Atharvaveda Samhita — Kanda 8 — Chapter 10

AV 8 10.1

विराड् वा इदम् अग्र आसीत् तस्या जातायाः सर्वम् अबिभेद् इयम् एवेदं भविष्यतीति

virāḍ vā idam agra āsīt tasyā jātāyāḥ sarvam abibhed iyam evedaṃ bhaviṣyatīti

Virāj indeed was this in the beginning; when she was born, everything feared her, (thinking) "she alone will become this (all)."

AI translation rendered from the Sanskrit, not a published edition

AV 8 10.2

सोद् अक्रामत् सा गार्हपत्ये न्य् अक्रामत् । गृहमेधी गृहपतिर् भवति य एवं वेद

sod akrāmat sā gārhapatye ny akrāmat | gṛhamedhī gṛhapatir bhavati ya evaṃ veda

She strode forth; she strode down into the gārhapatya fire. He who knows thus becomes a householder-sacrificer, a lord of the house.

AI translation rendered from the Sanskrit, not a published edition

AV 8 10.3

सोद् अक्रामत् साहवनीये न्य् अक्रामत् । यन्त्य् अस्य देवा देवहूतिं प्रियो देवानां भवति य एवं वेद

sod akrāmat sāhavanīye ny akrāmat | yanty asya devā devahūtiṃ priyo devānāṃ bhavati ya evaṃ veda

She strode forth; she strode down into the āhavanīya fire. The gods come to his call to the gods; he who knows thus becomes dear to the gods.

AI translation rendered from the Sanskrit, not a published edition

AV 8 10.4

सोद् अक्रामत् सा दक्षिणाग्नौ न्य् अक्रामत् । यज्ञर्तो दक्षिणीयो वासतेयो भवति य एवं वेद

sod akrāmat sā dakṣiṇāgnau ny akrāmat | yajñarto dakṣiṇīyo vāsateyo bhavati ya evaṃ veda

She strode forth; she strode down into the dakṣiṇa fire. He who knows thus becomes fit for the sacrificial season, worthy of the dakṣiṇā, and one who gives lodging.

AI translation rendered from the Sanskrit, not a published edition — the model flagged this verse as uncertain

AV 8 10.5

सोद् अक्रामत् सा सभायां न्य् अक्रामत् । यन्त्य् अस्य सभां सभ्यो भवति य एवं वेद

sod akrāmat sā sabhāyāṃ ny akrāmat | yanty asya sabhāṃ sabhyo bhavati ya evaṃ veda

She strode forth; she strode down into the assembly (sabhā). They come to his assembly; he who knows thus becomes fit for the assembly.

AI translation rendered from the Sanskrit, not a published edition

AV 8 10.6

सोद् अक्रामत् सा समितौ न्य् अक्रामत् । यन्त्य् अस्य समितिं सामित्यो भवति य एवं वेद

sod akrāmat sā samitau ny akrāmat | yanty asya samitiṃ sāmityo bhavati ya evaṃ veda

She strode forth; she strode down into the council (samiti). They come to his council; he who knows thus becomes fit for the council.

AI translation rendered from the Sanskrit, not a published edition

AV 8 10.7

सोद् अक्रामत् सामन्त्रणे न्य् अक्रामत् । यन्त्य् अस्यामन्त्रणम् आमन्त्रणीयो भवति य एवं वेद

sod akrāmat sāmantraṇe ny akrāmat | yanty asyāmantraṇam āmantraṇīyo bhavati ya evaṃ veda

She strode forth; she strode down into the invitation (āmantraṇa). They come to his invitation; he who knows thus becomes worthy of being invited.

AI translation rendered from the Sanskrit, not a published edition

AV 8 10.8

सोद् अक्रामत् सान्तरिक्षे चतुर्धा विक्रान्तातिष्ठत्

sod akrāmat sāntarikṣe caturdhā vikrāntātiṣṭhat

She strode forth; she stood in the midspace, strode apart fourfold.

AI translation rendered from the Sanskrit, not a published edition

AV 8 10.9

तां देवमनुष्या अब्रुवन्न् इयम् एव तद् वेद यद् उभय उपजीवेमेमाम् उप ह्वयामहा इति

tāṃ devamanuṣyā abruvann iyam eva tad veda yad ubhaya upajīvememām upa hvayāmahā iti

Of her the gods and men said: "She indeed knows that by which both (classes) live; let us call her to us."

AI translation rendered from the Sanskrit, not a published edition

AV 8 10.10

ताम् उपाह्वयन्त

tām upāhvayanta

They called her to them.

AI translation rendered from the Sanskrit, not a published edition

AV 8 10.11

ऊर्ज एहि स्वध एहि सूनृत एहीरावत्य् एहीति

ūrja ehi svadha ehi sūnṛta ehīrāvaty ehīti

"O nourishment, come! O svadhā, come! O sūnṛtā (bounty), come! O refreshment-bearing one, come!"

AI translation rendered from the Sanskrit, not a published edition

AV 8 10.12

तस्या इन्द्रो वत्स आसीद् गायत्र्य् अभिधान्य् अभ्रम् ऊधः

tasyā indro vatsa āsīd gāyatry abhidhāny abhram ūdhaḥ

Of her Indra was the calf, the gāyatrī the halter, the cloud the udder.

AI translation rendered from the Sanskrit, not a published edition

AV 8 10.13

बृहच् च रथंतरं च द्वौ स्तनाव् आस्तां यज्ञायज्ञियं च वामदेव्यं च द्वौ

bṛhac ca rathaṃtaraṃ ca dvau stanāv āstāṃ yajñāyajñiyaṃ ca vāmadevyaṃ ca dvau

The bṛhat and the rathaṃtara were two teats, and the yajñāyajñiya and the vāmadevya two.

AI translation rendered from the Sanskrit, not a published edition

AV 8 10.14

ओषधीर् एव रथंतरेण देवा अदुह्रन् व्यचो बृहता

oṣadhīr eva rathaṃtareṇa devā aduhran vyaco bṛhatā

With the Rathaṃtara the gods milked out the plants, with the Bṛhat the expanse.

AI translation rendered from the Sanskrit, not a published edition

AV 8 10.15

अपो वामदेव्येन यज्ञं यज्ञायज्ञियेन

apo vāmadevyena yajñaṃ yajñāyajñiyena

With the Vāmadevya the waters, with the Yajñāyajñiya the sacrifice.

AI translation rendered from the Sanskrit, not a published edition

AV 8 10.16

ओषधीर् एवास्मै रथंतरं दुहे व्यचो बृहत्

oṣadhīr evāsmai rathaṃtaraṃ duhe vyaco bṛhat

For him the Rathaṃtara yields the plants, the Bṛhat the expanse,

AI translation rendered from the Sanskrit, not a published edition

AV 8 10.17

अपो वामदेव्यं यज्ञं यज्ञायज्ञियं य वेद

apo vāmadevyaṃ yajñaṃ yajñāyajñiyaṃ ya veda

the Vāmadevya the waters, the Yajñāyajñiya the sacrifice — (for him) who knows (this).

AI translation rendered from the Sanskrit, not a published edition

AV 8 10.18

सोद् अक्रामत् सा वनस्पतीन् आगछत् तां वनस्पतयो ऽघ्नत सा संवत्सरे सम् अभवत् । तस्माद् वनस्पतीनां संवत्सरे वृक्णम् अपि रोहति वृश्चते ऽस्याप्रियो भ्रातृव्यो य एवं वेद

sod akrāmat sā vanaspatīn āgachat tāṃ vanaspatayo 'ghnata sā saṃvatsare sam abhavat | tasmād vanaspatīnāṃ saṃvatsare vṛkṇam api rohati vṛścate 'syāpriyo bhrātṛvyo ya evaṃ veda

She stepped away; she came to the trees. The trees killed her. She came together again in a year. Therefore what is cut off of the trees grows again in a year. His unloved rival is cut down, (for him) who knows thus.

AI translation rendered from the Sanskrit, not a published edition

AV 8 10.19

सोद् अक्रामत् सा पितॄन् आगछत् तां पितरो ऽघ्नत सा मासि सम् अभवत् । तस्मात् पितृभ्यो मास्य् उपमास्यं ददति प्र पितृयाणं पन्थां जानाति य एवं वेद

sod akrāmat sā pitṝn āgachat tāṃ pitaro 'ghnata sā māsi sam abhavat | tasmāt pitṛbhyo māsy upamāsyaṃ dadati pra pitṛyāṇaṃ panthāṃ jānāti ya evaṃ veda

She stepped away; she came to the Fathers. The Fathers killed her. She came together again in a month. Therefore they give to the Fathers month by month, at each successive month. He knows in advance the path that leads to the Fathers, (he) who knows thus.

AI translation rendered from the Sanskrit, not a published edition

AV 8 10.20

सोद् अक्रामत् सा देवान् आगछत् तां देवा अघ्नत सार्धमासे सम् अभवत् । तस्माद् देवेभ्यो ऽर्धमासे वषट् कुर्वन्ति प्र देवयानं पन्थां जानाति य एवं वेद

sod akrāmat sā devān āgachat tāṃ devā aghnata sārdhamāse sam abhavat | tasmād devebhyo 'rdhamāse vaṣaṭ kurvanti pra devayānaṃ panthāṃ jānāti ya evaṃ veda

She stepped away; she came to the gods. The gods killed her. She came together again in a half-month. Therefore they make the call 'vaṣaṭ' for the gods at the half-month. He knows in advance the path that leads to the gods, (he) who knows thus.

AI translation rendered from the Sanskrit, not a published edition

AV 8 10.21

सोद् अक्रामत् सा मनुष्यान् आगछत् तां मनुष्या अघ्नत सा सद्यः सम् अभवत् । तस्मान् मनुष्येभ्य उभयद्युर् उप हरन्त्य् उपास्य गृहे हरन्ति य एवं वेद

sod akrāmat sā manuṣyān āgachat tāṃ manuṣyā aghnata sā sadyaḥ sam abhavat | tasmān manuṣyebhya ubhayadyur upa haranty upāsya gṛhe haranti ya evaṃ veda

She stepped away; she came to men. Men killed her. She came together again the same day. Therefore they bring (offerings) to men on both days; and one brings (them) into his house, (for him) who knows thus.

AI translation rendered from the Sanskrit, not a published edition

AV 8 10.22

सोद् अक्रामत् सासुरान् आगछत् ताम् असुरा उपाह्वयन्त माय एहीति । तस्या विरोचनः प्राह्रादिर् वत्स आसीद् अयस्पात्रं पात्रम् । तां द्विमूर्धार्त्व्यो ऽधोक् तां मायाम् एवाधोक् । तां मायाम् असुरा उप जीवन्त्य् उपजीवनीयो भवति य एवं वेद

sod akrāmat sāsurān āgachat tām asurā upāhvayanta māya ehīti | tasyā virocanaḥ prāhrādir vatsa āsīd ayaspātraṃ pātram | tāṃ dvimūrdhārtvyo 'dhok tāṃ māyām evādhok | tāṃ māyām asurā upa jīvanty upajīvanīyo bhavati ya evaṃ veda

She stepped away; she came to the Asuras. The Asuras called her to them: "Māyā, come!" Her calf was Virocana son of Prahrāda; the vessel was an iron vessel. Dvimūrdhan son of Ṛtu milked her; he milked out of her just māyā. On that māyā the Asuras live; he becomes one to be lived upon, (he) who knows thus.

AI translation rendered from the Sanskrit, not a published edition

AV 8 10.23

सोद् अक्रामत् सा पितॄन् आगछत् तां पितर उपाह्वयन्त स्वध एहीति । तस्या यमो राजा वत्स आसीद् रजतपात्रं पात्रम् । ताम् अन्तको मार्त्यवो ऽधोक् तां स्वधाम् एवाधोक् । तां स्वधां पितर उप जीवन्त्य् उपजीवनीयो भवति य एवं वेद

sod akrāmat sā pitṝn āgachat tāṃ pitara upāhvayanta svadha ehīti | tasyā yamo rājā vatsa āsīd rajatapātraṃ pātram | tām antako mārtyavo 'dhok tāṃ svadhām evādhok | tāṃ svadhāṃ pitara upa jīvanty upajīvanīyo bhavati ya evaṃ veda

She stepped away; she came to the Fathers. The Fathers called her to them: "Svadhā, come!" Her calf was king Yama; the vessel was a silver vessel. Antaka son of Mṛtyu milked her; he milked out of her just svadhā. On that svadhā the Fathers live; he becomes one to be lived upon, (he) who knows thus.

AI translation rendered from the Sanskrit, not a published edition

AV 8 10.24

सोद् अक्रामत् सा मनुष्यान् आगछत् तां मनुष्या उपाह्वयन्तेरावत्य् एहीति । तस्या मनुर् वैवस्वतो वत्स आसीत् पृथिवी पात्रम् । तां पृथी वैन्यो ऽधोक् तां कृषिं च सस्यं चाधोक् । ते स्वधां कृषिं च सस्यं च मनुष्या उप जीवन्ति कृष्टराधिर् उपजीवनीयो भवति य एवं वेद

sod akrāmat sā manuṣyān āgachat tāṃ manuṣyā upāhvayanterāvaty ehīti | tasyā manur vaivasvato vatsa āsīt pṛthivī pātram | tāṃ pṛthī vainyo 'dhok tāṃ kṛṣiṃ ca sasyaṃ cādhok | te svadhāṃ kṛṣiṃ ca sasyaṃ ca manuṣyā upa jīvanti kṛṣṭarādhir upajīvanīyo bhavati ya evaṃ veda

She stepped away; she came to men. Men called her to them: "Irāvatī, come!" Her calf was Manu son of Vivasvan; the earth was the vessel. Pṛthī son of Vena milked her; he milked out of her ploughing and grain. On that svadhā, on ploughing and grain, men live. He becomes one who prospers by ploughing, one to be lived upon, (he) who knows thus.

AI translation rendered from the Sanskrit, not a published edition

AV 8 10.25

सोद् अक्रामत् सा सप्तऋषीन् आगछत् तां सप्तऋषय उपाह्वयन्त ब्रह्मण्वत्य् एहीति । तस्याः सोमो राजा वत्स आसीच् छन्दः पात्रम् । तां बृहस्पतिर् आङ्गिरसो ऽधोक् तां ब्रह्म च तपश् चाधोक् । तद् ब्रह्म च तपश् च सप्तऋषय उप जीवन्ति ब्रह्मवर्चस्य् उपजीवनीयो भवति य एवं वेद

sod akrāmat sā saptaṛṣīn āgachat tāṃ saptaṛṣaya upāhvayanta brahmaṇvaty ehīti | tasyāḥ somo rājā vatsa āsīc chandaḥ pātram | tāṃ bṛhaspatir āṅgiraso 'dhok tāṃ brahma ca tapaś cādhok | tad brahma ca tapaś ca saptaṛṣaya upa jīvanti brahmavarcasy upajīvanīyo bhavati ya evaṃ veda

She stepped away; she came to the seven ṛṣis. The seven ṛṣis called her to them: "Brahmaṇvatī, come!" Her calf was king Soma; metre was the vessel. Bṛhaspati son of Aṅgiras milked her; he milked out of her brahman and tapas. On that brahman and tapas the seven ṛṣis live. He becomes one splendid with brahman, one to be lived upon, (he) who knows thus.

AI translation rendered from the Sanskrit, not a published edition

AV 8 10.26

सोद् अक्रामत् सा देवान् आगछत् तां देवा उपाह्वयन्तोर्ज एहीति । तस्या इन्द्रो वत्स आसीच् चमसः पात्रम् । तां देवः सविताधोक् ताम् ऊर्जाम् एवाधोक् । तां ऊर्जां देवा उप जीवन्त्य् उपजीवनीयो भवति य एवं वेद

sod akrāmat sā devān āgachat tāṃ devā upāhvayantorja ehīti | tasyā indro vatsa āsīc camasaḥ pātram | tāṃ devaḥ savitādhok tām ūrjām evādhok | tāṃ ūrjāṃ devā upa jīvanty upajīvanīyo bhavati ya evaṃ veda

She stepped away; she came to the gods. The gods called her to them: "Ūrjā, come!" Her calf was Indra; a cup was the vessel. The god Savitṛ milked her; he milked out of her just ūrjā (nourishment). On that ūrjā the gods live; he becomes one to be lived upon, (he) who knows thus.

AI translation rendered from the Sanskrit, not a published edition

AV 8 10.27

सोद् अक्रामत् सा गन्धर्वाप्सरस आगछत् तां गन्धर्वाप्सरस उपाह्वयन्त पुण्यगन्ध एहीति । तस्याश् चित्ररथः सौर्यवर्चसो वत्स आसीत् पुष्करपर्णं पात्रम् । तां वसुरुचिः सौर्यवर्चसो ऽधोक् तां पुण्यम् एव गन्धम् अधोक् । तं पुण्यं गन्धं गन्धर्वाप्सरस उप जीवन्ति पुण्यगन्धिर् उपजीवनीयो भवति य एवं वेद

sod akrāmat sā gandharvāpsarasa āgachat tāṃ gandharvāpsarasa upāhvayanta puṇyagandha ehīti | tasyāś citrarathaḥ sauryavarcaso vatsa āsīt puṣkaraparṇaṃ pātram | tāṃ vasuruciḥ sauryavarcaso 'dhok tāṃ puṇyam eva gandham adhok | taṃ puṇyaṃ gandhaṃ gandharvāpsarasa upa jīvanti puṇyagandhir upajīvanīyo bhavati ya evaṃ veda

She stepped away; she came to the Gandharvas and Apsarases. The Gandharvas and Apsarases called her to them: "Puṇyagandhā (fragrant one), come!" Her calf was Citraratha of the Sūryavarcas clan; a lotus leaf was the vessel. Vasuruci of the Sūryavarcas clan milked her; he milked out of her just pure fragrance. On that pure fragrance the Gandharvas and Apsarases live; he becomes fragrant, one to be lived upon, (he) who knows thus.

AI translation rendered from the Sanskrit, not a published edition

AV 8 10.28

सोद् अक्रामत् सेतरजनान् आगछत् ताम् इतरजना उपाह्वयन्त तिरोध एहीति । तस्याः कुबेरो वैश्रवणो वत्स आसीद् आमपात्रं पात्रम् । तां रजतनाभिः कबेरको ऽधोक् तां तिरोधाम् एवाधोक् । तां तिरोधाम् अतिरजना पितर उप जीवन्ति तिरो धत्ते सर्वं पाप्मानम् उपजीवनीयो भवति य एवं वेद

sod akrāmat setarajanān āgachat tām itarajanā upāhvayanta tirodha ehīti | tasyāḥ kubero vaiśravaṇo vatsa āsīd āmapātraṃ pātram | tāṃ rajatanābhiḥ kaberako 'dhok tāṃ tirodhām evādhok | tāṃ tirodhām atirajanā pitara upa jīvanti tiro dhatte sarvaṃ pāpmānam upajīvanīyo bhavati ya evaṃ veda

She stepped away; she came to the other folk. The other folk called her to them: "Tirodhā (concealment), come!" Her calf was Kubera son of Viśravas; an unbaked vessel was the vessel. Rajatanābhi the Kubera-descendant milked her; he milked out of her just concealment. On that concealment the other folk live. He puts out of sight all evil; he becomes one to be lived upon, (he) who knows thus.

AI translation rendered from the Sanskrit, not a published edition — the model flagged this verse as uncertain

AV 8 10.29

सोद् अक्रामत् सा सर्पान् आगछत् तां सर्पा उपाह्वयन्त विषवत्य् एहीति । तस्यास् तक्षको वैशलेयो वत्स आसीद् अलाबुपात्रं पात्रं । तां धृतराष्ट्र ऐरावतो ऽधोक् तां विषम् एवाधोक् । तद् विषं सर्वा उप जीवन्त्य् उपजीवनीयो भवति य एवं वेद

sod akrāmat sā sarpān āgachat tāṃ sarpā upāhvayanta viṣavaty ehīti | tasyās takṣako vaiśaleyo vatsa āsīd alābupātraṃ pātraṃ | tāṃ dhṛtarāṣṭra airāvato 'dhok tāṃ viṣam evādhok | tad viṣaṃ sarvā upa jīvanty upajīvanīyo bhavati ya evaṃ veda

She stepped away; she came to the serpents. The serpents called her to them: "Viṣavatī (poisonous one), come!" Her calf was Takṣaka son of Viśāla; a gourd vessel was the vessel. Dhṛtarāṣṭra son of Irāvat milked her; he milked out of her just poison. On that poison the serpents live; he becomes one to be lived upon, (he) who knows thus.

AI translation rendered from the Sanskrit, not a published edition

AV 8 10.30

तद् यस्मा एवं विदुषे ऽलाबुनाभिषिञ्चेत् प्रत्याहन्यात्

tad yasmā evaṃ viduṣe 'lābunābhiṣiñcet pratyāhanyāt

Now, whoever should sprinkle with a gourd one who knows thus — he should strike back at him.

AI translation rendered from the Sanskrit, not a published edition — the model flagged this verse as uncertain

AV 8 10.31

न च प्रत्याहन्यान् मनसा त्वा प्रत्याहन्मीति प्रत्याहन्यात्

na ca pratyāhanyān manasā tvā pratyāhanmīti pratyāhanyāt

And he should not strike back (in deed); he should strike back (only) saying "With my mind I strike you back."

AI translation rendered from the Sanskrit, not a published edition

AV 8 10.32

यत् प्रत्याहन्ति विषम् एव तत् प्रत्याहन्ति

yat pratyāhanti viṣam eva tat pratyāhanti

When he strikes back, it is just poison that he strikes back.

AI translation rendered from the Sanskrit, not a published edition

AV 8 10.33

विषम् एवास्याप्रियं भ्रातृव्यम् अनुविषिच्यते य एवं वेद

viṣam evāsyāpriyaṃ bhrātṛvyam anuviṣicyate ya evaṃ veda

It is just poison that is poured out upon his unloved rival, (for him) who knows thus.

AI translation rendered from the Sanskrit, not a published edition