Bhagavata Purana — Skandha 10 — Chapter 19
SB 10 19.1
श्री-शुक उवाच क्रीडासक्तेषु गोपेषु तद्-गावो दूर-चारिणीः स्वैरं चरन्त्यो विविशुस् तृण-लोभेन गह्वरम्
śrī-śuka uvāca krīḍāsakteṣu gopeṣu tad-gāvo dūra-cāriṇīḥ svairaṃ carantyo viviśus tṛṇa-lobhena gahvaram
Śrī Śuka said: While the cowherd boys were engrossed in play, their cows, grazing far off and wandering at will, entered a thicket out of greed for grass.
AI translation rendered from the Sanskrit, not a published edition
SB 10 19.2
अजा गावो महिष्यश् च निर्विशन्त्यो वनाद् वनम् ईषीकाटवीं निर्विविशुः क्रन्दन्त्यो दाव-तर्षिताः
ajā gāvo mahiṣyaś ca nirviśantyo vanād vanam īṣīkāṭavīṃ nirviviśuḥ krandantyo dāva-tarṣitāḥ
The goats, cows and buffaloes, passing from one wood to another, entered a thicket of reeds, bellowing, parched by the forest fire.
AI translation rendered from the Sanskrit, not a published edition
SB 10 19.3
ते ऽपश्यन्तः पशून् गोपाः कृष्ण-रामादयस् तदा जातानुतापा न विदुर् विचिन्वन्तो गवां गतिम्
te 'paśyantaḥ paśūn gopāḥ kṛṣṇa-rāmādayas tadā jātānutāpā na vidur vicinvanto gavāṃ gatim
Then those cowherds, Kṛṣṇa, Rāma and the others, not seeing the animals, became remorseful, and though searching, did not know where the cows had gone.
AI translation rendered from the Sanskrit, not a published edition
SB 10 19.4
तृणैस् तत्-खुर-दच्-छिन्नैर् गोष्-पदैर् अङ्कितैर् गवाम् मार्गम् अन्वगमन् सर्वे नष्टाजीव्या विचेतसः
tṛṇais tat-khura-dac-chinnair goṣ-padair aṅkitair gavām mārgam anvagaman sarve naṣṭājīvyā vicetasaḥ
By the grass cut by their hooves and teeth, and by the ground marked with hoofprints, they all followed the path of the cows, distraught, their means of living lost.
AI translation rendered from the Sanskrit, not a published edition
SB 10 19.5
मुञ्जाटव्यां भ्रष्ट-मार्गं क्रन्दमानं स्व-गोधनम् सम्प्राप्य तृषिताः श्रान्तास् ततस् ते सन्न्यवर्तयन्
muñjāṭavyāṃ bhraṣṭa-mārgaṃ krandamānaṃ sva-godhanam samprāpya tṛṣitāḥ śrāntās tatas te sannyavartayan
Coming upon their own herd of cows in the Muñjā thicket, strayed from the path and bellowing, they—thirsty and exhausted—then turned them back.
AI translation rendered from the Sanskrit, not a published edition
SB 10 19.6
ता आहूता भगवता मेघ-गम्भीरया गिरा स्व-नाम्नां निनदं श्रुत्वा प्रतिनेदुः प्रहर्षिताः
tā āhūtā bhagavatā megha-gambhīrayā girā sva-nāmnāṃ ninadaṃ śrutvā pratineduḥ praharṣitāḥ
Those (cows), called by the Lord with a voice deep as a thundercloud, hearing the sound of their own names, answered back in great delight.
AI translation rendered from the Sanskrit, not a published edition
SB 10 19.7
ततः समन्ताद् दव-धूमकेतुर् यदृच्छयाभूत् क्षय-कृद् वनौकसाम् समीरितः सारथिनोल्बणोल्मुकैर् विलेलिहानः स्थिर-जङ्गमान् महान्
tataḥ samantād dava-dhūmaketur yadṛcchayābhūt kṣaya-kṛd vanaukasām samīritaḥ sārathinolbaṇolmukair vilelihānaḥ sthira-jaṅgamān mahān
Then, on every side, there arose by chance the comet-like forest fire, destroyer of the forest dwellers, driven by the wind as its charioteer, licking at things fixed and moving with terrible firebrands—a mighty (blaze).
AI translation rendered from the Sanskrit, not a published edition
SB 10 19.8
तम् आपतन्तं परितो दवाग्निं गोपाश् च गावः प्रसमीक्ष्य भीताः ऊचुश् च कृष्णं स-बलं प्रपन्ना यथा हरिं मृत्यु-भयार्दिता जनाः
tam āpatantaṃ parito davāgniṃ gopāś ca gāvaḥ prasamīkṣya bhītāḥ ūcuś ca kṛṣṇaṃ sa-balaṃ prapannā yathā hariṃ mṛtyu-bhayārditā janāḥ
Seeing that forest fire rushing upon (them) from all around, the cowherds and the cows grew frightened and spoke to Kṛṣṇa together with Bala, taking refuge (in them) as people tormented by the fear of death take refuge in Hari.
AI translation rendered from the Sanskrit, not a published edition
SB 10 19.9
कृष्ण कृष्ण महा-वीर हे रामामोघ विक्रम दावाग्निना दह्यमानान् प्रपन्नांस् त्रातुम् अर्हथः
kṛṣṇa kṛṣṇa mahā-vīra he rāmāmogha vikrama dāvāgninā dahyamānān prapannāṃs trātum arhathaḥ
"Kṛṣṇa, Kṛṣṇa, O great hero! O Rāma of unfailing might! You two must rescue (us) who have taken refuge (in you) and are being burned by the forest fire."
AI translation rendered from the Sanskrit, not a published edition
SB 10 19.10
नूनं त्वद्-बान्धवाः कृष्ण न चार्हन्त्य् अवसादितुम् वयं हि सर्व-धर्म-ज्ञ त्वन्-नाथास् त्वत्-परायणाः
nūnaṃ tvad-bāndhavāḥ kṛṣṇa na cārhanty avasāditum vayaṃ hi sarva-dharma-jña tvan-nāthās tvat-parāyaṇāḥ
"Surely, Kṛṣṇa, your own kinsmen do not deserve to be destroyed; for we, O knower of all dharma, have you as our master, you as our sole resort."
AI translation rendered from the Sanskrit, not a published edition
SB 10 19.11
श्री-शुक उवाच वचो निशम्य कृपणं बन्धूनां भगवान् हरिः निमीलयत मा भैष्ट लोचनानीत्य् अभाषत
śrī-śuka uvāca vaco niśamya kṛpaṇaṃ bandhūnāṃ bhagavān hariḥ nimīlayata mā bhaiṣṭa locanānīty abhāṣata
Śrī Śuka said: Hearing the piteous words of his kinsmen, the Lord Hari said, "Close your eyes; do not be afraid."
AI translation rendered from the Sanskrit, not a published edition
SB 10 19.12
तथेति मीलिताक्षेषु भगवान् अग्निम् उल्बणम् पीत्वा मुखेन तान् कृच्छ्राद् योगाधीशो व्यमोचयत्
tatheti mīlitākṣeṣu bhagavān agnim ulbaṇam pītvā mukhena tān kṛcchrād yogādhīśo vyamocayat
"So be it," (they said); and when their eyes were shut, the Lord, the master of yoga, drank the terrible fire with his mouth and released them from the peril.
AI translation rendered from the Sanskrit, not a published edition
SB 10 19.13
ततश् च ते ऽक्षीण्य् उन्मील्य पुनर् भाण्डीरम् आपिताः निशम्य विस्मिता आसन्न् आत्मानं गाश् च मोचिताः
tataś ca te 'kṣīṇy unmīlya punar bhāṇḍīram āpitāḥ niśamya vismitā āsann ātmānaṃ gāś ca mocitāḥ
And then, opening their eyes, they found themselves brought back to Bhāṇḍīra; perceiving that they themselves and the cows had been released, they were astonished.
AI translation rendered from the Sanskrit, not a published edition
SB 10 19.14
कृष्णस्य योग-वीर्यं तद् योग-मायानुभावितम् दावाग्नेर् आत्मनः क्षेमं वीक्ष्य ते मेनिरे ऽमरम्
kṛṣṇasya yoga-vīryaṃ tad yoga-māyānubhāvitam dāvāgner ātmanaḥ kṣemaṃ vīkṣya te menire 'maram
Seeing that yogic power of Kṛṣṇa, effected by his yoga-māyā, and their own safety from the forest fire, they took him to be immortal.
AI translation rendered from the Sanskrit, not a published edition
SB 10 19.15
गाः सन्निवर्त्य सायाह्ने सह-रामो जनार्दनः वेणुं विरणयन् गोष्ठम् अगाद् गोपैर् अभिष्टुतः
gāḥ sannivartya sāyāhne saha-rāmo janārdanaḥ veṇuṃ viraṇayan goṣṭham agād gopair abhiṣṭutaḥ
Having turned the cows back in the late afternoon, Janārdana, along with Rāma, went to the cow-settlement sounding his flute, praised by the cowherd boys.
AI translation rendered from the Sanskrit, not a published edition
SB 10 19.16
गोपीनां परमानन्द आसीद् गोविन्द-दर्शने क्षणं युग-शतम् इव यासां येन विनाभवत्
gopīnāṃ paramānanda āsīd govinda-darśane kṣaṇaṃ yuga-śatam iva yāsāṃ yena vinābhavat
The gopīs felt the highest joy at the sight of Govinda—they for whom a single moment spent without him had been like a hundred ages.
AI translation rendered from the Sanskrit, not a published edition