Bhagavata Purana — Skandha 11 — Chapter 8
SB 11 8.1
श्री-ब्राह्मण उवाच सुखम् ऐन्द्रियकं राजन् स्वर्गे नरक एव च देहिनां यद् यथा दुःखं तस्मान् नेच्छेत तद्-बुधः
śrī-brāhmaṇa uvāca sukham aindriyakaṃ rājan svarge naraka eva ca dehināṃ yad yathā duḥkhaṃ tasmān neccheta tad-budhaḥ
The brāhmaṇa said: Pleasure of the senses, O king, belongs to embodied beings in heaven and in hell alike, just as does pain; therefore one who understands this should not desire it.
AI translation rendered from the Sanskrit, not a published edition
SB 11 8.2
ग्रासं सु-मृष्टं विरसं महान्तं स्तोकम् एव वा यदृच्छयैवापतितं ग्रसेद् आजगरो ऽक्रियः
grāsaṃ su-mṛṣṭaṃ virasaṃ mahāntaṃ stokam eva vā yadṛcchayaivāpatitaṃ grased ājagaro 'kriyaḥ
Whether a morsel be well-flavoured or tasteless, large or only small, one should swallow whatever has come of its own accord, inactive like the python.
AI translation rendered from the Sanskrit, not a published edition
SB 11 8.3
शयीताहानि भूरीणि निराहारो ऽनुपक्रमः यदि नोपनयेद् ग्रासो महाहिर् इव दिष्ट-भुक्
śayītāhāni bhūrīṇi nirāhāro 'nupakramaḥ yadi nopanayed grāso mahāhir iva diṣṭa-bhuk
If no food comes to him, he should lie down for many days without eating and without exertion, like the great serpent, eating what is allotted.
AI translation rendered from the Sanskrit, not a published edition
SB 11 8.4
ओजः-सहो-बल-युतं बिभ्रद् देहम् अकर्मकम् शयानो वीत-निद्रश् च नेहेतेन्द्रियवान् अपि
ojaḥ-saho-bala-yutaṃ bibhrad deham akarmakam śayāno vīta-nidraś ca nehetendriyavān api
Bearing a body possessed of vitality, endurance and strength, yet doing no work, lying down and free of sleep, he should not strive, though he has senses.
AI translation rendered from the Sanskrit, not a published edition
SB 11 8.5
मुनिः प्रसन्न-गम्भीरो दुर्विगाह्यो दुरत्ययः अनन्त-पारो ह्य् अक्षोभ्यः स्तिमितोद इवार्णवः
muniḥ prasanna-gambhīro durvigāhyo duratyayaḥ ananta-pāro hy akṣobhyaḥ stimitoda ivārṇavaḥ
The sage is serene and deep, hard to fathom, hard to cross, indeed of boundless extent and unshakeable, like an ocean with still waters.
AI translation rendered from the Sanskrit, not a published edition
SB 11 8.6
समृद्ध-कामो हीनो वा नारायण-परो मुनिः नोत्सर्पेत न शुष्येत सरिद्भिर् इव सागरः
samṛddha-kāmo hīno vā nārāyaṇa-paro muniḥ notsarpeta na śuṣyeta saridbhir iva sāgaraḥ
The sage devoted to Nārāyaṇa, whether his desires are fulfilled in abundance or he is destitute, neither swells up nor dries up, like the sea with its rivers.
AI translation rendered from the Sanskrit, not a published edition
SB 11 8.7
दृष्ट्वा स्त्रियं देव-मायां तद्-भावैर् अजितेन्द्रियः प्रलोभितः पतत्य् अन्धे तमस्य् अग्नौ पतङ्ग-वत्
dṛṣṭvā striyaṃ deva-māyāṃ tad-bhāvair ajitendriyaḥ pralobhitaḥ pataty andhe tamasy agnau pataṅga-vat
Seeing a woman, the illusory power of the god, one whose senses are unconquered, enticed by her attitudes, falls into blind darkness, like a moth into fire.
AI translation rendered from the Sanskrit, not a published edition
SB 11 8.8
योषिद्-धिरण्याभरणाम्बरादि- द्रव्येषु माया-रचितेषु मूढः प्रलोभितात्मा ह्य् उपभोग-बुद्ध्या पतङ्ग-वन् नश्यति नष्ट-दृष्टिः
yoṣid-dhiraṇyābharaṇāmbarādi- dravyeṣu māyā-raciteṣu mūḍhaḥ pralobhitātmā hy upabhoga-buddhyā pataṅga-van naśyati naṣṭa-dṛṣṭiḥ
The fool whose mind is enticed by things made of illusion — woman, gold, ornaments, garments and the rest — with the notion of enjoying them, perishes like a moth, his sight destroyed.
AI translation rendered from the Sanskrit, not a published edition
SB 11 8.9
स्तोकं स्तोकं ग्रसेद् ग्रासं देहो वर्तेत यावता गृहान् अहिंसन्न् आतिष्ठेद् वृत्तिं माधुकरीं मुनिः
stokaṃ stokaṃ grased grāsaṃ deho varteta yāvatā gṛhān ahiṃsann ātiṣṭhed vṛttiṃ mādhukarīṃ muniḥ
A little at a time should he swallow his food, as much as the body may subsist on; without harming households, the sage should follow the livelihood of the honeybee.
AI translation rendered from the Sanskrit, not a published edition
SB 11 8.10
अणुभ्यश् च महद्भ्यश् च शास्त्रेभ्यः कुशलो नरः सर्वतः सारम् आदद्यात् पुष्पेभ्य इव षट्पदः
aṇubhyaś ca mahadbhyaś ca śāstrebhyaḥ kuśalo naraḥ sarvataḥ sāram ādadyāt puṣpebhya iva ṣaṭpadaḥ
From small teachings and from great ones, from the scriptures, a skilled man should take the essence from every quarter, as the bee does from flowers.
AI translation rendered from the Sanskrit, not a published edition
SB 11 8.11
सायन्तनं श्वस्तनं वा न सङ्गृह्णीत भिक्षितम् पाणि-पात्रोदरामत्रो मक्षिकेव न सङ्ग्रही
sāyantanaṃ śvastanaṃ vā na saṅgṛhṇīta bhikṣitam pāṇi-pātrodarāmatro makṣikeva na saṅgrahī
He should not store up what has been begged, for the evening or for the morrow; having his hand for a dish and his belly for a vessel, like the bee he is no hoarder.
AI translation rendered from the Sanskrit, not a published edition
SB 11 8.12
सायन्तनं श्वस्तनं वा न सङ्गृह्णीत भिक्षुकः मक्षिका इव सङ्गृह्णन् सह तेन विनश्यति
sāyantanaṃ śvastanaṃ vā na saṅgṛhṇīta bhikṣukaḥ makṣikā iva saṅgṛhṇan saha tena vinaśyati
The mendicant should not store up (food) for the evening or for the morrow; storing it up, like the bee he perishes along with it.
AI translation rendered from the Sanskrit, not a published edition
SB 11 8.13
पदापि युवतीं भिक्षुर् न स्पृशेद् दारवीम् अपि स्पृशन् करीव बध्येत करिण्या अङ्ग-सङ्गतः
padāpi yuvatīṃ bhikṣur na spṛśed dāravīm api spṛśan karīva badhyeta kariṇyā aṅga-saṅgataḥ
The mendicant should not touch a young woman even with his foot, not even one made of wood; touching her, like the bull elephant he would be bound through bodily contact with the cow elephant.
AI translation rendered from the Sanskrit, not a published edition
SB 11 8.14
नाधिगच्छेत् स्त्रियं प्राज्ञः कर्हिचिन् मृत्युम् आत्मनः बलाधिकैः स हन्येत गजैर् अन्यैर् गजो यथा
nādhigacchet striyaṃ prājñaḥ karhicin mṛtyum ātmanaḥ balādhikaiḥ sa hanyeta gajair anyair gajo yathā
The wise man should never approach a woman — his own death; he would be killed by others stronger than he, as an elephant is by other elephants.
AI translation rendered from the Sanskrit, not a published edition
SB 11 8.15
न देयं नोपभोग्यं च लुब्धैर् यद् दुःख-सञ्चितम् भुङ्क्ते तद् अपि तच् चान्यो मधु-हेवार्थविन् मधु
na deyaṃ nopabhogyaṃ ca lubdhair yad duḥkha-sañcitam bhuṅkte tad api tac cānyo madhu-hevārthavin madhu
What is amassed with pain by the greedy is neither given away nor enjoyed; another enjoys it, and also him, as the honey-thief who knows where the wealth is enjoys the honey.
AI translation rendered from the Sanskrit, not a published edition — the model flagged this verse as uncertain
SB 11 8.16
सु-दुःखोपार्जितैर् वित्तैर् आशासानां गृहाशिषः मधु-हेवाग्रतो भुङ्क्ते यतिर् वै गृह-मेधिनाम्
su-duḥkhopārjitair vittair āśāsānāṃ gṛhāśiṣaḥ madhu-hevāgrato bhuṅkte yatir vai gṛha-medhinām
Of the wealth earned with great hardship by householders who long for domestic blessings, it is the renunciant who eats first, like the honey-thief.
AI translation rendered from the Sanskrit, not a published edition
SB 11 8.17
ग्राम्य-गीतं न शृणुयाद् यतिर् वन-चरः क्वचित् शिक्षेत हरिणाद् बद्धान् मृगयोर् गीत-मोहितात्
grāmya-gītaṃ na śṛṇuyād yatir vana-caraḥ kvacit śikṣeta hariṇād baddhān mṛgayor gīta-mohitāt
A renunciant living in the forest should never listen to the songs of the village; he should learn from the deer that was bound, deluded by the hunter's song.
AI translation rendered from the Sanskrit, not a published edition
SB 11 8.18
नृत्य-वादित्र-गीतानि जुषन् ग्राम्याणि योषिताम् आसां क्रीडनको वश्य ऋष्यशृङ्गो मृगी-सुतः
nṛtya-vāditra-gītāni juṣan grāmyāṇi yoṣitām āsāṃ krīḍanako vaśya ṛṣyaśṛṅgo mṛgī-sutaḥ
Indulging in the dancing, instrumental music and songs of village women, Ṛṣyaśṛṅga, the son of a doe, became their plaything, subject to them.
AI translation rendered from the Sanskrit, not a published edition
SB 11 8.19
जिह्वयाति-प्रमाथिन्या जनो रस-विमोहितः मृत्युम् ऋच्छत्य् असद्-बुद्धिर् मीनस् तु बडिशैर् यथा
jihvayāti-pramāthinyā jano rasa-vimohitaḥ mṛtyum ṛcchaty asad-buddhir mīnas tu baḍiśair yathā
Deluded by taste through the tongue, which is exceedingly agitating, a person of unsound mind meets death, just as a fish does by the hook.
AI translation rendered from the Sanskrit, not a published edition
SB 11 8.20
इन्द्रियाणि जयन्त्य् आशु निराहारा मनीषिणः वर्जयित्वा तु रसनं तन् निरन्नस्य वर्धते
indriyāṇi jayanty āśu nirāhārā manīṣiṇaḥ varjayitvā tu rasanaṃ tan nirannasya vardhate
Wise men who abstain from food quickly conquer the senses—all but the tongue; for that grows stronger in one who is without food.
AI translation rendered from the Sanskrit, not a published edition
SB 11 8.21
तावज् जितेन्द्रियो न स्याद् विजितान्येन्द्रियः पुमान् न जयेद् रसनं यावज् जितं सर्वं जिते रसे
tāvaj jitendriyo na syād vijitānyendriyaḥ pumān na jayed rasanaṃ yāvaj jitaṃ sarvaṃ jite rase
So long as a man does not conquer the tongue, he is not one whose senses are conquered, even if he has subdued the other senses; when taste is conquered, all is conquered.
AI translation rendered from the Sanskrit, not a published edition
SB 11 8.22
पिङ्गला नाम वेश्यासीद् विदेह-नगरे पुरा तस्या मे शिक्षितं किञ्चिन् निबोध नृप-नन्दन
piṅgalā nāma veśyāsīd videha-nagare purā tasyā me śikṣitaṃ kiñcin nibodha nṛpa-nandana
There was once in the city of the Videhas a courtesan named Piṅgalā; learn, O delight of the king, what I have learned from her.
AI translation rendered from the Sanskrit, not a published edition
SB 11 8.23
सा स्वैरिण्य् एकदा कान्तं सङ्केत उपनेष्यती अभूत् काले बहिर् द्वारे बिभ्रती रूपम् उत्तमम्
sā svairiṇy ekadā kāntaṃ saṅketa upaneṣyatī abhūt kāle bahir dvāre bibhratī rūpam uttamam
One time that wanton woman, intending to bring a lover to her tryst, stood at the appointed hour outside her door, bearing an excellent appearance.
AI translation rendered from the Sanskrit, not a published edition
SB 11 8.24
मार्ग आगच्छतो वीक्ष्य पुरुषान् पुरुषर्षभ तान् शुल्क-दान् वित्तवतः कान्तान् मेने ऽर्थ-कामुकी
mārga āgacchato vīkṣya puruṣān puruṣarṣabha tān śulka-dān vittavataḥ kāntān mene 'rtha-kāmukī
O bull among men, looking at the men coming along the road, she, greedy for money, regarded those who had wealth and could pay the fee as lovers.
AI translation rendered from the Sanskrit, not a published edition
SB 11 8.25
आगतेष्व् अपयातेषु सा सङ्केतोपजीविनी अप्य् अन्यो वित्तवान् को ऽपि माम् उपैष्यति भूरि-दः
āgateṣv apayāteṣu sā saṅketopajīvinī apy anyo vittavān ko 'pi mām upaiṣyati bhūri-daḥ
As some came and went, she, who lived by assignations, (thought): "Perhaps some other man with wealth, a lavish giver, will come to me."
AI translation rendered from the Sanskrit, not a published edition
SB 11 8.26
एवं दुराशया ध्वस्त- निद्रा द्वार्य् अवलम्बती निर्गच्छन्ती प्रविशती निशीथं समपद्यत
evaṃ durāśayā dhvasta- nidrā dvāry avalambatī nirgacchantī praviśatī niśīthaṃ samapadyata
Thus, with vain hope, her sleep destroyed, hanging about at the door, going out and coming in, she came to midnight.
AI translation rendered from the Sanskrit, not a published edition
SB 11 8.27
तस्या वित्ताशया शुष्यद्- वक्त्राया दीन-चेतसः निर्वेदः परमो जज्ञे चिन्ता-हेतुः सुखावहः
tasyā vittāśayā śuṣyad- vaktrāyā dīna-cetasaḥ nirvedaḥ paramo jajñe cintā-hetuḥ sukhāvahaḥ
For her, whose mouth was drying up with longing for money and whose mind was wretched, there arose a supreme disgust (with the world), a cause of reflection and a bringer of happiness.
AI translation rendered from the Sanskrit, not a published edition
SB 11 8.28
तस्या निर्विण्ण-चित्ताया गीतं शृणु यथा मम निर्वेद आशा-पाशानां पुरुषस्य यथा ह्य् असिः
tasyā nirviṇṇa-cittāyā gītaṃ śṛṇu yathā mama nirveda āśā-pāśānāṃ puruṣasya yathā hy asiḥ
Hear from me the song of that woman whose mind had grown disgusted: for a man, disgust (with the world) is like a sword to the bonds of hope.
AI translation rendered from the Sanskrit, not a published edition
SB 11 8.29
न ह्य् अङ्गाजात-निर्वेदो देह-बन्धं जिहासति यथा विज्ञान-रहितो मनुजो ममतां नृप
na hy aṅgājāta-nirvedo deha-bandhaṃ jihāsati yathā vijñāna-rahito manujo mamatāṃ nṛpa
For, my dear, one in whom disgust has not arisen does not wish to give up the bondage of the body, just as, O king, a man devoid of true knowledge does not wish to give up the sense of "mine."
AI translation rendered from the Sanskrit, not a published edition
SB 11 8.30
पिङ्गलोवाच अहो मे मोह-विततिं पश्यताविजितात्मनः या कान्ताद् असतः कामं कामये येन बालिशा
piṅgalovāca aho me moha-vitatiṃ paśyatāvijitātmanaḥ yā kāntād asataḥ kāmaṃ kāmaye yena bāliśā
Piṅgalā said: Ah, look at the extent of my delusion, since I am not self-controlled—foolish that I am, I desire pleasure from an unreal lover.
AI translation rendered from the Sanskrit, not a published edition
SB 11 8.31
सन्तं समीपे रमणं रति-प्रदं वित्त-प्रदं नित्यम् इमं विहाय अकाम-दं दुःख-भयाधि-शोक- मोह-प्रदं तुच्छम् अहं भजे ऽज्ञा
santaṃ samīpe ramaṇaṃ rati-pradaṃ vitta-pradaṃ nityam imaṃ vihāya akāma-daṃ duḥkha-bhayādhi-śoka- moha-pradaṃ tuccham ahaṃ bhaje 'jñā
Abandoning this eternal lover who is close by, who gives delight and gives wealth, I, ignorant, serve a trifling man who gives no fulfilment of desire but gives sorrow, fear, mental distress, grief and delusion.
AI translation rendered from the Sanskrit, not a published edition
SB 11 8.32
अहो मयात्मा परितापितो वृथा साङ्केत्य-वृत्त्याति-विगर्ह्य-वार्तया स्त्रैणान् नराद् यार्थ-तृषो ऽनुशोच्यात् क्रीतेन वित्तं रतिम् आत्मनेच्छती
aho mayātmā paritāpito vṛthā sāṅketya-vṛttyāti-vigarhya-vārtayā straiṇān narād yārtha-tṛṣo 'nuśocyāt krītena vittaṃ ratim ātmanecchatī
Ah, uselessly have I tormented myself by the trade of assignations, a most contemptible livelihood, I who sought wealth and pleasure for myself from a man bought (with my body)—a woman-ruled, money-greedy, pitiable man.
AI translation rendered from the Sanskrit, not a published edition
SB 11 8.33
यद् अस्थिभिर् निर्मित-वंश-वंस्य- स्थूणं त्वचा रोम-नखैः पिनद्धम् अम्प्;क्षरन्-नव-द्वारम् अगारम् एतद् विण्-मूत्र-पूर्णं मद् उपैति कान्या
yad asthibhir nirmita-vaṃśa-vaṃsya- sthūṇaṃ tvacā roma-nakhaiḥ pinaddham kṣaran-nava-dvāram agāram etad viṇ-mūtra-pūrṇaṃ mad upaiti kānyā
This house that has beams and rafters and posts made of bones, covered over with skin, hair and nails, with nine doors oozing—full of dung and urine—what woman other than me would go to it?
AI translation rendered from the Sanskrit, not a published edition
SB 11 8.34
विदेहानां पुरे ह्य् अस्मिन्न् अहम् एकैव मूढ-धीः यान्यम् इच्छन्त्य् असत्य् अस्माद् आत्म-दात् कामम् अच्युतात्
videhānāṃ pure hy asminn aham ekaiva mūḍha-dhīḥ yānyam icchanty asaty asmād ātma-dāt kāmam acyutāt
In this city of the Videhas surely I alone am dull-witted, who, being unchaste, desire another for pleasure rather than Him, the infallible one, the giver of Himself.
AI translation rendered from the Sanskrit, not a published edition
SB 11 8.35
सुहृत् प्रेष्ठतमो नाथ आत्मा चायं शरीरिणाम् तं विक्रीयात्मनैवाहं रमे ऽनेन यथा रमा
suhṛt preṣṭhatamo nātha ātmā cāyaṃ śarīriṇām taṃ vikrīyātmanaivāhaṃ rame 'nena yathā ramā
This Self is the friend, the dearest one, the lord of embodied beings; having purchased Him with my very self, I shall take delight in Him as Ramā does.
AI translation rendered from the Sanskrit, not a published edition
SB 11 8.36
कियत् प्रियं ते व्यभजन् कामा ये काम-दा नराः आद्य्-अन्तवन्तो भार्याया देवा वा काल-विद्रुताः
kiyat priyaṃ te vyabhajan kāmā ye kāma-dā narāḥ ādy-antavanto bhāryāyā devā vā kāla-vidrutāḥ
How much pleasure have they ever apportioned to you—those pleasures, those men who grant desires, who for a wife have a beginning and an end, or the gods, all swept away by time?
AI translation rendered from the Sanskrit, not a published edition
SB 11 8.37
नूनं मे भगवान् प्रीतो विष्णुः केनापि कर्मणा निर्वेदो ऽयं दुराशाया यन् मे जातः सुखावहः
nūnaṃ me bhagavān prīto viṣṇuḥ kenāpi karmaṇā nirvedo 'yaṃ durāśāyā yan me jātaḥ sukhāvahaḥ
Surely by some act of mine the Lord Viṣṇu is pleased, since this disgust, bringing happiness, has arisen in me who had wicked hopes.
AI translation rendered from the Sanskrit, not a published edition
SB 11 8.38
मैवं स्युर् मन्द-भाग्यायाः क्लेशा निर्वेद-हेतवः येनानुबन्धं निर्हृत्य पुरुषः शमम् ऋच्छति
maivaṃ syur manda-bhāgyāyāḥ kleśā nirveda-hetavaḥ yenānubandhaṃ nirhṛtya puruṣaḥ śamam ṛcchati
May the torments of an ill-fated woman, which are the causes of disgust (with the world), not be otherwise than this—for by them a man, casting off attachment, attains peace.
AI translation rendered from the Sanskrit, not a published edition — the model flagged this verse as uncertain
SB 11 8.39
तेनोपकृतम् आदाय शिरसा ग्राम्य-सङ्गताः त्यक्त्वा दुराशाः शरणं व्रजामि तम् अधीश्वरम्
tenopakṛtam ādāya śirasā grāmya-saṅgatāḥ tyaktvā durāśāḥ śaraṇaṃ vrajāmi tam adhīśvaram
Taking upon my head whatever benefit he has done (me), abandoning the wretched hopes bound up with vulgar attachments, I go for refuge to that supreme Lord.
AI translation rendered from the Sanskrit, not a published edition — the model flagged this verse as uncertain
SB 11 8.40
सन्तुष्टा श्रद्दधत्य् एतद् यथा-लाभेन जीवती विहराम्य् अमुनैवाहम् आत्मना रमणेन वै
santuṣṭā śraddadhaty etad yathā-lābhena jīvatī viharāmy amunaivāham ātmanā ramaṇena vai
Content, having faith in this, living on whatever comes, I shall take my pleasure with that very one, the Self, my lover.
AI translation rendered from the Sanskrit, not a published edition
SB 11 8.41
संसार-कूपे पतितं विषयैर् मुषितेक्षणम् ग्रस्तं कालाहिनात्मानं को ऽन्यस् त्रातुम् अधीश्वरः
saṃsāra-kūpe patitaṃ viṣayair muṣitekṣaṇam grastaṃ kālāhinātmānaṃ ko 'nyas trātum adhīśvaraḥ
The self fallen into the well of worldly existence, its sight stolen away by the objects of the senses, swallowed by the serpent of Time — who else is a lord able to save (it)?
AI translation rendered from the Sanskrit, not a published edition
SB 11 8.42
आत्मैव ह्य् आत्मनो गोप्ता निर्विद्येत यदाखिलात् अप्रमत्त इदं पश्येद् ग्रस्तं कालाहिना जगत्
ātmaiva hy ātmano goptā nirvidyeta yadākhilāt apramatta idaṃ paśyed grastaṃ kālāhinā jagat
For the self alone is the protector of the self, when it becomes disgusted with everything; undistracted, one should see this world as swallowed by the serpent of Time.
AI translation rendered from the Sanskrit, not a published edition
SB 11 8.43
श्री-ब्राह्मण उवाच एवं व्यवसित-मतिर् दुराशां कान्त-तर्ष-जाम् छित्त्वोपशमम् आस्थाय शय्याम् उपविवेश सा
śrī-brāhmaṇa uvāca evaṃ vyavasita-matir durāśāṃ kānta-tarṣa-jām chittvopaśamam āsthāya śayyām upaviveśa sā
The brāhmaṇa said: Thus with her mind resolved, having cut off the wretched hope born of craving for a lover, she settled in calm and lay down on her bed.
AI translation rendered from the Sanskrit, not a published edition
SB 11 8.44
आशा हि परमं दुःखं नैराश्यं परमं सुखम् यथा सञ्छिद्य कान्ताशां सुखं सुष्वाप पिङ्गला
āśā hi paramaṃ duḥkhaṃ nairāśyaṃ paramaṃ sukham yathā sañchidya kāntāśāṃ sukhaṃ suṣvāpa piṅgalā
Hope indeed is the greatest suffering, hopelessness the greatest happiness — as Piṅgalā, having cut off the hope of a lover, slept happily.
AI translation rendered from the Sanskrit, not a published edition