Bhagavata Purana — Skandha 11 — Chapter 2
SB 11 2.1
श्री-शुक उवाच गोविन्द-भुज-गुप्तायां द्वारवत्यां कुरूद्वह अवात्सीन् नारदो ऽभीक्ष्णं कृष्णोपासन-लालसः
śrī-śuka uvāca govinda-bhuja-guptāyāṃ dvāravatyāṃ kurūdvaha avātsīn nārado 'bhīkṣṇaṃ kṛṣṇopāsana-lālasaḥ
Śrī Śuka said: In Dvāravatī, guarded by Govinda's arms, O foremost of the Kurus, Nārada dwelt constantly, eager for the worship of Kṛṣṇa.
AI translation rendered from the Sanskrit, not a published edition
SB 11 2.2
को नु राजन्न् इन्द्रियवान् मुकुन्द-चरणाम्बुजम् न भजेत् सर्वतो-मृत्युर् उपास्यम् अमरोत्तमैः
ko nu rājann indriyavān mukunda-caraṇāmbujam na bhajet sarvato-mṛtyur upāsyam amarottamaiḥ
For who, O king, possessed of senses, with death on every side, would not worship the lotus feet of Mukunda, which are to be worshipped even by the best of the immortals?
AI translation rendered from the Sanskrit, not a published edition
SB 11 2.3
तम् एकदा तु देवर्षिं वसुदेवो गृहागतम् अर्चितं सुखम् आसीनम् अभिवाद्येदम् अब्रवीत्
tam ekadā tu devarṣiṃ vasudevo gṛhāgatam arcitaṃ sukham āsīnam abhivādyedam abravīt
Once, when that divine sage came to his house, was honored and comfortably seated, Vasudeva bowed to him and said this.
AI translation rendered from the Sanskrit, not a published edition
SB 11 2.4
श्री-वसुदेव उवाच भगवन् भवतो यात्रा स्वस्तये सर्व-देहिनाम् कृपणानां यथा पित्रोर् उत्तम-श्लोक-वर्त्मनाम्
śrī-vasudeva uvāca bhagavan bhavato yātrā svastaye sarva-dehinām kṛpaṇānāṃ yathā pitror uttama-śloka-vartmanām
Śrī Vasudeva said: Lord, your travelling is for the welfare of all embodied beings—of the wretched, as parents' (movements are for their children)—of those who follow the path of him who is praised by the finest hymns.
AI translation rendered from the Sanskrit, not a published edition — the model flagged this verse as uncertain
SB 11 2.5
भूतानां देव-चरितं दुःखाय च सुखाय च सुखायैव हि साधूनां त्वादृशाम् अच्युतात्मनाम्
bhūtānāṃ deva-caritaṃ duḥkhāya ca sukhāya ca sukhāyaiva hi sādhūnāṃ tvādṛśām acyutātmanām
The conduct of the gods brings to beings both suffering and happiness; but that of good men like you, whose minds are fixed on Acyuta, brings happiness only.
AI translation rendered from the Sanskrit, not a published edition
SB 11 2.6
भजन्ति ये यथा देवान् देवा अपि तथैव तान् छायेव कर्म-सचिवाः साधवो दीन-वत्सलाः
bhajanti ye yathā devān devā api tathaiva tān chāyeva karma-sacivāḥ sādhavo dīna-vatsalāḥ
As people worship the gods, so indeed the gods (treat) them, being mere assistants of (their) karma, like a shadow; but good men are compassionate to the lowly.
AI translation rendered from the Sanskrit, not a published edition
SB 11 2.7
ब्रह्मंस् तथापि पृच्छामो धर्मान् भागवतांस् तव यान् श्रुत्वा श्रद्धया मर्त्यो मुच्यते सर्वतो भयात्
brahmaṃs tathāpi pṛcchāmo dharmān bhāgavatāṃs tava yān śrutvā śraddhayā martyo mucyate sarvato bhayāt
Nevertheless, O brāhmaṇa, we ask you about the duties of the devotees of the Lord, hearing which with faith a mortal is freed from all fear.
AI translation rendered from the Sanskrit, not a published edition
SB 11 2.8
अहं किल पुरानन्तं प्रजार्थो भुवि मुक्ति-दम् अपूजयं न मोक्षाय मोहितो देव-मायया
ahaṃ kila purānantaṃ prajārtho bhuvi mukti-dam apūjayaṃ na mokṣāya mohito deva-māyayā
Indeed, in the past, desiring offspring, I worshipped on earth the infinite one, the giver of liberation—but not for liberation, being deluded by the god's illusory power.
AI translation rendered from the Sanskrit, not a published edition
SB 11 2.9
यथा विचित्र-व्यसनाद् भवद्भिर् विश्वतो-भयात् मुच्येम ह्य् अञ्जसैवाद्धा तथा नः शाधि सु-व्रत
yathā vicitra-vyasanād bhavadbhir viśvato-bhayāt mucyema hy añjasaivāddhā tathā naḥ śādhi su-vrata
Teach us, O you of good vows, how we may be freed—directly and at once—by you (holy ones) from this manifold misery, from that fear which comes from every side.
AI translation rendered from the Sanskrit, not a published edition
SB 11 2.10
श्री-शुक उवाच राजन्न् एवं कृत-प्रश्नो वसुदेवेन धीमता प्रीतस् तम् आह देवर्षिर् हरेः संस्मारितो गुणैः
śrī-śuka uvāca rājann evaṃ kṛta-praśno vasudevena dhīmatā prītas tam āha devarṣir hareḥ saṃsmārito guṇaiḥ
Śrī Śuka said: O King, the divine sage, thus questioned by the wise Vasudeva, was pleased, and—being reminded of the qualities of Hari—spoke to him.
AI translation rendered from the Sanskrit, not a published edition
SB 11 2.11
श्री-नारद उवाच सम्यग् एतद् व्यवसितं भवता सात्वतर्षभ यत् पृच्छसे भागवतान् धर्मांस् त्वं विश्व-भावनान्
śrī-nārada uvāca samyag etad vyavasitaṃ bhavatā sātvatarṣabha yat pṛcchase bhāgavatān dharmāṃs tvaṃ viśva-bhāvanān
Śrī Nārada said: This has been rightly resolved upon by you, O bull of the Sātvatas, in that you ask about the devotees' duties, which sustain the universe.
AI translation rendered from the Sanskrit, not a published edition
SB 11 2.12
श्रुतो ऽनुपठितो ध्यात आदृतो वानुमोदितः सद्यः पुनाति सद्-धर्मो देव-विश्व-द्रुहो ऽपि हि
śruto 'nupaṭhito dhyāta ādṛto vānumoditaḥ sadyaḥ punāti sad-dharmo deva-viśva-druho 'pi hi
Heard, recited, meditated upon, honored, or approved of, the true dharma at once purifies, even those who are enemies of the gods and of the world.
AI translation rendered from the Sanskrit, not a published edition
SB 11 2.13
त्वया परम-कल्याणः पुण्य-श्रवण-कीर्तनः स्मारितो भगवान् अद्य देवो नारायणो मम
tvayā parama-kalyāṇaḥ puṇya-śravaṇa-kīrtanaḥ smārito bhagavān adya devo nārāyaṇo mama
Today by you the Lord Nārāyaṇa, the supreme good, the hearing and praising of whom is meritorious, has been brought back to my memory.
AI translation rendered from the Sanskrit, not a published edition
SB 11 2.14
अत्राप्य् उदाहरन्तीमम् इतिहासं पुरातनम् आर्षभाणां च संवादं विदेहस्य महात्मनः
atrāpy udāharantīmam itihāsaṃ purātanam ārṣabhāṇāṃ ca saṃvādaṃ videhasya mahātmanaḥ
In this connection too they relate this ancient tale, the conversation of the sons of Ṛṣabha with the great-souled king of Videha.
AI translation rendered from the Sanskrit, not a published edition
SB 11 2.15
प्रियव्रतो नाम सुतो मनोः स्वायम्भुवस्य यः तस्याग्नीध्रस् ततो नाभिर् ऋषभस् तत्-सुतः स्मृतः
priyavrato nāma suto manoḥ svāyambhuvasya yaḥ tasyāgnīdhras tato nābhir ṛṣabhas tat-sutaḥ smṛtaḥ
Svāyambhuva Manu had a son named Priyavrata; his son was Āgnīdhra, from him came Nābhi, and Ṛṣabha is known as his son.
AI translation rendered from the Sanskrit, not a published edition
SB 11 2.16
तम् आहुर् वासुदेवांशं मोक्ष-धर्म-विवक्षया अवतीर्णं सुत-शतं तस्यासीद् ब्रह्म-पारगम्
tam āhur vāsudevāṃśaṃ mokṣa-dharma-vivakṣayā avatīrṇaṃ suta-śataṃ tasyāsīd brahma-pāragam
They say that he was a portion of Vāsudeva, descended with the intention of expounding the dharma of liberation; he had a hundred sons who had mastered the Veda.
AI translation rendered from the Sanskrit, not a published edition
SB 11 2.17
तेषां वै भरतो ज्येष्ठो नारायण-परायणः विख्यातं वर्षम् एतद् यन्- नाम्ना भारतम् अद्भुतम्
teṣāṃ vai bharato jyeṣṭho nārāyaṇa-parāyaṇaḥ vikhyātaṃ varṣam etad yan- nāmnā bhāratam adbhutam
Of these the eldest was Bharata, devoted wholly to Nārāyaṇa, by whose name this wondrous region is renowned as Bhārata.
AI translation rendered from the Sanskrit, not a published edition
SB 11 2.18
स भुक्त-भोगां त्यक्त्वेमां निर्गतस् तपसा हरिम् उपासीनस् तत्-पदवीं लेभे वै जनृनभिस् त्रिभिः
sa bhukta-bhogāṃ tyaktvemāṃ nirgatas tapasā harim upāsīnas tat-padavīṃ lebhe vai janṛnabhis tribhiḥ
Having enjoyed and then abandoned this (earth) whose pleasures he had tasted, he went forth and, worshipping Hari with austerity, attained His state after three births.
AI translation rendered from the Sanskrit, not a published edition — the model flagged this verse as uncertain
SB 11 2.19
तेषां नव नव-द्वीप- पतयो ऽस्य समन्ततः कर्म-तन्त्र-प्रणेतार एकाशीतिर् द्विजातयः
teṣāṃ nava nava-dvīpa- patayo 'sya samantataḥ karma-tantra-praṇetāra ekāśītir dvijātayaḥ
Of them, nine were lords of the nine islands on all sides of this (earth), and eighty-one became brāhmaṇas, promulgators of the science of ritual action.
AI translation rendered from the Sanskrit, not a published edition
SB 11 2.20
नवाभवन् महा-भागा मुनयो ह्य् अर्थ-शंसिनः श्रमणा वात-रसना आत्म-विद्या-विशारदाः
navābhavan mahā-bhāgā munayo hy artha-śaṃsinaḥ śramaṇā vāta-rasanā ātma-vidyā-viśāradāḥ
Nine became greatly blessed sages who declared the (highest) truth, ascetics, naked (clothed only in the wind), skilled in the knowledge of the self.
AI translation rendered from the Sanskrit, not a published edition
SB 11 2.21
कविर् हविर् अन्तरीक्षः प्रबुद्धः पिप्पलायनः आविर्होत्रो ऽथ द्रुमिलश् चमसः करभाजनः
kavir havir antarīkṣaḥ prabuddhaḥ pippalāyanaḥ āvirhotro 'tha drumilaś camasaḥ karabhājanaḥ
Kavi, Havi, Antarīkṣa, Prabuddha, Pippalāyana, Āvirhotra, then Drumila, Camasa, and Karabhājana.
AI translation rendered from the Sanskrit, not a published edition
SB 11 2.22
त एते भगवद्-रूपं विश्वं सद्-असद्-आत्मकम् आत्मनो ऽव्यतिरेकेण पश्यन्तो व्यचरन् महीम्
ta ete bhagavad-rūpaṃ viśvaṃ sad-asad-ātmakam ātmano 'vyatirekeṇa paśyanto vyacaran mahīm
These, seeing the universe, consisting of the manifest and unmanifest, as a form of the Lord and as not different from the Self, wandered over the earth.
AI translation rendered from the Sanskrit, not a published edition
SB 11 2.23
अव्याहतेष्ट-गतयः सुर-सिद्ध-साध्य- गन्धर्व-यक्ष-नर-किन्नर-नाग-लोकान् अम्प्;मुक्ताश् चरन्ति मुनि-चारण-भूतनाथ- विद्याधर-द्विज-गवां भुवनानि कामम्
avyāhateṣṭa-gatayaḥ sura-siddha-sādhya- gandharva-yakṣa-nara-kinnara-nāga-lokān muktāś caranti muni-cāraṇa-bhūtanātha- vidyādhara-dvija-gavāṃ bhuvanāni kāmam
Their desired movement unobstructed, liberated, they range at will over the worlds of the gods, Siddhas, Sādhyas, Gandharvas, Yakṣas, men, Kinnaras and Nāgas, and over the realms of the sages, Cāraṇas, lords of spirits, Vidyādharas, brāhmaṇas and cows.
AI translation rendered from the Sanskrit, not a published edition
SB 11 2.24
त एकदा निमेः सत्रम् उपजग्मुर् यदृच्छया वितायमानम् ऋषिभिर् अजनाभे महात्मनः
ta ekadā nimeḥ satram upajagmur yadṛcchayā vitāyamānam ṛṣibhir ajanābhe mahātmanaḥ
Once they came, of their own accord, to the sacrifice of the great-souled Nimi, which was being performed by seers in Ajanābha.
AI translation rendered from the Sanskrit, not a published edition
SB 11 2.25
तान् दृष्ट्वा सूर्य-सङ्काशान् महा-भागवतान् नृप यजमानो ऽग्नयो विप्राः सर्व एवोपतस्थिरे
tān dṛṣṭvā sūrya-saṅkāśān mahā-bhāgavatān nṛpa yajamāno 'gnayo viprāḥ sarva evopatasthire
Seeing them, sun-like, great devotees of the Lord, O King, the sacrificer, the fires, and the brāhmaṇas—all indeed rose up (in respect).
AI translation rendered from the Sanskrit, not a published edition
SB 11 2.26
विदेहस् तान् अभिप्रेत्य नारायण-परायणान् प्रीतः सम्पूजयां चक्रे आसन-स्थान् यथार्हतः
videhas tān abhipretya nārāyaṇa-parāyaṇān prītaḥ sampūjayāṃ cakre āsana-sthān yathārhataḥ
The king of Videha, recognizing them as devoted to Nārāyaṇa, was pleased and worshipped them fully as they sat on their seats, each according to his due.
AI translation rendered from the Sanskrit, not a published edition
SB 11 2.27
तान् रोचमानान् स्व-रुचा ब्रह्म-पुत्रोपमान् नव पप्रच्छ परम-प्रीतः प्रश्रयावनतो नृपः
tān rocamānān sva-rucā brahma-putropamān nava papraccha parama-prītaḥ praśrayāvanato nṛpaḥ
The king, supremely pleased and bowed down in reverence, questioned those nine, who shone with their own radiance and were like the sons of Brahmā.
AI translation rendered from the Sanskrit, not a published edition
SB 11 2.28
श्री-विदेह उवाच मन्ये भगवतः साक्षात् पार्षदान् वो मधु-द्विसः विष्णोर् भूतानि लोकानां पावनाय चरन्ति हि
śrī-videha uvāca manye bhagavataḥ sākṣāt pārṣadān vo madhu-dvisaḥ viṣṇor bhūtāni lokānāṃ pāvanāya caranti hi
Śrī Videha (Nimi) said: I regard you as the direct attendants of the Lord, of Viṣṇu, the foe of Madhu; for such beings move about for the purification of the worlds.
AI translation rendered from the Sanskrit, not a published edition
SB 11 2.29
दुर्लभो मानुषो देहो देहिनां क्षण-भङ्गुरः तत्रापि दुर्लभं मन्ये वैकुण्ठ-प्रिय-दर्शनम्
durlabho mānuṣo deho dehināṃ kṣaṇa-bhaṅguraḥ tatrāpi durlabhaṃ manye vaikuṇṭha-priya-darśanam
A human body is hard for embodied beings to obtain, and it breaks in a moment; and even (having obtained) it, I consider the sight of those dear to Vaikuṇṭha's Lord hard to obtain.
AI translation rendered from the Sanskrit, not a published edition
SB 11 2.30
अत आत्यन्तिकं क्षेमं पृच्छामो भवतो ऽनघाः संसारे ऽस्मिन् क्षणार्धो ऽपि सत्-सङ्गः शेवधिर् नृणाम्
ata ātyantikaṃ kṣemaṃ pṛcchāmo bhavato 'naghāḥ saṃsāre 'smin kṣaṇārdho 'pi sat-saṅgaḥ śevadhir nṛṇām
Therefore, O sinless ones, we ask you about the ultimate good; for in this round of birth and death even half a moment's company of the good is a treasure for men.
AI translation rendered from the Sanskrit, not a published edition
SB 11 2.31
धर्मान् भागवतान् ब्रूत यदि नः श्रुतये क्षमम् यैः प्रसन्नः प्रपन्नाय दास्यत्य् आत्मानम् अप्य् अजः
dharmān bhāgavatān brūta yadi naḥ śrutaye kṣamam yaiḥ prasannaḥ prapannāya dāsyaty ātmānam apy ajaḥ
Speak of the duties of the devotees of the Lord, if we are fit to hear them — those by which the unborn Lord, being pleased, gives even Himself to one who has surrendered.
AI translation rendered from the Sanskrit, not a published edition
SB 11 2.32
श्री-नारद उवाच एवं ते निमिना पृष्टा वसुदेव महत्तमाः प्रतिपूज्याब्रुवन् प्रीत्या स-सदस्यर्त्विजं नृपम्
śrī-nārada uvāca evaṃ te niminā pṛṣṭā vasudeva mahattamāḥ pratipūjyābruvan prītyā sa-sadasyartvijaṃ nṛpam
Śrī Nārada said: Thus questioned by Nimi, O Vasudeva, those greatest of the great, honoring him in return, spoke with affection to the king along with the assembly members and the priests.
AI translation rendered from the Sanskrit, not a published edition
SB 11 2.33
श्री-कविर् उवाच मन्ये ऽकुतश्चिद्-भयम् अच्युतस्य पादाम्बुजोपासनम् अत्र नित्यम् उद्विग्न-बुद्धेर् असद्-आत्म-भावाद् विश्वात्मना यत्र निवर्तते भीः
śrī-kavir uvāca manye 'kutaścid-bhayam acyutasya pādāmbujopāsanam atra nityam udvigna-buddher asad-ātma-bhāvād viśvātmanā yatra nivartate bhīḥ
Śrī Kavi said: I consider that constant worship, in this world, of the lotus feet of Acyuta is free of fear from any quarter for one whose mind is agitated because of identifying the self with the unreal — (worship) in which, through (realizing) the Self of all, fear comes to an end.
AI translation rendered from the Sanskrit, not a published edition
SB 11 2.34
ये वै भगवता प्रोक्ता उपाया ह्य् आत्म-लब्धये अञ्जः पुंसाम् अविदुषां विद्धि भागवतान् हि तान्
ye vai bhagavatā proktā upāyā hy ātma-labdhaye añjaḥ puṃsām aviduṣāṃ viddhi bhāgavatān hi tān
Those means which have been declared by the Lord for easily attaining the Self by men who do not know — know them indeed to be the duties of the devotees.
AI translation rendered from the Sanskrit, not a published edition
SB 11 2.35
यान् आस्थाय नरो राजन् न प्रमाद्येत कर्हिचित् धावन् निमील्य वा नेत्रे न स्खलेन् न पतेद् इह
yān āsthāya naro rājan na pramādyeta karhicit dhāvan nimīlya vā netre na skhalen na pated iha
Resorting to which, O king, a man would never come to grief; even running with his eyes shut he would not stumble nor fall here.
AI translation rendered from the Sanskrit, not a published edition
SB 11 2.36
कायेन वाचा मनसेन्द्रियैर् वा बुद्ध्यात्मना वानुसृत-स्वभावात् करोति यद् यत् सकलं परस्मै नारायणायेति समर्पयेत् तत्
kāyena vācā manasendriyair vā buddhyātmanā vānusṛta-svabhāvāt karoti yad yat sakalaṃ parasmai nārāyaṇāyeti samarpayet tat
Whatever one does with the body, speech, mind, senses, intelligence, or the self, or by the promptings of acquired nature — all that one should offer up to the Supreme, to Nārāyaṇa, (saying) 'this is Yours.'
AI translation rendered from the Sanskrit, not a published edition
SB 11 2.37
भयं द्वितीयाभिनिवेशतः स्याद् ईशाद् अपेतस्य विपर्ययो ऽस्मृतिः तन्-माययातो बुध आभजेत् तं भक्त्यैकयेशं गुरु-देवतात्मा
bhayaṃ dvitīyābhiniveśataḥ syād īśād apetasya viparyayo 'smṛtiḥ tan-māyayāto budha ābhajet taṃ bhaktyaikayeśaṃ guru-devatātmā
Fear would arise from absorption in a second thing; for one turned away from the Lord there is reversal (of understanding) and forgetfulness of self. Therefore, (knowing) this to be of His māyā, the wise man should worship Him, the Lord, with single-minded devotion, taking the guru as his deity and his very self.
AI translation rendered from the Sanskrit, not a published edition
SB 11 2.38
अविद्यमानो ऽप्य् अवभाति हि द्वयो ध्यातुर् धिया स्वप्न-मनोरथौ यथा तत् कर्म-सङ्कल्प-विकल्पकं मनो बुधो निरुन्ध्याद् अभयं ततः स्यात्
avidyamāno 'py avabhāti hi dvayo dhyātur dhiyā svapna-manorathau yathā tat karma-saṅkalpa-vikalpakaṃ mano budho nirundhyād abhayaṃ tataḥ syāt
Though not existing, duality does shine forth to the meditator through his own mind, as dreams and daydreams do. Therefore let the wise man restrain that mind, the maker of action, resolve and doubt; from that, fearlessness will come.
AI translation rendered from the Sanskrit, not a published edition
SB 11 2.39
शृण्वन् सु-भद्राणि रथाङ्ग-पाणेर् जन्मानि कर्माणि च यानि लोके गीतानि नामानि तद्-अर्थकानि गायन् विलज्जो विचरेद् असङ्गः
śṛṇvan su-bhadrāṇi rathāṅga-pāṇer janmāni karmāṇi ca yāni loke gītāni nāmāni tad-arthakāni gāyan vilajjo vicared asaṅgaḥ
Hearing the wholly auspicious births and deeds of the wielder of the disc, and singing those names of His which are sung in the world and which convey His meaning, let him wander about shameless and unattached.
AI translation rendered from the Sanskrit, not a published edition
SB 11 2.40
एवं-व्रतः स्व-प्रिय-नाम-कीर्त्या जातानुरागो द्रुत-चित्त उच्चैः हसत्य् अथो रोदिति रौति गायत्य् उन्माद-वन् नृत्यति लोक-बाह्यः
evaṃ-vrataḥ sva-priya-nāma-kīrtyā jātānurāgo druta-citta uccaiḥ hasaty atho roditi rauti gāyaty unmāda-van nṛtyati loka-bāhyaḥ
One of such a vow, his love arisen and his heart melted by the chanting of the name of his beloved, loudly laughs, and then weeps, cries out, sings, and dances like a madman, outside (the conventions of) the world.
AI translation rendered from the Sanskrit, not a published edition
SB 11 2.41
खं वायुम् अग्निं सलिलं महीं च ज्योतींषि सत्त्वानि दिशो द्रुमादीन् सरित्-समुद्रांश् च हरेः शरीरं यत् किं च भूतं प्रणमेद् अनन्यः
khaṃ vāyum agniṃ salilaṃ mahīṃ ca jyotīṃṣi sattvāni diśo drumādīn sarit-samudrāṃś ca hareḥ śarīraṃ yat kiṃ ca bhūtaṃ praṇamed ananyaḥ
Sky, wind, fire, water and earth, the heavenly lights, living beings, the directions, trees and the rest, rivers and oceans — whatever being there is, he should bow to it as the body of Hari, being devoted to none other.
AI translation rendered from the Sanskrit, not a published edition
SB 11 2.42
भक्तिः परेशानुभवो विरक्तिर् अन्यत्र चैष त्रिक एक-कालः प्रपद्यमानस्य यथाश्नतः स्युस् तुष्टिः पुष्टिः क्षुद्-अपायो ऽनु-घासम्
bhaktiḥ pareśānubhavo viraktir anyatra caiṣa trika eka-kālaḥ prapadyamānasya yathāśnataḥ syus tuṣṭiḥ puṣṭiḥ kṣud-apāyo 'nu-ghāsam
Devotion, experience of the Supreme Lord, and detachment from other things — this triad arises at one and the same time for one who takes refuge, just as, for one who is eating, satisfaction, nourishment, and the removal of hunger come with each mouthful.
AI translation rendered from the Sanskrit, not a published edition
SB 11 2.43
इत्य् अच्युताङ्घ्रिं भजतो ऽनुवृत्त्या भक्तिर् विरक्तिर् भगवत्-प्रबोधः भवन्ति वै भागवतस्य राजंस् ततः परां शान्तिम् उपैति साक्षात्
ity acyutāṅghriṃ bhajato 'nuvṛttyā bhaktir viraktir bhagavat-prabodhaḥ bhavanti vai bhāgavatasya rājaṃs tataḥ parāṃ śāntim upaiti sākṣāt
Thus, for a devotee of the Lord who worships Acyuta's feet with constancy, O king, devotion, detachment and awakening to the Lord arise; and thereafter he attains directly the supreme peace.
AI translation rendered from the Sanskrit, not a published edition
SB 11 2.44
श्री-राजोवाच अथ भागवतं ब्रूत यद्-धर्मो यादृशो नृणाम् यथाचरति यद् ब्रूते यैर् लिङ्गैर् भगवत्-प्रियः
śrī-rājovāca atha bhāgavataṃ brūta yad-dharmo yādṛśo nṛṇām yathācarati yad brūte yair liṅgair bhagavat-priyaḥ
The king said: Now speak of the devotee of the Lord — what his duty is, of what sort he is among men, how he acts, what he says, and by what marks he is dear to the Lord.
AI translation rendered from the Sanskrit, not a published edition
SB 11 2.45
श्री-हविर् उवाच सर्व-भूतेषु यः पश्येद् भगवद्-भावम् आत्मनः भूतानि भगवत्य् आत्मन्य् एष भागवतोत्तमः
śrī-havir uvāca sarva-bhūteṣu yaḥ paśyed bhagavad-bhāvam ātmanaḥ bhūtāni bhagavaty ātmany eṣa bhāgavatottamaḥ
Śrī Havi said: He who would see in all beings the presence of the Lord (as) his own self, and (see) the beings in the Lord, the Self — he is the highest kind of devotee.
AI translation rendered from the Sanskrit, not a published edition
SB 11 2.46
ईस्वरे तद्-अधीनेषु बालिशेषु द्विषत्सु च प्रेम-मैत्री-कृपोपेक्षा यः करोति स मध्यमः
īsvare tad-adhīneṣu bāliśeṣu dviṣatsu ca prema-maitrī-kṛpopekṣā yaḥ karoti sa madhyamaḥ
He who shows love toward the Lord, friendship toward those devoted to Him, compassion toward the ignorant, and indifference toward the hostile, is the middling one.
AI translation rendered from the Sanskrit, not a published edition
SB 11 2.47
अर्चायाम् एव हरये पूजां यः श्रद्धयेहते न तद्-भक्तेषु चान्येषु स भक्तः प्राकृतः स्मृतः
arcāyām eva haraye pūjāṃ yaḥ śraddhayehate na tad-bhakteṣu cānyeṣu sa bhaktaḥ prākṛtaḥ smṛtaḥ
He who performs worship of Hari with faith in the image only, and not toward His devotees and other beings, is regarded as a materialistic devotee.
AI translation rendered from the Sanskrit, not a published edition
SB 11 2.48
गृहीत्वापीन्द्रियैर् अर्थान् यो न द्वेष्टि न हृष्यति विष्णोर् मायाम् इदं पश्यन् स वै भागवतोत्तमः
gṛhītvāpīndriyair arthān yo na dveṣṭi na hṛṣyati viṣṇor māyām idaṃ paśyan sa vai bhāgavatottamaḥ
He who, though grasping objects with the senses, neither hates nor rejoices, seeing this (world) as Viṣṇu's māyā — he indeed is the highest of the Lord's devotees.
AI translation rendered from the Sanskrit, not a published edition
SB 11 2.49
देहेन्द्रिय-प्राण-मनो-धियां यो जन्माप्यय-क्षुद्-भय-तर्ष-कृच्छ्रैः संसार-धर्मैर् अविमुह्यमानः स्मृत्या हरेर् भागवत-प्रधानः
dehendriya-prāṇa-mano-dhiyāṃ yo janmāpyaya-kṣud-bhaya-tarṣa-kṛcchraiḥ saṃsāra-dharmair avimuhyamānaḥ smṛtyā harer bhāgavata-pradhānaḥ
He who, by remembrance of Hari, is not bewildered by the conditions of worldly existence — the birth and destruction of body, senses, breath, mind and intellect, and hunger, fear, thirst and hardships — he is foremost among the Lord's devotees.
AI translation rendered from the Sanskrit, not a published edition
SB 11 2.50
न काम-कर्म-बीजानां यस्य चेतसि सम्भवः वासुदेवैक-निलयः स वै भागवतोत्तमः
na kāma-karma-bījānāṃ yasya cetasi sambhavaḥ vāsudevaika-nilayaḥ sa vai bhāgavatottamaḥ
He in whose mind there arises no seed of desire and (fruitive) action, who has Vāsudeva as his sole abode — he indeed is the highest of the Lord's devotees.
AI translation rendered from the Sanskrit, not a published edition
SB 11 2.51
न यस्य जन्म-कर्मभ्यां न वर्णाश्रम-जातिभिः सज्जते ऽस्मिन्न् अहं-भावो देहे वै स हरेः प्रियः
na yasya janma-karmabhyāṃ na varṇāśrama-jātibhiḥ sajjate 'sminn ahaṃ-bhāvo dehe vai sa hareḥ priyaḥ
He in whom the sense of "I" does not cling to this body by reason of birth and deeds, nor by class, stage of life or lineage — he indeed is dear to Hari.
AI translation rendered from the Sanskrit, not a published edition
SB 11 2.52
न यस्य स्वः पर इति वित्तेष्व् आत्मनि वा भिदा सर्व-भूत-समः शान्तः स वै भागवतोत्तमः
na yasya svaḥ para iti vitteṣv ātmani vā bhidā sarva-bhūta-samaḥ śāntaḥ sa vai bhāgavatottamaḥ
He who makes no division of "mine" and "another's" with regard to possessions or to the self, who is equal to all beings and at peace — he indeed is the highest of the Lord's devotees.
AI translation rendered from the Sanskrit, not a published edition
SB 11 2.53
त्रि-भुवन-विभव-हेतवे ऽप्य् अकुण्ठ- स्मृतिर् अजितात्म-सुरादिभिर् विमृग्यात् अम्प्;न चलति भगवत्-पदारविन्दाल् लव-निमिषार्धम् अपि यः स वैष्णवाग्र्यः
tri-bhuvana-vibhava-hetave 'py akuṇṭha- smṛtir ajitātma-surādibhir vimṛgyāt na calati bhagavat-padāravindāl lava-nimiṣārdham api yaḥ sa vaiṣṇavāgryaḥ
He whose remembrance is undulled even for the sake of the wealth of the three worlds, who does not stray, not even for half an instant or a moment, from the Lord's lotus feet, sought after by the gods and others who have mastered themselves — he is the foremost of Vaiṣṇavas.
AI translation rendered from the Sanskrit, not a published edition
SB 11 2.54
भगवत उरु-विक्रमाङ्घ्रि-शाखा- नख-मणि-चन्द्रिकया निरस्त-तापे हृदि कथम् उपसीदतां पुनः स प्रभवति चन्द्र इवोदिते ऽर्क-तापः
bhagavata uru-vikramāṅghri-śākhā- nakha-maṇi-candrikayā nirasta-tāpe hṛdi katham upasīdatāṃ punaḥ sa prabhavati candra ivodite 'rka-tāpaḥ
When in the heart the burning has been dispelled by the moonlight of the jewel-nails on the toes of the Lord's far-striding feet, how can that (burning) arise again for those who draw near (to him), as the sun's heat cannot when the moon has risen?
AI translation rendered from the Sanskrit, not a published edition
SB 11 2.55
विसृजति हृदयं न यस्य साक्षाद् धरिर् अवशाभिहितो ऽप्य् अघौघ-नाशः प्रणय-रसनया धृताङ्घ्रि-पद्मः स भवति भागवत-प्रधान उक्तः
visṛjati hṛdayaṃ na yasya sākṣād dharir avaśābhihito 'py aghaugha-nāśaḥ praṇaya-rasanayā dhṛtāṅghri-padmaḥ sa bhavati bhāgavata-pradhāna uktaḥ
He whose heart Hari himself does not leave — Hari, the destroyer of floods of sin even when uttered helplessly (or unwittingly) — his lotus feet held fast by the cord of loving affection: he is called foremost among the Lord's devotees.
AI translation rendered from the Sanskrit, not a published edition