Bhagavata Purana — Skandha 10 — Chapter 4
SB 10 4.1
श्री-शुक उवाच बहिर्-अन्तः-पुर-द्वारः सर्वाः पूर्ववद् आवृताः ततो बाल-ध्वनिं श्रुत्वा गृह-पालाः समुत्थिताः
śrī-śuka uvāca bahir-antaḥ-pura-dvāraḥ sarvāḥ pūrvavad āvṛtāḥ tato bāla-dhvaniṃ śrutvā gṛha-pālāḥ samutthitāḥ
Śrī Śuka said: All the outer and inner doors of the palace were closed as before. Then, hearing the cry of the child, the house-guards got up.
AI translation rendered from the Sanskrit, not a published edition
SB 10 4.2
ते तु तूर्णम् उपव्रज्य देवक्या गर्भ-जन्म तत् आचख्युर् भोज-राजाय यद् उद्विग्नः प्रतीक्षते
te tu tūrṇam upavrajya devakyā garbha-janma tat ācakhyur bhoja-rājāya yad udvignaḥ pratīkṣate
They swiftly went and reported to the king of the Bhojas that birth from Devakī's womb, for which he was anxiously waiting.
AI translation rendered from the Sanskrit, not a published edition
SB 10 4.3
स तल्पात् तूर्णम् उत्थाय कालो ऽयम् इति विह्वलः सूती-गृहम् अगात् तूर्णं प्रस्खलन् मुक्त-मूर्धजः
sa talpāt tūrṇam utthāya kālo 'yam iti vihvalaḥ sūtī-gṛham agāt tūrṇaṃ praskhalan mukta-mūrdhajaḥ
He quickly rose from his couch, agitated, (thinking) 'This is the (fated) time,' and hurried to the birth-chamber, stumbling, his hair loose.
AI translation rendered from the Sanskrit, not a published edition
SB 10 4.4
तम् आह भ्रातरं देवी कृपणा करुणं सती स्नुषेयं तव कल्याण स्त्रियं मा हन्तुम् अर्हसि
tam āha bhrātaraṃ devī kṛpaṇā karuṇaṃ satī snuṣeyaṃ tava kalyāṇa striyaṃ mā hantum arhasi
The devoted lady (Devakī), wretched, spoke piteously to her brother: "Good sir, this is your daughter-in-law; you should not kill a woman."
AI translation rendered from the Sanskrit, not a published edition
SB 10 4.5
बहवो हिंसिता भ्रातः शिशवः पावकोपमाः त्वया दैव-निसृष्टेन पुत्रिकैका प्रदीयताम्
bahavo hiṃsitā bhrātaḥ śiśavaḥ pāvakopamāḥ tvayā daiva-nisṛṣṭena putrikaikā pradīyatām
"Many infants, like blazing fires, have been slain by you, brother, driven by fate; let this one girl be given (to me)."
AI translation rendered from the Sanskrit, not a published edition
SB 10 4.6
नन्व् अहं ते ह्य् अवरजा दीना हत-सुता प्रभो दातुम् अर्हसि मन्दाया अङ्गेमां चरमां प्रजाम्
nanv ahaṃ te hy avarajā dīnā hata-sutā prabho dātum arhasi mandāyā aṅgemāṃ caramāṃ prajām
"Surely I am your younger sister, wretched, my sons killed, O lord; you ought to give this last child to me, poor woman that I am."
AI translation rendered from the Sanskrit, not a published edition
SB 10 4.7
श्री-शुक उवाच उपगुह्यात्मजाम् एवं रुदत्या दीन-दीनवत् याचितस् तां विनिर्भर्त्स्य हस्ताद् आचिच्छिदे खलः
śrī-śuka uvāca upaguhyātmajām evaṃ rudatyā dīna-dīnavat yācitas tāṃ vinirbhartsya hastād ācicchide khalaḥ
Śrī Śuka said: Thus entreated by her, who clutched her own daughter and wept most pitiably, the cruel man rebuked her and tore (the child) from her hands.
AI translation rendered from the Sanskrit, not a published edition
SB 10 4.8
तां गृहीत्वा चरणयोर् जात-मात्रां स्वसुः सुताम् अपोथयच् छिला-पृष्ठे स्वार्थोन्मूलित-सौहृदः
tāṃ gṛhītvā caraṇayor jāta-mātrāṃ svasuḥ sutām apothayac chilā-pṛṣṭhe svārthonmūlita-sauhṛdaḥ
Seizing that newborn daughter of his sister by the feet, he smashed her against the surface of a rock, his affection uprooted by his own self-interest.
AI translation rendered from the Sanskrit, not a published edition
SB 10 4.9
सा तद्-धस्तात् समुत्पत्य सद्यो देव्य् अम्बरं गता अदृश्यतानुजा विष्णोः सायुधाष्ट-महाभुजा
sā tad-dhastāt samutpatya sadyo devy ambaraṃ gatā adṛśyatānujā viṣṇoḥ sāyudhāṣṭa-mahābhujā
But she sprang up from his hands and at once, as a goddess, went to the sky; she appeared as the younger sister of Viṣṇu, with eight great arms bearing weapons.
AI translation rendered from the Sanskrit, not a published edition
SB 10 4.10
दिव्य-स्रग्-अम्बरालेप- रत्नाभरण-भूषिता धनुः-शूलेषु-चर्मासि- शङ्ख-चक्र-गदा-धरा
divya-srag-ambarālepa- ratnābharaṇa-bhūṣitā dhanuḥ-śūleṣu-carmāsi- śaṅkha-cakra-gadā-dharā
Adorned with divine garlands, garments, unguents and jewelled ornaments, holding bow, trident, arrows, shield, sword, conch, discus and club,
AI translation rendered from the Sanskrit, not a published edition
SB 10 4.11
सिद्ध-चारण-गन्धर्वैर् अप्सरः-किन्नरोरगैः उपाहृतोरु-बलिभिः स्तूयमानेदम् अब्रवीत्
siddha-cāraṇa-gandharvair apsaraḥ-kinnaroragaiḥ upāhṛtoru-balibhiḥ stūyamānedam abravīt
being praised by Siddhas, Cāraṇas, Gandharvas, Apsarases, Kinnaras and Uragas, who brought abundant offerings, she said this:
AI translation rendered from the Sanskrit, not a published edition
SB 10 4.12
किं मया हतया मन्द जातः खलु तवान्त-कृत् यत्र क्व वा पूर्व-शत्रुर् मा हिंसीः कृपणान् वृथा
kiṃ mayā hatayā manda jātaḥ khalu tavānta-kṛt yatra kva vā pūrva-śatrur mā hiṃsīḥ kṛpaṇān vṛthā
"What (do you gain) by killing me, fool? He who will bring about your end is indeed already born—somewhere else. Do not needlessly kill wretched (children)."
AI translation rendered from the Sanskrit, not a published edition
SB 10 4.13
इति प्रभाष्य तं देवी माया भगवती भुवि बहु-नाम-निकेतेषु बहु-नामा बभूव ह
iti prabhāṣya taṃ devī māyā bhagavatī bhuvi bahu-nāma-niketeṣu bahu-nāmā babhūva ha
Having spoken thus to him, the goddess Māyā, the divine one, came to be on earth under many names, in many abodes bearing many names.
AI translation rendered from the Sanskrit, not a published edition
SB 10 4.14
तयाभिहितम् आकर्ण्य कंसः परम-विस्मितः देवकीं वसुदेवं च विमुच्य प्रश्रितो ऽब्रवीत्
tayābhihitam ākarṇya kaṃsaḥ parama-vismitaḥ devakīṃ vasudevaṃ ca vimucya praśrito 'bravīt
Hearing what was said by her, Kaṃsa was utterly astonished, and releasing Devakī and Vasudeva, he humbly spoke.
AI translation rendered from the Sanskrit, not a published edition
SB 10 4.15
अहो भगिन्य् अहो भाम मया वां बत पाप्मना पुरुषाद इवापत्यं बहवो हिंसिताः सुताः
aho bhaginy aho bhāma mayā vāṃ bata pāpmanā puruṣāda ivāpatyaṃ bahavo hiṃsitāḥ sutāḥ
"Alas, sister! Alas, brother-in-law! Indeed by me, a sinner, many of your sons were killed, like a cannibal (devouring) his own offspring."
AI translation rendered from the Sanskrit, not a published edition
SB 10 4.16
स त्व् अहं त्यक्त-कारुण्यस् त्यक्त-ज्ञाति-सुहृत् खलः कान् लोकान् वै गमिष्यामि ब्रह्म-हेव मृतः श्वसन्
sa tv ahaṃ tyakta-kāruṇyas tyakta-jñāti-suhṛt khalaḥ kān lokān vai gamiṣyāmi brahma-heva mṛtaḥ śvasan
"Such as I am—devoid of compassion, having abandoned kinsmen and friends, cruel—to what worlds shall I go, like a brahmin-killer, dead though breathing?"
AI translation rendered from the Sanskrit, not a published edition
SB 10 4.17
दैवम् अप्य् अनृतं वक्ति न मर्त्या एव केवलम् यद्-विश्रम्भाद् अहं पापः स्वसुर् निहतवाञ् छिशून्
daivam apy anṛtaṃ vakti na martyā eva kevalam yad-viśrambhād ahaṃ pāpaḥ svasur nihatavāñ chiśūn
"Even fate speaks falsely, not mortals alone; trusting in it I, a sinner, killed my sister's infants."
AI translation rendered from the Sanskrit, not a published edition
SB 10 4.18
मा शोचतं महा-भागाव् आत्मजान् स्व-कृतं भुजः जान्तवो न सदैकत्र दैवाधीनास् तदासते
mā śocataṃ mahā-bhāgāv ātmajān sva-kṛtaṃ bhujaḥ jāntavo na sadaikatra daivādhīnās tadāsate
"Do not grieve, O greatly fortunate ones, for your sons, who partook of what they themselves had done; living beings, subject to fate, do not always remain together in one place."
AI translation rendered from the Sanskrit, not a published edition
SB 10 4.19
भुवि भौमानि भूतानि यथा यान्त्य् अपयान्ति च नायम् आत्मा तथैतेषु विपर्येति यथैव भूः
bhuvi bhaumāni bhūtāni yathā yānty apayānti ca nāyam ātmā tathaiteṣu viparyeti yathaiva bhūḥ
As on earth earthen things come and go, so this self does not undergo change in them, just as the earth itself (does not).
AI translation rendered from the Sanskrit, not a published edition
SB 10 4.20
यथानेवं-विदो भेदो यत आत्म-विपर्ययः देह-योग-वियोगौ च संसृतिर् न निवर्तते
yathānevaṃ-vido bhedo yata ātma-viparyayaḥ deha-yoga-viyogau ca saṃsṛtir na nivartate
For one who does not know it thus there is a sense of difference, from which comes mistaking (the not-self for) the self, and union with and separation from bodies; (thus) transmigration does not cease.
AI translation rendered from the Sanskrit, not a published edition
SB 10 4.21
तस्माद् भद्रे स्व-तनयान् मया व्यापादितान् अपि मानुशोच यतः सर्वः स्व-कृतं विन्दते ऽवशः
tasmād bhadre sva-tanayān mayā vyāpāditān api mānuśoca yataḥ sarvaḥ sva-kṛtaṃ vindate 'vaśaḥ
"Therefore, good lady, do not mourn for your sons, though they were killed by me; for everyone, helpless, obtains what he himself has done."
AI translation rendered from the Sanskrit, not a published edition
SB 10 4.22
यावद् धतो ऽस्मि हन्तास्मी- त्य् आत्मानं मन्यते ऽस्व-दृक् तावत् तद्-अभिमान्य् अज्ञो बाध्य-बाधकताम् इयात्
yāvad dhato 'smi hantāsmī- ty ātmānaṃ manyate 'sva-dṛk tāvat tad-abhimāny ajño bādhya-bādhakatām iyāt
So long as one who does not see the self thinks of himself, 'I am slain,' 'I am the slayer,' so long, ignorant and identifying with that (body), he would incur the condition of being victim and victimizer.
AI translation rendered from the Sanskrit, not a published edition
SB 10 4.23
क्षमध्वं मम दौरात्म्यं साधवो दीन-वत्सलाः इत्य् उक्त्वाश्रु-मुखः पादौ श्यालः स्वस्रोर् अथाग्रहीत्
kṣamadhvaṃ mama daurātmyaṃ sādhavo dīna-vatsalāḥ ity uktvāśru-mukhaḥ pādau śyālaḥ svasror athāgrahīt
"Forgive my wickedness; the good are tender toward the wretched." Having said this, his face wet with tears, the brother-in-law then took hold of the feet of his sister and her husband.
AI translation rendered from the Sanskrit, not a published edition
SB 10 4.24
मोचयाम् आस निगडाद् विश्रब्धः कन्यका-गिरा देवकीं वसुदेवं च दर्शयन्न् आत्म-सौहृदम्
mocayām āsa nigaḍād viśrabdhaḥ kanyakā-girā devakīṃ vasudevaṃ ca darśayann ātma-sauhṛdam
Trusting the words of the girl, he released Devakī and Vasudeva from their fetters, showing his own affection (for them).
AI translation rendered from the Sanskrit, not a published edition
SB 10 4.25
भ्रातुः समनुतप्तस्य क्षान्त-रोषा च देवकी व्यसृजद् वसुदेवश् च प्रहस्य तम् उवाच ह
bhrātuḥ samanutaptasya kṣānta-roṣā ca devakī vyasṛjad vasudevaś ca prahasya tam uvāca ha
And Devakī, her anger appeased toward her brother who was full of remorse, let it go; and Vasudeva, laughing, said this to him.
AI translation rendered from the Sanskrit, not a published edition
SB 10 4.26
एवम् एतन् महा-भाग यथा वदसि देहिनाम् अज्ञान-प्रभवाहं-धीः स्व-परेति भिदा यतः
evam etan mahā-bhāga yathā vadasi dehinām ajñāna-prabhavāhaṃ-dhīḥ sva-pareti bhidā yataḥ
"So it is, O greatly fortunate one, as you say: for embodied beings the notion of 'I' arises from ignorance, whence the distinction 'mine' and 'another's.'
AI translation rendered from the Sanskrit, not a published edition
SB 10 4.27
शोक-हर्ष-भय-द्वेष- लोभ-मोह-मदान्विताः मिथो घ्नन्तं न पश्यन्ति भावैर् भावं पृथग्-दृशः
śoka-harṣa-bhaya-dveṣa- lobha-moha-madānvitāḥ mitho ghnantaṃ na paśyanti bhāvair bhāvaṃ pṛthag-dṛśaḥ
Those of separate vision, possessed by grief, joy, fear, hatred, greed, delusion and pride, do not see that (it is one) being striking another being by means of (these) beings.
AI translation rendered from the Sanskrit, not a published edition — the model flagged this verse as uncertain
SB 10 4.28
श्री-शुक उवाच कंस एवं प्रसन्नाभ्यां विशुद्धं प्रतिभाषितः देवकी-वसुदेवाभ्याम् अनुज्ञातो ऽविशद् गृहम्
śrī-śuka uvāca kaṃsa evaṃ prasannābhyāṃ viśuddhaṃ pratibhāṣitaḥ devakī-vasudevābhyām anujñāto 'viśad gṛham
Śrī Śuka said: Kaṃsa, thus addressed sincerely by the two who were now well-disposed, Devakī and Vasudeva, took his leave and entered his house.
AI translation rendered from the Sanskrit, not a published edition
SB 10 4.29
तस्यां रात्र्यां व्यतीतायां कंस आहूय मन्त्रिणः तेभ्य आचष्ट तत् सर्वं यद् उक्तं योग-निद्रया
tasyāṃ rātryāṃ vyatītāyāṃ kaṃsa āhūya mantriṇaḥ tebhya ācaṣṭa tat sarvaṃ yad uktaṃ yoga-nidrayā
When that night had passed, Kaṃsa summoned his ministers and told them all that had been said by Yoga-nidrā.
AI translation rendered from the Sanskrit, not a published edition
SB 10 4.30
आकर्ण्य भर्तुर् गदितं तम् ऊचुर् देव-शत्रवः देवान् प्रति कृतामर्षा दैतेया नाति-कोविदाः
ākarṇya bhartur gaditaṃ tam ūcur deva-śatravaḥ devān prati kṛtāmarṣā daiteyā nāti-kovidāḥ
Having heard their master's speech, the enemies of the gods, the sons of Diti, hostile toward the gods and not very wise, said to him:
AI translation rendered from the Sanskrit, not a published edition
SB 10 4.31
एवं चेत् तर्हि भोजेन्द्र पुर-ग्राम-व्रजादिषु अनिर्दशान् निर्दशांश् च हनिष्यामो ऽद्य वै शिशून्
evaṃ cet tarhi bhojendra pura-grāma-vrajādiṣu anirdaśān nirdaśāṃś ca haniṣyāmo 'dya vai śiśūn
"If it is so, then, O lord of the Bhojas, this very day we shall kill the infants in the towns, villages, cow-settlements and elsewhere — those less than ten days old and those ten days old (and more).
AI translation rendered from the Sanskrit, not a published edition
SB 10 4.32
किम् उद्यमैः करिष्यन्ति देवाः समर-भीरवः नित्यम् उद्विग्न-मनसो ज्या-घोषैर् धनुषस् तव
kim udyamaiḥ kariṣyanti devāḥ samara-bhīravaḥ nityam udvigna-manaso jyā-ghoṣair dhanuṣas tava
What will the gods accomplish with their efforts, they who are cowards in battle, their minds always agitated by the twangings of your bowstring?
AI translation rendered from the Sanskrit, not a published edition
SB 10 4.33
अस्यतस् ते शर-व्रातैर् हन्यमानाः समन्ततः जिजीविषव उत्सृज्य पलायन-परा ययुः
asyatas te śara-vrātair hanyamānāḥ samantataḥ jijīviṣava utsṛjya palāyana-parā yayuḥ
Struck on every side by the volleys of arrows of you as you shot, wanting to live, they abandoned (the fight) and went off intent on flight.
AI translation rendered from the Sanskrit, not a published edition
SB 10 4.34
केचित् प्राञ्जलयो दीना न्यस्त-शस्त्रा दिवौकसः मुक्त-कच्छ-शिखाः केचिद् भीताः स्म इति वादिनः
kecit prāñjalayo dīnā nyasta-śastrā divaukasaḥ mukta-kaccha-śikhāḥ kecid bhītāḥ sma iti vādinaḥ
Some of the dwellers in heaven, wretched, with palms joined and weapons laid down; some with their loincloths and topknots loosened, saying "We are afraid!"
AI translation rendered from the Sanskrit, not a published edition
SB 10 4.35
न त्वं विस्मृत-शस्त्रास्त्रान् विरथान् भय-संवृतान् हंस्य् अन्यासक्त-विमुखान् भग्न-चापान् अयुध्यतः
na tvaṃ vismṛta-śastrāstrān virathān bhaya-saṃvṛtān haṃsy anyāsakta-vimukhān bhagna-cāpān ayudhyataḥ
You do not kill those who have forgotten their weapons and missiles, who are without chariots, who are wrapped in fear, who are turned away and attached to other things, whose bows are broken, who are not fighting.
AI translation rendered from the Sanskrit, not a published edition
SB 10 4.36
किं क्षेम-शूरैर् विबुधैर् असंयुग-विकत्थनैः रहो-जुषा किं हरिणा शम्भुना वा वनौकसा किम् इन्द्रेणाल्प-वीर्येण ब्रह्मणा वा तपस्यता
kiṃ kṣema-śūrair vibudhair asaṃyuga-vikatthanaiḥ raho-juṣā kiṃ hariṇā śambhunā vā vanaukasā kim indreṇālpa-vīryeṇa brahmaṇā vā tapasyatā
What (harm) from the gods, heroes (only) in safety, who boast where there is no battle? What from Hari, who keeps to a hidden place, or from Śambhu, who dwells in the forest? What from Indra, of little valour, or from Brahmā, who is engaged in austerity?
AI translation rendered from the Sanskrit, not a published edition
SB 10 4.37
तथापि देवाः सापत्न्यान् नोपेक्ष्या इति मन्महे ततस् तन्-मूल-खनने नियुङ्क्ष्वास्मान् अनुव्रतान्
tathāpi devāḥ sāpatnyān nopekṣyā iti manmahe tatas tan-mūla-khanane niyuṅkṣvāsmān anuvratān
Even so, we hold that the gods, being rivals, are not to be disregarded. Therefore employ us, your followers, in digging out their root.
AI translation rendered from the Sanskrit, not a published edition
SB 10 4.38
यथामयो ऽङ्गे समुपेक्षितो नृभिर् न शक्यते रूढ-पदश् चिकित्सितुम् यथेन्द्रिय-ग्राम उपेक्षितस् तथा रिपुर् महान् बद्ध-बलो न चाल्यते
yathāmayo 'ṅge samupekṣito nṛbhir na śakyate rūḍha-padaś cikitsitum yathendriya-grāma upekṣitas tathā ripur mahān baddha-balo na cālyate
Just as a disease in the body, neglected by men, cannot be cured once it has taken firm hold, and as the host of the senses (cannot be controlled) when neglected, so a great enemy, when his forces have been consolidated, cannot be dislodged.
AI translation rendered from the Sanskrit, not a published edition
SB 10 4.39
मूलं हि विष्णुर् देवानां यत्र धर्मः सनातनः तस्य च ब्रह्म-गो-विप्रास् तपो यज्ञाः स-दक्षिणाः
mūlaṃ hi viṣṇur devānāṃ yatra dharmaḥ sanātanaḥ tasya ca brahma-go-viprās tapo yajñāḥ sa-dakṣiṇāḥ
For Viṣṇu is the root of the gods, in whom the eternal dharma abides; and his (root) is the Veda, cows and brāhmaṇas, austerity, and sacrifices with their offerings.
AI translation rendered from the Sanskrit, not a published edition
SB 10 4.40
तस्मात् सर्वात्मना राजन् ब्राह्मणान् ब्रह्म-वादिनः तपस्विनो यज्ञ-शीलान् गाश् च हन्मो हविर्-दुघाः
tasmāt sarvātmanā rājan brāhmaṇān brahma-vādinaḥ tapasvino yajña-śīlān gāś ca hanmo havir-dughāḥ
Therefore, O king, with all our might let us kill the brāhmaṇas who expound the Veda, the ascetics and the performers of sacrifice, and the cows that yield the oblation.
AI translation rendered from the Sanskrit, not a published edition
SB 10 4.41
विप्रा गावश् च वेदाश् च तपः सत्यं दमः शमः श्रद्धा दया तितिक्षा च क्रतवश् च हरेस् तनूः
viprā gāvaś ca vedāś ca tapaḥ satyaṃ damaḥ śamaḥ śraddhā dayā titikṣā ca kratavaś ca hares tanūḥ
Brāhmaṇas and cows and the Vedas, austerity, truth, self-restraint, calm, faith, compassion, forbearance and sacrifices — (these) are the bodies of Hari.
AI translation rendered from the Sanskrit, not a published edition
SB 10 4.42
स हि सर्व-सुराध्यक्षो ह्य् असुर-द्विड् गुहा-शयः तन्-मूला देवताः सर्वाः सेश्वराः स-चतुर्-मुखाः अयं वै तद्-वधोपायो यद् ऋषीणां विहिंसनम्
sa hi sarva-surādhyakṣo hy asura-dviḍ guhā-śayaḥ tan-mūlā devatāḥ sarvāḥ seśvarāḥ sa-catur-mukhāḥ ayaṃ vai tad-vadhopāyo yad ṛṣīṇāṃ vihiṃsanam
For he is the overlord of all the gods, the hater of the asuras, lying hidden in the cave (of the heart); all the deities, together with Śiva and with the four-faced one, have him as their root. This indeed is the means of his destruction: the killing of the sages.
AI translation rendered from the Sanskrit, not a published edition
SB 10 4.43
श्री-शुक उवाच एवं दुर्मन्त्रिभिः कंसः सह सम्मन्त्र्य दुर्मतिः ब्रह्म-हिंसां हितं मेने काल-पाशावृतो ऽसुरः
śrī-śuka uvāca evaṃ durmantribhiḥ kaṃsaḥ saha sammantrya durmatiḥ brahma-hiṃsāṃ hitaṃ mene kāla-pāśāvṛto 'suraḥ
Śrī Śuka said: Thus, having taken counsel with his evil counsellors, evil-minded Kaṃsa, an asura bound by the noose of time, thought violence against the brāhmaṇas to be to his advantage.
AI translation rendered from the Sanskrit, not a published edition
SB 10 4.44
सन्दिश्य साधु-लोकस्य कदने कदन-प्रियान् काम-रूप-धरान् दिक्षु दानवान् गृहम् आविशत्
sandiśya sādhu-lokasya kadane kadana-priyān kāma-rūpa-dharān dikṣu dānavān gṛham āviśat
Having instructed the Dānavas—who delight in slaughter and can assume any form they wish—to go in all directions for the destruction of the community of good men, he entered his palace.
AI translation rendered from the Sanskrit, not a published edition
SB 10 4.45
ते वै रजः-प्रकृतयस् तमसा मूढ-चेतसः सतां विद्वेषम् आचेरुर् आराद् आगत-मृत्यवः
te vai rajaḥ-prakṛtayas tamasā mūḍha-cetasaḥ satāṃ vidveṣam ācerur ārād āgata-mṛtyavaḥ
Those (demons), whose nature is passion and whose minds are deluded by darkness, practiced hostility toward the good, their death having already drawn near.
AI translation rendered from the Sanskrit, not a published edition
SB 10 4.46
आयुः श्रियं यशो धर्मं लोकान् आशिष एव च हन्ति श्रेयांसि सर्वाणि पुंसो महद्-अतिक्रमः
āyuḥ śriyaṃ yaśo dharmaṃ lokān āśiṣa eva ca hanti śreyāṃsi sarvāṇi puṃso mahad-atikramaḥ
Offence against a great soul destroys a man's lifespan, his fortune, fame, religious merit, his (higher) worlds, and his blessings too—all that is good for him.
AI translation rendered from the Sanskrit, not a published edition