Bhagavata Purana — Skandha 11 — Chapter 15
SB 11 15.1
श्री-भगवान् उवाच जितेन्द्रियस्य युक्तस्य जित-श्वासस्य योगिनः मयि धारयतश् चेत उपतिष्ठन्ति सिद्धयः
śrī-bhagavān uvāca jitendriyasya yuktasya jita-śvāsasya yoginaḥ mayi dhārayataś ceta upatiṣṭhanti siddhayaḥ
The Blessed Lord said: For the yogī who has mastered his senses, who is disciplined, whose breath is controlled, and who fixes his mind on me, the mystic perfections present themselves.
AI translation rendered from the Sanskrit, not a published edition
SB 11 15.2
श्री-उद्धव उवाच कया धारणया का स्वित् कथं वा सिद्धिर् अच्युत कति वा सिद्धयो ब्रूहि योगिनां सिद्धि-दो भवान्
śrī-uddhava uvāca kayā dhāraṇayā kā svit kathaṃ vā siddhir acyuta kati vā siddhayo brūhi yogināṃ siddhi-do bhavān
Śrī Uddhava said: By what kind of concentration and how does which perfection arise, O Acyuta? And how many perfections are there? Tell me—you are the giver of perfections to the yogīs.
AI translation rendered from the Sanskrit, not a published edition
SB 11 15.3
श्री-भगवान् उवाच सिद्धयो ऽष्टादश प्रोक्ता धारणा योग-पार-गैः तासाम् अष्टौ मत्-प्रधाना दशैव गुण-हेतवः
śrī-bhagavān uvāca siddhayo 'ṣṭādaśa proktā dhāraṇā yoga-pāra-gaiḥ tāsām aṣṭau mat-pradhānā daśaiva guṇa-hetavaḥ
The Blessed Lord said: Eighteen perfections and (eighteen) concentrations have been declared by those who have gone to the far shore of yoga; of these, eight have me as their chief basis, and ten arise from the (material) qualities.
AI translation rendered from the Sanskrit, not a published edition
SB 11 15.4
अणिमा महिमा मूर्तेर् लघिमा प्राप्तिर् इन्द्रियैः प्राकाम्यं श्रुत-दृष्टेषु शक्ति-प्रेरणम् ईशिता
aṇimā mahimā mūrter laghimā prāptir indriyaiḥ prākāmyaṃ śruta-dṛṣṭeṣu śakti-preraṇam īśitā
Becoming minute, becoming great, becoming light in body, obtaining (any object) with the senses, prākāmya—(free enjoyment) among things heard of and seen, and īśitā—the directing of the (māyic) potencies,
AI translation rendered from the Sanskrit, not a published edition — the model flagged this verse as uncertain
SB 11 15.5
गुणेष्व् असङ्गो वशिता यत्-कामस् तद् अवस्यति एता मे सिद्धयः सौम्य अष्टाव् औत्पत्तिका मताः
guṇeṣv asaṅgo vaśitā yat-kāmas tad avasyati etā me siddhayaḥ saumya aṣṭāv autpattikā matāḥ
Non-attachment to the modes (of nature) is vaśitā; whatever (he) desires, that (he) obtains — these, gentle one, are held to be my eight siddhis that are innate (arising from (my) very nature).
AI translation rendered from the Sanskrit, not a published edition
SB 11 15.6
अनूर्मिमत्त्वं देहे ऽस्मिन् दूर-श्रवण-दर्शनम् मनो-जवः काम-रूपं पर-काय-प्रवेशनम्
anūrmimattvaṃ dehe 'smin dūra-śravaṇa-darśanam mano-javaḥ kāma-rūpaṃ para-kāya-praveśanam
Freedom from being disturbed by the waves (of bodily distress) in this body; hearing and seeing at a distance; moving at the speed of mind; taking on any form at will; entering another's body;
AI translation rendered from the Sanskrit, not a published edition
SB 11 15.7
स्वच्छन्द-मृत्युर् देवानां सह-क्रीडानुदर्शनम् यथा-सङ्कल्प-संसिद्धिर् आज्ञाप्रतिहता गतिः
svacchanda-mṛtyur devānāṃ saha-krīḍānudarśanam yathā-saṅkalpa-saṃsiddhir ājñāpratihatā gatiḥ
dying by one's own choice; witnessing (and joining) the play of the gods; accomplishment of things just as one intends; and movement (or command) that is unobstructed;
AI translation rendered from the Sanskrit, not a published edition
SB 11 15.8
त्रि-काल-ज्ञत्वम् अद्वन्द्वं पर-चित्ताद्य्-अभिज्ञता अग्न्य्-अर्काम्बु-विषादीनां प्रतिष्टम्भो ऽपराजयः
tri-kāla-jñatvam advandvaṃ para-cittādy-abhijñatā agny-arkāmbu-viṣādīnāṃ pratiṣṭambho 'parājayaḥ
knowledge of the three times (past, present, future); freedom from the pairs of opposites; full knowledge of others' minds and so on; the checking of fire, sun, water, poison and the like; and being unconquered.
AI translation rendered from the Sanskrit, not a published edition
SB 11 15.9
एताश् चोद्देशतः प्रोक्ता योग-धारण-सिद्धयः यया धारणया या स्याद् यथा वा स्यान् निबोध मे
etāś coddeśataḥ proktā yoga-dhāraṇa-siddhayaḥ yayā dhāraṇayā yā syād yathā vā syān nibodha me
And these have been stated summarily — the perfections (attained) by yogic concentration. Learn from me by which concentration which (siddhi) arises, and in what manner it arises.
AI translation rendered from the Sanskrit, not a published edition
SB 11 15.10
भूत-सूक्ष्मात्मनि मयि तन्-मात्रं धारयेन् मनः अणिमानम् अवाप्नोति तन्-मात्रोपासको मम
bhūta-sūkṣmātmani mayi tan-mātraṃ dhārayen manaḥ aṇimānam avāpnoti tan-mātropāsako mama
One should fix the mind on the subtle element in me, who am the self of the subtle elements; worshipping me as that subtle element, he attains aṇimā (minuteness).
AI translation rendered from the Sanskrit, not a published edition
SB 11 15.11
महत्-तत्त्वात्मनि मयि यथा-संस्थं मनो दधत् महिमानम् अवाप्नोति भूतानां च पृथक् पृथक्
mahat-tattvātmani mayi yathā-saṃsthaṃ mano dadhat mahimānam avāpnoti bhūtānāṃ ca pṛthak pṛthak
Placing the mind on me as the self of the mahat-tattva, as it (really) stands, he attains mahimā (greatness), and (mastery) of the elements each separately.
AI translation rendered from the Sanskrit, not a published edition
SB 11 15.12
परमाणु-मये चित्तं भूतानां मयि रञ्जयन् काल-सूक्ष्मार्थतां योगी लघिमानम् अवाप्नुयात्
paramāṇu-maye cittaṃ bhūtānāṃ mayi rañjayan kāla-sūkṣmārthatāṃ yogī laghimānam avāpnuyāt
Fixing the mind lovingly on me as consisting of the atoms of the elements, the yogī, (grasping) the subtle nature of time, would attain laghimā (lightness).
AI translation rendered from the Sanskrit, not a published edition — the model flagged this verse as uncertain
SB 11 15.13
धारयन् मय्य् अहं-तत्त्वे मनो वैकारिके ऽखिलम् सर्वेन्द्रियाणाम् आत्मत्वं प्राप्तिं प्राप्नोति मन्-मनाः
dhārayan mayy ahaṃ-tattve mano vaikārike 'khilam sarvendriyāṇām ātmatvaṃ prāptiṃ prāpnoti man-manāḥ
Holding the whole mind on me in the ego-principle born of transformation (vaikārika), one whose mind is fixed on me attains prāpti, the state of being the self of all the senses.
AI translation rendered from the Sanskrit, not a published edition
SB 11 15.14
महत्य् आत्मनि यः सूत्रे धारयेन् मयि मानसम् प्राकाम्यं पारमेष्ठ्यं मे विन्दते ऽव्यक्त-जन्मनः
mahaty ātmani yaḥ sūtre dhārayen mayi mānasam prākāmyaṃ pārameṣṭhyaṃ me vindate 'vyakta-janmanaḥ
He who holds his mind on me in the mahat, the self, the thread (sūtra), obtains from me, whose birth is from the unmanifest, prākāmya, the supreme sovereignty.
AI translation rendered from the Sanskrit, not a published edition — the model flagged this verse as uncertain
SB 11 15.15
विष्णौ त्र्य्-अधीश्वरे चित्तं धारयेत् काल-विग्रहे स ईशित्वम् अवाप्नोति क्षेत्रज्ञ-क्षेत्र-चोदनाम्
viṣṇau try-adhīśvare cittaṃ dhārayet kāla-vigrahe sa īśitvam avāpnoti kṣetrajña-kṣetra-codanām
Should one fix the mind on Viṣṇu, the lord of the three (guṇas), whose form is time, he attains īśitva, the directing of the knower of the field and of the field.
AI translation rendered from the Sanskrit, not a published edition
SB 11 15.16
नारायणे तुरीयाख्ये भगवच्-छब्द-शब्दिते मनो मय्य् आदधद् योगी मद्-धर्मा वशिताम् इयात्
nārāyaṇe turīyākhye bhagavac-chabda-śabdite mano mayy ādadhad yogī mad-dharmā vaśitām iyāt
Placing the mind on me as Nārāyaṇa, called the fourth, denoted by the word 'Bhagavān', the yogī, having (then) my own nature, would reach vaśitā.
AI translation rendered from the Sanskrit, not a published edition
SB 11 15.17
निर्गुणे ब्रह्मणि मयि धारयन् विशदं मनः परमानन्दम् आप्नोति यत्र कामो ऽवसीयते
nirguṇe brahmaṇi mayi dhārayan viśadaṃ manaḥ paramānandam āpnoti yatra kāmo 'vasīyate
Holding the purified mind on me as the qualityless Brahman, he attains the supreme bliss, wherein desire comes to an end.
AI translation rendered from the Sanskrit, not a published edition
SB 11 15.18
श्वेतद्वीप-पतौ चित्तं शुद्धे धर्म-मये मयि धारयञ् छ्वेततां याति षड्-ऊर्मि-रहितो नरः
śvetadvīpa-patau cittaṃ śuddhe dharma-maye mayi dhārayañ chvetatāṃ yāti ṣaḍ-ūrmi-rahito naraḥ
Fixing the mind on me as the lord of Śvetadvīpa, pure and consisting of dharma, a man attains whiteness (purity) and is freed from the six waves.
AI translation rendered from the Sanskrit, not a published edition
SB 11 15.19
मय्य् आकाशात्मनि प्राणे मनसा घोषम् उद्वहन् तत्रोपलब्धा भूतानां हंसो वाचः शृणोत्य् असौ
mayy ākāśātmani prāṇe manasā ghoṣam udvahan tatropalabdhā bhūtānāṃ haṃso vācaḥ śṛṇoty asau
Carrying the (subtle) sound by the mind into me, the vital air whose self is space — that swan hears there the speech of (all) beings, as it is grasped (there).
AI translation rendered from the Sanskrit, not a published edition — the model flagged this verse as uncertain
SB 11 15.20
चक्षुस् त्वष्टरि संयोज्य त्वष्टारम् अपि चक्षुषि मां तत्र मनसा ध्यायन् विश्वं पश्यति दूरतः
cakṣus tvaṣṭari saṃyojya tvaṣṭāram api cakṣuṣi māṃ tatra manasā dhyāyan viśvaṃ paśyati dūrataḥ
Joining the eye to Tvaṣṭā (the sun) and Tvaṣṭā too to the eye, and meditating there upon me with the mind, one sees the universe from afar.
AI translation rendered from the Sanskrit, not a published edition
SB 11 15.21
मनो मयि सु-संयोज्य देहं तद्-अनुवायुना मद्-धारणानुभावेन तत्रात्मा यत्र वै मनः
mano mayi su-saṃyojya dehaṃ tad-anuvāyunā mad-dhāraṇānubhāvena tatrātmā yatra vai manaḥ
Joining the mind well to me, and the body to that (mind) by means of the accompanying air, by the power of concentration on me the self (goes) there where the mind is.
AI translation rendered from the Sanskrit, not a published edition
SB 11 15.22
यदा मन उपादाय यद् यद् रूपं बुभूषति तत् तद् भवेन् मनो-रूपं मद्-योग-बलम् आश्रयः
yadā mana upādāya yad yad rūpaṃ bubhūṣati tat tad bhaven mano-rūpaṃ mad-yoga-balam āśrayaḥ
When, taking up the mind, (the yogī) wishes to become whatever form, that very form of the mind comes about — his support being the power of union with me.
AI translation rendered from the Sanskrit, not a published edition
SB 11 15.23
पर-कायं विशन् सिद्ध आत्मानं तत्र भावयेत् पिण्डं हित्वा विशेत् प्राणो वायु-भूतः षडङ्घ्रि-वत्
para-kāyaṃ viśan siddha ātmānaṃ tatra bhāvayet piṇḍaṃ hitvā viśet prāṇo vāyu-bhūtaḥ ṣaḍaṅghri-vat
When entering another's body, the perfected one should imagine himself as being there; abandoning his own lump of a body, he should enter as breath, having become air, like a bee.
AI translation rendered from the Sanskrit, not a published edition
SB 11 15.24
पार्ष्ण्यापीड्य गुदं प्राणं हृद्-उरः-कण्ठ-मूर्धसु आरोप्य ब्रह्म-रन्ध्रेण ब्रह्म नीत्वोत्सृजेत् तनुम्
pārṣṇyāpīḍya gudaṃ prāṇaṃ hṛd-uraḥ-kaṇṭha-mūrdhasu āropya brahma-randhreṇa brahma nītvotsṛjet tanum
Pressing the anus with the heel, and raising the vital breath through the heart, chest, throat and head, having led (it) to Brahman by the aperture of Brahmā, he may cast off the body.
AI translation rendered from the Sanskrit, not a published edition
SB 11 15.25
विहरिष्यन् सुराक्रीडे मत्-स्थं सत्त्वं विभावयेत् विमानेनोपतिष्ठन्ति सत्त्व-वृत्तीः सुर-स्त्रियः
vihariṣyan surākrīḍe mat-sthaṃ sattvaṃ vibhāvayet vimānenopatiṣṭhanti sattva-vṛttīḥ sura-striyaḥ
One who wishes to roam in the pleasure-grounds of the gods should meditate on the sattva that abides in Me; then the women of the gods, (themselves) operations of sattva, wait upon (him) with a celestial chariot.
AI translation rendered from the Sanskrit, not a published edition
SB 11 15.26
यथा सङ्कल्पयेद् बुद्ध्या यदा वा मत्-परः पुमान् मयि सत्ये मनो युञ्जंस् तथा तत् समुपाश्नुते
yathā saṅkalpayed buddhyā yadā vā mat-paraḥ pumān mayi satye mano yuñjaṃs tathā tat samupāśnute
In whatever way a man devoted to Me may resolve with his intelligence, or whenever (he does so), joining his mind to Me who am the real, just so does he fully obtain that.
AI translation rendered from the Sanskrit, not a published edition
SB 11 15.27
यो वै मद्-भावम् आपन्न ईशितुर् वशितुः पुमान् कुतश्चिन् न विहन्येत तस्य चाज्ञा यथा मम
yo vai mad-bhāvam āpanna īśitur vaśituḥ pumān kutaścin na vihanyeta tasya cājñā yathā mama
The man who has indeed attained My nature—that of the controller and the ruler—would not be thwarted by anything, and his command is like Mine.
AI translation rendered from the Sanskrit, not a published edition
SB 11 15.28
मद्-भक्त्या शुद्ध-सत्त्वस्य योगिनो धारणा-विदः तस्य त्रै-कालिकी बुद्धिर् जन्म-मृत्यूपबृंहिता
mad-bhaktyā śuddha-sattvasya yogino dhāraṇā-vidaḥ tasya trai-kālikī buddhir janma-mṛtyūpabṛṃhitā
For the yogī whose being has been purified by devotion to Me and who knows the practice of concentration, his intelligence encompasses the three times, extending over birth and death.
AI translation rendered from the Sanskrit, not a published edition
SB 11 15.29
अग्न्य्-आदिभिर् न हन्येत मुनेर् योग-मयं वपुः मद्-योग-शान्त-चित्तस्य यादसाम् उदकं यथा
agny-ādibhir na hanyeta muner yoga-mayaṃ vapuḥ mad-yoga-śānta-cittasya yādasām udakaṃ yathā
The yoga-made body of the sage whose mind is stilled by union with Me is not destroyed by fire and the rest, just as water does not destroy aquatic creatures.
AI translation rendered from the Sanskrit, not a published edition
SB 11 15.30
मद्-विभूतीर् अभिध्यायन् श्रीवत्सास्त्र-विभूषिताः ध्वजातपत्र-व्यजनैः स भवेद् अपराजितः
mad-vibhūtīr abhidhyāyan śrīvatsāstra-vibhūṣitāḥ dhvajātapatra-vyajanaiḥ sa bhaved aparājitaḥ
Meditating on My opulent manifestations, adorned with the śrīvatsa and the weapons, with banner, parasol and fans, he becomes unconquerable.
AI translation rendered from the Sanskrit, not a published edition
SB 11 15.31
उपासकस्य माम् एवं योग-धारणया मुनेः सिद्धयः पूर्व-कथिता उपतिष्ठन्त्य् अशेषतः
upāsakasya mām evaṃ yoga-dhāraṇayā muneḥ siddhayaḥ pūrva-kathitā upatiṣṭhanty aśeṣataḥ
For the sage who thus worships Me by yogic concentration, the perfections spoken of before present themselves without exception.
AI translation rendered from the Sanskrit, not a published edition
SB 11 15.32
जितेन्द्रियस्य दान्तस्य जित-श्वासात्मनो मुनेः मद्-धारणां धारयतः का सा सिद्धिः सु-दुर्लभा
jitendriyasya dāntasya jita-śvāsātmano muneḥ mad-dhāraṇāṃ dhārayataḥ kā sā siddhiḥ su-durlabhā
For the sage whose senses are conquered, who is self-restrained, whose breath and mind are subdued, and who holds concentration on Me—what perfection is there that is hard to get?
AI translation rendered from the Sanskrit, not a published edition
SB 11 15.33
अन्तरायान् वदन्त्य् एता युञ्जतो योगम् उत्तमम् मया सम्पद्यमानस्य काल-क्षपण-हेतवः
antarāyān vadanty etā yuñjato yogam uttamam mayā sampadyamānasya kāla-kṣapaṇa-hetavaḥ
(The wise) call these obstacles for one who practises the highest yoga; for one who is attaining to Me they are causes of the wasting of time.
AI translation rendered from the Sanskrit, not a published edition
SB 11 15.34
जन्मौषधि-तपो-मन्त्रैर् यावतीर् इह सिद्धयः योगेनाप्नोति ताः सर्वा नान्यैर् योग-गतिं व्रजेत्
janmauṣadhi-tapo-mantrair yāvatīr iha siddhayaḥ yogenāpnoti tāḥ sarvā nānyair yoga-gatiṃ vrajet
However many perfections there are here (obtained) by birth, herbs, austerity and mantras, one attains all of them by yoga; but by the others one does not reach the goal of yoga.
AI translation rendered from the Sanskrit, not a published edition
SB 11 15.35
सर्वासाम् अपि सिद्धीनां हेतुः पतिर् अहं प्रभुः अहं योगस्य साङ्ख्यस्य धर्मस्य ब्रह्म-वादिनाम्
sarvāsām api siddhīnāṃ hetuḥ patir ahaṃ prabhuḥ ahaṃ yogasya sāṅkhyasya dharmasya brahma-vādinām
I am the cause, the lord and the master of all the perfections as well; I am (the master) of yoga, of Sāṅkhya, of dharma, and of those who expound Brahman.
AI translation rendered from the Sanskrit, not a published edition
SB 11 15.36
अहम् आत्मान्तरो बाह्यो ऽनावृतः सर्व-देहिनाम् यथा भूतानि भूतेषु बहिर् अन्तः स्वयं तथा
aham ātmāntaro bāhyo 'nāvṛtaḥ sarva-dehinām yathā bhūtāni bhūteṣu bahir antaḥ svayaṃ tathā
I am the Self, inner and outer, unconcealed, of all embodied beings; as the elements are within and without (all) beings, so am I Myself.
AI translation rendered from the Sanskrit, not a published edition