Bhagavata Purana — Skandha 1 — Chapter 11
SB 1 11.1
सूत उवाच आनर्तान् स उपव्रज्य स्वृद्धाञ् जनपदान् स्वकान् दध्मौ दरवरं तेषां विषादं शमयन्न् इव
sūta uvāca ānartān sa upavrajya svṛddhāñ janapadān svakān dadhmau daravaraṃ teṣāṃ viṣādaṃ śamayann iva
Sūta said: Approaching Ānarta, his own prosperous territories, he blew his excellent conch, as if allaying their sorrow.
AI translation rendered from the Sanskrit, not a published edition
SB 1 11.2
स उच्चकाशे धवलोदरो दरो ऽप्युरुक्रमस्याधरशोणशोणिमा दाध्मायमानः करकञ्जसम्पुटे यथाब्जखण्डे कलहंस उत्स्वनः
sa uccakāśe dhavalodaro daro 'pyurukramasyādharaśoṇaśoṇimā dādhmāyamānaḥ karakañjasampuṭe yathābjakhaṇḍe kalahaṃsa utsvanaḥ
That conch, white-bellied, being blown in the cup of (his) lotus hands, shone forth, reddened by the redness of Urukrama's lip, like a loudly crying kalahaṃsa goose in a cluster of lotuses.
AI translation rendered from the Sanskrit, not a published edition
SB 1 11.3
तम् उपश्रुत्य निनदं जगद्भयभयावहम् प्रत्युद्ययुः प्रजाः सर्वा भर्तृदर्शनलालसाः
tam upaśrutya ninadaṃ jagadbhayabhayāvaham pratyudyayuḥ prajāḥ sarvā bhartṛdarśanalālasāḥ
Hearing that sound, which strikes fear into the fear of the world, all the subjects came out to meet (him), eager to see their master.
AI translation rendered from the Sanskrit, not a published edition
SB 1 11.4
तत्रोपनीतबलयो रवेर्दीपम् इवादृताः आत्मारामं पूर्णकामं निजलाभेन नित्यदा
tatropanītabalayo raverdīpam ivādṛtāḥ ātmārāmaṃ pūrṇakāmaṃ nijalābhena nityadā
There, bringing their offerings, they honoured him — as one offers a lamp to the sun — him who delights in himself, whose desires are ever fulfilled by his own possession.
AI translation rendered from the Sanskrit, not a published edition
SB 1 11.5
प्रीत्युत्फुल्लमुखाः प्रोचुर्हर्षगद्गदया गिरा पितरं सर्वसुहृदम् अवितारम् इवार्भकाः
prītyutphullamukhāḥ procurharṣagadgadayā girā pitaraṃ sarvasuhṛdam avitāram ivārbhakāḥ
With faces blossoming in joy they spoke, in words faltering with delight, to (him their) father, the friend of all, as children to their protector.
AI translation rendered from the Sanskrit, not a published edition
SB 1 11.6
नताः स्म ते नाथ सदाङ्घ्रिपङ्कजं विरिञ्चवैरिञ्च्यसुरेन्द्रवन्दितम् परायणं क्षेमम् इहेच्छतां परं न यत्र कालः प्रभवेत् परः प्रभुः
natāḥ sma te nātha sadāṅghripaṅkajaṃ viriñcavairiñcyasurendravanditam parāyaṇaṃ kṣemam ihecchatāṃ paraṃ na yatra kālaḥ prabhavet paraḥ prabhuḥ
We bow, O Lord, to your lotus feet, ever worshipped by Brahmā, by Brahmā's sons and by the lord of the gods, the highest refuge of those who desire well-being here, where Time, the supreme master, has no power.
AI translation rendered from the Sanskrit, not a published edition
SB 1 11.7
भवाय नस्त्वं भव विश्वभावन त्वम् एव माताथ सुहृत्पतिः पिता त्वं सद्गुरुर्नः परमं च दैवतं यस्यानुवृत्त्या कृतिनो बभूविम
bhavāya nastvaṃ bhava viśvabhāvana tvam eva mātātha suhṛtpatiḥ pitā tvaṃ sadgururnaḥ paramaṃ ca daivataṃ yasyānuvṛttyā kṛtino babhūvima
Be for our welfare, O creator of the universe; you alone are mother, and friend, husband, father; you are our true teacher and highest deity, by following whom we have become successful.
AI translation rendered from the Sanskrit, not a published edition
SB 1 11.8
अहो सनाथा भवता स्म यद्वयं त्रैविष्टपानाम् अपि दूरदर्शनम् प्रेमस्मितस्निग्धनिरीक्षणाननं पश्येम रूपं तव सर्वसौभगम्
aho sanāthā bhavatā sma yadvayaṃ traiviṣṭapānām api dūradarśanam premasmitasnigdhanirīkṣaṇānanaṃ paśyema rūpaṃ tava sarvasaubhagam
Ah, we are indeed protected by you, since we may look upon your all-beautiful form, hard for even the dwellers in heaven to see from afar, its face soft with loving, smiling glances.
AI translation rendered from the Sanskrit, not a published edition
SB 1 11.9
यर्ह्यम्बुजाक्षापससार भो भवान् कुरून् मधून् वाथ सुहृद्दिदृक्षया तत्राब्दकोटिप्रतिमः क्षणो भवेद् रविं विनाक्ष्णोरिव नस्तवाच्युत
yarhyambujākṣāpasasāra bho bhavān kurūn madhūn vātha suhṛddidṛkṣayā tatrābdakoṭipratimaḥ kṣaṇo bhaved raviṃ vinākṣṇoriva nastavācyuta
O lotus-eyed one, whenever you departed for the Kurus or the Madhus out of a wish to see your kinsmen, then a moment became like ten million years for us, as for the eyes without the sun, O Acyuta.
AI translation rendered from the Sanskrit, not a published edition
SB 1 11.10
कथं वयं नाथ चिरोषिते त्वयि प्रसन्नदृष्ट्याखिलतापशोषणम् जीवेम ते सुन्दरहासशोभितम् अपश्यमाना वदनं मनोहरम्
kathaṃ vayaṃ nātha ciroṣite tvayi prasannadṛṣṭyākhilatāpaśoṣaṇam jīvema te sundarahāsaśobhitam apaśyamānā vadanaṃ manoharam
How, O Lord, when you dwell long away, are we to live, not seeing your charming face, adorned with a lovely smile, which with its gracious look dries up all torment?
AI translation rendered from the Sanskrit, not a published edition
SB 1 11.11
इति चोदीरिता वाचः प्रजानां भक्तवत्सलः शृण्वानो ऽनुग्रहं दृष्ट्या वितन्वन् प्राविशत् पुरम्
iti codīritā vācaḥ prajānāṃ bhaktavatsalaḥ śṛṇvāno 'nugrahaṃ dṛṣṭyā vitanvan prāviśat puram
Hearing the words thus uttered by the people, he who is fond of his devotees entered the city, extending his favour with his glance.
AI translation rendered from the Sanskrit, not a published edition
SB 1 11.12
मधुभोजदशार्हार्हकुकुरान्धकवृष्णिभिः आत्मतुल्यबलैर्गुप्तां नागैर्भोगवतीम् इव
madhubhojadaśārhārhakukurāndhakavṛṣṇibhiḥ ātmatulyabalairguptāṃ nāgairbhogavatīm iva
(He entered the city) guarded by the Madhus, Bhojas, Daśārhas, Arhas, Kukuras, Andhakas and Vṛṣṇis, who were equal in strength to himself, as Bhogavatī is (guarded) by the serpents.
AI translation rendered from the Sanskrit, not a published edition
SB 1 11.13
सर्वर्तुसर्वविभवपुण्यवृक्षलताश्रमैः उद्यानोपवनारामैर्वृतपद्माकरश्रियम्
sarvartusarvavibhavapuṇyavṛkṣalatāśramaiḥ udyānopavanārāmairvṛtapadmākaraśriyam
(The city) whose splendour was that of a lotus-pond, encircled by gardens, groves and pleasure-parks with sacred trees, creepers and hermitages (bearing) all the riches of every season.
AI translation rendered from the Sanskrit, not a published edition
SB 1 11.14
गोपुरद्वारमार्गेषु कृतकौतुकतोरणाम् चित्रध्वजपताकाग्रैरन्तः प्रतिहतातपाम्
gopuradvāramārgeṣu kṛtakautukatoraṇām citradhvajapatākāgrairantaḥ pratihatātapām
(The city) with festive arches set up at the gate-towers, doorways and along the roads, and whose interior was shaded from the sun by the tips of many-coloured banners and flags.
AI translation rendered from the Sanskrit, not a published edition
SB 1 11.15
सम्मार्जितमहामार्ग रथ्यापणकचत्वराम् सिक्तां गन्धजलैरुप्तां फलपुष्पाक्षताङ्कुरैः
sammārjitamahāmārga rathyāpaṇakacatvarām siktāṃ gandhajalairuptāṃ phalapuṣpākṣatāṅkuraiḥ
(The city) whose main avenues, lanes, market-places and squares had been swept, sprinkled with scented water, and strewn with fruits, flowers, unbroken rice-grains and sprouts.
AI translation rendered from the Sanskrit, not a published edition
SB 1 11.16
द्वारि द्वारि गृहाणां च दध्यक्षतफलेक्षुभिः अलङ्कृतां पूर्णकुम्भैर्बलिभिर्धूपदीपकैः
dvāri dvāri gṛhāṇāṃ ca dadhyakṣataphalekṣubhiḥ alaṅkṛtāṃ pūrṇakumbhairbalibhirdhūpadīpakaiḥ
And (the city) adorned at every door of every house with curds, unhusked rice, fruit and sugarcane, with full water-pots, offerings, incense and lamps.
AI translation rendered from the Sanskrit, not a published edition
SB 1 11.17
निशम्य प्रेष्ठम् आयान्तं वसुदेवो महामनाः अक्रूरश्चोग्रसेनश्च रामश्चाद्भुतविक्रमः
niśamya preṣṭham āyāntaṃ vasudevo mahāmanāḥ akrūraścograsenaśca rāmaścādbhutavikramaḥ
Hearing that the dearest one was coming, the great-minded Vasudeva, and Akrūra and Ugrasena, and Rāma of wondrous valour,
AI translation rendered from the Sanskrit, not a published edition
SB 1 11.18
प्रद्युम्नश्चारुदेष्णश्च साम्बो जाम्बवतीसुतः प्रहर्षवेगोच्छशितशयनासनभोजनाः
pradyumnaścārudeṣṇaśca sāmbo jāmbavatīsutaḥ praharṣavegocchaśitaśayanāsanabhojanāḥ
and Pradyumna and Cārudeṣṇa, and Sāmba the son of Jāmbavatī — they, in the rush of their great joy, gave up sleeping, sitting and eating,
AI translation rendered from the Sanskrit, not a published edition
SB 1 11.19
वारणेन्द्रं पुरस्कृत्य ब्राह्मणैः ससुमङ्गलैः शङ्खतूर्यनिनादेन ब्रह्मघोषेण चादृताः प्रत्युज्जग्मू रथैर्हृष्टाः प्रणयागतसाध्वसाः
vāraṇendraṃ puraskṛtya brāhmaṇaiḥ sasumaṅgalaiḥ śaṅkhatūryaninādena brahmaghoṣeṇa cādṛtāḥ pratyujjagmū rathairhṛṣṭāḥ praṇayāgatasādhvasāḥ
Putting the lordly elephant in front, along with brāhmaṇas bearing auspicious things, honoured by the sound of conches and trumpets and by the chanting of the Veda, they went forth to meet (him) on chariots, delighted, their awe arising out of love.
AI translation rendered from the Sanskrit, not a published edition
SB 1 11.20
वारमुख्याश्च शतशो यानैस्तद्दर्शनोत्सुकाः लसत्कुण्डलनिर्भातकपोलवदनश्रियः
vāramukhyāśca śataśo yānaistaddarśanotsukāḥ lasatkuṇḍalanirbhātakapolavadanaśriyaḥ
And courtesans by the hundreds (came) in their vehicles, eager for the sight of him, the beauty of their faces and cheeks lit up by their glittering earrings.
AI translation rendered from the Sanskrit, not a published edition
SB 1 11.21
नटनर्तकगन्धर्वाः सूतमागधवन्दिनः गायन्ति चोत्तमश्लोकचरितान्यद्भुतानि च
naṭanartakagandharvāḥ sūtamāgadhavandinaḥ gāyanti cottamaślokacaritānyadbhutāni ca
Actors, dancers and Gandharvas, bards, chroniclers and panegyrists sing the wonderful deeds of him who is praised in the finest verses.
AI translation rendered from the Sanskrit, not a published edition
SB 1 11.22
भगवांस्तत्र बन्धूनां पौराणाम् अनुवर्तिनाम् यथाविध्युपसङ्गम्य सर्वेषां मानम् आदधे
bhagavāṃstatra bandhūnāṃ paurāṇām anuvartinām yathāvidhyupasaṅgamya sarveṣāṃ mānam ādadhe
There the Lord, approaching each of the kinsmen, the citizens and the attendants as was fitting, bestowed honour on them all.
AI translation rendered from the Sanskrit, not a published edition
SB 1 11.23
प्रह्वाभिवादनाश्लेषकरस्पर्शस्मितेक्षणैः आश्वास्य चाश्वपाकेभ्यो वरैश्चाभिमतैर्विभुः
prahvābhivādanāśleṣakarasparśasmitekṣaṇaiḥ āśvāsya cāśvapākebhyo varaiścābhimatairvibhuḥ
And the almighty one, having comforted them by bowing, by greetings, by embraces, by the touch of his hand, by smiles and by glances — and, down to the dog-cookers, by granting the boons they desired —
AI translation rendered from the Sanskrit, not a published edition
SB 1 11.24
स्वयं च गुरुभिर्विप्रैः सदारैः स्थविरैरपि आशीर्भिर्युज्यमानो ऽन्यैर्वन्दिभिश्चाविशत् पुरम्
svayaṃ ca gurubhirvipraiḥ sadāraiḥ sthavirairapi āśīrbhiryujyamāno 'nyairvandibhiścāviśat puram
and himself being furnished with blessings by the elders, by the brāhmaṇas with their wives, by the aged, and by others, and by the panegyrists, he entered the city.
AI translation rendered from the Sanskrit, not a published edition
SB 1 11.25
राजमार्गं गते कृष्णे द्वारकायाः कुलस्त्रियः हर्म्याण्यारुरुहुर्विप्र तदीक्षणमहोत्सवाः
rājamārgaṃ gate kṛṣṇe dvārakāyāḥ kulastriyaḥ harmyāṇyāruruhurvipra tadīkṣaṇamahotsavāḥ
When Kṛṣṇa had reached the royal road, O brāhmaṇa, the women of good families of Dvārakā climbed up onto the mansions, for whom the sight of him was a great festival.
AI translation rendered from the Sanskrit, not a published edition
SB 1 11.26
नित्यं निरीक्षमाणानां यदपि द्वारकौकसाम् न वितृप्यन्ति हि दृशः श्रियो धामाङ्गम् अच्युतम्
nityaṃ nirīkṣamāṇānāṃ yadapi dvārakaukasām na vitṛpyanti hi dṛśaḥ śriyo dhāmāṅgam acyutam
Although the residents of Dvārakā were looking upon him constantly, their eyes were never sated with the imperishable body (of him who is) the abode of beauty.
AI translation rendered from the Sanskrit, not a published edition
SB 1 11.27
श्रियो निवासो यस्योरः पानपात्रं मुखं दृशाम् बाहवो लोकपालानां सारङ्गाणां पदाम्बुजम्
śriyo nivāso yasyoraḥ pānapātraṃ mukhaṃ dṛśām bāhavo lokapālānāṃ sāraṅgāṇāṃ padāmbujam
He whose chest is the dwelling of Śrī, whose face is the drinking-cup of the eyes, whose arms are (the support) of the guardians of the worlds, and whose lotus feet are (the resort) of the bees (i.e. those who seek honey).
AI translation rendered from the Sanskrit, not a published edition
SB 1 11.28
सितातपत्रव्यजनैरुपस्कृतः प्रसूनवर्षैरभिवर्षितः पथि पिशङ्गवासा वनमालया बभौ घनो यथार्कोडुपचापवैद्युतैः
sitātapatravyajanairupaskṛtaḥ prasūnavarṣairabhivarṣitaḥ pathi piśaṅgavāsā vanamālayā babhau ghano yathārkoḍupacāpavaidyutaiḥ
Attended with white parasols and fans, showered with rains of flowers along the road, clad in yellow garments and with a garland of forest flowers, he shone like a cloud with the sun, the moon, the rainbow and lightning.
AI translation rendered from the Sanskrit, not a published edition
SB 1 11.29
प्रविष्टस्तु गृहं पित्रोः परिष्वक्तः स्वमातृभिः ववन्दे शिरसा सप्त देवकीप्रमुखा मुदा
praviṣṭastu gṛhaṃ pitroḥ pariṣvaktaḥ svamātṛbhiḥ vavande śirasā sapta devakīpramukhā mudā
But when he had entered the house of his parents, he was embraced by his own mothers; joyfully he bowed his head to the seven, chief among them Devakī.
AI translation rendered from the Sanskrit, not a published edition
SB 1 11.30
ताः पुत्रम् अङ्कम् आरोप्य स्नेहस्नुतपयोधराः हर्षविह्वलितात्मानः सिषिचुर्नेत्रजैर्जलैः
tāḥ putram aṅkam āropya snehasnutapayodharāḥ harṣavihvalitātmānaḥ siṣicurnetrajairjalaiḥ
They, taking their son upon their laps, their breasts flowing with affection, their selves overcome with joy, drenched (him) with the water born of their eyes.
AI translation rendered from the Sanskrit, not a published edition
SB 1 11.31
अथाविशत् स्वभवनं सर्वकामम् अनुत्तमम् प्रासादा यत्र पत्नीनां सहस्राणि च षोडश
athāviśat svabhavanaṃ sarvakāmam anuttamam prāsādā yatra patnīnāṃ sahasrāṇi ca ṣoḍaśa
Then he entered his own residence, unsurpassed and having everything one could wish, where there were also the sixteen thousand palaces of his wives.
AI translation rendered from the Sanskrit, not a published edition
SB 1 11.32
पत्न्यः पतिं प्रोष्य गृहानुपागतं विलोक्य सञ्जातमनोमहोत्सवाः उत्तस्थुरारात् सहसासनाशयात् साकं व्रतैर्व्रीडितलोचनाननाः
patnyaḥ patiṃ proṣya gṛhānupāgataṃ vilokya sañjātamanomahotsavāḥ uttasthurārāt sahasāsanāśayāt sākaṃ vratairvrīḍitalocanānanāḥ
The wives, seeing their husband come home after his absence, with a great festival arising in their minds, rose up at once from their seats and from their meditations, together with their vows, their eyes and faces bashful.
AI translation rendered from the Sanskrit, not a published edition
SB 1 11.33
तम् आत्मजैर्दृष्टिभिरन्तरात्मना दुरन्तभावाः परिरेभिरे पतिम् निरुद्धम् अप्यास्रवदम्बु नेत्रयोर् विलज्जतीनां भृगुवर्य वैक्लवात्
tam ātmajairdṛṣṭibhirantarātmanā durantabhāvāḥ parirebhire patim niruddham apyāsravadambu netrayor vilajjatīnāṃ bhṛguvarya vaiklavāt
With their sons, with their glances, and with their inmost hearts they embraced that husband — they whose love was unfathomable; and though held back, water flowed from the eyes of those bashful women, O best of the Bhṛgus, out of their agitation.
AI translation rendered from the Sanskrit, not a published edition
SB 1 11.34
यद्यप्यसौ पार्श्वगतो रहोगतस् तथापि तस्याङ्घ्रियुगं नवं नवम् पदे पदे का विरमेत तत्पदाच् चलापि यच् छ्रीर्न जहाति कर्हिचित्
yadyapyasau pārśvagato rahogatas tathāpi tasyāṅghriyugaṃ navaṃ navam pade pade kā virameta tatpadāc calāpi yac chrīrna jahāti karhicit
Even though he was at their side, even though he was alone with them, still his pair of feet was ever new to them, step by step; what woman could turn away from those feet, since Śrī, though fickle, never leaves them?
AI translation rendered from the Sanskrit, not a published edition
SB 1 11.35
एवं नृपाणां क्षितिभारजन्मनाम् अक्षौहिणीभिः परिवृत्ततेजसाम् विधाय वैरं श्वसनो यथानलं मिथो वधेनोपरतो निरायुधः
evaṃ nṛpāṇāṃ kṣitibhārajanmanām akṣauhiṇībhiḥ parivṛttatejasām vidhāya vairaṃ śvasano yathānalaṃ mitho vadhenoparato nirāyudhaḥ
Thus, having set at mutual enmity the kings who were born as a burden to the earth, whose power was surrounded by akṣauhiṇī armies — as the wind (sets) fire (against fire) — he desisted through their slaughter, himself bearing no weapon.
AI translation rendered from the Sanskrit, not a published edition
SB 1 11.36
स एष नरलोके ऽस्मिन्न् अवतीर्णः स्वमायया रेमे स्त्रीरत्नकूटस्थो भगवान् प्राकृतो यथा
sa eṣa naraloke 'sminn avatīrṇaḥ svamāyayā reme strīratnakūṭastho bhagavān prākṛto yathā
This very Lord, descended into this world of men by his own māyā, took his pleasure, situated amid a multitude of jewel-like women, like an ordinary man.
AI translation rendered from the Sanskrit, not a published edition
SB 1 11.37
उद्दामभावपिशुनामलवल्गुहास व्रीडावलोकनिहतो मदनो ऽपि यासाम् अम्प्;सम्मुह्य चापम् अजहात् प्रमदोत्तमास्ता यस्येन्द्रियं विमथितुं कुहकैर्न शेकुः
uddāmabhāvapiśunāmalavalguhāsa vrīḍāvalokanihato madano 'pi yāsām sammuhya cāpam ajahāt pramadottamāstā yasyendriyaṃ vimathituṃ kuhakairna śekuḥ
Those best of women, by whose pure lovely smile betraying unrestrained passion and by whose bashful glances even Madana was struck down, so that he grew bewildered and dropped his bow — they could not, with all their arts, shake his senses.
AI translation rendered from the Sanskrit, not a published edition
SB 1 11.38
तम् अयं मन्यते लोको ह्यसङ्गम् अपि सङ्गिनम् आत्मौपम्येन मनुजं व्यापृण्वानं यतो ऽबुधः
tam ayaṃ manyate loko hyasaṅgam api saṅginam ātmaupamyena manujaṃ vyāpṛṇvānaṃ yato 'budhaḥ
Though he is unattached, this world thinks him attached, and takes him for a man, judging by analogy with itself, because it is unknowing.
AI translation rendered from the Sanskrit, not a published edition
SB 1 11.39
एतदीशनम् ईशस्य प्रकृतिस्थो ऽपि तद्गुणैः न युज्यते सदात्मस्थैर्यथा बुद्धिस्तदाश्रया
etadīśanam īśasya prakṛtistho 'pi tadguṇaiḥ na yujyate sadātmasthairyathā buddhistadāśrayā
This is the lordliness of the Lord: though situated in material nature, he is not bound by its qualities — just as the intelligence which rests in him (is not), being fixed in the true self.
AI translation rendered from the Sanskrit, not a published edition — the model flagged this verse as uncertain
SB 1 11.40
तं मेनिरे ऽबला मूढाः स्त्रैणं चानुव्रतं रहः अप्रमाणविदो भर्तुरीश्वरं मतयो यथा
taṃ menire 'balā mūḍhāḥ straiṇaṃ cānuvrataṃ rahaḥ apramāṇavido bharturīśvaraṃ matayo yathā
The women, being foolish, thought him, who in private was devoted to them, to be dominated by women — not knowing the measure of their lord — just as thoughts (suppose they command) the mind that is their master.
AI translation rendered from the Sanskrit, not a published edition — the model flagged this verse as uncertain