Bhagavata Purana — Skandha 10 — Chapter 26
SB 10 26.1
श्री-शुक उवाच एवं-विधानि कर्माणि गोपाः कृष्णस्य वीक्ष्य ते अतद्-वीर्य-विदः प्रोचुः समभ्येत्य सु-विस्मिताः
śrī-śuka uvāca evaṃ-vidhāni karmāṇi gopāḥ kṛṣṇasya vīkṣya te atad-vīrya-vidaḥ procuḥ samabhyetya su-vismitāḥ
Śrī Śuka said: Having seen such deeds of Kṛṣṇa, those cowherds, not knowing (the source of) his power, came together and, greatly amazed, spoke.
AI translation rendered from the Sanskrit, not a published edition
SB 10 26.2
बालकस्य यद् एतानि कर्माण्य् अत्य्-अद्भुतानि वै कथम् अर्हत्य् असौ जन्म ग्राम्येष्व् आत्म-जुगुप्सितम्
bālakasya yad etāni karmāṇy aty-adbhutāni vai katham arhaty asau janma grāmyeṣv ātma-jugupsitam
Since these deeds of the boy are exceedingly marvellous, how does he deserve a birth among rustics, (a birth) despicable for himself?
AI translation rendered from the Sanskrit, not a published edition — the model flagged this verse as uncertain
SB 10 26.3
यः सप्त-हायनो बालः करेणैकेन लीलया कथं बिभ्रद् गिरि-वरं पुष्करं गज-राड् इव
yaḥ sapta-hāyano bālaḥ kareṇaikena līlayā kathaṃ bibhrad giri-varaṃ puṣkaraṃ gaja-rāḍ iva
How did a boy of seven years, holding up the best of mountains playfully with a single hand, (do so) as the king of elephants does a lotus?
AI translation rendered from the Sanskrit, not a published edition
SB 10 26.4
तोकेनामीलिताक्षेण पूतनाया महौजसः पीतः स्तनः सह प्राणैः कालेनेव वयस् तनोः
tokenāmīlitākṣeṇa pūtanāyā mahaujasaḥ pītaḥ stanaḥ saha prāṇaiḥ kāleneva vayas tanoḥ
By the infant, with his eyes closed, the breast of the mightily powerful Pūtanā was sucked along with her life-breaths, as the body's youth is (drained) by time.
AI translation rendered from the Sanskrit, not a published edition
SB 10 26.5
हिन्वतो ऽधः शयानस्य मास्यस्य चरणाव् उदक् अनो ऽपतद् विपर्यस्तं रुदतः प्रपदाहतम्
hinvato 'dhaḥ śayānasya māsyasya caraṇāv udak ano 'patad viparyastaṃ rudataḥ prapadāhatam
When he, a month old, lying underneath, was thrusting his feet upward and crying, the cart fell over, turned upside down, struck by the tip of his foot.
AI translation rendered from the Sanskrit, not a published edition
SB 10 26.6
एक-हायन आसीनो ह्रियमाणो विहायसा दैत्येन यस् तृणावर्तम् अहन् कण्ठ-ग्रहातुरम्
eka-hāyana āsīno hriyamāṇo vihāyasā daityena yas tṛṇāvartam ahan kaṇṭha-grahāturam
At one year old, seated, and being carried off through the air by the demon, he killed Tṛṇāvarta, who was overcome by the grip on his throat.
AI translation rendered from the Sanskrit, not a published edition
SB 10 26.7
क्वचिद् धैयङ्गव-स्तैन्ये मात्रा बद्ध उदूखले गच्छन्न् अर्जुनयोर् मध्ये बाहुभ्यां ताव् अपातयत्
kvacid dhaiyaṅgava-stainye mātrā baddha udūkhale gacchann arjunayor madhye bāhubhyāṃ tāv apātayat
Once, bound to the mortar by his mother for the theft of fresh butter, as he went between the two arjuna trees he brought them down with his arms.
AI translation rendered from the Sanskrit, not a published edition
SB 10 26.8
वने सञ्चारयन् वत्सान् स-रामो बालकैर् वृतः हन्तु-कामं बकं दोर्भ्यां मुखतो ऽरिम् अपाटयत्
vane sañcārayan vatsān sa-rāmo bālakair vṛtaḥ hantu-kāmaṃ bakaṃ dorbhyāṃ mukhato 'rim apāṭayat
While grazing the calves in the forest, together with Rāma and surrounded by the boys, he tore apart with his two arms, from the mouth, the enemy Baka, who wished to kill (him).
AI translation rendered from the Sanskrit, not a published edition
SB 10 26.9
वत्सेषु वत्स-रूपेण प्रविशन्तं जिघांसया हत्वा न्यपातयत् तेन कपित्थानि च लीलया
vatseṣu vatsa-rūpeṇa praviśantaṃ jighāṃsayā hatvā nyapātayat tena kapitthāni ca līlayā
Having killed the one who entered among the calves in the form of a calf with intent to kill, with him he playfully knocked down the wood-apple fruits.
AI translation rendered from the Sanskrit, not a published edition
SB 10 26.10
हत्वा रासभ-दैतेयं तद्-बन्धूंश् च बलान्वितः चक्रे ताल-वनं क्षेमं परिपक्व-फलान्वितम्
hatvā rāsabha-daiteyaṃ tad-bandhūṃś ca balānvitaḥ cakre tāla-vanaṃ kṣemaṃ paripakva-phalānvitam
Having killed the ass-demon and its kinsmen, accompanied by Bala, he made the palm grove safe, furnished with fully ripened fruit.
AI translation rendered from the Sanskrit, not a published edition
SB 10 26.11
प्रलम्बं घातयित्वोग्रं बलेन बल-शालिना अमोचयद् व्रज-पशून् गोपांश् चारण्य-वह्नितः
pralambaṃ ghātayitvograṃ balena bala-śālinā amocayad vraja-paśūn gopāṃś cāraṇya-vahnitaḥ
Having had the fierce Pralamba slain by the strength-endowed Bala, he freed the animals and cowherds of Vraja from the forest fire.
AI translation rendered from the Sanskrit, not a published edition
SB 10 26.12
आशी-विषतमाहीन्द्रं दमित्वा विमदं ह्रदात् प्रसह्योद्वास्य यमुनां चक्रे ऽसौ निर्विषोदकाम्
āśī-viṣatamāhīndraṃ damitvā vimadaṃ hradāt prasahyodvāsya yamunāṃ cakre 'sau nirviṣodakām
Having subdued the most venomous king of serpents and stripped him of his pride, forcibly expelling (him) from the pool, he made the Yamunā's water free of poison.
AI translation rendered from the Sanskrit, not a published edition
SB 10 26.13
दुस्त्यजश् चानुरागो ऽस्मिन् सर्वेषां नो व्रजौकसाम् नन्द ते तनये ऽस्मासु तस्याप्य् औत्पत्तिकः कथम्
dustyajaś cānurāgo 'smin sarveṣāṃ no vrajaukasām nanda te tanaye 'smāsu tasyāpy autpattikaḥ katham
And this affection for him, hard to give up, on the part of all of us dwellers of Vraja — Nanda, for your son — and his too for us: how is it (so) natural from birth?
AI translation rendered from the Sanskrit, not a published edition
SB 10 26.14
क्व सप्त-हायनो बालः क्व महाद्रि-विधारणम् ततो नो जायते शङ्का व्रज-नाथ तवात्मजे
kva sapta-hāyano bālaḥ kva mahādri-vidhāraṇam tato no jāyate śaṅkā vraja-nātha tavātmaje
What is a boy of seven years, and what the upholding of a great mountain! Hence a doubt arises in us about your son, O lord of Vraja.
AI translation rendered from the Sanskrit, not a published edition
SB 10 26.15
श्री-नन्द उवाच श्रूयतां मे वचो गोपा व्येतु शङ्का च वो ऽर्भके एनम् कुमारम् उद्दिश्य गर्गो मे यद् उवाच ह
śrī-nanda uvāca śrūyatāṃ me vaco gopā vyetu śaṅkā ca vo 'rbhake enam kumāram uddiśya gargo me yad uvāca ha
Śrī Nanda said: Let my words be heard, cowherds, and let your doubt about the child depart — what Garga once told me concerning this boy.
AI translation rendered from the Sanskrit, not a published edition
SB 10 26.16
वर्णास् त्रयः किलास्यासन् गृह्णतो ऽनु-युगं तनूः शुक्लो रक्तस् तथा पीत इदानीं कृष्णतां गतः
varṇās trayaḥ kilāsyāsan gṛhṇato 'nu-yugaṃ tanūḥ śuklo raktas tathā pīta idānīṃ kṛṣṇatāṃ gataḥ
Three were his colours, they say, as he took on bodies age after age: white, red, and yellow; now he has come to blackness.
AI translation rendered from the Sanskrit, not a published edition
SB 10 26.17
प्रागयं वसुदेवस्य क्वचिज् जातस् तवात्मजः वासुदेव इति श्रीमान् अभिज्ञाः सम्प्रचक्षते
prāgayaṃ vasudevasya kvacij jātas tavātmajaḥ vāsudeva iti śrīmān abhijñāḥ sampracakṣate
Formerly this son of yours was born, on some occasion, of Vasudeva; therefore those who know call the glorious one 'Vāsudeva'.
AI translation rendered from the Sanskrit, not a published edition
SB 10 26.18
बहूनि सन्ति नामानि रूपाणि च सुतस्य ते गुण -कर्मानुरूपाणि तान्य् अहं वेद नो जनाः
bahūni santi nāmāni rūpāṇi ca sutasya te guṇa -karmānurūpāṇi tāny ahaṃ veda no janāḥ
Many are the names and forms of this son of yours, in accordance with his qualities and deeds; I know them, but people do not.
AI translation rendered from the Sanskrit, not a published edition
SB 10 26.19
एष वः श्रेय आधास्यद् गोप-गोकुल-नन्दनः अनेन सर्व-दुर्गाणि यूयम् अञ्जस् तरिष्यथ
eṣa vaḥ śreya ādhāsyad gopa-gokula-nandanaḥ anena sarva-durgāṇi yūyam añjas tariṣyatha
He will bring about your welfare, this delight of the cowherds and the cow-village; through him you will easily cross over all difficulties.
AI translation rendered from the Sanskrit, not a published edition
SB 10 26.20
पुरानेन व्रज-पते साधवो दस्यु-पीडिताः अराजके रक्ष्यमाणा जिग्युर् दस्यून् समेधिताः
purānena vraja-pate sādhavo dasyu-pīḍitāḥ arājake rakṣyamāṇā jigyur dasyūn samedhitāḥ
Formerly, O lord of Vraja, good people who were tormented by bandits, being protected by him in a kingless (land), conquered the bandits and prospered.
AI translation rendered from the Sanskrit, not a published edition
SB 10 26.21
य एतस्मिन् महा-भागे प्रीतिं कुर्वन्ति मानवाः नारयो ऽभिभवन्त्य् एतान् विष्णु-पक्षान् इवासुराः
ya etasmin mahā-bhāge prītiṃ kurvanti mānavāḥ nārayo 'bhibhavanty etān viṣṇu-pakṣān ivāsurāḥ
Those men who develop love for this greatly fortunate one—enemies do not overcome them, as the demons (do not overcome) those on Viṣṇu's side.
AI translation rendered from the Sanskrit, not a published edition
SB 10 26.22
तस्मान् नन्द कुमारो ऽयं नारायण-समो गुणैः श्रिया कीर्त्यानुभावेन तत्-कर्मसु न विस्मयः
tasmān nanda kumāro 'yaṃ nārāyaṇa-samo guṇaiḥ śriyā kīrtyānubhāvena tat-karmasu na vismayaḥ
Therefore, Nanda, this boy is equal to Nārāyaṇa in qualities, in splendour, in fame and in power; so let there be no astonishment at his deeds.
AI translation rendered from the Sanskrit, not a published edition
SB 10 26.23
इत्य् अद्धा मां समादिश्य गर्गे च स्व-गृहं गते मन्ये नारायणस्यांशं कृष्णम् अक्लिष्ट-कारिणम्
ity addhā māṃ samādiśya garge ca sva-gṛhaṃ gate manye nārāyaṇasyāṃśaṃ kṛṣṇam akliṣṭa-kāriṇam
Having thus instructed me plainly, and Garga having gone to his own house, I consider Kṛṣṇa, whose actions are effortless, to be a portion of Nārāyaṇa.
AI translation rendered from the Sanskrit, not a published edition
SB 10 26.24
इति नन्द-वचः श्रुत्वा गर्ग-गीतं तं व्रजौकसः मुदिता नन्दम् आनर्चुः कृष्णं च गत-विस्मयाः
iti nanda-vacaḥ śrutvā garga-gītaṃ taṃ vrajaukasaḥ muditā nandam ānarcuḥ kṛṣṇaṃ ca gata-vismayāḥ
Hearing these words of Nanda, which were the song of Garga, the dwellers of Vraja were delighted and honoured Nanda and Kṛṣṇa, their astonishment gone.
AI translation rendered from the Sanskrit, not a published edition
SB 10 26.25
देवे वर्षति यज्ञ-विप्लव-रुषा वज्रास्म-वर्षानिलैः सीदत्-पाल-पशु-स्त्रिय् आत्म-शरणं दृष्ट्वानुकम्प्य् उत्स्मयन् अम्प्;उत्पाट्यैक-करेण शैलम् अबलो लीलोच्छिलीन्ध्रं यथा बिभ्रद् गोष्ठम् अपान् महेन्द्र-मद-भित् प्रीयान् न इन्द्रो गवाम्
deve varṣati yajña-viplava-ruṣā vajrāsma-varṣānilaiḥ sīdat-pāla-paśu-striy ātma-śaraṇaṃ dṛṣṭvānukampy utsmayan utpāṭyaika-kareṇa śailam abalo līlocchilīndhraṃ yathā bibhrad goṣṭham apān mahendra-mada-bhit prīyān na indro gavām
When the god (Indra) rained, in anger at the disruption of his sacrifice, with showers of thunderbolts and hail and with winds, and seeing the herdsmen, animals and women sinking down and taking refuge in him, he, compassionate and smiling broadly, uprooted the mountain with one hand—effortlessly, as a child (lifts) a mushroom in play—and holding it up he protected the cow-station, he who shattered great Indra's pride: may he, the Indra of the cows, be pleased with us.
AI translation rendered from the Sanskrit, not a published edition