Atharvaveda Samhita — Kanda 19 — Chapter 53

AV 19 53.1

कालो अश्वो वहति सप्तरश्मिः सहस्राक्षो अजरो भूरिरेताः । तम् आ रोहन्ति कवयो विपश्चितस् तस्य चक्रा भुवनानि विश्वा

kālo aśvo vahati saptaraśmiḥ sahasrākṣo ajaro bhūriretāḥ | tam ā rohanti kavayo vipaścitas tasya cakrā bhuvanāni viśvā

Time drives on as a horse with seven reins, thousand-eyed, unaging, rich in seed. Him the inspired seers mount; all the worlds are his wheels.

AI translation rendered from the Sanskrit, not a published edition

AV 19 53.2

सप्त चक्रान् वहति काल एष सप्तास्य नाभीर् अमृतं न्व् अक्षः । स इमा विश्वा भुवनान्य् अञ्जत् कालः स ईयते प्रथमो नु देवः

sapta cakrān vahati kāla eṣa saptāsya nābhīr amṛtaṃ nv akṣaḥ | sa imā viśvā bhuvanāny añjat kālaḥ sa īyate prathamo nu devaḥ

Seven wheels does this Time draw; seven are his navels, and his axle is immortality. He goes forth anointing all these worlds; Time, he moves as the first god.

AI translation rendered from the Sanskrit, not a published edition

AV 19 53.3

पूर्णः कुम्भो ऽधि काल आहितस् तं वै पश्यामो बहुधा नु सन्तम् । स इमा विश्वा भुवनानि प्रत्यङ् कालं तम् आहुः परमे व्योमन्

pūrṇaḥ kumbho 'dhi kāla āhitas taṃ vai paśyāmo bahudhā nu santam | sa imā viśvā bhuvanāni pratyaṅ kālaṃ tam āhuḥ parame vyoman

A full jar is set upon Time; him indeed we behold, though he exists in many forms. He faces all these worlds; him they call Time in the highest heaven.

AI translation rendered from the Sanskrit, not a published edition

AV 19 53.4

स एव सं भुवनान्य् आभरत् स एव सं भुवनानि पर्य् ऐत् । पिता सन्न् अभवत् पुत्र एषां तस्माद् वै नान्यत् परम् अस्ति तेजः

sa eva saṃ bhuvanāny ābharat sa eva saṃ bhuvanāni pary ait | pitā sann abhavat putra eṣāṃ tasmād vai nānyat param asti tejaḥ

He alone brought the worlds together; he alone encompassed the worlds. Being the father, he became their son; there is indeed no other splendour higher than he.

AI translation rendered from the Sanskrit, not a published edition

AV 19 53.5

कालो ऽमूं दिवम् अजनयत् काल इमाः पृथिवीर् उत । काले ह भूतं भव्यं चेषितं ह वि तिष्ठते

kālo 'mūṃ divam ajanayat kāla imāḥ pṛthivīr uta | kāle ha bhūtaṃ bhavyaṃ ceṣitaṃ ha vi tiṣṭhate

Time begot yonder sky, Time also these earths. In Time what has been and what is to be, impelled, spreads apart.

AI translation rendered from the Sanskrit, not a published edition

AV 19 53.6

कालो भूतिम् असृजत काले तपति सूर्यः । काले ह विश्वा भूतानि काले चक्षुर् वि पश्यति

kālo bhūtim asṛjata kāle tapati sūryaḥ | kāle ha viśvā bhūtāni kāle cakṣur vi paśyati

Time created what exists; in Time the sun burns. In Time are all beings; in Time the eye sees abroad.

AI translation rendered from the Sanskrit, not a published edition

AV 19 53.7

काले मनः काले प्राणः काले नाम समाहितम् । कालेन सर्वा नन्दन्त्य् आगतेन प्रजा इमाः

kāle manaḥ kāle prāṇaḥ kāle nāma samāhitam | kālena sarvā nandanty āgatena prajā imāḥ

In Time is mind, in Time breath, in Time name is fixed together. When Time has come, all these creatures rejoice.

AI translation rendered from the Sanskrit, not a published edition

AV 19 53.8

काले तपः काले ज्येष्ठम् काले ब्रह्म समाहितम् । कालो ह सर्वस्येश्वरो यः पितासीत् प्रजापतेः

kāle tapaḥ kāle jyeṣṭham kāle brahma samāhitam | kālo ha sarvasyeśvaro yaḥ pitāsīt prajāpateḥ

In Time is tapas, in Time the eldest, in Time brahman is fixed together. Time indeed is lord of all, he who was the father of Prajāpati.

AI translation rendered from the Sanskrit, not a published edition

AV 19 53.9

तेनेषितं तेन जातं तद् उ तस्मिन् प्रतिष्ठितम् । कालो ह ब्रह्म भूत्वा बिभर्ति परमेष्ठिनम्

teneṣitaṃ tena jātaṃ tad u tasmin pratiṣṭhitam | kālo ha brahma bhūtvā bibharti parameṣṭhinam

By him it was impelled, from him it was born, and in him it is established. Time, having become brahman, bears Parameṣṭhin.

AI translation rendered from the Sanskrit, not a published edition

AV 19 53.10

कालः प्रजा असृजत कालो अग्रे प्रजापतिम् । स्वयंभूः कश्यपः कालात् तपः कालाद् अजायत

kālaḥ prajā asṛjata kālo agre prajāpatim | svayaṃbhūḥ kaśyapaḥ kālāt tapaḥ kālād ajāyata

Time created the creatures, and Time in the beginning Prajāpati. From Time the self-existent Kaśyapa, from Time tapas was born.

AI translation rendered from the Sanskrit, not a published edition