Bhagavata Purana — Skandha 11 — Chapter 26
SB 11 26.1
श्री-भगवान् उवाच मल्-लक्षणम् इमं कायं लब्ध्वा मद्-धर्म आस्थितः आनन्दं परमात्मानम् आत्म-स्थं समुपैति माम्
śrī-bhagavān uvāca mal-lakṣaṇam imaṃ kāyaṃ labdhvā mad-dharma āsthitaḥ ānandaṃ paramātmānam ātma-sthaṃ samupaiti mām
The blessed Lord said: Having obtained this body which is marked by me, and standing firm in my law, he fully attains me, the bliss, the supreme Self seated in the self.
AI translation rendered from the Sanskrit, not a published edition
SB 11 26.2
गुण-मय्या जीव-योन्या विमुक्तो ज्ञान-निष्ठया गुणेषु माया-मात्रेषु दृश्यमानेष्व् अवस्तुतः वर्तमानो ऽपि न पुमान् युज्यते ऽवस्तुभिर् गुणैः
guṇa-mayyā jīva-yonyā vimukto jñāna-niṣṭhayā guṇeṣu māyā-mātreṣu dṛśyamāneṣv avastutaḥ vartamāno 'pi na pumān yujyate 'vastubhir guṇaiḥ
Freed by steadfastness in knowledge from the womb of individual birth made of the modes, a person, even while living among the modes which are mere illusion, seen though not real, is not bound by the modes, which are unreal.
AI translation rendered from the Sanskrit, not a published edition
SB 11 26.3
सङ्गं न कुर्याद् असतां शिश्नोदर-तृपां क्वचित् तस्यानुगस् तमस्य् अन्धे पतत्य् अन्धानुगान्ध-वत्
saṅgaṃ na kuryād asatāṃ śiśnodara-tṛpāṃ kvacit tasyānugas tamasy andhe pataty andhānugāndha-vat
One should never keep company with the unworthy, who gratify their genitals and bellies; whoever follows such a one falls into blind darkness, like a blind man following the blind.
AI translation rendered from the Sanskrit, not a published edition
SB 11 26.4
ऐलः सम्राड् इमां गाथाम् अगायत बृहच्-छ्रवाः उर्वशी-विरहान् मुह्यन् निर्विण्णः शोक-संयमे
ailaḥ samrāḍ imāṃ gāthām agāyata bṛhac-chravāḥ urvaśī-virahān muhyan nirviṇṇaḥ śoka-saṃyame
Aila the emperor, of wide fame, sang this song, bewildered by separation from Urvaśī, grown weary of it, while restraining his grief.
AI translation rendered from the Sanskrit, not a published edition
SB 11 26.5
त्यक्त्वात्मानं व्रयन्तीं तां नग्न उन्मत्त-वन् नृपः विलपन्न् अन्वगाज् जाये घोरे तिष्ठेति विक्लवः
tyaktvātmānaṃ vrayantīṃ tāṃ nagna unmatta-van nṛpaḥ vilapann anvagāj jāye ghore tiṣṭheti viklavaḥ
When she, having abandoned him, was going away, the king, naked like a madman, followed her lamenting, distraught: "O wife, cruel one, stay!"
AI translation rendered from the Sanskrit, not a published edition
SB 11 26.6
कामान् अतृप्तो ऽनुजुषन् क्षुल्लकान् वर्ष-यामिनीः न वेद यान्तीर् नायान्तीर् उर्वश्य्-आकृष्ट-चेतनः
kāmān atṛpto 'nujuṣan kṣullakān varṣa-yāminīḥ na veda yāntīr nāyāntīr urvaśy-ākṛṣṭa-cetanaḥ
Unsatisfied, indulging in petty pleasures, his awareness drawn away by Urvaśī, he did not notice the years and nights going or coming.
AI translation rendered from the Sanskrit, not a published edition
SB 11 26.7
ऐल उवाच अहो मे मोह-विस्तारः काम-कश्मल-चेतसः देव्या गृहीत-कण्ठस्य नायुः-खण्डा इमे स्मृताः
aila uvāca aho me moha-vistāraḥ kāma-kaśmala-cetasaḥ devyā gṛhīta-kaṇṭhasya nāyuḥ-khaṇḍā ime smṛtāḥ
Aila said: Alas, how vast is my delusion, my mind soiled by lust! Held by the neck by that goddess, I did not even notice these portions of my life passing.
AI translation rendered from the Sanskrit, not a published edition
SB 11 26.8
नाहं वेदाभिनिर्मुक्तः सूर्यो वाभ्युदितो ऽमुया मूषितो वर्ष-पूगानां बताहानि गतान्य् उत
nāhaṃ vedābhinirmuktaḥ sūryo vābhyudito 'muyā mūṣito varṣa-pūgānāṃ batāhāni gatāny uta
Robbed by her, I did not know that the sun had set or had risen. Alas, the days of many years have gone by!
AI translation rendered from the Sanskrit, not a published edition
SB 11 26.9
अहो मे आत्म-सम्मोहो येनात्मा योषितां कृतः क्रीडा-मृगश् चक्रवर्ती नरदेव-शिखामणिः
aho me ātma-sammoho yenātmā yoṣitāṃ kṛtaḥ krīḍā-mṛgaś cakravartī naradeva-śikhāmaṇiḥ
Alas, what a bewilderment of myself, by which I—an emperor, the crest-jewel among kings who are gods among men—was made the plaything of women!
AI translation rendered from the Sanskrit, not a published edition
SB 11 26.10
स-परिच्छदम् आत्मानं हित्वा तृणम् इवेश्वरम् यान्तीं स्त्रियं चान्वगमं नग्न उन्मत्त-वद् रुदन्
sa-paricchadam ātmānaṃ hitvā tṛṇam iveśvaram yāntīṃ striyaṃ cānvagamaṃ nagna unmatta-vad rudan
Abandoning myself, a lord with all my retinue, as though it were a straw, I followed the woman as she went away, naked, weeping like a madman.
AI translation rendered from the Sanskrit, not a published edition
SB 11 26.11
कुतस् तस्यानुभावः स्यात् तेज ईशत्वम् एव वा यो ऽन्वगच्छं स्त्रियं यान्तीं खर-वत् पाद-ताडितः
kutas tasyānubhāvaḥ syāt teja īśatvam eva vā yo 'nvagacchaṃ striyaṃ yāntīṃ khara-vat pāda-tāḍitaḥ
How could there be any greatness, splendour, or lordship in one who followed a woman as she left, kicked by her foot like an ass?
AI translation rendered from the Sanskrit, not a published edition
SB 11 26.12
किं विद्यया किं तपसा किं त्यागेन श्रुतेन वा किं विविक्तेन मौनेन स्त्रीभिर् यस्य मनो हृतम्
kiṃ vidyayā kiṃ tapasā kiṃ tyāgena śrutena vā kiṃ viviktena maunena strībhir yasya mano hṛtam
What use is learning, what use austerity, renunciation, or scriptural study, what use solitude and silence, to one whose mind has been carried off by women?
AI translation rendered from the Sanskrit, not a published edition
SB 11 26.13
स्वार्थस्याकोविदं धिङ् मां मूर्खं पण्डित-मानिनम् यो ऽहम् ईश्वरतां प्राप्य स्त्रीभिर् गो-खर-वज् जितः
svārthasyākovidaṃ dhiṅ māṃ mūrkhaṃ paṇḍita-māninam yo 'ham īśvaratāṃ prāpya strībhir go-khara-vaj jitaḥ
Shame on me, ignorant of my own good, a fool who thought himself wise—I who, having attained lordship, was conquered by women like an ox or an ass.
AI translation rendered from the Sanskrit, not a published edition
SB 11 26.14
सेवतो वर्ष-पूगान् मे उर्वश्या अधरासवम् न तृप्यत्य् आत्म-भूः कामो वह्निर् आहुतिभिर् यथा
sevato varṣa-pūgān me urvaśyā adharāsavam na tṛpyaty ātma-bhūḥ kāmo vahnir āhutibhir yathā
Though I served the liquor of Urvaśī's lips for many years, the desire arising in me is not sated, like fire with its oblations.
AI translation rendered from the Sanskrit, not a published edition
SB 11 26.15
पुंश्चल्यापहृतं चित्तं को न्व् अन्यो मोचितुं प्रभुः आत्मारामेश्वरम् ऋते भगवन्तम् अधोक्षजम्
puṃścalyāpahṛtaṃ cittaṃ ko nv anyo mocituṃ prabhuḥ ātmārāmeśvaram ṛte bhagavantam adhokṣajam
Who else is able to free a mind carried off by a wanton woman, other than the Lord, the Blessed One beyond the senses, master of those who delight in the self?
AI translation rendered from the Sanskrit, not a published edition
SB 11 26.16
बोधितस्यापि देव्या मे सूक्त-वाक्येन दुर्मतेः मनो-गतो महा-मोहो नापयात्य् अजितात्मनः
bodhitasyāpi devyā me sūkta-vākyena durmateḥ mano-gato mahā-moho nāpayāty ajitātmanaḥ
Though I was instructed by the goddess with well-spoken words, the great delusion lodged in the mind of me—dull-witted, with a self unsubdued—does not depart.
AI translation rendered from the Sanskrit, not a published edition
SB 11 26.17
किम् एतया नो ऽपकृतं रज्ज्वा वा सर्प-चेतसः द्रष्टुः स्वरूपाविदुषो यो ऽहं यद् अजितेन्द्रियः
kim etayā no 'pakṛtaṃ rajjvā vā sarpa-cetasaḥ draṣṭuḥ svarūpāviduṣo yo 'haṃ yad ajitendriyaḥ
What harm has she done me—or a rope to one who takes it for a snake? The fault is mine, the beholder who does not know his own nature, whose senses are unconquered.
AI translation rendered from the Sanskrit, not a published edition
SB 11 26.18
क्वायं मलीमसः कायो दौर्गन्ध्याद्य्-आत्मको ऽशुचिः क्व गुणाः सौमनस्याद्या ह्य् अध्यासो ऽविद्यया कृतः
kvāyaṃ malīmasaḥ kāyo daurgandhyādy-ātmako 'śuciḥ kva guṇāḥ saumanasyādyā hy adhyāso 'vidyayā kṛtaḥ
Where is this filthy body, impure, made of foul smells and the like—and where the qualities of sweetness of fragrance and the rest? The (identification) is a superimposition made by ignorance.
AI translation rendered from the Sanskrit, not a published edition
SB 11 26.19
पित्रोः किं स्वं नु भार्यायाः स्वामिनो ऽग्नेः श्व-गृध्रयोः किम् आत्मनः किं सुहृदाम् इति यो नावसीयते
pitroḥ kiṃ svaṃ nu bhāryāyāḥ svāmino 'gneḥ śva-gṛdhrayoḥ kim ātmanaḥ kiṃ suhṛdām iti yo nāvasīyate
Whose own is it—the parents', the wife's, the master's, the fire's, the dogs' and vultures'? Is it one's own, or one's friends'? This is never settled.
AI translation rendered from the Sanskrit, not a published edition
SB 11 26.20
तस्मिन् कलेवरे ऽमेध्ये तुच्छ-निष्ठे विषज्जते अहो सु-भद्रं सु-नसं सु-स्मितं च मुखं स्त्रियः
tasmin kalevare 'medhye tuccha-niṣṭhe viṣajjate aho su-bhadraṃ su-nasaṃ su-smitaṃ ca mukhaṃ striyaḥ
Yet in that carcass, unfit for sacrifice, based on what is trifling, one becomes attached: "Ah, how lovely, how fine-nosed, how sweetly smiling is the woman's face!"
AI translation rendered from the Sanskrit, not a published edition
SB 11 26.21
त्वङ्-मांस-रुधिर-स्नायु- मेदो-मज्जास्थि-संहतौ विण्-मूत्र-पूये रमतां कृमीणां कियद् अन्तरम्
tvaṅ-māṃsa-rudhira-snāyu- medo-majjāsthi-saṃhatau viṇ-mūtra-pūye ramatāṃ kṛmīṇāṃ kiyad antaram
For those who delight in a heap of skin, flesh, blood, sinew, fat, marrow and bone—in dung, urine and pus—how much difference is there from worms?
AI translation rendered from the Sanskrit, not a published edition
SB 11 26.22
अथापि नोपसज्जेत स्त्रीषु स्त्रैणेषु चार्थ-वित् विषयेन्द्रिय-संयोगान् मनः क्षुभ्यति नान्यथा
athāpi nopasajjeta strīṣu straiṇeṣu cārtha-vit viṣayendriya-saṃyogān manaḥ kṣubhyati nānyathā
Therefore one who knows what is good should not consort with women or with men attached to women; for from the contact of the senses with their objects the mind is agitated, not otherwise.
AI translation rendered from the Sanskrit, not a published edition
SB 11 26.23
अदृष्टाद् अश्रुताद् भावान् न भाव उपजायते असम्प्रयुञ्जतः प्राणान् शाम्यति स्तिमितं मनः
adṛṣṭād aśrutād bhāvān na bhāva upajāyate asamprayuñjataḥ prāṇān śāmyati stimitaṃ manaḥ
From a thing unseen and unheard no emotion arises; for one who does not engage the senses (with objects), the mind grows still and is quieted.
AI translation rendered from the Sanskrit, not a published edition
SB 11 26.24
तस्मात् सङ्गो न कर्तव्यः स्त्रीषु स्त्रैणेषु चेन्द्रियैः विदुषां चाप्य् अविस्रब्धः षड्-वर्गः किम् उ मादृशाम्
tasmāt saṅgo na kartavyaḥ strīṣu straiṇeṣu cendriyaiḥ viduṣāṃ cāpy avisrabdhaḥ ṣaḍ-vargaḥ kim u mādṛśām
Therefore one should not make contact with the senses among women or those attached to women; even for the learned the group of six is not to be trusted—how much less for such as me!
AI translation rendered from the Sanskrit, not a published edition
SB 11 26.25
श्री-भगवान् उवाच एवं प्रगायन् नृप-देव-देवः स उर्वशी-लोकम् अथो विहाय आत्मानम् आत्मन्य् अवगम्य मां वै उपारमज् ज्ञाअन-विधूत-मोहः
śrī-bhagavān uvāca evaṃ pragāyan nṛpa-deva-devaḥ sa urvaśī-lokam atho vihāya ātmānam ātmany avagamya māṃ vai upāramaj jñāana-vidhūta-mohaḥ
The Blessed Lord said: Singing thus, that god of kings and gods abandoned Urvaśī's world, and knowing the self within the self, and indeed knowing Me, he came to rest, his delusion shaken off by knowledge.
AI translation rendered from the Sanskrit, not a published edition
SB 11 26.26
ततो दुःसङ्गम् उत्सृज्य सत्सु सज्जेत बुद्धिमान् सन्त एवास्य छिन्दन्ति मनो-व्यासङ्गम् उक्तिभिः
tato duḥsaṅgam utsṛjya satsu sajjeta buddhimān santa evāsya chindanti mano-vyāsaṅgam uktibhiḥ
Therefore let the intelligent man give up bad company and attach himself to the good; for the good alone cut away the mind's attachment by their words.
AI translation rendered from the Sanskrit, not a published edition
SB 11 26.27
सन्तो ऽनपेक्षा मच्-चित्ताः प्रशान्ताः सम-दर्शिनः निर्ममा निरहङ्कारा निर्द्वन्द्वा निष्परिग्रहाः
santo 'napekṣā mac-cittāḥ praśāntāḥ sama-darśinaḥ nirmamā nirahaṅkārā nirdvandvā niṣparigrahāḥ
The good are free of (worldly) expectation, their minds fixed on me, wholly calm, seeing all alike, without possessiveness, without ego, beyond the pairs of opposites, and owning nothing.
AI translation rendered from the Sanskrit, not a published edition
SB 11 26.28
तेषु नित्यं महा-भाग महा-भागेषु मत्-कथाः सम्भवन्ति हि ता नॄणां जुषतां प्रपुनन्त्य् अघम्
teṣu nityaṃ mahā-bhāga mahā-bhāgeṣu mat-kathāḥ sambhavanti hi tā nṝṇāṃ juṣatāṃ prapunanty agham
Among them, O greatly fortunate one, among those greatly fortunate ones, talk of me constantly arises; and those (talks), for the people who partake of them, wash away sin.
AI translation rendered from the Sanskrit, not a published edition
SB 11 26.29
ता ये शृण्वन्ति गायन्ति ह्य् अनुमोदन्ति चादृताः मत्-पराः श्रद्दधानाश् च भक्तिं विन्दन्ति ते मयि
tā ye śṛṇvanti gāyanti hy anumodanti cādṛtāḥ mat-parāḥ śraddadhānāś ca bhaktiṃ vindanti te mayi
Those who hear them, sing them, and reverently give their assent, devoted to me and full of faith — they find devotion to me.
AI translation rendered from the Sanskrit, not a published edition
SB 11 26.30
भक्तिं लब्धवतः साधोः किम् अन्यद् अवशिष्यते मय्य् अनन्त-गुणे ब्रह्मण्य् आनन्दानुभवात्मनि
bhaktiṃ labdhavataḥ sādhoḥ kim anyad avaśiṣyate mayy ananta-guṇe brahmaṇy ānandānubhavātmani
For a good man who has obtained devotion to me — Brahman of infinite qualities, whose nature is the experience of bliss — what else remains (to be gained)?
AI translation rendered from the Sanskrit, not a published edition
SB 11 26.31
यथोपश्रयमाणस्य भगवन्तं विभावसुम् शीतं भयं तमो ऽप्येति साधून् संसेवतस् तथा
yathopaśrayamāṇasya bhagavantaṃ vibhāvasum śītaṃ bhayaṃ tamo 'pyeti sādhūn saṃsevatas tathā
Just as for one who takes shelter of the lord Fire, cold, fear and darkness depart, so it is for one who fully serves the good.
AI translation rendered from the Sanskrit, not a published edition
SB 11 26.32
निमज्ज्योन्मज्जतां घोरे भवाब्धौ परमायणम् सन्तो ब्रह्म-विदः शान्ता नौर् दृढेवाप्सु मज्जताम्
nimajjyonmajjatāṃ ghore bhavābdhau paramāyaṇam santo brahma-vidaḥ śāntā naur dṛḍhevāpsu majjatām
For those sinking and surfacing in the terrible ocean of worldly existence, the highest refuge is the good, the knowers of Brahman, the tranquil — like a sturdy boat for those drowning in the waters.
AI translation rendered from the Sanskrit, not a published edition
SB 11 26.33
अन्नं हि प्राणिनां प्राण आर्तानां शरणं त्व् अहम् धर्मो वित्तं नृणां प्रेत्य सन्तो ऽर्वाग् बिभ्यतो ऽरणम्
annaṃ hi prāṇināṃ prāṇa ārtānāṃ śaraṇaṃ tv aham dharmo vittaṃ nṛṇāṃ pretya santo 'rvāg bibhyato 'raṇam
Food is indeed the life of living beings, and I am the shelter of the afflicted; dharma is men's wealth after death, and the good are the refuge of those who fear this side (of existence).
AI translation rendered from the Sanskrit, not a published edition
SB 11 26.34
सन्तो दिशन्ति चक्षूंसि बहिर् अर्कः समुत्थितः देवता बान्धवाः सन्तः सन्त आत्माहम् एव च
santo diśanti cakṣūṃsi bahir arkaḥ samutthitaḥ devatā bāndhavāḥ santaḥ santa ātmāham eva ca
The good bestow eyes; the sun, risen, (gives light) outside; the good are the deities, the good are the kinsmen, the good are the Self, and indeed I myself.
AI translation rendered from the Sanskrit, not a published edition
SB 11 26.35
वैतसेनस् ततो ऽप्य् एवम् उर्वश्या लोक-निष्पृहः मुक्त-सङ्गो महीम् एताम् आत्मारामश् चचार ह
vaitasenas tato 'py evam urvaśyā loka-niṣpṛhaḥ mukta-saṅgo mahīm etām ātmārāmaś cacāra ha
Thereafter Purūravā, son of Vitaseṇa, thus (instructed) by Urvaśī, free of longing for any world, freed of attachment and delighting in the Self, wandered over this earth.
AI translation rendered from the Sanskrit, not a published edition