Bhagavata Purana — Skandha 1 — Chapter 13
SB 1 13.1
सूत उवाच विदुरस्तीर्थयात्रायां मैत्रेयादात्मनो गतिम् ज्ञात्वागाद्धास्तिनपुरं तयावाप्तविवित्सितः
sūta uvāca vidurastīrthayātrāyāṃ maitreyādātmano gatim jñātvāgāddhāstinapuraṃ tayāvāptavivitsitaḥ
Sūta said: Vidura, on his pilgrimage to holy places, having learned from Maitreya the destiny of the self, went to Hāstinapura, having obtained by that (teaching) what he wished to know.
AI translation rendered from the Sanskrit, not a published edition
SB 1 13.2
यावतः कृतवान् प्रश्नान् क्षत्ता कौषारवाग्रतः जातैकभक्तिर्गोविन्दे तेभ्यश्चोपरराम ह
yāvataḥ kṛtavān praśnān kṣattā kauṣāravāgrataḥ jātaikabhaktirgovinde tebhyaścopararāma ha
Whatever questions the Kṣattā (Vidura) put before the son of Kuṣārava (Maitreya), having developed exclusive devotion to Govinda, he ceased from them.
AI translation rendered from the Sanskrit, not a published edition
SB 1 13.3
तं बन्धुम् आगतं दृष्ट्वा धर्मपुत्रः सहानुजः धृतराष्ट्रो युयुत्सुश्च सूतः शारद्वतः पृथा
taṃ bandhum āgataṃ dṛṣṭvā dharmaputraḥ sahānujaḥ dhṛtarāṣṭro yuyutsuśca sūtaḥ śāradvataḥ pṛthā
Seeing him, their kinsman, arrived — the son of Dharma with his younger brothers, Dhṛtarāṣṭra and Yuyutsu, the Sūta (Sañjaya), the son of Śaradvat (Kṛpa), Pṛthā,
AI translation rendered from the Sanskrit, not a published edition
SB 1 13.4
गान्धारी द्रौपदी ब्रह्मन् सुभद्रा चोत्तरा कृपी अन्याश्च जामयः पाण्डोर्ज्ञातयः ससुताः स्त्रियः
gāndhārī draupadī brahman subhadrā cottarā kṛpī anyāśca jāmayaḥ pāṇḍorjñātayaḥ sasutāḥ striyaḥ
Gāndhārī, Draupadī, O brahmin, and Subhadrā, Uttarā, Kṛpī, and the other sisters-in-law, the kinswomen of Pāṇḍu, the women with their sons —
AI translation rendered from the Sanskrit, not a published edition
SB 1 13.5
प्रत्युज्जग्मुः प्रहर्षेण प्राणं तन्व इवागतम् अभिसङ्गम्य विधिवत् परिष्वङ्गाभिवादनैः
pratyujjagmuḥ praharṣeṇa prāṇaṃ tanva ivāgatam abhisaṅgamya vidhivat pariṣvaṅgābhivādanaiḥ
they went forth to meet him with great joy, as bodies (would meet) the life-breath returned, and having come together properly with embraces and salutations,
AI translation rendered from the Sanskrit, not a published edition
SB 1 13.6
मुमुचुः प्रेमबाष्पौघं विरहौत्कण्ठ्यकातराः राजा तम् अर्हयां चक्रे कृतासनपरिग्रहम्
mumucuḥ premabāṣpaughaṃ virahautkaṇṭhyakātarāḥ rājā tam arhayāṃ cakre kṛtāsanaparigraham
they released a flood of tears of love, being distressed by the longing of separation. The king honoured him when he had accepted a seat.
AI translation rendered from the Sanskrit, not a published edition
SB 1 13.7
तं भुक्तवन्तं विश्रान्तम् आसीनं सुखम् आसने प्रश्रयावनतो राजा प्राह तेषां च शृण्वताम्
taṃ bhuktavantaṃ viśrāntam āsīnaṃ sukham āsane praśrayāvanato rājā prāha teṣāṃ ca śṛṇvatām
When he had eaten and rested and was sitting comfortably on his seat, the king, bowed down in deference, spoke to him while they listened.
AI translation rendered from the Sanskrit, not a published edition
SB 1 13.8
युधिष्ठिर उवाच अपि स्मरथ नो युष्मत्पक्षच्छायासमेधितान् विपद्गणाद्विषाग्न्यादेर्मोचिता यत् समातृकाः
yudhiṣṭhira uvāca api smaratha no yuṣmatpakṣacchāyāsamedhitān vipadgaṇādviṣāgnyādermocitā yat samātṛkāḥ
Yudhiṣṭhira said: Do you remember us, who were nourished in the shade of your wing, since together with our mother we were freed from a host of calamities — poison, fire and the rest?
AI translation rendered from the Sanskrit, not a published edition
SB 1 13.9
कया वृत्त्या वर्तितं वश्चरद्भिः क्षितिमण्डलम् तीर्थानि क्षेत्रमुख्यानि सेवितानीह भूतले
kayā vṛttyā vartitaṃ vaścaradbhiḥ kṣitimaṇḍalam tīrthāni kṣetramukhyāni sevitānīha bhūtale
By what livelihood did you support yourself while wandering over the circle of the earth? What holy places and chief sacred fields were visited by you here on the earth's surface?
AI translation rendered from the Sanskrit, not a published edition
SB 1 13.10
भवद्विधा भागवतास्तीर्थभूताः स्वयं विभो तीर्थीकुर्वन्ति तीर्थानि स्वान्तःस्थेन गदाभृता
bhavadvidhā bhāgavatāstīrthabhūtāḥ svayaṃ vibho tīrthīkurvanti tīrthāni svāntaḥsthena gadābhṛtā
Devotees such as you, O mighty one, being themselves holy places, make the holy places holy, by the wielder of the mace who dwells within them.
AI translation rendered from the Sanskrit, not a published edition
SB 1 13.11
अपि नः सुहृदस्तात बान्धवाः कृष्णदेवताः दृष्टाः श्रुता वा यदवः स्वपुर्यां सुखम् आसते
api naḥ suhṛdastāta bāndhavāḥ kṛṣṇadevatāḥ dṛṣṭāḥ śrutā vā yadavaḥ svapuryāṃ sukham āsate
Dear one, our friends and kinsmen, the Yādavas, who have Kṛṣṇa as their deity — seen or heard of (by you) — are they living happily in their own city?
AI translation rendered from the Sanskrit, not a published edition
SB 1 13.12
इत्युक्तो धर्मराजेन सर्वं तत् समवर्णयत् यथानुभूतं क्रमशो विना यदुकुलक्षयम्
ityukto dharmarājena sarvaṃ tat samavarṇayat yathānubhūtaṃ kramaśo vinā yadukulakṣayam
Thus addressed by the king of dharma, he described all of it, as he had experienced it, in order, except for the destruction of the Yadu clan.
AI translation rendered from the Sanskrit, not a published edition
SB 1 13.13
नन्वप्रियं दुर्विषहं नृणां स्वयम् उपस्थितम् नावेदयत् सकरुणो दुःखितान् द्रष्टुम् अक्षमः
nanvapriyaṃ durviṣahaṃ nṛṇāṃ svayam upasthitam nāvedayat sakaruṇo duḥkhitān draṣṭum akṣamaḥ
Indeed, he did not report the unwelcome, unbearable thing that had come upon men of itself, being compassionate and unable to see them grieved.
AI translation rendered from the Sanskrit, not a published edition
SB 1 13.14
कञ्चित् कालम् अथावात्सीत् सत्कृतो देववत् सुखम् भ्रातुर्ज्येष्ठस्य श्रेयस्कृत् सर्वेषां सुखम् आवहन्
kañcit kālam athāvātsīt satkṛto devavat sukham bhrāturjyeṣṭhasya śreyaskṛt sarveṣāṃ sukham āvahan
Then he dwelt there some time, honoured like a god, comfortably, doing good to his elder brother and bringing happiness to all.
AI translation rendered from the Sanskrit, not a published edition
SB 1 13.15
अबिभ्रदर्यमा दण्डं यथावदघकारिषु यावद्दधार शूद्रत्वं शापाद्वर्षशतं यमः
abibhradaryamā daṇḍaṃ yathāvadaghakāriṣu yāvaddadhāra śūdratvaṃ śāpādvarṣaśataṃ yamaḥ
Aryamā wielded the rod (of punishment) duly upon evildoers for as long as Yama bore Śūdra-hood for a hundred years because of a curse.
AI translation rendered from the Sanskrit, not a published edition
SB 1 13.16
युधिष्ठिरो लब्धराज्यो दृष्ट्वा पौत्रं कुलन्धरम् भ्रातृभिर्लोकपालाभैर्मुमुदे परया श्रिया
yudhiṣṭhiro labdharājyo dṛṣṭvā pautraṃ kulandharam bhrātṛbhirlokapālābhairmumude parayā śriyā
Yudhiṣṭhira, having regained the kingdom and seeing the grandson who would sustain the family line, rejoiced in supreme splendour together with his brothers, who were like the guardians of the worlds.
AI translation rendered from the Sanskrit, not a published edition
SB 1 13.17
एवं गृहेषु सक्तानां प्रमत्तानां तदीहया अत्यक्रामदविज्ञातः कालः परमदुस्तरः
evaṃ gṛheṣu saktānāṃ pramattānāṃ tadīhayā atyakrāmadavijñātaḥ kālaḥ paramadustaraḥ
Thus, for those attached to household life and heedless through concern with it, time, most hard to overcome, passed by unnoticed.
AI translation rendered from the Sanskrit, not a published edition
SB 1 13.18
विदुरस्तदभिप्रेत्य धृतराष्ट्रम् अभाषत राजन् निर्गम्यतां शीघ्रं पश्येदं भयम् आगतम्
vidurastadabhipretya dhṛtarāṣṭram abhāṣata rājan nirgamyatāṃ śīghraṃ paśyedaṃ bhayam āgatam
Vidura, understanding this, spoke to Dhṛtarāṣṭra: "King, go out quickly; look at this fear that has come."
AI translation rendered from the Sanskrit, not a published edition
SB 1 13.19
प्रतिक्रिया न यस्येह कुतश्चित् कर्हिचित् प्रभो स एष भगवान् कालः सर्वेषां नः समागतः
pratikriyā na yasyeha kutaścit karhicit prabho sa eṣa bhagavān kālaḥ sarveṣāṃ naḥ samāgataḥ
"That for which there is no remedy here from anywhere at any time, O lord — this very one, the venerable Time, has come upon us all."
AI translation rendered from the Sanskrit, not a published edition
SB 1 13.20
येन चैवाभिपन्नो ऽयं प्राणैः प्रियतमैरपि जनः सद्यो वियुज्येत किम् उतान्यैर्धनादिभिः
yena caivābhipanno 'yaṃ prāṇaiḥ priyatamairapi janaḥ sadyo viyujyeta kim utānyairdhanādibhiḥ
"And a person overtaken by it would at once be parted even from his most beloved life-breaths — how much more from other things, wealth and the rest."
AI translation rendered from the Sanskrit, not a published edition
SB 1 13.21
पितृभ्रातृसुहृत्पुत्रा हतास्ते विगतं वयम् आत्मा च जरया ग्रस्तः परगेहम् उपाससे
pitṛbhrātṛsuhṛtputrā hatāste vigataṃ vayam ātmā ca jarayā grastaḥ parageham upāsase
"Your fathers, brothers, well-wishers and sons have been killed, your years are gone, your own body is seized by old age — and (still) you wait upon another's house."
AI translation rendered from the Sanskrit, not a published edition
SB 1 13.22
अन्धः पुरैव वधिरो मन्दप्रज्ञाश्च साम्प्रतम् विशीर्णदन्तो मन्दाग्निः सरागः कफम् उद्वहन्
andhaḥ puraiva vadhiro mandaprajñāśca sāmpratam viśīrṇadanto mandāgniḥ sarāgaḥ kapham udvahan
"You were blind from before, and now deaf too, and dull of understanding; your teeth are broken, your digestive fire weak, you cough up phlegm with a rattle."
AI translation rendered from the Sanskrit, not a published edition
SB 1 13.23
अहो महीयसी जन्तोर्जीविताशा यथा भवान् भीमापवर्जितं पिण्डम् आदत्ते गृहपालवत्
aho mahīyasī jantorjīvitāśā yathā bhavān bhīmāpavarjitaṃ piṇḍam ādatte gṛhapālavat
"Ah, how great is a creature's craving for life, since your honour takes the morsel cast away by Bhīma, like a house-dog."
AI translation rendered from the Sanskrit, not a published edition
SB 1 13.24
अग्निर्निसृष्टो दत्तश्च गरो दाराश्च दूषिताः हृतं क्षेत्रं धनं येषां तद्दत्तैरसुभिः कियत्
agnirnisṛṣṭo dattaśca garo dārāśca dūṣitāḥ hṛtaṃ kṣetraṃ dhanaṃ yeṣāṃ taddattairasubhiḥ kiyat
"Of what worth is life given by those by whom fire was set (to your house), poison was given, your wives were defiled, and land and wealth were seized?"
AI translation rendered from the Sanskrit, not a published edition
SB 1 13.25
तस्यापि तव देहो ऽयं कृपणस्य जिजीविषोः परैत्यनिच्छतो जीर्णो जरया वाससी इव
tasyāpi tava deho 'yaṃ kṛpaṇasya jijīviṣoḥ paraityanicchato jīrṇo jarayā vāsasī iva
"And even that body of yours, wretched and desiring to live, is departing though you do not wish it, worn out by old age like a garment."
AI translation rendered from the Sanskrit, not a published edition
SB 1 13.26
गतस्वार्थम् इमं देहं विरक्तो मुक्तबन्धनः अविज्ञातगतिर्जह्यात् स वै धीर उदाहृतः
gatasvārtham imaṃ dehaṃ virakto muktabandhanaḥ avijñātagatirjahyāt sa vai dhīra udāhṛtaḥ
"Detached and freed from bonds, one should abandon this body whose own purpose is spent, his going unknown (to others): he indeed is called steadfast."
AI translation rendered from the Sanskrit, not a published edition
SB 1 13.27
यः स्वकात् परतो वेह जातनिर्वेद आत्मवान् हृदि कृत्वा हरिं गेहात् प्रव्रजेत् स नरोत्तमः
yaḥ svakāt parato veha jātanirveda ātmavān hṛdi kṛtvā hariṃ gehāt pravrajet sa narottamaḥ
"He who, by his own insight or through another, has here come to feel disgust (for the world), self-possessed, having placed Hari in his heart, would go forth from home — he is the best of men."
AI translation rendered from the Sanskrit, not a published edition
SB 1 13.28
अथोदीचीं दिशं यातु स्वैरज्ञातगतिर्भवान् इतो ऽर्वाक् प्रायशः कालः पुंसां गुणविकर्षणः
athodīcīṃ diśaṃ yātu svairajñātagatirbhavān ito 'rvāk prāyaśaḥ kālaḥ puṃsāṃ guṇavikarṣaṇaḥ
"So let your honour go to the northern quarter, of your own accord, your going unknown; for after this time is mostly one that draws down the good qualities of men."
AI translation rendered from the Sanskrit, not a published edition
SB 1 13.29
एवं राजा विदुरेणानुजेन प्रज्ञाचक्षुर्बोधित आजमीढः छित्त्वा स्वेषु स्नेहपाशान् द्रढिम्नो निश्चक्राम भ्रातृसन्दर्शिताध्वा
evaṃ rājā vidureṇānujena prajñācakṣurbodhita ājamīḍhaḥ chittvā sveṣu snehapāśān draḍhimno niścakrāma bhrātṛsandarśitādhvā
Thus the king of Ajamīḍha's line, whose eye was wisdom, awakened by his younger brother Vidura, cut the firm cords of affection for his own people and went out, the path shown him by his brother.
AI translation rendered from the Sanskrit, not a published edition
SB 1 13.30
पतिं प्रयान्तं सुबलस्य पुत्री पतिव्रता चानुजगाम साध्वी हिमालयं न्यस्तदण्डप्रहर्षं मनस्विनाम् इव सत् सम्प्रहारः
patiṃ prayāntaṃ subalasya putrī pativratā cānujagāma sādhvī himālayaṃ nyastadaṇḍapraharṣaṃ manasvinām iva sat samprahāraḥ
And the daughter of Subala, devoted to her husband, virtuous, followed her husband as he set out for the Himālaya — as a fitting battle (follows) the delight of high-minded men who have laid down the rod of punishment.
AI translation rendered from the Sanskrit, not a published edition — the model flagged this verse as uncertain
SB 1 13.31
अजातशत्रुः कृतमैत्रो हुताग्निर् विप्रान् नत्वा तिलगोभूमिरुक्मैः गृहं प्रविष्टो गुरुवन्दनाय न चापश्यत् पितरौ सौबलीं च
ajātaśatruḥ kṛtamaitro hutāgnir viprān natvā tilagobhūmirukmaiḥ gṛhaṃ praviṣṭo guruvandanāya na cāpaśyat pitarau saubalīṃ ca
Yudhiṣṭhira, whose enemy is unborn, having performed the daily rites and offered into the fire, having bowed to the brahmins with sesame, cows, land and gold, entered the house to salute his elders — and he did not see his (uncle and aunt) parents nor Subala's daughter.
AI translation rendered from the Sanskrit, not a published edition
SB 1 13.32
तत्र सञ्जयम् आसीनं पप्रच्छोद्विग्नमानसः गावल्गणे क्व नस्तातो वृद्धो हीनश्च नेत्रयोः
tatra sañjayam āsīnaṃ papracchodvignamānasaḥ gāvalgaṇe kva nastāto vṛddho hīnaśca netrayoḥ
With an agitated mind he asked Sañjaya, who was sitting there: "Gāvalgaṇi, where is our father, aged and deprived of both eyes?"
AI translation rendered from the Sanskrit, not a published edition
SB 1 13.33
अम्बा च हतपुत्रार्ता पितृव्यः क्व गतः सुहृत् अपि मय्यकृतप्रज्ञे हतबन्धुः स भार्यया आशंसमानः शमलं गङ्गायां दुःखितो ऽपतत्
ambā ca hataputrārtā pitṛvyaḥ kva gataḥ suhṛt api mayyakṛtaprajñe hatabandhuḥ sa bhāryayā āśaṃsamānaḥ śamalaṃ gaṅgāyāṃ duḥkhito 'patat
"And where has mother gone, grieved by the killing of her sons, and my uncle, our friend? Did he, his kinsmen slain, fearing some evil from me, whose understanding is unformed, in his sorrow fall with his wife into the Ganges?"
AI translation rendered from the Sanskrit, not a published edition — the model flagged this verse as uncertain
SB 1 13.34
पितर्युपरते पाण्डौ सर्वान् नः सुहृदः शिशून् अरक्षतां व्यसनतः पितृव्यौ क्व गतावितः
pitaryuparate pāṇḍau sarvān naḥ suhṛdaḥ śiśūn arakṣatāṃ vyasanataḥ pitṛvyau kva gatāvitaḥ
"When our father Pāṇḍu had passed away, the two uncles protected all of us, his friends, while we were children, from calamity — where have they gone from here?"
AI translation rendered from the Sanskrit, not a published edition
SB 1 13.35
सूत उवाच कृपया स्नेहवैक्लव्यात् सूतो विरहकर्शितः आत्मेश्वरम् अचक्षाणो न प्रत्याहातिपीडितः
sūta uvāca kṛpayā snehavaiklavyāt sūto virahakarśitaḥ ātmeśvaram acakṣāṇo na pratyāhātipīḍitaḥ
Sūta said: The charioteer (Sañjaya), emaciated by separation, out of pity and the distress of affection, not seeing the lord of his self, being sorely afflicted, did not reply.
AI translation rendered from the Sanskrit, not a published edition
SB 1 13.36
विमृज्याश्रूणि पाणिभ्यां विष्टभ्यात्मानम् आत्मना अजातशत्रुं प्रत्यूचे प्रभोः पादावनुस्मरन्
vimṛjyāśrūṇi pāṇibhyāṃ viṣṭabhyātmānam ātmanā ajātaśatruṃ pratyūce prabhoḥ pādāvanusmaran
Wiping away his tears with his hands, steadying himself by himself, he replied to Ajātaśatru (Yudhiṣṭhira), remembering the feet of his master.
AI translation rendered from the Sanskrit, not a published edition
SB 1 13.37
सञ्जय उवाच नाहं वेद व्यवसितं पित्रोर्वः कुलनन्दन गान्धार्या वा महाबाहो मुषितो ऽस्मि महात्मभिः
sañjaya uvāca nāhaṃ veda vyavasitaṃ pitrorvaḥ kulanandana gāndhāryā vā mahābāho muṣito 'smi mahātmabhiḥ
Sañjaya said: I do not know the resolve of your father and (mother), O delight of the family, nor of Gāndhārī, O mighty-armed one; I have been robbed by those great souls.
AI translation rendered from the Sanskrit, not a published edition
SB 1 13.38
अथाजगाम भगवान् नारदः सहतुम्बुरुः प्रत्युत्थायाभिवाद्याह सानुजो ऽभ्यर्चयन् मुनिम्
athājagāma bhagavān nāradaḥ sahatumburuḥ pratyutthāyābhivādyāha sānujo 'bhyarcayan munim
Then the lord Nārada arrived together with Tumburu. Rising up and saluting him, (Yudhiṣṭhira) along with his younger brothers spoke, honouring the sage.
AI translation rendered from the Sanskrit, not a published edition
SB 1 13.39
युधिष्ठिर उवाच नाहं वेद गतिं पित्रोर्भगवन् क्व गतावितः अम्बा वा हतपुत्रार्ता क्व गता च तपस्विनी
yudhiṣṭhira uvāca nāhaṃ veda gatiṃ pitrorbhagavan kva gatāvitaḥ ambā vā hataputrārtā kva gatā ca tapasvinī
Yudhiṣṭhira said: I do not know the whereabouts of my parents, O lord — where have the two gone from here? And where has mother gone, the ascetic woman, pained by the killing of her sons?
AI translation rendered from the Sanskrit, not a published edition
SB 1 13.40
कर्णधार इवापारे भगवान् पारदर्शकः अथाबभाषे भगवान् नारदो मुनिसत्तमः
karṇadhāra ivāpāre bhagavān pāradarśakaḥ athābabhāṣe bhagavān nārado munisattamaḥ
(Addressed thus,) the lord Nārada, best of sages, who shows the far shore like a helmsman on the shoreless (sea), then spoke.
AI translation rendered from the Sanskrit, not a published edition
SB 1 13.41
नारद उवाच मा कञ्चन शुचो राजन् यदीश्वरवशं जगत् लोकाः सपाला यस्येमे वहन्ति बलिम् ईशितुः स संयुनक्ति भूतानि स एव वियुनक्ति च
nārada uvāca mā kañcana śuco rājan yadīśvaravaśaṃ jagat lokāḥ sapālā yasyeme vahanti balim īśituḥ sa saṃyunakti bhūtāni sa eva viyunakti ca
Nārada said: Do not grieve for anyone, O king, since the world is under the control of the Lord. These worlds together with their guardians bear tribute to the ruler. He joins beings together, and he alone separates them.
AI translation rendered from the Sanskrit, not a published edition
SB 1 13.42
यथा गावो नसि प्रोतास्तन्त्यां बद्धाश्च दामभिः वाक्तन्त्यां नामभिर्बद्धा वहन्ति बलिम् ईशितुः
yathā gāvo nasi protāstantyāṃ baddhāśca dāmabhiḥ vāktantyāṃ nāmabhirbaddhā vahanti balim īśituḥ
Just as cattle, pierced in the nose and bound with ropes to a cord, so (men), bound by names to the cord of speech, bear tribute to the ruler.
AI translation rendered from the Sanskrit, not a published edition
SB 1 13.43
यथा क्रीडोपस्कराणां संयोगविगमाविह इच्छया क्रीडितुः स्यातां तथैवेशेच्छया नृणाम्
yathā krīḍopaskarāṇāṃ saṃyogavigamāviha icchayā krīḍituḥ syātāṃ tathaiveśecchayā nṛṇām
As the joining and parting of playthings here happen by the will of the one who plays, just so do (the joining and parting) of men by the Lord's will.
AI translation rendered from the Sanskrit, not a published edition
SB 1 13.44
यन् मन्यसे ध्रुवं लोकम् अध्रुवं वा न चोभयम् सर्वथा न हि शोच्यास्ते स्नेहादन्यत्र मोहजात्
yan manyase dhruvaṃ lokam adhruvaṃ vā na cobhayam sarvathā na hi śocyāste snehādanyatra mohajāt
Whether you consider the living being eternal, or non-eternal, or neither, in no case are they to be grieved for — except out of affection born of delusion.
AI translation rendered from the Sanskrit, not a published edition
SB 1 13.45
तस्माज् जह्यङ्ग वैक्लव्यम् अज्ञानकृतम् आत्मनः कथं त्वनाथाः कृपणा वर्तेरंस्ते च मां विना
tasmāj jahyaṅga vaiklavyam ajñānakṛtam ātmanaḥ kathaṃ tvanāthāḥ kṛpaṇā varteraṃste ca māṃ vinā
Therefore, dear one, give up this dejection of yours, produced by ignorance: (the thought) "How will they, helpless and wretched, get on without me?"
AI translation rendered from the Sanskrit, not a published edition
SB 1 13.46
कालकर्मगुणाधीनो देहो ऽयं पाञ्चभौतिकः कथम् अन्यांस्तु गोपायेत् सर्पग्रस्तो यथा परम्
kālakarmaguṇādhīno deho 'yaṃ pāñcabhautikaḥ katham anyāṃstu gopāyet sarpagrasto yathā param
This body, made of the five elements, is subject to time, action, and the qualities (of nature); how could it protect others — as one seized by a serpent (cannot protect) another?
AI translation rendered from the Sanskrit, not a published edition
SB 1 13.47
अहस्तानि सहस्तानाम् अपदानि चतुष्पदाम् फल्गूनि तत्र महतां जीवो जीवस्य जीवनम्
ahastāni sahastānām apadāni catuṣpadām phalgūni tatra mahatāṃ jīvo jīvasya jīvanam
The handless are food for the handed, the footless for the four-footed; the small are (food) there for the great — one living being is the life of another living being.
AI translation rendered from the Sanskrit, not a published edition
SB 1 13.48
तदिदं भगवान् राजन्न् एक आत्मात्मनां स्वदृक् अन्तरो ऽनन्तरो भाति पश्य तं माययोरुधा
tadidaṃ bhagavān rājann eka ātmātmanāṃ svadṛk antaro 'nantaro bhāti paśya taṃ māyayorudhā
Therefore this (all) is the Lord, O king — the one Self of selves, self-luminous, who shines both within and without (or: as inner and as other); behold him, (appearing) manifoldly through māyā.
AI translation rendered from the Sanskrit, not a published edition — the model flagged this verse as uncertain
SB 1 13.49
सो ऽयम् अद्य महाराज भगवान् भूतभावनः कालरूपो ऽवतीर्णो ऽस्याम् अभावाय सुरद्विषाम्
so 'yam adya mahārāja bhagavān bhūtabhāvanaḥ kālarūpo 'vatīrṇo 'syām abhāvāya suradviṣām
That very Lord, the creator of beings, O great king, has now descended upon this (earth) in the form of Time, for the destruction of the enemies of the gods.
AI translation rendered from the Sanskrit, not a published edition
SB 1 13.50
निष्पादितं देवकृत्यम् अवशेषं प्रतीक्षते तावद्यूयम् अवेक्षध्वं भवेद्यावदिहेश्वरः
niṣpāditaṃ devakṛtyam avaśeṣaṃ pratīkṣate tāvadyūyam avekṣadhvaṃ bhavedyāvadiheśvaraḥ
The work for the gods has been accomplished; he awaits what remains. You too should wait here for as long as the Lord shall be (present).
AI translation rendered from the Sanskrit, not a published edition
SB 1 13.51
धृतराष्ट्रः सह भ्रात्रा गान्धार्या च स्वभार्यया दक्षिणेन हिमवत ऋषीणाम् आश्रमं गतः
dhṛtarāṣṭraḥ saha bhrātrā gāndhāryā ca svabhāryayā dakṣiṇena himavata ṛṣīṇām āśramaṃ gataḥ
Dhṛtarāṣṭra, together with his brother and with Gāndhārī his own wife, has gone to the hermitage of the sages south of the Himālaya.
AI translation rendered from the Sanskrit, not a published edition
SB 1 13.52
स्रोतोभिः सप्तभिर्या वै स्वर्धुनी सप्तधा व्यधात् सप्तानां प्रीतये नाना सप्तस्रोतः प्रचक्षते
srotobhiḥ saptabhiryā vai svardhunī saptadhā vyadhāt saptānāṃ prītaye nānā saptasrotaḥ pracakṣate
(There is the place) where the heavenly river made itself sevenfold with seven streams, for the pleasure of the seven (sages); the various (sages) call it Saptasrotas ('Seven Streams').
AI translation rendered from the Sanskrit, not a published edition
SB 1 13.53
स्नात्वानुसवनं तस्मिन् हुत्वा चाग्नीन् यथाविधि अब्भक्ष उपशान्तात्मा स आस्ते विगतैषणः
snātvānusavanaṃ tasmin hutvā cāgnīn yathāvidhi abbhakṣa upaśāntātmā sa āste vigataiṣaṇaḥ
Having bathed there at each of the (three daily) times, and having offered oblations into the fires according to rule, subsisting on water, with mind stilled, he abides free of desires.
AI translation rendered from the Sanskrit, not a published edition
SB 1 13.54
जितासनो जितश्वासः प्रत्याहृतषडिन्द्रियः हरिभावनया ध्वस्तरजःसत्त्वतमोमलः
jitāsano jitaśvāsaḥ pratyāhṛtaṣaḍindriyaḥ haribhāvanayā dhvastarajaḥsattvatamomalaḥ
With posture mastered, breath mastered, the six senses withdrawn, the impurity of sattva, rajas, and tamas destroyed by meditation on Hari;
AI translation rendered from the Sanskrit, not a published edition
SB 1 13.55
विज्ञानात्मनि संयोज्य क्षेत्रज्ञे प्रविलाप्य तम् ब्रह्मण्यात्मानम् आधारे घटाम्बरम् इवाम्बरे
vijñānātmani saṃyojya kṣetrajñe pravilāpya tam brahmaṇyātmānam ādhāre ghaṭāmbaram ivāmbare
joining (the self) in the cognitive self, dissolving that in the knower of the field, and (dissolving) the self in Brahman, the substratum — as the space in a pot into (open) space.
AI translation rendered from the Sanskrit, not a published edition
SB 1 13.56
ध्वस्तमायागुणोदर्को निरुद्धकरणाशयः निवर्तिताखिलाहार आस्ते स्थाणुरिवाचलः तस्यान्तरायो मैवाभूः सन्न्यस्ताखिलकर्मणः
dhvastamāyāguṇodarko niruddhakaraṇāśayaḥ nivartitākhilāhāra āste sthāṇurivācalaḥ tasyāntarāyo maivābhūḥ sannyastākhilakarmaṇaḥ
With the consequences of māyā's qualities destroyed, his senses and mind held in check, all food given up, he sits motionless like a tree-stump. Do not become an obstacle to him, who has laid aside all works.
AI translation rendered from the Sanskrit, not a published edition
SB 1 13.57
स वा अद्यतनाद्राजन् परतः पञ्चमे ऽहनि कलेवरं हास्यति स्वं तच् च भस्मीभविष्यति
sa vā adyatanādrājan parataḥ pañcame 'hani kalevaraṃ hāsyati svaṃ tac ca bhasmībhaviṣyati
On the fifth day from today, O king, he will abandon his own body, and that will become ashes.
AI translation rendered from the Sanskrit, not a published edition
SB 1 13.58
दह्यमाने ऽग्निभिर्देहे पत्युः पत्नी सहोटजे बहिः स्थिता पतिं साध्वी तम् अग्निम् अनु वेक्ष्यति
dahyamāne 'gnibhirdehe patyuḥ patnī sahoṭaje bahiḥ sthitā patiṃ sādhvī tam agnim anu vekṣyati
When the husband's body is burning with the fires, together with the hut, his wife, standing outside, the chaste woman, will follow her husband into that fire.
AI translation rendered from the Sanskrit, not a published edition
SB 1 13.59
विदुरस्तु तदाश्चर्यं निशाम्य कुरुनन्दन हर्षशोकयुतस्तस्माद्गन्ता तीर्थनिषेवकः
vidurastu tadāścaryaṃ niśāmya kurunandana harṣaśokayutastasmādgantā tīrthaniṣevakaḥ
But Vidura, O delight of the Kurus, having heard of that marvel, filled with both joy and grief, will depart from there to frequent the holy places.
AI translation rendered from the Sanskrit, not a published edition
SB 1 13.60
इत्युक्त्वाथारुहत् स्वर्गं नारदः सहतुम्बुरुः युधिष्ठिरो वचस्तस्य हृदि कृत्वाजहाच् छुचः
ityuktvāthāruhat svargaṃ nāradaḥ sahatumburuḥ yudhiṣṭhiro vacastasya hṛdi kṛtvājahāc chucaḥ
Having said this, Nārada then ascended to heaven together with Tumburu; and Yudhiṣṭhira, taking his words to heart, gave up his sorrows.
AI translation rendered from the Sanskrit, not a published edition