Bhagavad Gita — Chapter 7
BG 7.1
श्री भगवानुवाच मय्यासक्तमनाः पार्थ योगं युञ्जन्मदाश्रयः। असंशयं समग्रं मां यथा ज्ञास्यसि तच्छृणु
śrī bhagavānuvāca mayyāsaktamanāḥ pārtha yogaṃ yuñjanmadāśrayaḥ| asaṃśayaṃ samagraṃ māṃ yathā jñāsyasi tacchṛṇu
The Blessed Lord said: With the mind clinging to me, O Pârtha, performing yoga, refuged in Me, how thou shalt without doubt know Me to the uttermost, that hear thou.
— tr. Annie Besant (1922) (public domain)
BG 7.2
ज्ञानं तेऽहं सविज्ञानमिदं वक्ष्याम्यशेषतः। यज्ज्ञात्वा नेह भूयोऽन्यज्ज्ञातव्यमवशिष्यते
jñānaṃ te'haṃ savijñānamidaṃ vakṣyāmyaśeṣataḥ| yajjñātvā neha bhūyo'nyajjñātavyamavaśiṣyate
I will declare to thee this knowledge and wisdom in its completeness, which, having known, there is nothing more here needeth to be known.
— tr. Annie Besant (1922) (public domain)
BG 7.3
मनुष्याणां सहस्रेषु कश्िचद्यतति सिद्धये। यततामपि सिद्धानां कश्िचन्मां वेत्ति तत्त्वतः
manuṣyāṇāṃ sahasreṣu kaśicadyatati siddhaye| yatatāmapi siddhānāṃ kaśicanmāṃ vetti tattvataḥ
Among thousands of men scarce one striveth for perfection; of the successful strivers scarce one knoweth Me in essence.
— tr. Annie Besant (1922) (public domain)
BG 7.4
भूमिरापोऽनलो वायुः खं मनो बुद्धिरेव च। अहङ्कार इतीयं मे भिन्ना प्रकृतिरष्टधा
bhūmirāpo'nalo vāyuḥ khaṃ mano buddhireva ca| ahaṅkāra itīyaṃ me bhinnā prakṛtiraṣṭadhā
Earth, water, fire, air, ether, Mind, and Reason also and Egoism—these are the eightfold division of My nature.
— tr. Annie Besant (1922) (public domain)
BG 7.5
अपरेयमितस्त्वन्यां प्रकृतिं विद्धि मे पराम्। जीवभूतां महाबाहो ययेदं धार्यते जगत्
apareyamitastvanyāṃ prakṛtiṃ viddhi me parām| jīvabhūtāṃ mahābāho yayedaṃ dhāryate jagat
This the inferior. Know My other nature, the higher, the life-element, O mighty-armed, by which the universe is upheld.
— tr. Annie Besant (1922) (public domain)
BG 7.6
एतद्योनीनि भूतानि सर्वाणीत्युपधारय। अहं कृत्स्नस्य जगतः प्रभवः प्रलयस्तथा
etadyonīni bhūtāni sarvāṇītyupadhāraya| ahaṃ kṛtsnasya jagataḥ prabhavaḥ pralayastathā
Know this to be the womb of all beings. I am the source of the forthgoing of the whole universe and likewise the place of its dissolving.
— tr. Annie Besant (1922) (public domain)
BG 7.7
मत्तः परतरं नान्यत्किञ्चिदस्ति धनञ्जय। मयि सर्वमिदं प्रोतं सूत्रे मणिगणा इव
mattaḥ parataraṃ nānyatkiñcidasti dhanañjaya| mayi sarvamidaṃ protaṃ sūtre maṇigaṇā iva
There is naught whatsoever higher than I, O Dhananjaya. All this is threaded on Me, as rows of pearls on a string.
— tr. Annie Besant (1922) (public domain)
BG 7.8
रसोऽहमप्सु कौन्तेय प्रभास्मि शशिसूर्ययोः। प्रणवः सर्ववेदेषु शब्दः खे पौरुषं नृषु
raso'hamapsu kaunteya prabhāsmi śaśisūryayoḥ| praṇavaḥ sarvavedeṣu śabdaḥ khe pauruṣaṃ nṛṣu
I the sapidity in waters, O son of Kuntî, I the radiance in moon and sun; the Word of Power in all the Vedas, sound in ether, and virility in men;
— tr. Annie Besant (1922) (public domain)
BG 7.9
पुण्यो गन्धः पृथिव्यां च तेजश्चास्मि विभावसौ। जीवनं सर्वभूतेषु तपश्चास्मि तपस्विषु
puṇyo gandhaḥ pṛthivyāṃ ca tejaścāsmi vibhāvasau| jīvanaṃ sarvabhūteṣu tapaścāsmi tapasviṣu
The pure fragrance of earths and the bril liance in fire am I; the life in all beings am I, and the austerity in ascetics.
— tr. Annie Besant (1922) (public domain)
BG 7.10
बीजं मां सर्वभूतानां विद्धि पार्थ सनातनम्। बुद्धिर्बुद्धिमतामस्मि तेजस्तेजस्विनामहम्
bījaṃ māṃ sarvabhūtānāṃ viddhi pārtha sanātanam| buddhirbuddhimatāmasmi tejastejasvināmaham
Know Me, O Pârtha! as the eternal seed of all beings. I am the Reason of the Reason-endowed, the splendour of splendid things am I.
— tr. Annie Besant (1922) (public domain)
BG 7.11
बलं बलवतां चाहं कामरागविवर्जितम्। धर्माविरुद्धो भूतेषु कामोऽस्मि भरतर्षभ
balaṃ balavatāṃ cāhaṃ kāmarāgavivarjitam| dharmāviruddho bhūteṣu kāmo'smi bharatarṣabha
And I the strength of the strong, devoid of desire and passion. In beings I am desire not contrary to duty, O Lord of the Bharatas.
— tr. Annie Besant (1922) (public domain)
BG 7.12
ये चैव सात्त्विका भावा राजसास्तामसाश्च ये। मत्त एवेति तान्विद्धि नत्वहं तेषु ते मयि
ye caiva sāttvikā bhāvā rājasāstāmasāśca ye| matta eveti tānviddhi natvahaṃ teṣu te mayi
The natures that are harmonious, active, slothful, these know as from Me; not I in them, but they in me.
— tr. Annie Besant (1922) (public domain)
BG 7.13
त्रिभिर्गुणमयैर्भावैरेभिः सर्वमिदं जगत्। मोहितं नाभिजानाति मामेभ्यः परमव्ययम्
tribhirguṇamayairbhāvairebhiḥ sarvamidaṃ jagat| mohitaṃ nābhijānāti māmebhyaḥ paramavyayam
All this world, deluded by these natures made by the three qualities, knoweth not Me, above these, imperishable.
— tr. Annie Besant (1922) (public domain)
BG 7.14
दैवी ह्येषा गुणमयी मम माया दुरत्यया। मामेव ये प्रपद्यन्ते मायामेतां तरन्ति ते
daivī hyeṣā guṇamayī mama māyā duratyayā| māmeva ye prapadyante māyāmetāṃ taranti te
This divine illusion of Mine, caused by the qualities, is hard to pierce; they who come to Me, they cross over this illusion.
— tr. Annie Besant (1922) (public domain)
BG 7.15
न मां दुष्कृतिनो मूढाः प्रपद्यन्ते नराधमाः। माययापहृतज्ञाना आसुरं भावमाश्रिताः
na māṃ duṣkṛtino mūḍhāḥ prapadyante narādhamāḥ| māyayāpahṛtajñānā āsuraṃ bhāvamāśritāḥ
The evil-doing, the deluded, the vilest men, they come not to Me, they whose wisdom is destroyed by illusion, who have embraced the nature of demons.
— tr. Annie Besant (1922) (public domain)
BG 7.16
चतुर्विधा भजन्ते मां जनाः सुकृतिनोऽर्जुन। आर्तो जिज्ञासुरर्थार्थी ज्ञानी च भरतर्षभ
caturvidhā bhajante māṃ janāḥ sukṛtino'rjuna| ārto jijñāsurarthārthī jñānī ca bharatarṣabha
Fourfold in division are the righteous ones who worship me, O Arjuna; the suffering, the seeker for knowledge, the self-interested and the wise, O Lord of the Bhâratas.
— tr. Annie Besant (1922) (public domain)
BG 7.17
तेषां ज्ञानी नित्ययुक्त एकभक्ितर्विशिष्यते। प्रियो हि ज्ञानिनोऽत्यर्थमहं स च मम प्रियः
teṣāṃ jñānī nityayukta ekabhakitarviśiṣyate| priyo hi jñānino'tyarthamahaṃ sa ca mama priyaḥ
Of these the wise, constantly harmonised, worshipping the One, is the best; I am supremely dear to the wise, and he is dear to Me.
— tr. Annie Besant (1922) (public domain)
BG 7.18
उदाराः सर्व एवैते ज्ञानी त्वात्मैव मे मतम्। आस्थितः स हि युक्तात्मा मामेवानुत्तमां गतिम्
udārāḥ sarva evaite jñānī tvātmaiva me matam| āsthitaḥ sa hi yuktātmā māmevānuttamāṃ gatim
Noble are all these, but I hold the wise as verily Myself; he, Self united, is fixed on Me, the highest Path.
— tr. Annie Besant (1922) (public domain)
BG 7.19
बहूनां जन्मनामन्ते ज्ञानवान्मां प्रपद्यते। वासुदेवः सर्वमिति स महात्मा सुदुर्लभः
bahūnāṃ janmanāmante jñānavānmāṃ prapadyate| vāsudevaḥ sarvamiti sa mahātmā sudurlabhaḥ
At the close of many births the man full of wisdom cometh unto Me; "Vâsudeva is all." saith he, the Mahâtmâ, very difficult to find.
— tr. Annie Besant (1922) (public domain)
BG 7.20
कामैस्तैस्तैर्हृतज्ञानाः प्रपद्यन्तेऽन्यदेवताः। तं तं नियममास्थाय प्रकृत्या नियताः स्वया
kāmaistaistairhṛtajñānāḥ prapadyante'nyadevatāḥ| taṃ taṃ niyamamāsthāya prakṛtyā niyatāḥ svayā
They whose wisdom hath been rent away by desires go forth to other Shining Ones, resorting to various external observances, according to their own natures.
— tr. Annie Besant (1922) (public domain)
BG 7.21
यो यो यां यां तनुं भक्तः श्रद्धयार्चितुमिच्छति। तस्य तस्याचलां श्रद्धां तामेव विदधाम्यहम्
yo yo yāṃ yāṃ tanuṃ bhaktaḥ śraddhayārcitumicchati| tasya tasyācalāṃ śraddhāṃ tāmeva vidadhāmyaham
Any devotee who seeketh to worship with faith any such aspect, I verily bestow the unswerving faith of that man.
— tr. Annie Besant (1922) (public domain)
BG 7.22
स तया श्रद्धया युक्तस्तस्याराधनमीहते। लभते च ततः कामान्मयैव विहितान् हि तान्
sa tayā śraddhayā yuktastasyārādhanamīhate| labhate ca tataḥ kāmānmayaiva vihitān hi tān
He endowed with that faith, seeketh the worship of such a one, and from him he obtaineth his desires, I verily decreeing the benefits;
— tr. Annie Besant (1922) (public domain)
BG 7.23
अन्तवत्तु फलं तेषां तद्भवत्यल्पमेधसाम्। देवान्देवयजो यान्ति मद्भक्ता यान्ति मामपि
antavattu phalaṃ teṣāṃ tadbhavatyalpamedhasām| devāndevayajo yānti madbhaktā yānti māmapi
Finite indeed the fruit that belongeth to those who are of small intelligence. To the Shining Ones go the worshippers of the Shining Ones, but my devotees come unto Me.
— tr. Annie Besant (1922) (public domain)
BG 7.24
अव्यक्तं व्यक्ितमापन्नं मन्यन्ते मामबुद्धयः। परं भावमजानन्तो ममाव्ययमनुत्तमम्
avyaktaṃ vyakitamāpannaṃ manyante māmabuddhayaḥ| paraṃ bhāvamajānanto mamāvyayamanuttamam
Those devoid of Reason think of Me, the unmanifest, as having manifestation, knowing not My supreme nature, imperishable, most excellent.
— tr. Annie Besant (1922) (public domain)
BG 7.25
नाहं प्रकाशः सर्वस्य योगमायासमावृतः। मूढोऽयं नाभिजानाति लोको मामजमव्ययम्
nāhaṃ prakāśaḥ sarvasya yogamāyāsamāvṛtaḥ| mūḍho'yaṃ nābhijānāti loko māmajamavyayam
Nor am I of all discovered, enveloped in My creation-illusion. This deluded world knoweth Me not, the unborn, the imperishable.
— tr. Annie Besant (1922) (public domain)
BG 7.26
वेदाहं समतीतानि वर्तमानानि चार्जुन। भविष्याणि च भूतानि मां तु वेद न कश्चन
vedāhaṃ samatītāni vartamānāni cārjuna| bhaviṣyāṇi ca bhūtāni māṃ tu veda na kaścana
I know the beings that are past, that are present, that are to come, O Arjuna, but no one knoweth Me.
— tr. Annie Besant (1922) (public domain)
BG 7.27
इच्छाद्वेषसमुत्थेन द्वन्द्वमोहेन भारत। सर्वभूतानि संमोहं सर्गे यान्ति परन्तप
icchādveṣasamutthena dvandvamohena bhārata| sarvabhūtāni saṃmohaṃ sarge yānti parantapa
By the delusion of the pairs of opposites, sprung from attraction and repulsion, O Bhârata, all beings walk this universe wholly deluded, O Parantapa.
— tr. Annie Besant (1922) (public domain)
BG 7.28
येषां त्वन्तगतं पापं जनानां पुण्यकर्मणाम्। ते द्वन्द्वमोहनिर्मुक्ता भजन्ते मां दृढव्रताः
yeṣāṃ tvantagataṃ pāpaṃ janānāṃ puṇyakarmaṇām| te dvandvamohanirmuktā bhajante māṃ dṛḍhavratāḥ
But those men of pure deeds, in whom sin is come to an end, they, freed from the delusive pairs of opposites, worship Me, steadfast in vows.
— tr. Annie Besant (1922) (public domain)
BG 7.29
जरामरणमोक्षाय मामाश्रित्य यतन्ति ये। ते ब्रह्म तद्विदुः कृत्स्नमध्यात्मं कर्म चाखिलम्
jarāmaraṇamokṣāya māmāśritya yatanti ye| te brahma tadviduḥ kṛtsnamadhyātmaṃ karma cākhilam
They who, refuged in Me, strive for liberation from birth and death, they know the Eternal , the whole Self -knowledge, and all action.
— tr. Annie Besant (1922) (public domain)
BG 7.30
साधिभूताधिदैवं मां साधियज्ञं च ये विदुः। प्रयाणकालेऽपि च मां ते विदुर्युक्तचेतसः
sādhibhūtādhidaivaṃ māṃ sādhiyajñaṃ ca ye viduḥ| prayāṇakāle'pi ca māṃ te viduryuktacetasaḥ
They who know Me as the knowledge of the elements, as that of the Shining Ones, and as that of the Sacrifice, they harmonised in mind, know Me verily even in the time of forthgoing.
— tr. Annie Besant (1922) (public domain)