Bhagavata Purana — Skandha 11 — Chapter 5
SB 11 5.1
श्री-राजोवाच भगवन्तं हरिं प्रायो न भजन्त्य् आत्म-वित्तमाः तेषाम् अशान्त-कामानां क निष्ठाविजितात्मनाम्
śrī-rājovāca bhagavantaṃ hariṃ prāyo na bhajanty ātma-vittamāḥ teṣām aśānta-kāmānāṃ ka niṣṭhāvijitātmanām
The King said: For the most part those who best know the self do not worship the Lord Hari. What is the final state of those whose desires are unstilled and whose selves are unconquered?
AI translation rendered from the Sanskrit, not a published edition
SB 11 5.2
श्री-चमस उवाच मुख-बाहूरु-पादेभ्यः पुरुषस्याश्रमैः सह चत्वारो जज्ञिरे वर्णा गुणैर् विप्रादयः पृथक्
śrī-camasa uvāca mukha-bāhūru-pādebhyaḥ puruṣasyāśramaiḥ saha catvāro jajñire varṇā guṇair viprādayaḥ pṛthak
Śrī Camasa said: From the mouth, arms, thighs and feet of the Puruṣa, the four classes — the brāhmaṇas and the rest — were born separately, according to the qualities, together with the orders of life.
AI translation rendered from the Sanskrit, not a published edition
SB 11 5.3
य एषां पुरुषं साक्षाद् आत्म-प्रभवम् ईश्वरम् न भजन्त्य् अवजानन्ति स्थानाद् भ्रष्टाः पतन्त्य् अधः
ya eṣāṃ puruṣaṃ sākṣād ātma-prabhavam īśvaram na bhajanty avajānanti sthānād bhraṣṭāḥ patanty adhaḥ
Those among these who do not worship the Puruṣa, the Lord who is directly the source of their own being, and who slight him, fall from their station and go downward.
AI translation rendered from the Sanskrit, not a published edition
SB 11 5.4
दूरे हरि-कथाः केचिद् दूरे चाच्युत-कीर्तनाः स्त्रियः शूद्रादयश् चैव ते ऽनुकम्प्या भवादृशाम्
dūre hari-kathāḥ kecid dūre cācyuta-kīrtanāḥ striyaḥ śūdrādayaś caiva te 'nukampyā bhavādṛśām
Some are far from talk of Hari and far from the praises of Acyuta — women, śūdras and such; they deserve the compassion of persons like you.
AI translation rendered from the Sanskrit, not a published edition
SB 11 5.5
विप्रो राजन्य-वैश्यौ वा हरेः प्राप्ताः पदान्तिकम् श्रौतेन जन्मनाथापि मुह्यन्त्य् आम्नाय-वादिनः
vipro rājanya-vaiśyau vā hareḥ prāptāḥ padāntikam śrautena janmanāthāpi muhyanty āmnāya-vādinaḥ
But the brāhmaṇa, or the kṣatriya and the vaiśya, though they have come near to the feet of Hari through the birth conferred by Vedic learning, become bewildered, (merely) reciting scripture.
AI translation rendered from the Sanskrit, not a published edition
SB 11 5.6
कर्मण्य् अकोविदाः स्तब्धा मूर्खाः पण्डित-मानिनः वदन्ति चाटुकान् मूढा यया माध्व्या गिरोत्सुकाः
karmaṇy akovidāḥ stabdhā mūrkhāḥ paṇḍita-māninaḥ vadanti cāṭukān mūḍhā yayā mādhvyā girotsukāḥ
Unskilled in ritual action, stiff with pride, fools who take themselves for learned men, deluded, they utter flattering words, made eager by that honeyed speech.
AI translation rendered from the Sanskrit, not a published edition
SB 11 5.7
रजसा घोर-सङ्कल्पाः कामुका अहि-मन्यवः दाम्भिका मानिनः पापा विहसन्त्य् अच्युत-प्रियान्
rajasā ghora-saṅkalpāḥ kāmukā ahi-manyavaḥ dāmbhikā māninaḥ pāpā vihasanty acyuta-priyān
Through passion, having dreadful intentions, lustful, with the anger of snakes, hypocritical, conceited, sinful, they mock those who are dear to Acyuta.
AI translation rendered from the Sanskrit, not a published edition
SB 11 5.8
वदन्ति ते ऽन्योन्यम् उपासित-स्त्रियो गृहेषु मैथुन्य-परेषु चाशिषः यजन्त्य् असृष्टान्न-विधान-दक्षिणं वृत्त्यै परं घ्नन्ति पशून् अतद्-विदः
vadanti te 'nyonyam upāsita-striyo gṛheṣu maithunya-pareṣu cāśiṣaḥ yajanty asṛṣṭānna-vidhāna-dakṣiṇaṃ vṛttyai paraṃ ghnanti paśūn atad-vidaḥ
Waited upon by women, they speak blessings to one another in households given over to copulation; they sacrifice without providing food-offerings, prescribed procedure and priestly fees; ignorant of the truth, they merely kill animals for their living.
AI translation rendered from the Sanskrit, not a published edition — the model flagged this verse as uncertain
SB 11 5.9
श्रिया विभूत्याभिजनेन विद्यया त्यागेन रूपेण बलेन कर्मणा जात-स्मयेनान्ध-धियः सहेश्वरान् सतो ऽवमन्यन्ति हरि-प्रियान् खलाः
śriyā vibhūtyābhijanena vidyayā tyāgena rūpeṇa balena karmaṇā jāta-smayenāndha-dhiyaḥ saheśvarān sato 'vamanyanti hari-priyān khalāḥ
Their minds blinded by the conceit born of wealth, power, high birth, learning, renunciation, beauty, strength and deeds, these base men despise the good who are dear to Hari, along with the Lord himself.
AI translation rendered from the Sanskrit, not a published edition
SB 11 5.10
सर्वेषु शश्वत् तनु-भृत्स्व् अवस्थितं यथा खम् आत्मानम् अभीष्टम् ईश्वरम् अम्प्;वेदोपगीतं च न शृण्वते ऽबुधा मनो-रथानां प्रवदन्ति वार्तया
sarveṣu śaśvat tanu-bhṛtsv avasthitaṃ yathā kham ātmānam abhīṣṭam īśvaram vedopagītaṃ ca na śṛṇvate 'budhā mano-rathānāṃ pravadanti vārtayā
Unwise, they do not listen about the Self, the desirable Lord, who abides always in all embodied beings as the sky does, and who is sung of by the Vedas; instead they hold forth in idle talk about their own daydreams.
AI translation rendered from the Sanskrit, not a published edition
SB 11 5.11
लोके व्यवायामिष-मद्य-सेवा नित्या हि जन्तोर् न हि तत्र चोदना व्यवस्थितिस् तेषु विवाह-यज्ञ सुरा-ग्रहैर् आसु निवृत्तिर् इष्टा
loke vyavāyāmiṣa-madya-sevā nityā hi jantor na hi tatra codanā vyavasthitis teṣu vivāha-yajña surā-grahair āsu nivṛttir iṣṭā
In the world, the indulgence in sex, meat and liquor is natural to a creature; there is no injunction for it. Rather there is regulation of these things through marriage, through sacrifice, and through the taking of soma; and abstention from them is what is desired.
AI translation rendered from the Sanskrit, not a published edition
SB 11 5.12
धनं च धर्मैक-फलं यतो वै ज्ञानं स-विज्ञानम् अनुप्रशान्ति अम्प्;गृहेषु युञ्जन्ति कलेवरस्य मृत्युं न पश्यन्ति दुरन्त-वीर्यम्
dhanaṃ ca dharmaika-phalaṃ yato vai jñānaṃ sa-vijñānam anupraśānti gṛheṣu yuñjanti kalevarasya mṛtyuṃ na paśyanti duranta-vīryam
And wealth, whose one fruit is dharma, from which comes knowledge together with realization and thereafter peace — they harness it in household life; they do not see the death of the body, whose power is impossible to overcome.
AI translation rendered from the Sanskrit, not a published edition
SB 11 5.13
यद् घ्राण-भक्षो विहितः सुरायास् तथा पशोर् आलभनं न हिंसा एवं व्यवायः प्रजया न रत्या इमं विशुद्धं न विदुः स्व-धर्मम्
yad ghrāṇa-bhakṣo vihitaḥ surāyās tathā paśor ālabhanaṃ na hiṃsā evaṃ vyavāyaḥ prajayā na ratyā imaṃ viśuddhaṃ na viduḥ sva-dharmam
That only the smelling of liquor is prescribed; likewise the mere touching of the sacrificial animal, not its slaughter; and so too intercourse for offspring, not for pleasure — this pure law of their own they do not know.
AI translation rendered from the Sanskrit, not a published edition
SB 11 5.14
ये त्व् अनेवं-विदो ऽसन्तः स्तब्धाः सद्-अभिमानिनः पशून् द्रुह्यन्ति विश्रब्धाः प्रेत्य खादन्ति ते च तान्
ye tv anevaṃ-vido 'santaḥ stabdhāḥ sad-abhimāninaḥ paśūn druhyanti viśrabdhāḥ pretya khādanti te ca tān
But those who do not know thus, being wicked, stiff with pride, taking themselves for good men, confidently do violence to animals; and those (animals), after death, devour them.
AI translation rendered from the Sanskrit, not a published edition
SB 11 5.15
द्विषन्तः पर-कायेषु स्वात्मानं हरिम् ईश्वरम् मृतके सानुबन्धे ऽस्मिन् बद्ध-स्नेहाः पतन्त्य् अधः
dviṣantaḥ para-kāyeṣu svātmānaṃ harim īśvaram mṛtake sānubandhe 'smin baddha-snehāḥ patanty adhaḥ
Hating in the bodies of others their own self, Hari the Lord, they, bound in affection to this dead (body) along with its appendages, fall downward.
AI translation rendered from the Sanskrit, not a published edition
SB 11 5.16
ये कैवल्यम् असम्प्राप्ता ये चातीताश् च मूढताम् त्रै-वर्गिका ह्य् अक्षणिका आत्मानं घातयन्ति ते
ye kaivalyam asamprāptā ye cātītāś ca mūḍhatām trai-vargikā hy akṣaṇikā ātmānaṃ ghātayanti te
Those who have not attained liberation and those who have gone beyond delusion — the followers of the three aims (dharma, wealth, pleasure), who are not attentive to the (fleeting) moment — they slay their own self.
AI translation rendered from the Sanskrit, not a published edition — the model flagged this verse as uncertain
SB 11 5.17
एत आत्म-हनो ऽशान्ता अज्ञाने ज्ञान-मानिनः सीदन्त्य् अकृत-कृत्या वै काल-ध्वस्त-मनोरथाः
eta ātma-hano 'śāntā ajñāne jñāna-māninaḥ sīdanty akṛta-kṛtyā vai kāla-dhvasta-manorathāḥ
These slayers of the self, unpeaceful, fancying themselves wise while in ignorance, sink down, their duty undone, their hopes destroyed by time.
AI translation rendered from the Sanskrit, not a published edition
SB 11 5.18
हित्वात्म-माया-रचिता गृहापत्य-सुहृत्-स्त्रियः तमो विशन्त्य् अनिच्छन्तो वासुदेव-पराङ्-मुखाः
hitvātma-māyā-racitā gṛhāpatya-suhṛt-striyaḥ tamo viśanty anicchanto vāsudeva-parāṅ-mukhāḥ
Abandoning home, children, friends and women — all fashioned by the Self's own illusive power — they, turned away from Vāsudeva, enter darkness unwillingly.
AI translation rendered from the Sanskrit, not a published edition
SB 11 5.19
श्री राजोवाच कस्मिन् काले स भगवान् किं वर्णः कीदृशो नृभिः नाम्ना वा केन विधिना पूज्यते तद् इहोच्यताम्
śrī rājovāca kasmin kāle sa bhagavān kiṃ varṇaḥ kīdṛśo nṛbhiḥ nāmnā vā kena vidhinā pūjyate tad ihocyatām
The king said: In what age, of what colour, of what appearance is that Lord, and by what name and by what rite is he worshipped by men? Let that be told here.
AI translation rendered from the Sanskrit, not a published edition
SB 11 5.20
श्री-करभाजन उवाच कृतं त्रेता द्वापरं च कलिर् इत्य् एषु केशवः नाना-वर्णाभिधाकारो नानैव विधिनेज्यते
śrī-karabhājana uvāca kṛtaṃ tretā dvāparaṃ ca kalir ity eṣu keśavaḥ nānā-varṇābhidhākāro nānaiva vidhinejyate
Śrī Karabhājana said: In these (ages) — Kṛta, Tretā, Dvāpara and Kali — Keśava, with various colours, names and forms, is worshipped by various rites indeed.
AI translation rendered from the Sanskrit, not a published edition
SB 11 5.21
कृते शुक्लश् चतुर्-बाहुर् जटिलो वल्कलाम्बरः कृष्णाजिनोपवीताक्षान् बिभ्रद् दण्ड-कमण्डलू
kṛte śuklaś catur-bāhur jaṭilo valkalāmbaraḥ kṛṣṇājinopavītākṣān bibhrad daṇḍa-kamaṇḍalū
In the Kṛta (age) he is white, four-armed, wearing matted hair and bark garments, bearing a black antelope skin, the sacred thread, prayer beads, a staff and a water pot.
AI translation rendered from the Sanskrit, not a published edition
SB 11 5.22
मनुष्यास् तु तदा शान्ता निर्वैराः सुहृदः समाः यजन्ति तपसा देवं शमेन च दमेन च
manuṣyās tu tadā śāntā nirvairāḥ suhṛdaḥ samāḥ yajanti tapasā devaṃ śamena ca damena ca
And men then, peaceful, free of enmity, friendly, equal-minded, worship that god with austerity, with tranquillity and with self-restraint.
AI translation rendered from the Sanskrit, not a published edition
SB 11 5.23
हंसः सुपर्णो वैकुण्ठो धर्मो योगेश्वरो ऽमलः ईश्वरः पुरुषो ऽव्यक्तः परमात्मेति गीयते
haṃsaḥ suparṇo vaikuṇṭho dharmo yogeśvaro 'malaḥ īśvaraḥ puruṣo 'vyaktaḥ paramātmeti gīyate
He is sung of as Haṃsa, Suparṇa, Vaikuṇṭha, Dharma, Yogeśvara, the Stainless, the Lord, Puruṣa, the Unmanifest, and the Supreme Self.
AI translation rendered from the Sanskrit, not a published edition
SB 11 5.24
त्रेतायां रक्त-वर्णो ऽसौ चतुर्-बाहुस् त्रि-मेखलः हिरण्य-केशस् त्रय्य्-आत्मा स्रुक्-स्रुवाद्य्-उपलक्षणः
tretāyāṃ rakta-varṇo 'sau catur-bāhus tri-mekhalaḥ hiraṇya-keśas trayy-ātmā sruk-sruvādy-upalakṣaṇaḥ
In the Tretā (age) he is red in colour, four-armed, with three girdles, golden-haired, the embodiment of the three Vedas, marked by the sacrificial ladle, the spoon and the rest.
AI translation rendered from the Sanskrit, not a published edition
SB 11 5.25
तं तदा मनुजा देवं सर्व-देव-मयं हरिम् यजन्ति विद्यया त्रय्या धर्मिष्ठा ब्रह्म-वादिनः
taṃ tadā manujā devaṃ sarva-deva-mayaṃ harim yajanti vidyayā trayyā dharmiṣṭhā brahma-vādinaḥ
Then men, most devoted to dharma and speakers of the Veda, worship him, the god Hari, who contains all the gods, by the knowledge of the three Vedas.
AI translation rendered from the Sanskrit, not a published edition
SB 11 5.26
विष्णुर् यज्ञः पृश्निगर्भः सर्वदेव उरुक्रमः वृषाकपिर् जयन्तश् च उरुगाय इतीर्यते
viṣṇur yajñaḥ pṛśnigarbhaḥ sarvadeva urukramaḥ vṛṣākapir jayantaś ca urugāya itīryate
He is called Viṣṇu, Yajña, Pṛśnigarbha, Sarvadeva, Urukrama, Vṛṣākapi, Jayanta and Urugāya.
AI translation rendered from the Sanskrit, not a published edition
SB 11 5.27
द्वापरे भगवाञ् श्यामः पीत-वासा निजायुधः श्रीवत्सादिभिर् अङ्कैश् च लक्षणैर् उपलक्षितः
dvāpare bhagavāñ śyāmaḥ pīta-vāsā nijāyudhaḥ śrīvatsādibhir aṅkaiś ca lakṣaṇair upalakṣitaḥ
In the Dvāpara (age) the Lord is dark, clad in yellow, bearing his own weapons, distinguished by the Śrīvatsa and other marks and characteristics.
AI translation rendered from the Sanskrit, not a published edition
SB 11 5.28
तं तदा पुरुषं मर्त्या महा-राजोपलक्षणम् यजन्ति वेद-तन्त्राभ्यां परं जिज्ञासवो नृप
taṃ tadā puruṣaṃ martyā mahā-rājopalakṣaṇam yajanti veda-tantrābhyāṃ paraṃ jijñāsavo nṛpa
Then, O king, mortals seeking to know the Supreme worship that Person, marked with the insignia of a great king, by means of both the Veda and the Tantra.
AI translation rendered from the Sanskrit, not a published edition
SB 11 5.29
नमस् ते वासुदेवाय नमः सङ्कर्षणाय च प्रद्युम्नायानिरुद्धाय तुभ्यं भगवते नमः
namas te vāsudevāya namaḥ saṅkarṣaṇāya ca pradyumnāyāniruddhāya tubhyaṃ bhagavate namaḥ
Homage to you, to Vāsudeva; homage to Saṅkarṣaṇa, to Pradyumna, to Aniruddha; homage to you, the Lord.
AI translation rendered from the Sanskrit, not a published edition
SB 11 5.30
नारायणाय ऋषये पुरुषाय महात्मने विश्वेश्वराय विश्वाय सर्व-भूतात्मने नमः
nārāyaṇāya ṛṣaye puruṣāya mahātmane viśveśvarāya viśvāya sarva-bhūtātmane namaḥ
Homage to Nārāyaṇa, to the seer, to the Person, to the great Self, to the Lord of the universe, to the universe (itself), to the Self of all beings.
AI translation rendered from the Sanskrit, not a published edition
SB 11 5.31
इति द्वापर उर्व्-ईश स्तुवन्ति जगद्-ईश्वरम् नाना-तन्त्र-विधानेन कलाव् अपि तथा शृणु
iti dvāpara urv-īśa stuvanti jagad-īśvaram nānā-tantra-vidhānena kalāv api tathā śṛṇu
Thus, O ruler of the earth, in the Dvāpara (age) they praise the Lord of the world by the prescriptions of various Tantras. Hear now how it is in Kali too.
AI translation rendered from the Sanskrit, not a published edition
SB 11 5.32
कृष्ण-वर्णं त्विषाकृष्णं साङ्गोपाङ्गास्त्र-पार्षदम् यज्ञैः सङ्कीर्तन-प्रायैर् यजन्ति हि सु-मेधसः
kṛṣṇa-varṇaṃ tviṣākṛṣṇaṃ sāṅgopāṅgāstra-pārṣadam yajñaiḥ saṅkīrtana-prāyair yajanti hi su-medhasaḥ
The intelligent worship, with sacrifices consisting chiefly of the joint chanting (of his names), him who is black in colour, (yet) not black in radiance, together with his limbs, subsidiary parts, weapons and companions.
AI translation rendered from the Sanskrit, not a published edition
SB 11 5.33
ध्येयं सदा परिभव-घ्नम् अभीष्ट-दोहं तीर्थास्पदं शिव-विरिञ्चि-नुतं शरण्यम् अम्प्;भृत्यार्ति-हं प्रणत-पाल भवाब्धि-पोतं वन्दे महा-पुरुष ते चरणारविन्दम्
dhyeyaṃ sadā paribhava-ghnam abhīṣṭa-dohaṃ tīrthāspadaṃ śiva-viriñci-nutaṃ śaraṇyam bhṛtyārti-haṃ praṇata-pāla bhavābdhi-potaṃ vande mahā-puruṣa te caraṇāravindam
O Great Person, O protector of those who bow down, I revere your lotus foot — ever to be meditated upon, destroyer of humiliation, yielding what is desired, the seat of holy places, praised by Śiva and Brahmā, worthy of refuge, remover of the servant's distress, a boat across the ocean of existence.
AI translation rendered from the Sanskrit, not a published edition
SB 11 5.34
त्यक्त्वा सु-दुस्त्यज-सुरेप्सित-राज्य-लक्ष्मीं धर्मिष्ठ आर्य-वचसा यद् अगाद् अरण्यम् त्यक्त्वा सु-दुस्त्यज-सुरेप्सित-राज्य-लक्ष्मीं धर्मिष्ठ आर्य-वचसा यद् अगाद् अरण्यम् माया-मृगं दयितयेप्सितम् अन्वधावद् वन्दे महा-पुरुष ते चरणारविन्दम्
tyaktvā su-dustyaja-surepsita-rājya-lakṣmīṃ dharmiṣṭha ārya-vacasā yad agād araṇyam tyaktvā su-dustyaja-surepsita-rājya-lakṣmīṃ dharmiṣṭha ārya-vacasā yad agād araṇyam māyā-mṛgaṃ dayitayepsitam anvadhāvad vande mahā-puruṣa te caraṇāravindam
(You) who, most devoted to dharma, having abandoned the royal fortune coveted by the gods and so hard to give up, went to the forest at the word of an elder, and ran after the illusory deer desired by (your) beloved — O Great Person, I revere your lotus foot.
AI translation rendered from the Sanskrit, not a published edition
SB 11 5.35
एवं युगानुरूपाभ्यां भगवान् युग-वर्तिभिः मनुजैर् इज्यते राजन् श्रेयसाम् ईश्वरो हरिः
evaṃ yugānurūpābhyāṃ bhagavān yuga-vartibhiḥ manujair ijyate rājan śreyasām īśvaro hariḥ
Thus, O king, by the two (modes of worship) suited to the age, Hari, the Lord of all blessings, is worshipped by the men living in each age.
AI translation rendered from the Sanskrit, not a published edition
SB 11 5.36
कलिं सभाजयन्त्य् आर्या गुण ज्ञाः सार-भागिनः यत्र सङ्कीर्तनेनैव सर्व-स्वार्थो ऽभिलभ्यते
kaliṃ sabhājayanty āryā guṇa jñāḥ sāra-bhāginaḥ yatra saṅkīrtanenaiva sarva-svārtho 'bhilabhyate
The noble ones who know the (real) qualities and take the essence praise Kali, in which by chanting together alone the whole aim of the self is obtained.
AI translation rendered from the Sanskrit, not a published edition
SB 11 5.37
न ह्य् अतः परमो लाभो देहिनां भ्राम्यताम् इह यतो विन्देत परमां शान्तिं नश्यति संसृतिः
na hy ataḥ paramo lābho dehināṃ bhrāmyatām iha yato vindeta paramāṃ śāntiṃ naśyati saṃsṛtiḥ
For there is no gain higher than this for embodied beings wandering here, by which one may find the supreme peace and (one's) course through births perishes.
AI translation rendered from the Sanskrit, not a published edition
SB 11 5.38
कृतादिषु प्रजा राजन् कलाव् इच्छन्ति सम्भवम् कलौ खलु भविष्यन्ति नारायण-परायणाः
kṛtādiṣu prajā rājan kalāv icchanti sambhavam kalau khalu bhaviṣyanti nārāyaṇa-parāyaṇāḥ
O king, the people (born) in Kṛta and the other ages desire birth in Kali, for in Kali there will indeed be those wholly devoted to Nārāyaṇa.
AI translation rendered from the Sanskrit, not a published edition
SB 11 5.39
क्वचित् क्वचिन् महा-राज द्रविडेषु च भूरिशः ताम्रपर्णी नदी यत्र कृतमाला पयस्विनी
kvacit kvacin mahā-rāja draviḍeṣu ca bhūriśaḥ tāmraparṇī nadī yatra kṛtamālā payasvinī
Here and there, O great king, and in abundance among the Dravidas, where (flow) the river Tāmraparṇī, the Kṛtamālā, the Payasvinī,
AI translation rendered from the Sanskrit, not a published edition
SB 11 5.40
कावेरी च महा-पुण्या प्रतीची च महा-नदी ये पिबन्ति जलं तासां मनुजा मनुजेश्वर प्रायो भक्ता भगवति वासुदेवे ऽमलाशयाः
kāverī ca mahā-puṇyā pratīcī ca mahā-nadī ye pibanti jalaṃ tāsāṃ manujā manujeśvara prāyo bhaktā bhagavati vāsudeve 'malāśayāḥ
and the greatly holy Kāverī, and the great river Pratīcī — the men who drink the water of these, O lord of men, are for the most part devotees of the Lord Vāsudeva, pure in disposition.
AI translation rendered from the Sanskrit, not a published edition
SB 11 5.41
देवर्षि-भूताप्त-नृणां पितॄणां न किङ्करो नायम् ऋणी च राजन् सर्वात्मना यः शरणं शरण्यं गतो मुकुन्दं परिहृत्य कर्तम्
devarṣi-bhūtāpta-nṛṇāṃ pitṝṇāṃ na kiṅkaro nāyam ṛṇī ca rājan sarvātmanā yaḥ śaraṇaṃ śaraṇyaṃ gato mukundaṃ parihṛtya kartam
He is not the servant nor the debtor of gods, sages, (other) beings, kinsmen, men or the forefathers, O king, who with his whole self has gone for refuge to Mukunda, the giver of refuge, having given up (all other) duty.
AI translation rendered from the Sanskrit, not a published edition
SB 11 5.42
स्व-पाद-मूलम् भजतः प्रियस्य त्यक्तान्य-भावस्य हरिः परेशः विकर्म यच् चोत्पतितं कथञ्चिद् धुनोति सर्वं हृदि सन्निविष्टः
sva-pāda-mūlam bhajataḥ priyasya tyaktānya-bhāvasya hariḥ pareśaḥ vikarma yac cotpatitaṃ kathañcid dhunoti sarvaṃ hṛdi sanniviṣṭaḥ
For one who is dear (to him), who worships the sole of his foot, who has given up other attachments, Hari, the supreme Lord, seated in his heart, shakes off entirely whatever forbidden act has somehow arisen.
AI translation rendered from the Sanskrit, not a published edition
SB 11 5.43
श्री-नारद उवाच धर्मान् भागवतान् इत्थं श्रुत्वाथ मिथिलेश्वरः जायन्तेयान् मुनीन् प्रीतः सोपाध्यायो ह्य् अपूजयत्
śrī-nārada uvāca dharmān bhāgavatān itthaṃ śrutvātha mithileśvaraḥ jāyanteyān munīn prītaḥ sopādhyāyo hy apūjayat
Śrī Nārada said: Having thus heard the dharmas of the devotees of the Lord, the king of Mithilā, pleased, together with his priests, worshipped the sages, the sons of Jāyantī.
AI translation rendered from the Sanskrit, not a published edition
SB 11 5.44
ततो ऽन्तर्दधिरे सिद्धाः सर्व-लोकस्य पश्यतः राजा धर्मान् उपातिष्ठन्न् अवाप परमां गतिम्
tato 'ntardadhire siddhāḥ sarva-lokasya paśyataḥ rājā dharmān upātiṣṭhann avāpa paramāṃ gatim
Then the perfected ones vanished while all the people looked on; and the king, practising those dharmas, attained the supreme goal.
AI translation rendered from the Sanskrit, not a published edition
SB 11 5.45
त्वम् अप्य् एतान् महा-भाग धर्मान् भागवतान् श्रुतान् आस्थितः श्रद्धया युक्तो निःसङ्गो यास्यसे परम्
tvam apy etān mahā-bhāga dharmān bhāgavatān śrutān āsthitaḥ śraddhayā yukto niḥsaṅgo yāsyase param
You too, O greatly fortunate one, established in these dharmas of the devotees that you have heard, endowed with faith and free of attachment, will go to the Supreme.
AI translation rendered from the Sanskrit, not a published edition
SB 11 5.46
युवयोः खलु दम्पत्योर् यशसा पूरितं जगत् पुत्रताम् अगमद् यद् वां भगवान् ईश्वरो हरिः
yuvayoḥ khalu dampatyor yaśasā pūritaṃ jagat putratām agamad yad vāṃ bhagavān īśvaro hariḥ
Indeed the world is filled with the glory of you two, husband and wife, since the Lord Hari, the ruler, became your son.
AI translation rendered from the Sanskrit, not a published edition
SB 11 5.47
दर्शनालिङ्गनालापैः शयनासन-भोजनैः आत्मा वां पावितः कृष्णे पुत्र-स्नेहं प्रकुर्वतोः
darśanāliṅganālāpaiḥ śayanāsana-bhojanaiḥ ātmā vāṃ pāvitaḥ kṛṣṇe putra-snehaṃ prakurvatoḥ
By seeing, embracing and conversing (with him), by lying down, sitting and eating (with him), your selves have been purified as you rendered parental affection toward Kṛṣṇa.
AI translation rendered from the Sanskrit, not a published edition
SB 11 5.48
वैरेण यं नृपतयः शिशुपाल-पौण्ड्र- शाल्वादयो गति-विलास-विलोकनाद्यैः अम्प्;ध्यायन्त आकृत-धियः शयनासनादौ तत्-साम्यम् आपुर् अनुरक्त-धियां पुनः किम्
vaireṇa yaṃ nṛpatayaḥ śiśupāla-pauṇḍra- śālvādayo gati-vilāsa-vilokanādyaiḥ dhyāyanta ākṛta-dhiyaḥ śayanāsanādau tat-sāmyam āpur anurakta-dhiyāṃ punaḥ kim
Kings such as Śiśupāla, Pauṇḍra and Śālva, whose minds were unrefined, meditated on him with enmity through his gait, his graceful play, his glances and so on, while lying down, sitting and the rest, and attained sameness with him — what then of those whose minds are devoted to him?
AI translation rendered from the Sanskrit, not a published edition
SB 11 5.49
मापत्य-बुद्धिम् अकृथाः कृष्णे सर्वात्मनीश्वरे माया-मनुष्य-भावेन गूढैश्वर्ये परे ऽव्यये
māpatya-buddhim akṛthāḥ kṛṣṇe sarvātmanīśvare māyā-manuṣya-bhāvena gūḍhaiśvarye pare 'vyaye
Do not hold the notion of a son toward Kṛṣṇa, who is the Lord, the Self of all, whose sovereignty is hidden by his illusory human manner, the supreme, the imperishable.
AI translation rendered from the Sanskrit, not a published edition
SB 11 5.50
भू-भारासुर-राजन्य- हन्तवे गुप्तये सताम् अवतीर्णस्य निर्वृत्यै यशो लोके वितन्यते
bhū-bhārāsura-rājanya- hantave guptaye satām avatīrṇasya nirvṛtyai yaśo loke vitanyate
His fame is spread in the world for the sake of the peace (of all) — his, who has descended in order to slay the demonic kings who are a burden to the earth and to protect the good.
AI translation rendered from the Sanskrit, not a published edition
SB 11 5.51
श्री-शुक उवाच एतच् छ्रुत्वा महा-भागो वसुदेवो ऽति-विस्मितः देवकी च महा-भागा जहतुर् मोहम् आत्मनः
śrī-śuka uvāca etac chrutvā mahā-bhāgo vasudevo 'ti-vismitaḥ devakī ca mahā-bhāgā jahatur moham ātmanaḥ
Śrī Śuka said: Having heard this, the greatly fortunate Vasudeva, exceedingly amazed, and the greatly fortunate Devakī, both gave up the delusion of their minds.
AI translation rendered from the Sanskrit, not a published edition
SB 11 5.52
इतिहासम् इमं पुण्यं धारयेद् यः समाहितः स विधूयेह शमलं ब्रह्म-भूयाय कल्पते
itihāsam imaṃ puṇyaṃ dhārayed yaḥ samāhitaḥ sa vidhūyeha śamalaṃ brahma-bhūyāya kalpate
Whoever, with concentrated mind, holds fast to this holy narrative, shaking off impurity here, becomes fit for becoming Brahman.
AI translation rendered from the Sanskrit, not a published edition