SB 12 2.8
ब्रह्म-विट्-क्षत्र-शूद्राणां यो बली भविता नृपः प्रजा हि लुब्धै राजन्यैर् निर्घृणैर् दस्यु-धर्मभिः
brahma-viṭ-kṣatra-śūdrāṇāṃ yo balī bhavitā nṛpaḥ prajā hi lubdhai rājanyair nirghṛṇair dasyu-dharmabhiḥ
whoever among brāhmaṇas, vaiśyas, kṣatriyas and śūdras is the strongest will become king. And the subjects, (oppressed) by greedy, pitiless rulers who behave like robbers,
AI translation rendered from the Sanskrit, not a published edition
SB 12 2.9
आच्छिन्न-दार-द्रविणा यास्यन्ति गिरि-काननम् शाक-मूलामिष-क्षौद्र- फल-पुष्पाष्टि-भोजनाः
ācchinna-dāra-draviṇā yāsyanti giri-kānanam śāka-mūlāmiṣa-kṣaudra- phala-puṣpāṣṭi-bhojanāḥ
their wives and property taken away, will flee to the hills and forests, living on vegetables, roots, meat, honey, fruits, flowers and seeds.
AI translation rendered from the Sanskrit, not a published edition
SB 12 2.10
अनावृष्ट्या विनङ्क्ष्यन्ति दुर्भिक्ष-कर-पीडिताः शीत-वातातप-प्रावृड्- हिमैर् अन्योन्यतः प्रजाः
anāvṛṣṭyā vinaṅkṣyanti durbhikṣa-kara-pīḍitāḥ śīta-vātātapa-prāvṛḍ- himair anyonyataḥ prajāḥ
Afflicted by famine and by taxation, the people will perish through drought, and through cold, wind, heat, rain and frost, and by each other.
AI translation rendered from the Sanskrit, not a published edition
SB 12 2.11
क्षुत्-तृड्भ्यां व्याधिभिश् चैव सन्तप्स्यन्ते च चिन्तया त्रिंशद् विंशति वर्षाणि परमायुः कलौ नृणाम्
kṣut-tṛḍbhyāṃ vyādhibhiś caiva santapsyante ca cintayā triṃśad viṃśati varṣāṇi paramāyuḥ kalau nṛṇām
They will be tormented by hunger and thirst, by diseases, and by anxiety. In the Kali age the maximum lifespan of human beings will be twenty or thirty years.
AI translation rendered from the Sanskrit, not a published edition
SB 12 2.12
क्षीयमाणेषु देहेषु देहिनां कलि-दोषतः वर्णाश्रमवतां धर्मे नष्टे वेद-पथे नृणाम्
kṣīyamāṇeṣu deheṣu dehināṃ kali-doṣataḥ varṇāśramavatāṃ dharme naṣṭe veda-pathe nṛṇām
When the bodies of embodied beings are dwindling because of the fault of Kali, and when the religious duty of those who follow the classes and orders of life is destroyed, and the Vedic path of men is lost,
AI translation rendered from the Sanskrit, not a published edition
SB 12 2.13
पाषण्ड-प्रचुरे धर्मे दस्यु-प्रायेषु राजसु चौर्यानृत-वृथा-हिंसा- नाना-वृत्तिषु वै नृषु
pāṣaṇḍa-pracure dharme dasyu-prāyeṣu rājasu cauryānṛta-vṛthā-hiṃsā- nānā-vṛttiṣu vai nṛṣu
when religion abounds in heresy, when kings are mostly robbers, and men subsist by various means such as theft, lying, and wanton violence,
AI translation rendered from the Sanskrit, not a published edition
SB 12 2.14
शूद्र-प्रायेषु वर्णेषु च्छाग-प्रायासु धेनुषु गृह-प्रायेष्व् आश्रमेषु यौन-प्रायेषु बन्धुषु
śūdra-prāyeṣu varṇeṣu cchāga-prāyāsu dhenuṣu gṛha-prāyeṣv āśrameṣu yauna-prāyeṣu bandhuṣu
when the classes are mostly śūdras, when cows are mostly like goats, when hermitages are mostly (mere) households, and when family ties are mostly (based on) marriage,
AI translation rendered from the Sanskrit, not a published edition
SB 12 2.15
अणु-प्रायास्व् ओषधीषु शमी-प्रायेषु स्थास्नुषु विद्युत्-प्रायेषु मेघेषु शून्य-प्रायेषु सद्मसु
aṇu-prāyāsv oṣadhīṣu śamī-prāyeṣu sthāsnuṣu vidyut-prāyeṣu megheṣu śūnya-prāyeṣu sadmasu
when plants are mostly tiny, when trees are mostly like the śamī, when clouds are mostly (mere) lightning, and when houses are mostly empty,
AI translation rendered from the Sanskrit, not a published edition
SB 12 2.16
इत्थं कलौ गत-प्राये जनेषु खर-धर्मिषु धर्म-त्राणाय सत्त्वेन भगवान् अवतरिष्यति
itthaṃ kalau gata-prāye janeṣu khara-dharmiṣu dharma-trāṇāya sattvena bhagavān avatariṣyati
thus, when the Kali age is nearly over and people have the character of asses, the Lord will descend in the mode of goodness to protect dharma.
AI translation rendered from the Sanskrit, not a published edition
SB 12 2.17
चराचर-गुरोर् विष्णोर् ईश्वरस्याखिलात्मनः धर्म-त्राणाय साधूनां जन्म कर्मापनुत्तये
carācara-guror viṣṇor īśvarasyākhilātmanaḥ dharma-trāṇāya sādhūnāṃ janma karmāpanuttaye
The birth of Viṣṇu, the guru of the moving and unmoving, the Lord, the Self of all, is for the protection of dharma, for the good, and for the removal of (their) karma.
AI translation rendered from the Sanskrit, not a published edition
SB 12 2.18
शम्भल-ग्राम-मुख्यस्य ब्राह्मणस्य महात्मनः भवने विष्णुयशसः कल्किः प्रादुर्भविष्यति
śambhala-grāma-mukhyasya brāhmaṇasya mahātmanaḥ bhavane viṣṇuyaśasaḥ kalkiḥ prādurbhaviṣyati
In the house of Viṣṇuyaśas, a great-souled brāhmaṇa who is the chief man of the village of Śambhala, Kalki will appear.
AI translation rendered from the Sanskrit, not a published edition
SB 12 2.19
अश्वम् आशु-गम् आरुह्य देवदत्तं जगत्-पतिः असिनासाधु-दमनम् अष्टैश्वर्य-गुणान्वितः
aśvam āśu-gam āruhya devadattaṃ jagat-patiḥ asināsādhu-damanam aṣṭaiśvarya-guṇānvitaḥ
Mounting the swift-going horse Devadatta, the Lord of the world, endowed with the eight powers of lordship, with his sword (that is) the subduer of the wicked,
AI translation rendered from the Sanskrit, not a published edition
SB 12 2.20
विचरन्न् आशुना क्षौण्यां हयेनाप्रतिम-द्युतिः नृप-लिङ्ग-च्छदो दस्यून् कोटिशो निहनिष्यति
vicarann āśunā kṣauṇyāṃ hayenāpratima-dyutiḥ nṛpa-liṅga-cchado dasyūn koṭiśo nihaniṣyati
roaming the earth on that swift horse, of matchless splendour, he will slay by the millions the robbers who wear the guise of kings.
AI translation rendered from the Sanskrit, not a published edition
SB 12 2.21
अथ तेषां भविष्यन्ति मनांसि विशदानि वै वासुदेवाङ्ग-रागाति- पुण्य-गन्धानिल-स्पृशाम् पौर-जानपदानां वै हतेष्व् अखिल-दस्युषु
atha teṣāṃ bhaviṣyanti manāṃsi viśadāni vai vāsudevāṅga-rāgāti- puṇya-gandhānila-spṛśām paura-jānapadānāṃ vai hateṣv akhila-dasyuṣu
Then, when all the robbers have been slain, the minds of those city-dwellers and country-dwellers, touched by the breeze bearing the supremely holy fragrance of Vāsudeva's bodily ointments, will become clear.
AI translation rendered from the Sanskrit, not a published edition
SB 12 2.22
तेषां प्रजा-विसर्गश् च स्थविष्ठः सम्भविष्यति वासुदेवे भगवति सत्त्व-मूर्तौ हृदि स्थिते
teṣāṃ prajā-visargaś ca sthaviṣṭhaḥ sambhaviṣyati vāsudeve bhagavati sattva-mūrtau hṛdi sthite
And when Vāsudeva, the Lord whose form is pure goodness, is present in their hearts, their propagation of offspring will be most abundant.
AI translation rendered from the Sanskrit, not a published edition
SB 12 2.23
यदावतीर्णो भगवान् कल्किर् धर्म-पतिर् हरिः कृतं भविष्यति तदा प्रजा-सूतिश् च सात्त्विकी
yadāvatīrṇo bhagavān kalkir dharma-patir hariḥ kṛtaṃ bhaviṣyati tadā prajā-sūtiś ca sāttvikī
When the Lord Hari, Kalki, the master of dharma, has descended, then the Kṛta (Satya) age will come about, and the begetting of offspring will be in the mode of goodness.
AI translation rendered from the Sanskrit, not a published edition
SB 12 2.24
यदा चन्द्रश् च सूर्यश् च तथा तिष्य-बृहस्पती एक-राशौ समेष्यन्ति भविष्यति तदा कृतम्
yadā candraś ca sūryaś ca tathā tiṣya-bṛhaspatī eka-rāśau sameṣyanti bhaviṣyati tadā kṛtam
When the moon and the sun, and likewise (the asterism) Tiṣya and Jupiter, come together in one zodiacal sign, then the Kṛta age will begin.
AI translation rendered from the Sanskrit, not a published edition
SB 12 2.25
ये ऽतीता वर्तमाना ये भविष्यन्ति च पार्थिवाः ते त उद्देशतः प्रोक्ता वंशीयाः सोम-सूर्ययोः
ye 'tītā vartamānā ye bhaviṣyanti ca pārthivāḥ te ta uddeśataḥ proktā vaṃśīyāḥ soma-sūryayoḥ
Those kings who are past, those who are present, and those who will come to be — all of them, descendants of the Moon and the Sun, have now been declared to you in outline.
AI translation rendered from the Sanskrit, not a published edition
SB 12 2.26
आरभ्य भवतो जन्म यावन् नन्दाभिषेचनम् एतद् वर्ष-सहस्रं तु शतं पञ्चदशोत्तरम्
ārabhya bhavato janma yāvan nandābhiṣecanam etad varṣa-sahasraṃ tu śataṃ pañcadaśottaram
Beginning from the birth of your (ancestor) up to the consecration of Nanda, this is one thousand one hundred and fifteen years.
AI translation rendered from the Sanskrit, not a published edition
SB 12 2.27
सप्तर्षीणां तु यौ पूर्वौ दृश्येते उदितौ दिवि तयोस् तु मध्ये नक्षत्रं दृश्यते यत् समं निशि
saptarṣīṇāṃ tu yau pūrvau dṛśyete uditau divi tayos tu madhye nakṣatraṃ dṛśyate yat samaṃ niśi
Of the seven sages, there are two that are seen risen in the sky; the lunar mansion that is seen at night midway between those two, level with them —
AI translation rendered from the Sanskrit, not a published edition
SB 12 2.28
तेनैव ऋषयो युक्तास् तिष्ठन्त्य् अब्द-शतं नृणाम् ते त्वदीये द्विजाः काल अधुना चाश्रिता मघाः
tenaiva ṛṣayo yuktās tiṣṭhanty abda-śataṃ nṛṇām te tvadīye dvijāḥ kāla adhunā cāśritā maghāḥ
with that very (mansion) the sages remain conjoined for one hundred human years; and in your time, O brahmins, they are now stationed in Maghā.
AI translation rendered from the Sanskrit, not a published edition
SB 12 2.29
विष्णोर् भगवतो भानुः कृष्णाख्यो ऽसौ दिवं गतः तदाविशत् कलिर् लोकं पापे यद् रमते जनः
viṣṇor bhagavato bhānuḥ kṛṣṇākhyo 'sau divaṃ gataḥ tadāviśat kalir lokaṃ pāpe yad ramate janaḥ
That sun of the Lord Viṣṇu, named Kṛṣṇa, went to heaven; then Kali entered this world, in which people take pleasure in sin.
AI translation rendered from the Sanskrit, not a published edition
SB 12 2.30
यावत् स पाद-पद्माभ्यां स्पृशन् आस्ते रमा-पतिः तावत् कलिर् वै पृथिवीं पराक्रन्तुं न चाशकत्
yāvat sa pāda-padmābhyāṃ spṛśan āste ramā-patiḥ tāvat kalir vai pṛthivīṃ parākrantuṃ na cāśakat
So long as he, the husband of Ramā, remained touching (the earth) with his two lotus feet, so long Kali was not able to overrun the earth.
AI translation rendered from the Sanskrit, not a published edition
SB 12 2.31
यदा देवर्षयः सप्त मघासु विचरन्ति हि तदा प्रवृत्तस् तु कलिर् द्वादशाब्द-शतात्मकः
yadā devarṣayaḥ sapta maghāsu vicaranti hi tadā pravṛttas tu kalir dvādaśābda-śatātmakaḥ
When the seven divine sages move through the Maghās, then Kali, consisting of twelve hundred years, has begun.
AI translation rendered from the Sanskrit, not a published edition
SB 12 2.32
यदा मघाभ्यो यास्यन्ति पूर्वाषाढां महर्षयः तदा नन्दात् प्रभृत्य् एष कलिर् वृद्धिं गमिष्यति
yadā maghābhyo yāsyanti pūrvāṣāḍhāṃ maharṣayaḥ tadā nandāt prabhṛty eṣa kalir vṛddhiṃ gamiṣyati
When the great sages pass from the Maghās to Pūrvāṣāḍhā, then, beginning from Nanda, this Kali will come to its growth.
AI translation rendered from the Sanskrit, not a published edition
SB 12 2.33
यस्मिन् कृष्णो दिवं यातस् तस्मिन्न् एव तदाहनि प्रतिपन्नं कलि-युगम् इति प्राहुः पुरा-विदः
yasmin kṛṣṇo divaṃ yātas tasminn eva tadāhani pratipannaṃ kali-yugam iti prāhuḥ purā-vidaḥ
On that very day on which Kṛṣṇa went to heaven, the age of Kali set in — so say those who know the ancient lore.
AI translation rendered from the Sanskrit, not a published edition
SB 12 2.34
दिव्याब्दानां सहस्रान्ते चतुर्थे तु पुनः कृतम् भविष्यति तदा नॄणां मन आत्म-प्रकाशकम्
divyābdānāṃ sahasrānte caturthe tu punaḥ kṛtam bhaviṣyati tadā nṝṇāṃ mana ātma-prakāśakam
But at the end of a thousand divine years, in the fourth (age), Kṛta will come again; then the minds of men will be such as to reveal the self.
AI translation rendered from the Sanskrit, not a published edition
SB 12 2.35
इत्य् एष मानवो वंशो यथा सङ्ख्यायते भुवि तथा विट्-शूद्र-विप्राणां तास् ता ज्ञेया युगे युगे
ity eṣa mānavo vaṃśo yathā saṅkhyāyate bhuvi tathā viṭ-śūdra-viprāṇāṃ tās tā jñeyā yuge yuge
Thus is this dynasty of Manu, as it is reckoned on earth; and in the same way the lines of vaiśyas, śūdras and brahmins are to be understood, age by age.
AI translation rendered from the Sanskrit, not a published edition
SB 12 2.36
एतेषां नाम-लिङ्गानां पुरुषाणां महात्मनाम् कथा-मात्रावशिष्टानां कीर्तिर् एव स्थिता भुवि
eteṣāṃ nāma-liṅgānāṃ puruṣāṇāṃ mahātmanām kathā-mātrāvaśiṣṭānāṃ kīrtir eva sthitā bhuvi
Of these great-souled men, who are now marked by their names alone and who remain as mere narrative, only their fame endures on the earth.
AI translation rendered from the Sanskrit, not a published edition
SB 12 2.37
देवापिः शान्तनोर् भ्राता मरुश् चेक्ष्वाकु-वंश-जः कलाप-ग्राम आसाते महा-योग-बलान्वितौ
devāpiḥ śāntanor bhrātā maruś cekṣvāku-vaṃśa-jaḥ kalāpa-grāma āsāte mahā-yoga-balānvitau
Devāpi, the brother of Śāntanu, and Maru, born in the Ikṣvāku line, both endowed with great power of yoga, dwell in the village of Kalāpa.
AI translation rendered from the Sanskrit, not a published edition
SB 12 2.38
ताव् इहैत्य कलेर् अन्ते वासुदेवानुशिक्षितौ वर्णाश्रम-युतं धर्मं पूर्व-वत् प्रथयिष्यतः
tāv ihaitya kaler ante vāsudevānuśikṣitau varṇāśrama-yutaṃ dharmaṃ pūrva-vat prathayiṣyataḥ
At the end of Kali these two, coming here, instructed by Vāsudeva, will spread abroad the dharma joined with the classes and the stages of life, as it was before.
AI translation rendered from the Sanskrit, not a published edition
SB 12 2.39
कृतं त्रेता द्वापरं च कलिश् चेति चतुर्-युगम् अनेन क्रम-योगेन भुवि प्राणिषु वर्तते
kṛtaṃ tretā dvāparaṃ ca kaliś ceti catur-yugam anena krama-yogena bhuvi prāṇiṣu vartate
Kṛta, Tretā, Dvāpara and Kali — the set of four ages — proceeds among living beings on earth by this sequence in order.
AI translation rendered from the Sanskrit, not a published edition
SB 12 2.40
राजन्न् एते मया प्रोक्ता नर-देवास् तथापरे भूमौ ममत्वं कृत्वान्ते हित्वेमां निधनं गताः
rājann ete mayā proktā nara-devās tathāpare bhūmau mamatvaṃ kṛtvānte hitvemāṃ nidhanaṃ gatāḥ
O King, these man-gods, of whom I have spoken, and others likewise, having made the earth an object of 'mine,' in the end left it behind and went to their destruction.
AI translation rendered from the Sanskrit, not a published edition
SB 12 2.41
कृमि-विड्-भस्म-संज्ञान्ते राज-नाम्नो ऽपि यस्य च भूत-ध्रुक् तत्-कृते स्वार्थं किं वेद निरयो यतः
kṛmi-viḍ-bhasma-saṃjñānte rāja-nāmno 'pi yasya ca bhūta-dhruk tat-kṛte svārthaṃ kiṃ veda nirayo yataḥ
Even of one who bears the name 'king,' whose end is called worms, dung, or ashes — when he harms creatures for its sake, does he know his own good? For from that comes hell.
AI translation rendered from the Sanskrit, not a published edition
SB 12 2.42
कथं सेयम् अखण्डा भूः पूर्वैर् मे पुरुषैर् धृता मत्-पुत्रस्य च पौत्रस्य मत्-पूर्वा वंश-जस्य वा
kathaṃ seyam akhaṇḍā bhūḥ pūrvair me puruṣair dhṛtā mat-putrasya ca pautrasya mat-pūrvā vaṃśa-jasya vā
(He thinks:) 'How can this undivided earth, held by my forefathers before me, be mine, and my son's, and my grandson's, or of one born in my line?'
AI translation rendered from the Sanskrit, not a published edition
SB 12 2.43
तेजो-ऽब्-अन्न-मयं कायं गृहीत्वात्मतयाबुधाः महीं ममतया चोभौ हित्वान्ते ऽदर्शनं गताः
tejo-'b-anna-mayaṃ kāyaṃ gṛhītvātmatayābudhāḥ mahīṃ mamatayā cobhau hitvānte 'darśanaṃ gatāḥ
Taking the body made of fire, water and food to be the self, and the earth to be 'mine,' the unwise have in the end abandoned both and passed out of sight.
AI translation rendered from the Sanskrit, not a published edition
SB 12 2.44
ये ये भू-पतयो राजन् भुञ्जते भुवम् ओजसा कालेन ते कृताः सर्वे कथा-मात्राः कथासु च
ye ye bhū-patayo rājan bhuñjate bhuvam ojasā kālena te kṛtāḥ sarve kathā-mātrāḥ kathāsu ca
Whatever lords of the earth there are, O King, who enjoy the earth by their strength, all of them have been made by Time into mere tales, and into (matter) for tales.
AI translation rendered from the Sanskrit, not a published edition