Bhagavata Purana — Skandha 10 — Chapter 67
SB 10 67.1
श्री-राजोवाच भुयो ऽहं श्रोतुम् इच्छामि रामस्याद्भुत-कर्मणः अनन्तस्याप्रमेयस्य यद् अन्यत् कृतवान् प्रभुः
śrī-rājovāca bhuyo 'haṃ śrotum icchāmi rāmasyādbhuta-karmaṇaḥ anantasyāprameyasya yad anyat kṛtavān prabhuḥ
The king said: I wish to hear still more of Rāma, whose deeds are wondrous, who is endless and immeasurable — what else the Lord did.
AI translation rendered from the Sanskrit, not a published edition
SB 10 67.2
श्री-शुक उवाच नरकस्य सखा कश्चिद् द्विविदो नाम वानरः सुग्रीव-सचिवः सो ऽथ भ्राता मैन्दस्य वीर्यवान्
śrī-śuka uvāca narakasya sakhā kaścid dvivido nāma vānaraḥ sugrīva-sacivaḥ so 'tha bhrātā maindasya vīryavān
Śrī Śuka said: There was a certain friend of Naraka, a monkey named Dvivida, a counsellor of Sugrīva; he was the brother of Mainda, and mighty in valour.
AI translation rendered from the Sanskrit, not a published edition
SB 10 67.3
सख्युः सो ऽपचितिं कुर्वन् वानरो राष्ट्र-विप्लवम् पुर-ग्रामाकरान् घोषान् अदहद् वह्निम् उत्सृजन्
sakhyuḥ so 'pacitiṃ kurvan vānaro rāṣṭra-viplavam pura-grāmākarān ghoṣān adahad vahnim utsṛjan
That monkey, making requital for his friend, wrought havoc on the realm: setting loose fire, he burned towns, villages, mines and cowherd settlements.
AI translation rendered from the Sanskrit, not a published edition
SB 10 67.4
क्वचित् स शैलान् उत्पाट्य तैर् देशान् समचूर्णयत् आनर्तान् सुतराम् एव यत्रास्ते मित्र-हा हरिः
kvacit sa śailān utpāṭya tair deśān samacūrṇayat ānartān sutarām eva yatrāste mitra-hā hariḥ
Sometimes he tore up mountains and with them pulverized whole regions — especially the Ānarta country, where the slayer of his friend, Hari, resided.
AI translation rendered from the Sanskrit, not a published edition
SB 10 67.5
क्वचित् समुद्र-मध्य-स्थो दोर्भ्याम् उत्क्षिप्य तज्-जलम् देशान् नागायुत-प्राणो वेला-कूले न्यमज्जयत्
kvacit samudra-madhya-stho dorbhyām utkṣipya taj-jalam deśān nāgāyuta-prāṇo velā-kūle nyamajjayat
Sometimes, standing in the middle of the sea, having the strength of ten thousand elephants, he flung up its water with his two arms and drowned the regions along the shoreline.
AI translation rendered from the Sanskrit, not a published edition
SB 10 67.6
आश्रमान् ऋषि-मुख्यानां कृत्वा भग्न-वनस्पतीन् अदूषयच् छकृन्-मूत्रैर् अग्नीन् वैतानिकान् खलः
āśramān ṛṣi-mukhyānāṃ kṛtvā bhagna-vanaspatīn adūṣayac chakṛn-mūtrair agnīn vaitānikān khalaḥ
The scoundrel wrecked the trees of the hermitages of the chief sages and polluted their sacrificial fires with dung and urine.
AI translation rendered from the Sanskrit, not a published edition
SB 10 67.7
पुरुषान् योषितो दृप्तः क्ष्माभृद्-द्रोनी-गुहासु सः निक्षिप्य चाप्यधाच् छैलैः पेशष्कारीव कीटकम्
puruṣān yoṣito dṛptaḥ kṣmābhṛd-dronī-guhāsu saḥ nikṣipya cāpyadhāc chailaiḥ peśaṣkārīva kīṭakam
Insolent, he would cast men and women into caves in the valleys of the mountains and block them up with boulders, as a wasp does an insect.
AI translation rendered from the Sanskrit, not a published edition
SB 10 67.8
एवं देशान् विप्रकुर्वन् दूषयंश् च कुल-स्त्रियः श्रुत्वा सु-ललितं गीतं गिरिं रैवतकं ययौ
evaṃ deśān viprakurvan dūṣayaṃś ca kula-striyaḥ śrutvā su-lalitaṃ gītaṃ giriṃ raivatakaṃ yayau
Thus assailing the regions and defiling women of good families, he heard a very sweet song and went to Mount Raivataka.
AI translation rendered from the Sanskrit, not a published edition
SB 10 67.9
तत्रापश्यद् यदु-पतिं रामं पुष्कर-मालिनम् सुदर्शनीय-सर्वाङ्गं ललना-यूथ-मध्य-गम्
tatrāpaśyad yadu-patiṃ rāmaṃ puṣkara-mālinam sudarśanīya-sarvāṅgaṃ lalanā-yūtha-madhya-gam
There he saw Rāma, the lord of the Yadus, wearing a garland of lotuses, every limb of him lovely to look at, seated in the midst of a throng of women.
AI translation rendered from the Sanskrit, not a published edition
SB 10 67.10
गायन्तं वारुणीं पीत्वा मद-विह्वल-लोचनम् विभ्राजमानं वपुषा प्रभिन्नम् इव वारणम्
gāyantaṃ vāruṇīṃ pītvā mada-vihvala-locanam vibhrājamānaṃ vapuṣā prabhinnam iva vāraṇam
(He saw him) singing, having drunk vāruṇī liquor, his eyes unsteady with intoxication, blazing in his body like an elephant in rut.
AI translation rendered from the Sanskrit, not a published edition
SB 10 67.11
दुष्टः शाखा-मृगः शाखाम् आरूढः कम्पयन् द्रुमान् चक्रे किलकिला-शब्दम् आत्मानं सम्प्रदर्शयन्
duṣṭaḥ śākhā-mṛgaḥ śākhām ārūḍhaḥ kampayan drumān cakre kilakilā-śabdam ātmānaṃ sampradarśayan
The wicked branch-beast, having climbed onto a branch, shook the trees and made a chattering "kila-kila" noise, displaying himself.
AI translation rendered from the Sanskrit, not a published edition
SB 10 67.12
तस्य धार्ष्ट्यं कपेर् वीक्ष्य तरुण्यो जाति-चापलाः हास्य-प्रिया विजहसुर् बलदेव-परिग्रहाः
tasya dhārṣṭyaṃ kaper vīkṣya taruṇyo jāti-cāpalāḥ hāsya-priyā vijahasur baladeva-parigrahāḥ
Seeing that impudence of the monkey, the young women — fickle by nature and fond of laughing, Baladeva's consorts — burst out laughing.
AI translation rendered from the Sanskrit, not a published edition
SB 10 67.13
ता हेलयाम् आस कपिर् भ्रू-क्षेपैर् सम्मुखादिभिः दर्शयन् स्व-गुदं तासां रामस्य च निरीक्षितः
tā helayām āsa kapir bhrū-kṣepair sammukhādibhiḥ darśayan sva-gudaṃ tāsāṃ rāmasya ca nirīkṣitaḥ
The monkey mocked them with movements of his brows, with confronting gestures and the like, showing his backside to them and to Rāma, while being watched.
AI translation rendered from the Sanskrit, not a published edition
SB 10 67.14
तं ग्राव्णा प्राहरत् क्रुद्धो बलः प्रहरतां वरः स वञ्चयित्वा ग्रावाणं मदिरा-कलशं कपिः
taṃ grāvṇā prāharat kruddho balaḥ praharatāṃ varaḥ sa vañcayitvā grāvāṇaṃ madirā-kalaśaṃ kapiḥ
Enraged, Bala, best of strikers, hurled a stone at him; but the monkey dodged the stone, and (took) the pot of liquor —
AI translation rendered from the Sanskrit, not a published edition
SB 10 67.15
गृहीत्वा हेलयाम् आस धूर्तस् तं कोपयन् हसन् निर्भिद्य कलशं दुष्टो वासांस्य् आस्फालयद् बलम्
gṛhītvā helayām āsa dhūrtas taṃ kopayan hasan nirbhidya kalaśaṃ duṣṭo vāsāṃsy āsphālayad balam
— taking it, the rogue mocked him, provoking his anger, laughing; and the wicked one smashed the pot and tore at Bala's garments.
AI translation rendered from the Sanskrit, not a published edition
SB 10 67.16
कदर्थी-कृत्य बलवान् विप्रचक्रे मदोद्धतः तं तस्याविनयं दृष्ट्वा देशांश् च तद्-उपद्रुतान्
kadarthī-kṛtya balavān vipracakre madoddhataḥ taṃ tasyāvinayaṃ dṛṣṭvā deśāṃś ca tad-upadrutān
Puffed up with intoxication, he humiliated the mighty one and abused him. Seeing that misconduct of his, and the regions ravaged by him,
AI translation rendered from the Sanskrit, not a published edition
SB 10 67.17
क्रुद्धो मुषलम् आदत्त हलं चारि-जिघांसया द्विविदो ऽपि महा-वीर्यः शालम् उद्यम्य पाणिना
kruddho muṣalam ādatta halaṃ cāri-jighāṃsayā dvivido 'pi mahā-vīryaḥ śālam udyamya pāṇinā
(Bala) in anger took up his club and plough, wishing to kill the enemy; and Dvivida too, of great valour, raised up a śāla tree with his hand,
AI translation rendered from the Sanskrit, not a published edition
SB 10 67.18
अभ्येत्य तरसा तेन बलं मूर्धन्य् अताडयत् तं तु सङ्कर्षणो मूर्ध्नि पतन्तम् अचलो यथा
abhyetya tarasā tena balaṃ mūrdhany atāḍayat taṃ tu saṅkarṣaṇo mūrdhni patantam acalo yathā
and rushing up swiftly he struck Bala on the head with it. But Saṅkarṣaṇa, unmoving as a mountain, received it as it fell on his head,
AI translation rendered from the Sanskrit, not a published edition
SB 10 67.19
प्रतिजग्राह बलवान् सुनन्देनाहनच् च तम् मूषलाहत-मस्तिष्को विरेजे रक्त-धारया
pratijagrāha balavān sunandenāhanac ca tam mūṣalāhata-mastiṣko vireje rakta-dhārayā
and the mighty one struck him with Sunanda; his skull broken by the club, he was resplendent with the stream of blood,
AI translation rendered from the Sanskrit, not a published edition
SB 10 67.20
गिरिर् यथा गैरिकया प्रहारं नानुचिन्तयन् पुनर् अन्यं समुत्क्षिप्य कृत्वा निष्पत्रम् ओजसा
girir yathā gairikayā prahāraṃ nānucintayan punar anyaṃ samutkṣipya kṛtvā niṣpatram ojasā
like a mountain with red ochre. Not troubling about the blow, he raised up another (tree) and, with his strength, stripped it of leaves,
AI translation rendered from the Sanskrit, not a published edition
SB 10 67.21
तेनाहनत् सु-सङ्क्रुद्धस् तं बलः शतधाच्छिनत् ततो ऽन्येन रुषा जघ्ने तं चापि शतधाच्छिनत्
tenāhanat su-saṅkruddhas taṃ balaḥ śatadhācchinat tato 'nyena ruṣā jaghne taṃ cāpi śatadhācchinat
With that (tree) he struck, greatly enraged, but Bala split it into a hundred pieces; then in fury he struck with another, and that one too (Bala) split into a hundred pieces.
AI translation rendered from the Sanskrit, not a published edition
SB 10 67.22
एवं युध्यन् भगवता भग्ने भग्ने पुनः पुनः आकृष्य सर्वतो वृक्षान् निर्वृक्षम् अकरोद् वनम्
evaṃ yudhyan bhagavatā bhagne bhagne punaḥ punaḥ ākṛṣya sarvato vṛkṣān nirvṛkṣam akarod vanam
Fighting in this way, as (the trees) were shattered by the Lord again and again, uprooting trees from every side he made the forest treeless.
AI translation rendered from the Sanskrit, not a published edition
SB 10 67.23
ततो ऽमुञ्चच् छिला-वर्षं बलस्योपर्य् अमर्षितः तत् सर्वं चूर्णयां आस लीलया मुषलायुधः
tato 'muñcac chilā-varṣaṃ balasyopary amarṣitaḥ tat sarvaṃ cūrṇayāṃ āsa līlayā muṣalāyudhaḥ
Then, unable to bear it, he released a rain of stones upon Bala; but the wielder of the club pulverized all of it in play.
AI translation rendered from the Sanskrit, not a published edition
SB 10 67.24
स बाहू ताल-सङ्काशौ मुष्टी-कृत्य कपीश्वरः आसाद्य रोहिणी-पुत्रं ताभ्यां वक्षस्य् अरूरुजत्
sa bāhū tāla-saṅkāśau muṣṭī-kṛtya kapīśvaraḥ āsādya rohiṇī-putraṃ tābhyāṃ vakṣasy arūrujat
That lord of the apes, making fists of his two arms, which resembled palm trees, came up to the son of Rohiṇī and pounded him with them on the chest.
AI translation rendered from the Sanskrit, not a published edition
SB 10 67.25
यादवेन्द्रो ऽपि तं दोर्भ्यां त्यक्त्वा मुषल-लाङ्गले जत्राव् अभ्यर्दयत् क्रुद्धः सो ऽपतद् रुधिरं वमन्
yādavendro 'pi taṃ dorbhyāṃ tyaktvā muṣala-lāṅgale jatrāv abhyardayat kruddhaḥ so 'patad rudhiraṃ vaman
The lord of the Yādavas too, setting aside his club and plow, angrily struck him with his two arms on the collarbone; and he fell, vomiting blood.
AI translation rendered from the Sanskrit, not a published edition
SB 10 67.26
चकम्पे तेन पतता स-टङ्कः स-वनस्पतिः पर्वतः कुरु-शार्दूल वायुना नौर् इवाम्भसि
cakampe tena patatā sa-ṭaṅkaḥ sa-vanaspatiḥ parvataḥ kuru-śārdūla vāyunā naur ivāmbhasi
As he fell, the mountain, with its cliffs and its great trees, shook, O tiger among the Kurus, like a boat on the water in the wind.
AI translation rendered from the Sanskrit, not a published edition
SB 10 67.27
जय-शब्दो नमः-शब्दः साधु साध्व् इति चाम्बरे सुर-सिद्ध-मुनीन्द्राणाम् आसीत् कुसुम-वर्षिणाम्
jaya-śabdo namaḥ-śabdaḥ sādhu sādhv iti cāmbare sura-siddha-munīndrāṇām āsīt kusuma-varṣiṇām
In the sky there arose cries of "Victory!" and "Homage!" and "Well done, well done!" from the gods, Siddhas and great sages, who rained down flowers.
AI translation rendered from the Sanskrit, not a published edition
SB 10 67.28
एवं निहत्य द्विविदं जगद्-व्यतिकरावहम् संस्तूयमानो भगवान् जनैः स्व-पुरम् आविशत्
evaṃ nihatya dvividaṃ jagad-vyatikarāvaham saṃstūyamāno bhagavān janaiḥ sva-puram āviśat
Having thus slain Dvivida, who brought disturbance to the world, the Lord, being praised by the people, entered his own city.
AI translation rendered from the Sanskrit, not a published edition