Bhagavata Purana — Skandha 1 — Chapter 7
SB 1 7.1
शौनक उवाच निर्गते नारदे सूत भगवान् बादरायणः श्रुतवांस्तदभिप्रेतं ततः किम् अकरोद्विभुः
śaunaka uvāca nirgate nārade sūta bhagavān bādarāyaṇaḥ śrutavāṃstadabhipretaṃ tataḥ kim akarodvibhuḥ
Śaunaka said: O Sūta, when Nārada had gone, what did the mighty lord Bādarāyaṇa, having heard what he intended, do thereafter?
AI translation rendered from the Sanskrit, not a published edition
SB 1 7.2
सूत उवाच ब्रह्मनद्यां सरस्वत्याम् आश्रमः पश्चिमे तटे शम्याप्रास इति प्रोक्त ऋषीणां सत्रवर्धनः
sūta uvāca brahmanadyāṃ sarasvatyām āśramaḥ paścime taṭe śamyāprāsa iti prokta ṛṣīṇāṃ satravardhanaḥ
Sūta said: On the western bank of the Sarasvatī, the river of brahman, there is a hermitage called Śamyāprāsa, which furthers the sacrificial sessions of the sages.
AI translation rendered from the Sanskrit, not a published edition
SB 1 7.3
तस्मिन् स्व आश्रमे व्यासो बदरीषण्डमण्डिते आसीनो ऽप उपस्पृश्य प्रणिदध्यौ मनः स्वयम्
tasmin sva āśrame vyāso badarīṣaṇḍamaṇḍite āsīno 'pa upaspṛśya praṇidadhyau manaḥ svayam
In that hermitage of his own, adorned with a grove of badarī trees, Vyāsa, seated, having touched water, himself fixed his mind (in meditation).
AI translation rendered from the Sanskrit, not a published edition
SB 1 7.4
भक्तियोगेन मनसि सम्यक् प्रणिहिते ऽमले अपश्यत् पुरुषं पूर्णं मायां च तदपाश्रयम्
bhaktiyogena manasi samyak praṇihite 'male apaśyat puruṣaṃ pūrṇaṃ māyāṃ ca tadapāśrayam
With the mind well settled and made spotless by the yoga of devotion, he saw the complete Person, and māyā too, dependent on him.
AI translation rendered from the Sanskrit, not a published edition
SB 1 7.5
यया सम्मोहितो जीव आत्मानं त्रिगुणात्मकम् परो ऽपि मनुते ऽनर्थं तत्कृतं चाभिपद्यते
yayā sammohito jīva ātmānaṃ triguṇātmakam paro 'pi manute 'narthaṃ tatkṛtaṃ cābhipadyate
Deluded by her, the living being, though beyond (the guṇas), thinks the self to be made of the three guṇas, and undergoes the harm caused by that.
AI translation rendered from the Sanskrit, not a published edition
SB 1 7.6
अनर्थोपशमं साक्षाद्भक्तियोगम् अधोक्षजे लोकस्याजानतो विद्वांश्चक्रे सात्वतसंहिताम्
anarthopaśamaṃ sākṣādbhaktiyogam adhokṣaje lokasyājānato vidvāṃścakre sātvatasaṃhitām
Knowing that the world does not know the yoga of devotion to the Transcendent One, which is directly the quelling of that harm, the learned one composed the Sātvata Saṃhitā.
AI translation rendered from the Sanskrit, not a published edition
SB 1 7.7
यस्यां वै श्रूयमाणायां कृष्णे परमपूरुषे भक्तिरुत्पद्यते पुंसः शोकमोहभयापहा
yasyāṃ vai śrūyamāṇāyāṃ kṛṣṇe paramapūruṣe bhaktirutpadyate puṃsaḥ śokamohabhayāpahā
By the hearing of which (compilation), devotion to Kṛṣṇa, the supreme Person, arises in a man—(devotion) that takes away sorrow, delusion and fear.
AI translation rendered from the Sanskrit, not a published edition
SB 1 7.8
स संहितां भागवतीं कृत्वानुक्रम्य चात्मजम् शुकम् अध्यापयाम् आस निवृत्तिनिरतं मुनिः
sa saṃhitāṃ bhāgavatīṃ kṛtvānukramya cātmajam śukam adhyāpayām āsa nivṛttinirataṃ muniḥ
Having made that Bhāgavata compilation and arranged it in order, the sage taught it to his own son Śuka, who was devoted to the path of withdrawal.
AI translation rendered from the Sanskrit, not a published edition
SB 1 7.9
शौनक उवाच स वै निवृत्तिनिरतः सर्वत्रोपेक्षको मुनिः कस्य वा बृहतीम् एताम् आत्मारामः समभ्यसत्
śaunaka uvāca sa vai nivṛttinirataḥ sarvatropekṣako muniḥ kasya vā bṛhatīm etām ātmārāmaḥ samabhyasat
Śaunaka said: He, that sage, being intent on withdrawal and indifferent to everything, delighting in the Self—for whose sake, then, did he study this great (work)?
AI translation rendered from the Sanskrit, not a published edition
SB 1 7.10
सूत उवाच आत्मारामाश्च मुनयो निर्ग्रन्था अप्युरुक्रमे कुर्वन्त्यहैतुकीं भक्तिम् इत्थम्भूतगुणो हरिः
sūta uvāca ātmārāmāśca munayo nirgranthā apyurukrame kurvantyahaitukīṃ bhaktim itthambhūtaguṇo hariḥ
Sūta said: Even sages who delight in the Self and are free of bonds render unmotivated devotion to the one of wide strides (Viṣṇu); such is Hari's quality.
AI translation rendered from the Sanskrit, not a published edition
SB 1 7.11
हरेर्गुणाक्षिप्तमतिर्भगवान् बादरायणिः अध्यगान् महदाख्यानं नित्यं विष्णुजनप्रियः
harerguṇākṣiptamatirbhagavān bādarāyaṇiḥ adhyagān mahadākhyānaṃ nityaṃ viṣṇujanapriyaḥ
His mind captivated by Hari's qualities, the venerable son of Bādarāyaṇa studied that great narrative—he who is ever dear to the devotees of Viṣṇu.
AI translation rendered from the Sanskrit, not a published edition
SB 1 7.12
परीक्षितो ऽथ राजर्षेर्जन्मकर्मविलापनम् संस्थां च पाण्डुपुत्राणां वक्ष्ये कृष्णकथोदयम्
parīkṣito 'tha rājarṣerjanmakarmavilāpanam saṃsthāṃ ca pāṇḍuputrāṇāṃ vakṣye kṛṣṇakathodayam
Now I shall tell of the birth and deeds of the royal sage Parīkṣit, and of the passing away of the sons of Pāṇḍu—(all of it) giving rise to the account of Kṛṣṇa.
AI translation rendered from the Sanskrit, not a published edition
SB 1 7.13
यदा मृधे कौरवसृञ्जयानां वीरेष्वथो वीरगतिं गतेषु वृकोदराविद्धगदाभिमर्श भग्नोरुदण्डे धृतराष्ट्रपुत्रे
yadā mṛdhe kauravasṛñjayānāṃ vīreṣvatho vīragatiṃ gateṣu vṛkodarāviddhagadābhimarśa bhagnorudaṇḍe dhṛtarāṣṭraputre
When, in the battle of the Kurus and the Sṛñjayas, the heroes had gone the hero's way, and the son of Dhṛtarāṣṭra's thigh-bones were broken by the smiting blow of Vṛkodara's hurled mace—
AI translation rendered from the Sanskrit, not a published edition
SB 1 7.14
भर्तुः प्रियं द्रौणिरिति स्म पश्यन् कृष्णासुतानां स्वपतां शिरांसि उपाहरद्विप्रियम् एव तस्य जुगुप्सितं कर्म विगर्हयन्ति
bhartuḥ priyaṃ drauṇiriti sma paśyan kṛṣṇāsutānāṃ svapatāṃ śirāṃsi upāharadvipriyam eva tasya jugupsitaṃ karma vigarhayanti
Drauṇi, thinking it would please his master, brought him the heads of Kṛṣṇā's sons as they slept—but that was only displeasing to him; (people) censure that loathsome deed.
AI translation rendered from the Sanskrit, not a published edition
SB 1 7.15
माता शिशूनां निधनं सुतानां निशम्य घोरं परितप्यमाना तदारुदद्वाष्पकलाकुलाक्षी तां सान्त्वयन्न् आह किरीटमाली
mātā śiśūnāṃ nidhanaṃ sutānāṃ niśamya ghoraṃ paritapyamānā tadārudadvāṣpakalākulākṣī tāṃ sāntvayann āha kirīṭamālī
Hearing of the terrible slaying of her sons, who were children, the mother, burning with grief, then wept, her eyes filled with a flood of tears; the wearer of the diadem, consoling her, spoke.
AI translation rendered from the Sanskrit, not a published edition
SB 1 7.16
तदा शुचस्ते प्रमृजामि भद्रे यद्ब्रह्मबन्धोः शिर आततायिनः गाण्डीवमुक्तैर्विशिखैरुपाहरे त्वाक्रम्य यत् स्नास्यसि दग्धपुत्रा
tadā śucaste pramṛjāmi bhadre yadbrahmabandhoḥ śira ātatāyinaḥ gāṇḍīvamuktairviśikhairupāhare tvākramya yat snāsyasi dagdhaputrā
"Then, good lady, shall I wipe away your tears, when I bring you the head of that aggressor, the disgrace to brahmins, (severed) by arrows shot from the Gāṇḍīva—treading on which you, whose sons were burned, shall bathe."
AI translation rendered from the Sanskrit, not a published edition
SB 1 7.17
इति प्रियां वल्गुविचित्रजल्पैः स सान्त्वयित्वाच्युतमित्रसूतः अन्वाद्रवद्दंशित उग्रधन्वा कपिध्वजो गुरुपुत्रं रथेन
iti priyāṃ valguvicitrajalpaiḥ sa sāntvayitvācyutamitrasūtaḥ anvādravaddaṃśita ugradhanvā kapidhvajo guruputraṃ rathena
Having thus consoled his beloved with sweet and varied words, he—armoured, with his fierce bow, having the monkey banner, with Acyuta as his charioteer and friend—pursued the teacher's son in his chariot.
AI translation rendered from the Sanskrit, not a published edition
SB 1 7.18
तम् आपतन्तं स विलक्ष्य दूरात् कुमारहोद्विग्नमना रथेन पराद्रवत् प्राणपरीप्सुरुर्व्यां यावद्गमं रुद्रभयाद्यथा कः
tam āpatantaṃ sa vilakṣya dūrāt kumārahodvignamanā rathena parādravat prāṇaparīpsururvyāṃ yāvadgamaṃ rudrabhayādyathā kaḥ
Seeing him rushing on from afar, that killer of the boys, his mind agitated, fled away in his chariot to save his life, as far as he could go on earth, like Ka (Brahmā) from fear of Rudra.
AI translation rendered from the Sanskrit, not a published edition
SB 1 7.19
यदाशरणम् आत्मानम् ऐक्षत श्रान्तवाजिनम् अस्त्रं ब्रह्मशिरो मेने आत्मत्राणं द्विजात्मजः
yadāśaraṇam ātmānam aikṣata śrāntavājinam astraṃ brahmaśiro mene ātmatrāṇaṃ dvijātmajaḥ
When he saw himself without refuge and his horses exhausted, the twice-born's son thought the brahmaśiras weapon to be his protection.
AI translation rendered from the Sanskrit, not a published edition
SB 1 7.20
अथोपस्पृश्य सलिलं सन्दधे तत् समाहितः अजानन्न् अपि संहारं प्राणकृच्छ्र उपस्थिते
athopaspṛśya salilaṃ sandadhe tat samāhitaḥ ajānann api saṃhāraṃ prāṇakṛcchra upasthite
Then, having touched water, with concentrated mind he fitted that (weapon), although he did not know its withdrawal, since danger to his life had come upon him.
AI translation rendered from the Sanskrit, not a published edition
SB 1 7.21
ततः प्रादुष्कृतं तेजः प्रचण्डं सर्वतो दिशम् प्राणापदम् अभिप्रेक्ष्य विष्णुं जिष्णुरुवाच ह
tataḥ prāduṣkṛtaṃ tejaḥ pracaṇḍaṃ sarvato diśam prāṇāpadam abhiprekṣya viṣṇuṃ jiṣṇuruvāca ha
Then a fierce blaze was made manifest in every direction; seeing the peril to his life, Jiṣṇu (Arjuna) spoke to Viṣṇu.
AI translation rendered from the Sanskrit, not a published edition
SB 1 7.22
अर्जुन उवाच कृष्ण कृष्ण महाबाहो भक्तानाम् अभयङ्कर त्वम् एको दह्यमानानाम् अपवर्गो ऽसि संसृतेः
arjuna uvāca kṛṣṇa kṛṣṇa mahābāho bhaktānām abhayaṅkara tvam eko dahyamānānām apavargo 'si saṃsṛteḥ
Arjuna said: Kṛṣṇa, Kṛṣṇa, mighty-armed one, maker of fearlessness for the devotees—you alone are the release from transmigration for those who are being burned.
AI translation rendered from the Sanskrit, not a published edition
SB 1 7.23
त्वम् आद्यः पुरुषः साक्षादीश्वरः प्रकृतेः परः मायां व्युदस्य चिच्छक्त्या कैवल्ये स्थित आत्मनि
tvam ādyaḥ puruṣaḥ sākṣādīśvaraḥ prakṛteḥ paraḥ māyāṃ vyudasya cicchaktyā kaivalye sthita ātmani
You are the primal Person, directly the Lord, beyond material nature; having cast off māyā, you stand by your power of consciousness in the Self, in absoluteness.
AI translation rendered from the Sanskrit, not a published edition
SB 1 7.24
स एव जीवलोकस्य मायामोहितचेतसः विधत्से स्वेन वीर्येण श्रेयो धर्मादिलक्षणम्
sa eva jīvalokasya māyāmohitacetasaḥ vidhatse svena vīryeṇa śreyo dharmādilakṣaṇam
It is you yourself who, by your own potency, ordain for the world of living beings, whose minds are deluded by māyā, the good that is characterized by dharma and the rest.
AI translation rendered from the Sanskrit, not a published edition
SB 1 7.25
तथायं चावतारस्ते भुवो भारजिहीर्षया स्वानां चानन्यभावानाम् अनुध्यानाय चासकृत्
tathāyaṃ cāvatāraste bhuvo bhārajihīrṣayā svānāṃ cānanyabhāvānām anudhyānāya cāsakṛt
So too this descent of yours (has come about) from the wish to remove the burden of the earth, and repeatedly for the constant meditation of your own people, who have no other devotion.
AI translation rendered from the Sanskrit, not a published edition
SB 1 7.26
किम् इदं स्वित् कुतो वेति देवदेव न वेद्म्यहम् सर्वतो मुखम् आयाति तेजः परमदारुणम्
kim idaṃ svit kuto veti devadeva na vedmyaham sarvato mukham āyāti tejaḥ paramadāruṇam
What can this be, or from where? God of gods, I do not know: from every side a most terrible blaze comes on, facing (us).
AI translation rendered from the Sanskrit, not a published edition
SB 1 7.27
श्रीभगवान् उवाच वेत्थेदं द्रोणपुत्रस्य ब्राह्मम् अस्त्रं प्रदर्शितम् नैवासौ वेद संहारं प्राणबाध उपस्थिते
śrībhagavān uvāca vetthedaṃ droṇaputrasya brāhmam astraṃ pradarśitam naivāsau veda saṃhāraṃ prāṇabādha upasthite
The Blessed Lord said: Know this to be the brahma weapon displayed by Droṇa's son. He himself does not know how to withdraw it, faced (now) with danger to his life.
AI translation rendered from the Sanskrit, not a published edition
SB 1 7.28
न ह्यस्यान्यतमं किञ्चिदस्त्रं प्रत्यवकर्शनम् जह्यस्त्रतेज उन्नद्धम् अस्त्रज्ञो ह्यस्त्रतेजसा
na hyasyānyatamaṃ kiñcidastraṃ pratyavakarśanam jahyastrateja unnaddham astrajño hyastratejasā
For there is no other weapon at all that can counteract this one; you, knowing weapons, destroy the surging force of this weapon by the force of (your own) weapon.
AI translation rendered from the Sanskrit, not a published edition
SB 1 7.29
सूत उवाच श्रुत्वा भगवता प्रोक्तं फाल्गुनः परवीरहा स्पृष्ट्वापस्तं परिक्रम्य ब्राह्मं ब्राह्मास्त्रं सन्दधे
sūta uvāca śrutvā bhagavatā proktaṃ phālgunaḥ paravīrahā spṛṣṭvāpastaṃ parikramya brāhmaṃ brāhmāstraṃ sandadhe
Sūta said: Having heard what was spoken by the Lord, Phālguna, slayer of enemy heroes, touched water, circumambulated the Lord, and fitted the brahma weapon (to his bow).
AI translation rendered from the Sanskrit, not a published edition
SB 1 7.30
संहत्यान्योन्यम् उभयोस्तेजसी शरसंवृते आवृत्य रोदसी खं च ववृधाते ऽर्कवह्निवत्
saṃhatyānyonyam ubhayostejasī śarasaṃvṛte āvṛtya rodasī khaṃ ca vavṛdhāte 'rkavahnivat
Colliding with one another, the two energies of both, wrapped in arrows, covered earth and heaven and the sky, and swelled like the sun and like fire.
AI translation rendered from the Sanskrit, not a published edition
SB 1 7.31
दृष्ट्वास्त्रतेजस्तु तयोस्त्रील् लोकान् प्रदहन् महत् दह्यमानाः प्रजाः सर्वाः सांवर्तकम् अमंसत
dṛṣṭvāstratejastu tayostrīl lokān pradahan mahat dahyamānāḥ prajāḥ sarvāḥ sāṃvartakam amaṃsata
But seeing that great energy of the two weapons burning up the three worlds, all the people, being scorched, thought it was the fire of universal dissolution.
AI translation rendered from the Sanskrit, not a published edition
SB 1 7.32
प्रजोपद्रवम् आलक्ष्य लोकव्यतिकरं च तम् मतं च वासुदेवस्य सञ्जहारार्जुनो द्वयम्
prajopadravam ālakṣya lokavyatikaraṃ ca tam mataṃ ca vāsudevasya sañjahārārjuno dvayam
Observing the affliction of the people and that upheaval of the worlds, and (knowing) the mind of Vāsudeva, Arjuna withdrew both (weapons).
AI translation rendered from the Sanskrit, not a published edition
SB 1 7.33
तत आसाद्य तरसा दारुणं गौतमीसुतम् बबन्धामर्षताम्राक्षः पशुं रशनया यथा
tata āsādya tarasā dāruṇaṃ gautamīsutam babandhāmarṣatāmrākṣaḥ paśuṃ raśanayā yathā
Then, swiftly approaching the terrible son of Gautamī, his eyes red with wrath, he bound him as one binds an animal with a rope.
AI translation rendered from the Sanskrit, not a published edition
SB 1 7.34
शिबिराय निनीषन्तं रज्ज्वा बद्ध्वा रिपुं बलात् प्राहार्जुनं प्रकुपितो भगवान् अम्बुजेक्षणः
śibirāya ninīṣantaṃ rajjvā baddhvā ripuṃ balāt prāhārjunaṃ prakupito bhagavān ambujekṣaṇaḥ
To (Arjuna), who having bound the enemy with a rope by force wished to lead him to the camp, the lotus-eyed Lord, greatly angered, spoke:
AI translation rendered from the Sanskrit, not a published edition
SB 1 7.35
मैनं पार्थार्हसि त्रातुं ब्रह्मबन्धुम् इमं जहि यो ऽसावनागसः सुप्तान् अवधीन् निशि बालकान्
mainaṃ pārthārhasi trātuṃ brahmabandhum imaṃ jahi yo 'sāvanāgasaḥ suptān avadhīn niśi bālakān
"Do not, son of Pṛthā, seek to spare him; kill this disgrace to brāhmaṇas, who slew innocent sleeping boys at night."
AI translation rendered from the Sanskrit, not a published edition
SB 1 7.36
मत्तं प्रमत्तम् उन्मत्तं सुप्तं बालं स्त्रियं जडम् प्रपन्नं विरथं भीतं न रिपुं हन्ति धर्मवित्
mattaṃ pramattam unmattaṃ suptaṃ bālaṃ striyaṃ jaḍam prapannaṃ virathaṃ bhītaṃ na ripuṃ hanti dharmavit
One who knows dharma does not kill an enemy who is drunk, off guard, mad, asleep, a child, a woman, dull-witted, one who has surrendered, one without a chariot, or one who is afraid.
AI translation rendered from the Sanskrit, not a published edition
SB 1 7.37
स्वप्राणान् यः परप्राणैः प्रपुष्णात्यघृणः खलः तद्वधस्तस्य हि श्रेयो यद्दोषाद्यात्यधः पुमान्
svaprāṇān yaḥ paraprāṇaiḥ prapuṣṇātyaghṛṇaḥ khalaḥ tadvadhastasya hi śreyo yaddoṣādyātyadhaḥ pumān
But he who, pitiless and wicked, fattens his own life with the lives of others—for him killing is indeed a benefit, since by that fault a man goes downward.
AI translation rendered from the Sanskrit, not a published edition
SB 1 7.38
प्रतिश्रुतं च भवता पाञ्चाल्यै शृण्वतो मम आहरिष्ये शिरस्तस्य यस्ते मानिनि पुत्रहा
pratiśrutaṃ ca bhavatā pāñcālyai śṛṇvato mama āhariṣye śirastasya yaste mānini putrahā
And it was promised by you to the Pāñcāla princess, while I listened: "O proud lady, I shall bring you the head of the one who killed your sons."
AI translation rendered from the Sanskrit, not a published edition
SB 1 7.39
तदसौ वध्यतां पाप आतताय्यात्मबन्धुहा भर्तुश्च विप्रियं वीर कृतवान् कुलपांसनः
tadasau vadhyatāṃ pāpa ātatāyyātmabandhuhā bhartuśca vipriyaṃ vīra kṛtavān kulapāṃsanaḥ
Therefore let this sinner be killed—an aggressor, a killer of one's own kinsmen; and, O hero, he has done what is displeasing to his master, this defiler of the family.
AI translation rendered from the Sanskrit, not a published edition
SB 1 7.40
सूत उवाच एवं परीक्षता धर्मं पार्थः कृष्णेन चोदितः नैच्छद्धन्तुं गुरुसुतं यद्यप्यात्महनं महान्
sūta uvāca evaṃ parīkṣatā dharmaṃ pārthaḥ kṛṣṇena coditaḥ naicchaddhantuṃ gurusutaṃ yadyapyātmahanaṃ mahān
Sūta said: Though urged in this way by Kṛṣṇa, who was testing his sense of dharma, the great son of Pṛthā did not wish to kill the teacher's son, even though he had killed his own (sons).
AI translation rendered from the Sanskrit, not a published edition
SB 1 7.41
अथोपेत्य स्वशिबिरं गोविन्दप्रियसारथिः न्यवेदयत् तं प्रियायै शोचन्त्या आत्मजान् हतान्
athopetya svaśibiraṃ govindapriyasārathiḥ nyavedayat taṃ priyāyai śocantyā ātmajān hatān
Then, coming to his own camp with Govinda his dear charioteer, he presented him to his beloved, who was grieving over her slain sons.
AI translation rendered from the Sanskrit, not a published edition
SB 1 7.42
तथाहृतं पशुवत् पाशबद्धम् अवाङ्मुखं कर्मजुगुप्सितेन निरीक्ष्य कृष्णापकृतं गुरोः सुतं वामस्वभावा कृपया ननाम च
tathāhṛtaṃ paśuvat pāśabaddham avāṅmukhaṃ karmajugupsitena nirīkṣya kṛṣṇāpakṛtaṃ guroḥ sutaṃ vāmasvabhāvā kṛpayā nanāma ca
Seeing the teacher's son brought in thus like an animal, bound with ropes, his face downcast, brought low by his abominable deed—Kṛṣṇā, gentle by nature, out of compassion bowed to him.
AI translation rendered from the Sanskrit, not a published edition
SB 1 7.43
उवाच चासहन्त्यस्य बन्धनानयनं सती मुच्यतां मुच्यताम् एष ब्राह्मणो नितरां गुरुः
uvāca cāsahantyasya bandhanānayanaṃ satī mucyatāṃ mucyatām eṣa brāhmaṇo nitarāṃ guruḥ
And the chaste lady, not able to bear his being bound and brought in, said: "Let him be released, released! He is a brāhmaṇa, indeed a teacher.
AI translation rendered from the Sanskrit, not a published edition
SB 1 7.44
सरहस्यो धनुर्वेदः सविसर्गोपसंयमः अस्त्रग्रामश्च भवता शिक्षितो यदनुग्रहात्
sarahasyo dhanurvedaḥ savisargopasaṃyamaḥ astragrāmaśca bhavatā śikṣito yadanugrahāt
The science of archery with its secrets, together with the discharging and withdrawing (of weapons), and the whole array of weapons—these were learned by you by whose grace.
AI translation rendered from the Sanskrit, not a published edition
SB 1 7.45
स एष भगवान् द्रोणः प्रजारूपेण वर्तते तस्यात्मनो ऽर्धं पत्न्यास्ते नान्वगाद्वीरसूः कृपी
sa eṣa bhagavān droṇaḥ prajārūpeṇa vartate tasyātmano 'rdhaṃ patnyāste nānvagādvīrasūḥ kṛpī
That same venerable Droṇa continues to exist in the form of his son; half of his own self, his wife, remains—Kṛpī, mother of a hero, did not follow him (in death).
AI translation rendered from the Sanskrit, not a published edition
SB 1 7.46
तद्धर्मज्ञ महाभाग भवद्भिर्गौरवं कुलम् वृजिनं नार्हति प्राप्तुं पूज्यं वन्द्यम् अभीक्ष्णशः
taddharmajña mahābhāga bhavadbhirgauravaṃ kulam vṛjinaṃ nārhati prāptuṃ pūjyaṃ vandyam abhīkṣṇaśaḥ
Therefore, O knower of dharma, O greatly fortunate one, the family of Gaurava does not deserve to incur suffering from you—a family always to be honoured and saluted.
AI translation rendered from the Sanskrit, not a published edition
SB 1 7.47
मा रोदीदस्य जननी गौतमी पतिदेवता यथाहं मृतवत्सार्ता रोदिम्यश्रुमुखी मुहुः
mā rodīdasya jananī gautamī patidevatā yathāhaṃ mṛtavatsārtā rodimyaśrumukhī muhuḥ
Let his mother, the Gautamī (wife of Drona), who takes her husband as her god, not weep as I weep, again and again, my face wet with tears, stricken with a dead son.
AI translation rendered from the Sanskrit, not a published edition
SB 1 7.48
यैः कोपितं ब्रह्मकुलं राजन्यैरजितात्मभिः तत् कुलं प्रदहत्याशु सानुबन्धं शुचार्पितम्
yaiḥ kopitaṃ brahmakulaṃ rājanyairajitātmabhiḥ tat kulaṃ pradahatyāśu sānubandhaṃ śucārpitam
That royal family by whose unsubdued-souled kings the community of brāhmaṇas has been angered — that family, delivered over to grief, it (the brahmanical wrath) swiftly burns down together with its dependents.
AI translation rendered from the Sanskrit, not a published edition
SB 1 7.49
सूत उवाच धर्म्यं न्याय्यं सकरुणं निर्व्यलीकं समं महत् राजा धर्मसुतो राज्ञ्याःप्रत्यनन्दद्वचो द्विजाः
sūta uvāca dharmyaṃ nyāyyaṃ sakaruṇaṃ nirvyalīkaṃ samaṃ mahat rājā dharmasuto rājñyāḥpratyanandadvaco dvijāḥ
Sūta said: The king, the son of Dharma, welcomed the queen's words, O brāhmaṇas — words righteous, just, compassionate, free of duplicity, impartial and lofty.
AI translation rendered from the Sanskrit, not a published edition
SB 1 7.50
नकुलः सहदेवश्च युयुधानो धनञ्जयः भगवान् देवकीपुत्रो ये चान्ये याश्च योषितः
nakulaḥ sahadevaśca yuyudhāno dhanañjayaḥ bhagavān devakīputro ye cānye yāśca yoṣitaḥ
And Nakula and Sahadeva, and Yuyudhāna (Sātyaki), and Dhanañjaya, and the Lord, the son of Devakī, and the others, and the women (approved them too).
AI translation rendered from the Sanskrit, not a published edition
SB 1 7.51
तत्राहामर्षितो भीमस्तस्य श्रेयान् वधः स्मृतः न भर्तुर्नात्मनश्चार्थे यो ऽहन् सुप्तान् शिशून् वृथा
tatrāhāmarṣito bhīmastasya śreyān vadhaḥ smṛtaḥ na bharturnātmanaścārthe yo 'han suptān śiśūn vṛthā
Thereupon Bhīma, unable to bear it, (said): "Killing him is held to be better, since he slew sleeping children to no purpose, neither for his master's sake nor for his own."
AI translation rendered from the Sanskrit, not a published edition
SB 1 7.52
निशम्य भीमगदितं द्रौपद्याश्च चतुर्भुजः आलोक्य वदनं सख्युरिदम् आह हसन्न् इव
niśamya bhīmagaditaṃ draupadyāśca caturbhujaḥ ālokya vadanaṃ sakhyuridam āha hasann iva
Having heard what Bhīma said and what Draupadī said, the four-armed one, looking at his friend's face, spoke this as if laughing.
AI translation rendered from the Sanskrit, not a published edition
SB 1 7.53
श्रीभगवान् उवाच ब्रह्मबन्धुर्न हन्तव्य आततायी वधार्हणः मयैवोभयम् आम्नातं परिपाह्यनुशासनम्
śrībhagavān uvāca brahmabandhurna hantavya ātatāyī vadhārhaṇaḥ mayaivobhayam āmnātaṃ paripāhyanuśāsanam
The blessed Lord said: A kinsman of brāhmaṇas is not to be killed; but an aggressor deserves death. Both have been declared by me alone (in scripture); uphold the injunction fully.
AI translation rendered from the Sanskrit, not a published edition
SB 1 7.54
कुरु प्रतिश्रुतं सत्यं यत् तत् सान्त्वयता प्रियाम् प्रियं च भीमसेनस्य पाञ्चाल्या मह्यम् एव च
kuru pratiśrutaṃ satyaṃ yat tat sāntvayatā priyām priyaṃ ca bhīmasenasya pāñcālyā mahyam eva ca
Make true what you promised, so that by that you console your beloved — and (do) what is dear to Bhīmasena, to the Pāñcāla princess, and to me as well.
AI translation rendered from the Sanskrit, not a published edition
SB 1 7.55
सूत उवाच अर्जुनः सहसाज्ञाय हरेर्हार्दम् अथासिना मणिं जहार मूर्धन्यं द्विजस्य सहमूर्धजम्
sūta uvāca arjunaḥ sahasājñāya harerhārdam athāsinā maṇiṃ jahāra mūrdhanyaṃ dvijasya sahamūrdhajam
Sūta said: Arjuna, at once understanding the intent of Hari's heart, then with his sword took off the gem on the brāhmaṇa's head along with his hair.
AI translation rendered from the Sanskrit, not a published edition
SB 1 7.56
विमुच्य रशनाबद्धं बालहत्याहतप्रभम् तेजसा मणिना हीनं शिबिरान् निरयापयत्
vimucya raśanābaddhaṃ bālahatyāhataprabham tejasā maṇinā hīnaṃ śibirān nirayāpayat
Releasing him, who had been bound with a cord and whose lustre was destroyed by the slaying of the children, and who was now deprived of his splendour and his gem, he had him driven out of the camp.
AI translation rendered from the Sanskrit, not a published edition
SB 1 7.57
वपनं द्रविणादानं स्थानान् निर्यापणं तथा एष हि ब्रह्मबन्धूनां वधो नान्यो ऽस्ति दैहिकः
vapanaṃ draviṇādānaṃ sthānān niryāpaṇaṃ tathā eṣa hi brahmabandhūnāṃ vadho nānyo 'sti daihikaḥ
Shaving (of the head), taking away of wealth, and expulsion from one's place — this indeed is the killing of kinsmen of brāhmaṇas; there is no other bodily (death) for them.
AI translation rendered from the Sanskrit, not a published edition
SB 1 7.58
पुत्रशोकातुराः सर्वे पाण्डवाः सह कृष्णया स्वानां मृतानां यत् कृत्यं चक्रुर्निर्हरणादिकम्
putraśokāturāḥ sarve pāṇḍavāḥ saha kṛṣṇayā svānāṃ mṛtānāṃ yat kṛtyaṃ cakrurnirharaṇādikam
All the Pāṇḍavas, together with Kṛṣṇā (Draupadī), afflicted with grief for their sons, performed for their own dead what was to be done — the carrying out (of the bodies) and the rest.
AI translation rendered from the Sanskrit, not a published edition