Bhagavata Purana — Skandha 1 — Chapter 9
SB 1 9.1
सूत उवाच इति भीतः प्रजाद्रोहात् सर्वधर्मविवित्सया ततो विनशनं प्रागाद्यत्र देवव्रतो ऽपतत्
sūta uvāca iti bhītaḥ prajādrohāt sarvadharmavivitsayā tato vinaśanaṃ prāgādyatra devavrato 'patat
Sūta said: Thus afraid because of the harm done to his subjects, and wishing to learn all the duties, he then went to Vinaśana, where Devavrata (Bhīṣma) had fallen.
AI translation rendered from the Sanskrit, not a published edition
SB 1 9.2
तदा ते भ्रातरः सर्वे सदश्वैः स्वर्णभूषितैः अन्वगच्छन् रथैर्विप्रा व्यासधौम्यादयस्तथा
tadā te bhrātaraḥ sarve sadaśvaiḥ svarṇabhūṣitaiḥ anvagacchan rathairviprā vyāsadhaumyādayastathā
Then all those brothers followed with chariots drawn by fine horses adorned with gold, and so did the brahmins, Vyāsa, Dhaumya and the rest.
AI translation rendered from the Sanskrit, not a published edition
SB 1 9.3
भगवान् अपि विप्रर्षे रथेन सधनञ्जयः स तैर्व्यरोचत नृपः कुवेर इव गुह्यकैः
bhagavān api viprarṣe rathena sadhanañjayaḥ sa tairvyarocata nṛpaḥ kuvera iva guhyakaiḥ
The Lord too, O sage among brahmins, (came) by chariot together with Dhanañjaya; with them that king shone forth like Kuvera with the Guhyakas.
AI translation rendered from the Sanskrit, not a published edition
SB 1 9.4
दृष्ट्वा निपतितं भूमौ दिवश्च्युतम् इवामरम् प्रणेमुः पाण्डवा भीष्मं सानुगाः सह चक्रिणा
dṛṣṭvā nipatitaṃ bhūmau divaścyutam ivāmaram praṇemuḥ pāṇḍavā bhīṣmaṃ sānugāḥ saha cakriṇā
Seeing (him) fallen on the ground like an immortal dropped from heaven, the Pāṇḍavas with their followers, together with the bearer of the discus, bowed to Bhīṣma.
AI translation rendered from the Sanskrit, not a published edition
SB 1 9.5
तत्र ब्रह्मर्षयः सर्वे देवर्षयश्च सत्तम राजर्षयश्च तत्रासन् द्रष्टुं भरतपुङ्गवम्
tatra brahmarṣayaḥ sarve devarṣayaśca sattama rājarṣayaśca tatrāsan draṣṭuṃ bharatapuṅgavam
There, O best of the good, all the brahmin sages and the divine sages, and the royal sages too, were present there to see the bull of the Bharatas.
AI translation rendered from the Sanskrit, not a published edition
SB 1 9.6
पर्वतो नारदो धौम्यो भगवान् बादरायणः बृहदश्वो भरद्वाजः सशिष्यो रेणुकासुतः
parvato nārado dhaumyo bhagavān bādarāyaṇaḥ bṛhadaśvo bharadvājaḥ saśiṣyo reṇukāsutaḥ
Parvata, Nārada, Dhaumya, the venerable Bādarāyaṇa, Bṛhadaśva, Bharadvāja, and the son of Reṇukā with his pupils;
AI translation rendered from the Sanskrit, not a published edition
SB 1 9.7
वसिष्ठ इन्द्रप्रमदस्त्रितो गृत्समदो ऽसितः कक्षीवान् गौतमो ऽत्रिश्च कौशिको ऽथ सुदर्शनः
vasiṣṭha indrapramadastrito gṛtsamado 'sitaḥ kakṣīvān gautamo 'triśca kauśiko 'tha sudarśanaḥ
Vasiṣṭha, Indrapramada, Trita, Gṛtsamada, Asita, Kakṣīvān, Gautama, and Atri, and Kauśika, then Sudarśana;
AI translation rendered from the Sanskrit, not a published edition
SB 1 9.8
अन्ये च मुनयो ब्रह्मन् ब्रह्मरातादयो ऽमलाः शिष्यैरुपेता आजग्मुः कश्यपाङ्गिरसादयः
anye ca munayo brahman brahmarātādayo 'malāḥ śiṣyairupetā ājagmuḥ kaśyapāṅgirasādayaḥ
And other sages too, O brahmin, spotless ones, Brahmarāta and the rest, came accompanied by their pupils — Kaśyapa, Āṅgirasa and others.
AI translation rendered from the Sanskrit, not a published edition
SB 1 9.9
तान् समेतान् महाभागान् उपलभ्य वसूत्तमः पूजयाम् आस धर्मज्ञो देशकालविभागवित्
tān sametān mahābhāgān upalabhya vasūttamaḥ pūjayām āsa dharmajño deśakālavibhāgavit
Perceiving those greatly blessed ones assembled, the best of the Vasus, knower of dharma, knowing the divisions of place and time, honoured them.
AI translation rendered from the Sanskrit, not a published edition
SB 1 9.10
कृष्णं च तत्प्रभावज्ञ आसीनं जगदीश्वरम् हृदिस्थं पूजयाम् आस माययोपात्तविग्रहम्
kṛṣṇaṃ ca tatprabhāvajña āsīnaṃ jagadīśvaram hṛdisthaṃ pūjayām āsa māyayopāttavigraham
And knowing his power, he worshipped Kṛṣṇa, the Lord of the world, seated (there), dwelling in the heart, who had assumed a body by his māyā.
AI translation rendered from the Sanskrit, not a published edition
SB 1 9.11
पाण्डुपुत्रान् उपासीनान् प्रश्रयप्रेमसङ्गतान् अभ्याचष्टानुरागाश्रैरन्धीभूतेन चक्षुषा
pāṇḍuputrān upāsīnān praśrayapremasaṅgatān abhyācaṣṭānurāgāśrairandhībhūtena cakṣuṣā
With eyes blinded by tears of affection, he addressed the sons of Pāṇḍu, who sat near, joined to him in humility and love.
AI translation rendered from the Sanskrit, not a published edition
SB 1 9.12
अहो कष्टम् अहो ऽन्याय्यं यद्यूयं धर्मनन्दनाः जीवितुं नार्हथ क्लिष्टं विप्रधर्माच्युताश्रयाः
aho kaṣṭam aho 'nyāyyaṃ yadyūyaṃ dharmanandanāḥ jīvituṃ nārhatha kliṣṭaṃ vipradharmācyutāśrayāḥ
"Alas, the hardship! Alas, the injustice, that you, the sons of Dharma, who have brahminical duty and Acyuta as your refuge, did not deserve to live so afflicted.
AI translation rendered from the Sanskrit, not a published edition
SB 1 9.13
संस्थिते ऽतिरथे पाण्डौ पृथा बालप्रजा वधूः युष्मत्कृते बहून् क्लेशान् प्राप्ता तोकवती मुहुः
saṃsthite 'tirathe pāṇḍau pṛthā bālaprajā vadhūḥ yuṣmatkṛte bahūn kleśān prāptā tokavatī muhuḥ
When Pāṇḍu, the great chariot-warrior, had passed away, Pṛthā your mother, with her children still young, repeatedly met with many troubles on your account, though she had sons.
AI translation rendered from the Sanskrit, not a published edition
SB 1 9.14
सर्वं कालकृतं मन्ये भवतां च यदप्रियम् सपालो यद्वशे लोको वायोरिव घनावलिः
sarvaṃ kālakṛtaṃ manye bhavatāṃ ca yadapriyam sapālo yadvaśe loko vāyoriva ghanāvaliḥ
I consider that everything, including whatever is unpleasant for you, is done by Time, under whose control the world with its guardians is, like a row of clouds under the wind's.
AI translation rendered from the Sanskrit, not a published edition
SB 1 9.15
यत्र धर्मसुतो राजा गदापाणिर्वृकोदरः कृष्णो ऽस्त्री गाण्डिवं चापं सुहृत् कृष्णस्ततो विपत्
yatra dharmasuto rājā gadāpāṇirvṛkodaraḥ kṛṣṇo 'strī gāṇḍivaṃ cāpaṃ suhṛt kṛṣṇastato vipat
Where the son of Dharma is king, where Wolf-belly (Bhīma) has a mace in hand, where Arjuna is the weapon-bearer with the Gāṇḍīva bow, and Kṛṣṇa is the friend — and from that, calamity!
AI translation rendered from the Sanskrit, not a published edition
SB 1 9.16
न ह्यस्य कर्हिचिद्राजन् पुमान् वेद विधित्सितम् यद्विजिज्ञासया युक्ता मुह्यन्ति कवयो ऽपि हि
na hyasya karhicidrājan pumān veda vidhitsitam yadvijijñāsayā yuktā muhyanti kavayo 'pi hi
For no man ever knows, O king, what He intends; even the wise, engaged in seeking to know it, are bewildered.
AI translation rendered from the Sanskrit, not a published edition
SB 1 9.17
तस्मादिदं दैवतन्त्रं व्यवस्य भरतर्षभ तस्यानुविहितो ऽनाथा नाथ पाहि प्रजाः प्रभो
tasmādidaṃ daivatantraṃ vyavasya bharatarṣabha tasyānuvihito 'nāthā nātha pāhi prajāḥ prabho
Therefore, having concluded that this is under the control of the divine, O bull of the Bharatas, and being appointed by him, protect the helpless subjects, O protector, O lord.
AI translation rendered from the Sanskrit, not a published edition
SB 1 9.18
एष वै भगवान् साक्षादाद्यो नारायणः पुमान् मोहयन् मायया लोकं गूढश्चरति वृष्णिषु
eṣa vai bhagavān sākṣādādyo nārāyaṇaḥ pumān mohayan māyayā lokaṃ gūḍhaścarati vṛṣṇiṣu
This one is indeed the Lord himself, the primeval Nārāyaṇa, the Person, who, bewildering the world with his māyā, moves about concealed among the Vṛṣṇis.
AI translation rendered from the Sanskrit, not a published edition
SB 1 9.19
अस्यानुभावं भगवान् वेद गुह्यतमं शिवः देवर्षिर्नारदः साक्षाद्भगवान् कपिलो नृप
asyānubhāvaṃ bhagavān veda guhyatamaṃ śivaḥ devarṣirnāradaḥ sākṣādbhagavān kapilo nṛpa
His power, most secret, is known by Lord Śiva, by the divine sage Nārada, and by the Lord Kapila himself, O king.
AI translation rendered from the Sanskrit, not a published edition
SB 1 9.20
यं मन्यसे मातुलेयं प्रियं मित्रं सुहृत्तमम् अकरोः सचिवं दूतं सौहृदादथ सारथिम्
yaṃ manyase mātuleyaṃ priyaṃ mitraṃ suhṛttamam akaroḥ sacivaṃ dūtaṃ sauhṛdādatha sārathim
He whom you take to be your maternal cousin, your dear friend, your closest well-wisher — you made him, out of affection, your counsellor, your messenger, and even your charioteer.
AI translation rendered from the Sanskrit, not a published edition
SB 1 9.21
सर्वात्मनः समदृशो ह्यद्वयस्यानहङ्कृतेः तत्कृतं मतिवैषम्यं निरवद्यस्य न क्वचित्
sarvātmanaḥ samadṛśo hyadvayasyānahaṅkṛteḥ tatkṛtaṃ mativaiṣamyaṃ niravadyasya na kvacit
For one who is the Self of all, who sees equally, who is without a second, without egoism, and blameless, there is nowhere any partiality of mind produced by that (relationship).
AI translation rendered from the Sanskrit, not a published edition
SB 1 9.22
तथाप्येकान्तभक्तेषु पश्य भूपानुकम्पितम् यन् मे ऽसूंस्त्यजतः साक्षात् कृष्णो दर्शनम् आगतः
tathāpyekāntabhakteṣu paśya bhūpānukampitam yan me 'sūṃstyajataḥ sākṣāt kṛṣṇo darśanam āgataḥ
Yet, O king, look at his compassion toward one-pointedly devoted ones: that to me, as I give up my breaths, Kṛṣṇa has come in person to be seen.
AI translation rendered from the Sanskrit, not a published edition
SB 1 9.23
भक्त्यावेश्य मनो यस्मिन् वाचा यन्नाम कीर्तयन् त्यजन् कलेवरं योगी मुच्यते कामकर्मभिः
bhaktyāveśya mano yasmin vācā yannāma kīrtayan tyajan kalevaraṃ yogī mucyate kāmakarmabhiḥ
The yogi who fixes his mind by devotion on him, chanting his name with his voice, and abandons the body, is released from desires and (their) actions.
AI translation rendered from the Sanskrit, not a published edition
SB 1 9.24
स देवदेवो भगवान् प्रतीक्षतां कलेवरं यावदिदं हिनोम्यहम् प्रसन्नहासारुणलोचनोल्लसन् मुखाम्बुजो ध्यानपथश्चतुर्भुजः
sa devadevo bhagavān pratīkṣatāṃ kalevaraṃ yāvadidaṃ hinomyaham prasannahāsāruṇalocanollasan mukhāmbujo dhyānapathaścaturbhujaḥ
Let that God of gods, the Lord, wait for (the moment when) I release this body — he whose lotus face beams with a gracious smile and reddish eyes, who is the path of meditation, who has four arms.
AI translation rendered from the Sanskrit, not a published edition
SB 1 9.25
सूत उवाच युधिष्ठिरस्तदाकर्ण्य शयानं शरपञ्जरे अपृच्छद्विविधान् धर्मान् ऋषीणां चानुशृण्वताम्
sūta uvāca yudhiṣṭhirastadākarṇya śayānaṃ śarapañjare apṛcchadvividhān dharmān ṛṣīṇāṃ cānuśṛṇvatām
Sūta said: Hearing that, Yudhiṣṭhira asked (Bhīṣma), who lay on the bed of arrows, about the various dharmas, while the sages also listened.
AI translation rendered from the Sanskrit, not a published edition
SB 1 9.26
पुरुषस्वभावविहितान् यथावर्णं यथाश्रमम् वैराग्यरागोपाधिभ्याम् आम्नातोभयलक्षणान्
puruṣasvabhāvavihitān yathāvarṇaṃ yathāśramam vairāgyarāgopādhibhyām āmnātobhayalakṣaṇān
(the dharmas) laid down according to men's own natures, according to class and according to stage of life, which are handed down as having the two marks, according to the qualifying conditions of detachment and attachment.
AI translation rendered from the Sanskrit, not a published edition — the model flagged this verse as uncertain
SB 1 9.27
दानधर्मान् राजधर्मान् मोक्षधर्मान् विभागशः स्त्रीधर्मान् भगवद्धर्मान् समासव्यासयोगतः
dānadharmān rājadharmān mokṣadharmān vibhāgaśaḥ strīdharmān bhagavaddharmān samāsavyāsayogataḥ
the dharmas of giving, the dharmas of kings, the dharmas of liberation, division by division, the dharmas of women, and the dharmas relating to the Lord, both in brief and at length.
AI translation rendered from the Sanskrit, not a published edition
SB 1 9.28
धर्मार्थकाममोक्षांश्च सहोपायान् यथा मुने नानाख्यानेतिहासेषु वर्णयाम् आस तत्त्ववित्
dharmārthakāmamokṣāṃśca sahopāyān yathā mune nānākhyānetihāseṣu varṇayām āsa tattvavit
and dharma, wealth, pleasure and liberation together with their means — thus, O sage, the knower of truth described them in various tales and old accounts.
AI translation rendered from the Sanskrit, not a published edition
SB 1 9.29
धर्मं प्रवदतस्तस्य स कालः प्रत्युपस्थितः यो योगिनश्छन्दमृत्योर्वाञ्छितस्तूत्तरायणः
dharmaṃ pravadatastasya sa kālaḥ pratyupasthitaḥ yo yoginaśchandamṛtyorvāñchitastūttarāyaṇaḥ
While he was expounding dharma, that time drew near which is desired by a yogi who dies at will — the northward course of the sun.
AI translation rendered from the Sanskrit, not a published edition
SB 1 9.30
तदोपसंहृत्य गिरः सहस्रणीर् विमुक्तसङ्गं मन आदिपूरुषे कृष्णे लसत्पीतपटे चतुर्भुजे पुरः स्थिते ऽमीलितदृग् व्यधारयत्
tadopasaṃhṛtya giraḥ sahasraṇīr vimuktasaṅgaṃ mana ādipūruṣe kṛṣṇe lasatpītapaṭe caturbhuje puraḥ sthite 'mīlitadṛg vyadhārayat
Then the leader of thousands, withdrawing his words, held his mind, freed from attachment, upon the primeval Person, Kṛṣṇa, wearing a shining yellow garment, four-armed, standing before him, with his eyes unclosed.
AI translation rendered from the Sanskrit, not a published edition
SB 1 9.31
विशुद्धया धारणया हताशुभस् तदीक्षयैवाशु गतायुधश्रमः निवृत्तसर्वेन्द्रियवृत्तिविभ्रमस् तुष्टाव जन्यं विसृजञ् जनार्दनम्
viśuddhayā dhāraṇayā hatāśubhas tadīkṣayaivāśu gatāyudhaśramaḥ nivṛttasarvendriyavṛttivibhramas tuṣṭāva janyaṃ visṛjañ janārdanam
His impurity destroyed by that wholly pure concentration, the pain of the weapons swiftly gone by that very sight of him, the confusion of all his sense-activity ceased, he praised Janārdana as he let go of his body.
AI translation rendered from the Sanskrit, not a published edition
SB 1 9.32
श्रीभीष्म उवाच इति मतिरुपकल्पिता वितृष्णा भगवति सात्वतपुङ्गवे विभूम्नि स्वसुखम् उपगते क्वचिद्विहर्तुं प्रकृतिम् उपेयुषि यद्भवप्रवाहः
śrībhīṣma uvāca iti matirupakalpitā vitṛṣṇā bhagavati sātvatapuṅgave vibhūmni svasukham upagate kvacidvihartuṃ prakṛtim upeyuṣi yadbhavapravāhaḥ
Śrī Bhīṣma said: Thus has my mind, free of craving, been set upon the Lord, the bull of the Sātvatas, the all-pervading, who has attained his own bliss and yet at times resorts to material nature in order to play — from which comes the current of becoming.
AI translation rendered from the Sanskrit, not a published edition
SB 1 9.33
त्रिभुवनकमनं तमालवर्णं रविकरगौरवराम्बरं दधाने वपुरलककुलावृताननाब्जं विजयसखे रतिरस्तु मे ऽनवद्या
tribhuvanakamanaṃ tamālavarṇaṃ ravikaragauravarāmbaraṃ dadhāne vapuralakakulāvṛtānanābjaṃ vijayasakhe ratirastu me 'navadyā
Let my love be flawless for the friend of Vijaya, who bears a form charming to the three worlds, dark as the tamāla tree, wearing a fine garment golden as the sun's rays, his lotus face covered by a mass of curls.
AI translation rendered from the Sanskrit, not a published edition
SB 1 9.34
युधि तुरगरजोविधूम्रविष्वक् कचलुलितश्रमवार्यलङ्कृतास्ये मम निशितशरैर्विभिद्यमान त्वचि विलसत्कवचे ऽस्तु कृष्ण आत्मा
yudhi turagarajovidhūmraviṣvak kacalulitaśramavāryalaṅkṛtāsye mama niśitaśarairvibhidyamāna tvaci vilasatkavace 'stu kṛṣṇa ātmā
Let my self be in Kṛṣṇa, whose face, all around greyed with the dust of horses in battle, was adorned by tossed hair and the water of sweat, whose skin was being pierced by my sharpened arrows, whose armour glittered.
AI translation rendered from the Sanskrit, not a published edition
SB 1 9.35
सपदि सखिवचो निशम्य मध्ये निजपरयोर्बलयो रथं निवेश्य स्थितवति परसैनिकायुरक्ष्णा हृतवति पार्थसखे रतिर्ममास्तु
sapadi sakhivaco niśamya madhye nijaparayorbalayo rathaṃ niveśya sthitavati parasainikāyurakṣṇā hṛtavati pārthasakhe ratirmamāstu
Let my love be for the friend of Pārtha, who at once, having heard his friend's words, drove the chariot into the middle between the two armies, his own and the enemy's, and standing there took away the lifespan of the opposing soldiers with his eye.
AI translation rendered from the Sanskrit, not a published edition
SB 1 9.36
व्यवहितपृतनामुखं निरीक्ष्य स्वजनवधाद्विमुखस्य दोषबुद्ध्या कुमतिम् अहरदात्मविद्यया यश् चरणरतिः परमस्य तस्य मे ऽस्तु
vyavahitapṛtanāmukhaṃ nirīkṣya svajanavadhādvimukhasya doṣabuddhyā kumatim aharadātmavidyayā yaś caraṇaratiḥ paramasya tasya me 'stu
Let my love be for the feet of that Supreme One, who, looking at the front of the arrayed armies, removed by the knowledge of the Self the wrong thinking of him who had turned away from slaying his own kinsmen in the belief that it was a sin.
AI translation rendered from the Sanskrit, not a published edition
SB 1 9.37
स्वनिगमम् अपहाय मत्प्रतिज्ञाम् ऋतम् अधिकर्तुम् अवप्लुतो रथस्थः धृतरथचरणो ऽभ्ययाच् चलद्गुर् हरिरिव हन्तुम् इभं गतोत्तरीयः
svanigamam apahāya matpratijñām ṛtam adhikartum avapluto rathasthaḥ dhṛtarathacaraṇo 'bhyayāc caladgur haririva hantum ibhaṃ gatottarīyaḥ
Abandoning his own declaration (not to take up a weapon) in order to make my vow come true, he leaped down from where he stood on the chariot, seized a chariot wheel, and rushed at (me), the earth shaking (under him), his upper garment fallen away, like a lion (rushing) to kill an elephant.
AI translation rendered from the Sanskrit, not a published edition
SB 1 9.38
शितविशिखहतो विशीर्णदंशः क्षतजपरिप्लुत आततायिनो मे प्रसभम् अभिससार मद्वधार्थं स भवतु मे भगवान् गतिर्मुकुन्दः
śitaviśikhahato viśīrṇadaṃśaḥ kṣatajaparipluta ātatāyino me prasabham abhisasāra madvadhārthaṃ sa bhavatu me bhagavān gatirmukundaḥ
Struck by my sharp arrows, his armour shattered, drenched in blood — he who violently advanced upon me, the aggressor, to kill me: may that Lord Mukunda be my refuge.
AI translation rendered from the Sanskrit, not a published edition
SB 1 9.39
विजयरथकुटुम्ब आत्ततोत्रे धृतहयरश्मिनि तच्छ्रियेक्षणीये भगवति रतिरस्तु मे मुमूर्षोर् यम् इह निरीक्ष्य हता गताः स्वरूपम्
vijayarathakuṭumba āttatotre dhṛtahayaraśmini tacchriyekṣaṇīye bhagavati ratirastu me mumūrṣor yam iha nirīkṣya hatā gatāḥ svarūpam
Let my love, as I am about to die, be for the Lord who was the mainstay of Arjuna's chariot, who had taken up the whip and held the horses' reins, beautiful to behold in that splendour — seeing whom here, those slain attained his own nature.
AI translation rendered from the Sanskrit, not a published edition
SB 1 9.40
ललितगतिविलासवल्गुहास प्रणयनिरीक्षणकल्पितोरुमानाः कृतमनुकृतवत्य उन्मदान्धाः प्रकृतिम् अगन् किल यस्य गोपवध्वः
lalitagativilāsavalguhāsa praṇayanirīkṣaṇakalpitorumānāḥ kṛtamanukṛtavatya unmadāndhāḥ prakṛtim agan kila yasya gopavadhvaḥ
He whose charming gait and play and lovely smile and whose glances of affection prompted (in them) great esteem — the cowherd women, imitating what he did, blinded with rapture, attained, they say, his very nature.
AI translation rendered from the Sanskrit, not a published edition — the model flagged this verse as uncertain
SB 1 9.41
मुनिगणनृपवर्यसङ्कुले ऽन्तः सदसि युधिष्ठिरराजसूय एषाम् अर्हणम् उपपेद ईक्षणीयो मम दृशिगोचर एष आविरात्मा
munigaṇanṛpavaryasaṅkule 'ntaḥ sadasi yudhiṣṭhirarājasūya eṣām arhaṇam upapeda īkṣaṇīyo mama dṛśigocara eṣa āvirātmā
In the assembly at Yudhiṣṭhira's Rājasūya, crowded with hosts of sages and the foremost of kings, he received the worship of these (assembled ones) — worthy to be looked upon, this manifest Self is now within range of my sight.
AI translation rendered from the Sanskrit, not a published edition
SB 1 9.42
तम् इमम् अहम् अजं शरीरभाजां हृदि हृदि धिष्ठितम् आत्मकल्पितानाम् प्रतिदृशम् इव नैकधार्कम् एकं समधिगतो ऽस्मि विधूतभेदमोहः
tam imam aham ajaṃ śarīrabhājāṃ hṛdi hṛdi dhiṣṭhitam ātmakalpitānām pratidṛśam iva naikadhārkam ekaṃ samadhigato 'smi vidhūtabhedamohaḥ
This unborn one, seated in the heart, in each heart, of the embodied beings who are fashioned by him — one, yet (appearing) manifold, like the sun to each eye — him I have now fully reached, my delusion of difference shaken off.
AI translation rendered from the Sanskrit, not a published edition
SB 1 9.43
सूत उवाच कृष्ण एवं भगवति मनोवाग्दृष्टिवृत्तिभिः आत्मन्यात्मानम् आवेश्य सो ऽन्तःश्वास उपारमत्
sūta uvāca kṛṣṇa evaṃ bhagavati manovāgdṛṣṭivṛttibhiḥ ātmanyātmānam āveśya so 'ntaḥśvāsa upāramat
Sūta said: Thus, having entered his self into the Self in Kṛṣṇa the Lord with the functions of mind, speech and sight, he ceased, his breath drawn within.
AI translation rendered from the Sanskrit, not a published edition
SB 1 9.44
सम्पद्यमानम् आज्ञाय भीष्मं ब्रह्मणि निष्कले सर्वे बभूवुस्ते तूष्णीं वयांसीव दिनात्यये
sampadyamānam ājñāya bhīṣmaṃ brahmaṇi niṣkale sarve babhūvuste tūṣṇīṃ vayāṃsīva dinātyaye
Knowing that Bhīṣma was merging into the partless Brahman, all of them fell silent, like birds at the close of day.
AI translation rendered from the Sanskrit, not a published edition
SB 1 9.45
तत्र दुन्दुभयो नेदुर्देवमानववादिताः शशंसुः साधवो राज्ञां खात् पेतुः पुष्पवृष्टयः
tatra dundubhayo nedurdevamānavavāditāḥ śaśaṃsuḥ sādhavo rājñāṃ khāt petuḥ puṣpavṛṣṭayaḥ
There kettledrums sounded, beaten by gods and men; the good among the kings gave praise, and showers of flowers fell from the sky.
AI translation rendered from the Sanskrit, not a published edition
SB 1 9.46
तस्य निर्हरणादीनि सम्परेतस्य भार्गव युधिष्ठिरः कारयित्वा मुहूर्तं दुःखितो ऽभवत्
tasya nirharaṇādīni samparetasya bhārgava yudhiṣṭhiraḥ kārayitvā muhūrtaṃ duḥkhito 'bhavat
O descendant of Bhṛgu, having had the funeral rites and the rest performed for him who had departed, Yudhiṣṭhira was for a moment grief-stricken.
AI translation rendered from the Sanskrit, not a published edition
SB 1 9.47
तुष्टुवुर्मुनयो हृष्टाः कृष्णं तद्गुह्यनामभिः ततस्ते कृष्णहृदयाः स्वाश्रमान् प्रययुः पुनः
tuṣṭuvurmunayo hṛṣṭāḥ kṛṣṇaṃ tadguhyanāmabhiḥ tataste kṛṣṇahṛdayāḥ svāśramān prayayuḥ punaḥ
The sages, delighted, praised Kṛṣṇa with his secret names; then, with Kṛṣṇa in their hearts, they went back again to their own hermitages.
AI translation rendered from the Sanskrit, not a published edition
SB 1 9.48
ततो युधिष्ठिरो गत्वा सहकृष्णो गजाह्वयम् पितरं सान्त्वयाम् आस गान्धारीं च तपस्विनीम्
tato yudhiṣṭhiro gatvā sahakṛṣṇo gajāhvayam pitaraṃ sāntvayām āsa gāndhārīṃ ca tapasvinīm
Then Yudhiṣṭhira, together with Kṛṣṇa, went to Hastināpura and consoled his uncle (Dhṛtarāṣṭra) and the ascetic Gāndhārī.
AI translation rendered from the Sanskrit, not a published edition
SB 1 9.49
पित्रा चानुमतो राजा वासुदेवानुमोदितः चकार राज्यं धर्मेण पितृपैतामहं विभुः
pitrā cānumato rājā vāsudevānumoditaḥ cakāra rājyaṃ dharmeṇa pitṛpaitāmahaṃ vibhuḥ
Permitted by his father and approved by Vāsudeva, the mighty king ruled righteously the kingdom of his fathers and grandfathers.
AI translation rendered from the Sanskrit, not a published edition