Bhagavata Purana — Skandha 10 — Chapter 56
SB 10 56.1
श्री-शुक उवाच सत्राजितः स्व-तनयां कृष्णाय कृत-किल्बिषः स्यमन्तकेन मणिना स्वयम् उद्यम्य दत्तवान्
śrī-śuka uvāca satrājitaḥ sva-tanayāṃ kṛṣṇāya kṛta-kilbiṣaḥ syamantakena maṇinā svayam udyamya dattavān
Śrī Śuka said: Satrājit, having committed an offense against Kṛṣṇa, of his own accord took his daughter and gave her (to Kṛṣṇa) along with the Syamantaka jewel.
AI translation rendered from the Sanskrit, not a published edition
SB 10 56.2
श्री-राजोवाच सत्राजितः किम् अकरोद् ब्रह्मन् कृष्णस्य किल्बिषः स्यमन्तकः कुतस् तस्य कस्माद् दत्ता सुता हरेः
śrī-rājovāca satrājitaḥ kim akarod brahman kṛṣṇasya kilbiṣaḥ syamantakaḥ kutas tasya kasmād dattā sutā hareḥ
The king said: What did Satrājit do, O brahmin, that (constituted) an offense against Kṛṣṇa? Where did he get the Syamantaka? And why was the daughter given to Hari?
AI translation rendered from the Sanskrit, not a published edition
SB 10 56.3
श्री-शुक उवाच आसीत् सत्राजितः सूर्यो भक्तस्य परमः सखा प्रीतस् तस्मै मणिं प्रादात् स च तुष्टः स्यमन्तकम्
śrī-śuka uvāca āsīt satrājitaḥ sūryo bhaktasya paramaḥ sakhā prītas tasmai maṇiṃ prādāt sa ca tuṣṭaḥ syamantakam
Śrī Śuka said: The Sun was the highest friend of his devotee Satrājit; pleased with him, and being satisfied, he gave him the jewel Syamantaka.
AI translation rendered from the Sanskrit, not a published edition
SB 10 56.4
स तं बिभ्रन् मणिं कण्ठे भ्राजमानो यथा रविः प्रविष्टो द्वारकां राजन् तेजसा नोपलक्षितः
sa taṃ bibhran maṇiṃ kaṇṭhe bhrājamāno yathā raviḥ praviṣṭo dvārakāṃ rājan tejasā nopalakṣitaḥ
Wearing that jewel on his neck, shining like the sun, he entered Dvārakā, O king, and because of his brilliance was not recognized.
AI translation rendered from the Sanskrit, not a published edition
SB 10 56.5
तं विलोक्य जना दूरात् तेजसा मुष्ट-दृष्टयः दीव्यते ऽक्षैर् भगवते शशंसुः सूर्य-शङ्किताः
taṃ vilokya janā dūrāt tejasā muṣṭa-dṛṣṭayaḥ dīvyate 'kṣair bhagavate śaśaṃsuḥ sūrya-śaṅkitāḥ
Seeing him from afar, their vision stolen by his radiance, the people announced it to the Lord, who was playing at dice, thinking (he was) the sun-god.
AI translation rendered from the Sanskrit, not a published edition
SB 10 56.6
नारायण नमस् ते ऽस्तु शङ्ख-चक्र-गदा-धर दामोदरारविन्दाक्ष गोविन्द यदु-नन्दन
nārāyaṇa namas te 'stu śaṅkha-cakra-gadā-dhara dāmodarāravindākṣa govinda yadu-nandana
"O Nārāyaṇa, obeisance be to you, bearer of conch, disc and mace; O Dāmodara, lotus-eyed one, O Govinda, delight of the Yadus!
AI translation rendered from the Sanskrit, not a published edition
SB 10 56.7
एष आयाति सविता त्वां दिदृक्षुर् जगत्-पते मुष्णन् गभस्ति-चक्रेण नृणां चक्षूंषि तिग्म-गुः
eṣa āyāti savitā tvāṃ didṛkṣur jagat-pate muṣṇan gabhasti-cakreṇa nṛṇāṃ cakṣūṃṣi tigma-guḥ
This Savitṛ is coming, wishing to see you, O lord of the world, stealing men's eyes with his circle of rays, sharp-rayed as he is.
AI translation rendered from the Sanskrit, not a published edition
SB 10 56.8
नन्व् अन्विच्छन्ति ते मार्गं त्री-लोक्यां विबुधर्षभाः ज्ञात्वाद्य गूढं यदुषु द्रष्टुं त्वां यात्य् अजः प्रभो
nanv anvicchanti te mārgaṃ trī-lokyāṃ vibudharṣabhāḥ jñātvādya gūḍhaṃ yaduṣu draṣṭuṃ tvāṃ yāty ajaḥ prabho
Surely the chiefs of the gods seek your whereabouts in the three worlds; knowing you today to be hidden among the Yadus, the unborn one comes to see you, O master."
AI translation rendered from the Sanskrit, not a published edition
SB 10 56.9
श्री-शुक उवाच निशम्य बाल-वचनं प्रहस्याम्बुज-लोचनः प्राह नासौ रविर् देवः सत्राजिन् मणिना ज्वलन्
śrī-śuka uvāca niśamya bāla-vacanaṃ prahasyāmbuja-locanaḥ prāha nāsau ravir devaḥ satrājin maṇinā jvalan
Śrī Śuka said: Hearing the children's words, the lotus-eyed one laughed and said, "This is not the sun-god Ravi; it is Satrājit, blazing with his jewel."
AI translation rendered from the Sanskrit, not a published edition
SB 10 56.10
सत्राजित् स्व-गृहं श्रीमत् कृत-कौतुक-मङ्गलम् प्रविश्य देव-सदने मणिं विप्रैर् न्यवेशयत्
satrājit sva-gṛhaṃ śrīmat kṛta-kautuka-maṅgalam praviśya deva-sadane maṇiṃ viprair nyaveśayat
Satrājit, entering his own splendid house, where auspicious festive rites had been performed, had the jewel installed by brahmins in the shrine of the deity.
AI translation rendered from the Sanskrit, not a published edition
SB 10 56.11
दिने दिने स्वर्ण-भारान् अष्टौ स सृजति प्रभो दुर्भिक्ष-मार्य्-अरिष्टानि सर्पाधि-व्याधयो ऽशुभाः न सन्ति मायिनस् तत्र यत्रास्ते ऽभ्यर्चितो मणिः
dine dine svarṇa-bhārān aṣṭau sa sṛjati prabho durbhikṣa-māry-ariṣṭāni sarpādhi-vyādhayo 'śubhāḥ na santi māyinas tatra yatrāste 'bhyarcito maṇiḥ
Day by day it produces eight bhāras of gold, O lord; and where the jewel is kept and worshiped, there are no famines, plagues, calamities, snakes, mental and bodily ailments, evils, or deceivers.
AI translation rendered from the Sanskrit, not a published edition
SB 10 56.12
स याचितो मणिं क्वापि यदु-राजाय शौरिणा नैवार्थ-कामुकः प्रादाद् याच्ञा-भङ्गम् अतर्कयन्
sa yācito maṇiṃ kvāpi yadu-rājāya śauriṇā naivārtha-kāmukaḥ prādād yācñā-bhaṅgam atarkayan
When at some point the jewel was requested from him by Śauri (Kṛṣṇa) on behalf of the Yadu king, he, greedy for wealth, did not give it, giving no thought to (the fault of) refusing a request.
AI translation rendered from the Sanskrit, not a published edition
SB 10 56.13
तम् एकदा मणिं कण्ठे प्रतिमुच्य महा-प्रभम् प्रसेनो हयम् आरुह्य मृगायां व्यचरद् वने
tam ekadā maṇiṃ kaṇṭhe pratimucya mahā-prabham praseno hayam āruhya mṛgāyāṃ vyacarad vane
One day Prasena, fastening that greatly radiant jewel on his neck, mounted a horse and roamed in the forest on a hunt.
AI translation rendered from the Sanskrit, not a published edition
SB 10 56.14
प्रसेनं स-हयं हत्वा मणिम् आच्छिद्य केशरी गिरिं विशन् जाम्बवता निहतो मणिम् इच्छता
prasenaṃ sa-hayaṃ hatvā maṇim ācchidya keśarī giriṃ viśan jāmbavatā nihato maṇim icchatā
A lion killed Prasena along with his horse and seized the jewel; entering a mountain (cave), it was slain by Jāmbavān, who wanted the jewel.
AI translation rendered from the Sanskrit, not a published edition
SB 10 56.15
सो ऽपि चक्रे कुमारस्य मणिं क्रीडनकं बिले अपश्यन् भ्रातरं भ्राता सत्राजित् पर्यतप्यत
so 'pi cakre kumārasya maṇiṃ krīḍanakaṃ bile apaśyan bhrātaraṃ bhrātā satrājit paryatapyata
He too made the jewel a plaything for his child in the cave. Not seeing his brother, the brother Satrājit grieved deeply.
AI translation rendered from the Sanskrit, not a published edition
SB 10 56.16
प्रायः कृष्णेन निहतो मणि-ग्रीवो वनं गतः भ्राता ममेति तच् छ्रुत्वा कर्णे कर्णे ऽजपन् जनाः
prāyaḥ kṛṣṇena nihato maṇi-grīvo vanaṃ gataḥ bhrātā mameti tac chrutvā karṇe karṇe 'japan janāḥ
"Most likely my brother, who went to the forest with the jewel on his neck, was killed by Kṛṣṇa" — hearing this, people whispered it from ear to ear.
AI translation rendered from the Sanskrit, not a published edition
SB 10 56.17
भगवांस् तद् उपश्रुत्य दुर्यशो लिप्तम् आत्मनि मार्ष्टुं प्रसेन-पदवीम् अन्वपद्यत नागरैः
bhagavāṃs tad upaśrutya duryaśo liptam ātmani mārṣṭuṃ prasena-padavīm anvapadyata nāgaraiḥ
The Lord, hearing of that ill repute smeared upon himself, went out with the citizens along Prasena's track in order to wipe it away.
AI translation rendered from the Sanskrit, not a published edition
SB 10 56.18
हतं प्रसेनं अश्वं च वीक्ष्य केशरिणा वने तं चाद्रि-पृष्ठे निहतम् ऋक्षेण ददृशुर् जनाः
hataṃ prasenaṃ aśvaṃ ca vīkṣya keśariṇā vane taṃ cādri-pṛṣṭhe nihatam ṛkṣeṇa dadṛśur janāḥ
Seeing Prasena and the horse killed by a lion in the forest, the people also saw that (lion) slain on the mountainside by a bear.
AI translation rendered from the Sanskrit, not a published edition
SB 10 56.19
ऋक्ष-राज-बिलं भीमम् अन्धेन तमसावृतम् एको विवेश भगवान् अवस्थाप्य बहिः प्रजाः
ṛkṣa-rāja-bilaṃ bhīmam andhena tamasāvṛtam eko viveśa bhagavān avasthāpya bahiḥ prajāḥ
The Lord alone entered the terrible cave of the king of the bears, covered with blind darkness, having stationed the people outside.
AI translation rendered from the Sanskrit, not a published edition
SB 10 56.20
तत्र दृष्ट्वा मणि-प्रेष्ठं बाल-क्रीडनकं कृतम् हर्तुं कृत-मतिस् तस्मिन्न् अवतस्थे ऽर्भकान्तिके
tatra dṛṣṭvā maṇi-preṣṭhaṃ bāla-krīḍanakaṃ kṛtam hartuṃ kṛta-matis tasminn avatasthe 'rbhakāntike
Seeing there the finest of jewels, made into a plaything for a child, and resolved to take it, he took his stand near the boy.
AI translation rendered from the Sanskrit, not a published edition
SB 10 56.21
तम् अपूर्वं नरं दृष्ट्वा धात्री चुक्रोश भीत-वत् तच् छ्रुत्वाभ्यद्रवत् क्रुद्धो जाम्बवान् बलिनां वरः
tam apūrvaṃ naraṃ dṛṣṭvā dhātrī cukrośa bhīta-vat tac chrutvābhyadravat kruddho jāmbavān balināṃ varaḥ
Seeing that unprecedented man, the nurse cried out as if in fear; hearing that, Jāmbavān, the best of the strong, rushed forward in anger.
AI translation rendered from the Sanskrit, not a published edition
SB 10 56.22
स वै भगवता तेन युयुधे स्वामीनात्मनः पुरुषम् प्राकृतं मत्वा कुपितो नानुभाव-वित्
sa vai bhagavatā tena yuyudhe svāmīnātmanaḥ puruṣam prākṛtaṃ matvā kupito nānubhāva-vit
He indeed fought with that Lord, his own master, taking him for an ordinary man—enraged, not knowing (his) power.
AI translation rendered from the Sanskrit, not a published edition
SB 10 56.23
द्वन्द्व-युद्धं सु-तुमुलम् उभयोर् विजिगीषतोः आयुधाश्म-द्रुमैर् दोर्भिः क्रव्यार्थे श्येनयोर् इव
dvandva-yuddhaṃ su-tumulam ubhayor vijigīṣatoḥ āyudhāśma-drumair dorbhiḥ kravyārthe śyenayor iva
There was a very tumultuous duel between the two, each wishing to win, with weapons, stones, trees and arms, as between two hawks over a piece of flesh.
AI translation rendered from the Sanskrit, not a published edition
SB 10 56.24
आसीत् तद् अष्टा-विम्शाहम् इतरेतर-मुष्टिभिः वज्र-निष्पेष-परुषैर् अविश्रमम् अहर्-निशम्
āsīt tad aṣṭā-vimśāham itaretara-muṣṭibhiḥ vajra-niṣpeṣa-paruṣair aviśramam ahar-niśam
That went on for twenty-eight days with each other's fists, harsh as the crushing blows of a thunderbolt, without rest, day and night.
AI translation rendered from the Sanskrit, not a published edition
SB 10 56.25
कृष्ण-मुष्टि-विनिष्पात निष्पिष्टाङ्गोरु बन्धनः क्षीण-सत्त्वः स्विन्न-गात्रस् तम् आहातीव विस्मितः
kṛṣṇa-muṣṭi-viniṣpāta niṣpiṣṭāṅgoru bandhanaḥ kṣīṇa-sattvaḥ svinna-gātras tam āhātīva vismitaḥ
His limbs and the joints of his thighs crushed by the falling of Kṛṣṇa's fists, his strength drained, his body sweating, he said to him, exceedingly amazed:
AI translation rendered from the Sanskrit, not a published edition
SB 10 56.26
जाने त्वां सऋव-भूतानां प्राण ओजः सहो बलम् विष्णुं पुराण-पुरुषं प्रभविष्णुम् अधीश्वरम्
jāne tvāṃ saṛva-bhūtānāṃ prāṇa ojaḥ saho balam viṣṇuṃ purāṇa-puruṣaṃ prabhaviṣṇum adhīśvaram
"I know you as the life-breath, the vigour, the endurance and the strength of all beings—as Viṣṇu, the ancient Person, the mighty one, the supreme controller.
AI translation rendered from the Sanskrit, not a published edition
SB 10 56.27
त्वं हि विश्व-सृजाम् स्रष्टा सृष्टानाम् अपि यच् च सत् कालः कलयताम् ईशः पर आत्मा तथात्मनाम्
tvaṃ hi viśva-sṛjām sraṣṭā sṛṣṭānām api yac ca sat kālaḥ kalayatām īśaḥ para ātmā tathātmanām
For you are the creator of the world's creators, and also that which exists among created things; you are Time, the ruler of those who reckon (time), and likewise the supreme Self of selves.
AI translation rendered from the Sanskrit, not a published edition
SB 10 56.28
यस्येषद्-उत्कलित-रोष-कटाक्ष-मोक्षैर् वर्त्मादिशत् क्षुभित-नक्र-तिमिङ्गलो ऽब्धिः अम्प्;सेतुः कृतः स्व-यश उज्ज्वलिता च लङ्का रक्षः-शिरांसि भुवि पेतुर् इषु-क्षतानि
yasyeṣad-utkalita-roṣa-kaṭākṣa-mokṣair vartmādiśat kṣubhita-nakra-timiṅgalo 'bdhiḥ setuḥ kṛtaḥ sva-yaśa ujjvalitā ca laṅkā rakṣaḥ-śirāṃsi bhuvi petur iṣu-kṣatāni
He by the mere casting of slightly opened, angry sidelong glances made the ocean, its crocodiles and timiṅgila fish agitated, point out a path; a bridge was built—his own glory—and Laṅkā was set ablaze, and the heads of the Rākṣasas, cut by arrows, fell upon the ground.
AI translation rendered from the Sanskrit, not a published edition
SB 10 56.29
इति विज्ञात-विइज्ञानम् ऋक्ष-राजानम् अच्युतः व्याजहार महा-राज भगवान् देवकी-सुतः
iti vijñāta-viijñānam ṛkṣa-rājānam acyutaḥ vyājahāra mahā-rāja bhagavān devakī-sutaḥ
To the king of the bears, whose understanding had thus come about, the infallible Lord, the son of Devakī, spoke, O great king.
AI translation rendered from the Sanskrit, not a published edition
SB 10 56.30
अभिमृश्यारविन्दाक्षः पाणिना शं-करेण तम् कृपया परया भक्तं मेघ-गम्भीरया गिरा
abhimṛśyāravindākṣaḥ pāṇinā śaṃ-kareṇa tam kṛpayā parayā bhaktaṃ megha-gambhīrayā girā
The lotus-eyed one touched him, his devotee, with his blessing hand, and with supreme compassion (spoke) in a voice deep as a cloud:
AI translation rendered from the Sanskrit, not a published edition
SB 10 56.31
मणि-हेतोर् इह प्राप्ता वयम् ऋक्ष-पते बिलम् मिथ्याभिशापं प्रमृजन्न् आत्मनो मणिनामुना
maṇi-hetor iha prāptā vayam ṛkṣa-pate bilam mithyābhiśāpaṃ pramṛjann ātmano maṇināmunā
"We have come to this cave for the sake of the jewel, O lord of the bears, to wipe away the false accusation against ourselves by means of this jewel."
AI translation rendered from the Sanskrit, not a published edition
SB 10 56.32
इत्य् उक्तः स्वां दुहितरं कन्यां जाम्बवतीं मुदा अर्हणार्थम् स मणिना कृष्णायोपजहार ह
ity uktaḥ svāṃ duhitaraṃ kanyāṃ jāmbavatīṃ mudā arhaṇārtham sa maṇinā kṛṣṇāyopajahāra ha
Thus addressed, he joyfully presented to Kṛṣṇa his own daughter, the maiden Jāmbavatī, together with the jewel, as an offering of honour.
AI translation rendered from the Sanskrit, not a published edition
SB 10 56.33
अदृष्ट्वा निर्गमं शौरेः प्रविष्टस्य बिलं जनाः प्रतीक्ष्य द्वादशाहानि दुःखिताः स्व-पुरं ययुः
adṛṣṭvā nirgamaṃ śaureḥ praviṣṭasya bilaṃ janāḥ pratīkṣya dvādaśāhāni duḥkhitāḥ sva-puraṃ yayuḥ
Not seeing the coming-out of Śauri, who had entered the cave, the people waited twelve days and, grieved, went to their own city.
AI translation rendered from the Sanskrit, not a published edition
SB 10 56.34
निशम्य देवकी देवी रक्मिण्य् आनकदुन्दुभिः सुहृदो ज्ञातयो ऽशोचन् बिलात् कृष्णम् अनिर्गतम्
niśamya devakī devī rakmiṇy ānakadundubhiḥ suhṛdo jñātayo 'śocan bilāt kṛṣṇam anirgatam
Hearing that Kṛṣṇa had not come out of the cave, Devakī, queen Rukmiṇī, Ānakadundubhi, the friends and the kinsmen lamented.
AI translation rendered from the Sanskrit, not a published edition
SB 10 56.35
सत्राजितं शपन्तस् ते दुःखिता द्वारकौकसः उपतस्थुश् चन्द्रभागां दुर्गां कृष्णोपलब्धये
satrājitaṃ śapantas te duḥkhitā dvārakaukasaḥ upatasthuś candrabhāgāṃ durgāṃ kṛṣṇopalabdhaye
Cursing Satrājit, those grieving residents of Dvārakā worshipped Candrabhāgā Durgā for the recovery of Kṛṣṇa.
AI translation rendered from the Sanskrit, not a published edition
SB 10 56.36
तेषां तु देव्य्-उपस्थानात् प्रत्यादिष्टाशिषा स च प्रादुर्बभूव सिद्धार्थः स-दारो हर्षयन् हरिः
teṣāṃ tu devy-upasthānāt pratyādiṣṭāśiṣā sa ca prādurbabhūva siddhārthaḥ sa-dāro harṣayan hariḥ
Then, when the goddess whom they had worshipped had granted her blessing in response, Hari appeared, his purpose accomplished, together with his wife, gladdening them.
AI translation rendered from the Sanskrit, not a published edition
SB 10 56.37
उपलभ्य हृषीकेशं मृतं पुनर् इवागतम् सह पत्न्या मणि-ग्रीवं सर्वे जात-महोत्सवाः
upalabhya hṛṣīkeśaṃ mṛtaṃ punar ivāgatam saha patnyā maṇi-grīvaṃ sarve jāta-mahotsavāḥ
Having recovered Hṛṣīkeśa—as though one dead had come back again—together with his wife and with the jewel on his neck, all held a great festival.
AI translation rendered from the Sanskrit, not a published edition
SB 10 56.38
सत्राजितं समाहूय सभायां राज-सन्निधौ प्राप्तिं चाख्याय भगवान् मणिं तस्मै न्यवेदयत्
satrājitaṃ samāhūya sabhāyāṃ rāja-sannidhau prāptiṃ cākhyāya bhagavān maṇiṃ tasmai nyavedayat
Summoning Satrājit to the assembly, in the king's presence, and recounting how it was obtained, the Lord handed the jewel over to him.
AI translation rendered from the Sanskrit, not a published edition
SB 10 56.39
स चाति-व्रीडितो रत्नं गृहीत्वावाङ्-मुखस् ततः अनुतप्यमानो भवनम् अगमत् स्वेन पाप्मना
sa cāti-vrīḍito ratnaṃ gṛhītvāvāṅ-mukhas tataḥ anutapyamāno bhavanam agamat svena pāpmanā
And he, deeply ashamed, took the gem and, his face downcast, went home from there, tormented by remorse for his own sin.
AI translation rendered from the Sanskrit, not a published edition
SB 10 56.40
सो ऽनुध्यायंस् तद् एवाघं बलवद्-विग्रहाकुलः कथं मृजाम्य् आत्म-रजः प्रसीदेद् वाच्युतः कथम्
so 'nudhyāyaṃs tad evāghaṃ balavad-vigrahākulaḥ kathaṃ mṛjāmy ātma-rajaḥ prasīded vācyutaḥ katham
Brooding on that very misdeed, distraught (at the prospect of) a quarrel with the powerful (Kṛṣṇa): "How am I to wash away my own stain? How might Acyuta be pleased?"
AI translation rendered from the Sanskrit, not a published edition
SB 10 56.41
किम् कृत्वा साधु मह्यं स्यान् न शपेद् वा जनो यथा अदीर्घ-दर्शनं क्षुद्रं मूढं द्रविण-लोलुपम्
kim kṛtvā sādhu mahyaṃ syān na śaped vā jano yathā adīrgha-darśanaṃ kṣudraṃ mūḍhaṃ draviṇa-lolupam
"What should I do so that good may come to me, and so that people will not curse me — short-sighted, mean, deluded, and greedy for wealth?"
AI translation rendered from the Sanskrit, not a published edition
SB 10 56.42
दास्ये दुहितरं तस्मै स्त्री-रत्नं रत्नम् एव च उपायो ऽयं समीचीनस् तस्य शान्तिर् न चान्यथा
dāsye duhitaraṃ tasmai strī-ratnaṃ ratnam eva ca upāyo 'yaṃ samīcīnas tasya śāntir na cānyathā
"I shall give him my daughter, a jewel among women, and the gem as well. This is the right means; there is no other way to appease him."
AI translation rendered from the Sanskrit, not a published edition
SB 10 56.43
एवं व्यवसितो बुद्ध्या सत्राजित् स्व-सुतां शुभाम् मणिं च स्वयम् उद्यम्य कृष्णायोपजहार ह
evaṃ vyavasito buddhyā satrājit sva-sutāṃ śubhām maṇiṃ ca svayam udyamya kṛṣṇāyopajahāra ha
Having thus resolved in his mind, Satrājit himself brought forth his auspicious daughter and the gem and presented them to Kṛṣṇa.
AI translation rendered from the Sanskrit, not a published edition
SB 10 56.44
तां सत्यभामां भगवान् उपयेमे यथा-विधि बहुभिर् याचितां शील- रूपौदार्य-गुणान्विताम्
tāṃ satyabhāmāṃ bhagavān upayeme yathā-vidhi bahubhir yācitāṃ śīla- rūpaudārya-guṇānvitām
The Lord married her, Satyabhāmā, according to the rites — she who had been sought by many and was endowed with good character, beauty, generosity, and (other) virtues.
AI translation rendered from the Sanskrit, not a published edition
SB 10 56.45
भगवान् आह न मणिं प्रतीच्छामो वयं नृप तवास्तां देव-भक्तस्य वयं च फल-भागिनः
bhagavān āha na maṇiṃ pratīcchāmo vayaṃ nṛpa tavāstāṃ deva-bhaktasya vayaṃ ca phala-bhāginaḥ
The Lord said: We do not accept the gem, O king; let it stay with you, a devotee of the god (the Sun); and we too shall share in its fruit.
AI translation rendered from the Sanskrit, not a published edition