Bhagavata Purana — Skandha 12 — Chapter 1
SB 12 1.1
श्री-शुक उवाच यो ऽन्त्यः पुरञ्जयो नाम भविष्यो बारहद्रथः तस्यामात्यस् तु शुनको हत्वा स्वामिनम् आत्म-जम्
śrī-śuka uvāca yo 'ntyaḥ purañjayo nāma bhaviṣyo bārahadrathaḥ tasyāmātyas tu śunako hatvā svāminam ātma-jam
Śrī Śuka said: The last (of the line), named Purañjaya, will be a descendant of Bṛhadratha; but his minister Śunaka, having killed his master, will make his own son…
AI translation rendered from the Sanskrit, not a published edition
SB 12 1.2
प्रद्योत-संज्ञं राजानं कर्ता यत्-पालकः सुतः विशाखयूपस् तत्-पुत्रो भविता राजकस् ततः
pradyota-saṃjñaṃ rājānaṃ kartā yat-pālakaḥ sutaḥ viśākhayūpas tat-putro bhavitā rājakas tataḥ
…king, named Pradyota; his son Pālaka will be (the next); his son will be Viśākhayūpa, and after him Rājaka.
AI translation rendered from the Sanskrit, not a published edition
SB 12 1.3
नन्दिवर्धनस् तत्-पुत्रः पञ्च प्रद्योतना इमे अष्ट-त्रिंशोत्तर-शतं भोक्ष्यन्ति पृथिवीं नृपाः
nandivardhanas tat-putraḥ pañca pradyotanā ime aṣṭa-triṃśottara-śataṃ bhokṣyanti pṛthivīṃ nṛpāḥ
His son will be Nandivardhana; these are the five Pradyotanas. These kings will enjoy the earth for one hundred and thirty-eight (years).
AI translation rendered from the Sanskrit, not a published edition
SB 12 1.4
शिशुनागस् ततो भाव्यः काकवर्णस् तु तत्-सुतः क्षेमधर्मा तस्य सुतः क्षेत्रज्ञः क्षेमधर्म-जः
śiśunāgas tato bhāvyaḥ kākavarṇas tu tat-sutaḥ kṣemadharmā tasya sutaḥ kṣetrajñaḥ kṣemadharma-jaḥ
Then Śiśunāga will be (king); his son will be Kākavarṇa; his son Kṣemadharmā; and Kṣemadharmā's son Kṣetrajña.
AI translation rendered from the Sanskrit, not a published edition
SB 12 1.5
विधिसारः सुतस् तस्या- जातशत्रुर् भविष्यति दर्भकस् तत्-सुतो भावी दर्भकस्याजयः स्मृतः
vidhisāraḥ sutas tasyā- jātaśatrur bhaviṣyati darbhakas tat-suto bhāvī darbhakasyājayaḥ smṛtaḥ
His son will be Vidhisāra; (his son) will be Ajātaśatru; his son will be Darbhaka, and Darbhaka's (son) is recorded as Ajaya.
AI translation rendered from the Sanskrit, not a published edition
SB 12 1.6
नन्दिवर्धन आजेयो महानन्दिः सुतस् ततः शिशुनागा दशैवैते सष्ट्य्-उत्तर-शत-त्रयम्
nandivardhana ājeyo mahānandiḥ sutas tataḥ śiśunāgā daśaivaite saṣṭy-uttara-śata-trayam
From Ajaya (comes) Nandivardhana, and from him a son, Mahānandi. These ten are the Śiśunāgas; (they will enjoy) three hundred and sixty
AI translation rendered from the Sanskrit, not a published edition
SB 12 1.7
समा भोक्ष्यन्ति पृथिवीं कुरु-श्रेष्ठ कलौ नृपाः महानन्दि-सुतो राजन् शूद्रा-गर्भोद्भवो बली
samā bhokṣyanti pṛthivīṃ kuru-śreṣṭha kalau nṛpāḥ mahānandi-suto rājan śūdrā-garbhodbhavo balī
years — these kings will enjoy the earth in the Kali age, O best of the Kurus. The son of Mahānandi, O king, born from a śūdra woman's womb, will be powerful:
AI translation rendered from the Sanskrit, not a published edition
SB 12 1.8
महापद्म-पतिः कश्चिन् नन्दः क्षत्र-विनाश-कृत् ततो नृपा भविष्यन्ति शूद्र-प्रायास् त्व् अधार्मिकाः
mahāpadma-patiḥ kaścin nandaḥ kṣatra-vināśa-kṛt tato nṛpā bhaviṣyanti śūdra-prāyās tv adhārmikāḥ
a certain Nanda, master of great wealth (Mahāpadma), a destroyer of the kṣatriyas. After him the kings will be mostly śūdras and irreligious.
AI translation rendered from the Sanskrit, not a published edition
SB 12 1.9
स एक-च्छत्रां पृथिवीम् अनुल्लङ्घित-शासनः शासिष्यति महापद्मो द्वितीय इव भार्गवः
sa eka-cchatrāṃ pṛthivīm anullaṅghita-śāsanaḥ śāsiṣyati mahāpadmo dvitīya iva bhārgavaḥ
He, Mahāpadma, his command unopposed, will rule the earth under a single umbrella, like a second Bhārgava (Paraśurāma).
AI translation rendered from the Sanskrit, not a published edition
SB 12 1.10
तस्य चाष्टौ भविष्यन्ति सुमाल्य-प्रमुखाः सुताः य इमां भोक्ष्यन्ति महीं राजानश् च शतं समाः
tasya cāṣṭau bhaviṣyanti sumālya-pramukhāḥ sutāḥ ya imāṃ bhokṣyanti mahīṃ rājānaś ca śataṃ samāḥ
And he will have eight sons, headed by Sumālya, who as kings will enjoy this earth for a hundred years.
AI translation rendered from the Sanskrit, not a published edition
SB 12 1.11
नव नन्दान् द्विजः कश्चित् प्रपन्नान् उद्धरिष्यति तेषां अभावे जगतीं मौर्या भोक्ष्यन्ति वै कलौ
nava nandān dvijaḥ kaścit prapannān uddhariṣyati teṣāṃ abhāve jagatīṃ mauryā bhokṣyanti vai kalau
A certain brāhmaṇa will overthrow the nine Nandas, though they had taken refuge (with him); in their absence the Mauryas will enjoy the world in the Kali age.
AI translation rendered from the Sanskrit, not a published edition
SB 12 1.12
स एव चन्द्रगुप्तं वै द्विजो राज्ये ऽभिषेक्ष्यति तत्-सुतो वारिसारस् तु ततश् चाशोकवर्धनः
sa eva candraguptaṃ vai dvijo rājye 'bhiṣekṣyati tat-suto vārisāras tu tataś cāśokavardhanaḥ
That same brāhmaṇa will consecrate Candragupta in the kingship; his son is Vārisāra, and after him Aśokavardhana.
AI translation rendered from the Sanskrit, not a published edition
SB 12 1.13
सुयशा भविता तस्य सङ्गतः सुयशः-सुतः शालिशूकस् ततस् तस्य सोमशर्मा भविष्यति शतधन्वा ततस् तस्य भविता तद्-बृहद्रथः
suyaśā bhavitā tasya saṅgataḥ suyaśaḥ-sutaḥ śāliśūkas tatas tasya somaśarmā bhaviṣyati śatadhanvā tatas tasya bhavitā tad-bṛhadrathaḥ
His (son) will be Suyaśā; Saṅgata (will be) Suyaśā's son; then his (son) Śāliśūka; then Somaśarmā will be (born); then his (son) will be Śatadhanvā, and after him Bṛhadratha.
AI translation rendered from the Sanskrit, not a published edition
SB 12 1.14
मौर्या ह्य् एते दश नृपाः सप्त-त्रिंशच्-छतोत्तरम् समा भोक्ष्यन्ति पृथिवीं कलौ कुरु-कुलोद्वह
mauryā hy ete daśa nṛpāḥ sapta-triṃśac-chatottaram samā bhokṣyanti pṛthivīṃ kalau kuru-kulodvaha
These ten are indeed the Maurya kings; they will enjoy the earth in the Kali age for one hundred and thirty-seven years, O upholder of the Kuru line.
AI translation rendered from the Sanskrit, not a published edition
SB 12 1.15
अग्निमित्रस् ततस् तस्मात् सुज्येष्ठो भविता ततः वसुमित्रो भद्रकश् च पुलिन्दो भविता सुतः
agnimitras tatas tasmāt sujyeṣṭho bhavitā tataḥ vasumitro bhadrakaś ca pulindo bhavitā sutaḥ
Then Agnimitra, and from him Sujyeṣṭha will be (born); then Vasumitra, and Bhadraka, whose son will be Pulinda.
AI translation rendered from the Sanskrit, not a published edition
SB 12 1.16
ततो घोषः सुतस् तस्माद् वज्रमित्रो भविष्यति ततो भागवतस् तस्माद् देवभूतिः कुरूद्वह
tato ghoṣaḥ sutas tasmād vajramitro bhaviṣyati tato bhāgavatas tasmād devabhūtiḥ kurūdvaha
Then his son Ghoṣa; from him Vajramitra will be (born); then Bhāgavata, and from him Devabhūti, O upholder of the Kurus.
AI translation rendered from the Sanskrit, not a published edition
SB 12 1.17
शुङ्गा दशैते भोक्ष्यन्ति भूमिं वर्ष-शताधिकम् ततः काण्वान् इयं भूमिर् यास्यत्य् अल्प-गुणान् नृप
śuṅgā daśaite bhokṣyanti bhūmiṃ varṣa-śatādhikam tataḥ kāṇvān iyaṃ bhūmir yāsyaty alpa-guṇān nṛpa
These ten Śuṅgas will enjoy the earth for more than a hundred years; then this earth will pass to the Kāṇvas, who have few good qualities, O king.
AI translation rendered from the Sanskrit, not a published edition
SB 12 1.18
शुङ्गं हत्वा देवभूतिं काण्वो ऽमात्यस् तु कामिनम् स्वयं करिष्यते राज्यं वसुदेवो महा-मतिः
śuṅgaṃ hatvā devabhūtiṃ kāṇvo 'mātyas tu kāminam svayaṃ kariṣyate rājyaṃ vasudevo mahā-matiḥ
Having killed the Śuṅga Devabhūti, who was given to lust, the Kāṇva minister Vasudeva, of great intelligence, will take the kingdom for himself.
AI translation rendered from the Sanskrit, not a published edition
SB 12 1.19
तस्य पुत्रस् तु भूमित्रस् तस्य नारायणः सुतः काण्वायना इमे भूमिं चत्वारिंशच् च पञ्च च शतानि त्रीणि भोक्ष्यन्ति वर्षाणां च कलौ युगे
tasya putras tu bhūmitras tasya nārāyaṇaḥ sutaḥ kāṇvāyanā ime bhūmiṃ catvāriṃśac ca pañca ca śatāni trīṇi bhokṣyanti varṣāṇāṃ ca kalau yuge
His son will be Bhūmitra, and his son Nārāyaṇa. These Kāṇvāyanas will enjoy the earth for three hundred and forty-five years in the Kali age.
AI translation rendered from the Sanskrit, not a published edition
SB 12 1.20
हत्वा काण्वं सुशर्माणं तद्-भृत्यो वृषलो बली गां भोक्ष्यत्य् अन्ध्र-जातीयः कञ्चित् कालम् असत्तमः
hatvā kāṇvaṃ suśarmāṇaṃ tad-bhṛtyo vṛṣalo balī gāṃ bhokṣyaty andhra-jātīyaḥ kañcit kālam asattamaḥ
Having killed the Kāṇva Suśarmā, his own servant, a powerful low-born man of the Andhra race, most base, will enjoy the earth for some time.
AI translation rendered from the Sanskrit, not a published edition
SB 12 1.21
कृष्ण-नामाथ तद्-भ्राता भविता पृथिवी-पतिः श्री-शान्तकर्णस् तत्-पुत्रः पौर्णमासस् तु तत्-सुतः
kṛṣṇa-nāmātha tad-bhrātā bhavitā pṛthivī-patiḥ śrī-śāntakarṇas tat-putraḥ paurṇamāsas tu tat-sutaḥ
Then his brother, Kṛṣṇa by name, will be lord of the earth; his son (will be) Śrī-Śāntakarṇa, and his son Paurṇamāsa.
AI translation rendered from the Sanskrit, not a published edition
SB 12 1.22
लम्बोदरस् तु तत्-पुत्रस् तस्माच् चिबिलको नृपः मेघस्वातिश् चिबिलकाद् अटमानस् तु तस्य च
lambodaras tu tat-putras tasmāc cibilako nṛpaḥ meghasvātiś cibilakād aṭamānas tu tasya ca
His son will be Lambodara, and from him the king Cibilaka; from Cibilaka, Meghasvāti, and from him Aṭamāna.
AI translation rendered from the Sanskrit, not a published edition
SB 12 1.23
अनिष्टकर्मा हालेयस् तलकस् तस्य चात्म-जः पुरीषभीरुस् तत्-पुत्रस् ततो राजा सुनन्दनः
aniṣṭakarmā hāleyas talakas tasya cātma-jaḥ purīṣabhīrus tat-putras tato rājā sunandanaḥ
(Then) Aniṣṭakarmā Hāleya, and his son Talaka; his son (will be) Purīṣabhīru, and after him the king Sunandana.
AI translation rendered from the Sanskrit, not a published edition — the model flagged this verse as uncertain
SB 12 1.24
चकोरो बहवो यत्र शिवस्वातिर् अरिन्-दमः तस्यापि गोमती पुत्रः पुरीमान् भविता ततः
cakoro bahavo yatra śivasvātir arin-damaḥ tasyāpi gomatī putraḥ purīmān bhavitā tataḥ
(Then) Cakora and many (others), among whom Śivasvāti, subduer of foes; and his son (will be) Gomatī, and after him Purīmān.
AI translation rendered from the Sanskrit, not a published edition — the model flagged this verse as uncertain
SB 12 1.25
मेदशिराः शिवस्कन्दो यज्ञश्रीस् तत्-सुतस् ततः विजयस् तत्-सुतो भाव्यश् चन्द्रविज्ञः स-लोमधिः
medaśirāḥ śivaskando yajñaśrīs tat-sutas tataḥ vijayas tat-suto bhāvyaś candravijñaḥ sa-lomadhiḥ
(Then) Medaśirā, Śivaskanda, and his son Yajñaśrī; then his son will be Vijaya, (and then) Candravijña together with Lomadhi.
AI translation rendered from the Sanskrit, not a published edition — the model flagged this verse as uncertain
SB 12 1.26
एते त्रिंशन् नृपतयश् चत्वार्य् अब्द-शतानि च षट्-पञ्चाशच् च पृथिवीं भोक्ष्यन्ति कुरु-नन्दन
ete triṃśan nṛpatayaś catvāry abda-śatāni ca ṣaṭ-pañcāśac ca pṛthivīṃ bhokṣyanti kuru-nandana
These thirty kings will enjoy the earth for four hundred and fifty-six years, O delight of the Kurus.
AI translation rendered from the Sanskrit, not a published edition
SB 12 1.27
सप्ताभीरा आवभृत्या दश गर्दभिनो नृपाः कङ्काः षोडश भू-पाला भविष्यन्त्य् अति-लोलुपाः
saptābhīrā āvabhṛtyā daśa gardabhino nṛpāḥ kaṅkāḥ ṣoḍaśa bhū-pālā bhaviṣyanty ati-lolupāḥ
Seven Ābhīras of Āvabhṛti, ten Gardabhin kings, and sixteen Kaṅkas will be rulers of the land, exceedingly greedy.
AI translation rendered from the Sanskrit, not a published edition
SB 12 1.28
ततो ऽष्टौ यवना भाव्याश् चतुर्दश तुरुष्ककाः भूयो दश गुरुण्डाश् च मौला एकादशैव तु
tato 'ṣṭau yavanā bhāvyāś caturdaśa turuṣkakāḥ bhūyo daśa guruṇḍāś ca maulā ekādaśaiva tu
After them eight Yavanas will come, and fourteen Turuṣkas, then ten Guruṇḍas, and eleven Maulas as well.
AI translation rendered from the Sanskrit, not a published edition
SB 12 1.29
एते भोक्ष्यन्ति पृथिवीं दश वर्ष-शतानि च नवाधिकां च नवतिं मौला एकादश क्षितिम्
ete bhokṣyanti pṛthivīṃ daśa varṣa-śatāni ca navādhikāṃ ca navatiṃ maulā ekādaśa kṣitim
These will enjoy the earth for one thousand and ninety-nine years; the eleven Maulas (will hold) the land
AI translation rendered from the Sanskrit, not a published edition
SB 12 1.30
भोक्ष्यन्त्य् अब्द-शतान्य् अङ्ग त्रीणि तैः संस्थिते ततः किलकिलायां नृपतयो भूतनन्दो ऽथ वङ्गिरिः
bhokṣyanty abda-śatāny aṅga trīṇi taiḥ saṃsthite tataḥ kilakilāyāṃ nṛpatayo bhūtanando 'tha vaṅgiriḥ
for three hundred years, O dear one. When they have perished, then in Kilakilā (there will be) the kings Bhūtananda, then Vaṅgiri,
AI translation rendered from the Sanskrit, not a published edition
SB 12 1.31
शिशुनन्दिश् च तद्-भ्राता यशोनन्दिः प्रवीरकः इत्य् एते वै वर्ष-शतं भविष्यन्त्य् अधिकानि षट्
śiśunandiś ca tad-bhrātā yaśonandiḥ pravīrakaḥ ity ete vai varṣa-śataṃ bhaviṣyanty adhikāni ṣaṭ
and Śiśunandi, and his brother Yaśonandi, and Pravīraka — these indeed will rule for one hundred and six years.
AI translation rendered from the Sanskrit, not a published edition
SB 12 1.32
तेषां त्रयोदश सुता भवितारश् च बाह्लिकाः पुष्पमित्रो ऽथ राजन्यो दुर्मित्रो ऽस्य तथैव च
teṣāṃ trayodaśa sutā bhavitāraś ca bāhlikāḥ puṣpamitro 'tha rājanyo durmitro 'sya tathaiva ca
Their thirteen sons will come to be, and the Bāhlikas: Puṣpamitra, then the king Rājanya (or: then a royal one), and likewise his Durmitra.
AI translation rendered from the Sanskrit, not a published edition — the model flagged this verse as uncertain
SB 12 1.33
एक-काला इमे भू-पाः सप्तान्ध्राः सप्त कौशलाः विदूर-पतयो भाव्या निषधास् तत एव हि
eka-kālā ime bhū-pāḥ saptāndhrāḥ sapta kauśalāḥ vidūra-patayo bhāvyā niṣadhās tata eva hi
These rulers of the earth (will be) contemporaneous: seven Andhras, seven Kauśalas, and there will be lords of Vidūra and, from that very (region), the Niṣadhas.
AI translation rendered from the Sanskrit, not a published edition
SB 12 1.34
मागधानां तु भविता विश्वस्फूर्जिः पुरञ्जयः करिष्यत्य् अपरो वर्णान् पुलिन्द-यदु-मद्रकान्
māgadhānāṃ tu bhavitā viśvasphūrjiḥ purañjayaḥ kariṣyaty aparo varṇān pulinda-yadu-madrakān
Of the Māgadhas there will be Viśvasphūrji, another Purañjaya; he will turn (people) into the classes called Pulinda, Yadu and Madraka.
AI translation rendered from the Sanskrit, not a published edition — the model flagged this verse as uncertain
SB 12 1.35
प्रजाश् चाब्रह्म-भूयिष्ठाः स्थापयिष्यति दुर्मतिः वीर्यवान् क्षत्रम् उत्साद्य पद्मवत्यां स वै पुरि अनु-गङ्गम् आ-प्रयागं गुप्तां भोक्ष्यति मेदिनीम्
prajāś cābrahma-bhūyiṣṭhāḥ sthāpayiṣyati durmatiḥ vīryavān kṣatram utsādya padmavatyāṃ sa vai puri anu-gaṅgam ā-prayāgaṃ guptāṃ bhokṣyati medinīm
That evil-minded one will establish subjects mostly devoid of brahminical (character); powerful, having uprooted the kṣatriyas, he indeed, in the city of Padmavatī, will enjoy the land guarded from along the Ganges up to Prayāga.
AI translation rendered from the Sanskrit, not a published edition
SB 12 1.36
सौराष्ट्रावन्त्य्-आभीराश् च शूरा अर्बुद-मालवाः व्रात्या द्विजा भविष्यन्ति शूद्र-प्राया जनाधिपाः
saurāṣṭrāvanty-ābhīrāś ca śūrā arbuda-mālavāḥ vrātyā dvijā bhaviṣyanti śūdra-prāyā janādhipāḥ
And in Saurāṣṭra, Avantī, among the Ābhīras, the Śūras, Arbuda and Mālava the twice-born will become vrātyas (uninitiated), and the rulers of the people will be mostly śūdras.
AI translation rendered from the Sanskrit, not a published edition
SB 12 1.37
सिन्धोस् तटं चन्द्रभागां कौन्तीं काश्मीर-मण्डलम् भोक्ष्यन्ति शूद्रा व्रात्याद्या म्लेच्छाश् चाब्रह्म-वर्चसः
sindhos taṭaṃ candrabhāgāṃ kauntīṃ kāśmīra-maṇḍalam bhokṣyanti śūdrā vrātyādyā mlecchāś cābrahma-varcasaḥ
Śūdras, vrātyas and the like, and mlecchas without brahminical lustre, will enjoy the bank of the Sindhu, the Candrabhāgā, Kauntī and the region of Kāśmīra.
AI translation rendered from the Sanskrit, not a published edition
SB 12 1.38
तुल्य-काला इमे राजन् म्लेच्छ-प्रायाश् च भू-भृतः एते ऽधर्मानृत-पराः फल्गु-दास् तीव्र-मन्यवः
tulya-kālā ime rājan mleccha-prāyāś ca bhū-bhṛtaḥ ete 'dharmānṛta-parāḥ phalgu-dās tīvra-manyavaḥ
These rulers of the earth, O king, will be contemporaneous and mostly mlecchas; they will be devoted to irreligion and falsehood, giving little, and fierce in anger.
AI translation rendered from the Sanskrit, not a published edition
SB 12 1.39
स्त्री-बाल-गो-द्विज-घ्नाश् च पर-दार-धनादृताः उदितास्त-मित-प्राया अल्प-सत्त्वाल्पकायुषः
strī-bāla-go-dvija-ghnāś ca para-dāra-dhanādṛtāḥ uditāsta-mita-prāyā alpa-sattvālpakāyuṣaḥ
They will be killers of women, children, cows and brahmins, and covetous of others' wives and wealth; mostly rising and setting (quickly), of little strength and short life,
AI translation rendered from the Sanskrit, not a published edition
SB 12 1.40
असंस्कृताः क्रिया-हीना रजसा तमसावृताः प्रजास् ते भक्षयिष्यन्ति म्लेच्छा राजन्य-रूपिणः
asaṃskṛtāḥ kriyā-hīnā rajasā tamasāvṛtāḥ prajās te bhakṣayiṣyanti mlecchā rājanya-rūpiṇaḥ
unsanctified (by rites), devoid of religious acts, covered by passion and darkness — those mlecchas in the guise of kṣatriyas will devour the people.
AI translation rendered from the Sanskrit, not a published edition
SB 12 1.41
तन्-नाथास् ते जनपदास् तच्-छीलाचार-वादिनः अन्योन्यतो राजभिश् च क्षयं यास्यन्ति पीडिताः
tan-nāthās te janapadās tac-chīlācāra-vādinaḥ anyonyato rājabhiś ca kṣayaṃ yāsyanti pīḍitāḥ
Those countries having them as lords, speaking after their character and conduct, will go to ruin, oppressed both by one another and by the kings.
AI translation rendered from the Sanskrit, not a published edition