Bhagavata Purana — Skandha 10 — Chapter 7
SB 10 7.1
श्री-राजोवाच येन येनावतारेण भगवान् हरिर् ईश्वरः करोति कर्ण-रम्याणि मनो-ज्ञानि च नः प्रभो
śrī-rājovāca yena yenāvatāreṇa bhagavān harir īśvaraḥ karoti karṇa-ramyāṇi mano-jñāni ca naḥ prabho
The King said: By whatever descent the Lord Hari, the Lord, performs deeds delightful to our ears and pleasing to our minds, O master—
AI translation rendered from the Sanskrit, not a published edition
SB 10 7.2
यच्-छृण्वतो ऽपैत्य् अरतिर् वितृष्णा सत्त्वं च शुद्ध्यत्य् अचिरेण पुंसः भक्तिर् हरौ तत्-पुरुषे च सख्यं तद् एव हारं वद मन्यसे चेत्
yac-chṛṇvato 'paity aratir vitṛṣṇā sattvaṃ ca śuddhyaty acireṇa puṃsaḥ bhaktir harau tat-puruṣe ca sakhyaṃ tad eva hāraṃ vada manyase cet
(That) by hearing which a man's listlessness and craving depart, and his mind is quickly purified, and (there arises) devotion to Hari and friendship with His devotee — tell just that, which is (worthy to be) a necklace, if you think fit.
AI translation rendered from the Sanskrit, not a published edition
SB 10 7.3
अथान्यद् अपि कृष्णस्य तोकाचरितम् अद्भुतम् मानुषं लोकम् आसाद्य तज्-जातिम् अनुरुन्धतः
athānyad api kṛṣṇasya tokācaritam adbhutam mānuṣaṃ lokam āsādya taj-jātim anurundhataḥ
Then (tell) also another wondrous deed of Kṛṣṇa's childhood, of Him who, having come to the human world, conformed to the ways of that (human) birth.
AI translation rendered from the Sanskrit, not a published edition
SB 10 7.4
श्री-शुक उवाच कदाचिद् औत्थानिक-कौतुकाप्लवे जन्मर्क्ष-योगे समवेत-योषिताम् वादित्र-गीत-द्विज-मन्त्र-वाचकैश् चकार सूनोर् अभिषेचनं सती
śrī-śuka uvāca kadācid autthānika-kautukāplave janmarkṣa-yoge samaveta-yoṣitām vāditra-gīta-dvija-mantra-vācakaiś cakāra sūnor abhiṣecanaṃ satī
Śrī Śuka said: Once, at the festive bathing for the (child's) first turning-over, at the conjunction of His birth-star, with women gathered together, with musical instruments, songs and brāhmaṇas reciting mantras, the virtuous lady performed the bathing of her son.
AI translation rendered from the Sanskrit, not a published edition
SB 10 7.5
नन्दस्य पत्नी कृत-मज्जनादिकं विप्रैः कृत-स्वस्त्ययनं सुपूजितैः अन्नाद्य-वासः-स्रग्-अभीष्ट-धेनुभिः सञ्जात-निद्राक्षम् अशीशयच् छनैः
nandasya patnī kṛta-majjanādikaṃ vipraiḥ kṛta-svastyayanaṃ supūjitaiḥ annādya-vāsaḥ-srag-abhīṣṭa-dhenubhiḥ sañjāta-nidrākṣam aśīśayac chanaiḥ
Nanda's wife, when the bathing and the rest had been done, and the rite of blessing had been performed by the brāhmaṇas who were well honoured with food, clothing, garlands and choice cows, gently laid down (the child), whose eyes had grown sleepy.
AI translation rendered from the Sanskrit, not a published edition
SB 10 7.6
औत्थानिकौत्सुक्य-मना मनस्विनी समागतान् पूजयती व्रजौकसः नैवाशृणोद् वै रुदितं सुतस्य सा रुदन् स्तनार्थी चरणाव् उदक्षिपत्
autthānikautsukya-manā manasvinī samāgatān pūjayatī vrajaukasaḥ naivāśṛṇod vai ruditaṃ sutasya sā rudan stanārthī caraṇāv udakṣipat
Her mind absorbed in eagerness over the first-turning festival, the thoughtful (mother), honouring the residents of Vraja who had assembled, did not at all hear her son's crying; and He, crying, wanting the breast, kicked up His feet.
AI translation rendered from the Sanskrit, not a published edition
SB 10 7.7
अधः-शयानस्य शिशोर् अनो ऽल्पक- प्रवाल-मृद्व्-अङ्घ्रि-हतं व्यवर्तत विध्वस्त-नाना-रस-कुप्य-भाजनं व्यत्यस्त-चक्राक्ष-विभिन्न-कूबरम्
adhaḥ-śayānasya śiśor ano 'lpaka- pravāla-mṛdv-aṅghri-hataṃ vyavartata vidhvasta-nānā-rasa-kupya-bhājanaṃ vyatyasta-cakrākṣa-vibhinna-kūbaram
The cart of the child lying beneath, struck by His soft little sprout-like foot, overturned; its various vessels of liquids and metal were shattered, its wheels and axle were thrown upside down, and its shaft was broken.
AI translation rendered from the Sanskrit, not a published edition
SB 10 7.8
दृष्ट्वा यशोदा-प्रमुखा व्रज-स्त्रिय औत्थानिके कर्मणि याः समागताः अम्प्;नन्दादयश् चाद्भुत-दर्शनाकुलाः कथं स्वयं वै शकटं विपर्यगात्
dṛṣṭvā yaśodā-pramukhā vraja-striya autthānike karmaṇi yāḥ samāgatāḥ nandādayaś cādbhuta-darśanākulāḥ kathaṃ svayaṃ vai śakaṭaṃ viparyagāt
Seeing (this), the women of Vraja headed by Yaśodā, who had come together for the first-turning ceremony, and Nanda and the others too, bewildered at the wondrous sight, (said:) How indeed did the cart overturn by itself?
AI translation rendered from the Sanskrit, not a published edition
SB 10 7.9
ऊचुर् अव्यवसित-मतीन् गोपान् गोपीश् च बालकाः रुदतानेन पादेन क्षिप्तम् एतन् न संशयः
ūcur avyavasita-matīn gopān gopīś ca bālakāḥ rudatānena pādena kṣiptam etan na saṃśayaḥ
The children said to the cowherd men and women, whose minds could reach no conclusion: This was kicked over by this (child's) foot as He cried — there is no doubt.
AI translation rendered from the Sanskrit, not a published edition
SB 10 7.10
न ते श्रद्दधिरे गोपा बाल-भाषितम् इत्य् उत अप्रमेयं बलं तस्य बालकस्य न ते विदुः
na te śraddadhire gopā bāla-bhāṣitam ity uta aprameyaṃ balaṃ tasya bālakasya na te viduḥ
The cowherds did not believe it, (thinking) "this is children's talk"; they did not know the immeasurable power of that child.
AI translation rendered from the Sanskrit, not a published edition
SB 10 7.11
रुदन्तं सुतम् आदाय यशोदा ग्रह-शङ्किता कृत-स्वस्त्ययनं विप्रैः सूक्तैः स्तनम् अपाययत्
rudantaṃ sutam ādāya yaśodā graha-śaṅkitā kṛta-svastyayanaṃ vipraiḥ sūktaiḥ stanam apāyayat
Taking up her crying son, Yaśodā, suspecting some evil planet (spirit), had the rite of blessing performed by the brāhmaṇas with hymns, and gave Him the breast.
AI translation rendered from the Sanskrit, not a published edition
SB 10 7.12
पूर्ववत् स्थापितं गोपैर् बलिभिः स-परिच्छदम् विप्रा हुत्वार्चयां चक्रुर् दध्य्-अक्षत-कुशाम्बुभिः
pūrvavat sthāpitaṃ gopair balibhiḥ sa-paricchadam viprā hutvārcayāṃ cakrur dadhy-akṣata-kuśāmbubhiḥ
When the cart had been set upright as before, with its equipment, by the sturdy cowherds, the brāhmaṇas made offering into the fire and performed worship with curds, unbroken rice grains, kuśa grass and water.
AI translation rendered from the Sanskrit, not a published edition
SB 10 7.13
ये ऽसूयानृत-दम्भेर्षा- हिंसा-मान-विवर्जिताः न तेषां सत्य-शीलानाम् आशिषो विफलाः कृताः
ye 'sūyānṛta-dambherṣā- hiṃsā-māna-vivarjitāḥ na teṣāṃ satya-śīlānām āśiṣo viphalāḥ kṛtāḥ
Those who are free from malice, falsehood, hypocrisy, envy, violence and pride — of such men of truthful character the blessings pronounced are never made fruitless.
AI translation rendered from the Sanskrit, not a published edition
SB 10 7.14
इति बालकम् आदाय सामर्ग्-यजुर्-उपाकृतैः जलैः पवित्रौषधिभिर् अभिषिच्य द्विजोत्तमैः
iti bālakam ādāya sāmarg-yajur-upākṛtaiḥ jalaiḥ pavitrauṣadhibhir abhiṣicya dvijottamaiḥ
So (thinking), having taken the child and bathed Him with waters consecrated by (mantras of) the Sāma, Ṛg and Yajur (Vedas) and with purifying herbs, by the best of the twice-born,
AI translation rendered from the Sanskrit, not a published edition
SB 10 7.15
वाचयित्वा स्वस्त्ययनं नन्द-गोपः समाहितः हुत्वा चाग्निं द्विजातिभ्यः प्रादाद् अन्नं महा-गुणम्
vācayitvā svastyayanaṃ nanda-gopaḥ samāhitaḥ hutvā cāgniṃ dvijātibhyaḥ prādād annaṃ mahā-guṇam
having had the blessing-rite recited, Nanda the cowherd, with concentrated mind, and having offered into the fire, gave to the twice-born food of excellent quality.
AI translation rendered from the Sanskrit, not a published edition
SB 10 7.16
गावः सर्व-गुणोपेता वासः-स्रग्-रुक्म-मालिनीः आत्मजाभ्युदयार्थाय प्रादात् ते चान्वयुञ्जत
gāvaḥ sarva-guṇopetā vāsaḥ-srag-rukma-mālinīḥ ātmajābhyudayārthāya prādāt te cānvayuñjata
Cows endowed with all good qualities, adorned with cloths, garlands and gold necklaces, he gave for the prosperity of his son; and they (the brāhmaṇas) received them.
AI translation rendered from the Sanskrit, not a published edition
SB 10 7.17
विप्रा मन्त्र-विदो युक्तास् तैर् याः प्रोक्तास् तथाशिषः ता निष्फला भविष्यन्ति न कदाचिद् अपि स्फुटम्
viprā mantra-vido yuktās tair yāḥ proktās tathāśiṣaḥ tā niṣphalā bhaviṣyanti na kadācid api sphuṭam
The brāhmaṇas, knowers of mantras, being engaged (in this) — the blessings which were thus spoken by them will never at all become fruitless: this is clear.
AI translation rendered from the Sanskrit, not a published edition
SB 10 7.18
एकदारोहम् आरूढं लालयन्ती सुतं सती गरिमाणं शिशोर् वोढुं न सेहे गिरि-कूटवत्
ekadāroham ārūḍhaṃ lālayantī sutaṃ satī garimāṇaṃ śiśor voḍhuṃ na sehe giri-kūṭavat
One day, while fondling her son who had climbed onto her lap, the virtuous woman could not bear to hold up the child's weight, (heavy) like a mountain peak.
AI translation rendered from the Sanskrit, not a published edition
SB 10 7.19
भूमौ निधाय तं गोपी विस्मिता भार-पीडिता महा-पुरुषम् आदध्यौ जगताम् आस कर्मसु
bhūmau nidhāya taṃ gopī vismitā bhāra-pīḍitā mahā-puruṣam ādadhyau jagatām āsa karmasu
Setting Him on the ground, the cowherd-woman, astonished and oppressed by the weight, meditated on the Great Person, of the worlds (the Lord of the worlds), and (then) turned to her tasks.
AI translation rendered from the Sanskrit, not a published edition — the model flagged this verse as uncertain
SB 10 7.20
दैत्यो नाम्ना तृणावर्तः कंस-भृत्यः प्रणोदितः चक्रवात-स्वरूपेण जहारासीनम् अर्भकम्
daityo nāmnā tṛṇāvartaḥ kaṃsa-bhṛtyaḥ praṇoditaḥ cakravāta-svarūpeṇa jahārāsīnam arbhakam
A demon named Tṛṇāvarta, a servant of Kaṃsa, being urged on (by him), in the form of a whirlwind carried off the child as He sat there.
AI translation rendered from the Sanskrit, not a published edition
SB 10 7.21
गोकुलं सर्वम् आवृण्वन् मुष्णंश् चक्षूंषि रेणुभिः ईरयन् सुमहा-घोर- शब्देन प्रदिशो दिशः
gokulaṃ sarvam āvṛṇvan muṣṇaṃś cakṣūṃṣi reṇubhiḥ īrayan sumahā-ghora- śabdena pradiśo diśaḥ
Covering all of Gokula, stealing (people's) sight with dust, and making the directions and intermediate directions resound with a most terrifying noise,
AI translation rendered from the Sanskrit, not a published edition
SB 10 7.22
मुहूर्तम् अभवद् गोष्ठं रजसा तमसावृतम् सुतं यशोदा नापश्यत् तस्मिन् न्यस्तवती यतः
muhūrtam abhavad goṣṭhaṃ rajasā tamasāvṛtam sutaṃ yaśodā nāpaśyat tasmin nyastavatī yataḥ
For a moment the cowherd settlement was covered with dust and darkness, and Yaśodā did not see her son where she had laid him down.
AI translation rendered from the Sanskrit, not a published edition
SB 10 7.23
नापश्यत् कश्चनात्मानं परं चापि विमोहितः तृणावर्त-निसृष्टाभिः शर्कराभिर् उपद्रुतः
nāpaśyat kaścanātmānaṃ paraṃ cāpi vimohitaḥ tṛṇāvarta-nisṛṣṭābhiḥ śarkarābhir upadrutaḥ
Bewildered, and harassed by the gravel flung out by Tṛṇāvarta, no one could see either himself or another.
AI translation rendered from the Sanskrit, not a published edition
SB 10 7.24
इति खर-पवन-चक्र-पांशु-वर्षे सुत-पदवीम् अबलाविलक्ष्य माता अतिकरुणम् अनुस्मरन्त्य् अशोचद् भुवि पतिता मृत-वत्सका यथा गौः
iti khara-pavana-cakra-pāṃśu-varṣe suta-padavīm abalāvilakṣya mātā atikaruṇam anusmaranty aśocad bhuvi patitā mṛta-vatsakā yathā gauḥ
Thus, in that whirl of harsh wind and rain of dust, the mother, not making out any trace of her son, most piteously remembering (him), grieved and fell to the ground like a cow whose calf has died.
AI translation rendered from the Sanskrit, not a published edition
SB 10 7.25
रुदितम् अनुनिशम्य तत्र गोप्यो भृशम् अनुतप्त-धियो ऽश्रु-पूर्ण-मुख्यः रुरुदुर् अनुपलभ्य नन्द-सूनुं पवन उपारत-पांशु-वर्ष-वेगे
ruditam anuniśamya tatra gopyo bhṛśam anutapta-dhiyo 'śru-pūrṇa-mukhyaḥ rurudur anupalabhya nanda-sūnuṃ pavana upārata-pāṃśu-varṣa-vege
Hearing that weeping, the cowherd women there, their minds greatly pained, their faces full of tears, wept, not finding Nanda's son, when the wind's force of dust-rain had ceased.
AI translation rendered from the Sanskrit, not a published edition
SB 10 7.26
तृणावर्तः शान्त-रयो वात्या-रूप-धरो हरन् कृष्णं नभो-गतो गन्तुं नाशक्नोद् भूरि-भार-भृत्
tṛṇāvartaḥ śānta-rayo vātyā-rūpa-dharo haran kṛṣṇaṃ nabho-gato gantuṃ nāśaknod bhūri-bhāra-bhṛt
Tṛṇāvarta, his speed spent, who had taken the form of a whirlwind, carrying off Kṛṣṇa, having gone into the sky, was unable to move, bearing an enormous weight.
AI translation rendered from the Sanskrit, not a published edition
SB 10 7.27
तम् अश्मानं मन्यमान आत्मनो गुरु-मत्तया गले गृहीत उत्स्रष्टुं नाशक्नोद् अद्भुतार्भकम्
tam aśmānaṃ manyamāna ātmano guru-mattayā gale gṛhīta utsraṣṭuṃ nāśaknod adbhutārbhakam
Thinking him to be a stone because of his own (sense of) excessive heaviness, seized by the throat, he was unable to let go of that wondrous child.
AI translation rendered from the Sanskrit, not a published edition
SB 10 7.28
गल-ग्रहण-निश्चेष्टो दैत्यो निर्गत-लोचनः अव्यक्त-रावो न्यपतत् सह-बालो व्यसुर् व्रजे
gala-grahaṇa-niśceṣṭo daityo nirgata-locanaḥ avyakta-rāvo nyapatat saha-bālo vyasur vraje
The demon, made motionless by the grip on his throat, his eyes bulging out, uttering an inarticulate cry, fell down in Vraja, lifeless, together with the boy.
AI translation rendered from the Sanskrit, not a published edition
SB 10 7.29
तम् अन्तरिक्षात् पतितं शिलायां विशीर्ण-सर्वावयवं करालम् पुरं यथा रुद्र-शरेण विद्धं स्त्रियो रुदत्यो ददृशुः समेताः
tam antarikṣāt patitaṃ śilāyāṃ viśīrṇa-sarvāvayavaṃ karālam puraṃ yathā rudra-śareṇa viddhaṃ striyo rudatyo dadṛśuḥ sametāḥ
The women, weeping, assembled and saw him, fallen from the sky onto a rock, all his limbs shattered, hideous, like Tripura pierced by Rudra's arrow.
AI translation rendered from the Sanskrit, not a published edition
SB 10 7.30
प्रादाय मात्रे प्रतिहृत्य विस्मिताः कृष्णं च तस्योरसि लम्बमानम् तं स्वस्तिमन्तं पुरुषाद-नीतं विहायसा मृत्यु-मुखात् प्रमुक्तम् गोप्यश् च गोपाः किल नन्द-मुख्या लब्ध्वा पुनः प्रापुर् अतीव मोदम्
prādāya mātre pratihṛtya vismitāḥ kṛṣṇaṃ ca tasyorasi lambamānam taṃ svastimantaṃ puruṣāda-nītaṃ vihāyasā mṛtyu-mukhāt pramuktam gopyaś ca gopāḥ kila nanda-mukhyā labdhvā punaḥ prāpur atīva modam
Amazed, they took Kṛṣṇa, who was clinging to his chest, and gave him back to his mother. And the cowherd women and cowherds, headed by Nanda, having got back safe and sound that (child) who had been carried off through the air by the man-eater and released from the mouth of death, attained the greatest joy again.
AI translation rendered from the Sanskrit, not a published edition
SB 10 7.31
अहो बतात्य्-अद्भुतम् एष रक्षसा बालो निवृत्तिं गमितो ऽभ्यगात् पुनः हिंस्रः स्व-पापेन विहिंसितः खलः साधुः समत्वेन भयाद् विमुच्यते
aho batāty-adbhutam eṣa rakṣasā bālo nivṛttiṃ gamito 'bhyagāt punaḥ hiṃsraḥ sva-pāpena vihiṃsitaḥ khalaḥ sādhuḥ samatvena bhayād vimucyate
"Oh, how very astonishing! This boy, brought to destruction by a demon, has come back again. The cruel, wicked one was destroyed by his own sin, while a good man, by his equanimity, is freed from danger."
AI translation rendered from the Sanskrit, not a published edition
SB 10 7.32
किं नस् तपश् चीर्णम् अधोक्षजार्चनं पूर्तेष्ट-दत्तम् उत भूत-सौहृदम् अम्प्;यत् सम्परेतः पुनर् एव बालको दिष्ट्या स्व-बन्धून् प्रणयन्न् उपस्थितः
kiṃ nas tapaś cīrṇam adhokṣajārcanaṃ pūrteṣṭa-dattam uta bhūta-sauhṛdam yat samparetaḥ punar eva bālako diṣṭyā sva-bandhūn praṇayann upasthitaḥ
"What austerity did we practise, what worship of Adhokṣaja, what public works, sacrifices and gifts, or what kindness to living beings, that this boy, who had gone (as if) dead, has by good fortune come back again, gladdening his own kin?"
AI translation rendered from the Sanskrit, not a published edition
SB 10 7.33
दृष्ट्वाद्भुतानि बहुशो नन्द-गोपो बृहद्वने वसुदेव-वचो भूयो मानयाम् आस विस्मितः
dṛṣṭvādbhutāni bahuśo nanda-gopo bṛhadvane vasudeva-vaco bhūyo mānayām āsa vismitaḥ
Having repeatedly seen these wonders in Bṛhadvana, Nanda the cowherd, amazed, honoured Vasudeva's words all the more.
AI translation rendered from the Sanskrit, not a published edition
SB 10 7.34
एकदार्भकम् आदाय स्वाङ्कम् आरोप्य भामिनी प्रस्नुतं पाययाम् आस स्तनं स्नेह-परिप्लुता
ekadārbhakam ādāya svāṅkam āropya bhāminī prasnutaṃ pāyayām āsa stanaṃ sneha-pariplutā
One day the lady took up the little boy, set him on her lap, and, flooded with affection, made him drink her flowing breast.
AI translation rendered from the Sanskrit, not a published edition
SB 10 7.35
पीत-प्रायस्य जननी सुतस्य रुचिर-स्मितम् मुखं लालयती राजञ् जृम्भतो ददृशे इदम्
pīta-prāyasya jananī sutasya rucira-smitam mukhaṃ lālayatī rājañ jṛmbhato dadṛśe idam
O king, when the son had nearly finished drinking, the mother, caressing his face with its lovely smile, saw this as he yawned:
AI translation rendered from the Sanskrit, not a published edition
SB 10 7.36
खं रोदसी ज्योतिर्-अनीकम् आशाः सूर्येन्दु-वह्नि-श्वसनाम्बुधींश् च द्वीपान् नगांस् तद्-दुहितॄर् वनानि भूतानि यानि स्थिर-जङ्गमानि
khaṃ rodasī jyotir-anīkam āśāḥ sūryendu-vahni-śvasanāmbudhīṃś ca dvīpān nagāṃs tad-duhitṝr vanāni bhūtāni yāni sthira-jaṅgamāni
the sky, heaven and earth, the host of luminaries, the quarters, the sun, moon, fire, wind and oceans, the continents, the mountains and their daughters (the rivers), the forests, and whatever beings there are, moving and unmoving.
AI translation rendered from the Sanskrit, not a published edition
SB 10 7.37
सा वीक्ष्य विश्वं सहसा राजन् सञ्जात-वेपथुः सम्मील्य मृगशावाक्षी नेत्रे आसीत् सुविस्मिता
sā vīkṣya viśvaṃ sahasā rājan sañjāta-vepathuḥ sammīlya mṛgaśāvākṣī netre āsīt suvismitā
O king, seeing the universe suddenly, she of the fawn's eyes was seized with trembling, and closing her eyes, she was utterly amazed.
AI translation rendered from the Sanskrit, not a published edition