Bhagavata Purana — Skandha 10 — Chapter 57
SB 10 57.1
श्री-बादरायणिर् उवाच विज्ञातार्थो ऽपि गोविन्दो दग्धान् आकर्ण्य पाण्डवान् कुन्तीं च कुल्य-करणे सह-रामो ययौ कुरून्
śrī-bādarāyaṇir uvāca vijñātārtho 'pi govindo dagdhān ākarṇya pāṇḍavān kuntīṃ ca kulya-karaṇe saha-rāmo yayau kurūn
Śrī Bādarāyaṇi said: Although Govinda knew how matters stood, when he heard that the Pāṇḍavas and Kuntī had been burned, he went with Rāma to the Kurus to perform the duties of kinship.
AI translation rendered from the Sanskrit, not a published edition
SB 10 57.2
भीष्मं कृपं स विदुरं गान्धारीं द्रोणम् एव च तुल्य-दुःखौ च सङ्गम्य हा कष्टम् इति होचतुः
bhīṣmaṃ kṛpaṃ sa viduraṃ gāndhārīṃ droṇam eva ca tulya-duḥkhau ca saṅgamya hā kaṣṭam iti hocatuḥ
Meeting Bhīṣma, Kṛpa, Vidura, Gāndhārī and Droṇa, the two, sharing equally in the grief, said, "Alas, what a calamity!"
AI translation rendered from the Sanskrit, not a published edition
SB 10 57.3
लब्ध्वैतद् अन्तरं राजन् शतधन्वानम् ऊचतुः अक्रूर-कृतवर्माणौ मनिः कस्मान् न गृह्यते
labdhvaitad antaraṃ rājan śatadhanvānam ūcatuḥ akrūra-kṛtavarmāṇau maniḥ kasmān na gṛhyate
Getting this opening, O king, Akrūra and Kṛtavarmā said to Śatadhanvan: Why is the gem not taken (from him)?
AI translation rendered from the Sanskrit, not a published edition
SB 10 57.4
यो ऽस्मभ्यं सम्प्रतिश्रुत्य कन्या-रत्नं विगर्ह्य नः कृष्णायादान् न सत्राजित् कस्माद् भ्रातरम् अन्वियात्
yo 'smabhyaṃ sampratiśrutya kanyā-ratnaṃ vigarhya naḥ kṛṣṇāyādān na satrājit kasmād bhrātaram anviyāt
Satrājit, after promising us that jewel of a girl, scorned us and gave her to Kṛṣṇa. Why should he not follow his brother (in death)?
AI translation rendered from the Sanskrit, not a published edition
SB 10 57.5
एवं भिन्न-मतिस् ताभ्यां सत्राजितम् असत्तमः शयानम् अवधील् लोभात् स पापः क्षीण जीवितः
evaṃ bhinna-matis tābhyāṃ satrājitam asattamaḥ śayānam avadhīl lobhāt sa pāpaḥ kṣīṇa jīvitaḥ
His mind thus turned by those two, that most wicked man out of greed killed Satrājit while he lay asleep — that sinner whose own life was (already) forfeit.
AI translation rendered from the Sanskrit, not a published edition
SB 10 57.6
स्त्रीणां विक्रोशमानानां क्रन्दन्तीनाम् अनाथ-वत् हत्वा पशून् सौनिक-वन् मणिम् आदाय जग्मिवान्
strīṇāṃ vikrośamānānāṃ krandantīnām anātha-vat hatvā paśūn saunika-van maṇim ādāya jagmivān
While the women shrieked and wept as though left without a protector, he killed (him) as a butcher kills cattle, took the gem, and went off.
AI translation rendered from the Sanskrit, not a published edition
SB 10 57.7
सत्यभामा च पितरं हतं वीक्ष्य शुचार्पिता व्यलपत् तात तातेति हा हतास्मीति मुह्यती
satyabhāmā ca pitaraṃ hataṃ vīkṣya śucārpitā vyalapat tāta tāteti hā hatāsmīti muhyatī
And Satyabhāmā, seeing her father killed, was overcome with grief and lamented, "Father, father! Ah, I am destroyed!" — losing consciousness.
AI translation rendered from the Sanskrit, not a published edition
SB 10 57.8
तैल-द्रोण्यां मृतं प्रास्य जगाम गजसाह्वयम् कृष्णाय विदितार्थाय तप्ताचख्यौ पितुर् वधम्
taila-droṇyāṃ mṛtaṃ prāsya jagāma gajasāhvayam kṛṣṇāya viditārthāya taptācakhyau pitur vadham
Placing the dead body in a vat of oil, she went to the city named after the elephant, and in her anguish told Kṛṣṇa — who already knew the matter — of her father's murder.
AI translation rendered from the Sanskrit, not a published edition
SB 10 57.9
तद् आकर्ण्येश्वरौ राजन्न् अनुसृत्य नृ-लोकताम् अहो नः परमं कष्टम् इत्य् अस्राक्षौ विलेपतुः
tad ākarṇyeśvarau rājann anusṛtya nṛ-lokatām aho naḥ paramaṃ kaṣṭam ity asrākṣau vilepatuḥ
Hearing that, O king, the two Lords, conforming to the ways of the human world, lamented with tears in their eyes, saying, "Ah, this is a terrible blow for us!"
AI translation rendered from the Sanskrit, not a published edition
SB 10 57.10
आगत्य भगवांस् तस्मात् स-भार्यः साग्रजः पुरम् शतधन्वानम् आरेभे हन्तुं हर्तुं मणिं ततः
āgatya bhagavāṃs tasmāt sa-bhāryaḥ sāgrajaḥ puram śatadhanvānam ārebhe hantuṃ hartuṃ maṇiṃ tataḥ
Coming from there to the city with his wife and his elder brother, the Lord set about killing Śatadhanvan and taking back the gem.
AI translation rendered from the Sanskrit, not a published edition
SB 10 57.11
सो ऽपि कृतोद्यमं ज्ञात्वा भीतः प्राण-परीप्सया साहाय्ये कृतवर्माणम् अयाचत स चाब्रवीत्
so 'pi kṛtodyamaṃ jñātvā bhītaḥ prāṇa-parīpsayā sāhāyye kṛtavarmāṇam ayācata sa cābravīt
He too, learning that (Kṛṣṇa's) attempt had begun, was afraid, and in his eagerness to save his life he begged Kṛtavarmā for help; and that one said:
AI translation rendered from the Sanskrit, not a published edition
SB 10 57.12
नाहम् ईस्वरयोः कुर्यां हेलनं राम-कृष्णयोः को नु क्षेमाय कल्पेत तयोर् वृजिनम् आचरन्
nāham īsvarayoḥ kuryāṃ helanaṃ rāma-kṛṣṇayoḥ ko nu kṣemāya kalpeta tayor vṛjinam ācaran
I will not show contempt for the two Lords, Rāma and Kṛṣṇa. Who indeed, doing them injury, could come to any good?
AI translation rendered from the Sanskrit, not a published edition
SB 10 57.13
कंसः सहानुगो ऽपीतो यद्-द्वेषात् त्याजितः श्रिया जरासन्धः सप्तदश- संयुगाद् विरथो गतः
kaṃsaḥ sahānugo 'pīto yad-dveṣāt tyājitaḥ śriyā jarāsandhaḥ saptadaśa- saṃyugād viratho gataḥ
Kaṃsa perished together with his followers, stripped of fortune through hatred of him; Jarāsandha, after seventeen engagements, went off without his chariot.
AI translation rendered from the Sanskrit, not a published edition
SB 10 57.14
प्रत्याख्यातः स चाक्रूरं पार्ष्णि-ग्राहम् अयाचत सो ऽप्य् आह को विरुध्येत विद्वान् ईश्वरयोर् बलम्
pratyākhyātaḥ sa cākrūraṃ pārṣṇi-grāham ayācata so 'py āha ko virudhyeta vidvān īśvarayor balam
Rejected (by him), he begged Akrūra to be his rear-guard support; but he too said: "What knowing man would oppose the might of the two Lords?"
AI translation rendered from the Sanskrit, not a published edition
SB 10 57.15
य इदं लीलया विश्वं सृजत्य् अवति हन्ति च चेष्टां विश्व-सृजो यस्य न विदुर् मोहिताजया
ya idaṃ līlayā viśvaṃ sṛjaty avati hanti ca ceṣṭāṃ viśva-sṛjo yasya na vidur mohitājayā
He who in play creates, sustains and destroys this universe, whose exertion even the creators of the world do not know, deluded by his power of illusion.
AI translation rendered from the Sanskrit, not a published edition
SB 10 57.16
यः सप्त-हायनः शैलम् उत्पाट्यैकेन पाणिना दधार लीलया बाल उच्छिलीन्ध्रम् इवार्भकः
yaḥ sapta-hāyanaḥ śailam utpāṭyaikena pāṇinā dadhāra līlayā bāla ucchilīndhram ivārbhakaḥ
He who at seven years of age uprooted a mountain with a single hand and held it up in play, a boy, as a small child holds a mushroom.
AI translation rendered from the Sanskrit, not a published edition
SB 10 57.17
नमस् तस्मै भगवते कृष्णायाद्भुत-कर्मणे अनन्तायादि-भूताय कूट-स्थायात्मने नमः
namas tasmai bhagavate kṛṣṇāyādbhuta-karmaṇe anantāyādi-bhūtāya kūṭa-sthāyātmane namaḥ
Obeisance to him, the Lord Kṛṣṇa, of wondrous deeds; obeisance to the endless one, the primal being, the unchanging one, the Self.
AI translation rendered from the Sanskrit, not a published edition
SB 10 57.18
प्रत्याख्यातः स तेनापि शतधन्वा महा-मणिम् तस्मिन् न्यस्याश्वम् आरुह्य शत-योजन-गं ययौ
pratyākhyātaḥ sa tenāpi śatadhanvā mahā-maṇim tasmin nyasyāśvam āruhya śata-yojana-gaṃ yayau
Rejected by him too, Śatadhanvan deposited the great jewel with him, mounted a horse able to travel a hundred yojanas, and departed.
AI translation rendered from the Sanskrit, not a published edition
SB 10 57.19
गरुड-ध्वजम् आरुह्य रथं राम-जनार्दनौ अन्वयातां महा-वेगैर् अश्वै राजन् गुरु-द्रुहम्
garuḍa-dhvajam āruhya rathaṃ rāma-janārdanau anvayātāṃ mahā-vegair aśvai rājan guru-druham
Mounting the chariot with the Garuḍa banner, Rāma and Janārdana pursued with very swift horses, O king, the offender against their elder.
AI translation rendered from the Sanskrit, not a published edition
SB 10 57.20
मिथिलायाम् उपवने विसृज्य पतितं हयम् पद्भ्याम् अधावत् सन्त्रस्तः कृष्णो ऽप्य् अन्वद्रवद् रुषा
mithilāyām upavane visṛjya patitaṃ hayam padbhyām adhāvat santrastaḥ kṛṣṇo 'py anvadravad ruṣā
In a grove at Mithilā, abandoning his fallen horse, he ran on foot, terrified; and Kṛṣṇa too ran after him in anger.
AI translation rendered from the Sanskrit, not a published edition
SB 10 57.21
पदातेर् भगवांस् तस्य पदातिस् तिग्म-नेमिना चक्रेण शिर उत्कृत्य वाससोर् व्यचिनोन् मणिम्
padāter bhagavāṃs tasya padātis tigma-neminā cakreṇa śira utkṛtya vāsasor vyacinon maṇim
The Lord, on foot, cut off the head of him who was on foot with his sharp-rimmed disc, and searched between his two garments for the jewel.
AI translation rendered from the Sanskrit, not a published edition
SB 10 57.22
अलब्ध-मणिर् आगत्य कृष्ण आहाग्रजान्तिकम् वृथा हतः शतधनुर् मणिस् तत्र न विद्यते
alabdha-maṇir āgatya kṛṣṇa āhāgrajāntikam vṛthā hataḥ śatadhanur maṇis tatra na vidyate
Not having obtained the jewel, Kṛṣṇa came to his elder brother and said: "Śatadhanvan has been killed in vain; the jewel is not there."
AI translation rendered from the Sanskrit, not a published edition
SB 10 57.23
तत आह बलो नूनं स मणिः शतधन्वना कस्मिंश्चित् पुरुषे न्यस्तस् तम् अन्वेष पुरं व्रज
tata āha balo nūnaṃ sa maṇiḥ śatadhanvanā kasmiṃścit puruṣe nyastas tam anveṣa puraṃ vraja
Then Bala said: "Surely that jewel was left by Śatadhanvan with some man. Search for him; go to the city.
AI translation rendered from the Sanskrit, not a published edition
SB 10 57.24
अहं वैदेहम् इच्छामि द्रष्टुं प्रियतमं मम इत्य् उक्त्वा मिथिलां राजन् विवेश यद-नन्दनः
ahaṃ vaideham icchāmi draṣṭuṃ priyatamaṃ mama ity uktvā mithilāṃ rājan viveśa yada-nandanaḥ
"I wish to see the king of Videha, who is most dear to me." Having said this, O king, the delight of the Yadus entered Mithilā.
AI translation rendered from the Sanskrit, not a published edition
SB 10 57.25
तं दृष्ट्वा सहसोत्थाय मैथिलः प्रीत-मानसः अर्हयां आस विधि-वद् अर्हणीयं समर्हणैः
taṃ dṛṣṭvā sahasotthāya maithilaḥ prīta-mānasaḥ arhayāṃ āsa vidhi-vad arhaṇīyaṃ samarhaṇaiḥ
Seeing him, the king of Mithilā rose at once, glad at heart, and duly honored with offerings the one worthy of honor.
AI translation rendered from the Sanskrit, not a published edition
SB 10 57.26
उवास तस्यां कतिचिन् मिथिलायां समा विभुः मानितः प्रीति-युक्तेन जनकेन महात्मना ततो ऽशिक्षद् गदां काले धार्तराष्ट्रः सुयोधनः
uvāsa tasyāṃ katicin mithilāyāṃ samā vibhuḥ mānitaḥ prīti-yuktena janakena mahātmanā tato 'śikṣad gadāṃ kāle dhārtarāṣṭraḥ suyodhanaḥ
The mighty one dwelt there in Mithilā for some years, honored by the great-souled Janaka who was full of affection; and at that time Suyodhana, the son of Dhṛtarāṣṭra, learned the mace from him.
AI translation rendered from the Sanskrit, not a published edition
SB 10 57.27
केशवो द्वारकाम् एत्य निधनं शतधन्वनः अप्राप्तिं च मणेः प्राह प्रियायाः प्रिय-कृद् विभुः
keśavo dvārakām etya nidhanaṃ śatadhanvanaḥ aprāptiṃ ca maṇeḥ prāha priyāyāḥ priya-kṛd vibhuḥ
Keśava, coming to Dvārakā, told his beloved of the death of Śatadhanvan and of the failure to recover the jewel—the mighty one, doing what was pleasing to her.
AI translation rendered from the Sanskrit, not a published edition
SB 10 57.28
ततः स कारयाम् आस क्रिया बन्धोर् हतस्य वै साकं सुहृद्भिर् भगवान् या याः स्युः साम्परायिकीः
tataḥ sa kārayām āsa kriyā bandhor hatasya vai sākaṃ suhṛdbhir bhagavān yā yāḥ syuḥ sāmparāyikīḥ
Then the Lord, together with his kinsmen, had performed for the slain relative whatever rites there are that pertain to the departed.
AI translation rendered from the Sanskrit, not a published edition
SB 10 57.29
अक्रूरः कृतवर्मा च श्रुत्वा शतधनोर् वधम् व्यूषतुर् भय-वित्रस्तौ द्वारकायाः प्रयोजकौ
akrūraḥ kṛtavarmā ca śrutvā śatadhanor vadham vyūṣatur bhaya-vitrastau dvārakāyāḥ prayojakau
Akrūra and Kṛtavarman, hearing of the slaying of Śatadhanvan, stayed away from Dvārakā, stricken with fear, since they had been the instigators.
AI translation rendered from the Sanskrit, not a published edition
SB 10 57.30
अक्रूरे प्रोषिते ऽरिष्टान्य् आसन् वै द्वारकौकसाम् शारीरा मानसास् तापा मुहुर् दैविक-भौतिकाः
akrūre proṣite 'riṣṭāny āsan vai dvārakaukasām śārīrā mānasās tāpā muhur daivika-bhautikāḥ
When Akrūra had gone abroad, evil omens appeared for the dwellers of Dvārakā, and repeated afflictions of body and mind, from the gods and from the elements.
AI translation rendered from the Sanskrit, not a published edition
SB 10 57.31
इत्य् अङ्गोपदिशन्त्य् एके विस्मृत्य प्राग् उदाहृतम् मुनि-वास-निवासे किं घटेतारिष्ट-दर्शनम्
ity aṅgopadiśanty eke vismṛtya prāg udāhṛtam muni-vāsa-nivāse kiṃ ghaṭetāriṣṭa-darśanam
Thus, dear one, some declare, forgetting what was stated before; for how could the appearance of ill omens occur in a dwelling that is the abode of the sage?
AI translation rendered from the Sanskrit, not a published edition — the model flagged this verse as uncertain
SB 10 57.32
देवे ऽवर्षति काशीशः श्वफल्कायागताय वै स्व-सुतां गाण्दिनीं प्रादात् ततो ऽवर्षत् स्म काशिषु
deve 'varṣati kāśīśaḥ śvaphalkāyāgatāya vai sva-sutāṃ gāṇdinīṃ prādāt tato 'varṣat sma kāśiṣu
When the god did not send rain, the king of Kāśī gave his own daughter Gāndinī to Śvaphalka, who had come there; and then it rained among the Kāśis.
AI translation rendered from the Sanskrit, not a published edition
SB 10 57.33
तत्-सुतस् तत्-प्रभावो ऽसाव् अक्रूरो यत्र यत्र ह देवो ऽभिवर्षते तत्र नोपतापा न मारीकाः
tat-sutas tat-prabhāvo 'sāv akrūro yatra yatra ha devo 'bhivarṣate tatra nopatāpā na mārīkāḥ
His son, possessing that same power, was this Akrūra: wherever he is, there the god rains, and there are no afflictions and no plagues.
AI translation rendered from the Sanskrit, not a published edition
SB 10 57.34
इति वृद्ध-वचः श्रुत्वा नैतावद् इह कारणम् इति मत्वा समानाय्य प्राहाक्रूरं जनार्दनः
iti vṛddha-vacaḥ śrutvā naitāvad iha kāraṇam iti matvā samānāyya prāhākrūraṃ janārdanaḥ
Hearing these words of the elders, and thinking, "This cannot be the (whole) cause here," Janārdana had Akrūra summoned and spoke to him.
AI translation rendered from the Sanskrit, not a published edition
SB 10 57.35
पूजयित्वाभिभाष्यैनं कथयित्वा प्रियाः कथाः विज्ञताखिल-चित्त ज्ञः स्मयमान उवाच ह
pūjayitvābhibhāṣyainaṃ kathayitvā priyāḥ kathāḥ vijñatākhila-citta jñaḥ smayamāna uvāca ha
Having honored him and greeted him, and having spoken pleasing words, he—the knower of all hearts—smiling, spoke to (him who was) a man of knowledge.
AI translation rendered from the Sanskrit, not a published edition — the model flagged this verse as uncertain
SB 10 57.36
ननु दान-पते न्यस्तस् त्वय्य् आस्ते शतधन्वना स्यमन्तको मनिः श्रीमान् विदितः पूर्वम् एव नः
nanu dāna-pate nyastas tvayy āste śatadhanvanā syamantako maniḥ śrīmān viditaḥ pūrvam eva naḥ
"Surely, O lord of charity, the splendid Syamantaka jewel, deposited with you by Śatadhanvan, is (still) there; we have known this all along.
AI translation rendered from the Sanskrit, not a published edition
SB 10 57.37
सत्राजितो ऽनपत्यत्वाद् गृह्णीयुर् दुहितुः सुताः दायं निनीयापः पिण्डान् विमुच्यर्णं च शेषितम्
satrājito 'napatyatvād gṛhṇīyur duhituḥ sutāḥ dāyaṃ ninīyāpaḥ piṇḍān vimucyarṇaṃ ca śeṣitam
Since Satrājit had no son, his daughter's sons should take the inheritance, after offering water and rice-balls (to him) and discharging the debts that remain.
AI translation rendered from the Sanskrit, not a published edition
SB 10 57.38
तथापि दुर्धरस् त्व् अन्यैस् त्वय्य् आस्तां सु-व्रते मणिः किन्तु माम् अग्रजः सम्यङ् न प्रत्येति मणिं प्रति
tathāpi durdharas tv anyais tvayy āstāṃ su-vrate maṇiḥ kintu mām agrajaḥ samyaṅ na pratyeti maṇiṃ prati
Even so, let the jewel stay with you, O man of good vows, since it cannot be held by others; but my elder brother does not fully trust me regarding the jewel.
AI translation rendered from the Sanskrit, not a published edition
SB 10 57.39
दर्शयस्व महा-भाग बन्धूनां शान्तिम् आवह अव्युच्छिन्ना मखास् ते ऽद्य वर्तन्ते रुक्म-वेदयः
darśayasva mahā-bhāga bandhūnāṃ śāntim āvaha avyucchinnā makhās te 'dya vartante rukma-vedayaḥ
Show it, O greatly fortunate one, and bring peace to your kinsmen. Your sacrifices with golden altars are today going on without interruption."
AI translation rendered from the Sanskrit, not a published edition
SB 10 57.40
एवं सामभिर् आलब्धः श्वफल्क-तनयो मणिम् आदाय वाससाच्छन्नः ददौ सूर्य-सम-प्रभम्
evaṃ sāmabhir ālabdhaḥ śvaphalka-tanayo maṇim ādāya vāsasācchannaḥ dadau sūrya-sama-prabham
Thus won over by conciliatory words, the son of Śvaphalka took out the jewel, hidden in a cloth, and gave it—(a gem) with radiance equal to the sun.
AI translation rendered from the Sanskrit, not a published edition
SB 10 57.41
स्यमन्तकं दर्शयित्वा ज्ञातिभ्यो रज आत्मनः विमृज्य मणिना भूयस् तस्मै प्रत्यर्पयत् प्रभुः
syamantakaṃ darśayitvā jñātibhyo raja ātmanaḥ vimṛjya maṇinā bhūyas tasmai pratyarpayat prabhuḥ
Having shown the Syamantaka to his relatives, and having wiped away his own reproach with the jewel, the Lord gave it back again to him.
AI translation rendered from the Sanskrit, not a published edition
SB 10 57.42
यस् त्व् एतद् भगवत ईश्वरस्य विष्णोर् वीर्याढ्यं वृजिन-हरं सु-मङ्गलं च अम्प्;आख्यानं पठति शृणोत्य् अनुस्मरेद् वा दुष्कीर्तिं दुरितम् अपोह्य याति शान्तिम्
yas tv etad bhagavata īśvarasya viṣṇor vīryāḍhyaṃ vṛjina-haraṃ su-maṅgalaṃ ca ākhyānaṃ paṭhati śṛṇoty anusmared vā duṣkīrtiṃ duritam apohya yāti śāntim
But whoever reads, hears, or calls to mind this narrative of the Lord, the ruler Viṣṇu—rich in valor, removing sin, and highly auspicious—casts off ill fame and evil and attains peace.
AI translation rendered from the Sanskrit, not a published edition